నేడే ప్రమాణస్వీకారం

● చైర్‌పర్సన్‌, వైస్‌చైర్మన్‌ ఎన్నిక ప్రక్రియ కూడా.. ● ఏర్పాట్లు పూర్తి చేసిన అధికారులు ● కౌన్సిల్‌ హాల్‌కు చేరుకున్న కౌన్సిలర్లు తొలుత వారికి కేటాయించిన కుర్చీల్లో కూర్చుంటారు. బీజేపీ, కాంగ్రెస్‌, బీఆర్‌ఎస్‌, ఏఐఎంఐఎం, ఇండిపెండెంట్లు ఇలా వేర్వేరుగా వారి సంఖ్యకు అనుగుణంగా కుర్చీలను ఏర్పాటు చేశారు. వాటికి వారి పేర్లతో కూడిన స్టిక్కర్లను ఉంచారు. ● 11 గంటలకు ప్రమాణ స్వీకార ప్రక్రియ షురూ కానుంది. 49వార్డుల్లో గెలుపొందిన కౌన్సిలర్లతో తెలుగు అక్షర క్రమంలో ప్రమాణ స్వీకారం చేయించనున్నారు. ఈ ప్రక్రియకు ముందే ఆయా పార్టీలు తమ విప్‌లను జారీ చేస్తూ అధికారులకు వారి వివరాలు అందజేయాల్సి ఉంటుంది. ● ప్రమాణ స్వీకార ప్రక్రియ పూర్తయ్యాక మధ్యాహ్నం 12.30 గంటలకు చైర్‌పర్సన్‌ ఎన్నిక నిర్వహిస్తారు. ఇందుకోసం కోరంను పరిగణలోకి తీసుకుంటారు. 49మందిలో సగం అంటే 26 మంది హాజరుకావాల్సి ఉంటుంది. ఆ సంఖ్య ఉన్నట్‌లైతే ఎన్నిక నిర్వహిస్తారు. చేతులెత్తే విధానంలో ఎన్నుకుంటారు. నిర్ణీత మ్యాజిక్‌ ఫిగర్‌ పొందిన వారిని చైర్‌పర్సన్‌గా ప్రకటిస్తారు. అనంతరం వైస్‌చైర్మన్‌ ఎన్నికను అదే విధానంలో నిర్వహిస్తారు. ఎన్నికై న వారికి సర్టిఫికెట్లు అందజేయనున్నారు. అనంతరం వారితోనూ ప్రమాణ స్వీకారం చేయిస్తారు. ● ఈ ప్రక్రియను ఆధ్యంతం వీడియోగ్రఫీ చేయనున్నారు. వెబ్‌ కాస్టింగ్‌ ద్వారానూ పరిశీలించనున్నారు. కౌన్సిలర్లు, ప్రక్రియ నిర్వహించే అధికారులు, సిబ్బంది మినహా ఇతరులెవరినీ లోపలికి అనుమతించరు. ● ఈ ఎన్నిక ప్రక్రియ ప్రఽశాంతంగా సాగేలా 200 మంది పోలీసులతో పకడ్బందీ బందోబస్తు ఏర్పాటు చేస్తున్నారు. ఈ ఏర్పాట్లను డీఎస్పీ ఎల్‌.జీవన్‌ రెడ్డి పరిశీలించారు.