సమ్మర్ పేరు చెప్పగానే పిల్లలకు సెలవులు గుర్తొస్తాయి. వయసైన పెద్దోళ్లకు టూర్స్ గుర్తొస్తాయి. అదే మూవీ లవర్స్‌కు మాత్రం కొత్త సినిమాలే గుర్తొస్తాయి.  ఏ వారం ఏ కొత్త సినిమా రిలీజ్ అవుతుందా? దాన్ని ఎప్పుడెప్పుడు చూద్దామా అని తెగ ఎదురుచూసేవాళ్లు. గత కొన్నేళ‍్లుగా వేసవికి తెలుగు బాక్సాఫీస్ కళకళలాడిపోయింది. ఈసారి మాత్రం సందడి, హడావుడి ఏం లేకుండానే గడిచిపోయింది. భారీ బడ్జెట్ సినిమాలు తీసే దర్శకనిర్మాతలు.. సంక్రాంతి, సమ్మర్, దసరా పండగ లాంటి వాటిని టార్గెట్ చేసుకుని మూవీస్ తీస్తుంటారు. ఈసారి సంక్రాంతికి చిరు-బాలయ్య హిట్స్ కొట్టేశారు. మార్చి చివర్లో నాని కూడా హిట్ కొట్టేశాడు. పాన్ ఇండియా చిత్రాలతో పెద్ద హీరోలందరూ బిజీ అయిపోవడంతో వాళ్లెవరివీ ఈసారి సమ్మర్ కు రిలీజ్ కాలేదు.  ఇది మీడియం రేంజ్ హీరోలకు వరమైంది. కానీ దాన్ని వాళ్లు సరిగా వినియోగించుకోలేకపోయారు.  (ఇదీ చదవండి: ఒక్క యాడ్ కోసం జూనియర్‌ ఎన్టీఆర్‌కు అన్ని కోట్లా?) ఏప్రిల్ నెలని తీసుకుంటే.. తొలివారంలో రవితేజ 'రావణాసుర', కిరణ్ అబ్బవరం 'మీటర్' మూవీతో థియేటర‍్లలోకి వచ్చారు. ఈ రెండు కూడా తొలిరోజే డిజాస్టర్ టాక్ తెచ్చుకుని, ప్రేక్షకుల డిసప్పాయింట్ చేశాయి. రెండోవారం సమంత 'శాకుంతలం' వచ్చింది. ట్రైలర్ కాస్త అటుఇటుగా ఉండటంతో అందరూ డౌట్ పడ్డారు. కరెక్ట్ గా అదే జరిగింది. ప్రీమియర్ షోలకే అసలు విషయం తెలిసిపోయింది. సామ్ కెరీర్ లోనే ఘోరమైన ఫ‍్లాప్ గా ఇది నిలిచింది. మూడో వారం వచ్చిన 'విరూపాక్ష'.. ఎవరూ కనీసం ఎక్స్ పెక్ట్ చేయనంత హిట్ అయిపోయింది. పూర్తిస్థాయి హారర్ కాన్సెప్ట్ కావడం 'విరూపాక్ష'కు చాలా ప్లస్ అయింది. స్టోరీకి సుకుమార్ తనదైన శైలిలో టచ్ ఇచ్చేసరికి.. ఈ సినిమా జనాలకు తెగ నచ్చేసింది. లాంగ్ రన్ లో ఏకంగా రూ.100 కోట్లకు పైగా కలెక్షన్స్ సాధించింది. చివరి వారంలో వచ్చిన అఖిల్ 'ఏజెంట్'పై రిలీజ్ కి ముందు కాస్త అంచనాలు ఏర్పడ్డాయి. కానీ మార్నింగ్ షోకే రిజల్ట్ తేలిపోయింది. బొమ్మ ఫట్ అయిపోయింది. ఇలా ఏప్రిల్ మొత్తమ‍్మీద టాలీవుడ్ కి ఒక్కటంటే ఒక్కటే హిట్ దక్కింది. (ఇదీ చదవండి: టిఫిన్‌ సెంటర్‌కు స్టార్ హీరోయిన్.. ఎవరూ గుర్తుపట్టలేదు!) మే నెలని తీసుకుంటే.. తొలివారం గోపీచంద్ 'రామబాణం', అల్లరి నరేష్ 'ఉగ్రం' సినిమాలతో వచ్చారు. వీటిలో 'రామబాణం' ఫట్ మని బుడగలా పేలిపోయింది. 'ఉగ్రం' పర్వాలేదనిపించింది. కానీ పెద్దగా జనాలు తెలియకుండానే థియేటర్లలో నుంచి మాయమైపోయింది. రెండో వారం వచ్చిన 'కస్టడీ'పై అక్కినేని ఫ్యాన్స్ చాలా హోప్స్ పెట్టుకున్నారు. కానీ చైతూ వాళ్లని పూర్తిగా నిరాశపరిచాడు. నీరసమైన స్టోరీ లైన్ వల్ల చూసిన ప్రతిఒక్కరూ డిసప్పాయింట్ అయ‍్యారు. ఈ మూవీని ఫ‍్లాప్ గా డిక్లేర్ చేశారు. మూడో వారంలో వచ్చిన 'అన్నీ మంచి శకునములే' చాలా అంటే చాలా నిరాశపరిచింది. మే చివరి వారంలో వచ్చిన 'మేమ్ ఫేమస్'కి కూడా సేమ్ రిజల్ట్. ఇలా ఎంతో సందడిగా ఉంటుందనుకున్న సమ్మర్.. ఎప్పుడూ లేనంత నీరసంగా సాగింది. 'బిచ్చగాడు 2' , 2018 లాంటి ఒకటి రెండు డబ‍్బింగ్ సినిమాలు.. ప్రేక్షకుల్ని అలరించే ప్రయత్నం చేశాయి గానీ మూవీ లవర్స్ ని సంతృప్తి పరచలేకపోయాయి. దీంతో ఇ‍ప్పుడు అందరి కళ్లు ప్రభాస్ భారీ బడ్జెట్ పాన్ ఇండియా మూవీ 'ఆదిపురుష్' పైనే ఉన్నాయి. మరి రామయణం ఆధారంగా తీసిన ఈ మూవీ ఎలాంటి రిజల్ట్ అందుకుంటుందో ఏమో? (ఇదీ చదవండి: సీఎం జగన్‌ గారికి ప్రత్యేక ధన్యవాదాలు: పంచ్‌ ప్రసాద్‌)

సౌద అరుణ స్టూడియోస్ పతాకంపై డ్రవిడ భూమి యొక్క ఆత్మ గౌరవ నినాదంతో  'కోడ్ రామాయణ' రానుంది.  పాపులర్ రైటర్ సౌద అరుణ దర్శకత్వంలో  నిర్మించనున్న ఈ చిత్రం ఫస్ట్ లుక్ పోస్టర్‌ను రిలీజ్ చేశారు. ఈ కార్యక్రమానికి ముఖ్య అతిధులుగా బౌద్ధ బిక్షువు బంతె షీల్ రక్షిత్,  ప్రముఖ రచయిత్రి లలిత చేతుల మీదుగా పోస్టర్‌ను గ్రాండ్‌గా లాంచ్ చేశారు. (ఇదీ చదవండి: కాజల్‌ అగర్వాల్‌ చివరి సినిమా ఇదేనా?) దూర్వాసుడు పాత్రలో నటించిన భరద్వాజ మాట్లాడుతూ..  కోడ్ రామాయణ ద్వారా దాని అంతరార్థం మాత్రం తెలుస్తుందన్నారు. దీని తరువాత వచ్చే రెండవ భాగం 'రావణచరిత్ర' మాత్రం పూర్తి స్థాయిలో ఉంటుంది. దాంట్లో రావణ పాత్ర ప్రధానంగా ఉంటుంది. ఆ తరువాత  మూడవ భాగం 'ఉత్తర రామాయణం' ఉంటుంది. ఇలా మూడు భాగాలుగా చెపుతూ.. డ్రవిడ భూమి ఆత్మ గౌరవం గురించి ఈ సినిమాలు తెలుపుతాయి. డ్రవిడ భూమి ఏ కారణాల చేత గుర్తింపు లేకుండా పోయిందో తెలపడమే  ఈ సినిమా ముఖ్య ఉద్దేశమని భరద్వాజ అన్నారు. ప్రముఖ దర్శకుడు సౌద రచించిన  ఈ పౌరాణిక అధ్యయనాన్ని ఇప్పుడు దృశ్య రూపకంగా తెరపైకి తీసుకువచ్చే  ప్రయత్నం  చేస్తున్నామన్నారు. ఈ సినిమా రిలీజ్ కాగానే మెగాస్టార్ చిరంజీవికి  చూపించి... రెండోవ భాగంలో వచ్చే 'రావణచరిత్ర'లోని  రావణాసుర పాత్ర కోసం ఆయనను సంప్రదిస్తామని భరద్వాజ తెలిపారు. (ఇదీ చదవండి: కూతురి అన్నప్రాసన ఫోటో.. అభిమానులతో షేర్‌ చేసుకున్న హీరోయిన్‌)

మాస్‌ మహారాజ రవితేజ ప్రధాన పాత్రలో నటించిన చిత్రం రావణాసుర. సుధీర్‌ వర్మ దర్శకత్వం వహించిన ఈ సస్పెన్స్‌ క్రైమ్‌ థ్రిల్లర్‌లో అను ఇమ్మాన్యుయేల్‌, మేఘా ఆకాశ్‌, దక్ష నగార్కర్‌, పూజిత పొన్నాడ, ఫరియా అబ్దుల్లా కథానాయికలుగా నటించారు. అక్కినేని సుశాంత్‌ ముఖ్య పాత్రలో నటించాడు. అభిషేక్‌ అగర్వాల్‌ ఆర్ట్స్‌, రవితేజ ప్రొడక్షన్‌ బ్యానర్‌లో తెరకెక్కిన ఈ సినిమా ఏప్రిల్‌ 7న ప్రేక్షకుల ముందుకు వచ్చింది. థియేటర్స్‌లో మిక్స్‌డ్‌ టాక్‌ అందుకున్న ఈ సినిమా ఓటీటీ హక్కులను అమెజాన్‌ ప్రైమ్‌ వీడియో సొంతం చేసుకుంది. మొదట ఈ మూవీ మే మొదటివారంలో స్ట్రీమింగ్‌ అయ్యే ఛాన్స్‌ ఉందని టాక్‌ వినిపించింది. కానీ తాజాగా ఎటువంటి ముందస్తు ప్రకటన లేకుండా నేరుగా అమెజాన్‌ ప్రైమ్‌లో రిలీజైంది. సినిమా రిలీజై నెల రోజులు కాకముందే ఓటీటీలోకి రావడంతో ఫ్యాన్స్‌ అవాక్కవుతున్నారు. ఏదేమైనా మరోసారి రావణాసుర చూసే ఛాన్స్‌ దొరికిందని కామెంట్లు చేస్తున్నారు. కాగా ఈ సినిమాకు హర్షవర్దన్‌ రామేవ్వర్‌, భీమ్స్‌ సిసిరోలియో సంగీతం అందించారు. విజయ్‌ కార్తీక్‌ కన్నన్‌ సినిమాటోగ్రాఫర్‌గా వ్యవహరించారు. #Ravanasura Now Streaming On #AmazonPrimeVideo #RavanasuraOnPrime@RaviTeja_offl @iamSushanthA@sudheerkvarma @AbhishekPicture @RTTeamWorks #RaviTeja #AnuEmmanuel #MeghaAkash #FariaAbdullah #dakshanagarkar pic.twitter.com/bQknxOF5wC — Telugu Television News (@TeluguTvExpress) April 28, 2023 చదవండి: ఫిలింఫేర్‌ అవార్డ్స్‌: ఆ సినిమాకు ఏకంగా 10 అవార్డులు

మాస్ మాహారాజా రవితేజ నటించిన రావణాసుర. సుధీర్‌ వర్మ దర్శకత్వంలో ఈ సినిమాను తెరకెక్కించారు. అభిషేక్ అగర్వాల్ ఆర్ట్స్‌తో కలిసి రవితేజ ప్రొడక్షన్ నిర్మించిన ఈ సినిమాలో అను ఇమ్మానుయేల్, ఫరియా అబ్దుల్లా సహా ఐదుగురు హీరోయిన్స్‌ నటించారు. ఈ సినిమా ఏప్రిల్ 7న ప్రపంచ వ్యాప్తంగా ప్రేక్షకుల ముందుకు వచ్చిన సంగతి తెలిసిందే. ఈ సినిమాలో రవితేజ నెగెటివ్ పర్ఫార్మెన్స్‌కు మంచి మార్కులు పడుతున్నప్పటికీ.. మూవీకి మాత్రం బాక్సాఫీస్ వద్ద మిక్స్‌డ్ టాక్ వచ్చింది. మాస్ ఫ్యాన్స్‌ ఊహించినంతగా రావణాసుర మెప్పించలేదు.  అయితే రావణాసుర చిత్రాన్ని ప్రముఖ ఓటీటీ వేదిక అమెజాన్ ప్రైమ్ వీడియో సొంతం చేసుకున్న సంగతి తెలిసిందే. ఈ సినిమా రిలీజైన 50 రోజుల తర్వాతే ఓటీటీలో విడుదల చేయాలని చిత్రబృందం ప్లాన్ చేసింది. కానీ బాక్సాఫీస్‌ వద్ద అభిమానులను మెప్పించకపోవడంతో అనుకున్న సమయం కంటే ముందుగానే రిలీజ్ చేయాలని మేకర్స్ భావిస్తున్నారు. మే నెల మొదటివారంలోనే స్ట్రీమింగ్ అయ్యే అవకాశముందని టాక్ వినిపిస్తోంది. ఈ విషయంలో చిత్రబృందం నుంచి అధికారిక ప్రకటన రావాల్సి ఉంది. రవితేజ ధమాకా సక్సెస్ తర్వాత ఈ సినిమా కూడా ఆ స్థాయిలో ఉంటుందని ఆశించిన ఫ్యాన్స్‌కు నిరాశే మిగిలింది. థియేటర్లలో చూడనివారు ఎంచక్కా  ఓటీటీలో చూసేయండి.

మాస్‌ మహారాజ రవితేజ నటిస్తున్న తాజా చిత్రం రావణాసుర. సుధీర్‌ వర్మ దర్శకత్వంలో తెరకెక్కిన ఈ సినిమా నేడు(శుక్రవారం)ప్రేక్షకుల ముందుకు వచ్చింది.అభిషేక్ అగర్వాల్ ఆర్ట్స్‌తో కలిసి రవితేజ ప్రొడక్షన్ నిర్మించిన ఈ సినిమాలో అను ఇమ్మానుయేల్, ఫరియా అబ్దుల్లా సహా ఐదుగురు హీరోయిన్స్‌ నటించారు. ఇప్పటికే విడుదలైన పాటలు, ట్రైలర్‌కు మంచి రెస్పాన్స్‌ రావడంతో సినిమాపై హైప్‌ క్రియేట్‌ అయ్యింది.క్రైమ్ థ్రిల్లర్ నేపథ్యంలో తెరకెక్కిన ఈ సినిమా భారీ అంచనాల మధ్య గ్రాండ్‌గా రిలీజ్‌ అయ్యింది. ఇక ఈ సినిమా విడుదలైన తొలిరోజే ఓటీటీ రిలీజ్‌కు సంబంధించిన వివరాలపై ఆసక్తి నెలకొంది. ఈ నేపథ్యంలో రావణాసుర ఓటీటీ పార్ట్‌నర్‌కి సంబంధించిన ఓ ఇంట్రెస్టింగ్‌ న్యూస్‌ బయటకు వచ్చింది. ఈ సినిమా ఓటీటీ హక్కులను ప్రముఖ ఓటీటీ సంస్థ అమెజాన్‌ ప్రైమ్‌ భారీ ధరకు దక్కించుకుంది. అయితే థియేటర్స్‌లో విడుదలైన 50రోజుల తర్వాతే సినిమాను ఓటీటీలో స్ట్రీమింగ్‌ కానుంది. 

టైటిల్‌: రావణాసుర నటీనటులు: రవితేజ, సుశాంత్‌, జయరామ్‌, శ్రీరామ్‌, ఫరియా అబ్దుల్లా, అను ఇమ్మాన్యుయేల్‌, మేఘ ఆకాశ్‌, దక్ష నగార్కర్‌, పూజిత పొన్నాడ, రావు రమేశ్‌, సంపత్‌ రాజ్‌ తదితరులు నిర్మాణ సంస్థ:అభిషేక్‌ పిక్చర్స్‌, ఆర్‌టీ టీమ్‌ వర్క్స్‌ నిర్మాతలు : అభిషేక్‌ నామా, శ్రీకాంత్‌ విస్సా దర్శకత్వం: సుధీర్‌ వర్మ సంగీతం: హర్షవర్దన్‌ రామేశ్వర్‌, భీమ్స్‌ సిసిరోలియో సినిమాటోగ్రఫీ: విజయ్‌ కార్తిక్‌ కన్నన్‌ ఎడిటర్‌ : శ్రీకాంత్‌ విడుదల తేది: ఏప్రిల్‌ 7, 2023 మాస్‌ మహారాజా రవితేజ వరుస విజయాలతో దూసుకెళ్తున్నాడు. గతేడాది డిసెంబర్‌లో విడుదలైన  ‘ధమాకా’తో సాలీడ్‌ హిట్‌ అందుకున్నాడు. ఆ సినిమా రవితేజను ఏకంగా 100 కోట్ల క్లబ్‌లో చేర్చింది. ఇక ఈ ఏడాదిలో ఇప్పటికే చిరంజీవితో కలిసి నటించిన ‘వాల్తేరు వీరయ్య’తో ఓ భారీ హిట్‌ని తన ఖాతాలో వేసుకున్నాడు. ఇప్పుడు ‘రావణాసుర’తో మరోసారి ప్రేక్షకుల ముందుకు వచ్చాడు. ఇప్పటికే విడుదలైన పాటలు, ట్రైలర్‌కు ఆడియన్స్‌ నుంచి అదిరిపోయే స్పందన లభించింది. దానికి తోడు సినిమా ప్రమోషన్స్‌ కూడా గ్రాండ్‌గా చేయడంతో ‘రావణాసుర’పై హైప్‌ క్రియేట్‌ అయింది. భారీ అంచనాల మధ్య నేడు(ఏప్రిల్‌ ) ప్రేక్షకుల ముందుకు వచ్చిన ఈ చిత్రం ఎలా ఉందో రివ్యూలో చూద్దాం.    కథేంటంటే.. రవీంద్ర అలియాస్‌ రవి(రవితేజ) ఓ జూనియర్‌ లాయర్‌. క్రిమినల్‌ లాయర్‌  కనకమహాలక్ష్మీ(ఫరియా అబ్దుల్లా)దగ్గర పనిచేస్తుంటాడు. ఓ పెద్ద ఫార్మా కంపెనీ సీఈఓ హారిక(మేఘ ఆకాశ్‌) తన తండ్రి విజయ్ తల్వార్(సంపత్‌రాజ్‌) ఓ మర్డర్‌ కేసులో ఇరుక్కున్నాడని, ఆ కేసుని టేకాప్‌ చేయమని కనకమహాలక్ష్మీ దగ్గరకు వస్తుంది. రవీంద్ర బలవంతం చేయడంతో కనకమహాలక్ష్మీ ఆ కేసును టేకాప్‌ చేస్తుంది. అయితే ఆ మర్డన్‌ తాను చేయలేదని విజయ్‌ తల్వార్‌ చెబుతాడు. ఈ కేసు విచారణ జరుగుతున్న సమయంలోనే.. నగరంలో అదే తరహా హత్యలు జరుగుతుంటాయి. చనిపోయినవారంతా వివిధ రంగాలకు చెందిన ప్రముఖులు కావడంతో.. ఏసీపీ హన‍్మంతరావు(జయరామ్‌) ఈ కేసును సీరియస్‌గా తీసుకొని విచారిస్తాడు. ఈ క్రమంలో సాకేత్‌(సుశాంత్‌) గురించి తెలుస్తుంది. అలాగే ఈ హత్యలకు క్రిమినల్‌ లాయర్‌ రవీంద్రకు సంబంధం ఉందని గుర్తిస్తారు. అసలు సాకేత్‌ ఎవరు? వరుస హత్యల వెనుక ఉన్నదెవరు? ఈ హత్యలకు క్రిమినల్‌ లాయర్‌ రవీంద్రకు ఉన్న సంబంధం ఏంటి?  హోంమంత్రి ముదిరెడ్డి(రావు రమేశ్‌)ని హత్య చేయాలని కుట్ర చేసిందెవరు? ఏ ప్రయోజనాల కోసం ఈ హత్యలు జరిగాయి? తనపై వచ్చిన ఆరోపణల నుంచి రవీంద్ర ఎలా తప్పించుకున్నాడు? అనేదే మిగతా కథ.  ఎలా ఉందంటే..  'వాడు క్రిమినల్ లాయర్ కాదు... లా చదివిన క్రిమినల్’ ఓ సందర్భంలో హీరో గురించి పోలీసు అధికారి చెప్పే డైలాగ్‌ ఇది. ఈ ఒక్క డైలాగ్‌ చాలు ‘రావణాసుర’ కథ ఎలా ఉంటుందో ఊహించుకోవచ్చు. వరుస హత్యలు.. దాని వెనక హీరో ఉన్నాడని గుర్తించడం..‘లా’లోని లాజిక్కులను వాడుకొని ఆ హీరో ఎస్కేప్‌ అయ్యేలా ప్లాన్‌ చేయడం.. ఇదే రావణాసుర కథ. అయితే ఆ హత్యలు ఎందుకు చేస్తున్నారు? అనేదే ఇక్కడ ఇంట్రెస్టింగ్‌ పాయింట్‌. ఆ క్యూరియాసిటీని ఫస్టాఫ్‌ మొత్తం కొనసాగించాడు డైరెక్టర్‌. కానీ సెకండాఫ్‌లో రీజన్‌ ఏంటో తెలిశాక..ఇప్పటికే ఈ తరహా కథలను చాలా చూశామనే ఫీలింగ్‌ కలుగుతుంది.  ఫస్టాఫ్‌లో థ్రిల్లింగ్స్‌ ఎలిమెంట్స్‌, ట్విస్టులు ఉన్నప్పటికీ కథనం ఆసక్తిగా సాగదు. హైపర్‌ ఆదితో రవితేజ వేసే పంచ్‌లు, లవ్‌ట్రాక్‌ అన్ని రొటీన్‌గా అనిపిస్తాయి. సుశాంత్‌ పాత్ర ఎంట్రీ తర్వాత క్లైమాక్స్‌ ఎలా ఉండబోతుందో ఊహించుకోవచ్చు. అయితే రవితేజ అద్భుతమైన నటన కారణంగా ఫస్టాఫ్‌ బాగుందనే ఫీలింగ్‌ కలుగుతుంది. ఇక సెంకడాఫ్‌లో ట్విస్ట్‌ రివీల్‌ అయిన తర్వాత సినిమాపై ఆసక్తి తగ్గిపోతుంది. స్క్రీన్‌ప్లే కూడా రొటీన్‌గా ఉంటుంది. సినిమాటిక్‌ లిబర్టీ చాలానే తీసుకున్నారు. ఊహకందేలా కథనం సాగడం.. ట్వీస్టులు కూడా అంతగా ఆకట్టుకోలేకపోవడంతో ‘రావణాసుర’కి పెద్ద మైనస్‌. అయితే థ్రిల్లర్‌ సినిమాలు అంతగా చూడలి వారికి మాత్రం ఆ ట్విస్టులు అలరిస్తాయి. ఎవరెలా చేశారంటే..  మాస్‌ మహారాజా ఎనర్జీ గురించి అందరికి తెలిసిందే. కామెడీ అయినా.. యాక్షన్‌ అయినా ఇరగదీస్తాడు. ఇందులో కొత్తగా తనలోని విలనిజాన్ని చూపించాడు. రెండు విభిన్నమైన కోణాలు ఉన్న రవీంద్ర పాత్రలో ఆయన ఒదిగిపోయాడు. సినిమా మొత్తం తన భుజాన వేసుకొని నడిపించాడు. యాక్షన్స్‌ సీన్స్‌ అదరగొట్టేశాడు. ముఖ్యంగా క్లైమాక్స్‌  ముందు వచ్చే ఫైట్‌ సీన్‌ అయితే అదుర్స్‌. ఫస్టాఫ్‌లో తనదైన కామెడీతో నవ్వించాడు. సినిమాకు ప్రధాన బలం ఆయన నటన అనే చెప్పొచ్చు. ఇక ఇందులో ఫరియా, ఫరియా అబ్దుల్లా, అను ఇమ్మాన్యుయేల్‌, మేఘ ఆకాశ్‌, దక్ష నగార్కర్‌, పూజిత పొన్నాడ హీరోయిన్లుగా నటించినా.. ఏ ఒక్కరికి సరైన ప్రాధాన్యత లేదు. ఉన్నంతలో ఫరియా, మేఘ ఆకాశ్‌ పాత్రలు మెప్పిస్తాయి. ఇక అను ఇమ్మాన్యుయేల్‌ పాత్ర నిడివి అయితే మరీ తక్కువ. ఏసీపీ హన్మంతరావుగా జయరాజ్‌ తనదైన నటనతో ఆకట్టుకున్నాడు. హైపర్‌ ఆది తనదైన పంచ్‌ డైలాగ్స్‌తో కామెడీ పండించాడు. హోంమంత్రిగా రావు రమేశ్‌ కేవలం రెండు, మూడు సీన్లకే పరిమితమయ్యారు. మిగిలిన నటీనటులు తమ పాత్రల పరిధిమేర నటించారు.  ఇక సాంకేతిక విషయాలకొస్తే.. హర్షవర్దన్‌ రామేశ్వర్‌ నేపథ్య సంగీతం బాగుంది. భీమ్స్ మ్యూజిక్ అందించిన 'డిక్కా డిష్యూం' పాట బాగుంది. రీమేక్‌ సాంగ్‌తో సహా మిగతా పాటలేవి అంతగా ఆకట్టుకోలేకపోయాయి. సినిమాటోగ్రాఫర్‌, ఎడిటర్‌ పని తీరు బాగుంది. నిర్మాణవిలువలు సినిమా స్థాయికి తగ్గట్లుగా న్నాయి.  -అంజి శెట్టె, సాక్షి వెబ్‌డెస్క్‌

మాస్‌ మహారాజా రవితేజ హీరోగా నటించిన తాజా చిత్రం ‘రావణాసుర’.సుధీర్‌ వర్మ దర్శకత్వం వహించిన ఈ చిత్రాన్ని  అభిషేక్ పిక్చ‌ర్స్, ఆర్‌టీ టీమ్ వ‌ర్క్స్ బ్యాన‌ర్‌పై అభిషేక్ నామా నిర్మించారు. అను ఇమ్మాన్యుయేల్‌, మేఘా ఆకాష్‌, ఫ‌రియా అబ్దుల్లా, ద‌క్షా న‌గార్క‌ర్‌ హీరోయిన్స్‌గా న‌టించారు. యంగ్‌ హీరో సుశాంత్‌ కీలక పాత్ర పోషించారు. ఇప్పుటికే విడుదలైన ట్రైలర్‌, పాటలు సినిమాపై హైప్‌ క్రియేట్‌ చేశాయి. భారీ అంచనాలతో నేడు(ఏప్రిల్‌ 7) ఈ చిత్రం ప్రేక్షకుల ముందుకు వచ్చింది. ఇప్పటికే ఓవర్సీస్‌తో పాటు పలు చోట్ల ఫస్ట్‌డే ఫస్ట్‌ షో పడిపోయింది. దీంతో సినిమా చూసిన ప్రేక్షకులు సోషల్‌ మీడియా ద్వారా తమ అభిప్రాయాన్ని తెలియజేస్తున్నారు. ‘రావణాసుర’ కథేంటి? ఎలా ఉంది?  రవితేజ ఖాతాలో మరో హిట్‌ పడిందా? తదితర విషయాలను ట్విటర్‌లో చర్చిస్తున్నారు. అవేంటో చూడండి. Final review :-#Ravanasura is a full mass masala thriller movie. It's a treat for #RaviTeja fans and general audience who want to see @RaviTeja_offl in a never before role...💥💥 Positives:- Story, Interval ,BGM 🔥 Rating 4/5 👍👍 — MSD 🚁 (@Cskhearts) April 7, 2023 ‘రావణాసుర’ఫుల్‌ మసాల థ్రిల్లర్‌ మూవీ. రవితేజ ఫ్యాన్స్‌తో పాటు జనరల్‌ ఆడియన్స్‌కి కూడా అలరిస్తుంది. రవితేజను గతంలో ఎప్పుడూ చూడనటువంటి పాత్రలో చూస్తాం. స్టోరీ, ఇంటర్వెల్‌ సీన్‌, బ్యాగ్రౌండ్‌ మ్యూజిక్‌ బాగుందంటూ ఓ నెటిజన్‌ 4 స్టార్స్‌ ఇచ్చారు.  Second half lo manchi twist lu 🔥 Climax BGM💥💥💥💥 As usual story ending avtundi Lawyer criminal aite ela untundo mana mass maharaj chupichadu Over all ga movie hit 🔥🔥🔥#Ravanasura #RaviTeja pic.twitter.com/If8CGZL9Cs — #MaheshBabu𓃵 (@pandugadu_01) April 6, 2023 సెకండాఫ్‌లో మంచి ట్విస్టులు ఉంటాయి. క్లైమాక్స్‌, బీజీఎం బాగుంది. లాయర్‌ క్రిమినల్‌ అయితే ఎలా ఉంటుందో మన మాస్‌ మహారాజా చూపించాడు. ఓవరాల్‌గా సినిమా హిట్‌ అని మరో నెటిజన్‌ కామెంట్‌ చేశాడు.  Whistles Won't Stop Still On the Trance .... @RaviTeja_offl carrer best performance Before Ravanasura After Ravanasura ❤️‍🔥Climax RAMP 💫Don't Believe Any Rumours Any Reviews. Just Waste Of Tym .. Mark My words. 3.75/5 🫰🫰🫰🫰 #Ravanasura pic.twitter.com/XqPofrr1Uk — 🔥MASS🔥CARD HERE... (@ERESHAM1) April 7, 2023 Ravansura movie Final review First half decent Interval block mind blowing Second half kcpd 🔥 Heroines role not impress But ravanna acting 🔥 Overall blockbuster movie ⭐ ⭐ ⭐/1/2 USA premiers rating#Ravanasura#RavanasuraOnApril7#RavanasuraReview#blockbusterRavanasura pic.twitter.com/jnKYIRTh2d — Raghavendra_official (@vallepuraghav) April 6, 2023 ఫస్ట్ హాఫ్ డీసెంట్‌. ఇంటర్వెల్ బ్యాంగ్ మైండ్ బ్లోయింగ్. సెకండ్ హాఫ్ సూపర్. హీరోయిన్స్ రోల్స్ ఇంప్రెసివ్ గా లేవు. కానీ రవన్న(రవితేజ) యాక్టింగ్‌ అదిరిపోయింది. ఓవరాల్‌గా సినిమా బ్లాక్‌ బస్టర్‌ అంటూ మూడున్నర స్టార్‌ ఇచ్చాడు ఓ నెటిజన్‌.  #Ravanasura Ravi anna please ilanti mali cheyiodhu nippu, khiladi feels. Khiladi better anna. Neek failure ravali ani evaru anukoru nuvu matram disasters thisthavu😭 #Raviteja #RavanasuraReview pic.twitter.com/y1GskN6UoZ — Kranthi Kumar (@Kranthi87605525) April 7, 2023 రవితేజ అన్న ప్లీజ్‌ ఇలాంటి సినిమాలు చేయకు. నిప్పు, ఖిలాడీ చూసిన ఫీలింగ్‌ కలుగుతోంది. దీని కంటే ఖిలాడీ బెటర్‌. నీకు ఫెయిల్యూర్‌ రావాలని ఎవరూ అనుకోరు. కానీ నువ్వు మాత్రం డిజాస్టర్స్‌ తీస్తున్నావు అని ఓ నెటిజన్‌ ట్వీట్‌ చేశాడు.  #Ravanasura Below Average 1st Half! First half follows a regular template with boring screenplay until the pre-interval point in which the storyline starts to get interesting. Need a big 2nd half! — Venky Reviews (@venkyreviews) April 7, 2023 If you just want to kill time, it’s a onetime watch. Another good plotline wasted. Could have been a good to very good film, if it had few cuts in first 40 mins and taken care of few scenes in second half. #Ravansura #RavanasuraReview — Hello Mawa (@HelloMawa123) April 7, 2023 Decent first half 🔥🔥...Followed by mind blowing Interval Block 💥💥...Second half total fire in #Ravanasura character 🔥🔥🔥 Another blockbuster for Mass Maharaja @RaviTeja_offl 👏👏 — Mahesh (@Urkrishh) April 7, 2023

‘‘రావణాసుర’ మూవీలో నాది చాలా కీలకమైన పాత్ర. కామెడీ, ఇంటెన్స్‌.. ఇలా వేరియేషన్స్ ఉంటాయి. ఆ పాత్ర చేయడం సవాల్‌గా అనిపించింది’’ అని మేఘా ఆకాష్‌ అన్నారు. రవితేజ హీరోగా సుధీర్‌ వర్మ దర్శకత్వం వహించిన చిత్రం ‘రావణాసుర’. అభిషేక్‌ నామా, రవితేజ  నిర్మించిన ఈ సినిమా నేడు విడుదలవుతోంది. ఈ చిత్రంలో ఓ హీరోయిన్‌గా నటించిన మేఘా ఆకాష్‌ మాట్లాడుతూ–‘‘రావణాసుర’లో నేను రిచ్, క్లాసీ అమ్మాయిగా కనిపిస్తాను. ఈ మూవీలో చాలా మలుపులు, ట్విస్ట్‌లు, సర్‌ప్రైజ్‌లు ఉన్నాయి. ప్రేక్షకులు థ్రిల్‌ ఫీలవుతారు. సుధీర్‌ వర్మగారు ఒక యాక్టర్‌కి చాలా కంఫర్ట్‌ జోన్‌ ఇస్తారు. ప్రస్తుతం విజయ్‌ ఆంటోనీతో ఒక సినిమా, మా అమ్మగారి సమర్పణలో ఓ చిత్రం చేస్తున్నాను’’ అన్నారు.  

మాస్‌ మహారాజ రవితేజ హీరోగా నటిస్తున్న చిత్రం రావణాసుర. సుధీర్‌ వర్మ డైరెక్ట్‌ చేస్తున్న ఈ చిత్రంలో దక్షా నగార్కర్‌, అను ఇమ్మాన్యుయేల్‌, మేఘా ఆకాశ్‌, ఫరియా అబ్దుల్లా, పూజిత పొన్నాడ హీరోయిన్స్‌గా నటిస్తున్నారు. అభిషేక్‌ నామా, రవితేజ నిర్మించారు. రేపు(ఏప్రిల్‌ 7న) ఈ సినిమా విడుదల కానున్న నేపథ్యంలో రావణాసుర నుంచి ఓ డైలాగ్‌ వీడియో లీకైంది. ఇందులో రవితేజ.. కంచం ముందుకి, మంచం మీదకి ఆడపిల్లలు పిలవంగనే రావాలి.. లేకపోతే నాకు మండుద్ది అని రాక్షసంగా డైలాగ్‌ చెప్పాడు. ఈ డైలాగ్‌ అభ్యంతరకరంగా ఉందని నెటిజన్లు మండిపడుతున్నారు. రవితేజ ఫ్యాన్స్‌ మాత్రం.. రావణాసుర అంటే ఆ మాత్రం ఉంటుంది. నెగెటివ్‌ షేడ్‌కు తగ్గట్లు డైలాగ్‌ లేకపోతే ఎలా? అని కామెంట్లు చేస్తున్నారు. ఏదేమైనా ఈ డైలాగ్‌ వీడియో మాత్రం సోషల్‌ మీడియాను షేక్‌ చేస్తోంది.

మాస్‌ మహారాజా రవితేజ హీరోగా నటిస్తున్న చిత్రం​ రావణాసుర. సుధీర్ వర్మ దర్శకత్వంలో తెరకెక్కుతున్న ఈ సినిమాలో దక్షా నాగర్కర్, అను ఇమ్మానుయేల్, మేఘా ఆకాష్, ఫరియా అబ్దుల్లా, పూజితా పొన్నాడ హీరోయిన్స్‌గా నటిస్తున్నారు. రేపు(శుక్రవారం)ఈ సినిమా ప్రేక్షకుల ముందుకు రానుంది. ఇప్పటికే రిలీజైన ట్రైలర్‌, పాటలు ప్రేక్షకులను ఆకట్టుకుంటున్నాయి. తాజాగా ఈ సినిమా నుంచి థీమ్‌ సాంగ్‌ను విడుదల చేశారు.రావణా రావణా..రావణా దశగ్రీవ .. రావణా అంటూ ఈ పాట సాగుతుంది. హర్షవర్ధన్ రామేశ్వరన్‌ సంగీతం అందించగా అరుణ్ కౌండిన్య ఆలపించారు.

‘ధ్రిల్లర్‌ జోనర్స్‌ లో షాకింగ్‌, వావ్‌ ఫ్యాక్టర్స్‌ ఉంటాయి. అవి ముందే ఆడియన్స్‌కి తెలిస్తే.. ఆ కిక్కు రాదు. ‘రావణాసుర’ థ్రిల్లర్‌ మూవీ. అందుకే ఆ సినిమా కథ గురించి బయటకు చెప్పడం లేదు. థియేటర్స్‌లో రవితేజ నటనను చూసి షాకవుతారు’ అని నిర్మాత  అభిషేక్ నామా అన్నారు. రవితేజ హీరోగా సుధీర్‌ వర్మ దర్శకత్వం వహించిన చిత్రం ‘రావణాసుర’. అభిషేక్‌ నామా, రవితేజ నిర్మించిన ఈ సినిమా ఈ నెల 7న రిలీజ్‌ అవుతోంది. ఈ సందర్భంగా అభిషేక్‌ నామా మీడియాతో ముచ్చటించారు. ఆ విశేషాలు.. ► ఇంతవరకూ రవితేజ ‘రావణాసుర’లాంటి సినిమా చేయలేదు. ఈ సినిమా చూసిన తర్వాత రవితేజ ఇలా కూడా చేయగలుగుతారా ? అని ప్రేక్షకులు షాక్ అవుతారు. కొత్త కాన్సెప్ట్ . ఇది వర్కౌట్‌ అయితే హీరోలు ఇలాంటి మరిన్ని కథలు ప్రయత్నిస్తారు.  ►రావణాసుర కథ నచ్చి, దానిపై నమ్మకంతోనే డబ్బుపెట్టాం. నమ్మకం ఉన్నపుడు వేరే వాళ్ళకి ఇవ్వడం ఎందుకు ? మేము నమ్మిన సినిమా మేమే విడుదల చేస్తున్నాం.  ►అనుకున్న బడ్జెట్ లోనే ఈ సినిమా పూర్తి చేశాం. సుధీర్ వర్మ టెక్నికల్ గా చాలా స్ట్రాంగ్. అనుకున్న  సమయంలో అనుకున్న బడ్జెట్ కి పూర్తి చేశారు.  ►ఈ చిత్రంలో రవితేజను చూసి ప్రేక్షకులు థ్రిల్ అయిపోయి షాక్ లో ఉంటారు. రవితేజ గారిని ఇంత కొత్త కోణంలో చూసే సరికి అదిరిపోయింది కదా అనే ఫ్యాక్టర్ వస్తుంది. ఇంటర్వెల్ అదిరిపోతుంది. ప్రేక్షకులకు కొత్త ఎక్స్‌పీరియన్స్ ఇస్తుంది. ఇక్కడ విడుదలైన తర్వాత ఇదే సబ్జెక్ట్ తో పాన్ ఇండియా ప్లాన్ చేయాలనే ఆలోచన ఉంది. ►సుధీర్‌ వర్మతో ‘కేశవ’ సినిమా చేశాను. అది  కమర్షియల్ గా వర్క్ అవుట్ అయ్యింది. అయితే బ్లాక్ బస్టర్ మిస్ అయ్యింది. రావణాసురతో బ్లాక్ బస్టర్ వంద శాతం కొడతాం.  ►మ్యూజిక్‌ డైరెక్టర్‌ హర్షవర్ధన్ రామేశ్వర్ కుటుంబం అంతా సంగీతకారులు. తనకి చాలా ప్రతిభ ఉంది. మొదట ‘సాక్ష్యం’ సినిమా ఇచ్చాను. తర్వాత రవితేజ గారికి చెప్పాను. రావణాసురతో తన ప్రతిభని మరోసారి నిరూపించుకున్నాడు.  ►ప్రస్తుతం నేను నిర్మిస్తున్న  డెవిల్‌ సినిమా షూటింగ్‌ చివరి దశలో ఉంది. రెండు మూడు నెలల్లో ఏదైనా మంచి డేట్ చూసి విడుదల చేస్తాం. డెవిల్ 2 కూడా ఉంది. 2024లో దాదాపుగా ఏడు సినిమాలు లాంచ్ చేస్తాం.  

‘‘రవితేజగారితో ఫలానా జానర్‌ సినిమా చేయాలని ముందుగా అనుకోలేదు. రైటర్‌ శ్రీకాంత్‌ చెప్పిన కథ రవితేజగారికి నచ్చ డంతో దర్శకునిగా నేనైతే బావుంటుందని నా వద్దకు పంపించారు. థ్రిల్లర్‌ జానర్‌లో ‘రావణాసుర’ వంద శాతం కొత్త మూవీ. ఇలాంటి కథ ఇప్పటివరకూ తెలుగులో రాలేదు’’ అని డైరెక్టర్‌ సుధీర్‌ వర్మ అన్నారు. రవితేజ హీరోగా సుధీర్‌ వర్మ దర్శకత్వం వహించిన చిత్రం ‘రావణాసుర’. అభిషేక్‌ నామా, రవితేజ నిర్మించిన ఈ సినిమా ఈ నెల 7న రిలీజ్‌ అవుతోంది. ఈ సందర్భంగా సుధీర్‌ వర్మ మాట్లాడుతూ– ‘‘రావణాసుర’లో థ్రిల్స్, షాకింగ్, సర్‌ప్రైజ్‌ ఎలిమెంట్స్‌ ప్రధాన ఆకర్షణగా ఉంటాయి. అందులో ఏది ముందు చెప్పినా సినిమా చూసినప్పుడు ప్రేక్షకులకు ఆ థ్రిల్‌ ఉండదు.. వారికి ఆ అనుభూతిని ఇవ్వడానికే కథ గురించి చెప్పడం లేదు. అయితే సినిమా చూసిన తర్వాత మన భావోద్వేగాలు మిస్సయిన ఫీలింగ్‌ ఆడియన్స్‌కి రాదని నా నమ్మకం. ‘రావణాసుర’ పూర్తిగా రవితేజగారి సినిమా. నటన పరంగా ఆయన సినిమాల్లో టాప్‌ త్రీలో ఈ మూవీ ఉంటుంది. ఈ సినిమాపై ఉన్న నమ్మకంతోనే రవితేజగారు ఓ నిర్మాతగా వ్యవహరించారు. అభిషేక్‌గారితో నేను చేసిన రెండో సినిమా ‘రావణాసుర’. నాపై నమ్మకంతో ఆయన సెట్స్‌కే రారు. ‘సుధీర్‌ ఏం అడిగితే అది ఇచ్చేయండి’ అని యూనిట్‌కి చెబుతారు. ‘అంతం’ మూవీలో నాగార్జునగారి, ‘సత్య’లో జేడీ చక్రవర్తిగారి పాత్రల్లో గ్రే షేడ్స్‌ ఉంటాయి. అయితే హీరోలని గ్రే షేడ్స్‌లో చూపించడం ఈ మధ్య ఎక్కువ అయింది. మణిరత్నంగారి ‘రావణ్‌’ సినిమాకి, మా ‘రావణాసుర’కి ఎలాంటి సంబంధం లేదు. ‘రావణాసుర’ని హిందీ, తమిళ్‌లో విడుదల చేయాలనుకున్నాం కానీ కుదరలేదు. తెలుగులో విడుదలైన రెండో వారం నుంచి హిందీలో ప్లాన్‌ చేస్తున్నాం. ప్రస్తుతం నిఖిల్‌ హీరోగా నా దర్శకత్వంలో రూపొందుతోన్న సినిమా షూటింగ్‌ చివరి దశలో ఉంది. ఆ తర్వాత త్రివిక్రమ్‌గారి కథతో పవన్‌ కల్యాణ్‌గారితో నేను ఓ సినిమా చేసే అవకాశం ఉంది’’ అన్నారు.   

‘‘రావణాసుర’ వైవిధ్యమైన చిత్రం. ఇలాంటి కాన్సెప్ట్‌ తెలుగు సినిమాల్లో ఇప్పటివరకూ రాలేదు. అందుకే కథ వినగానే నటించేందుకు ఓకే చెప్పాను’’ అని సుశాంత్‌ అన్నారు. రవితేజ హీరోగా సుధీర్‌వర్మ దర్శకత్వంలో రూపొందిన  చిత్రం ‘రావణాసుర’. అభిషేక్‌ నామా, రవితేజ నిర్మించిన ఈ సినిమా ఈ నెల 7న విడుదలవుతోంది. ఈ చిత్రంలో కీలక పాత్ర చేసిన సుశాంత్‌ మాట్లాడుతూ– ‘‘రావణాసుర’ టైటిల్‌ రోల్‌ని రవితేజగారు చేశారు. నేను రామ్‌ పాత్ర చేశా. మా ఇద్దర్నీ సుధీర్‌గారు సరికొత్తగా చూపించారు. నా పాత్రని ప్రేక్షకులు ఎలా రిసీవ్‌ చేసుకుంటారనే ఎగ్జయిట్‌మెంట్‌ ఉంది. ‘రావణాసుర’ కంప్లీట్‌ థ్రిల్లర్‌. వెర్సటైల్‌ యాక్టర్‌గా అన్ని రకాల పాత్రలు చేయాలనేది నా ఆలోచన. ఈ సినిమాలో ఆ కొత్తదనం కనిపిస్తుంది. ‘రావణాసుర’లో నన్ను తీసుకోవాలనే ఆలోచన అభిషేక్‌గారిదే. ఇందుకు ఆయనకు థ్యాంక్స్‌. ‘అల వైకుంఠపురములో’ చిత్రం నాకు మంచి పేరు తీసుకొచ్చింది. ఉత్తరాదిలో కూడా ఫేమ్‌ తీసుకొచ్చింది. అయితే ఆ సినిమా తర్వాత చాలా అవకాశాలు వచ్చినా నన్ను ఎగ్జయిట్‌ చేసిన ‘రావణాసుర, భోళా శంకర్‌..’ లాంటి సినిమాలు మాత్రమే ఒప్పుకున్నాను. అక్కినేని ఫ్యామిలీ నుంచి ఇండస్ట్రీకి రావడం నా లక్‌. నేను మొదటి నుంచి కూడా నాకు వస్తున్న అవకాశాలతోనే ముందుకువెళ్లాను. కొన్ని సినిమాల షూటింగ్‌ ఆలస్యం కావడం, అనుకున్న టైమ్‌కి విడుదల కాకపోవడం వల్ల గ్యాప్‌ వస్తోంది. ‘చిలసౌ’ తర్వాత ఇక గ్యాప్‌ తీసుకోకూడదని నిర్ణయించుకున్నాను. అయితే కోవిడ్‌ వల్ల గ్యాప్‌ వచ్చింది. కానీ ఆరు నెలలుగా బిజీగా ఉన్నాను. ‘భోళా శంకర్‌’లో కీ రోల్‌ చేస్తున్నాను. అలాగే సోలో హీరోగా ఒక కథ ఓకే చేశాను’’ అన్నారు.

ఇప్పుడిప్పుడే థియేటర్లలో వేసవి సందడి కనిపిస్తోంది.  ప్రస్తుతం సినీ ప్రేక్షకులు ఓటీటీలపైనే మక్కువ చూపుతున్నారు. విడుదలైన కొన్ని రోజులకే ఓటీటీలో స్ట్రీమింగ్ అవుతున్నాయి.  ఈ వారం కూడా మిమ్మల్ని అలరించేందుకు ఏకంగా 21 సినిమాలు రిలీజ్ అయ్యేందుకు రెడీ అయ్యాయి. అయితే ఈవారంలో థియేటర్లలో టాలీవుడ్ చిత్రాలు మాస్ హీరో రవితేజ నటించిన రావణాసుర, యంగ్ హీరో కిరణ్ అబ్బవరం నటించిన మీటర్ సిద్ధమయ్యాయి. వాటితో పాటు ఈ వారంలో విడుదలయ్యే బాలీవుడ్, హాలీవుడ్ చిత్రాలేవో తెలుసుకుందాం.  రవితేజ రావణాసుర మాస్‌ మహారాజా రవితేజ నటించిన తాజా చిత్రం 'రావణాసుర'. ఈ చిత్రానికి సుధీర్‌ వర్మ దర్శకత్వం వహిస్తున్నారు.  ఈ సినిమాను అభిషేక్ పిక్చర్స్ , ఆర్టీ టీమ్‌వర్క్స్ సంయుక్తంగా నిర్మించారు. భారీ బడ్జెట్‌తో తెరకెక్కిస్తున్న ఈ చిత్రంలో అను ఇమ్మాన్యుయేల్, మేఘా ఆకాష్, ఫరియా అబ్దుల్లా, దక్షా నాగర్కర్, పూజిత పొన్నాడ హీరోయిన్స్‌ నటింటారు. హీరో సుశాంత్‌ ఇందులో కీలక పాత్రలో కనిపిస్తారు.  ఈ సినిమా ఏప్రిల్‌ 7న థియేటర్‌లలో విడుదల కానుంది. కిరణ్ 'మీటర్' హిట్టు, ఫ్లాపులతో సంబంధం లేకుండా వరుస సినిమాలతో దూసుకెళ్తున్నాడు యంగ్‌ హీరో కిరణ్‌ అబ్బవరం. తాజాగా ఆయన మీటర్‌ అనే సినిమాలో నటిస్తున్న సంగతి తెలిసిందే.  రమేష్ కాడూరి ఈ చిత్రానికి దర్శకత్వం వహిస్తుండగా యంగ్‌ హీరోయిన్‌ అతుల్య రవి  ఇందులో నటించింది. మైత్రీ మూవీ మేకర్స్, క్లాప్ ఎంటర్టైన్మెంట్ సంయుక్తంగా నిర్మిస్తున్న ఈ సినిమాలో తొలిసారిగా కిరణ్‌ అబ్బవరం పోలీస్‌ పాత్రలో నటిస్తున్నారు. ఇక ఈ మూవీ ఏప్రిల్‌ 7న విడుదల కాబోతోంది.  ‘ఆగస్టు 16, 1947’  ప్రముఖ దర్శకుడు ఆర్‌.మురుగదాస్‌ నిర్మించిన చిత్రం ‘ఆగస్టు 16, 1947’. ఎన్‌.ఎస్‌ పొన్‌కుమార్‌ ఈ సినిమాకు దర్శకత్వం వహిస్తున్నారు. ఆగస్టు 15న భారతదేశానికి స్వాతంత్య్రం రాగా, ఆ మరుసటి రోజు ఏం జరిగింది? అన్న కథాంశంతో ఈ సినిమాను తెరకెక్కించినట్లు ప్రచార చిత్రాలు చూస్తే అర్థమవుతోంది. గౌతమ్‌ కార్తిక్‌, రిచర్డ్‌ ఆస్టన్‌ నటించిన ఈ చిత్రం ఏప్రిల్‌ 7న తమిళ, తెలుగు భాషల్లో విడుదల కానుంది. ఈ వారం ఓటీటీలో వచ్చే చిత్రాలు, వెబ్‌సిరీస్‌లివే నెట్‌ఫ్లిక్స్‌ బీఫ్‌ (వెబ్‌సిరీస్‌) -ఏప్రిల్‌ 6 ఇన్‌ రియల్‌ లవ్‌ -(టీవీ షో) ఏప్రిల్‌ 6 చుపా (హాలీవుడ్)- ఏప్రిల్‌ 7 హంగర్‌ (హాలీవుడ్)- ఏప్రిల్‌8 జీ5 అయోథి (తమిళం) -ఏప్రిల్‌ 7 డిస్నీ ప్లస్‌ హాట్‌స్టార్‌ ది క్రాసోవర్‌ (వెబ్‌సిరీస్‌) ఏప్రిల్‌ 4 బుక్‌ మై షో బ్యాట్‌మ్యాన్‌ (హాలీవుడ్‌) ఏప్రిల్‌ 5 కాస్మోస్‌ (హాలీవుడ్) ఏప్రిల్‌ 7

‘‘రావణాసుర’ చిత్రం నన్నెంతో అలరించింది. కచ్చితంగా ప్రేక్షకులందర్నీ కూడా అలరిస్తుందని నా ప్రగాఢ నమ్మకం. ఈ సినిమా విజయంపై పూర్తి నమ్మకంతో ఉన్నాం’’ అన్నారు రవితేజ. ఆయన హీరోగా నటించిన తాజా చిత్రం ‘రావణాసుర’. ఇందులో అనూ ఇమ్మాన్యుయేల్, మేఘా ఆకాష్, ఫరియా అబ్దుల్లా, దక్షా నగార్కర్, పూజితా పొన్నాడ హీరోయిన్లుగా నటించారు. అభిషేక్‌ నామా, రవితేజ నిర్మించిన ఈ చిత్రం ఈ నెల 7న రిలీజ్‌ కానుంది. ఈ సందర్భంగా శనివారం జరిగిన ఈ సినిమా ప్రీ రిలీజ్‌ ఈవెంట్‌లో రవితేజ మాట్లాడుతూ– ‘‘రావణాసుర’ టైటిల్, ఆ టైటిల్‌ డిజైన్‌ క్రెడిట్‌ నిర్మాత అభిషేక్‌కు దక్కుతుంది. అతను మల్టీటాలెంటెడ్‌ పర్సన్‌. ఈ సినిమా మంచి విజయం సాధించి నిర్మాతలుగా మాకు మంచి పేరు రావాలని, భవిష్యత్‌లో మేమిద్దరం కలిసి మరిన్ని సినిమాలు చేయాలని కోరుకుంటున్నాను. ఈ సినిమా హిట్‌తో సుధీర్‌ వర్మ నెక్ట్స్‌ లెవల్‌కి వెళ్లాలి. ఆర్‌టీ టీమ్‌ వర్క్స్‌ బ్యాక్‌బోన్స్‌ అయిన శేత, నమ్రత, వింధ్యా రెడ్డిగార్లకు థ్యాంక్స్‌. నా ఉత్సాహం, నా ప్రోత్సాహం నా అభిమానులే’’ అని అన్నారు. ‘‘రవితేజగారి నుంచి కొత్త విషయాలు నేర్చుకున్నాను. రిజల్ట్‌తో సంబంధం లేకుండా ప్రతి సినిమాకు కష్టపడాలని చెప్పారు. సుధీర్‌వర్మ అద్భుతమైన దర్శకుడు. ఆయన నన్ను కొత్తగా చూపించారనే అనుకుంటున్నాను’’ అన్నారు సుశాంత్‌. ‘‘రావణాసుర’ బ్లాక్‌బస్టర్‌ హిట్‌ అవుతుంది’’ అన్నారు అభిషేక్‌ నామా. ‘‘రవితేజగారి ‘ఆంజనేయులు’ సినిమాకు దర్శకత్వ విభాగంలో వర్క్‌ చేశాను. దర్శకుడిగా ఆయనతో ఓ సినిమా చేయాలనుకున్నాను. ‘రావణాసుర’ వంటి మంచి స్టోరీకి డైరెక్టర్‌గా నన్ను సెలక్ట్‌ చేసుకున్న రవితేజగారికి ధన్యవాదాలు. ఈ సినిమా చూసిన తర్వాత ఆడియన్స్‌ హండ్రెండ్‌ పర్సెంట్‌ థ్రిల్‌ అవుతారు’’ అన్నారు సుధీర్‌వర్మ. మేఘా ఆకాష్, దక్షా నగార్కర్, పూజితా పొన్నాడ. మ్యూజిక్‌ డైరెక్టర్స్‌ హర్షవర్థన్‌ రామేశ్వర్, భీమ్స్‌ సిసిరోలియో, రైటర్‌ శ్రీకాంత్‌ విస్సా తదితరులు పాల్గొన్నారు.

‘‘రావణాసుర’ సినిమా ప్రత్యేకంగా ఉంటుంది. సుధీర్‌ వర్మగారు సౌండింగ్‌ కొత్తగా ఉండాలనుకుంటారు. సాంగ్స్, నేపథ్య సంగీతం కొత్తగా చేశాం. ఈ సినిమాకి పని చేయడం సవాలుగా అనిపించింది’’ అని సంగీతదర్శకుడు హర్షవర్ధన్‌ రామేశ్వర్‌ అన్నారు. రవితేజ హీరోగా సుధీర్‌ వర్మ దర్శకత్వం వహించిన చిత్రం ‘రావణాసుర’. అభిషేక్‌ నామా, రవితేజ నిర్మించిన ఈ సినిమా ఈ నెల 7న రిలీజవుతోంది. ఈ చిత్రానికి హర్షవర్ధన్‌ రామేశ్వర్, భీమ్స్‌ సిసిరోలియో సంగీతం అందించారు. హర్షవర్ధన్‌ రామేశ్వర్‌ మాట్లాడుతూ– ‘‘రావణాసుర’కి థీమ్‌ సాంగ్‌ కావాలని అభిషేక్, సుధీర్‌ వర్మ గార్లు అడగటంతో ట్యూన్‌ ఇచ్చాను. అది విని ‘రావణాసుర’కి నువ్వే మ్యూజిక్‌ చేస్తున్నావ్‌’ అనడంతో సర్ర్‌పైజ్‌గా అనిపించింది. రవితేజగారికి నేను పెద్ద ఫ్యాన్‌ని. ఆయన సినిమాకి పని చేయడంతో నా కల నెరవేరింది. ‘రావణాసుర’కి నేను నాలుగు పాటలు, నేపథ్య సంగీతం అందించాను. భీమ్స్‌గారు ఓ ప్రత్యేక పాట చేశారు. సందర్భానుసారమే ఇళయరాజాగారి ‘వెయ్యిన్నొక్క జిల్లాల..’ పాటని రీమిక్స్‌ చేశాం. ‘అర్జున్‌ రెడ్డి, జార్జ్‌ రెడ్డి’ తర్వాత ‘రావణాసుర’ నన్ను మరో మెట్టు ఎక్కిస్తుందని నమ్ముతున్నాను. ప్రస్తుతం ‘డెవిల్‌’, ‘యానిమల్‌’ (హిందీ) సినిమాలకి సంగీతం అందిస్తున్నాను’’ అన్నారు.

మాస్ మహారాజా రవితేజ ఎటువంటి బ్యాక్ గ్రౌండ్ లేకుండానే స్టార్ హీరోగా ఎదిగారు. ఈ ఏడాదిలో వచ్చిన ధమాకా సూపర్ హిట్‌గా నిలిచిన సంగతి తెలిసిందే. రవితేజ హీరోగా తెరకెక్కిస్తున్న తాజా చిత్రం రావణాసుర. ఈ సినిమాకు సుధీర్ వర్మ దర్శకత్వం వహిస్తున్నారు. ఈ చిత్రంలో రవితేజ సరసన అను ఇమ్మాన్యుయేల్, మేఘా ఆకాష్, ఫరియా అబ్దుల్లా నటిస్తుండగా.. హీరో సుశాంత్ కీలక పాత్రలో కనిపిస్తున్నాడు.  ఈ సినిమా ఏప్రిల్ 7 న థియేటర్లలో సందడి చేయనుంది. విడుదల తేదీ దగ్గర పడుతుండడంతో  మూవీ ప్రమోషన్లలో బిజీగా ఉన్నారు రవితేజ. ఇందులో భాగంగా రవి తేజ, సుశాంత్‌తో కలిసి డైరెక్టర్ హరీష్ శంకర్ ఓ ఇంటర్వ్యూ చేశారు. తాజాగా రవితేజ తన కుమారుడి  మహాధన్ టాలీవుడ్ ఎంట్రీపై ఇంట్రెస్టింగ్ కామెంట్స్ చేశారు. మహాధన్ నటించిన రాజా ది గ్రేట్ సినిమాలో చిన్నప్పుడు రవితేజగా నటించి మెప్పించిన సంగతి తెలిసిందే.  రవితేజ మాట్లాడుతూ..' ఆ విషయం నాకు తెలియదు.. అస్సలు ఇప్పటివరకు అలాంటి ఐడియా కూడా రాలేదు. ఈ విషయంలో నాకేలాంటి సంబంధం లేదు. ప్రస్తుతం వాడు ఎంజాయ్ చేస్తున్నాడు. వాడికి ఇంట్రెస్ట్ ఉంది.. కానీ ఎప్పుడు వస్తాడో తెలియదు. ఒకవేళ వస్తానంటే వెళ్లు అని చెప్తా. ఒక్క సలహా కూడా ఇవ్వను. వాడికి ఇవ్వాల్సిన సలహాలు ఇచ్చేశాను. కెరీర్ పట్ల ఫుల్ క్లారిటీతో ఉన్నాడు. వాడి గురించి నేను చెప్పడం కాదు. తెలుసుకోవాలి.' అని అన్నారు.  దీంతో మహాధన్ టాలీవుడ్‌లో ఎంట్రీ ఇచ్చే అవకాశాలు కనిపిస్తున్నాయి. 

మాస్‌ మహారాజా రవితేజ నటిస్తున్న తాజా చిత్రం 'రావణాసుర'. ఈ చిత్రానికి సుధీర్‌ వర్మ దర్శకత్వం వహిస్తున్నారు.  ఈ సినిమాను అభిషేక్ పిక్చర్స్ , ఆర్టీ టీమ్‌వర్క్స్ సంయుక్తంగా నిర్మిస్తున్నాయి. భారీ బడ్జెట్‌తో తెరకెక్కిస్తున్న ఈ చిత్రంలో అను ఇమ్మాన్యుయేల్, మేఘా ఆకాష్, ఫరియా అబ్దుల్లా, దక్షా నాగర్కర్, పూజిత పొన్నాడ హీరోయిన్స్‌గా నటిస్తున్నారు. హీరో సుశాంత్‌ ఇందులో కీలక పాత్రలో కనిపించనున్నారు. తాజాగా ఈ చిత్రానికి సంబంధించిన ట్రైలర్‌ రిలీజ్ చేశారు మేకర్స్.  ట్రైలర్ ఫుల్ యాక్షన్‌ ఫైట్‌తో ప్రారంభమైంది. ట్రైలర్ చూస్తే ఈ చిత్రాన్ని యాక్షన్‌ థ్రిల్లర్‌గా రూపొందించినట్లు తెలుస్తోంది. కాగా.. ఈ చిత్రం ఏప్రిల్ 7న ప్రపంచ వ్యాప్తంగా విడుదల కానుంది. ట్రైలర్ చివర్లో  'ఈ భూమ్మీద నన్ను ఆపగలిగేవాడు ఎవడన్నా ఉన్నాడంటే అది నేనే' అనే డైలాగ్ మాస్ ఆడియన్స్‌కు మరింత ఆసక్తి పెంచుతోంది. ఈ సారి మాస్ మహా రాజా ఫ్యాన్స్‌కు మరోసారి ఫుల్ యాక్షన్‌ అండ్ కామెడీ ఎంటర్‌టైనర్‌గా ఖాయంగా కనిపిస్తోంది. ఈ చిత్రంలో రవితేజ న్యాయవాది పాత్రలో కనిపించనున్నారు. We’re all bad in someone's story! Presenting you all the #RavanasuraTrailer 🔥 - https://t.co/zfsnw1anr3 Taking over theatres from APRIL 7th :)) #RavanasuraOnApril7 pic.twitter.com/DfpEyJVI28 — Ravi Teja (@RaviTeja_offl) March 28, 2023

మాస్‌ మహారాజా రవితేజ నటిస్తున్న తాజా చిత్రం 'రావణాసుర'. ఈ చిత్రానికి సుధీర్‌ వర్మ దర్శకత్వం వహిస్తున్నారు.  ఈ సినిమాను అభిషేక్ పిక్చర్స్ , ఆర్టీ టీమ్‌వర్క్స్ సంయుక్తంగా నిర్మిస్తున్నాయి. భారీ బడ్జెట్‌తో తెరకెక్కిస్తున్న ఈ చిత్రంలో అను ఇమ్మాన్యుయేల్, మేఘా ఆకాష్, ఫరియా అబ్దుల్లా, దక్షా నాగర్కర్, పూజిత పొన్నాడ హీరోయిన్స్‌గా నటిస్తున్నారు. హీరో సుశాంత్‌ ఇందులో కీలక పాత్రలో కనిపించనున్నారు.  తాజాగా ఈ చిత్రానికి సంబంధించిన కీలక అప్‌డేట్‌ వచ్చేసింది. ఈ మూవీ ట్రైలర్‌ విడుదల తేదీని చిత్రబృందం ప్రకటించింది. ఈనెల 28న ట్రైలర్‌ రిలీజ్ చేయనున్నట్లు మేకర్స్ అధికారికంగా ప్రకటించారు. ఈ సందర్భంగా ఓ కొత్త పోస్టర్‌ను అభిమానులతో పంచుకున్నారు. పోస్టర్‌ చూస్తే రవితేజ సీరియస్‌ లుక్‌లో కనిపించారు. ఈ చిత్రాన్ని యాక్షన్‌ థ్రిల్లర్‌గా రూపొందించినట్లు తెలుస్తోంది. అంతే కాకుండా ఈ సినిమాలో రవితేజ నెగిటివ్‌ షేడ్స్‌లో కనిపించనున్నట్లు టాక్‌ వినిపిస్తోంది. ఈ చిత్రం ఏప్రిల్ 7న విడుదల కానుంది.  The fireworks will begin in advance for you all 🤗#RavanasuraTrailer on 28th March at 4:05 PM 😎#Ravanasura#RavanasuraOnApril7 pic.twitter.com/lE0DFISvUD — Ravi Teja (@RaviTeja_offl) March 25, 2023

‘‘రవితేజగారితో ఇది వరకే ‘ఖిలాడి’ సినిమాకు వర్క్‌ చేశాను. ఇప్పుడు ఆయన హీరోగా చేసిన ఈ ‘రావణాసుర’తో పాటు ‘టైగర్‌ నాగేశ్వరరావు’ సినిమాకూ వర్క్‌ చేస్తున్నాను. నేను చెప్పే కథలు రవితేజగారికి నచ్చుతున్నాయి. అందుకే ఆయనతో వెంట వెంటనే అసోసియేట్‌ కావడం వీలవుతోంది’’ అన్నారు రైటర్‌ శ్రీకాంత్‌ విస్సా. రవితేజ హీరోగా నటించిన చిత్రం ‘రావణాసుర’. సుధీర్‌ వర్మ దర్శకత్వంలో అభిషేక్‌ అగర్వాల్‌ నిర్మించిన ఈ చిత్రం ఏప్రిల్‌ 7న రిలీజ్‌ కానుంది. ఈ సందర్భంగా విలేకర్ల సమావేశంలో ఈ చిత్ర రచయిత శ్రీకాంత్‌ విస్సా మాట్లాడుతూ..‘‘ప్రతి హీరోలో ఓ విలన్‌ ఉన్నట్లే ప్రతి విలన్‌లో ఓ హీరో ఉంటాడు. ‘రావణాసుర’ కాన్సెప్ట్‌ అదే. ఆ రావణాసురుడిలో ఎన్ని షేడ్స్‌ ఉన్నాయో.. రవితేజగారి పాత్రలోనూ అన్ని ఉన్నాయి. ప్రస్తుతం అల్లు అర్జున్‌ ‘పుష్ప 2’, కల్యాణ్‌రామ్‌ ‘డెవిల్‌’ చిత్రాలు చేస్తున్నాను. నా అంతిమ లక్ష్యం దర్శకత్వమే’’  అన్నారు. 

ఉగాది పండగని పురస్కరించుకుని పలు సినిమాల నుంచి పాటలు విడుదలయ్యాయి. ఆ పాటల సందడి విశేషాలు చూద్దాం.. ⇔ రవితేజ హీరోగా సుధీర్‌ వర్మ దర్శకత్వంలో తెరకెక్కిన చిత్రం ‘రావణాసుర’. అభిషేక్‌ నామా, రవితేజ నిర్మించిన ఈ చిత్రం ఏప్రిల్‌ 7న రిలీజ్‌ కానుంది. భీమ్స్‌ సిసిరోలియో స్వరపరచిన ఈ సినిమా నుంచి ‘డిక్కా డిష్యూం..’ అంటూ సాగే పాటను రిలీజ్‌ చేశారు. కాసర్ల శ్యామ్‌ సాహిత్యం అందించిన ఈ పాటని స్వాతి రెడ్డి యూకే, భీమ్స్, నరేష్‌ మామిండ్ల ఆలపించారు.  ⇔ శ్రీకాంత్‌ ఓదెల దర్శకత్వంలో నాని, కీర్తీ సురేష్‌ జంటగా నటించిన ‘దసరా’ ఈ నెల 30న రిలీజ్‌ కానుంది. సుధాకర్‌ చెరుకూరి నిర్మించిన ఈ సినిమాకి సంతోష్‌ నారాయణన్‌ స్వరపరచిన ‘ధూం ధాం దోస్తాన్‌..’ అనే వీడియో సాంగ్‌ని రిలీజ్‌ చేశారు. కాసర్ల శ్యామ్‌ రాసిన ఈ పాటని రాహుల్‌ సిప్లిగంజ్, కనకవ్వ, గన్నోర దాసు లక్ష్మి పాలమూరు జంగిరెడ్డి, నర్సన్న, కాసర్ల శ్యామ్‌ పాడారు.  ⇔ అనుష్క శెట్టి, నవీన్‌ పోలిశెట్టి నటించిన చిత్రం ‘మిస్‌ శెట్టి మిస్టర్‌ పోలిశెట్టి’. పి. మహేష్‌ కుమార్‌ దర్శకత్వంలో వంశీ, ప్రమోద్, విక్రమ్‌ నిర్మించారు. ఈ సినిమా నుంచి ‘పుత్తడి బొమ్మ కోవెల కొమ్మ..’ అనే తొలి లిరికల్‌ సాంగ్‌ను రిలీజ్‌ చేశారు. రధన్‌ సంగీతం అందించిన ఈ పాటను అనంత్‌ శ్రీరామ్‌ రాయగా, ఎమ్‌ఎమ్‌ మానసి పాడారు.   ⇔ రాఘవ లారెన్స్‌ హీరోగా నటించిన చిత్రం ‘రుద్రుడు’. కదిరేశన్‌ దర్శకత్వం వహించిన ఈ చిత్రాన్ని నిర్మాత ‘ఠాగూర్‌’ మధు తెలుగులో ఏప్రిల్‌ 14న విడుదల చేస్తున్నారు. జీవీ ప్రకాష్‌ కుమార్‌ సంగీతం అందించిన ఈ చిత్రంలోని ‘భగ భగ రగలరా..’ పాటని రిలీజ్‌ చేశారు. రామజోగయ్య శాస్త్రి సాహిత్యం అందించిన ఈ పాటని పృథ్వీ చంద్ర పాడారు.  ⇔ యోగేశ్వర్, అతిథి జంటగా సాయి శివాజీ దర్శకత్వం వహించిన చిత్రం ‘పరారి’. గాలి ప్రత్యూష సమర్పణలో జీవీవీ గిరి నిర్మించిన ఈ సినిమా ఈ 30న రిలీజవుతోంది. ఈ చిత్రం కోసం మహిత్‌ నారాయణ్‌ స్వరాలు సమకూర్చి, రాసిన ‘ఏమో ఏమో..’ పాటని నటి విజయశాంతి రిలీజ్‌ చేశారు. ఈ పాటను సాయి చరణ్, సురభి శ్రావణి పాడారు.    

‘‘నటిగా నా జర్నీపై నాకో స్పష్టత ఉంది. అందుకే సినిమాల ఎంపిక విషయంలో నాకు తొందర పాటు లేదు. చాన్స్‌లు వస్తాయా? రావా అనే భయం కూడా లేదు’’ అన్నారు ఫరియా అబ్దుల్లా. రవితేజ హీరోగా సుధీర్‌ వర్మ దర్శకత్వంలో రూపోందిన చిత్రం ‘రావణాసుర’. ఈ చిత్రంలో అనూ ఇమ్మాన్యుయేల్, మేఘా ఆకాష్, ఫరియా అబ్దుల్లా, దక్షా నగార్కర్, పూజితా పోన్నాడ హీరోయిన్లుగా నటించారు. రవితేజ, అభిషేక్‌ అగర్వాల్‌ నిర్మించిన ఈ చిత్రం ఏప్రిల్‌ 7న రిలీజ్‌ కానుంది. ఈ సందర్భంగా ఫరియా అబ్దుల్లా మాట్లాడుతూ.. ‘‘ఈ చిత్రంలో లాయర్‌ కనకమహాలక్ష్మి పాత్ర చేశాను. అయితే ‘జాతి రత్నాలు’లో చేసిన కామెడీ లాయర్‌లాంటి పాత్ర కాదు. కనకమహాలక్ష్మి సీరియస్‌గా ఉంటుంది. రవితేజగారు నాకు సీనియర్‌ లాయర్‌. ప్రస్తుతం తెలుగు, హిందీ, తమిళ్‌లో ఒక్కో సినిమా చేస్తున్నాను’’ అన్నారు.

‘‘నా ప్రతి సినిమాలో ఎప్పుడూ కొత్తగా చేయాలని ప్రయత్నిస్తాను. నా గత చిత్రాలు ‘హోరాహోరి, హుషారు, జాంబిరెడ్డి’ కూడా వేటికవే ప్రత్యేకమైన జోనర్‌. ‘రావణాసుర’ కూడా చాలా వైవిధ్యమైన సినిమా. ఇందులో నా పాత్ర చూసి ప్రేక్షకులు సర్‌ప్రైజ్‌ అవుతారు’’ అని హీరోయిన్‌ దక్షా నగార్కర్‌ అన్నారు. రవితేజ హీరోగా సుధీర్‌ వర్మ దర్శకత్వం వహించిన చిత్రం ‘రావణాసుర’. అభిషేక్‌ నామా, రవితేజ నిర్మించిన ఈ సినిమా ఏప్రిల్‌ 7న విడుదల కానుంది. ఈ చిత్రంలో ఓ హీరోయిన్‌గా నటించిన దక్షా నగార్కర్‌ మాట్లాడుతూ..‘‘రావణాసుర’ కోసం అభిషేక్‌గారు నన్ను సంప్రదించారు. ఆ తర్వాత సుధీర్‌ వర్మగారు నా పాత్ర, లుక్‌ గురించి చెప్పగానే ఎగ్జయిటింగ్‌గా అనిపించింది. ఈ మూవీలో నలుగురు హీరోయిన్లు ఉన్నప్పటికీ నా పాత్రకి ఎంత న్యాయం చేయగలను అనే దానిపైనే దృష్టి పెట్టాను. నటనకి ఆస్కారం ఉన్న పాత్ర చేశాను. ఒక నటిగా అన్ని రకాల పాత్రలు చేయాలని, అందరి హీరోలతో కలిసి నటించాలని ఉంది. కొత్తగా రెండు సినిమాలు ఒప్పుకున్నాను’’ అన్నారు.   

‘వెయ్యిన్నొక్క జిల్లాల వరకు వింటున్నాము నీ కీర్తినే.. ముల్లోకాల ఏ మూల ఉన్నా నీ అందాల సంకీర్తనే’ అని పాడుతున్నారు రావణాసుర. రవితేజ హీరోగా నటించిన చిత్రం ‘రావణాసుర’. సుశాంత్‌ కీ రోల్‌ చేసిన ఈ చిత్రంలో అనూ ఇమ్మాన్యుయేల్, మేఘా ఆకాష్, ఫరియా అబ్దుల్లా, దక్షా నగార్కర్, పూజితా పొన్నాడ హీరోయిన్లు. రవితేజ, అభిషేక్‌ నామా నిర్మించిన ఈ చిత్రం ఏప్రిల్‌ 7న విడుదల కానుంది. ఈ సందర్భంగా బుధవారం ఈ చిత్రంలోని ‘వెయ్యిన్నొక్క జిల్లాల..’ పాట లిరికల్‌ వీడియోను రిలీజ్‌ చేశారు. వెంకటేశ్‌ ‘సూర్య ఐపీఎస్‌’ చిత్రంలోని ‘వెయ్యిన్నొక్క జిల్లాలకు..’ పాటకు ఇది రీమిక్స్‌ వెర్షన్‌. అప్పట్లో ఈ పాటకు ‘సిరివెన్నెల’ సీతారామశాస్త్రి లిరిక్స్‌ అందించారు. శేఖర్‌ మాస్టర్‌ కొరియోగ్రఫీలో అనురాగ్‌ కులకర్ణి ఈ లేటెస్ట్‌ వెర్షన్‌ను పాడారు. ఈ చిత్రానికి సంగీతం: హర్షవర్థన్‌ రామేశ్వర్, భీమ్స్‌ సిసిరోలియో, కెమెరా: విజయ్‌ కార్తీక్‌ కన్నన్‌.

మాస్‌ హీరో రవితేజ లాయర్‌గా నటిస్తున్న చిత్రం రావణాసుర. సుధీర్‌ వర్మ దర్శకత్వం వహిస్తున్న ఈ చిత్రంలో అనూ ఇమ్మాన్యుయేల్‌, మేఘా ఆకాశ్‌, ఫరియా అబ్దుల్లా, దక్షా నగార్కర్‌, పూజిత పొన్నాడ హీరోయిన్లుగా నటిస్తున్నారు. హీరో సుశాంత్‌ ముఖ్య పాత్ర పోషిస్తున్నాడు. సోమవారం ఈ సినిమా టీజర్‌ రిలీజ్‌ చేశారు. ఒక నేరస్థుడు ఓ అమ్మాయిని వెంబడించడంతో టీజర్ మొదలైంది. తర్వాత ఫ్రేమ్‌లో ఒక అమ్మాయి శరీరం మొత్తం రక్తంతో తడిసిపోయి విగతజీవిగా పడి ఉండటం కనిపిస్తోంది. “ప్రతి క్రిమినల్ తను చేసిన క్రైమ్ మీద వాడి సంతకం వదిలేసి వెళ్లిపోతాడు... ఆ సంతకం కోసం వెతకండి” అంటూ హత్య కేసును ఛేదించే అధికారిగా పాత్రలో జయరామ్‌ కనిపించాడు. రవితేజ లాయర్‌గా పరిచయం అయ్యాడు. కానీ ఈవిల్ స్మైల్ ఇవ్వడం, యాక్షన్‌లోకి దిగినప్పుడు గర్జించడం వంటివి ఆసక్తికరంగా ఉన్నాయి. చివరగా సుశాంత్ పరిచయం అయ్యాడు. 'సీతను తీసుకెళ్లాలంటే సముద్రం దాటితే సరిపోదు. ఈ రావణాసురిడిని దాటి వెళ్లాలి' అని మాస్‌ మహారాజ ఇచ్చిన వార్నింగ్‌ అదిరిపోయింది. చివర్లో డేంజర్‌ అంటూ హీరోను చూపించారు. టీజర్‌ అయితే అదిరిపోయిందంటున్నారు అభిమానులు. అభిషేక్‌ నామా, రవితేజ నిర్మిస్తున్న ఈ చిత్రానికి హర్షవర్దన్‌ రామేశ్వర్‌, భీమ్స్‌ సంగీతం అందిస్తున్నారు. ఏప్రిల్‌ 7న సినిమా విడుదల కానుంది. Welcoming you all to my world! The #RAVANASURA world 🔥 Here’s the #RavanasuraTeaser :)) - https://t.co/VnG6MdhzOV Looking forward to seeing you all at the theatres this April 7th 🤗🤗🤗 pic.twitter.com/TKcZHrVeZJ — Ravi Teja (@RaviTeja_offl) March 6, 2023

మాస్‌ మహారాజ రవితేజ నటిస్తున్న తాజా చిత్రం రావరణాసుర. సుధీర్‌ వర్మ దర్శకత్వం వహిస్తున్న ఈ సినిమాను అభిషేక్ పిక్చర్స్ , ఆర్టీ టీమ్‌వర్క్స్ సంయుక్తంగా నిర్మిస్తున్నాయి. భారీ బడ్జెట్‌తో రూపొందుతున్న ఈ సినిమాలో అను ఇమ్మాన్యుయేల్, మేఘా ఆకాష్, ఫరియా అబ్దుల్లా, దక్షా నాగర్కర్, పూజిత పొన్నాడ హీరోయిన్స్‌గా నటిస్తున్నారు. హీరో సుశాంత్‌ ఇందులో కీలక పాత్రలో కనిపించనున్నారు. యాక్షన్‌ థ్రిల్లర్‌గా రూపొందుతున్న ఈ సినిమాలో రవితేజ నెగిటివ్‌ షేడ్స్‌లో కనిపించనున్నట్లు టాక్‌ వినిపిస్తుంది. ఇదిలా ఉంటే షరవేగంగా జరుగుతున్న ఈ సినిమా షూటింగ్‌ తాజాగా పూర్తయ్యింది. వేసవి కానుకగా ఈ చిత్రాన్ని ఏప్రిల్‌7న విడుదల చేయనున్నట్లు మేకర్స్‌ ప్రకటించారు.    #Ravanasura shooting has wrapped up, and all set to release in theatres on April 7th. Get ready for an unforgettable cinematic experience! 🤘🏻🤘🏻@RaviTeja_offl @iamSushanthA @sudheerkvarma @RTTeamWorks @fariaabdullah2 @rameemusic @pujita_ponnada @SrikanthVissa @itswetha14 pic.twitter.com/Ct7arrnGQQ — ABHISHEK PICTURES (@AbhishekPicture) February 26, 2023

మాస్‌ మహారాజ రవితేజ హీరోగా నటిస్తున్న సినిమా రావణాసుర. సుధీర్‌ వర్మ దర్శకత్వం వహిస్తున్న ఈ సినిమాను అభిషేక్ నామా నిర్మిస్తున్నారు. ఇందులో సుశాంత్‌ కీలక పాత్రలో కనిపించనున్నారు. ఏప్రిల్‌7న ఈ సినిమా విడుదల కానుంది. ఈ సందర్భంగా ఇప్పటికే ప్రమోషన్స్‌ ప్రారంభించిన మూవీ టీం తాజాగా  ఒక సాంగ్ ప్రోమోను వదిలారు.'నేను ప్యార్ లోన పాగలే .. లోకల్ బాబా సెహగలే అంటూ పాట సాగుతుంది. ఈనెల 18న పూర్తి సాంగ్‌ను విడుదల చేయనున్నారు. ఇప్పటికే ధమాకా, వాల్తేరు వీరయ్య విజయాలతో దూసుకుపోతున్న రవితేజ నటిస్తున్న ఈ సినిమాపై ఇప్పటికే భారీ అంచనాలు నెలకొన్నాయి. ఇందులో రవితేజ నెగిటివ్‌ షేడ్స్‌తో కనిపించనుండటం మరో ఆసక్తికర విషయం ఏంటంటే.. ఇందులో అను ఇమ్మాన్యుయేల్, ఫరియా అబ్దుల్లా, మేఘా ఆకాష్,దక్ష నగార్కర్ హీరోయిన్లుగా కనిపించనున్నారు. 

మాస్‌ మహారాజ రవితేజ హీరోగా నటిస్తున్న తాజా చిత్రం రావణాసుర. సుధీర్‌ వర్మ దర్శకత్వం వహిస్తున్న ఈ సినిమాకు అభిషేక్‌ నామా నిర్మాతగా వ్యవహరిస్తున‍్నారు. ఈ మూవీలో అనూ ఇమ్మాన్యుయేల్, మేఘా ఆకాష్, ఫరియా అబ్దుల్లా, దక్షా నగార్కర్, పూజిత పొన్నాడ హీరోయిన్లుగా నటిస్తున్నారు. ఇప్పటికే విడుదలైన పోస్టర్స్‌ ఆకట్టుకుంటున్నాయి. తాజాగా ఈ సినిమాకు సంబంధించి మరో క్రేజీ అప్‌డేట్‌ను రేపు ఉదయం 10 గంటల 8 నిమిషాలకి విడదుల చేస్తామని మేకర్స్‌ అనౌన్స్‌ చేశారు. మరి ఆ అప్‌డేట్‌ ఏంటన్నది తెలియాల్సి ఉంది. కాగా బ్యాక్‌ టూ బ్యాక్‌ హిట్స్‌తో అదరగొడుతున్న రవితేజ వాల్తేరు వీరయ్య సక్సెస్‌ తర్వాత వస్తున్న చిత్రమిది. దీంతో ఇప్పటికే ఈ సినిమాపై భారీ అంచనాలు నెలకొన్నాయి. ఏప్రిల్‌ 7న ఈ సినిమా ప్రపంచ వ్యాప్తంగా విడుదల కానుంది.  #Ravanasura Update Tomorrow 10.08 a.m stay tuned ❤️❤️❤️ — ABHISHEK PICTURES (@AbhishekPicture) February 12, 2023

రవితేజ హీరోగా సుధీర్‌ వర్మ దర్శకత్వం వహిస్తున్న చిత్రం ‘రావణాసుర’. అనూ ఇమ్మాన్యుయేల్, మేఘా ఆకాష్, ఫరియా అబ్దుల్లా, దక్షా నాగర్కర్, పూజిత పొన్నాడ హీరోయిన్లుగా నటిస్తున్న ఈ చిత్రంలో సుశాంత్‌ కీలక పాత్ర చేస్తున్నారు. అభిషేక్‌ నామా, రవితేజ ఈ చిత్రాన్ని నిర్మిస్తున్నారు. హర్షవర్ధన్‌ రామేశ్వర్, భీమ్స్‌ సంగీతం అందిస్తున్న ఈ చిత్రం మ్యూజికల్‌ ప్రమోషన్స్‌ ప్రారంభమయ్యాయి. ఇందులో భాగంగా ‘రావణా..’ అంటూ సాగే థీమ్‌ సాంగ్‌ని విడుదల చేశారు. హర్షవర్ధన్‌ రామేశ్వర్‌ ఈ థీమ్‌ సాంగ్‌ని కంపోజ్‌ చేయగా, పాపులర్‌ మ్యూజిక్‌ వేదిక్‌ బ్యాండ్‌ శాంతి పీపుల్, నోలిక్‌ ఈ థీమ్‌ సాంగ్‌ని ఆలపించారు. ‘‘హై ఇంటెన్స్‌ యాక్షన్‌ థ్రిల్లర్‌ ‘రావణాసుర’. రవితేజను లాయర్‌ పాత్రలో చూపిస్తున్నారు సుధీర్‌ వర్మ. కథలో ఊహించని మలుపులుంటాయి. ఏప్రిల్‌ 7న మా సినిమాని విడుదల చేస్తాం’’ అన్నారు నిర్మాతలు.

మాస్‌ మహారాజా రవితేజ ఇప్పుడు బ్యాక్‌ టూ బ్యాక్‌ హిట్స్‌తో దూసుకుపోతున్నారు. ధమాకా, వాల్తేరు వీరయ్య హిట్స్‌తో జోరు మీదున్న రవితేజ తర్వాతి ప్రాజెక్ట్‌ల అప్‌డేట్స్‌ కోసం ఆయన ఫ్యాన్స్‌ ఎంతో ఆసక్తిగా ఎదురుచూస్తున్నారు. ప్రస్తుతం రవితేజ సుధీర్‌ వర్మ దర్శకత్వంలో రావణాసుర అనే సినిమాలో నటిస్తున్న సంగతి తెలిసిందే. మరో రెండు రోజుల్లో జనవరి26న ఆయన బర్త్‌డే సందర్భంగా రావణాసుర గ్లింప్స్‌ వీడియోను రిలీజ్‌ చేసేందుకు మేకర్స్‌ ప్లాన్‌ చేస్తున్నారు. ఈ చిత్రంలో అను ఇమ్మాన్యుయేల్, పూజిత పొన్నాడ, దక్ష నాగర్కర్, ఫరియా అబ్దుల్లా, మేఘా ఆకాష్ మెయిన్‌ లీడ్స్‌లో నటిస్తున్నారు. అభిషేక్ పిక్చర్స్ మరియు RT టీమ్‌వర్క్స్ సంయుక్తంగా నిర్మించిన ఈ చిత్రం ఈ ఏడాది సమ్మర్‌ స్పెషల్‌గా విడుదల కానుంది.  Get ready for a special treat on MASS MAHARAJA @RaviTeja_offl birthday😎 A Glimpse of #Ravanasura On JAN 26th 2023 🔥 Stay Tuned ❤️‍🔥@iamSushanthA @sudheerkvarma @RTTeamWorks @SrikanthVissa @rameemusic #BheemsCeciroleo @RavanasuraMovie @AbhishekPicture pic.twitter.com/fWD6gBhOHX — RT Team Works (@RTTeamWorks) January 24, 2023

మాస్ మహారాజా రవితేజ నటిస్తున్న 'రావణాసుర'. ఈ సినిమాకు సుధీర్‌ వర్మ దర్శకత్వం వహిస్తున్నారు. భారీ యాక్షన్ సన్నివేశాలతో ఈ మూవీ నిర్మిస్తున్నట్లు తెలుస్తోంది. అభిషేక్‌ నామా నిర్మాతగా వ్యవహరిస్తున‍్నారు. ఇప్పటికే విడుదలైన రవితేజ, అక్కినేని సుశాంత్‌ ఫస్ట్‌ లుక్స్‌కి ఆడియన్స్‌లో మంచి స్పందన వచ్చింది. ఈ చిత్రంలో రవితేజ లాయర్‌గా కనిపించనున్నారు. ఈ మూవీలో అనూ ఇమ్మాన్యుయేల్, మేఘా ఆకాష్, ఫరియా అబ్దుల్లా, దక్షా నగార్కర్, పూజిత పొన్నాడ హీరోయిన్లుగా నటిస్తున్నారు. దీపావళి సందర్భంగా ఈ చిత్రానికి సంబంధించి కీలక అప్‌డేట్ వచ్చింది. ఈ సినిమా వచ్చే ఏడాది ఏప్రిల్ 7న థియేటర్లలో సందడి చేయనున్నట్లు చిత్రబృందం అధికారికంగా ప్రకటించింది. మాస్‌ లుక్‌లో ఉన్న రవితేజ పోస్టర్‌ను షేర్ చేస్తూ సోషల్ మీడియా ద్వారా వెల్లడించింది. దీంతో రవితేజ పోస్టర్ చూసిన అభిమానులు క‍్రేజీ కామెంట్స్ చేస్తున్నారు. కొందరేమో మరో మాస్ ఎంటర్‌టైనర్‌ బ్లాస్ట్‌ అవ్వబోతోందని అని కామెంట్స్ చేయగా.. మరికొందరు ఇది కూడా ఫ్లాప్ లిస్ట్‌లో చేరినట్లేనా అంటూ నెగెటివ్ పోస్టులు పెడుతున్నారు. ఏది ఏమైనా దీపావళి కానుకగా రవితేజ ఫ్యాన్స్‌కు ఇది గుడ్ న్యూస్. ఇప్పటికే ఈ సినిమాకి సంబంధించి ఓ భారీ యాక్షన్‌ షెడ్యూల్‌ షూటింగ్‌ పూర్తయింది. ‘‘ఈ షెడ్యూల్‌లో హై వోల్టేజ్‌ యాక్షన్‌ సీక్వెన్స్‌తో పాటు కొన్ని కీలక సన్నివేశాలు చిత్రీకరించారు. హీరో రవితేజ ప్రస్తుతం బ్యాక్ టు బ్యాక్ సినిమాలతో ప్రేక్షకుల ముందుకు రావడానికి సిద్ధమ వుతున్నారు. తాజాగా నటి స్తున్న ధమాకా చిత్రం తో త్వరలోనే ప్రేక్ష కుల ముందుకు రాబోతు న్నది. దీపావళి శుభాకాంక్షలు 😊 Welcoming you all to the exciting world of #RAVANASURA from April 7th 2023 ❤️@iamSushanthA @sudheerkvarma @AbhishekPicture @SrikanthVissa @RTTeamWorks pic.twitter.com/AKAzLuQZuR — Ravi Teja (@RaviTeja_offl) October 24, 2022

రవితేజ హీరోగా సుధీర్‌ వర్మ దర్శకత్వంలో తెరకెక్కుతున్న చిత్రం ‘రావణాసుర’. అనూ ఇమ్మాన్యుయేల్, మేఘా ఆకాష్, ఫరియా అబ్దుల్లా, దక్షా నగార్కర్, పూజిత పొన్నాడ హీరోయిన్లుగా నటిస్తున్నారు. అభిషేక్‌ నామా నిర్మిస్తున్న ఈ సినిమాకి సంబంధించి ఓ భారీ యాక్షన్‌ షెడ్యూల్‌ షూటింగ్‌ పూర్తయింది. ‘‘ఈ షెడ్యూల్‌లో హై వోల్టేజ్‌ యాక్షన్‌ సీక్వెన్స్‌తో పాటు కొన్ని కీలక సన్నివేశాలు చిత్రీకరించాం. రవితేజ లాయర్‌గా కనిపించనున్న చిత్రమిది. ఇప్పటికే విడుదలైన రవితేజ, సుశాంత్‌ ఫస్ట్‌ లుక్స్‌కి మంచి స్పందన వచ్చింది. శ్రీకాంత్‌ విస్సా ఈ చిత్రానికి పవర్‌ఫుల్‌ కథతో పాటు మాటలు, స్క్రీన్‌ ప్లే అందించారు’’ అని చిత్రయూనిట్‌ పేర్కొంది. ఈ చిత్రానికి సంగీతం: హర్షవర్ధన్‌ రామేశ్వర్, భీమ్స్,కెమెరా: విజయ్‌ కార్తీక్‌ కన్నన్, సీఈఓ: పోతిని వాసు. 

మనిషి తన జీవన ప్రయాణంలో అనుక్షణం గుర్తుంచుకోవలసిన విషయం ఒకటి ఉంది...‘త్యజదుర్జన సంసర్గమ్‌ భజ సాధు సమాగమమ్‌’.. ప్రయత్న పూర్వకంగా మానేయవలసినది... దుర్జనులతో స్నేహం. అది ఎప్పటికయినా కొంప ముంచేస్తుంది. ఏదో ప్రమాదాన్ని తెస్తుంటుంది. అలాగే కోరికోరి చేయవలసిన పని... మంచి మార్గంలో నడిచేవారితో కలిసి మెలిసి ఉండడం.  మంచి మనుషులు అంటే నాకెవరూ అందుబాటులో లేరని అనుకోవద్దు. రామకృష్ణ పరమహంస, వివేకానంద స్వామిలాంటి మహనీయుల పుస్తకాలు, చంద్రశేఖర సరస్వతీ మహాస్వామివారి అనుగ్రహ భాషణాలవంటివి ఇంట్లో ఉంచుకుని వాటిని చదువుతూ, వింటూఉంటే వారు మనతో ఉన్నట్లే.. మనమూ వారివేలు పట్టుకుని నడుస్తున్నట్టే. సత్పురుషుల మాటలు వినడం, వారి జీవిత చరిత్రలు చదవడం, వారి జీవన విధానాన్ని పరిశీలించడం వంటివి క్రమం తప్పకుండా చేస్తుంటే... మనం మంచి మార్గంలో ప్రయాణించడానికి అవసరమైన స్ఫూర్తిని అవి  ప్రతి క్షణం కలిగిస్తుంటాయి. మారీచుడు రావణాసురుడితో ఓ మాటంటాడు – ‘కొన్ని తప్పులు చేస్తే కొన్నే పోతాయి. కానీ మహాత్ముల జోలికి వెళ్ళావనుకో ఎంత ప్రమాదం వస్తుందో తెలుసా! నీ ఒక్కడితో పోదు. నువ్వు పరిపాలిస్తున్న లంకా పట్టణం నాశనమయిపోతుంది. నిన్ను నమ్ముకున్నందుకు రాక్షసులు ఒక్కరు కూడా మిగలరు. ఆఖరికి నీ కొడుకులు, నీ తోడబుట్టినవారుకూడా పోతారు. నీ భార్యలతో నువ్వు సంతోషంగా హాయిగా బతకాలనుకుంటే సీతమ్మ జోలికి వెళ్ళకు’ అన్నాడు. రావణుడు వినకపోగా ఏమన్నాడంటే – ‘‘సీతాపహరణానికి సహకారం చేస్తే రాముడి చేతిలో చచ్చిపోతావు. నా మాట వినకపోతే నా చేతిలో చస్తావు. నీకు ఎవరి చేతిలో చావాలనుంది’’ అని అడిగాడు. దుర్మార్గుడయిన నీ చేతిలో చచ్చేకన్నా మహాపురుషుడు రాముడి చేతిలో చచ్చిపోతానని చెప్పి వెళ్ళిపోయాడు మారీచుడు. ఏమయింది చివరకు ...? మారీచుడు చెప్పినట్టే ఒక్క దుర్మార్గుడి వల్ల మొత్తం లంకారాజ్యం అంతా నశించిపోయింది. రాక్షసులు నశించిపోయారు. కొడుకు ఇంద్రజిత్‌ పోయాడు. ఆఖరికి భార్య రావణాసురుడి శవాన్ని చూసి –‘‘అందరూ నిన్ను రాముడు చంపాడనుకుంటున్నారు, కాదు. నిజానికి నిన్ను చంపింది ఎవరో తెలుసా! నీ ఇంద్రియాలే,  వాటి లోలత్వమే నిన్ను చంపేసాయి.’’ అంటూ ఆవేదన వ్యక్తం చేసింది. ముందు ఒక మేకల మంద వెడుతుంటుంది. వాటి వెనుక ఒక వ్యక్తి వెళ్లాడనుకోండి. మేకలను రక్షిస్తాడు. అలా కాక ఒక తోడేలో, నక్కో వెళ్లిందనుకోండి. అప్పుడు మేకలకు ప్రమాదం బయటినుంచేమీ ఉండదు. వాటికి రక్షణగా ఉన్నవే వాటిని భక్షించేస్తాయి. నీవు కూడా దుర్మార్గులతో కలిసి ఉంటే నిన్ను పాడుచేయడానికి బయటినుంచి ఎవరూ రానక్కరలేదు. ఆ దుర్మార్గులతో కలిసి ఉన్న కారణమే నిన్ను నాశనం చేసేస్తుంది. అదే ఒక సత్పురుషుడితో కలిసి ఉంటే నీవు మంచి పనులు చేస్తున్నా చేయకపోయినా నీలో ఉన్న దుర్గుణాలన్నీ ఒక్కొక్కటిగా తొలగిపోతుంటాయి. సుమతీ శతకకారుడి ఆవేదనాభరిత సందేశం కూడా ఇదే. బ్రహ్మశ్రీ చాగంటి కోటేశ్వరరావు

Ravi Teja Step Into Ravanasura Movie Sets: మాస్​ మహారాజా రవితేజ కేరీర్ పరంగా ఫుల్​ జోష్​ మీదున్నాడు. 'క్రాక్​'తో బ్లాక్​ బస్టర్ హిట్​ అందుకున్న రవితేజ ఏకంగా 5 సినిమాలు ప్రకటించి అందరిని ఆశ్చర్యపరిచాడు. అందులో రెండు చిత్రాల షూటింగ్​ దాదాపుగా పూర్తయింది. ఇక రమేశ్ వర్మ దర్శకత్వంలో వస్తున్న 'ఖిలాడి' సినిమా ఫిబ్రవరి 11న ప్రేక్షకుల ముందుకు రానుంది. ఇక రవితేజ 70వ చిత్రంగా వస్తోంది 'రావణాసుర'. ఈ మూవీకి సుధీర్​ వర్మ డైరెక్టర్​. తాజాగా ఈ సినిమా నుంచి అప్​డేట్ ఇచ్చింది చిత్రబృందం.​ ఈ సినిమా కోసం రంగంలోకి దిగాడు రవితేజ. 'రావణాసుర' రెండో షెడ్యూల్​ బుధవారం ప్రారంభమైంది. ఇందులో భాగంగా రవితేజతోపాటు మిగిలిన ప్రధాన పాత్రలపై కీలక సన్నివేశాలు తెరకెక్కిస్తున్నారు. మాస్​ మహారాజా సెట్​లోకి అడుగు పెట్టిన వీడియో, ఫొటోలను సోషల్​ మీడియా ద్వారా పంచుకుంది చిత్రబృందం. అను ఇమ్మాన్యుయేల్​, మేఘా ఆకాష్, ఫరియా అబ్దుల్లా, దక్ష నగార్కర్​, పూజిత పొన్నాడ కథానాయికలుగా నటిస్తున్న ఈ చిత్రంలో రవితేజ న్యాయవాదిగా అలరించనున్నాడు. అలాగే ముఖ్య పాత్రలో యంగ్​ హీరో సుశాంత్​ ఆకట్టుకోనున్నాడు. ఈ సినిమాను సెప్టెంబర్​ 30న ప్రేక్షకుల ముందుకు తీసుకురానున్నారు.    🥰🥰🥰🥰 #Ravanasura https://t.co/FAYHT5I5Wm — sudheer varma (@sudheerkvarma) February 2, 2022 #Ravana joins #Ravanasura🔥🔥🔥 https://t.co/QhM8cdxmF0 — sudheer varma (@sudheerkvarma) February 2, 2022

రవితేజ హీరోగా నటిస్తున్న తాజా చిత్రం ‘రావణాసుర’ షురూ అయింది. సుధీర్‌ వర్మ దర్శకత్వం వహిస్తున్నారు. అభిషేక్‌ పిక్చర్స్, ఆర్టీ టీమ్‌ వర్క్స్‌ బ్యానర్స్‌పై అభిషేక్‌ నామా నిర్మిస్తున్న ఈ సినిమా శుక్రవారం భోగి సందర్భంగా హైదరాబాద్‌లో ప్రారంభమైంది. రవితేజపై చిత్రీకరించిన ముహూర్తపు సన్నివేశానికి తెలంగాణ సినిమాటోగ్రఫీ శాఖ మంత్రి తలసాని శ్రీనివాస్‌ యాదవ్‌ కెమెరా స్విచ్చాన్‌ చేయగా, నటుడు చిరంజీవి క్లాప్‌ ఇచ్చారు. దర్శకులు కేయస్‌ రవీంద్ర (బాబీ), గోపీచంద్‌ మలినేని గౌరవ దర్శకత్వం వహించారు. దర్శకుడు కె. రాఘవేంద్ర రావు స్క్రిప్ట్‌ని యూనిట్‌కి అందించారు. ఈ సందర్భంగా ‘రావణాసుర’ పోస్టర్‌ను చిరంజీవి విడుదల చేశారు. ఈ ఏడాది సెప్టెంబర్‌ 30న సినిమాను విడుదల చేయనున్నట్లు పోస్టర్‌లో పేర్కొంది చిత్రబృందం. ‘‘యాక్షన్‌ థ్రిల్లర్‌గా ‘రావణాసుర’ రూపొందనుంది. ఈ నెలలోనే రెగ్యులర్‌ షూటింగ్‌ ప్రారంభిస్తాం’’ అని అభిషేక్‌ నామా అన్నారు. సుశాంత్‌ కీలక పాత్ర చేస్తున్న ఈ సినిమాలో అనూ ఇమ్మాన్యుయేల్, మేఘా ఆకాశ్, ఫరియా అబ్దుల్లా, దక్షా నగార్కర్, పూజిత పొన్నాడ హీరోయిన్లుగా నటిస్తున్నారు. ఈ చిత్రానికి సంగీతం: హర్షవర్థన్‌ రామేశ్వర్, భీమ్స్, కెమెరా: విజయ్‌ కార్తీక్‌ కన్నన్, సీఈఓ: పోతిని వాసు.

Akkineni Sushanth First Look Out From Ravanasura Movie: మాస్‌ మహారాజ రవితేజ వరుస సినిమాలతో ఫుల్‌ బిజీగా ఉన్నాడు. ఖిలాడీ, రామారావు ఆన్‌ డ్యూటీతోపాటు డైరెక్టర్‌ సుధీర్‌ వర్మతో 'రావణాసుర' చేస్తున్నాడు. ఇటీవల ఈ సినిమా ఫస్ట్‌ లుక్‌ను విడుదల చేయగా జనవరి 14న లాంఛనంగా ప్రారంభం కానుంది. ఈ సినిమా టైటిల్, ఫస్ట్‌ లుక్‌ పోస్టర్‌లకు సూపర్‌ రెస్పాన్స్ వచ్చింది. అభిషేక్‌ పిక్చర్స్‌, ఆర్‌టీ టీమ్‌ వర్క్స్‌ సంస్థలు సంయుక్తంగా నిర్మించగా, శ్రీకాంత్‌ విస్సా కథ అందించారు. ఈ సినిమాలో రవితేజ లాయర్‌ పాత్రతో పాటు పది గెటప్‌లలో అలరించనున్నాడని టాక్‌ వినిపిస్తోంది. పలు ఆసక్తికర అంశాలతో మూవీ అప్‌డేట్స్‌ ఇస్తున్నారు మేకర్స్‌. తాజాగా ఈ సినిమాలోని మరో పాత్రను పరిచయం చేసింది చిత్రబృందం. ఇందులో యంగ్‌ హీరో అక్కినేని సుశాంత్‌ కీలక పాత్ర చేస్తున్నట్లు తెలుస్తోంది. సుశాంత్‌.. రామ్‌ పాత్రలో అలరించనున్నట్లు ఫస్ట్‌ లుక్‌ను విడుదల చేశారు. ఆ ఫస్ట్‌ లుక్‌ చూస్తుంటే సుశాంత్‌ నెగెటివ్‌ షేడ్స్‌ ఉన్న రోల్‌లో కనిపించనున్నట్లు తెలుస్తోంది. రెడ్‌ అండ్‌ బ్లాక్‌ బ్యాక్‌గ్రౌండ్‌లో లాంగ్‌ హెయిర్‌తో ఇంటెన్సివ్‌ లుక్‌లో కనిపించాడు సుశాంత్‌. ఈ లుక్‌ చూస్తుంటే సినిమాపై భారీ అంచనాలు పెరిగే అవకాశాలు కనిపిస్తున్నాయి. అలాగే ఈ మూవీలో అందాల తార దక్షా నాగర్కర్‌ విలన్‌గా చేయనున్నట్లు కూడా టాక్ వినిపించింది. ఈ సినిమా గురించి ఇంకెన్ని ఆసక్తికర విషయాలు రివీల్‌ చేస్తారో చూడాలి.    Into the World of DEMONS! 👺 Thank you for this sizzling welcome as #RAM in #RAVANASURA 🔥 Mass Maharaja @RaviTeja_offl Sir,@sudheerkvarma @AbhishekPicture @SrikanthVissa @RTTeamWorks 🎉🤗 Hope you guys like #RAMFirstLook ! pic.twitter.com/jDu6IAoOLw — Sushanth A (@iamSushanthA) January 11, 2022 Such a cool edit! 🙌 https://t.co/PJjakwAaqA — Sushanth A (@iamSushanthA) January 11, 2022 ఇదీ చదవండి: లాయర్‌గా రవితేజ సందడి.. విలన్‌గా అందాల తార ఢీ

Daksha Nagarkar As Vilain In Raviteja Ravanasura Movie: చిన్న చిన్న పాత్రలు చేస్తూ అంచలంచెలుగా ఎదిగి మాస్ మాహారాజాగా ప్రేక్షకుల అభిమానాన్ని చూరగొన్నాడు రవితేజ. 'ఇడియట్‌'గా అమ్మాయిల మనసుల్లోకి దూరి ఓటమి ఎదురైనా సరే విజయం కోసం పట్టువదలని 'విక్రమార్కుడు'గా తానేంటో నిరూపించుకుని విమర్శకులతో సైతం 'రాజా ది గ్రేట్‌' అనిపించుకున్న 'వెంకీ'.. తనకు సినిమాపై ఉన్న 'క్రాక్‌'తో మరోసారి హిట్‌ ట్రాక్‌లోకి వచ్చాడు. ఇక వరుస సినిమాలతో ఫుల్‌ బిజీ అయిపోయాడు. ఖిలాడీ, రామారావు ఆన్‌ డ్యూటీ తర్వాత రవితేజ 70వ చిత్రంగా తెరకెక్కుతున్న సినిమా రావణాసుర. ఈ సినిమాకు సుధీర్‌ వర్మ దర్వకత్వం వహిస్తున్నారు. అయితే ఇంతటి పవర్‌ఫుల్‌ టైటిల్‌ పెట్టడంతో ప్రేక్షకులు, అభిమానుల్లో ఆసక్తి పెరిగింది.   ఇదీ చదవండి: ఆ పాత్ర కోసం ఎంతో రీసెర్చ్‌ చేశా: పూజా హెగ్డె అందుకు తగినట‍్లే మూవీ క్యాస్టింగ్‌ను ఎంపిక చేసే పనిలో పడింది చిత్ర యూనిట్‌. ఈ సినిమాలో రవితేజ కోసం ఒక శక్తిమంతవమైన లేడీ విలన్‌ రోల్‌ను తీర్చిదిద్దనున్నారట. ఈ పాత్ర కోసం హుషారు, జాంబీరెడ్డి ఫేమ్‌ దక్షా నాగర్కర్‌ను సెలెక్ట్‌ చేసినట్లు సమాచారం. ఈ పాత్రకు దక్షా కూడా ఓకే చెప్పిందని ప్రచారం జరుగుతోంది. జాంబీ రెడ్డి, హుషారు, హోరాహోరీ చిత్రాల్లో తన అందచందాలతో ఆకట్టుకున్న దక్షా ఈ సినిమాలో లాయర్‌గా సందడి చేయనున్న రవితేజను ఎలా ఢీకొట్టనుందో అని అభిమానుల్లో ఆసక్తిరేకెత్తిస్తోంది ఈ ముంబై భామ. ఇప్పటికే అధికారికంగా ప్రకటించిన 'రావణాసుర' చిత్రం జనవరి 14న పూజా కార్యక్రమాలతో గ్రాండ్‌గా ప్రారంభం కానుంది.  ఇదీ చదవండి: రవితేజ 'రావణాసుర'కు ముహుర్తం ఫిక్స్‌.. త్వరలో

ఎలాంటి బ‍్యాక్‌గ్రౌండ్‌ లేకుండా వచ్చి తనకంటూ ఒక మాస్ ఇమేజ్‌ను క్రియేట్‌ చేసుకున్నాడు మాస్‌ మహారాజా రవితేజ. గోపీచంద్‌ మలినేని దర్శకత్వంలో వచ్చిన 'క్రాక్‌' మూవీ విజయంతో ఫుల్‌ జోష్‌తో సినిమాలు తీస్తున్నాడు. ప్రస్తుతం 'ఖిలాడీ' చిత్రం చిత్రీకరణ పూర్తి చేసుకోగా 'రామారావు ఆన్‌ డ్యూటీ' షూటింగ్‌ దశలో ఉంది. ఈ సినిమాకు త్రినాధరావు నక్కిన డైరెక్ట్ చేస్తున్నారు. అయితే రవితేజ హీరోగా తెరకెక్కుతున్న 70వ చిత్రం 'రావణాసుర'. వరుస సినిమాలతో బిజీగా ఉన్న రవితేజ 70వ చిత్రానికి ఇలాంటి పవర్‌ఫుల్‌ టైటిల్‌ పెట్టడంతో అభిమానుల్లో ఆసక్తి పెరిగింది.  సుధీర్‌ వర్మ దర్శకత్వం వహిస్తున్న రావణాసుర చిత్రం షూటింగ్‌ను త్వరలో ప్రారంభిస్తారని వార్తలు వినిపించాయి. ఈ క్రమంలో సంక్రాంతి పండుగ సందర్భంగా జనవరి 14న రావణాసుర చిత్ర ప్రారంభోత్సవం జరుగుతుందని మూవీ టీమ్ ప్రకటించింది. హైదరాబాద్‌లోని అన్నపూర్ణ స్డూడియోస్‌ వేదికగా ఉదయం 9:50 గంటలకు ముహుర్తం ఉందని సమాచారం. ఇక ముహుర్తానంతరం సినిమా రెగ్యులర్‌ షూటింగ్‌ను జరుపుకోనుంది. శ్రీకాంత్‌ విస్సా కథ అందించిన ఈ సినిమాను అభిషేక్‌ పిక్చర్స్‌ బ్యానర్‌పై అభిషేక్‌ నామా నిర్మిస్తున్నారు. ఇదిలా ఉంటే.. రవితేజ తన 71వ సినిమాను కూడా ప్రకటించాడు.  అభిషేక్ అగర్వాల్ ఆర్ట్స్ బ్యానర్ మీద తెరకెక్కబోతున్న ఈ సినిమాతో వంశీ దర్శకుడిగా పరిచయమవుతున్నారు. ‘టైగర్ నాగేశ్వరరావు’ అనే టైటిల్ ఫిక్స్ చేశారు. స్టూవర్టుపురంలో పేరుమోసిన గజదొంగ అయిన ‘టైగర్ నాగేశ్వరరావు’ బయోపిక్ ఇది.   Grand Pooja Ceremony 🪔 of 𝑴𝒂𝒔𝒔 𝑴𝒂𝒉𝒂𝑹𝒂𝒋𝒂 @RaviTeja_offl ’s #RAVANASURA🔥 🗓14th January ,Friday 2022 ⏳9:50 AM 📍Annapurna Studios@sudheerkvarma @AbhishekPicture @RTTeamWorks @SrikanthVissa pic.twitter.com/GeFLDh7nF6 — BA Raju's Team (@baraju_SuperHit) January 2, 2022 ఇదీ చదవండి: ఫ్లాప్‌ అయితే రెమ్యునరేషన్‌లో కొంత వెనక్కిచ్చేస్తా

సాధారణంగా ఎటువంటి స్త్రీఅయినా  తట్టుకోలేని శోకం ఎప్పుడు అనుభవిస్తుందంటే... భర్త అలాగే కడుపున పుట్టిన కొడుకు దిగజారిపోయినప్పుడు... ఆ దుఃఖానికి అవధి ఉండదు. మండోదరి మహా పతివ్రత. మయుడు, హేమల కుమార్తె. పది తలలు ఉన్న రావణాసురుని పట్టమహిషి. ఇంత గొప్పది. రావణుడి వక్షస్థలాన్ని చీల్చుకుని, గుండెను ఛేదించుకుని బాణం బలంగా భూమిలోకి దిగి తిరిగి రామచంద్రమూర్తి అక్షయ తూణీరంలోకి ప్రవేశిస్తే నెత్తురోడుతూ రావణుడు భూమ్మీద పడిపోయి ఉంటే... గద్దలు, రాబందులు పైన ఎగురుతుంటే... దేవతలందరూ జయజయధ్వానాలు  చేస్తుంటే... మండోదరికి కబురందించి పల్లకి పంపి పిలిపించారు. ఆవిడ యుద్ధభూమికొచ్చింది. రావణుడి శరీరానికి కొద్దిదూరంలో ఒక చెట్టుకింద రామలక్ష్మణులు, పక్కన విభీషణుడు నిలబడి ఉన్నాడు. సాధారణంగా ఆ పరిస్థితులలో ఉన్న ఏ స్త్రీ అయినా  వెంటనే... రాముడెక్కడ? అని అడుగుతుంది లేదా తన భర్తను చంపేసాడన్న కోపంతో రాముడిని నింద చేస్తూ విరుచుకుపడుతుంది.. అని అనుకుంటారు. కానీ మండోదరి ఎంత ధర్మాత్మురాలంటే...పల్లకీ దిగి రావణుడి దగ్గరకెళ్ళి... ఏడుస్తూ...‘‘వీళ్లందరికీ అమాయకత్వంతో తెలియని విషయం ఒకటున్నది రావణా! రాముడు నిన్ను చంపాడని వీళ్ళు అనుకుంటున్నారు. కానీ నీ భార్యను కనుక నాకు తెలుసు... నిన్ను చంపింది రాముడు కాదు, నీ ఇంద్రియాలే. ఒకానొకనాడు నీవు తాచుపామును తొక్కిపెట్టినట్లు నీ ఇంద్రియాలను తపస్సు కోసం తొక్కిపట్టావు. నువ్వు బలవంతంగా వాటిని కోరికలకోసం తొక్కిపెట్టావు. తొక్కి పెట్టిన కాలుకింద నుంచి తప్పించుకున్న పాములా పగతో నీ ఇంద్రియాలు నిన్ను కాటేసాయి. యుక్తాయుక్త విచక్షణ తెలియలేదు... అయినా నాలోలేని ఏ అందం నీకు సీతమ్మలో కనిపించింది?’’ ఎంత మర్యాదగా మాట్లాడిందో చూడండి. అంత శోకంలో కూడా అలా మాట్లడడం భార్యగా ఒక్క మండోదరికే సాధ్యపడింది. ఎటువంటి నిష్పక్షపాత తీర్పు చెప్పిందో చూడండి! అదీ ఈ జాతివైభవం. ఈ ఒక్కమాట లోకానికి అందితే జాతి చేయకూడని పొరబాట్లు చేయదు. పిల్లలకు పాఠశాలల్లో రామాయణం చెపితే తప్పు, భారత భాగవతాలు చెపితే తప్పు. మంచి శ్లోకం ఉండకూడదు... అన్నప్పుడు సంస్కారం ఎక్కడినుంచి అందుతుంది?  ఒక పాత్రలో పాయసం పోశారు. అది రాగిపాత్ర. మరొక బంగారు పాత్రలో పాయసం పోసారు. బంగారు పాత్రలోది తాగినా, రాగిపాత్రలోది తాగినా పాయసానికి రుచి ఒకటే. రాగి పాత్ర నీదయినప్పుడు ధర్మం తప్పకుండా రాగిపాత్రలోనే తాగు. నీది కాని బంగారు పాత్రలోది తాగాలని మాత్రం అలమటించకు. పాత్ర మెరుగులు, మిలమిలలు చూసి గీత దాటితే భ్రష్టుడవయిపోతావు. కొన్ని కోట్ల జన్మలు కిందకు జారిపోతావు. మండోదరిలాంటి స్త్రీల వారసత్వం ఈ జాతి సంపద. ఎక్కడున్నా వాళ్లు భర్తకు శాంతి స్థానాలు. వాళ్ళు భర్తలకు మంచి మాటలు చెప్పారు తప్ప భర్త పరిధి దాటి అక్కరలేని విషయాల జోలికి వెళ్ళి పైపై మెరుగులకోసం, తాత్కాలిక సుఖాలకోసం కష్టాలను కౌగిలించుకోవాలని ఎన్నడూ ప్రబోధం చేయలేదు..

రుద్రాపూర్‌ :  దసరా సమయంలో ఉత్తర భారతంలోని అన్ని గ్రామాల్లోనూ దాదాపు రామ్‌లీలా నాటకం వేస్తారు. సీతారాముల గొప్పతనం నేటి తరానికే తెలియజేసేందుకే ఈ నాటకాన్ని ప్రదర్శిస్తారు. అయితే ఉత్సవాల్లో భాగంగా రామ్‌లీలా నాటకాన్ని ప్రదర్శించిన ఓ బీజేపీ ఎమ్మెల్యే సీతాదేవిపై వివాదాస్పద వ్యాఖ్యలు చేశారు. ‘సీత మేరీ జాన్’‌. అంటూ అసభ్యకరంగా సంభోదించి చిక్కుల్లో పడ్డారు. ఉత్తరాఖండ్‌లోని రుద్రాపూర్‌ బీజేపీ ఎమ్మెల్యే రాజ్‌కుమార్‌ తుక్రాల్‌.. గత ఆదివారం నియోజకవర్గంలో ప్రదర్శించిన రామ్‌లీలా నాటకంలో రావణాసురుడు పాత్ర వేశారు. సీతా దేవి, రావణునికి మధ్య వచ్చే సన్నివేశంలో భాగంగా ‘ సీతా మేరీ జాన్‌’ అంటూ సీతా దేవిని సంభోదించారు. దీంతో ప్రేక్షకులు ఒక్కసారిగా నవ్వారు. అయితే నాటక నిర్వాహకులు మాత్రం అభ్యంతరం తెలిపారు. అయినప్పటికీ ఆయన అలాగే సంభోదించారు. ప్రస్తుతం ఆ వీడియో సోషల్‌ మీడియాలో వైరల్‌ అయింది.  కాగా, ఈ వీడియోపై రాష్ట్ర కాంగ్రెస్‌ నాయకుడు సూర్యకాంత్‌ స్పందిస్తూ.. ఈ ఒక్క మాట చాలు రాజ్‌కుమార్‌కు సీతారాములపై ఉన్న గౌరవం ఏంటో తెలిసిపోయిందన్నారు. రావణుడు కూడా సీతమ్మను ఎప్పడూ ‘ సీతా దేవి’  అని సంభోదించేవాడని గుర్తుచేశారు. రాజ్‌కుమార్‌ క్షమాపణ చెప్పాలని డిమాండ్‌ చేశారు. కాగా, రాజ్‌కుమార్‌ తన వ్యాఖ్యలను సమర్థించుకున్నారు. నాటకంలో భాగంగానే తాను సీతాదేవిని ‘మేరీ జాన్‌’ అని సంభోదించానని, అంతేకానీ వేరే ఉద్దేశంతో కాదన్నారు. అక్కడ మాట్లాడింది కేవలం రావణాసుర పాత్రదారే తప్ప రాజ్‌కుమార్‌ కాదన్నారు. 

‘బాహుబలి’ సినిమాతో దేశవ్యాప్తంగా తిరుగులేని స్టార్‌డమ్‌ను ప్రభాస్‌ సొంతం చేసుకున్నాడు. ఇటీవల వచ్చిన ప్రభాస్‌ ‘సాహో’ సినిమాకు నెటిగివ్‌ టాక్‌, రివ్యూలు వచ్చినా.. కలెక్షన్లు మాత్రం సూపర్బ్‌ అనిపించాయి. ఈ సినిమా సాధించిన వసూళ్లు బాలీవుడ్‌ను సైతం ఔరా అనిపించాయి.  ఈ నేపథ్యంలో ప్రభాస్‌ను ఓ ప్రతిష్టాత్మకమైన పురాణ పాత్రలో నటింపజేసేందుకు ప్రయత్నిస్తున్నట్టు తెలుస్తోంది. రామాయణ కథతో ప్రముఖ దర్శకుడు నితేశ్‌ తివారీ తెరకెక్కించబోతున్న సినిమాలో ప్రభాస్‌ రావణుడిగా కనిపించనున్నారని బాలీవుడ్‌లో వినిపిస్తోంది. రూ. 600 కోట్ల బడ్జెట్‌తో మూడు భాగాలుగా తెరకెక్కనున్న ఈ సినిమాలో బలమైన రావణుడి పాత్ర కోసం ప్రభాస్‌ను చిత్రబృందం సంప్రదించినట్టు తెలుస్తోంది. అయితే, ఇప్పటివరకు ప్రభాస్‌ ఈ సినిమాకు ఓకే చెప్పలేదని, ఆయన టీమ్‌ ప్రస్తుతం ఈ ప్రాజెక్టు టేకాప్‌ చేయొచ్చా లేదా? అన్నది బేరిజు వేసే పనిలో ఉందని పింక్‌విల్లా వెబ్‌సైట్‌ ఓ కథనాన్ని ప్రచురించింది.  రూ.600 కోట్ల అత్యంత భారీ బడ్జెట్‌తో తెరకెక్కనున్న ఈ సినిమా తెలుగు, తమిళం, హిందీ భాషల్లో విడుదల కానుంది. ప్రభాస్‌కు ఉన్న దేశవ్యాప్త స్టార్‌డమ్‌తోపాటు హైట్‌, పర్సనాలిటీ పరంగా రావణుడి పాత్రకు పర్ఫెక్ట్‌గా సూటయ్యే లక్షణాలు ఉండటంతో ఆయనను ఈ సినిమా కోసం తీసుకోవాలని చిత్రబృందం భావిస్తోందట. ప్రభాస్‌ రావణుడి పాత్రను చేస్తే.. ఆ పాత్రకు న్యాయం చేయడమే కాకుండా ప్రజల్లో మరింత హైప్‌ వచ్చే అవకాశముంటుందని, మరోవైపు రాముడిగా హృతిక్‌ రోషన్‌, సీతగా దీపికా పదుకోణ్‌ నటించే అవకాశముండటంతో వారికి దీటుగా రావణుడి పాత్రలో ప్రభాస్‌ అలరించే అవకాశముంటుందని బాలీవుడ్‌ వర్గాలు చెప్తున్నాయి. ఈ ప్రతిష్టాత్మక సినిమాలో సీతారాములుగా హృతిక్‌, దీపిక నటించనున్నారని కథనాలు రాగా.. ఇంకా ఈ సినిమా కోసం క్యాస్టింగ్‌ ఫైనల్‌ చేయలేదని ఈ వార్తలను దర్శకుడు నితేశ్‌ కొట్టిపారేశారు. మరోవైపు ఈ సినిమాలో నటించే తారాగణంపై ఊహాగానాలు మాత్రం ఆగడం లేదు. 

సాక్షి, ముంబై : దసరా సందర్భంగా రావణ దహనాన్ని నిషేధించాలని దళిత హక్కుల సంస్థ భీమ్‌ ఆర్మీ డిమాండ్‌ చేసింది. రావణ దిష్టిబొమ్మల దహనం నిషేధించాలని కోరుతూ ఈ సంస్థ పూణే పోలీసులకు లేఖ రాసింది. దసరా వేడుకల నేపథ్యంలో రావణ దిష్టిబొమ్మల దగ్ధానికి పాల్పడిన వారిపై ఎస్సీ,ఎస్టీ చట్టం కింద కేసులు నమోదు చేయాలని కోరింది. మానవతా సంస్కృతికి రావణుడు చిహ్నమని, అందుకే పలు ఆదివాసీ వర్గాలకు ఆయన పూజ్యనీయుడని పేర్కొంది. రావణుడు న్యాయం, సమానత్వం పట్ల విశ్వాసం కలిగిన రాజని భీమ్‌ ఆర్మీ కొనియాడింది. రావణుడిని వేల సంవత్సరాలుగా చరిత్ర వక్రీకరించిందని, ఆయనను దుర్మార్గుడిగా చూపిందని పోలీసులకు ఇచ్చిన లేఖలో సంస్థ పేర్కొంది. రావణ దహనంపై నిషేధం విధించడంలో పోలీసులు విఫలమైతే శాంతి భద్రతల సమస్య తలెత్తుతుందని హెచ్చరించింది. భీమ్‌ ఆర్మీతో పాటు మహారాష్ట్రలోని ఇతర ఆదివాసీ సంస్థలు రావణ దహనాన్ని వ్యతిరేకించాయి.

పణజి: రావణుడు ఉత్తరప్రదేశ్‌లోని ఓ గ్రామంలో జన్మించాడనీ, తమిళనాడు మాజీ సీఎం దివంగత కరుణానిధి చెప్పినట్లు ఆయన ద్రవిడ రాజు కాదని బీజేపీ ఎంపీ సుబ్రమణ్య స్వామి తెలిపారు. నోయిడా ప్రాంతంలోని బిస్రఖ్‌లో రావణుడు పుట్టాడనీ, ప్రస్తుతం ఈ ఊరు జాతీయ రాజధాని ప్రాంతం ఉందని వెల్లడించారు. దక్షిణ గోవాలో ఓ సమావేశంలో మాట్లాడుతూ..‘రావణుడికి సంబంధించిన చిత్ర పటాలు, ఆలయాలు బిస్రఖ్‌లో ఇంకా ఉన్నాయి. మానససరోవర్‌లో తపస్సు చేసిన రావణుడు శివుడిని మెప్పించి వరాలు పొందాడు. శ్రీలంకను పాలిస్తున్న సోదరుడు కుబేరుడిని ఓడించి లంకాధిపతిగా మారాడు’ అని వివరించారు.


 హైదరాబాద్ : సంఘ్పరివార్, ఆర్ఎస్ఎస్పై కేంద్ర మాజీమంత్రి, కాంగ్రెస్ సీనియర్ నేత జైపాల్ రెడ్డి తీవ్రస్థాయిలో విరుచుకుపడ్డారు.  రావణాసురుడికి 10 తలలు ఉంటే... సంఘ్పరివార్, ఆర్ఎస్ఎస్కు 100 తలలు ఉన్నాయని ఆయన సోమవారమిక్కడ ధ్వజమెత్తారు.  ఆ రెండూ...రావణాసురిడిని మించిన దుష్టశక్తులంటూ వ్యాఖ్యానించారు.
 
 మతపరమైన విద్వేషాలు రెచ్చగొడుతున్న బీజేపీ నేతలపై ప్రధానమంత్రి నరేంద్ర మోదీ ఆగ్రహంగా ఉన్నారన్న మాటలు బూటకమని జైపాల్ రెడ్డి కొట్టిపారేశారు. కాగా సంఘ్ పరివార్ను అడ్డుకునేందుకు అందరూ ఏకం కావాలని కాంగ్రెస్ నేత షబ్బీర్ అలీ పిలుపునిచ్చారు.