TV
పణజి: రావణుడు ఉత్తరప్రదేశ్లోని ఓ గ్రామంలో జన్మించాడనీ, తమిళనాడు మాజీ సీఎం దివంగత కరుణానిధి చెప్పినట్లు ఆయన ద్రవిడ రాజు కాదని బీజేపీ ఎంపీ సుబ్రమణ్య స్వామి తెలిపారు. నోయిడా ప్రాంతంలోని బిస్రఖ్లో రావణుడు పుట్టాడనీ, ప్రస్తుతం ఈ ఊరు జాతీయ రాజధాని ప్రాంతం ఉందని వెల్లడించారు. దక్షిణ గోవాలో ఓ సమావేశంలో మాట్లాడుతూ..‘రావణుడికి సంబంధించిన చిత్ర పటాలు, ఆలయాలు బిస్రఖ్లో ఇంకా ఉన్నాయి. మానససరోవర్లో తపస్సు చేసిన రావణుడు శివుడిని మెప్పించి వరాలు పొందాడు. శ్రీలంకను పాలిస్తున్న సోదరుడు కుబేరుడిని ఓడించి లంకాధిపతిగా మారాడు’ అని వివరించారు.
