ఆస్ట్రేలియా- ఇంగ్లండ్‌ (AUS vs ENG) మధ్య ప్రతిష్టాత్మక యాషెస్‌ (The Ashes) తాజా ఎడిషన్‌ శుక్రవారం మొదలైంది. పెర్త్‌ వేదికగా తొలి టెస్టులో టాస్‌ గెలిచిన ఇంగ్లండ్‌ బ్యాటింగ్‌ ఎంచుకుని.. ఆతిథ్య ఆసీస్‌ను బౌలింగ్‌కు ఆహ్వానించింది.ఈ క్రమంలో ఆస్ట్రేలియా స్టార్‌ పేసర్‌ మిచెల్‌ స్టార్క్‌ (Mitchell Starc) ఆదిలోనే ఇంగ్లండ్‌కు కోలుకోలేని షాకిచ్చాడు. తొలి ఓవర్లోనే ఓపెనర్‌ జాక్‌ క్రాలీని అవుట్‌ చేశాడు. స్టార్క్‌ బౌలింగ్‌లో ఖవాజాకు క్యాచ్‌ ఇచ్చిన క్రాలీ.. ఆరు బంతులు ఎదుర్కొని పరుగుల ఖాతా తెరవకుండానే నిష్క్రమించాడు.ముచ్చటగా మూడుఅనంతరం ఏడో ఓవర్‌ నాలుగో బంతికి స్టార్క్‌ మరోసారి తన బౌలింగ్‌ పదును చూపించాడు. మరో ఓపెనర్‌ బెన్‌ డకెట్‌ (21)ను వికెట్ల ముందు దొరకబుచ్చుకున్నాడు. ఇదే జోరులో తొమ్మిదో ఓవర్‌ ఐదో బంతికి మరో కీలక వికెట్‌ను స్టార్క్‌ తన ఖాతాలో వేసుకున్నాడు. టెస్టుల్లో వరల్డ్‌ నంబర్‌ వన్‌ బ్యాటర్‌గా ఉన్న ఇంగ్లండ్‌ దిగ్గజం జో రూట్‌ను స్టార్క్‌ డకౌట్‌ చేశాడు.వంద వికెట్ల క్లబ్‌లోతద్వారా మూడు కీలక వికెట్లు కూల్చిన స్టార్క్‌.. యాషెస్‌ సిరీస్‌లో ఓవరాల్‌గా వంద వికెట్లు పూర్తి చేసుకున్నాడు. ఆస్ట్రేలియా తరఫున ఈ ఘనత సాధించిన 13వ ఆస్ట్రేలియన్‌గా... అదే విధంగా.. 21వ బౌలర్‌గా ఈ లెఫ్టార్మ్‌ పేసర్‌ చరిత్రకెక్కాడు. కేవలం 23 టెస్టుల్లోనే (యాషెస్‌) స్టార్క్‌ వంద వికెట్ల క్లబ్‌లో చేరడం విశేషం.అంతేకాదు.. ఇంగ్లండ్‌తో తొలి టెస్టు సందర్భంగా కర్ట్లీ ఆంబ్రోస్‌ రికార్డును కూడా స్టార్క్‌ సమం చేశాడు. టెస్టుల్లో 405 వికెట్లు పూర్తి చేసుకుని.. ఆంబ్రోస్‌ సరసన నిలిచాడు. తద్వారా వసీం అక్రం (పాకిస్తాన్‌- 414) తద్వారా అత్యధిక టెస్టు వికెట్లు కూల్చిన రెండో లెఫ్టార్మ్‌ పేసర్‌గా స్టార్క్‌ రికార్డు సాధించాడు. కాగా ప్రస్తుతం ఇంగ్లండ్‌తో యాషెస్‌ ఆడుతున్న ఆస్ట్రేలియా జట్టులో స్పిన్నర్‌ నాథన్‌ లియోన్‌ ఇప్పటికే 110 వికెట్లు పూర్తి చేసుకోగా.. స్టార్క్‌ తాజాగా 100 వికెట్ల క్లబ్‌లో చేరాడు.ఇక స్టార్క్‌తో పాటు కామెరాన్‌ గ్రీన్‌ కూడా రాణించడంతో ఇంగ్లండ్‌ 94 పరుగులకే నాలుగు వికెట్లు కోల్పోయి కష్టాల్లో కూరుకుపోయింది. నిలకడగా ఆడుతున్న వన్‌డౌన్‌ బ్యాటర్‌ ఓలీ పోప్‌ (46)ను గ్రీన్‌ ఎల్బీడబ్ల్యూ చేసి ఆసీస్‌కు మంచి బ్రేక్‌ ఇచ్చాడు. ఫలితంగా భోజన విరామ సమయానికి ఇంగ్లండ్‌ నాలుగు వికెట్ల నష్టానికి 105 పరుగులు మాత్రమే చేసింది.UPDATE: ఏడేసిన మిచెల్‌ స్టార్క్‌.. కుప్పకూలిన ఇంగ్లండ్‌చదవండి: SL vs ZIM: శ్రీలంక‌కు షాకిచ్చిన జింబాబ్వే

టీమిండియాతో ఐదో టెస్టుకు ముందు ఇంగ్లండ్‌ స్టార్‌ ఓలీ పోప్‌ (Ollie Pope)నకు ఓ చెత్త రికార్డు ఉండేది. రెగ్యులర్‌ కెప్టెన్‌ గైర్హాజరీలో తాత్కాలిక సారథిగా వ్యవహరించే ఈ కుడిచేతి వాటం బ్యాటర్‌.. ఇప్పటికి నాలుగుసార్లు టాస్‌ ఓడిపోయాడు.రెండింటినీ ఒకేసారి అధిగమించేశాడుఅంతేకాదు.. రివ్యూ (Decision Review System) విషయంలోనూ పద్నాలుగుసార్లు పోప్‌ విఫలమయ్యాడు. అయితే, ఓవల్‌ టెస్టు సందర్భంగా ఓలీ పోప్‌ ఈ రెండింటినీ ఒకేసారి అధిగమించేశాడు. బెన్‌ స్టోక్స్‌ (Ben Stokes) భుజం నొప్పి కారణంగా టీమిండియాతో ఐదో టెస్టుకు దూరమైన విషయం తెలిసిందే.ఈ నేపథ్యంలో ఓలీ పోప్‌ ఐదోసారి ఇంగ్లండ్‌ తాత్కాలిక కెప్టెన్‌గా వ్యవహరిస్తున్నాడు. ఈ మ్యాచ్‌ సందర్భంగా ఇంగ్లండ్‌ కెప్టెన్‌గా తొలిసారి టాస్‌ గెలిచిన అతడు.. తొలుత బౌలింగ్‌ ఎంచుకున్నాడు.ఈసారి ధైర్యంగానే రివ్యూకు ఈ క్రమంలో క్రిస్‌ వోక్స్‌ చేతికి కొత్త బంతినివ్వగా.. అతడు ఇంగ్లండ్‌ బౌలింగ్‌ అటాక్‌ మొదలుపెట్టాడు. అయితే, మ్యాచ్‌ మొదలైన కాసేపటికే ఆతిథ్య జట్టుకు గస్‌ అట్కిన్సన్‌ మంచి బ్రేక్‌ ఇచ్చాడు. నాలుగో ఓవర్‌ రెండో బంతికే టీమిండియా ఓపెనర్‌ యశస్వి జైస్వాల్‌ను వికెట్ల ముందు దొరకబుచ్చుకున్నాడు.అయితే, ఫీల్డ్‌ అంపైర్‌ మాత్రం జైసూను లెగ్‌ బిఫోర్‌ వికెట్‌ (LBW)గా వెనక్కి పంపడానికి నిరాకరించాడు. అట్కిన్సన్‌ మాత్రం ఆత్మవిశ్వాసంతో కనిపించడంతో కెప్టెన్‌ పోప్‌ ధైర్యంగానే రివ్యూకు వెళ్లాడు. ఈసారి మాత్రం అతడి అంచనా తప్పలేదు.స్టోక్స్‌కు సైగ చేసి మరీ..రీప్లేలో బంతి జైసూ ప్యాడ్‌ను తాకినట్లు స్పష్టంగా తేలింది. దీంతో ఫీల్డ్‌ అంపైర్‌ నిర్ణయం తారుమారైంది. ఫలితంగా భారత్‌ తొలి వికెట్‌ కోల్పోగా.. పోప్‌ సంబరాల్లో మునిగిపోయాడు. రెండు చేతులు పైకెత్తి సాధించాను అన్నట్లుగా.. డ్రెసింగ్‌రూమ్‌ నుంచి మ్యాచ్‌ వీక్షిస్తున్న స్టోక్స్‌కు సైగ చేశాడు. దీంతో స్టోక్స్‌ సైతం నవ్వులు చిందిస్తూ పోప్‌ను చూసి సంతోషించాడు.పదిహేనోసారి ఖతమే అనుకున్నాఅయితే, థర్డ్‌ అంపైర్‌ నిర్ణయానికి ముందు ఇంగ్లండ్‌ మాజీ కెప్టెన్‌ ఆథర్టన్‌ పోప్‌ పట్ల సానుభూతి వ్యక్తం చేశాడు. ‘‘ఇది ఇన్‌సైడ్‌ ఎడ్జ్‌. రెండు శబ్దాలు వినిపించాయి. కానీ పోప్‌ మాత్రం రివ్యూకు వెళ్లాడు. ఇప్పటికే అతడు పద్నాలుగుసార్లు డీఆర్‌ఎస్‌ విషయంలో ఫెయిలయ్యాడు.నాకెందుకో పదిహేనోసారి కూడా ఇలాగే జరుగుతుందేమో అనిపిస్తోంది’’ అని కామెంట్రీలో చెప్పాడు. అయితే, ఆ తర్వాత అతడు నాలిక్కరుచుకున్నాడు. నిజానికి జైస్వాల్‌ ఎల్బీడబ్ల్యూ సమయంలో రెండు శబ్దాలు వచ్చాయి. అయితే, బంతి బ్యాట్‌ను మాత్రం తాకలేదు. తొలుత ఫ్రంట్‌ ప్యాడ్‌, ఆ తర్వాత బ్యాక్‌ ప్యాడ్‌ను తాకింది.రెండు వికెట్లు డౌన్‌రీప్లేలో బంతి స్టంప్‌ను ఎగురగొట్టినట్లు తేలడంతో జైస్వాల్‌ రెండు పరుగుల వ్యక్తిగత స్కోరు వద్ద వెనుదిరగక తప్పలేదు. ఇక పదహారో ఓవర్‌ మొదటి బంతికే టీమిండియా రెండో వికెట్‌ కూడా కోల్పోయింది. వోక్స్‌ బౌలింగ్‌లో మరో ఓపెనర్‌ కేఎల్‌ రాహుల్‌ (14) బౌల్డ్‌ అయ్యాడు. వర్షం.. లంచ్‌ బ్రేక్‌వర్షం ఆటకు అంతరాయం కలిగించడంతో కాస్త ముందుగానే భోజన విరామం వచ్చింది. అప్పటికి 23 ఓవర్ల ఆట పూర్తికాగా సాయి సుద్శన్‌ 25, కెప్టెన్‌ శుబ్‌మన్‌ గిల్‌ 15 పరుగులతో ఉన్నారు. టీమిండియా స్కోరు: 72/2 (23).చదవండి: అతడి పేరు మర్చిపోయిన గిల్‌.. వాళ్లిద్దరికి భంగపాటు! ఒక్క మ్యాచ్‌ ఆడకుండానే..Ollie Pope 🤝 DRS🇮🇳 1️⃣0️⃣-1️⃣ pic.twitter.com/VyX4061MvH— England Cricket (@englandcricket) July 31, 2025

ఇంగ్లండ్‌ గడ్డపై భారత్‌ వరుసగా ఐదో మ్యాచ్‌లో టాస్‌ ఓడింది. లండన్‌లోని కెన్నింగ్టన్‌ ఓవల్‌ మైదనంలో ఇవాళ (జులై 31) ఐదో టెస్ట్‌ ప్రారంభం కానుండగా, ఈ మ్యాచ్‌లో టీమిండియా టాస్‌ ఓడి ఇంగ్లండ్‌ తాత్కాలిక సారధి ఓలీ పోప్‌ ఆహ్వానం మేరకు తొలుత బ్యాటింగ్‌ చేయనుంది. ఈ మ్యాచ్‌ కోసం భారత్‌ ఏకంగా నాలుగు మార్పులు చేసింది. రిషబ్‌ పంత్‌, శార్దూల్‌ ఠాకూర్‌, బుమ్రా, అన్షుల్‌ కంబోజ్‌ స్థానాల్లో ధ్రువ్‌ జురెల్‌, కరుణ్‌ నాయర్‌, ప్రసిద్ద్‌ కృష్ణ, ఆకాశ్‌దీప్‌ తుది జట్టులోకి వచ్చారు.ఈ మ్యాచ్‌లో కరుణ్‌ నాయర్‌కు తుది జట్టులో చోటు దక్కుతుందని ఎవరూ ఊహించలేదు. గత మ్యాచ్‌లో బ్యాటింగ్‌లో ఓ మోస్తరుగా రాణించిన శార్దూల్‌ ఠాకూర్‌ను పక్కకు పెట్టి మరీ కరుణ్‌కు అవకాశం ఇచ్చారు. బహుశా కరుణ్‌కు ఇదే లాస్ట్‌ ఛాన్స్‌ కావచ్చు. ఈ మ్యాచ్‌లో విఫలమైతే కరుణ్‌ కెరీర్‌ సమాప్తమైనట్లే.మరోవైపు ఇంగ్లండ్‌ సైతం ఈ మ్యాచ్‌ కోసం​ నాలుగు మార్పులు చేసింది. బెన్‌ స్టోక్స్, ‌జోఫ్రా ఆర్చర్‌, బ్రైడన్‌ కార్స్‌, లియామ్‌ డాసన్‌ స్థానాల్లో జేకబ్‌ బేతెల్‌, గస్‌ అట్కిన్సన్‌, జోష్‌ టంగ్‌, జేమీ ఓవర్టన్‌ తుది జట్టులోకి వచ్చారు. వర్షం కారణంగా టాస్‌ కాస్త ఆలస్యమైంది. ఐదు మ్యాచ్‌ల ఈ సిరీస్‌లో భారత్‌ 1-2తో వెనుకపడి ఉంది.తుది జట్లు..భారత్ (ప్లేయింగ్ XI): యశస్వి జైస్వాల్, కేఎల్ రాహుల్, సాయి సుదర్శన్, శుభమన్ గిల్(కెప్టెన్‌), కరుణ్ నాయర్, రవీంద్ర జడేజా, ధ్రువ్ జురెల్ (వికెట్‌కీపర్‌), వాషింగ్టన్ సుందర్, ఆకాశ్ దీప్, ప్రసిద్ధ్ కృష్ణ, మహమ్మద్ సిరాజ్ఇంగ్లండ్ (ప్లేయింగ్ XI): జాక్ క్రాలే, బెన్ డకెట్, ఓలీ పోప్(కెప్టెన్‌), జో రూట్, హ్యారీ బ్రూక్, జాకబ్ బెథెల్, జామీ స్మిత్(వికెట్‌కీపర్‌), క్రిస్ వోక్స్, గస్ అట్కిన్సన్, జేమీ ఓవర్టన్, జోష్ టంగ్

టెస్టు మ్యాచ్‌లో ప్ర‌తీ రోజు ఆట‌లో లంచ్ విరామంతో పాటు టీ బ్రేక్ ఉంటాయి. అయితే లంచ్‌ బ్రేక్‌లో ఆట‌గాళ్లు ఏమి తింటారా అని తెలుసుకోవడానికి అభిమానులు ఆసక్తిచూపుతుంటారు. తాజాగా ఇంగ్లండ్ స్టార్ ప్లేయ‌ర్ ఓలీ పోప్ లంచ్ బ్రేక్‌లో తాను ఏమి తీసుకుంటాడో వెల్లడించాడు."సాధార‌ణంగా లంచ్ మెనూలో చికెన్, చేపలు, పాస్తాతో ప‌లు ర‌కాల వంట‌కాలు ఉంటాయి. ఆట‌గాళ్లు త‌మ‌కు ఎక్కువ‌గా ఎనర్జీ ఇచ్చే ఆహారాన్ని తీస‌కుంటారు. నా విష‌యానికొస్తే.. నేను బ్యాటింగ్‌లో ఉంటే ఎక్కువ‌గా ఫుడ్ తీసుకోను. ఆ స‌మ‌యంలో ఎందుకో నాకు ఎక్కువ‌గా తినాలనిపించ‌దు.కాబట్టి నేను ప్రోటీన్ షేక్‌, అరటిపళ్లు ఎక్క‌వగా తింటాను. అదే రోజు మొత్తం బ్యాటింగ్ చేస్తే క‌నీసం ఆరటిప‌ళ్లు కూడా తిన‌ను. ఎందుకంటే ఎక్కువ తిని బ్యాటింగ్ కొన‌సాగించ‌డం చాలా క‌ష్టం. ఆ రోజు ఆట ముగిశాక ఫుడ్ తీసుకుంటాను. అదేవిధంగా సెకెండ్ బ్రేక్ స‌మ‌యంలో కొంత‌మంది ఆట‌గాళ్లు టీ తీసుకోవడానికి ఇష్టపడతారు.నేను అయితే నేను సాధారణంగా కాఫీ తాగుతాను. కొన్నిసార్లు, వర్షం ఆలస్యం అయినప్పుడు ఒక కప్పు టీ తాగుతాను అని" స్కై స్పోర్ట్స్‌కు ఇచ్చిన ఇంట‌ర్వ్యూలో పోప్ పేర్కొన్నాడు. కాగా కాగా లార్డ్స్‌లో లంచ్‌ మెనూకు సంబంధించిన ఫోటో సోషల్‌ మీడియాలో చక్కెర్లు కొట్టింది. అందులో బటర్నట్ స్క్వాష్ సూప్,సీబాస్ ఫిల్లెట్, బాస్మతి రైస్‌, రొయ్యల కర్రీ వంటి వంటకాలు ఉన్నాయి. ఇక భారత్‌తో జరుగుతున్న ఐదు మ్యాచ్‌ల టెస్టు సిరీస్‌లో ఈ ఇంగ్లండ్ వైస్ కెప్టెన్ పర్వాలేదన్పిస్తున్నాడు. తొలి టెస్టులో పోప్ అద్బుతమైన సెంచరీతో చెలరేగి ఇంగ్లండ్‌ విజయంలో కీలక పాత్ర పోషించాడు. అదేవిధంగా లార్డ్స్‌ టెస్టులో కూడా 44 పరుగులతో రాణించాడు.చదవండి: T20 Blast: చ‌రిత్ర సృష్టించిన 17 ఏళ్ల కుర్రాడు.. హ్యాట్రిక్ వికెట్ల‌తో రికార్డు! వీడియో

జైస్వాల్, గిల్‌ వేసిన బాటలో... పంత్‌ చెలరేగిపోయి సెంచరీ బాదడంతో ఇంగ్లండ్‌తో తొలి టెస్టులో టీమిండియా భారీ స్కోరు చేయగా... అదే స్థాయిలో రెచ్చిపోయిన ఇంగ్లండ్‌ దీటుగా బదులిస్తోంది. ప్రధాన పేసర్‌ జస్‌ప్రీత్‌ బుమ్రా నిప్పులు చెరిగే బంతులతో విజృంభించినా...అతడికి మరో ఎండ్‌ నుంచి సరైన సహకారం లేకపోవడంతో ఆతిథ్య ఇంగ్లండ్‌ బ్యాటర్లు స్వేచ్ఛగా పరుగులు రాబట్టారు. ప్రస్తుతానికి ఇరు జట్లు సమాన స్థితిలోనే ఉన్నా... మూడో రోజు తొలి సెషన్‌లో బుమ్రాను ఇంగ్లండ్‌ ఆటగాళ్లు ఎలా ఎదుర్కొంటారనే దానిపైనే ఈ మ్యాచ్‌ గమనం ఆధారపడి ఉంది!లీడ్స్‌: బ్యాటింగ్‌కు అనుకూలిస్తున్న పిచ్‌పై ఇరు జట్ల ఆటగాళ్లు భారీ స్కోర్లతో రెచి్చపోవడంతో భారత్, ఇంగ్లండ్‌ తొలి టెస్టు ఆసక్తికరంగా సాగుతోంది. బుమ్రా మినహా భారత బౌలర్లు పెద్దగా ప్రభావం చూపలేకపోవడంతో... శనివారం రెండో రోజు ఆట ముగిసే సమయానికి ఇంగ్లండ్‌ తొలి ఇన్నింగ్స్‌లో 49 ఓవర్లలో 3 వికెట్ల నష్టానికి 209 పరుగులు చేసింది. ఒలీ పోప్‌ (131 బంతుల్లో 100 బ్యాటింగ్‌; 13 ఫోర్లు) ‘శత’క్కొట్టగా... బెన్‌ డకెట్‌ (94 బంతుల్లో 62; 9 ఫోర్లు) హాఫ్‌ సెంచరీతో రాణించాడు. ప్రస్తుతం చేతిలో 7 వికెట్లు ఉన్న ఇంగ్లండ్‌... టీమిండియా స్కోరుకు ఇంకా 262 పరుగులు వెనుకబడి ఉంది. పోప్‌తో పాటు బ్రూక్‌ (0 బ్యాటింగ్‌) క్రీజులో ఉన్నాడు. అంతకుముందు ఓవర్‌నైట్‌ స్కోరు 359/3తో రెండో రోజు తొలి ఇన్నింగ్స్‌ కొనసాగించిన భారత్‌ 113 ఓవర్లలో 471 పరుగులు చేసి ఆలౌటైంది. కెపె్టన్‌ శుబ్‌మన్‌ గిల్‌ (227 బంతుల్లో 147; 19 ఫోర్లు, 1 సిక్స్‌) టెస్టు కెరీర్‌లో అత్యధిక స్కోరు నమోదు చేసుకోగా... రిషభ్‌ పంత్‌ (178 బంతుల్లో 134; 12 ఫోర్లు, 6 సిక్స్‌లు) ధనాధన్‌ సెంచరీతో ఆకట్టుకున్నాడు. మిగిలిన వాళ్లు విఫలమయ్యారు. ఇంగ్లండ్‌ బౌలర్లలో స్టోక్స్, టంగ్‌ చెరో నాలుగు వికెట్లు పడగొట్టారు. బుమ్రా ఒంటరి పోరాటం... సిరీస్‌ ఆరంభానికి ముందు అంతా ఊహించినట్లు... ఇరు జట్ల మధ్య ప్రధాన తేడా బుమ్రానే అని నిరూపించుకున్నాడు. పిచ్, పరిస్థితులతో సంబంధం లేకుండా అతడు ప్రతి బంతికి వికెట్‌ తీసేలా అత్యంత ప్రమాదకారిగా కనిపించాడు. వర్షం కారణంగా ఇంగ్లండ్‌ ఇన్నింగ్స్‌ ఆలస్యంగా ప్రారంభం కాగా... తొలి ఓవర్‌లోనే ఓపెనర్‌ జాక్‌ క్రాలీ (4)ని పంత్‌ వెనక్కి పంపాడు. అదే తీవ్రత కొనసాగిస్తూ బుమ్రా రెచ్చిపోతుంటే... ఇంగ్లండ్‌ బ్యాటర్లు ప్రతీ బంతికీ బతుకు జీవుడా అంటూ కాలం వెల్లదీశారు. ఈ క్రమంలో ఎడ్జ్‌ల ద్వారా కాస్త పరుగులు రాగా... మనవాళ్ల పేలవ ఫీల్డింగ్‌ ప్రత్యర్థికి కలిసొచ్చింది. ఇంగ్లండ్‌ వంటి పేస్‌ పిచ్‌లపై స్లిప్స్‌లో దూసుకొచ్చే బంతులను అందుకోవడంలో యువ ఆటగాళ్ల అనుభవ రాహిత్యం కొట్టిచి్చనట్లు కనిపించింది. బుమ్రా బౌలింగ్‌లోకు ఫీల్డర్ల మద్దతు లభించి ఉంటే ఈ పాటికి మ్యాచ్‌ మన చేతుల్లోకి వచ్చి ఉండేదే! కొన్ని ఉత్కంఠ క్షణాలను ఎదుర్కొన్న బెన్‌ డకెట్, పోప్‌ కుదురుకున్నాక చక్కటి షాట్‌లతో పరుగులు రాబట్టారు. బుమ్రా బౌలింగ్‌ను కాచుకున్న ఈ జంట... సిరాజ్, ప్రసిధ్‌ కృష్ణ బౌలింగ్‌లో స్వేచ్ఛగా ఆడింది. దీంతో ఏ దశలోనూ పరుగుల వేగం తగ్గలేదు. టీ విరామం అనంతరం మరోసారి బంతినందుకున్న బుమ్రా... డకెట్‌ను క్లీన్‌ బౌల్డ్‌ చేయగా... చివరి సెషన్‌లో పోప్‌ చెలరేగిపోయాడు. ఎడాపెడా షాట్లు ఆడుతూ... 125 బంతుల్లోనే సెంచరీ పూర్తి చేసుకున్నాడు. ఆ మరుసటి బంతికే రూట్‌ (28)ను బుమ్రా బుట్టలో వేసుకోగా... ఇంగ్లండ్‌ మరో వికెట్‌ కోల్పోకుండా రోజును ముగించింది. అదరగొట్టిన పంత్‌.. తొలి రోజు ఇంగ్లండ్‌ బౌలర్లను ఓ ఆటాడుకున్న భారత బ్యాటర్లు... రెండో రోజు తొలి సెషన్‌ ఆరంభంలోని దాన్ని కొనసాగించారు. ఓవర్‌నైట్‌ బ్యాటర్లు గిల్, పంత్‌ స్వేచ్ఛగా బ్యాటింగ్‌ చేయడంతో స్కోరు బోర్డు పరుగులు పెట్టింది. గిల్‌ కాస్త సంయమనం పాటించగా... పంత్‌ మాత్రం భారీ షాట్లతో రెచి్చపోయాడు. ఈ క్రమంలో పంత్‌ 146 బంతుల్లో సెంచరీ పూర్తి చేసుకున్నాడు. 99 పరుగుల వద్ద బషీర్‌ బౌలింగ్‌లో భారీ సిక్సర్‌తో మూడంకెల స్కోరు అందుకున్నాడు. అనంతరం తనదైన శైలిలో పల్టీలు కొడుతూ సంబరాలు జరుపుకున్నాడు. గతేడాది బంగ్లాదేశ్‌పై సెంచరీ అనంతరం పంత్‌కు ఇదే తొలి మూడంకెల స్కోరు. వన్డే తరహాలో ఆడిన ఈ జోడీ చకచకా పరుగులు రాబట్టింది. నాలుగో వికెట్‌కు 301 బంతుల్లో 209 పరుగులు జోడించిన అనంతరం గిల్‌ అవుటయ్యాడు. షోయబ్‌ బషీర్‌ బంతికి క్రీజు వదిల బయటకు వచ్చి భారీ షాట్‌కు యతి్నంచిన గిల్‌... బ్యాక్‌వర్డ్‌ స్క్వేర్‌ లెగ్‌లో టంగ్‌కు క్యాచ్‌ ఇచ్చి వెనుదిరిగాడు. దీంతో 430 పరుగుల వద్ద భారత జట్టు నాలుగో వికెట్‌ కోల్పోయింది. అదే సమయంలో వాతావరణంలో స్వల్ప మార్పులతో మేఘావృతం కాగా... ఇంగ్లండ్‌ పేసర్లు రెచి్చపోయారు. ఎనిమిదేళ్ల తర్వాత టెస్టు ఆడే అవకాశం దక్కించుకున్న కరుణ్‌ నాయర్‌ (0) ఎక్కువసేపు నిలవలేకపోయాడు. ఎక్స్‌ట్రా కవర్స్‌లో పోప్‌ పట్టిన మెరుపు క్యాచ్‌కు వెనుదిరిగాడు. ఆ తర్వాత టంగ్‌ బౌలింగ్‌లో పంత్‌ వికెట్ల ముందు అడ్డంగా దొరికిపోగా... పేస్‌ ఆల్‌రౌండర్‌ శార్దుల్‌ ఠాకూర్‌ (1) అవకాశాన్ని వినియోగించుకోలేకపోయాడు. 454/7తో లంచ్‌కు వెళ్లిన భారత జట్టు ఆ తర్వాత మరో 17 పరుగులు జోడించి మిగిలిన మూడు వికెట్లు కోల్పోయింది. జడేజా (11) ధాటిగా ఆడే ప్రయత్నంలో అవుట్‌ కావడం దెబ్బకొట్టింది. ఓవరాల్‌గా టీమిండియా 41 పరుగుల వ్యవధిలో చివరి 7 వికెట్లు కోల్పోయింది.స్కోరు వివరాలు భారత్‌ తొలి ఇన్నింగ్స్‌: జైస్వాల్‌ (బి) స్టోక్స్‌ 101; రాహుల్‌ (సి) రూట్‌ (బి) కార్స్‌ 42; సాయి సుదర్శన్‌ (సి) స్మిత్‌ (బి) స్టోక్స్‌ 0; గిల్‌ (సి) టంగ్‌ (బి) బషీర్‌ 147; పంత్‌ (ఎల్బీ) (బి) టంగ్‌ 134; కరుణ్‌ నాయర్‌ (సి) పోప్‌ (బి) స్టోక్స్‌ 0; జడేజా (బి) టంగ్‌ 11; శార్దుల్‌ (సి) జేమీ స్మిత్‌ (బి) స్టోక్స్‌ 1; బుమ్రా (సి) బ్రూక్‌ (బి) టంగ్‌ 0; సిరాజ్‌ (నాటౌట్‌) 3; ప్రసిధ్‌ కృష్ణ (బి) టంగ్‌ 1; ఎక్స్‌ట్రాలు 31; మొత్తం (113 ఓవర్లలో ఆలౌట్‌) 471. వికెట్ల పతనం: 1–91, 2–92, 3–221, 4–430, 5–447, 6–453, 7–454, 8–458, 9–469, 10–471. బౌలింగ్‌: వోక్స్‌ 24–4–103–0; కార్స్‌ 22–5–96–1; టంగ్‌ 20–0–86–4; స్టోక్స్‌ 20–2–66–4; బషీర్‌ 27–6–100–1. ఇంగ్లండ్‌ తొలి ఇన్నింగ్స్‌: జాక్‌ క్రాలీ (సి) కరుణ్‌ నాయర్‌ (బి) బుమ్రా 4; డకెట్‌ (బి) బుమ్రా 62; పోప్‌ (బ్యాటింగ్‌) 100; రూట్‌ (సి) కరుణ్‌ నాయర్‌ (బి) బుమ్రా 28; బ్రూక్‌ (బ్యాటింగ్‌) 0; ఎక్స్‌ట్రాలు 15; మొత్తం (49 ఓవర్లలో 3 వికెట్లకు) 209. వికెట్ల పతనం: 1–4, 2–126, 3–206. బౌలింగ్‌: బుమ్రా 13–2–48–3; సిరాజ్‌ 14–0–50–0; ప్రసిధ్‌ కృష్ణ 10–0–56–0; జడేజా 9–2–25–0; శార్దుల్‌ 3–0–23–0.ఆ మూడు క్యాచ్‌లు పట్టుంటే... బుమ్రా బౌలింగ్‌లో డకెట్‌ రెండు సార్లు బతికిపోయాడు. ఇన్నింగ్స్‌ ఐదో ఓవర్‌ ఐదో బంతికి డకెట్‌ ఇచి్చన క్యాచ్‌ను గల్లీలో యశస్వి జారవిడవగా... భారత అత్యుత్తమ ఫీల్డర్‌లలో ఒకడైన జడేజా కూడా డకెట్‌ క్యాచ్‌ నేలపాలు చేశాడు. డకెట్‌ బ్యాక్‌వర్డ్‌ పాయింట్‌లో ఇచి్చన క్యాచ్‌ను అందుకోవడంలో జడ్డూ విఫలమయ్యాడు. బుమ్రా వేసిన 31వ ఓవర్‌లో పోప్‌ ఇచి్చన క్యాచ్‌ను సైతం జైస్వాల్‌ నేలపాలు చేశాడు.

లీడ్స్‌ వేదికగా జరుగుతున్న తొలి టెస్టు రెండో రోజు ఆటలో టీమిండియాపై ఇంగ్లండ్‌ పై చేయి సాధించింది. రెండో రోజు ఆట ముగిసే సమయానికి ఇంగ్లీష్‌ జట్టు 3 వికెట్ల నష్టానికి 209 పరుగులు చేసింది. క్రీజులో వైస్‌ కెప్టెన్‌ ఓలీ పోప్‌(100), హ్యారీ బ్రూక్ (0) ఉన్నారు. టీమిండియా బౌలర్లలో జస్ప్రీత్‌ బుమ్రా ఒక్కడే మూడు వికెట్లు పడగొట్టాడు. అంతకుముందు భార‌త్ తొలి ఇన్నింగ్స్‌లో 471 ప‌రుగుల‌కు ఆలౌటైంది. 359/3 ఓవ‌ర్ నైట్‌స్కోర్‌తో రెండో రోజు ఆట‌ను ఆరంభించిన టీమిండియా అద‌నంగా 112 పరుగులు జోడించి తమ ఇన్నింగ్స్‌ను ముగించింది. భార‌త బ్యాట‌ర్ల‌లో రిష‌బ్ పంత్‌తో పాటు కెప్టెన్‌ శుబ్‌మ‌న్ గిల్ (147, 227 బంతుల్లో 19 ఫోర్లు, 1 సిక్స్‌), య‌శ‌స్వి జైస్వాల్ (101, 159 బంతుల్లో 16 ఫోర్లు, 1 సిక్స్‌) సెంచ‌రీల‌తో చెల‌రేగారు.

టీమిండియా(Ind vs Eng 1st Test)తో తొలి టెస్టుకు ఇంగ్లండ్‌ తమ తుదిజట్టును ప్రకటించింది. జాక్‌ క్రాలేతో పాటు బెన్‌ డకెట్‌ ఇన్నింగ్స్‌ ఆరంభించనుండగా.. మూడో స్థానంలో ఓలీ పోప్‌ బరిలోకి దిగనున్నాడు. ఇటీవల జింబాబ్వేతో జరిగిన ఏకైక టెస్టులో భారీ శతకం (171)తో విరుచుకుపడిన పోప్‌నకు సెలక్టర్లు మరో అవకాశం ఇవ్వగా.. జేకబ్‌ బెతెల్‌ (Jacob Bethell)కు నిరాశే మిగిలింది.ఇక బెన్‌ స్టోక్స్‌ సారథ్యంలోని ఈ జట్టులో క్రిస్‌ వోక్స్‌కు స్థానం దక్కింది. డిసెంబరు తర్వాత అతడు ఇంగ్లండ్‌ తరఫున పునరాగమనం చేయనున్నాడు. ఇక దుర్హం సీమర్‌ బ్రైడన్‌ కార్సే కూడా భారత్‌తో తొలి టెస్టులో భాగం కానున్నాడు. సొంతగడ్డపై అతడికి ఇదే మొదటి టెస్టు కావడం విశేషం.చివరగా అతడు పాకిస్తాన్‌, న్యూజిలాండ్‌ జట్లతో ఆయా దేశాల్లో జరిగిన సిరీస్‌లలో పాల్గొన్నాడు. మరోవైపు.. జేమీ స్మిత్‌ వికెట్‌ కీపర్‌గా కొనసాగనున్నాడు.కాగా సొంతగడ్డపై ఇంగ్లండ్‌ టీమిండియాతో ఐదు మ్యాచ్‌ల టెస్టు సిరీస్‌ ఆడనుంది. ఇరుజట్లకు ప్రపంచ టెస్టు చాంపియన్‌షిప్‌ 2025-27 సీజన్‌లో ఇదే తొలి సిరీస్‌. శుక్రవారం (జూన్‌ 20) నుంచి తొలి టెస్టు ఆరంభం కానుంది. లీడ్స్‌లోని హెడ్డింగ్లీ మైదానం ఇందుకు వేదిక.టీమిండియాతో తొలి టెస్టుకు ఇంగ్లండ్‌ తుదిజట్టుజాక్‌ క్రాలే, బెన్‌ డకెట్‌, ఓలీ పోప్‌, జో రూట్‌, హ్యారీ బ్రూక్‌, బెన్‌ స్టోక్స్‌, జేమీ స్మిత్‌ (వికెట్‌ కీపర్‌), క్రిస్‌ వోక్స్‌, బ్రైడన్‌ కార్సే, జోష్‌ టంగ్‌, షోయబ్‌ బషీర్‌.భారత్‌తో టెస్టులకు ఇంగ్లండ్‌ జట్టుబెన్ స్టోక్స్ (కెప్టెన్), షోయబ్ బషీర్, జేకబ్‌ బెతెల్‌, హ్యారీ బ్రూక్, బ్రైడన్‌ కార్సే, సామ్ కుక్, జాక్ క్రాలే, బెన్ డకెట్, జామీ ఓవర్టన్, ఓలీ పోప్, జో రూట్, జామీ స్మిత్ (వికెట్ కీపర్), జోష్ టంగ్, క్రిస్ వోక్స్.సిరీస్‌ పేరు అదే.. గెలిచిన కెప్టెన్‌కు పటౌడీ పతకంటీమిండియా- ఇంగ్లండ్‌ జట్ల మధ్య జరిగే టెస్టు సిరీస్‌కు ఇరు దేశాల దిగ్గజాలను గుర్తు చేసేలా టెండూల్కర్‌–అండర్సన్‌ ట్రోఫీ (Tendulkar-Anderson Trophy) పేరు ఖరారైంది. ఇప్పటి వరకు ‘పటౌడీ ట్రోఫీ’గా ఉన్న పేరును మారుస్తున్నట్లు ఇంగ్లండ్‌ క్రికెట్‌ బోర్డు (ఈసీబీ) గతంలోనే ప్రకటించింది. దాంతో పటౌడీ పేరు తొలగించడంపై విమర్శలు వచ్చి చర్చ జరిగింది. కానీ ఈసీబీ మాత్రం వెనక్కి తగ్గలేదు.తాము అనుకున్న పేరునే ఖాయం చేసింది. తొలి టెస్టుకు ముందు రోజు ఈ నెల 19న ఈ ట్రోఫీని ఆవిష్కరిస్తారు. అయితే పటౌడీని ఏదో ఒక రూపంలో గౌరవించేలా నిర్ణయం తీసుకోవాలంటూ బీసీసీఐ చేసిన విజ్ఞప్తికి మాత్రం ఈసీబీ సానుకూలంగా స్పందించింది. టెస్టు సిరీస్‌లో విజేతగా నిలిచే కెప్టెన్‌కు ‘పటౌడీ మెడల్‌’ను అందజేస్తారు.కాగా భారత అత్యుత్తమ కెప్టెన్‌లలో ఒకడిగా గుర్తింపు తెచ్చుకున్న పటౌడీ ససెక్స్, ఆక్స్‌ఫర్డ్‌ యూనివర్సిటీ జట్ల తరఫున కూడా ఆడగా... ఆయన తండ్రి ఇఫ్తికార్‌ అలీఖాన్‌ పటౌడీ భారత్, ఇంగ్లండ్‌ జట్లకు ప్రాతినిధ్యం వహించారు. దాంతో వారి గౌరవార్ధం ఇప్పటి వరకు ‘పటౌడీ ట్రోఫీ’గా పిలిచారు. అత్యధిక టెస్టులు ఆడిన క్రికెటర్లుగా సచిన్‌ టెండూ ల్కర్‌ (200), జేమ్స్‌ అండర్సన్‌ (188) తొలి రెండు స్థానాల్లో ఉన్నారు. చదవండి: చరిత్ర సృష్టించిన ముష్ఫికర్‌ రహీం.. వరల్డ్‌ రికార్డు బద్దలు

టీమిండియాతో టెస్టు సిరీస్‌కు ముందు ఇంగ్లండ్ వైస్ కెప్టెన్ ఓలీ పోప్ కీల‌క వ్యాఖ్య‌లు చేశాడు. ఈ సిరీస్‌లో మైదానంలో ఎంతో యాక్టివ్‌గా ఉండే విరాట్ కోహ్లి సేవ‌ల‌ను భార‌త్ మిస్ అవుతుంద‌ని పోప్‌ అభిప్రాయపడ్డాడు. అదేవిధంగా ప్ర‌స్తుత భార‌త జ‌ట్టులో యంగ్ టాలెంటెడ్ ఆటగాళ్లు ఉన్నార‌ని అత‌డు కొనియాడాడు.ఇంగ్లండ్ టూర్‌కు ముందు కోహ్లి టెస్టుల‌కు రిటైర్మెంట్ ప్ర‌క‌టించిన సంగ‌తి తెలిసిందే. ఈ సిరీస్‌కు వ‌ర‌కైనా కొన‌సాగాల‌ని విరాట్‌ను సెల‌క్ట‌ర్లు కోరిన‌ప్ప‌టికి అత‌డు మాత్రం త‌న మ‌న‌సును మ‌ర్చుకోలేదు. అత‌డితో పాటు కెప్టెన్ రోహిత్ శ‌ర్మ కూడా రెడ్ బాల్ క్రికెట్‌కు వీడ్కోలు ప‌లికి షాకిచ్చాడు. దీంతో టీమిండియా టెస్టు జ‌ట్టు కొత్త కెప్టెన్‌గా శుబ్‌మ‌న్ గిల్ నియ‌మితుడ‌య్యాడు. అదేవిధంగా సాయిసుద‌ర్శ‌న్‌, అర్ష్‌దీప్ సింగ్ వంటి యువ ఆట‌గాళ్లు తొలిసారి భార‌త టెస్టు జ‌ట్టులోకి చోటు ద‌క్క‌గా.. క‌రుణ్ నాయ‌ర్ ఎనిమిదేళ్ల తర్వాత పున‌రాగ‌మ‌నం చేశాడు. ఇప్ప‌టికే ఇంగ్లండ్‌పై గ‌డ్డ‌పై అడుగు పెట్టిన భార‌త జ‌ట్టు.. ప్రాక్టీస్‌లో మునిగితేలుతోంది. ఇంగ్లండ్ వంటి క‌ఠిన ప‌రిస్థితుల్లో రోహిత్ శ‌ర్మ‌, విరాట్ కోహ్లిలోని యంగ్ టీమిండియా ఎలా రాణిస్తుందో అంద‌రూ ఆతృతగా ఎదురు చూస్తోంది.ఈ నేపథ్యంలో ఓలీ పోప్ ఓ ఇంటర్వ్యూలో మాట్లాడుతూ.. "ఇది యువ భారత జట్టు. కానీ ఈ జట్టులో అద్బుతమైన ఆటగాళ్లు ఉన్నారు. చాలా మందికి కౌంటీల్లో ఆడిన అనుభవం కూడా ఉంది. అదేవిధంగా కొత్త కెప్టెన్ శుబ్‌మన్ గిల్ టాలెంట్ కోసం మనందరికీ తెలుసు.అతడొక సూపర్ స్టార్‌. అయితే స్లిప్‌లో నిలబడి ప్రత్యర్ధి బ్యాటర్లను ఏకగ్రాతను కోల్పోయేలా చేసే విరాట్ కోహ్లి సేవలను మాత్రం భారత్ కోల్పోతుంది. అయినప్పటికీ భారత జట్టు అన్ని విభాగాల్లో సమతూకంగా ఉంది. వారిని ఎదుర్కొనేందుకు మా ఆటగాళ్లు కూడా సిద్దంగా ఉన్నారు అని చెప్పుకొచ్చాడు. కాగా ఈ సిరీస్‌లో తొలి టెస్టు జూన్‌ 20 నుంచి 24 వరకు లీడ్స్‌ వేదికగా జరగనుంది.చదవండి: IND vs ENG: టీమిండియాతో తొలి టెస్టు.. ఇంగ్లండ్ జ‌ట్టులోకి 19 ఏళ్ల యువ సంచ‌ల‌నం

సొంత గడ్డపై టీమిండియాతో టెస్టు సిరీస్‌కు ముందు ఇంగ్లండ్‌ క్రికెట్‌ జట్టుకు అదిరిపోయే ప్రాక్టీస్‌ లభించింది. నాటింగ్‌హామ్ వేదిక‌గా జింబాబ్వేతో జరుగుతున్న ఏకైక టెస్టులో ఇంగ్లండ్ బ్యాట‌ర్లు దంచి కొట్టారు. ఇంగ్లండ్ తమ తొలి ఇన్నింగ్స్‌లో భారీ స్కోర్ సాధించింది. 498/3 ఓవర్‌ నైట్‌స్కోర్‌తో రెండో రోజు ఆటను ప్రారంభించిన ఇంగ్లండ్‌.. తమ మొదటి ఇన్నింగ్స్‌ను 565/6 వద్ద డిక్లేర్‌ చేసింది. ఇంగ్లండ్ ఇన్నింగ్స్‌లో ఓపెనర్లు జాక్‌ క్రాలీ (171 బంతుల్లో 124; 14 ఫోర్లు), బెన్‌ డకెట్‌ (134 బంతుల్లో 140; 20 ఫోర్లు, 2 సిక్స్‌లు), ఒలీ పోప్‌ (163 బంతుల్లో 171, 24 ఫోర్లు, 2 సిక్స్‌లు) భారీ శతకాలతో కదం తొక్కగా... హ్యారీ బ్రూక్‌(58), రూట్‌(34) పరుగులతో రాణించారు. జింబాబ్వే బౌల‌ర్ల‌లో ముజారబానీ మూడు వికెట్లు ప‌డ‌గొట్ట‌గా.. చ‌వింగా, మాధ‌వీరే, ర‌జా త‌లా వికెట్ సాధించారు.కాగా ఇంగ్లండ్ జ‌ట్టు తొలి రోజే రికార్డు స్థాయిలో 88 ఓవర్లలో 3 వికెట్ల నష్టానికి 498 పరుగులు చేసింది. టెస్టు క్రికెట్‌లో తొలి రోజు నమోదైన రెండో అత్యధిక స్కోరు ఇదే కావ‌డం గ‌మ‌నార్హం. అంత‌కుముందు 2022లో పాకిస్తాన్‌పై ఇంగ్లండ్‌ తొలి రోజు 506/4 పరుగులు చేసింది. మ‌రో 9 ప‌రుగులు చేసుంటే ఇంగ్లీష్ జ‌ట్టు త‌మ రికార్డును తామే బ్రేక్ చేసేది.తుది జ‌ట్లుఇంగ్లండ్: జాక్ క్రాలే, బెన్ డకెట్, జో రూట్, ఓల్లీ పోప్, హ్యారీ బ్రూక్, బెన్ స్టోక్స్ (కెప్టెన్), జామీ స్మిత్ (వికెట్ కీపర్), గస్ అట్కిన్సన్, సామ్యూల్ జేమ్స్ కుక్, జోష్ టంగ్, షోయబ్ బషీర్జింబాబ్వే: బెన్ కర్రాన్, బ్రియాన్ బెన్నెట్, క్రెయిగ్ ఎర్విన్ (కెప్టెన్‌), సీన్ విలియమ్స్, సికందర్ రజా, వెస్లీ మాధేవెరే, తఫాద్జ్వా త్సిగా (వికెట్ కీప‌ర్‌), రిచర్డ్ నగరవ, బ్లెస్సింగ్ ముజారబానీ, తనకా చివంగ, విక్టర్ న్యౌచి

మూడు మ్యాచ్‌ల టెస్ట్‌ సిరీస్‌లో భాగంగా ముల్తాన్‌ వేదికగా ఇంగ్లండ్‌తో జరుగుతున్న తొలి మ్యాచ్‌లో పాక్‌ ఆటగాడు ఆమెర్‌ జమాల్‌ కళ్లు చెదిరే క్యాచ్‌ పట్టుకున్నాడు. నసీం​ షా బౌలింగ్‌లో ఇంగ్లండ్‌ కెప్టెన్‌ ఓలీ పోప్‌ ఆడిన పుల్‌ షాట్‌ను జమాల్‌ 'కమాల్‌'​ క్యాచ్‌గా మలిచాడు. మిడ్‌ వికెట్‌ దిశగా ఫీల్డింగ్‌ చేస్తున్న జమాల్‌ ఒంటి చేత్తో సూపర్‌ మ్యాన్‌లా క్యాచ్‌ అందుకున్నాడు. జమాల్‌ కమాల్‌ విన్యాసాన్ని చూసి ఓలీ పోప్‌కు ఫ్యూజులు ఔటయ్యాయి. ఈ క్యాచ్‌కు సంబంధించిన వీడియో సోషల్‌మీడియాలో వైరలవుతోంది.UNBELIEVABLE CATCH 😲Aamir Jamal pucks it out of thin air to send back the England captain 👌#PAKvENG | #TestAtHome pic.twitter.com/MY3vsto4St— Pakistan Cricket (@TheRealPCB) October 8, 2024మ్యాచ్‌ విషయానికొస్తే.. తొలుత బ్యాటింగ్‌ చేసిన పాక్‌ భారీ స్కోర్‌ చేసింది. అబ్దుల్లా షఫీక్‌ (102), షాన్‌ మసూద్‌ (151), అఘా సల్మాన్‌ (104 నాటౌట్‌) సెంచరీలతో కదం తొక్కడంతో ఆ జట్టు తొలి ఇన్నింగ్స్‌లో 556 పరుగులకు ఆలౌటైంది. సౌద్‌ షకీల్‌ (82) సెంచరీ చేసే అవకాశాన్ని చేజార్చుకోగా.. సైమ్‌ అయూబ్‌ 4, బాబర్‌ ఆజమ్‌ 30, నసీం షా 33, మొమహ్మద్‌ రిజ్వాన్‌ 0, ఆమెర్‌ జమాల్‌ 7, షాహీన్‌ అఫ్రిది 26, అబ్రార్‌ అహ్మద్‌ 3 పరుగులు చేసి ఔటయ్యారు. ఇంగ్లండ్‌ బౌలర్లలో జాక్‌ లీచ్‌ మూడు వికెట్లు పడగొట్టగా.. గస్‌ అట్కిన్సన్‌, బ్రైడన్‌ కార్స్‌ చెరో రెండు.. క్రిస్‌ వోక్స్‌, షోయబ్‌ బషీర్‌, జో రూట్‌ తలో వికెట్‌ పడగొట్టారు. అనంతరం తొలి ఇన్నింగ్స్‌ ప్రారంభించిన ఇంగ్లండ్‌ ఆదిలోనే కెప్టెన్‌ ఓలీ పోప్‌ వికెట్‌ను కోల్పోయింది. పోప్‌ ఖాతా తెరవకుండానే నసీం షా బౌలింగ్‌లో ఆమెర్‌ జమాల్‌కు క్యాచ్‌ ఇచ్చి ఔటయ్యాడు. రెండో రోజు ఆట ముగిసే సమయానికి ఇంగ్లండ్‌ స్కోర్‌ 96/1గా ఉంది. జాక్‌ క్రాలే (64), జో రూట్‌ (32) క్రీజ్‌లో ఉన్నారు. ఇంగ్లండ్‌ పాక్‌ తొలి ఇన్నింగ్స్‌ స్కోర్‌కు ఇంకా 460 పరుగులు వెనుకపడి ఉంది. చదవండి: హాంగ్‌కాంగ్‌ సిక్సర్స్‌ టోర్నీలో పాల్గొననున్న టీమిండియా

బెన్‌ స్టోక్స్‌ గైర్హాజరీలో ఇంగ్లండ్‌ టెస్ట్‌ జట్టుకు కెప్టెన్‌గా వ్యవహరిస్తున్న ఓలీ పోప్‌ ఓ చెత్త రికార్డును మూటగట్టుకున్నాడు. శ్రీలంకతో జరుగుతున్ను మూడు మ్యాచ్‌ల టెస్ట్‌ సిరీస్‌లో పోప్‌ ఇప్పటివరకు 10 రివ్యూలు తీసుకోగా.. పదికి పది విఫలమయ్యాయి. ఒక్కటంటే ఒక్క రివ్యూలోనూ పోప్‌ సక్సెస్‌ కాలేదు. టెస్ట్‌ల్లో ఇలా చాలా అరుదుగా జరుగుతుంది. రివ్యూల విషయంలో పోప్‌ కెప్టెన్సీపై విమర్శలు వెల్లువెత్తుతున్నాయి. లంకతో సిరీస్‌లో వ్యక్తిగతంగా, కెప్టెన్‌గా సక్సెస్‌ అయినప్పటికీ రివ్యూల విషయంలో పోప్‌ దారుణంగా విఫలమయ్యాడని ఇంగ్లిష్‌ అభిమానులు కామెంట్స్‌ చేస్తున్నారు. కాగా, శ్రీలంకతో మూడు మ్యాచ్‌ల సిరీస్‌ను ఇంగ్లండ్‌ మరో మ్యాచ్‌ మిగిలుండగానే 2-0 తేడాతో కైవసం చేసుకుంది.ఇదిలా ఉంటే, కెన్నింగ్‌స్టన్‌ ఓవల్‌ వేదికగా జరుగుతున్న మూడో టెస్ట్‌లో శ్రీలంక జట్టు గెలుపు దిశగా సాగుతుంది. ఆ జట్టు మరో 99 పరుగులు చేస్తే మ్యాచ్‌ను గెలవడంతో పాటు సిరీస్‌లో క్లీన్‌స్వీప్‌ అయ్యే ప్రమాదం నుంచి తప్పించుకుంటుంది. నాలుగో రోజు ఆట ప్రారంభించిన శ్రీలంక సెకెండ్‌ ఇన్నింగ్స్‌లో 2 వికెట్ల నష్టానికి 120 పరుగులు చేసింది.ఈ మ్యాచ్‌లో తొలుత బ్యాటింగ్‌ చేసిన ఇంగ్లండ్‌ తొలి ఇన్నింగ్స్‌లో 325 పరుగులు చేసింది. ఓలీ పోప్‌ భారీ శతకంతో (154) కదంతొక్కాడు. బెన్‌ డకెట్‌ (86) సెంచరీ చేసే అవకాశాన్ని చేజార్చుకున్నాడు. అనంతరం శ్రీలంక తొలి ఇన్నింగ్స్‌లో 263 పరుగులకు ఆలౌటైంది. నిస్సంక (64), ధనంజయ డిసిల్వ (69),కమిందు మెండిస్‌ (64) అర్ద సెంచరీలతో రాణించారు.ఆతర్వాత లంక బౌలర్లు చెలరేగిపోవడంతో ఇంగ్లండ్‌ రెండో ఇన్నింగ్స్‌లో 156 పరుగులకే కుప్పకూలింది. లహీరు కుమార 4, విశ్వ ఫెర్నాండో 3, అశిత ఫెర్నాండో 2, మిలన్‌ రత్నాయకే ఓ వికెట్‌ పడగొట్టారు. ఇంగ్లండ్‌ ఇన్నింగ్స్‌ జేమీ స్మిత్‌ (67) ఒక్కడే అర్ద సెంచరీ చేశాడు. 219 పరుగుల లక్ష్య ఛేదనలో శ్రీలంక గెలుపు దిశగా సాగుతుంది. నిస్సంక (67), ఏంజెలో మాథ్యూస్‌ (6) క్రీజ్‌లో ఉన్నారు.

శ్రీలంకతో జరుగుతున్న మూడో టెస్ట్‌లో ఇంగ్లండ్‌ తొలి ఇన్నింగ్స్‌లో 325 పరుగులకు ఆలౌటైంది. 221/3 వద్ద రెండో రోజు ఆటను ప్రారంభించిన ఆతిథ్య జట్టు.. ఓవర్‌నైట్‌ స్కోర్‌కు మరో 104 పరుగులు జోడించి మిగతా ఏడు వికెట్లు కోల్పోయింది. తొలి రోజే సెంచరీ చేసిన ఓలీ పోప్‌ 154 పరుగులు చేసి ఔట్‌ కాగా.. మరో ఓవర్‌నైట్‌ బ్యాటర్‌ హ్యారీ బ్రూక్‌ 19 పరుగుల వద్ద ఔటయ్యాడు. ఇంగ్లండ్‌ తమ చివరి ఆరు వికెట్లు కేవలం 64 పరుగుల వ్యవధిలో కోల్పోయింది. ఓవర్‌నైట్‌ స్కోర్‌కు 40 పరుగులు జోడించాక బ్రూక్‌ ఐదో వికెట్‌గా వెనుదిరగగా.. ఓలీ పోప్‌ ఎనిమిదో వికెట్‌గా పెవిలియన్‌కు చేరాడు. ఇంగ్లండ్‌ ఇన్నింగ్స్‌లో బెన్‌ డకెట్‌ 86, డాన్‌ లారెన్స్‌ 5, జో రూట్‌ 13, జేమీ స్మిత్‌ 16, క్రిస్‌ వోక్స్‌ 2, గస్‌ అట్కిన్సన్‌ 5, ఓల్లీ స్టోన్‌ 15 (నాటౌట్‌), జోష్‌ హల్‌ 2, షోయబ్‌ బషీర్‌ ఒక్క పరుగు చేశారు. శ్రీలంక బౌలర్లలో మిలన్‌ రత్నాయకే 3 వికెట్లు పడగొట్టగా.. విశ్వ ఫెర్నాండో, లహీరు కుమార, ధనంజయ డిసిల్వ తలో 2, అశిత ఫెర్నాండో ఓ వికెట్‌ దక్కించుకున్నారు. అనంతరం తొలి ఇన్నింగ్స్‌ ప్రారంభించిన శ్రీలంక రెండో రోజు లంచ్‌ విరామం సమయానికి వికెట్‌ నష్టపోకుండా ఒక్క పరుగు చేసింది. పథుమ్‌ నిస్సంక (1), దిముత్‌ కరుణరత్నే క్రీజ్‌లో ఉన్నారు. కాగా, మూడు మ్యాచ్‌ల టెస్ట్‌ సిరీస్‌ కోసం శ్రీలంక జట్టు ఇంగ్లండ్‌లో పర్యటిస్తుంది. ఈ సిరీస్‌లో తొలి రెండు మ్యాచ్‌లు నెగ్గిన ఇంగ్లండ్‌ 2-0 ఆధిక్యంలో కొనసాగుతుంది.

ఇంగ్లండ్ తాత్కాలిక టెస్టు సార‌థి ఓలీ పోప్ త‌న ఫామ్‌ను తిరిగి అందుకున్నాడు. లండ‌న్ వేదిక‌గా శ్రీలంక‌తో జ‌రుగుతున్న మూడో టెస్టులో పోప్ అద్భుత‌మైన సెంచ‌రీతో చెల‌రేగాడు. వ‌ర్షం అంత‌రాయం క‌లిగించిన తొలి రోజు ఆట‌లో శ్రీలంక బౌల‌ర్ల‌ను పోప్ స‌మ‌ర్ధ‌వంతంగా ఎదుర్కొన్నాడు. జో రూట్‌(13) విఫ‌ల‌మైన‌ప్ప‌ట‌కి పోప్ మాత్రం దంచి కొట్టాడు. 103 బంతుల్లో 13 ఫోర్లు, 2 సిక్స్‌ల‌తో 103 ప‌రుగులు చేసి ఆజేయంగా ఉన్నాడు. అత‌డితో పాటు క్రీజులో హ్యారీ బ్రూక్‌(8) ఉన్నాడు. తొలి రోజు ఆట‌ముగిసే స‌మ‌యానికి ఇంగ్లండ్ 3 వికెట్లు కోల్పోయి 221 ప‌రుగులు చేసింది. కాగా పోప్‌కు ఇది 7వ టెస్టు సెంచ‌రీ.స‌రికొత్త చ‌రిత్ర‌..ఇక ఈ మ్యాచ్‌లో సెంచ‌రీతో మెరిసిన పోప్ ఓ అరుదైన రికార్డును త‌న పేరిట లిఖించుకున్నాడు. తొలి 7 సెంచ‌రీల‌ను ఏడు వేర్వేరు జట్లపై చేసిన తొలి క్రికెట‌ర్‌గా పోప్ రికార్డుల‌కెక్కాడు. పోప్ తన టెస్ట్ కెరీర్‌లో ఇప్పటివరకు సాధించిన ప్రతి సెంచరీ ఆరు వేర్వేరు మైదానాల్లో వ‌చ్చినివే కావ‌డం విశేషం. 2020లో ద‌క్షిణాఫ్రికాపై తొలి టెస్టు సెంచ‌రీ చేసిన పోప్‌.. ఆ త‌ర్వాత వ‌రుస‌గా న్యూజిలాండ్‌, పాకిస్తాన్‌, ఐర్లాండ్‌, భారత్‌, వెస్టిండీస్‌, శ్రీలంకపై శతకాలు నమోదు చేశాడు. ఇప్పటివరకు ఈ ఘనత ఎవరికీ సాధ్యం కాలేదు.

లండన్‌: సొంతగడ్డపై సంపూర్ణ ఆధిపత్యం కనబరుస్తున్న ఇంగ్లండ్‌ జట్టు... శ్రీలంకతో మూడో టెస్టులోనూ అదే జోరు కొనసాగిస్తోంది. ఇప్పటికే తొలి రెండు మ్యాచ్‌లు నెగ్గి సిరీస్‌ కైవసం చేసుకున్న ఇంగ్లండ్‌... శుక్రవారం వర్షం అంతరాయం మధ్య ప్రారంభమైన మూడో టెస్టు తొలి ఇన్నింగ్స్‌లో 44.1 ఓవర్లలో 3 వికెట్ల నష్టానికి 221 పరుగులు చేసింది.తాత్కాలిక కెప్టెన్‌ ఒలీ పోప్‌ (103 బంతుల్లో 103 బ్యాటింగ్‌; 13 ఫోర్లు, 2 సిక్సర్లు) అజేయ సెంచరీతో చెలరేగగా... ఓపెనర్‌ బెన్‌ డకెట్‌ (79 బంతుల్లో 86; 9 ఫోర్లు, 2 సిక్సర్లు) చక్కటి ఇన్నింగ్స్‌తో ఆకట్టుకున్నాడు.వీరిద్దరూ వన్డే తరహా ఆటతీరుతో చెలరేగడంతో స్కోరు బోర్డు పరుగులు పెట్టింది. వర్షం కారణంగా మ్యాచ్‌కు పలుమార్లు అంతరాయం ఏర్పడగా... ఆఖర్లో వెలుతురు లేమితో ఆటను నిర్ణీత సమయం కంటే ముందే నిలిపివేశారు. గత మ్యాచ్‌ రెండు ఇన్నింగ్స్‌లో సెంచరీలు చేసిన మాజీ కెప్టెన్‌ జో రూట్‌ (13) తో పాటు డాన్‌ లారెన్స్‌ (5) విఫలమయ్యారు. లంక బౌలర్లలో లహిరు కుమార 2 వికెట్లు పడగొట్టాడు. పోప్‌తో పాటు హ్యారీ బ్రూక్‌ (8 బ్యాటింగ్‌) క్రీజులో ఉన్నాడు.చదవండి: Fab Four: ‘అతడే నంబర్‌ వన్‌.. కోహ్లికి ఆఖరి స్థానం’

శ్రీలంకతో రెండో టెస్టుకు ఇంగ్లండ్‌ బోర్డు తమ తుదిజట్టును ప్రకటించింది. తొలి మ్యాచ్‌లో ఆడిన జట్టులో ఒక మార్పుతో లార్డ్స్‌లో బరిలోకి దిగనున్నట్లు తెలిపింది. పేసర్‌ మార్క్‌వుడ్‌ స్థానాన్ని ఓలీ స్టోన్‌తో భర్తీ చేసినట్లు వెల్లడించింది. కాగా 2021లో చివరగా ఇంగ్లండ్‌ తరఫున టెస్టు ఆడిన ఓలీ స్టోన్‌.. మూడేళ్ల తర్వాత పునరాగమనం చేయనుండటం విశేషం.లంకతో తొలి టెస్టులో మార్క్‌వుడ్‌ గాయపడిన విషయం తెలిసిందే. మూడో రోజు ఆటలో భాగంగా కండరాల నొప్పితో విలవిల్లాడిన ఈ ఫాస్ట్‌బౌలర్‌ సిరీస్‌ మొత్తానికి దూరమయ్యాడు. ఈ క్రమంలో 20 ఏళ్ల పేసర్‌ జోష్‌ హల్‌ను అతడి స్థానంలో జట్టుకు ఎంపిక చేసిన ఇంగ్లండ్‌ బోర్డు.. హల్‌ను బెంచ్‌కే పరిమితం చేసింది. ఓలీ స్టోన్‌కు ప్లేయింగ్‌ ఎలెవన్‌లో స్థానం కల్పించింది.కాగా రైటార్మ్‌ పేసర్‌ అయిన 30 ఏళ్ల ఓలీ స్టోన్‌.. 2018లో అంతర్జాతీయ క్రికెట్‌లో అడుగుపెట్టాడు. ఇప్పటి వరకు ఇంగ్లండ్‌ తరఫున 3 టెస్టుల్లో 10, ఎనిమిది వన్డేల్లో 8 వికెట్లు తీశాడు. ఒకే ఒక్క టీ20 ఆడినా వికెట్‌ మాత్రం తీయలేకపోయాడు. ఇదిలా ఉంటే.. ప్రపంచ టెస్టు చాంపియన్‌షిప్‌ 2023-25లో భాగంగా సొంతగడ్డపై శ్రీలంకతో మూడు మ్యాచ్‌ల సిరీస్‌ ఆడుతోంది.ఈ క్రమంలో మాంచెస్టర్‌లోని ఎమిరేట్స్‌ ఓల్డ్‌ ట్రఫోర్డ్‌ మైదానంలో జరిగిన తొలి టెస్టులో ఇంగ్లండ్‌ ఐదు వికెట్ల తేడాతో గెలిచింది. పర్యాటక లంక నుంచి గట్టి పోటీ ఎదురుకాగా.. ఇంగ్లండ్‌ వెటరన్‌ బ్యాటర్‌ జో రూట్‌(128 బంతుల్లో 62) పట్టుదలగా నిలబడి జట్టును విజయతీరాలకు చేర్చాడు.ఇరు జట్ల మధ్య లండన్‌లో లార్డ్స్‌ మైదానంలో ఆగష్టు 29- సెప్టెంబరు 2 వరకు రెండో టెస్టుకు షెడ్యూల్‌ ఖరారైంది. ఇదిలా ఉంటే.. ఈ సిరీస్‌కు ఇంగ్లండ్‌ కెప్టెన్‌ బెన్‌స్టోక్స్‌ దూరం కాగా.. అతడి స్థానంలో ఓలీ పోప్‌ సారథ్య బాధ్యతలు నిర్వర్తిస్తున్న విషయం తెలిసిందే. అతడికి డిప్యూటీగా యువ బ్యాటర్‌ హ్యారీ బ్రూక్‌ను ఎంపిక చేసింది ఇంగ్లండ్‌ బోర్డు.శ్రీలంకతో లండన్‌ వేదికగా రెండో టెస్టు ఇంగ్లండ్‌ తుదిజట్టులారెన్స్, బెన్ డకెట్, ఓలీ పోప్ (కెప్టెన్), జో రూట్, హ్యారీ బ్రూక్, జేమీ స్మిత్ (వికెట్ కీపర్), క్రిస్ వోక్స్, గస్ అట్కిన్సన్, మాథ్యూ పాట్స్, ఓలీ స్టోన్, షోయబ్ బషీర్.

ఇంగ్లండ్‌తో తొలి టెస్టుకు శ్రీలంక క్రికెట్‌ బోర్డు తమ తుదిజట్టును ప్రకటించింది. పేసర్‌ మిలన్‌ రత్నాయకేకు ఎట్టకేలకు అంతర్జాతీయ క్రికెట్‌లో అడుగుపెట్టే అవకాశం కల్పించింది. మిలన్‌ ఆగమనం మినహా.. ఈ ఏడాది ఆరంభంలో బంగ్లాదేశ్‌తో తలపడ్డ జట్టుతోనే ఇంగ్లండ్‌తో టెస్టులోనూ బరిలోకి దిగనున్నట్లు తెలిపింది.కాగా టెస్టు సిరీస్‌ ఆడేందుకు శ్రీలంక ఇంగ్లండ్‌లో పర్యటిస్తోంది. ప్రపంచ టెస్టు చాంపియన్‌షిప్‌ 2023-25లో భాగంగా ఆతిథ్య జట్టుతో మూడు మ్యాచ్‌లు ఆడనుంది. ఈ క్రమంలో ఇరు జట్ల మధ్య ఆగష్టు 21న మొదటి టెస్టు ఆరంభం కానుంది. ఈ నేపథ్యంలో ఇప్పటికే ఇంగ్లండ్‌ తమ తుదిజట్టును ప్రకటించగా.. మంగళవారం శ్రీలంక సైతం తమ ప్లేయింగ్‌ ఎలెవన్‌ను వెల్లడించింది.ధనంజయ డి సిల్వ సారథ్యంలోని ఈ జట్టులో వెటరన్‌ బ్యాటర్‌ దిముత్‌ కరుణరత్నె.. యువ క్రికెటర్‌ నిషాన్ మదుష్కతో కలిపి లంక ఇన్నింగ్స్‌ ఆరంభించనున్నాడు. ఇక మిడిలార్డర్‌లో కుశాల్‌ మెండిస్‌, ఏంజెలో మాథ్యూస్‌, దినేశ్‌ చండిమాల్‌ ఆడనుండగా.. కెప్టెన్‌ ధనంజయ ఆరో స్థానంలో బ్యాటింగ్‌ చేయనున్నాడు.అతడి తర్వాతి స్థానంలో స్పిన్‌ బౌలింగ్‌ ఆల్‌రౌండర్‌ కమిందు మెండిస్‌ రానున్నాడు. ఇక బౌలింగ్‌ విభాగంలో పేసర్లు అసితా ఫెర్నాండో, విశ్వ ఫెర్నాండోతో పాటు కొత్తగా రత్నాయకే కూడా చోటు దక్కించుకున్నాడు. ఇప్పటికి రెండు సార్లు జాతీయ జట్టు సెలక్టర్ల నుంచి పిలుపు అందుకున్నా తుదిజట్టులో మాత్రం అతడికి స్థానం దక్కలేదు. అయితే, ఇంగ్లండ్‌తో సిరీస్‌ సందర్భంగా ఆ లోటు తీరనుంది.కాగా 28 ఏళ్ల మిలన్‌ రత్నాయకే ఫస్ట్‌క్లాస్‌ క్రికెట్‌లో 39 మ్యాచ్‌లు ఆడి 79 వికెట్లు తీశాడు. ఇందులో మూడు నాలుగు వికెట్ల హాల్స్‌, ఒ‍క ఐదు వికెట్ల హాల్‌ ఉంది. ఇక 45 లిస్ట్‌-ఏ మ్యాచ్‌లు ఆడిన మిలన్‌ రత్నాయకే 47 వికెట్లు పడగొట్టాడు. 22 టీ20లలో 24 వికెట్లు తీశాడు.ఇదిలా ఉంటే.. ఇంగ్లండ్‌తో తొలి టెస్టులో ఒకే ఒక్క స్పెషలిస్టు స్పిన్నర్‌ ప్రభాత్‌ జయసూర్యకు మాత్రమే చోటు దక్కింది. ఇక పాతుమ్‌ నిసాంక, సదీర సమరవిక్రమ, రమేశ్‌ మెండిస్‌, నిసాల తారక, లాహిరు కుమార, కసున్‌ రజిత, జెఫ్రే వాండర్సె బెంచ్‌కే పరిమితం కానున్నారు. కాగా 2016లో చివరగా ఇంగ్లండ్‌ పర్యటనకు వెళ్లిన శ్రీలంక 0-2తో ఓటమిని చవిచూసింది. గత మూడు సందర్భాల్లోనూ ఇంగ్లండ్‌ చేతిలో ఓటమి(ఎనిమిది టెస్టుల్లో ఏడు పరాజయం, ఒకటి డ్రా) పాలైంది.ఇంగ్లండ్‌ వర్సెస్‌ శ్రీలంక తొలి టెస్టు:తుదిజట్లుఇంగ్లండ్‌డాన్ లారెన్స్, బెన్ డకెట్, ఓలీ పోప్ (కెప్టెన్), జో రూట్, హ్యారీ బ్రూక్ (వైస్ కెప్టెన్), జామీ స్మిత్ (వికెట్ కీపర్), క్రిస్ వోక్స్, గుస్ అట్కిన్సన్, మాథ్యూ పాట్స్, మార్క్ వుడ్, షోయబ్ బషీర్.శ్రీలంకదిముత్ కరుణరత్నే, నిషాన్ మదుష్క, కుసల్ మెండిస్, ఏంజెలో మాథ్యూస్, దినేశ్‌ చండిమాల్, ధనంజయ డిసిల్వా (కెప్టెన్‌), కమిందు మెండిస్, ప్రభాత్ జయసూర్య, అసిత ఫెర్నాండో, విశ్వ ఫెర్నాండో, మిలన్ రత్నాయకే.

శ్రీలంకతో టెస్టు సిరీస్‌కు ఇంగ్లండ్‌ సిద్ధమైంది. ప్రపంచ టెస్టు చాంపియన్‌షిప్‌ 2023-25లో భాగంగా సొంతగడ్డపై లంకతో మూడు మ్యాచ్‌లు ఆడనుంది. మాంచెస్టర్‌ వేదికగా ఇరు జట్ల మధ్య బుధవారం తొలి టెస్టు ఆరంభం కానుంది.ఈ నేపథ్యంలో ఇంగ్లండ్‌ క్రికెట్‌ బోర్డు తమ తుదిజట్టును సోమవారం ప్రకటించింది. వైస్‌ కెప్టెన్‌గా యువ బ్యాటర్‌ హ్యారీ బ్రూక్‌కు అవకాశం ఇచ్చింది. కాగా బెన్‌ స్టోక్స్‌ గాయం కారణంగా జట్టుకు దూరం కావడంతో అతడి స్థానంలో ఓలీ పోప్‌ సారథిగా వ్యవహరించనున్న విషయం తెలిసిందే. ఈ క్రమంలో అతడికి డిప్యూటీగా బ్రూక్‌ను ఎంపిక చేసింది.ఈ జట్టులో నలుగురు పేసర్లు మార్క్‌ వుడ్‌, గుస్‌ అట్కిన్సన్‌, క్రిస్‌ వోక్స్‌, మాథ్యూ పాట్స్‌లకు చోటిచ్చింది. కాగా గతేడాది జూన్‌లో ఇంగ్లండ్‌కు చివరగా ఆడిన పాట్స్‌ ఈ మ్యాచ్‌తో పునరాగమనం చేయనున్నాడు. ఇక ఈ జట్టులో స్పిన్నర్‌ షోయబ్‌ బషీర్‌కు కూడా స్థానం దక్కింది. ఇక డాన్‌లారెన్స్‌, బెన్‌ డకెట్‌ ఓపెనర్లుగా దిగనుండగా.. మిడిలార్డర్‌లో ఓలీ పోప్‌, జో రూట్‌, హ్యారీ బ్రూక్‌, వికెట్‌ కీపర్‌ జామీ స్మిత్‌ ఆడనున్నారు.మూడు టెస్టులు.. షెడ్యూల్‌ ఇదేఆగష్టు 21- 25 వరకు మాంచెస్టర్‌లో తొలి టెస్టు, ఆగష్టు 29- సెప్టె​ంబరు 2 వరకు లండన్‌(లార్డ్స్‌)లో రెండో టెస్టు, సెప్టెంబరు 6- సెప్టెంబరు 10 వరకు లండన్‌లోని కెన్నింగ్‌టన్‌ ఓవల్‌లో మూడో టెస్టు నిర్వహణకు షెడ్యూల్‌ ఖరారైంది. భారత కాలమానం ప్రకారం ఇంగ్లండ్‌- శ్రీలంక టెస్టులు మధ్యాహ్నం మూడున్నర గంటలకు ఆరంభం కానున్నాయి.శ్రీలంకతో తొలి టెస్టుకు ఇంగ్లండ్‌ తుదిజట్టుడాన్ లారెన్స్, బెన్ డకెట్, ఓలీ పోప్ (కెప్టెన్), జో రూట్, హ్యారీ బ్రూక్ (వైస్ కెప్టెన్), జామీ స్మిత్ (వికెట్ కీపర్), క్రిస్ వోక్స్, గుస్ అట్కిన్సన్, మాథ్యూ పాట్స్, మార్క్ వుడ్, షోయబ్ బషీర్.

శ్రీలంకతో టెస్టు సిరీస్‌కు ముందు ఇంగ్లండ్‌కు ఊహించని ఎదురు దెబ్బ తగిలింది. ఆ జ‌ట్టు కెప్టెన్‌, స్టార్ ఆల్‌రౌండ‌ర్ బెన్ స్టోక్స్ గాయం కార‌ణంగా దూర‌మ‌య్యాడు. ది హండ్ర‌డ్ లీగ్‌లో నార్తర్న్ సూపర్‌చార్జర్స్‌కు ప్రాతినిథ్యం వ‌హిస్తున్న స్టోక్స్‌.. మాంచెస్టర్ ఒరిజినల్స్‌తో జ‌రిగిన మ్యాచ్‌లో గాయ‌ప‌డ్డాడు. పేస‌ర్ ఆలీ రాబిన్‌సన్‌ బౌలింగ్ లో స్కూప్ షాట్ ఆడే ప్రయత్నంలో స్టోక్స్ తొడ కండ‌రాలు ప‌ట్టేశాయి. ఈ క్ర‌మంలో పరిగెత్తలేక గ్రౌండ్ లోనే పడిపోయి వైద్య సహాయాన్ని కోరాడు. దీంతో ఫిజియోలు వెంటనే పరిగెత్తుకొచ్చి అతనికి చికిత్స అందించారు.అనంత‌రం అస్ప‌త్రికి తీసుకువెళ్లి స్కాన్ చేయ‌గా అత‌డి గాయం తీవ్ర‌మైన‌దిగా తేలింది. ఈ క్ర‌మంలోనే శ్రీలంక‌తో టెస్టు సిరీస్‌తో పాటు ఈ వేస‌విలో మిగిలిన మ్యాచ్‌ల‌న్నింటికి ఈ దిగ్గ‌జ ఇంగ్లండ్ ఆల్‌రౌండ‌ర్ దూర‌మ‌య్యాడు.ఇంగ్లండ్ కెప్టెన్ ఓలీ పోప్‌..ఇక శ్రీలంక‌తో టెస్టు సిరీస్‌కు ఇంగ్లండ్ తాత్కాలిక‌ కెప్టెన్‌గా మిడిలార్డ‌ర్ స్టార్ బ్యాట‌ర్ ఓలీ పోప్ ఎంపిక‌య్యాడు. స్టోక్సీ డిప్యూటీగా ఉన్న పోప్‌కు మ‌రోసారి కెప్టెన్సీ చేసే అవకాశం ల‌భించింది. అయితే పోప్ కెప్టెన్సీ బాధ్య‌త‌లు అప్ప‌గించిన ఇంగ్లండ్ క్రికెట్ బోర్డు.. ఇంకా స్టోక్స్ స్ధానాన్ని మాత్రం భ‌ర్తీ చేయ‌లేదు. ఇక ఇంగ్లండ్‌-శ్రీలంక మూడు మ్యాచ్‌ల టెస్టు సిరీస్ ఆగ‌స్టు 21 నుంచి ప్రారంభం కానుంది. స్టోక్స్ తిరిగి మ‌ళ్లీ పాకిస్తాన్‌తో టెస్టు సిరీస్‌కు అందుబాటులో వ‌చ్చే అవ‌కాశ‌ముంది.శ్రీలంకతో మూడు మ్యాచ్‌ల టెస్ట్‌ సిరీస్‌కు ఇంగ్లండ్‌ జట్టు..ఓలీ పోప్‌ (కెప్టెన్‌), గస్‌ అట్కిన్సన్‌, షోయబ్‌ బషీర్‌, హ్యారీ బ్రూక్‌, జోర్డన్‌ కాక్స్‌, బెన్‌ డకెట్‌, డాన్‌ లారెన్స్‌, మాథ్యూ పాట్స్‌, జో రూట్‌, జేమీ స్మిత్‌ (వికెట్‌కీపర్‌), ఓలీ స్టోన్‌, క్రిస్‌ వోక్స్‌, మార్క్‌ వుడ్‌

ట్రెంట్‌బ్రిడ్జ్‌ వేదికగా వెస్టిండీస్‌తో జరిగిన రెండో టెస్ట్‌ మ్యాచ్‌లో ఇంగ్లండ్‌ 241 పరుగుల భారీ తేడాతో ఘన విజయం సాధించింది. ఈ మ్యాచ్‌లో ఇంగ్లండ్‌ రెండు ఇన్నింగ్స్‌ల్లో 400కు పైగా స్కోర్‌ చేసింది. 147 ఏళ్ల ఇంగ్లీష్‌ క్రికెట్‌ చరిత్రలో ఇలా జరగడం తొలిసారి. ఇదే మ్యాచ్‌లో విండీస్‌ సైతం తొలి ఇన్నింగ్స్‌లో 400కు పైగా స్కోర్‌ చేసింది.టెస్ట్‌ క్రికెట్‌ చరిత్రలో తొలిసారి..ఓ టెస్ట్‌ మ్యాచ్‌లో ఒకటి, రెండు, మూడు ఇన్నింగ్స్‌ల్లో 400కు పైగా స్కోర్లు నమోదు కావడం ఇదే మొదటిసారి. ఈ మ్యాచ్‌లో తొలుత బ్యాటింగ్‌ చేసిన ఇంగ్లండ్‌.. తొలి ఇన్నింగ్స్‌లో 416 పరుగులు, సెకెండ్‌ ఇన్నింగ్స్‌లో 425 పరుగులు చేయగా.. వెస్టిండీస్‌ తొలి ఇన్నింగ్స్‌లో 457, సెకెండ్‌ ఇన్నింగ్స్‌లో 143 పరుగులు చేసింది.మ్యాచ్‌ విషయానికొస్తే.. 385 పరుగుల భారీ లక్ష్యాన్ని ఛేదించేందుకు బరిలోకి దిగిన వెస్టిండీస్‌.. యువ స్పిన్నర్‌ షోయబ్‌ బషీర్‌ ఐదేయడంతో (5/41) 143 పరుగులకే కుప్పకూలింది. తొలి ఇన్నింగ్స్‌లో 400కు పైగా స్కోర్‌ చేయడంతో పాటు 41 పరుగుల కీలకమైన తొలి ఇన్నింగ్స్‌ ఆధిక్యాన్ని సాధించిన విండీస్‌.. సెకెండ్‌ ఇన్నింగ్స్‌లో చేతులెత్తేసింది. బషీర్‌తో పాటు క్రిస్‌ వోక్స్‌ (2/28), అట్కిన్సన్‌ (2/49), మార్క్‌ వుడ్‌ (1/17) విండీస్‌ పతనా​న్ని శాశించారు. విండీస్‌ ఇన్నింగ్స్‌లో క్రెయిగ్‌ బ్రాత్‌వైట్‌ (47), జేసన్‌ హోల్డర్‌ (37), మికైల్‌ లూయిస్‌ (17), జాషువ డసిల్వ (14) మాత్రమే రెండంకెల స్కోర్లు చేయగలిగారు.ఈ మ్యాచ్‌లో గెలుపుతో ఇంగ్లండ్‌.. మూడు మ్యాచ్‌ల సిరీస్‌ను మరో మ్యాచ్‌ మిగిలుండగానే 2-0 తేడాతో కైవసం చేసుకుంది. తొలి ఇన్నింగ్స్‌లో సెంచరీ (121), సెకెండ్‌ ఇన్నింగ్స్‌లో హాఫ్‌ సెంచరీ (51) చేసిన ఓలీ పోప్‌కు ప్లేయర్‌ ఆఫ్‌ ద మ్యాచ్‌ అవార్డు లభించింది. విండీస్‌ తొలి ఇన్నింగ్స్‌లో కవెమ్‌ హాడ్జ్‌ (120) సెంచరీతో ఆకట్టుకోగా.. ఇంగ్లండ్‌ సెకెండ్ ఇన్నింగ్స్‌లో హ్యారీ బ్రూక్‌ (109), జో రూట్‌ (122) సెంచరీలతో సత్తా చాటారు.

నాటింగ్‌హ‌మ్ వేదిక‌గా వెస్టిండీస్‌తో జ‌రుగుతున్న రెండో టెస్టులో ఇంగ్లండ్ అద‌ర‌గొట్టింది. ఇంగ్లండ్‌ తొలి ఇన్నింగ్స్‌లో 88.3 ఓవర్లలో 416 పరుగులకు ఆలౌటైంది. ఇంగ్లండ్ బ్యాట‌ర్ల‌లో మిడిలార్డ‌ర్ బ్యాట‌ర్ ఓలీ పోప్ అద్భుత‌మైన సెంచ‌రీతో చెల‌రేగాడు.121 బంతుల్లో 15 ఫోర్లు, 1 సిక్స్‌తో 121 ప‌రుగులు చేశాడు. అత‌డితో పాటు బెన్ డ‌కెట్‌ (71; 14 ఫోర్లు), స్టోక్స్‌ (69; 8 ఫోర్లు) రాణించారు. విండీస్ బౌల‌ర్ల‌లో అల్జారీ జోష‌ఫ్ మూడు వికెట్లు ప‌డ‌గొట్ట‌గా.. సింక్లైర్‌, సీల్స్‌, హోడ్జ్ త‌లా రెండు వికెట్లు సాధించారు. కాగా ఈ మ్యాచ్‌లో ఇంగ్లండ్ అరుదైన ఫీట్ న‌మోదు చేసింది. ఇంగ్లండ్‌ 4.2 ఓవర్లలో 50 పరుగులు చేసి టెస్టుల్లో ఫాస్టెస్ట్‌ ఫిఫ్టీ చేసిన జట్టుగా తమ పేరిటే ఉన్న రికార్డును బద్దలు కొట్టింది. 1994లో దక్షిణాఫ్రికాతో జరిగిన టెస్టులో ఇంగ్లండ్‌ 4.3 ఓవర్లలో 50 పరుగులు సాధించింది.

2024 జనవరి మాసం ప్లేయర్‌ ఆఫ్‌ ద మంత్‌ అవార్డు నామినీస్‌ వివరాలను ఐసీసీ ప్రకటించింది. గత నెలలో అత్యుత్తమ ప్రదర్శన కనబర్చిన ఆటగాళ్ల పేర్లను ఐసీసీ వెల్లడించింది. పురుషుల క్రికెట్‌కు సంబంధించి ఆస్ట్రేలియా బౌలర్‌ జోష్‌ హాజిల్‌వుడ్‌, ఇంగ్లండ్‌ బ్యాటర్‌ ఓలీ పోప్‌, విండీస్‌ సంచలన బౌలర్‌ షమార్‌ జోసఫ్‌ రేసులో ఉండగా.. మహిళల క్రికెట్‌లో అమీ హంట‌ర్(ఐర్లాండ్), బెత్ మూనీ(ఆస్ట్రేలియా), అలీసా హేలీ(ఆస్ట్రేలియా) నామినేష‌న్ ద‌క్కించుకున్నారు. ఓటింగ్‌ పద్దతిన విజేతను నిర్ణయిస్తారు. ఈ ప్రదర్శనల కారణంగానే నామినేషన్‌ దక్కింది.. షమార్‌ జోసఫ్‌: జనవరి నెలలో ఆస్ట్రేలియాతో జరిగిన తొలి టెస్ట్‌ ద్వారా అంతర్జాతీయ అరంగేట్రం చేసిన విండీస్‌ యువ పేసర్‌ షమార్‌, తన తొలి పర్యటనలోనే సంచలన ప్రదర్శనలు నమోదు చేసి అవార్డు రేసులో నిలిచాడు. ఈ పర్యటనలో ఆసీస్‌ బ్యాటర్లను గడగడలాడించిన షమార్‌ రెండు మ్యాచ్‌ల్లో 13 వికెట్లు తీశాడు. ఇందులో రెండు ఐదు వికెట్ల ప్రదర్శనలు ఉన్నాయి. గబ్బా టెస్ట్‌ సెకెండ్‌ ఇన్నింగ్స్‌లో షమార్‌ విశ్వరూపం​ (7-68) ప్రదర్శించడంతో పర్యాటక విండీస్‌ 30 ఏళ్ల తర్వాత ఆసీస్‌ గడ్డపై టెస్ట్‌ విజయాన్ని నమోదు చేసింది.  జోష్‌ హాజిల్‌వుడ్‌: జనవరి నెలలో విండీస్‌తో జరిగిన రెండు మ్యాచ్‌ల టెస్ట్‌ సిరీస్‌లో హాజిల్‌వుడ్‌ సైతం విజృంభించాడు. ఈ సిరీస్‌లో అతను రెండు మ్యాచ్‌ల్లో 14 వికెట్లు తీసి లీడింగ్‌ వికెట్‌ టేకర్‌గా నిలిచాడు. ఇందులో ఓ ఐదు వికెట్ల ప్రదర్శన ఉంది. ఈ ప్రదర్శనలతో పాటు హాజిల్‌వుడ్‌ జనవరిలో మొత్తం 19 వికెట్లు పడగొట్టాడు. ఓలీ పోప్‌: ఈ ఇంగ్లీష్‌ బ్యాటర్‌ జనవరిలో ఆడిన మ్యాచ్‌ విన్నింగ్‌ ఇన్నింగ్స్‌ కారణంగా ప్లేయర్‌ ఆఫ్‌ ద మంత్‌ అవార్డుకు నామినేట్‌ అయ్యాడు. గత నెలలో టీమిండియాతో జరిగిన టెస్ట్‌ మ్యాచ్‌లో (హైదరాబాద్‌ టెస్ట్‌) పోప్‌ సెకెండ్‌ ఇన్నింగ్స్‌లో 196 పరుగులు చేసి ఇంగ్లండ్‌ గెలుపులో ప్రధానపాత్ర పోషించాడు.    

Ind vs Eng 2nd Test Vizag Day 4: ఇంగ్లండ్‌తో రెండో టెస్టులో టీమిండియా కెప్టెన్‌ రోహిత్‌ శర్మ అద్భుతమైన క్యాచ్‌తో మెరిశాడు. వైజాగ్‌ వేదికగా నాలుగో రోజు ఆటలో.. ఇంగ్లండ్‌ కీలక బ్యాటర్‌ ఒలీ పోప్‌ను అవుట్‌ చేయడంలో తన వంతు పాత్ర పోషించాడు. కాగా 67/1 ఓవర్‌నైట్‌ స్కోరుతో సోమవారం నాటి ఆట మొదలుపెట్టిన ఇంగ్లండ్‌... తొలుత రెహాన్‌ అహ్మద్‌ రూపంలో తొలి వికెట్‌ కోల్పోయింది. అక్షర్‌ పటేల్‌ బౌలింగ్‌ అహ్మద్‌ 23 పరుగుల వ్యక్తిగత స్కోరు వద్ద నిష్క్రమించాడు.  అప్పటికి ఇంగ్లండ్‌ స్కోరు 99/2. ఈ క్రమంలో అహ్మద్‌ స్థానంలో క్రీజులోకి వచ్చిన ఒలీ పోప్‌ ఆరంభం నుంచే దూకుడుగా ఆడాడు. 21 బంతుల్లోనే 23 పరుగులు సాధించి ప్రమాదకరంగా మారుతున్న పోప్‌.. రవిచంద్రన్‌ అశ్విన్‌ కి దొరికిపోయాడు. 28.2వ ఓవర్లో టీమిండియా స్పిన్నర్‌ వేసిన బంతిని తప్పుగా అంచనా వేసిన పోప్‌.. బ్యాక్‌ కట్‌ షాట్‌ ఆడేందుకు ప్రయత్నించగా.. ఎడ్జ్‌ తీసుకున్న బంతిని.. స్లిప్‌లో ఫీల్డింగ్‌ చేస్తున్న రోహిత్‌ శర్మ మెరుపు వేగంతో అందుకున్నాడు.  దీంతో ఇంగ్లండ్‌ ఓవరాల్‌గా మూడో వికెట్‌ కోల్పోగా.. భారత శిబిరంలో ఉత్సాహం నెలకొంది. కాగా 0.45 సెకన్ల వ్యవధిలోనే రోహిత్‌ శర్మ మెరుపు వేగంతో అందుకున్న షార్ప్‌ క్యాచ్‌కు సంబంధించిన వీడియో.. నెట్టింట వైరల్‌గా మారింది. ఇదిలా ఉంటే.. ఒలీ పోప్‌ అవుటైన మరుసటి రెండో ఓవర్లో అశ్విన్‌ మరోసారి అద్భుత బంతితో జో రూట్‌(16)ను పెవిలియన్‌కు పంపాడు. ఈ క్రమంలో 34 ఓవర్లలో ఇంగ్లండ్‌ 4 వికెట్ల నష్టానికి 165 పరుగులు చేసింది. ఈ క్రమంలో టీమిండియా విజయానికి ఆరు వికెట్లదూరంలో నిలవగా.. ఇంగ్లండ్‌ గెలవాలంటే 234 పరుగులు కావాలి. చదవండి: SA vs NZ: అరంగేట్ర మ్యాచ్‌లోనే ఏకంగా కెప్టెన్‌.. అంతేకాకుండా 6 వికెట్లతో Sharp Reflexes edition, ft. captain Rohit Sharma! 👌 👌 Follow the match ▶️ https://t.co/X85JZGt0EV#TeamIndia | #INDvENG | @ImRo45 | @IDFCFIRSTBank pic.twitter.com/mPa0lUXC4C — BCCI (@BCCI) February 5, 2024 Number 45 taking the reflex catch of 0.45sec. Rohit you beauty!#INDvENG #IndvsEng #RohitSharma pic.twitter.com/hAmUp5TesH — Rohit. (@RoSixSharma) February 5, 2024

వరల్డ్‌క్రికెట్‌లో తానే యార్కర్ల కింగ్‌ అని టీమిండియా పేస్‌ గుర్రం జస్ప్రీత్‌ బుమ్రా మరోసారి నిరూపించుకున్నాడు. వైజాగ్‌ వేదికగా ఇంగ్లండ్‌తో జరుగుతున్న రెండో టెస్టులో ఇంగ్లండ్ బ్యాటర్‌ ఓలీ పోప్‌ను అద్బుతమైన బంతితో క్లీన్‌ బౌల్డ్‌ చేశాడు. బుమ్రా వేసిన ఓ డెలివరీకి పోప్‌ వద్ద సమాధానమే లేకుండా పోయింది. ఇంగ్లండ్‌ ఇన్నింగ్స్‌ 28 ఓవర్‌లో బుమ్రా ఐదో బంతిని అద్బుతమైన ఇన్‌స్వింగర్‌ యార్కర్‌గా సంధించాడు. పోప్‌ తన బ్యాట్‌తో బంతిని అడ్డుకునే లోపే స్టంప్స్‌ను గిరాటేసింది. దీంతో పోప్‌ ఒక్కసారిగా బిత్తరపోయాడు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. ఇది చూసిన నెటిజన్లు క్రికెట్‌ చరిత్రలోనే అత్యుత్తమ బాల్‌ అని కామెంట్లు చేస్తున్నారు. Jasprit Bumrah deadly Yorker to Ollie Pope. Crazy 🤯#INDvENG #INDvsENGpic.twitter.com/KjVRQ7KbBQ — Abdullah Neaz (@Neaz__Abdullah) February 3, 2024 Classic @Jaspritbumrah93 yorker. An exhibition!pic.twitter.com/Lmu92Ga8UU — CricTracker (@Cricketracker) February 3, 2024

విశాఖపట్నం వేదికగా భారత్‌-ఇంగ్లండ్‌ మధ్య రెండో టెస్టు ఆసక్తికరంగా సాగుతోంది. తొలి ఇన్నింగ్స్‌లో టీమిండియా 396 పరుగులు చేయగా.. అనంతరం ఇంగ్లండ్‌ కూడా దీటుగా బదులిస్తోంది. 25 ఓవర్లకు ఇంగ్లండ్‌ 3 వికెట్ల నష్టానికి 123 పరుగులు చేసింది. క్రీజులో ఓలీ పోప్‌(21), బెయిర్‌ స్టో(0) పరుగులతో ఉన్నారు. అయితే ఇంగ్లండ్‌ స్టారర్‌ బ్యాటర్‌ ఓలీ పోప్‌ తన ఇన్నింగ్స్‌ ఆరంభంలోనే ఔటయ్యే ప్రమాదం నుంచి తప్పించుకున్నాడు. టీమిండియా వికెట్‌ కీపర్‌ శ్రీకర్‌ భరత్‌ స్టంపౌట్‌ ఛాన్స్‌ను మిస్‌ చేశాడు. ఇంగ్లండ్‌ ఇన్నింగ్స్‌ 11 ఓవర్ వేసిన కుల్దీప్‌ యాదవ్‌ రెండో బంతికి డకెట్‌ను ఔట్‌ చేశాడు. అనంతరం పోప్‌ క్రీజులోకి వచ్చాడు. అయితే తన ఎదుర్కొన్న తొలి బంతినే అద్బుతమైన డెలవరీగా కుల్దీప్‌ సంధించాడు. ఆ బంతిని అంచనా వేయడంలో పోప్‌ విఫలమయ్యాడు. బంతి పోప్‌ బ్యాట్‌ను మిస్‌ అయ్యి వికెట్‌ కీపర్‌ చేతికి వేళ్లింది. వికెట్‌ కీపర్‌ భరత్‌ సైతం బంతిని అందుకోవడంలో విఫలమయ్యాడు. ఒకవేళ బంతిని అందుకుని బెయిల్స్‌ను పడగొట్టి ఉంటే పోప్‌ ఖాతా తెరవకుండానే పెవిలియన్‌కు చెరేవాడు. రిప్లేలో క్లియర్‌గా పోప్‌ క్రీజుకు బయట ఉన్నట్లు కన్పించింది. వెంటనే భారత కెప్టెన్‌ రోహిత్‌ శర్మ ఎంత పనిచేశావు భరత్‌ అన్నట్లు రియాక్షన్‌ ఇచ్చాడు. కాగా తొలి టెస్టులో కూడా పోప్‌కు అవకాశాలు ఇవ్వడంతో భారీ శతకంతో విరుచుకుపడ్డాడు. ఇప్పుడు మరోసారి ఛాన్స్‌ రావడంతో అందుకు టీమిండియా ఎంత మూల్యం చెల్లించుకుంటుందో వేచి చూడాలి.  Early reprieve for Ollie Pope as KS Bharat missed a stumping chance! 👀#CricketTwitter #INDvENG #India #England #KSBharat pic.twitter.com/Z7dYmLHXTv — CRICKETNMORE (@cricketnmore) February 3, 2024

ICC Mens Test Batting Rankings: ఐసీసీ మెన్స్‌ టెస్టు ర్యాంకింగ్స్‌లో ఇంగ్లండ్‌ బ్యాటర్‌ ఒలీ పోప్‌ సత్తా చాటాడు. టీమిండియాతో తొలి టెస్టులో అద్భుత శతకం సాధించిన అతడు.. ఏకంగా ఇరవై స్థానాలు ఎగబాకాడు. కెరీర్‌లో తొలిసారి అత్యుత్తమంగా 15వ ర్యాంకు సాధించాడు. కాగా ఐదు మ్యాచ్‌ల సిరీస్‌లో భాగంగా హైదరాబాద్‌లో జరిగిన తొలి టెస్టులో ఒలీ పోప్‌ అద్భుత ప్రదర్శనతో ఆకట్టుకున్న విషయం తెలిసిందే. రెండో ఇన్నింగ్స్‌లో 196 పరుగులు సాధించి జట్టు విజయంలో కీలక పాత్ర పోషించాడు. పోప్‌ ఇన్నింగ్స్‌ కారణంగానే పోప్‌ ఇన్నింగ్స్‌ కారణంగానే సొంతగడ్డపై మరింత పటిష్టమైన టీమిండియాను ఇంగ్లండ్‌ 28 పరుగుల తేడాతో ఓడించగలిగింది. ఈ క్రమంలో బుధవారం ప్రకటించిన ర్యాంకింగ్స్‌లో ఈ మేరకు కెరీర్‌ బెస్ట్‌ ర్యాంకు సాధించాడని  ఐసీసీ పేర్కొంది. కోహ్లి, రోహిత్‌ ర్యాంకులు? ఇక ఐసీసీ తాజాగా ప్రకటించిన టెస్టు బ్యాటింగ్‌ ర్యాంకింగ్స్‌లో కేన్‌ విలియమ్సన్‌ అగ్రస్థానం నిలబెట్టుకోగా.. టీమిండియా స్టార్‌ విరాట్‌ కోహ్లి ఒక స్థానం మెరుగుపరచుకుని ఆరో ర్యాంకులో నిలిచాడు. భారత్‌ నుంచి కోహ్లి ఒక్కడే టాప్‌-10లో ఉన్నాడు. కెప్టెన్‌ రోహిత్‌ శర్మ 12వ స్థానంలో నిలవగా.. దాదాపు ఏడాదిన్నరకాలంగా ఆటకు దూరమైన రిషభ్‌ పంత్‌ 13వ స్థానంలో నిలిచాడు. కాగా ఇంగ్లండ్‌తో తొలి రెండు టెస్టులకు కోహ్లి దూరం కాగా.. ఓపెనర్‌ రోహిత్‌ శర్మ హైదరాబాద్‌ మ్యాచ్‌లో విఫలమయ్యాడు. రెండు ఇన్నింగ్స్‌లో కలిపి 63 పరుగులు మాత్రమే చేయగలిగాడు. ఇక ఇరు జట్ల మధ్య ఫిబ్రవరి 2 నుంచి విశాఖపట్నం వేదికగా రెండో టెస్టు మొదలుకానుంది. ఐసీసీ మెన్స్‌ టెస్టు బ్యాటింగ్‌ ర్యాంకింగ్స్‌ టాప్‌-5లో ఉన్నది వీళ్లే 1. కేన్‌ విలియమ్సన్‌(న్యూజిలాండ్‌) 2. జో రూట్‌(ఇంగ్లండ్‌) 3. స్టీవ్‌ స్మిత్‌(ఆస్ట్రేలియా) 4. డారిల్‌ మిచెల్‌(న్యూజిలాండ్‌) 5. బాబర్‌ ఆజం(పాకిస్తాన్‌) చదవండి: Mayank Agarwal: ఆ బాటిల్‌ తీసుకుని తాగగానే వాంతులు.. భయంకర పరిస్థితి

India vs England, 1st Test: టీమిండియా ఫాస్ట్‌బౌలర్‌ జస్‌ప్రీత్‌ బుమ్రాకు అంతర్జాతీయ క్రికెట్‌ మండలి షాకిచ్చింది. ఇంగ్లండ్‌తో తొలి టెస్టులో నిబంధనలు ఉల్లంఘించాడనే కారణంగా ఐసీసీ అతడిని మందలించింది. అదే విధంగా..  బుమ్రా ఖాతాలో డిమెరిట్‌ పాయింట్‌ జతచేసింది. హైదరాబాద్‌ టెస్టులో ఆరు వికెట్లు ఇంతకీ ఏం జరిగిందంటే...  ఐదు మ్యాచ్‌ల సిరీస్‌లో భాగంగా టీమిండియా- ఇంగ్లండ్‌ హైదరాబాద్‌ వేదికగా తొలి టెస్టులో తలపడిన విషయం తెలిసిందే. ఉప్పల్‌లో జరిగిన ఈ మ్యాచ్‌లో భారత పేస్‌ గుర్రం బుమ్రా మొత్తం ఆరు వికెట్లు తీసి సత్తా చాటాడు. బుమ్రా మ్యాజిక్‌.. పోప్‌ డబుల్‌ సెంచరీ మిస్‌ ముఖ్యంగా ఇంగ్లండ్‌ రెండో ఇన్నింగ్స్‌లో కొరకరాని కొయ్యగా మారిన వన్‌డౌన్‌ బ్యాటర్‌ ఒలీ పోప్‌ను 196 పరుగుల వ్యక్తిగత స్కోరు వద్ద(102.1వ ఓవర్‌) అద్భుత రీతిలో బౌల్డ్‌ చేశాడు. అయితే, అంతకంటే ముందు అంటే.. 81వ ఓవర్లో పోప్‌ వికెట్ల మధ్య పరుగు తీస్తున్నపుడు బుమ్రా కావాలనే అతడికి అడ్డంగా వెళ్లినట్లు కనిపించింది. ఈ క్రమంలో ఇద్దరూ పరస్పరం ఢీకొన్నారు. పొరపాటును అంగీకరించడంతో.. ఈ నేపథ్యంలో ఐసీసీ ప్రవర్తనా నియమావళిలోని ఆర్టికల్‌ 2.12 నిబంధన ప్రకారం.. రూల్స్‌ను అతిక్రమించాడంటూ అంతర్జాతీయ క్రికెట్‌ మండలి బుమ్రాను మందలించింది. ఫీల్డ్‌ అంపైర్లు, సంబంధిత అధికారులు బుమ్రాదే తప్పని తేల్చగా.. బుమ్రా తన పొరపాటును అంగీకరించాడు. దీంతో ఐసీసీ అతడి ఖాతాలో ఓ డిమెరిట్‌ పాయింట్‌ను చేర్చింది.   ఇదిలా ఉంటే.. తొలి టెస్టులో టీమిండియా 28 పరుగుల తేడాతో ఓడిపోయిన విషయం తెలిసిందే. దీంతో ఇంగ్లండ్‌ ప్రస్తుతం 1-0తో ఆధిక్యంలో నిలిచింది. ఇక ఇంగ్లండ్‌ విజయంలో కీలక పాత్ర పోషించిన ఒలీ పోప్‌ ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు. ఇరు జట్ల మధ్య విశాఖపట్నం వేదికగా ఫిబ్రవరి 2 నుంచి రెండో టెస్టు ఆరంభం కానుంది. చదవండి: టీమిండియాకు బిగ్‌ షాక్‌: రాహుల్‌, జడేజా దూరం.. వాళ్లకు ఛాన్స్‌: బీసీసీఐ ప్రకటన

హైదరాబాద్‌ టెస్ట్‌లో భారీ ద్విశతం (196) సాధించి, తమ ఓటమికి ప్రధాన కారణంగా నిలిచిన ఇంగ్లండ్‌ ఆటగాడు ఓలీ పోప్‌పై టీమిండియా కెప్టెన్‌ రోహిత్‌ శర్మ, కోచ్‌ రాహుల్‌ ద్రవిడ్‌ ప్రశంసల వర్షం కురిపించారు. మ్యాచ్‌ అనంతరం జరిగిన విలేకరుల సమావేశంలో వీరిద్దరూ పోప్‌ ఆడిన మ్యాచ్‌ విన్నింగ్స్‌ను కొనియాడారు. ద్రవిడ్‌ మాట్లాడుతూ.. గతంలో పలువురు విదేశీ బ్యాటర్లు భారత స్పిన్నర్లను ఇబ్బంది పెట్టిన సందర్భాలు చూశాను. కానీ పోప్‌లా భారత స్పిన్నర్లను నిలదొక్కుకోనీయకుండా ఇబ్బంది పెట్టిన బ్యాటర్లను చూడలేదు. పోప్‌ వైవిధ్యభరితమైన షాట్లను (రివర్స్‌ స్వీప్‌) ఎంతో సమర్థవంతంగా ఆడి భారత స్పిన్నర్లు లయ తప్పేలా చేశాడు. పోప్‌ ఎదురుదాడికి దిగి భారత స్పిన్నర్లను కుదురుకోనీయకుండా చేశాడు. కష్టమైన పిచ్‌పై పోప్‌ ఆడిన ఇన్నింగ్స్‌ గురిం​చి ఎంత చెప్పినా తక్కువే. ప్రపంచంలోనే మేటి స్పిన్నర్లను పోప్‌ తన బ్యాటింగ్‌ నైపుణ్యంతో ముప్పుతిప్పలు పెట్టాడు. ఫైనల్‌గా హ్యాట్స్‌ ఆఫ్‌ టు పోప్‌ అంటూ ద్రవిడ్‌ కొనియాడాడు. మరోవైపు పోప్‌ గురించి భారత కెప్టెన్‌ రోహిత్‌ శర్మ మాట్లాడుతూ ఇలా అన్నాడు. భారత గడ్డపై ఓ విదేశీ ప్లేయర్‌ ఆడిన అత్యుత్తమ ఇన్నింగ్స్‌లలో ఇది (పోప్‌) ఒకటని రోహిత్‌ కితాబునిచ్చాడు.  ఇదిలా ఉంటే, ఐదు మ్యాచ్‌ల టెస్ట్‌ సిరీస్‌లో భాగంగా జరిగిన తొలి టెస్ట్‌లో పర్యాటక ఇంగ్లండ్‌.. టీమిండియాపై 28 పరుగుల తేడాతో విజయం సాధించింది. ఈ మ్యాచ్‌లో భారత్‌ తొలి ఇన్నింగ్స్‌లో 190 పరుగుల భారీ లీడ్‌ సాధించినప్పటికీ ఓటమిపాలైంది. ఓలీ పోప్‌ మూడో ఇన్నింగ్స్‌లో అద్భుత ఇన్నింగ్స్‌ ఆడి భారత్‌ ముందు ఫైటింగ్‌ టోటల్‌ను ఉంచడంలో కీలకపాత్ర పోషించాడు. 230 పరుగుల లక్ష్య ఛేదనలో​ తడబడిన భారత్‌ 202 పరుగులకు ఆలౌటై, స్వదేశంలో ఘోర పరాజయాన్ని మూటగట్టుకుంది. ఈ సిరీస్‌లోని రెండో టెస్ట్‌ మ్యాచ్‌ విశాఖ వేదికగా ఫిబ్రవరి 2 నుంచి మొదలవుతుంది. 

India vs England, 1st Test: టీమిండియాతో తొలి టెస్టులో విజయంపై ఇంగ్లండ్‌ కెప్టెన్‌ బెన్‌ స్టోక్స్‌ హర్షం వ్యక్తం చేశాడు. భారత గడ్డపై సాధించిన ఈ గెలుపు వందకు వంద శాతం ఎంతో గొప్పదని వ్యాఖ్యానించాడు. ప్రతికూల పరిస్థితులను అధిగమించి సాధించిన పరిపూర్ణ విజయమని పేర్కొన్నాడు.  నాలుగో రోజే ముగిసిన టెస్టు అదే విధంగా.. ఉపఖండంలో తొలిసారి కెప్టెన్‌ హోదాలో అడుగుపెట్టానని.. తొలి మ్యాచ్‌లోనే ఆతిథ్య జట్టును ఓడించడం సంతోషంగా ఉందన్నాడు. కాగా ఐదు మ్యాచ్‌ల సిరీస్‌లో భాగంగా హైదరాబాద్‌ టెస్టులో ఇంగ్లండ్‌ టీమిండియాను 28 పరుగుల తేడాతో ఓడించింది. ఉప్పల్‌లో తొలి రెండు రోజులు వెనుకబడ్డ స్టోక్స్‌ బృందం.. అనూహ్యంగా పుంజుకుని నాలుగో రోజే ఖేల్‌ ఖతం చేసి విజయం అందుకుంది. పరిపూర్ణ విజయం.. ఒలీ పోప్‌ అద్భుత శతకం(196), అరంగేట్ర స్పిన్నర్‌ టామ్‌ హార్లీ(మొత్తం తొమ్మిది వికెట్లు) కారణంగా ఊహించని రీతిలో టీమిండియాను ఓడించింది. ఈ నేపథ్యంలో స్టోక్స్‌ మాట్లాడుతూ.. ‘‘కెప్టెన్‌గా నేను బాధ్యతలు చేపట్టిన తర్వాత మా జట్టు విజయాలు కొనసాగుతూనే ఉన్నాయి. ఇప్పటి వరకు ఎన్నో అద్భుతమైన ప్రదర్శనలతో ఆకట్టుకున్నాం. ఇప్పుడు ఇక్కడ ఇలాంటి ఘన విజయం మరింత గొప్పగా అనిపిస్తోంది. ఇండియాలో కెప్టెన్‌గా నా తొలి ప్రయత్నంలోనే గెలుపు దక్కింది. తొలి ఇన్నింగ్స్‌లో మేము పొరపడ్డ మాట వాస్తవం. అయితే, టీమిండియా స్పిన్నర్లు ఆడుతున్న తీరు.. రోహిత్‌ ఫీల్డింగ్‌ సెట్‌ చేస్తున్న విధానాన్ని గమనిస్తూ చాలా విషయాలు నేర్చుకున్నా. వాటిని మా వ్యూహాలకు అనుగుణంగా అమలు చేసి ఫలితం రాబట్టడం ఎంతో థ్రిల్లింగ్‌గా ఉంది’’ అని ఆనందం వ్యక్తం చేశాడు. వాళ్లిద్దరు అత్యద్భుతం అదే విధంగా తమ విజయంలో కీలక పాత్ర పోషించిన ఒలీ పోప్‌, టామ్‌ హార్లీ గురించి ప్రస్తావిస్తూ.. ‘‘భుజానికి సర్జరీ చేయించుకున్న తర్వాత ఒలీ పోప్‌ రీ ఎంట్రీలో ఇలా అదరగొట్టాడు. టామ్‌కు ఇదే అరంగేట్ర మ్యాచ్‌. అయినప్పటికీ తన మీద నమ్మకంతో వరుసగా ఓవర్లు వేయించాను. ప్రతికూల ఫలితం వచ్చినా పర్లేదని ముందే నిశ్చయించుకున్నా.  View this post on Instagram A post shared by JioCinema (@officialjiocinema) అయితే, అతడు నా నమ్మకాన్ని నిజం చేశాడు. ఉపఖండంలో అనేక టెస్టులు ఆడిన అనుభవం నాకు ఉంది. అయితే, ఓ ఇంగ్లిష్‌ బ్యాటర్‌ ఇక్కడ ఆడిన అత్యద్భుత ఇన్నింగ్స్‌ ఏదంటే.. ఒలీ పోప్‌ పేరు చెప్పొచ్చు.  నిజానికి ఒకవేళ మేము ఈ మ్యాచ్‌లో ఓడిపోయినా నేను పెద్దగా బాధపడే వాడిని కాదు. వైఫల్యాలకు భయపడే వాడిని కానేకాను. ఆటగాళ్లను కావాల్సినంత ప్రోత్సాహం అందిస్తూ.. ఎల్లవేళలా వాళ్లకు మద్దతుగా నిలిస్తే ఫలితాలు వాటంతట అవే వస్తాయని నమ్ముతాను’’ అని బెన్‌ స్టోక్స్‌ ఈ సందర్భంగా వ్యాఖ్యానించాడు. చదవండి: IND Vs ENG: ఇంట్లోనే తలవంచారు... భారత్‌ వర్సెస్‌ ఇంగ్లండ్‌ మ్యాచ్‌ పూర్తి వివరాలు

India vs England, 1st Test : సొంతగడ్డపై ఇంగ్లండ్‌తో టెస్టు సిరీస్‌ను టీమిండియా పరాజయంతో ప్రారంభించింది. హైదరాబాద్‌లో జరిగిన మ్యాచ్‌లో పర్యాటక జట్టు చేతిలో 28 పరుగుల తేడాతో ఓడిపోయింది. ఉప్పల్‌లో గురువారం మొదలైన టెస్టులో తొలి రెండు రోజులు ఆధిపత్యం కొనసాగించిన రోహిత్‌ సేన.. ఆ తర్వాత పెద్దగా ప్రభావం చూపలేకపోయింది. ఇంగ్లండ్‌ విధించిన 231 పరుగుల లక్ష్యాన్ని ఛేదించే క్రమంలో నాలుగో రోజే తలవంచి ఓటమిని ఆహ్వానించింది. దీంతో ఐదు మ్యాచ్‌ల సిరీస్‌లో 0-1తో వెనుకబడింది. స్వదేశంలో టీమిండియా ఇలా ఊహించని రీతిలో ఓటమిపాలు కావడంతో రోహిత్‌ సేనపై విమర్శల వర్షం కురుస్తోంది. వాళ్ల విషయంలోనూ డిఫెన్సివ్‌గా ఎందుకు? తొలి టెస్టులో భారత్‌ ఆట తీరు, రోహిత్‌ శర్మ కెప్టెన్సీపై వెటరన్‌, మాజీ క్రికెటర్లు పెదవి విరుస్తున్నారు. టీమిండియా వికెట్‌ కీపర్‌ దినేశ్‌ కార్తిక్‌ స్పందిస్తూ.. ఇంగ్లండ్‌తో తొలి టెస్టులో భారత్ పూర్తి రక్షణాత్మక ధోరణిలో ఆడిందని విమర్శించాడు. ఒలి పోప్‌ వంటి బ్యాటర్‌ విషయంలో డిఫెన్సివ్‌గా ఉండటంలో తప్పులేదని.. కానీ.. టామ్‌ హార్లీ వంటి టెయిలెండర్ల విషయంలోనూ అదే తరహాలో ఆడటం సరికాదని డీకే అభిప్రాయపడ్డాడు. స్పిన్నర్లు రవీంద్ర జడేజా, రవిచంద్రన్‌ అశ్విన్‌ ఇంకాస్త మెరుగ్గా అటాకింగ్‌ చేసి ఉంటే బాగుండన్నాడు. ఈ మేరకు జియో సినిమా షోలో దినేశ్‌ కార్తిక్‌ వ్యాఖ్యలు చేశాడు. టీమిండియాను ఇంత బేలగా చూడలేదు ఇక భారత జట్టు మాజీ హెడ్‌కోచ్‌ రవిశాస్త్రి మాట్లాడుతూ.. సొంతగడ్డపై టీమిండియా ఇంతకు ముందెన్నడూ ఇంత బేలగా చూడలేదన్నాడు. రోహిత్‌ సేన పూర్తిగా ఒత్తిడిలో కూరుకుపోవడం.. థర్డ్‌ ఇన్నింగ్స్‌లో పర్యాటక జట్టుకు 400 పైచిలుకు పరుగులు చేసే అవకాశం ఇవ్వడం తనని  ఆశ్చర్యపరిచిందని అన్నాడు. భారత ఆటగాళ్ల బాడీ లాంగ్వేజ్‌ చూస్తుంటే ఆడుతుంది అసలు మనవాళ్లేనా అన్న సందేహం కలిగిందని వాపోయాడు. కాగా ఇంగ్లండ్‌ వన్‌డౌన్‌ బ్యాటర్‌ ఒలీ పోప్‌ ఈ మ్యాచ్‌లో 196 పరుగులతో టాప్‌ స్కోరర్‌గా నిలిచి ప్లేయర్‌ ఆఫ్‌ ది మ్యాచ్‌ అవార్డు అందుకున్న విషయం తెలిసిందే.  చదవండి: IND Vs ENG: ఇంట్లోనే తలవంచారు... భారత్‌ వర్సెస్‌ ఇంగ్లండ్‌ మ్యాచ్‌ పూర్తి వివరాలు

తొలి టెస్టు మూడో రోజు ఆట మొదలైనప్పుడు భారత్‌ 175 పరుగుల ఆధిక్యంలో ఉంది. టీమ్‌ ఆలౌట్‌ అయ్యే సమయానికి ఆ ఆధిక్యం 190 పరుగులకు చేరింది. ముందుగా ఈ లోటును పూడ్చుకునే ప్రయత్నంలో బరిలోకి దిగిన ఇంగ్లండ్‌ శనివారం ఆట ముగిసేసరికి 126 పరుగులు ముందంజలో నిలిచింది. ప్రతికూల పరిస్థితుల్లోనూ బ్యాటర్ల పోరాటం జట్టును ఇక్కడి వరకు తీసుకొచ్చింది. ముఖ్యంగా ఒలీ పోప్‌ అద్భుత బ్యాటింగ్‌తో చిరస్మరణీయ ప్రదర్శన చేశాడు. ఈ ఇన్నింగ్స్‌కు ముందు భారత గడ్డపై 9 ఇన్నింగ్స్‌లలో కలిపి 154 పరుగులే చేసిన పోప్‌ ఈ ఇన్నింగ్స్‌లోనే దాదాపు అన్నే పరుగులు సాధించడం విశేషం. అతని స్వీప్, రివర్స్‌ స్వీప్‌ షాట్లకు భారత స్పిన్నర్ల వద్ద జవాబు లేకపోయింది. ఆధిక్యం మరీ ఎక్కువ కాదు కాబట్టి ఈ మ్యాచ్‌ ఇంకా టీమిండియా చేతుల్లోనే ఉంది. అయితే మారిపోతున్న పిచ్‌పై నాలుగో ఇన్నింగ్స్‌ సవాల్‌ను రోహిత్‌ బృందం ఎంత సమర్థంగా ఎదుర్కొంటుందన్నది ఆసక్తికరం. సాక్షి, హైదరాబాద్‌: భారత్‌తో జరుగుతున్న తొలి టెస్టులో మూడో రోజు ఇంగ్లండ్‌ మెరుగైన ప్రదర్శన కనబర్చింది. ఓటమి ఖాయమనిపించే స్థితి నుంచి కోలుకొని ఇంకా పోరాడుతోంది. శనివారం ఆట ముగిసే సమయానికి ఇంగ్లండ్‌ తమ రెండో ఇన్నింగ్స్‌లో 77 ఓవర్లలో 6 వికెట్ల నష్టానికి 316 పరుగులు చేసింది. ఒలీ పోప్‌ (208 బంతుల్లో 148 బ్యాటింగ్‌; 17 ఫోర్లు) అజేయ సెంచరీతో చెలరేగాడు. ప్రస్తుతం ఇంగ్లండ్‌ 126 పరుగులు ముందంజలో ఉంది. అంతకుముందు ఓవర్‌నైట్‌ స్కోరు 421/7తో ఆట కొనసాగించిన భారత్‌ తొలి ఇన్నింగ్స్‌లో 121 ఓవర్లలో 436 పరుగులకు ఆలౌటైంది. రవీంద్ర జడేజా (180 బంతుల్లో 87; 7 ఫోర్లు, 2 సిక్స్‌లు) సెంచరీ అవకాశాన్ని కోల్పోయాడు.   మరో 15 పరుగులు జోడించి...  మూడో రోజు భారత్‌ తొలి ఇన్నింగ్స్‌ ముగిసేందుకు 11 ఓవర్లు సరిపోయాయి. ఒకేస్కోరు వద్ద జట్టు చివరి 3 వికెట్లు కోల్పోయింది. రూట్‌ వరుస బంతుల్లో జడేజా, బుమ్రా (0)లను అవుట్‌ చేయగా... తర్వాతి ఓవర్లో అక్షర్‌ పటేల్‌ (100 బంతుల్లో 44; 7 ఫోర్లు, 1 సిక్స్‌)ను రేహన్‌ బౌల్డ్‌ చేశాడు.   రాణించిన డకెట్‌...  తొలి ఇన్నింగ్స్‌లాగే రెండో ఇన్నింగ్స్‌లోనూ ఇంగ్లండ్‌ శుభారంభం చేసింది. క్రాలీ (33 బంతుల్లో 31; 4 ఫోర్లు, 1 సిక్స్‌), డకెట్‌ కలిసి చకచకా పరుగులు జోడించారు. అశ్విన్‌ చక్కటి బంతితో క్రాలీని అవుట్‌ చేసి ఈ భాగస్వామ్యాన్ని విడదీసినా... డకెట్, పోప్‌ జోరుగా ఆడటంతో తొలి సెషన్‌ ముగిసేసరికి జట్టు 6 రన్‌రేట్‌తో 15 ఓవర్లలోనే 89 పరుగులు చేసింది. అయితే లంచ్‌ తర్వాత భారత బౌలర్లు ఒక్కసారిగా చెలరేగిపోయారు. బుమ్రా బౌలింగ్‌లో డకెట్‌ ఎల్బీ అయ్యే అవకాశం ఉన్నా... భారత్‌ రివ్యూ తీసుకోకపోవడంతో అతను బతికిపోయాడు. రీప్లేలో బంతి స్టంప్స్‌ను తాకేదని తేలడంతో బుమ్రా తీవ్రంగా నిరాశ చెందాడు. అయితే తన తర్వాతి ఓవర్లో అద్భుత బంతితో డకెట్‌ను బౌల్డ్‌ చేసిన భారత పేసర్‌ భావోద్వేగం ప్రదర్శించాడు. జట్టు టాప్‌ బ్యాటర్‌ రూట్‌ (6 బంతుల్లో 2)ను కూడా తన తర్వాతి ఓవర్లోనే బుమ్రా అవుట్‌ చేశాడు. జడేజా బంతిని ఆడకుండా వదిలేసి బెయిర్‌స్టో (24 బంతుల్లో 10; 1 ఫోర్‌) బౌల్డ్‌ కాగా... బెన్‌ స్టోక్స్‌ (33 బంతుల్లో 6)కు వరుసగా మూడు ఓవర్లు మెయిడిన్‌ వేసి ఒత్తిడి పెంచిన అశ్విన్‌ అదే జోరులో చక్కటి బంతితో అతని ఆట కట్టించాడు. మరోవైపు పోప్‌ మాత్రం చక్కటి షాట్లతో పరుగులు రాబడుతూ 54 బంతుల్లోనే అర్ధ సెంచరీ పూర్తి చేసుకున్నాడు.   భారీ భాగస్వామ్యం...  స్టోక్స్‌ ఐదో వికెట్‌గా వెనుదిరిగినప్పుడు ఇంగ్లండ్‌ స్కోరు 163/5. ఆ జట్టు మరో 27 పరుగులు వెనుకబడి ఉంది. ఈ దశలో భారత్‌ మిగిలిన వికెట్లను టపటపా పడగొట్టి మ్యాచ్‌ను ముగిస్తుందని అనిపించింది. అయితే మరో 30 ఓవర్ల పాటు పోప్, బెన్‌ ఫోక్స్‌ (81 బంతుల్లో 34; 2 ఫోర్లు) కలిసి భారత బౌలర్లను ఆడుకున్నారు. చక్కటి సమన్వయంతో బ్యాటింగ్‌ చేస్తూ పరుగులు రాబట్టారు. ఆరంభంలో కుదురుకునేందుకు కొంత సమయం తీసుకున్న తర్వాత ధాటిగా ఆడారు. భారత బౌలర్లలోనూ ఎవరూ వీరిని ఇబ్బంది పెట్టలేకపోయారు. దాంతో ముందుగా తొలి ఇన్నింగ్స్‌ లోటును పూడ్చుకున్న ఇంగ్లండ్‌... ఆ తర్వాత ఆధిపత్యాన్ని పెంచుకుంటూ పోయింది. ఈ క్రమంలో పోప్‌ 154 బంతుల్లో తన కెరీర్‌లో ఐదో టెస్ట్‌ సెంచరీ పూర్తి చేసుకున్నాడు. ఆరో వికెట్‌కు పోప్‌తో 112 పరుగులు జత చేసిన ఫోక్స్‌ను అక్షర్‌ బౌల్డ్‌ చేయడంతో భారత్‌కు ఎట్టకేలకు ఊరట లభించింది. అయితే రేహన్‌ (31 బంతుల్లో 16 బ్యాటింగ్‌; 2 ఫోర్లు) కలిసి పోప్‌ మరో వికెట్‌ పడకుండా మూడో రోజును జాగ్రత్తగా ముగించాడు. చివరి సెషన్‌లో ఇంగ్లండ్‌ 35 ఓవర్లలో ఒకే వికెట్‌ కోల్పోయి 144 పరుగులు సాధించింది. 110 పరుగుల వద్ద పోప్‌ ఇచ్చిన క్యాచ్‌ను అక్షర్‌ వదిలేయడం కూడా జట్టుకు కలిసొచ్చింది. స్కోరు వివరాలు  ఇంగ్లండ్‌ తొలి ఇన్నింగ్స్‌: 246 ఆలౌట్‌; భారత్‌ తొలి ఇన్నింగ్స్‌: 436 ఆలౌట్‌; ఇంగ్లండ్‌ రెండో ఇన్నింగ్స్‌: క్రాలీ (సి) రోహిత్‌ (బి) అశ్విన్‌ 31; డకెట్‌ (బి) బుమ్రా 47; పోప్‌ (బ్యాటింగ్‌) 148; రూట్‌ (ఎల్బీ) (బి) బుమ్రా 2; బెయిర్‌స్టో (బి) జడేజా 10; స్టోక్స్‌ (బి) అశ్విన్‌ 6; ఫోక్స్‌ (బి) అక్షర్‌ 34; రేహన్‌ (బ్యాటింగ్‌) 16; ఎక్స్‌ట్రాలు 22; మొత్తం (77 ఓవర్లలో 6 వికెట్లకు) 316. వికెట్ల పతనం: 1–45, 2–113, 3–117, 4–140, 5–163, 6–275. బౌలింగ్‌: బుమ్రా 12–3–29–2, అశ్విన్‌ 21–3–93–2, అక్షర్‌ 15–2–69–1, జడేజా 26–1–101–1, సిరాజ్‌ 3–0–8–0.

హైదరాబాద్‌ వేదికగా భారత్‌-ఇంగ్లండ్‌ మధ్య జరుగుతున్న తొలి టెస్టు రసవత్తరంగా మారింది. మూడో రోజు ఆటలో భారత్‌కు ధీటుగా బదులిచ్చిన ఇంగ్లండ్‌.. భారీ స్కోర్‌ దిశగా అడుగులు వేస్తోంది. శనివారం ఆట ముగిసేసరికి ఇంగ్లండ్ రెండో ఇన్నింగ్స్‌లో ఆరు వికెట్లు కోల్పోయి 316 పరుగులు సాధించింది. ఇంగ్లీష్‌ జట్టు ప్రస్తుతం 126 పరుగుల ఆధిక్యంలో నిలిచింది. ఇంగ్లండ్‌ బ్యాటర్లలో యువ ఆటగాడు ఓలీ పోప్‌ అద్బుతమైన సెంచరీతో చెలరేగాడు. ఓ వైపు వికెట్లు పడతున్నప్పటికీ పోప్‌ మాత్రం భారత బౌలర్లను సమర్ధవంతంగా ఎదుర్కొంటూ ఇన్నింగ్స్‌ను ముందకు నడిపిస్తున్నాడు. పోప్‌ ప్రస్తుతం 148 పరుగులతో బ్యాటింగ్‌ చేస్తున్నాడు. అతడితో పాటు రెహాన్‌ ఆహ్మద్‌(16) పరుగులతో క్రీజులో ఉన్నాడు.  కాగా అంతకముందు ఓవర్‌ నైట్‌ స్కోరు 421/7తో మూడో రోజు ఆట ప్రారంభించిన భారత్.. అదనంగా కేవలం 15 పరుగులు మాత్రమే జోడించి ఆలౌటైంది. తొలి ఇన్నింగ్స్‌లో 436 పరుగులకు ఆలౌటైంది. దీంతో తొలి ఇన్నింగ్స్‌లో భారత్‌కు 190 పరుగుల ఆధిక్యం లభించింది. ఇంగ్లండ్‌ బౌలర్లో పార్ట్‌టైమ్‌ స్పిన్నర్‌ జో రూట్‌ 4 వికెట్లు పడగొట్టి సత్తాచాటాడు. చదవండి: ILT 20 2024: ఇదేమి సిక్స్‌రా బాబు.. దెబ్బకు స్టేడియం బయటకు బంతి! వీడియో వైరల్‌

హైదరాబాద్‌ వేదికగా భారత్‌, ఇంగ్లండ్‌ మధ్య తొలి టెస్టు ప్రారంభమైంది. టాస్‌ గెలిచి ఇంగ్లండ్‌ మొదట బ్యాటింగ్‌ ఎంచుకుంది. కాగా ఈ మ్యాచ్‌లో తొలి రోజు ఆట సందర్భంగా టీమిండియా కెప్టెన్‌ రోహిత్‌ శర్మ సంచలన క్యాచ్‌తో మెరిశాడు. అద్భుత క్యాచ్‌తో ఇంగ్లండ్‌ బ్యాటర్‌ ఓలీ పోప్‌ను హిట్‌మ్యాన్‌ పెవిలియన్‌కు పంపాడు. ఇంగ్లండ్‌ తొలి ఇన్నింగ్స్‌లో 15 ఓవర్‌లో జడేజా వేసిన నాలుగో బంతిని పోప్‌ డిఫెన్స్‌ ఆడేందుకు ప్రయత్నించాడు. ఈ క్రమంలో బంతి ఎడ్జ్ తీసుకుని స్లిప్స్‌ దిశగా వెళ్లింది. అయితే స్లిప్‌లో ఉన్న రోహిత్‌.. డైవ్‌ చేస్తూ అద్భుతమైన లో క్యాచ్‌ను అందుకున్నాడు. ఇది చూసిన ఇంగ్లండ్‌ బ్యాటర్‌ బిత్తరపోయాడు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. పోప్‌ ఈ మ్యాచ్‌లో కేవలం ఒక్క పరుగు మాత్రమే చేశాడు. 21 ఓవర్లకు ఇంగ్లండ్‌ తొలి ఇన్నింగ్స్‌లో 3 వికెట్ల నష్టానికి 86 పరుగులు చేసింది. చదవండి: AUS VS WI 2nd Test: కోవిడ్‌ ఉన్నా ఆడించారు.. కానీ, ఇలా దూరం పెట్టారు..! Whatt a Catch Rohit Sharma #RohitSharma𓃵 #Jadeja pic.twitter.com/V9oozOrEiU — Rajeshhhhh🤐 (@johnholick) January 25, 2024

ఇంగ్లండ్‌ క్రికెట్‌ జట్టు ఐదు మ్యాచ్‌ల టెస్టు సిరీస్‌ కోసం వచ్చే ఏడాది జనవరిలో భారత్‌లో పర్యటించనుంది. హైదరాబాద్‌ వేదికగా జనవరి 25 నుంచి ఇరు జట్లు మధ్య తొలి టెస్టు ప్రారంభం కానుంది. వరల్డ్‌ టెస్టు ఛాంపియన్‌ షిప్‌ 2023-2025లో భాగంగా ఈ సిరీస్‌ జరగనుంది. అయితే ఈ హైప్రొఫైల్ సిరీస్‌ ఆరంభానికి ముందు ఇంగ్లండ్‌ టెస్టు బ్యాటర్‌ ఓలీ పోప్ కీలక వ్యాఖ్యలు చేశాడు. భారత్‌తో టెస్టు సిరీస్‌లో కూడా 'బాజ్‌బాల్'ను కొనసాగిస్తామని పోప్‌ థీమా వ్యక్తం చేశాడు. కాగా గత కొంతకాలంగా టెస్టుల్లో ఇంగ్లండ్‌  'బాజ్‌బాల్(దూకుడుగా ఆడటం)' విధానాన్ని అనుసరిస్తున్న సంగతి తెలిసిందే.  మేము ఇప్పటి వరకు టెస్టుల్లో ఏ విధంగా ఆడామో అదే కొనసాగిస్తాము. ప్రతీ మ్యాచ్‌లోనూ సెంచరీలు చేయాలని మాపై చాలా అంచనాలు ఉంటాయి. మేము సెంచరీలు చేయకపోతే విఫలమైనట్లు భావిస్తారు. కానీ భారత్‌ వంటి పరిస్ధితుల్లో అన్ని మ్యాచ్‌ల్లొ అది జరగకపోవచ్చు. కొన్ని పిచ్‌ల్లో 200 కొట్టినా మంచి స్కోరఖ్‌ అవ్వవచ్చు. భారత స్పిన్నర్ల నుంచి మా రైట్‌ హ్యాండ్‌ బ్యాటర్లకు గట్టి సవాలు ఎదురుకానుంది. అశ్విన్‌ ప్రపంచంలోనే అత్యుత్తమ స్పిన్నర్‌. అతడితో పాటు రవీంద్ర జడేజా, అక్షర్‌ వంటి అద్బుతమైన స్పిన్నర్లు ఉన్నారు. మేము పరుగులు సాధించాలంటే బౌలర్లను ఒత్తిడిలోకి నెట్టడమే ఒక్కటే మార్గం. భారత్‌ పరిస్థితుల్లో మ్యాచ్‌లను గెలవడం అంత సులభం కాదు. కానీ గెలిచేందుకు మేము అన్ని విధాల ప్రయత్నిస్తామని ది టెలిగ్రాఫ్‌కు ఇచ్చిన ఇంటర్వ్యూలో పోప్‌ పేర్కొన్నాడు. చదవండి: IND vs SA: టీమిండియా హెడ్‌ కోచ్‌ పదవిపై ద్రవిడ్‌ షాకింగ్‌ కామెంట్స్‌..

Ashes Series 2023: ఓటమి బాధలో ఉన్న ఇంగ్లండ్‌కు మరో భారీ ఎదురుదెబ్బ తగిలింది. ప్రతిష్టాత్మక యాషెస్‌ సిరీస్‌లో ఇప్పటికే ఆస్ట్రేలియా చేతిలో రెండు మ్యాచ్‌లలో స్టోక్స్‌ బృందం చిత్తైన విషయం తెలిసిందే. తద్వారా 5 మ్యాచ్‌ల సిరీస్‌లో 0-2తో వెనుబడింది. బజ్‌బాల్‌ అంటూ దూకుడు ప్రదర్శించి స్వదేశంలో తొలి రెండు మ్యాచ్‌లలో బోల్తా పడిన ఇంగ్లండ్‌కు మూలిగే నక్క మీద తాటికాయ పడ్డట్లు ఆ జట్టు కీలక ఆటగాడు గాయపడ్డాడు. ఓలీ పోప్‌ దీంతో మిగిలిన మూడు మ్యాచ్‌లకు దూరమయ్యాడు. అతడు మరెవరో కాదు.. ఇంగ్లండ్‌ వైస్‌ కెప్టెన్‌ ఓలీ పోప్‌. కుడి భుజం నొప్పి కారణంగా అతడు జట్టుకు దూరమైనట్లు ఇంగ్లండ్‌ క్రికెట్‌ బోర్డు మంగళవారం ప్రకటించింది. ఆసీస్‌తో రెండో టెస్టు సందర్భంగా గాయపడ్డ అతడు మిగిలిన మ్యాచ్‌లలో అందుబాటులో ఉండడని పేర్కొంది. ఈ మేరకు.. ‘‘లండన్‌లో స్కానింగ్‌ చేయించగా.. అతడి గాయం మరింత తీవ్రతరమైందని తేలింది. సర్జరీ చేయించుకోవాల్సి ఉంది. కాబట్టి మిగిలిన మ్యాచ్‌లకు అతడు దూరం కానున్నాడు’’ అని ఈసీబీ తన ప్రకటనలో పేర్కొంది. తమ వైద్య బృందం పర్యవేక్షణలో ఓలీ పోప్‌ చికిత్స పొందుతాడని వెల్లడించింది. కాగా ఆసీస్‌తో తొలి రెండు మ్యాచ్‌లలో ఓలీ పోప్‌.. ఓ మోస్తరుగా రాణించాడు. మొదటి మ్యాచ్‌లో రెండు ఇన్నింగ్స్‌లలో వరుసగా 31, 14 పరుగులు చేసిన వన్‌డౌన్‌ బ్యాటర్‌.. రెండో టెస్టులో 42, 3 పరుగులు సాధించాడు. ఇదిలా ఉంటే.. రెండో టెస్టు సందర్భంగా ఇంగ్లండ్‌ బ్యాటర్‌ జానీ బెయిర్‌స్టో అవుటైన తీరు వివాదాస్పదంగా మారిన విషయం తెలిసిందే. ఈ క్రమంలో ఇరు దేశాల ప్రధానులు సైతం పరస్పర విమర్శలతో తమ జట్లకు అండగా నిలవడం విశేషం. చదవండి: 'ఎదుటోళ్లను విమర్శించే ముందు మీ కపటత్వం తెలుసుకోండి'

ఎడ్జ్‌బాస్టన్‌ వేదికగా ఆస్ట్రేలియా, ఇంగ్లండ్‌ జరగుతున్న యాషెస్‌ తొలి టెస్టు ఆసక్తికరంగా మారింది. ఆఖరి రోజు ఆస్ట్రేలియా విజయానికి 174 పరుగులు అవసరమవ్వగా.. ఇంగ్లండ్‌ తమ గెలుపు 7 వికెట్ల దూరంలో నిలిచింది. క్రీజులో ఉస్మాన్‌ ఖ్వాజా(34), స్కాట్‌ బోలాండ్‌(13) నాటౌట్‌గా ఉన్నారు. ఇక అంతకుముందు ఇంగ్లండ్‌ తమ రెండో ఇన్నింగ్స్‌లో 273 పరుగులకు ఆలౌటైంది. తొలి ఇన్నింగ్స్‌లో లభించిన ఆధిక్యంతో కలిపి ఇంగ్లండ్‌ ఆసీస్‌ ముందు 281 పరుగుల లక్ష్యాన్ని ఉంచింది. కమ్మిన్స్‌ సూపర్‌ యార్కర్‌ ఇక ఈ టెస్టు రెండో ఇన్నింగ్స్‌లో ఆస్ట్రేలియా కెప్టెన్‌ ప్యాట్‌ కమ్మిన్స్‌ అద్భుతమైన ప్రదర్శన కనబరిచాడు. నాలుగు వికెట్లు సాధించి ఇంగ్లండ్‌ బజ్‌బాల్‌కు అడ్డుకట్ట వేశాడు. ముఖ్యంగా ఇంగ్లండ్‌ మిడిలార్డర్‌ బ్యాటర్‌ ఓలీ పోప్‌ను అద్భుతమైన యార్కర్‌తో కమ్మిన్స్‌ బోల్తా కొట్టించాడు. 139 కిమీ వేగంతో వేసిన యార్కర్‌కు పోప్‌ దగ్గర సమాధానమే లేకుండా పోయింది. దీంతో 14 పరుగులు చేసిన ఓలీ పోప్‌ నిరాశతో పెవిలియన్‌కు చేరాడు. ఇందుకు సంబంధించిన వీడియో సోషల్‌ మీడియాలో వైరల్‌గా మారింది. చదవండి: CWC Qualifiers2023: ఐర్లాండ్‌కు బిగ్‌ షాకిచ్చిన ఒమన్‌.. వరల్డ్‌కప్‌ క్వాలిఫయర్స్‌లో బోణీ The perfect yorker 😍 Pat Cummins at his sizzling best ♨#SonySportsNetwork #TheAshes #ENGvAUS #RivalsForever pic.twitter.com/E6EIHQBI2u — Sony Sports Network (@SonySportsNetwk) June 19, 2023

లార్డ్స్‌ వేదికగా ఐర్లాండ్‌తో జరుగుతున్న ఏకైక టెస్ట్‌ మ్యాచ్‌లో ఆతిథ్య ఇంగ్లండ్‌ పట్టుబిగించింది. ఆ జట్టు తొలి ఇన్నింగ్స్‌ను 524/4 (82.4 ఓవర్లలో) స్కోర్‌ వద్ద డిక్లేర్‌ చేసింది. తద్వారా 352 పరుగుల ఆధిక్యాన్ని సాధించింది. ఓలీ పోప్‌ (208 బంతుల్లో 205; 22 ఫోర్లు, 3 సిక్సర్లు) డబుల్‌ సెంచరీతో, బెన్‌ డకెట్‌ (178 బంతుల్లో 182; 24 ఫోర్లు, సిక్స్‌) భారీ శతకంతో విధ్వంసం సృష్టించగా.. జాక్‌ క్రాలే (56), జో రూట్‌ అర్ధసెంచరీలతో రాణించారు. అంతకుముందు వెటరన్‌ పేసర్‌ స్టువర్ట్‌ బ్రాడ్‌ (5/51) ఐదేయడంతో ఐర్లాండ్‌ తొలి ఇన్నింగ్స్‌లో 172 పరుగులకు ఆలౌటైంది. టెస్ట్‌ మ్యాచా లేక వన్డేనా.. ఏమా కొట్టుడు..? ఇటీవల కాలంలో టెస్ట్‌ల్లో బజ్‌బాల్‌ అప్రోచ్‌ అంటూ ఆటలో వేగం పెంచిన ఇంగ్లీష్‌ క్రికెటర్లు, ఐర్లాండ్‌తో ఏకైక టెస్ట్‌లోనూ అదే సిద్ధాంతాన్ని ఫాలో అయ్యారు. వీరు ఎంత వేగంగా ఆడారంటే.. ఈ మ్యాచ్‌ను చూసిన ఫాలోవర్స్‌కు ఇది టెస్ట్‌ మ్యాచా లేక వన్డేనా అన్న డౌట్‌ వచ్చింది. ఇన్నింగ్స్‌ ఆరంభం నుంచి నిలకడగా 6కు పైగా రన్‌ రేట్‌ మెయింటైన్‌ చేసిన ఇంగ్లీష్‌ బ్యాటర్లు భారీ స్కోర్లు సాధించడంతో పాటు వేగంగా పరుగులు రాబట్టారు. వీరి వేగం చూస్తుంటే రెండు రోజుల్లోనే మ్యాచ్‌ ముగిసేలా కనిపిస్తుంది. రెండో రోజు మరో 25 ఓవర్ల ఆట సాధ్యపడే అవకాశం ఉన్న నేపథ్యంలో ఐర్లాండ్‌ను సెకెండ్‌ ఇన్నింగ్స్‌లో ఆలౌట్‌‌ చేయడం ఇంగ్లండ్‌ బౌలర్లకు పెద్ద విషయమేమీ కాకపోవచ్చు. టెస్ట్‌ల్లో ఏడో వేగవంతమైన డబుల్‌ సెంచరీ.. వన్‌డౌన్‌లో బ్యాటింగ్‌కు వచ్చిన ఓలీ పోప్‌ టెస్ట్‌ల్లో ఏడో వేగవంతమైన డబుల్ సెంచరీని, ఇంగ్లండ్‌ తరఫున రెండో వేగవంతమైన ద్విశతకాన్ని బాదాడు. సిక్సర్‌తో డబుల్‌ హండ్రెడ్‌ను పూర్తి చేసిన పోప్‌.. 207 బంతుల్లో ఈ మార్కును అందున్నాడు. ఇంగ్లండ్‌ తరఫున టెస్ట్‌ల్లో ఫాస్టెస్ట్‌ డబుల్‌ హండ్రెడ్‌ రికార్డు జట్టు సారధి బెన్‌ స్టోక్స్‌ (163 బంతుల్లో) పేరిట ఉంది. ఓవరాల్‌గా ఈ రికార్డు న్యూజిలాండ్‌ ఆటగాడు నాథన్‌ ఆస్టల్‌ (153) పేరిట ఉంది. ఆస్టల్‌ తర్వాత స్టోక్స్‌, సెహ్వాగ్‌ (168), సెహ్వాగ్‌ (182), మెక్‌కల్లమ్‌ (186) ఈ రికార్డును సాధించారు.  చదవండి: చరిత్ర సృష్టించిన జో రూట్

వెల్లింగ్టన్‌ వేదికగా న్యూజిలాండ్‌తో రెండో టెస్టులో ఇంగ్లండ్‌ ఆటగాడు ఓలీ పోప్ సంచలన క్యాచ్‌తో అందరిని ఆశ్చర్యపరిచాడు. పోప్ అద్భుతమైన డైవింగ్‌ క్యాచ్‌తో న్యూజిలాండ్‌ బ్యాటర్‌ హెన్రీ నికోల్స్‌ను పెవిలియన్‌కు పంపాడు. న్యూజిలాండ్‌ తొలి ఇన్నింగ్స్‌ 25 ఓవర్‌ వేసిన జాక్‌ లీచ్‌ బౌలింగ్‌లో నికోల్స్‌ రివర్స్‌ ‍స్వీప్‌ ఆడాడు. అయితే బంతి అనూహ్యంగా బ్యాట్‌ ఎడ్జ్‌ తీసుకుని అతడి హెల్మట్‌కు తాకి సిల్లీ పాయింట్ దిశగా వెల్లింది. ఈ క్రమంలో అక్కడ ఫీల్డింగ్‌ చేస్తున్న పోప్‌ ఒంటి చేత్తో అద్భుతమైన స్టన్నింగ్‌ క్యాచ్‌ను అందుకున్నాడు. దీంతో 30 పరుగులు చేసిన నికోల్స్‌ నిరాశతో మైదానాన్ని వీడాడు. ఇందుకు సంబంధించిన వీడియో సోషల్‌ మీడియాలో వైరల్‌గా మారింది. అదే విధంగా కివీస్‌ బ్యాటర్‌ మిచెల్‌ను కూడా ఓ అద్భుత క్యాచ్‌తో పోప్ పెవిలియన్‌ పంపాడు. 36 ఓవర్‌లో లీచ్‌ బౌలింగ్‌లో సిల్లీ పాయింట్‌లో.. మిచిల్‌ ఇచ్చిన ఓ స్టన్నింగ్‌ క్యాచ్‌ను పోప్  అందుకున్నాడు. ఇక రెండో రోజు ఆటముగిసే సమయానికి తొలి ఇన్నింగ్స్‌లో కివీస్ 7 వికెట్ల నష్టానికి 138 పరుగులు  చేసింది. అంతకముందు ఇంగ్లండ్‌   87.1 ఓవర్లలో 8 వికెట్ల నష్టానికి 435 పరుగుల వద్ద తమ తొలి ఇన్నింగ్స్‌ను డిక్లేర్‌ చేసింది. చదవండి: NZ Vs Eng: చెలరేగిన ఆండర్సన్‌, జాక్‌ లీచ్‌.. కష్టాల్లో కూరుకుపోయిన కివీస్‌ It's that man again 🤩 Leachy with another breakthrough after Ollie Pope's fantastic reactions 🔥 Henry Nicholls is gone for 30... #NZvENG pic.twitter.com/n8cTfDfIQd — Cricket on BT Sport (@btsportcricket) February 25, 2023 What on earth 🤯 This is 𝗨𝗡𝗕𝗘𝗟𝗜𝗘𝗩𝗔𝗕𝗟𝗘 from Ollie Pope 🔥 The perfect to finish the session! #NZvENG pic.twitter.com/hehHIe5UO0 — Cricket on BT Sport (@btsportcricket) February 25, 2023

Pakistan vs England, 1st Test: మ్యాచ్‌కు ముందు రోజు ఇంగ్లండ్‌ జట్టులోని పలువురు క్రికెటర్లు వైరల్‌ ఇన్ఫెక్షన్‌ బారిన పడటంతో... తొలి టెస్టు నిర్ణీత సమయానికి మొదలవుతుందో లేదోనని సందేహం. అయితే గురువారం ఉదయం గం. 7:30కు తుది జట్టులో ఆడేందుకు 11 మంది కోలుకున్నారని ఇంగ్లండ్‌ టీమ్‌ మేనేజ్‌మెంట్‌ పాకిస్తాన్‌ బోర్డుకు సమాచారం ఇచ్చింది. దాంతో నిర్ణీత సమయానికి ఇంగ్లండ్, పాకిస్తాన్‌ మధ్య తొలి టెస్టు మొదలైన విషయం తెలిసిందే. అయితే.. ఇలా మ్యాచ్‌ మొదలయిందో లేదో ఇంగ్లండ్‌ జట్టు తొలి ఓవర్‌ నుంచే పరుగుల వరద పారించింది. టెస్టు మ్యాచ్‌లో టి20 మెరుపులను చూపించింది. జీవంలేని పిచ్‌పై పాక్‌ బౌలర్లు తేలిపోగా... ఇంగ్లండ్‌ జట్టులో ఏకంగా నలుగురు బ్యాటర్లు సెంచరీల మోత మోగించారు. ఫలితంగా 145 ఏళ్ల టెస్టు క్రికెట్‌ చరిత్రలో మ్యాచ్‌ రోజే అత్యధిక పరుగులు చేసిన జట్టుగా ఇంగ్లండ్‌ ప్రపంచ రికార్డు నెలకొల్పింది.    England tour of Pakistan, 2022-Rawalpindi: 17 ఏళ్ల తర్వాత పాకిస్తాన్‌ గడ్డపై టెస్టు ఆడేందుకు వచ్చిన ఇంగ్లండ్‌ ఎవ్వరూ ఊహించనిరీతిలో విధ్వంసం సృష్టించింది. గురువారం మొదలైన తొలి టెస్టులో తొలి రోజు ఆటలో ఇంగ్లండ్‌ బ్యాటర్ల ధాటికి పలు రికార్డులు బద్దలయ్యాయి. ఇంగ్లండ్‌ కెప్టెన్‌ బెన్‌ స్టోక్స్‌ టాస్‌ గెలిచి బ్యాటింగ్‌ ఎంచుకోగా... వెలుతురు మందగించి తొలి రోజు ఆటను ముగించే సమయానికి ఇంగ్లండ్‌ 75 ఓవర్లలో 4 వికెట్లకు 506 పరుగులు సాధించింది. దంచికొట్టిన ఓపెనర్లు ఇంగ్లండ్‌ ఓపెనర్లు జాక్‌ క్రాలీ (111 బంతుల్లో 122; 21 ఫోర్లు), బెన్‌ డకెట్‌ (110 బంతుల్లో 107; 15 ఫోర్లు), వన్‌డౌన్‌ బ్యాటర్‌ ఓలీ పోప్‌ (104 బంతుల్లో 108; 14 ఫోర్లు), మిడిలార్డర్‌లో హ్యారీ బ్రూక్‌ (81 బంతుల్లో 101 బ్యాటింగ్‌; 14 ఫోర్లు, 2 సిక్స్‌లు) సెంచరీలు సాధించారు. హ్యారీ బ్రూక్‌తో కలిసి బెన్‌ స్టోక్స్‌ (15 బంతుల్లో 34; 6 ఫోర్లు, 1 సిక్స్‌) క్రీజులో ఉన్నాడు. జో రూట్‌ (31 బంతుల్లో 23; 3 ఫోర్లు) ఒక్కడే తక్కువ స్కోరుకు అవుటయ్యాడు. 73 ఫోర్లు, 3 సిక్స్‌లు వెలుతురు మందగించడంతో తొలి రోజు నిర్ణీత 90 ఓవర్లకు బదులు 75 ఓవర్ల ఆట మాత్రమే సాధ్యమైంది. పూర్తి కోటా ఓవర్లు వేసిఉంటే ఇంగ్లండ్‌ స్కోరు 600 దాటేది. తొలి రోజు ఇంగ్లండ్‌ బ్యాటర్లు 73 ఫోర్లు, 3 సిక్స్‌లు కొట్టడం విశేషం. ఈ మ్యాచ్‌తో పాక్‌ జట్టు తరఫున హారిస్‌ రవూఫ్, మొహమ్మద్‌ అలీ, సౌద్‌ షకీల్, జాహిద్‌ మొహమ్మద్‌... ఇంగ్లండ్‌ జట్టు తరఫున లివింగ్‌స్టోన్, విల్‌ జాక్స్‌ టెస్టుల్లో అరంగేట్రం చేశారు.   మరి ఈ మ్యాచ్‌లో నమోదైన రికార్డులు పరిశీలిద్దామా?! ప్రపంచ రికార్డు రావల్పిండి టెస్టులో తొలి రోజు ఇంగ్లండ్‌ సాధించిన పరుగులు 506. 145 ఏళ్ల టెస్టు క్రికెట్‌ చరిత్రలో మ్యాచ్‌ తొలి రోజే ఏ జట్టూ 500 పరుగులు చేయలేదు. 1910లో సిడ్నీ వేదికగా దక్షిణాఫ్రికాతో జరిగిన టెస్టులో తొలి రోజు ఆస్ట్రేలియా 6 వికెట్లకు 494 పరుగులు సాధించింది. 112 ఏళ్లుగా చెక్కు చెదరకుండా ఉన్న ఈ రికార్డును గురువారం ఇంగ్లండ్‌ జట్టు బద్దలు కొట్టింది. ఇదే తొలిసారి టెస్ట్‌ మ్యాచ్‌ తొలి రోజే ఓ జట్టు తరఫున నలుగురు బ్యాటర్లు సెంచరీలు సాధించడం ఇదే ప్రథమం. జాక్‌ క్రాలీ, బెన్‌ డకెట్‌, ఓలీ పోప్‌, హ్యారీ బ్రూక్‌ కలిసి ఈ ఘనత సాధించారు. టీమిండియా రికార్డు బద్దలు పాక్‌తో తొలి టెస్టు తొలి సెషన్‌లో (లంచ్‌ సమయానికి) ఇంగ్లండ్‌ 27 ఓవర్లలో వికెట్‌ నష్టపోకుండా చేసిన పరుగులు 178. గతంలో ఏ జట్టూ తొలి సెషన్‌లో ఇన్ని పరుగులు చేయలేదు. 2018లో అఫ్గానిస్తాన్‌తో బెంగళూరులో జరిగిన టెస్ట్‌ మ్యాచ్‌లో తొలి సెషన్‌లో భారత్‌ 27 ఓవర్లలో వికెట్‌ నష్టపోకుండా 158 పరుగులు చేసింది. ఈ రికార్డును ఇంగ్లండ్‌ సవరించింది.  ఐదో క్రికెటర్‌గా ఇంగ్లండ్‌ ఇన్నింగ్స్‌లో సౌద్‌ షకీల్‌ వేసిన 68వ ఓవర్లో  హ్యారీ బ్రూక్‌ వరుసగా ఆరు ఫోర్లు కొట్టి ఈ ఘనత సాధించిన ఐదో క్రికెటర్‌గా నిలిచాడు. గతంలో సందీప్‌ పాటిల్‌ (భారత్‌; 1982లో బాబ్‌ విల్లిస్‌ (ఆస్ట్రేలియా) బౌలింగ్‌లో), గేల్‌ (విండీస్‌;20 04లో హోగార్డ్‌ (ఇంగ్లండ్‌) బౌలింగ్‌), శర్వాణ్‌ (వెస్టిండీస్‌; 2006లో మునాఫ్‌ పటేల్‌ (భారత్‌) బౌలింగ్‌లో), జయసూర్య (శ్రీలంక; 2007లో అండర్సన్‌ (ఇంగ్లండ్‌) బౌలింగ్‌లో) ఈ ఘనత సాధించారు.   చదవండి: IND vs BAN: టీమిండియాతో వన్డే సిరీస్‌.. బంగ్లాదేశ్‌కు ఊహించని షాక్‌! ఇక అంతే సంగతి BCCI Chief Selector:టీమిండియా చీఫ్‌ సెలక్టర్‌ రేసులో మాజీ స్పీడ్‌ స్టర్‌..! Harry Brook gets to his first 💯 in his second Test #PAKvENG | #UKSePK pic.twitter.com/fE7u8IeYm5 — Pakistan Cricket (@TheRealPCB) December 1, 2022 Given out on review ☝️ Mohammad Ali has his first Test scalp 👏#PAKvENG | #UKSePK pic.twitter.com/eGXqxedHmB — Pakistan Cricket (@TheRealPCB) December 1, 2022 The century moment for Ollie Pope 👍#PAKvENG | #UKSePK pic.twitter.com/fwv0r0QgMS — Pakistan Cricket (@TheRealPCB) December 1, 2022

3 మ్యాచ్‌ల టెస్ట్‌ సిరీస్‌ ఆడేందుకు 17 ఏళ్ల సుదర్ఘీ విరామం తర్వాత పాకిస్తాన్‌ గడ్డపై అడుగుపెట్టిన ఇంగ్లండ్‌ క్రికెట్‌ జట్టు.. రావల్పిండి వేదికగా ఇవాళ  (డిసెంబర్‌ 1) మొదలైన తొలి టెస్ట్‌లో పరుగుల వరద పారించింది. ఈ మ్యాచ్‌లో టాస్‌ గెలిచి తొలుత బ్యాటింగ్‌కు దిగిన ఆ టీమ్‌.. టీ20 తరహాలో బ్యాటింగ్‌ చేసి రికార్డు స్కోర్‌ సాధించింది. ఏకంగా నలుగురు బ్యాటర్లు శతకాలు సాధించడంతో తొలి రోజు ఆట ముగిసే సమయానికి 4 వికెట్ల నష్టానికి 506 పరుగుల అత్యంత భారీ స్కోర్‌ నమోదు చేసిం‍ది. తొలి రోజు 75 ఓవర్ల పాటు ఆట సాగగా.. ఇంగ్లండ్‌ బ్యాటర్లు 6.75 రన్‌రేట్‌ చొప్పున పరుగులు పిండుకున్నారు. ఇంగ్లండ్‌ బ్యాటర్ల మహోగ్రరూపం ధాటికి విలవిలలాడిపోయిన పాక్‌ బౌలర్లు ప్రేక్షక పాత్రకు పరిమతమయ్యారు. ఓపెనర్లు బెన్‌ డకెట్‌ (106 బంతుల్లో 101 నాటౌట్‌; 14 ఫోర్లు), జాక్‌ క్రాలే (106 బంతుల్లో 120 నాటౌట్‌; 21 ఫోర్లు), ఓలీ పోప్‌ (104 బంతుల్లో 108; 14 ఫోర్లు), హ్యారీ బ్రూక్‌ (81 బంతుల్లో 101 నాటౌట్‌) సెంచరీలతో విరుచుకుపడ్డారు. సెంచరీకి ముందు హ్యారీ బ్రూక్‌.. సౌద్‌ షకీల్‌ వేసిన ఇన్నింగ్స్‌ 68వ ఓవర్‌లో 6 బౌండరీలు బాదగా.. ఆట కాసేపట్లో ముగుస్తుందనగా కెప్టెన్‌ స్టోక్స్‌ (15 బంతుల్లో 34 నాటౌట్‌; 6 ఫోర్లు,  సిక్స్‌) పూనకం వచ్చినట్లు ఊగిపోయాడు. ఇంగ్లండ్‌ ఇన్నింగ్స్‌లో ఒక్క రూట్‌ (31 బంతుల్లో 23; 3 ఫోర్లు) మినహాయించి అందరూ టీ20ల్లోలా రెచ్చిపోయారు. ఈ మ్యాచ్‌ను ప్రత్యక్షంగా చూసిన వారికి కచ్చితంగా టీ20 మ్యాచ్‌ చూసిన అనుభూతే కలిగి ఉంటుంది. పాక్‌ బౌలర్లలో మహ్మద్‌ అలీ (5.6) మినహా అందరూ 6కు పైగా ఎకనామీతో పరుగులు సమర్పించుకున్నారు. రెండో రోజు ఆటలో ఇంగ్లండ్‌ బ్యాటర్లను ఆపడం పాక్‌ బౌలర్లకు సాధ్యమవుతుందో లేదో వేచి చూడాలి.    

England Vs New Zealand Test Series 2022: బిడ్డలు ప్రయోజకులైతే తల్లిదండ్రులకు అంతకంటే మించిన ఆనందం మరొకటి ఉండదు. ముఖ్యంగా తాము ఇష్టపడి ఎంచుకున్న రంగాల్లో విజయవంతమైతే వారి సంతోషానికి అవధులు ఉండవు. ఇంగ్లండ్‌ బ్యాటర్లు జో రూట్‌, ఓలీ పోప్‌ తండ్రులు ప్రస్తుతం ఇలాంటి ఆనందంలో మునిగిపోయారు. కుమారులు సెంచరీలు చేయడం చూసి పుత్రోత్సాహంతో పొంగిపోయారు. ఒకరినొకరు ఆలింగనం చేసుకుని పరస్పరం శుభాకాంక్షలు చెప్పుకొన్నారు. న్యూజిలాండ్‌తో ఇంగ్లండ్‌ రెండో టెస్టు సందర్భంగా మూడో రోజు ఆటలో ఈ ఘటన చోటు చేసుకుంది. కొడుకుల ఆటను చూసేందుకు స్టేడియంకు వచ్చిన ఆ తండ్రులు ఆత్మీయంగా ఆలింగనం చేసుకున్న వీడియో సోషల్‌ మీడియాలో చక్కర్లు కొడుతోంది. ఇక మ్యాచ్‌ విషయానికొస్తే.. నాటింగ్‌హమ్‌ టెస్టులో మాజీ కెప్టెన్‌ జో రూట్‌ (163 బ్యాటింగ్‌; 25 ఫోర్లు) టెస్టుల్లో 27వ సెంచరీ సాధించాడు. రూట్‌కు తోడు ఓలీ పోప్‌ (145; 13 ఫోర్లు, 3 సిక్స్‌లు) కూడా సెంచరీ చేయడంతో మూడో రోజు ఆట ముగిసే సమయానికి ఇంగ్లండ్‌ తొలి ఇన్నింగ్స్‌లో 5 వికెట్లకు 473 పరుగులు సాధించింది. కివీస్‌ తొలి ఇన్నింగ్స్‌ స్కోరుకు ఇంగ్లండ్‌ మరో 80 పరుగుల దూరంలో ఉంది. కాగా మొదటి టెస్టులో పర్యాటక న్యూజిలాండ్‌ జట్టును ఓడించి ఇంగ్లండ్‌ ఘన విజయం సాధించిన సంగతి తెలిసిందే.   చదవండి: Rishabh Pant: అదే మా పొరపాటు.. అందుకే ఓడిపోయాం.. ఇక మూడింటికి మూడు గెలవాల్సిందే! ICC World Cup Super League: రోజుల వ్యవధిలోనే అంతా తలకిందులు.. అక్కడ క్లీన్‌స్వీప్‌ చేసి.. ఇక్కడ వైట్‌వాష్‌కు గురై! Beautiful moment from today ❤️ The fathers of Ollie Pope and Joe Root embrace as both their sons reach 💯 for 🏴󠁧󠁢󠁥󠁮󠁧󠁿#ENGvNZ pic.twitter.com/r2j13MKyjh — England’s Barmy Army (@TheBarmyArmy) June 12, 2022