చాలారోజుల తర్వాత స్వయంభు(Swayambhu Movie( సినిమా గురించి అప్‌డేట్‌ ఇచ్చారు. నిఖిల్‌ హీరోగా నటిస్తున్న ఈ మూవీని పాన్‌ ఇండియా రేంజ్‌లో దర్శకుడు భరత్‌ కృష్ణమాచారి తెరకెక్కిస్తున్నారు. వచ్చే ఏడాది ఫిబ్రవరి 13న ఈ మూవీని విడుదలచేస్తున్నట్లు మేకర్స్‌ తెలిపారు. ఈ క్రమంలోనే అదిరిపోయే రేంజ్‌లో ఒక వీడియోను షేర్‌ చేశారు. ఇందులో సంయుక్త, నభా నటేష్‌ హీరోయిన్లు. ‘ఠాగూర్‌’ మధు సమర్పణలో భువన్, శ్రీకర్‌ నిర్మిస్తున్నారు. ఈ చిత్రంలో లెజెండరీ వారియర్‌ క్యారెక్టర్‌లో నిఖిల్‌ కనిపించనున్నారు . ‘బాహుబలి, ఆర్‌ర్‌ఆర్‌’ వంటి భారీ చిత్రాలకు పని చేసిన సినిమాటోగ్రాఫర్‌ కేకే సెంథిల్‌ కుమార్‌ ‘స్వయంభు’లో తన మ్యాజిక్‌ చూపించనున్నారు’’ అని యూనిట్‌ పేర్కొంది.

నిఖిల్‌ సిద్ధార్థ్‌ హీరోగా నటిస్తున్న తాజా చిత్రం ‘అప్పుడో ఇప్పుడో ఎప్పుడో’. సుధీర్‌ వర్మ దర్శకత్వం వహిస్తున్న ఈ సినిమా ద్వారా కన్నడ హీరోయిన్‌ రుక్మిణీ వసంత్‌ తెలుగులోకి ఎంట్రీ ఇస్తున్నారు. దివ్యాంశా కౌశిక్‌ కీలకపాత్రలో, హర్ష చెముడు ముఖ్యపాత్రలో నటిస్తున్నారు. శ్రీ వెంకటేశ్వర సినీ చిత్ర ఎల్‌ఎల్‌పీ బ్యానర్‌పై బీవీఎస్‌ఎన్‌ ప్రసాద్‌ నిర్మిస్తున్న ఈ సినిమా నవంబరు 8న విడుదల కానుంది. కాగా దసరా పండగని పురస్కరించుకుని ఈ చిత్రం టీజర్‌ని రిలీజ్‌ చేశారు. ‘‘ముక్కోణపు ప్రేమకథగా రూపొందుతోన్న చిత్రమిది. ఇందులో రిషి అనేపాత్రలో నిఖిల్‌ కనిపించనున్నారు. యాక్షన్‌ ఎలిమెంట్, చేజింగ్‌ సన్నివేశాలు, కథలోని కొన్ని కీలక మలుపులతో టీజర్‌ని విడుదల చేశాం. థ్రిల్లింగ్‌ ఎలిమెంట్స్‌తోపాటు చక్కటి వినోదం, రొమాన్స్‌ వంటి అంశాలు కూడా ఈ చిత్రంలో ఉంటాయి. ‘స్వామి రారా, కేశవ’ వంటి చిత్రాల తర్వాత నిఖిల్, సుధీర్‌ వర్మ కాంబినేషన్‌లో వస్తున్న ఈ చిత్రంపై భారీ అంచనాలున్నాయి’’ అని యూనిట్‌ పేర్కొంది. ఈ చిత్రానికి సంగీతం: కార్తీక్, నేపథ్య సంగీతం: సన్నీ ఎం.ఆర్, కెమెరా: రిచర్డ్‌ ప్రసాద్‌.

టాలీవుడ్ యంగ్ హీరో నిఖిల్ ప్రస్తుతం స్వయంభూ చిత్రంలో నటిస్తున్నారు. ఈ మూవీ సంయుక్త మీనన్ హీరోయిన్‌గా నటిస్తోంది. పాన్‌ ఇండియా రేంజ్‌లో తెరకెక్కుతున్న ఈ భారీ చిత్రానికి భరత్‌ కృష్ణమాచారి దర్శకత్వం వహిస్తున్నారు. ప్రస్తుతం ఈ మూవీ శరవేగంగా షూటింగ్ జరుగుతోంది.అయితే ఈ సినిమా లైన్‌లో ఉండగానే ఫ్యాన్స్‌కు సర్‌ప్రైజ్ ఇచ్చాడు హీరో నిఖిల్. ఈ దీపావళికి థియేటర్లలో సందడి చేసేందుకు వచ్చేస్తున్నాడు. సుధీర్‌ వర్మ దర్శకత్వంలో తెరకెక్కిస్తోన్న మూవీ టైటిల్‌ను మేకర్స్ రివీల్‌ చేశారు. ఎలాంటి ప్రకటన లేకుండానే డైరెక్ట్‌గా టైటిల్‌, ఫస్ట్‌లుక్‌ పోస్టర్‌ను రిలీజ్ చేయడంతో ఫ్యాన్స్‌ షాక్‌ అవుతున్నారు. అసలు ఈ సినిమా ఎప్పుడు మొదలైందంటూ చర్చించుకుంటున్నారు. ఏదేమైనా దీపావళికి థియేటర్లలో అలరించేందుకు యంగ్ హీరో నిఖిల్‌ రానుండడంతో అభిమానులు ఫుల్ ఖుషీ అవుతున్నారు.(ఇది చదవండి: స్వయంభూ సెట్‌లో నిఖిల్‌ బర్త్‌డే సెలబ్రేషన్స్‌..)అప్పుడో ఇప్పుడో ఎప్పుడో అంటూ అనే టైటిల్‌ను ఫిక్స్ చేశారు. ఈ మూవీలో రుక్మిణి వసంత్, దివ్యాంశ హీరోయిన్లుగా నటిస్తున్నారు. ‍శ్రీ వెంకటేశ్వర సినీ చిత్ర బ్యానర్‌పై బీవీఎస్‌ఎన్‌ ప్రసాద్ నిర్మిస్తున్నారు. Into the World of #AppudoIppudoEppudo ❤️This'll thrill you, tickle you & breeze you 🤗@actor_Nikhil @rukminitweets @divyanshak @harshachemudu @dvlns @BvsnP @SunnyMROfficial @singer_karthik @NavinNooli @SVCCofficial pic.twitter.com/elyKT8ESJC— sudheer varma (@sudheerkvarma) October 6, 2024

'కార్తికేయ 2', '18 పేజీస్‌' సినిమాలతో సూపర్‌ హిట్‌ అందుకున్న నిఖిల్‌ గతేడాది 'స్పై' చిత్రంతో బోల్తా పడ్డాడు. ఈసారి ఎలాగైనా మరో బంపర్‌ హిట్‌ కొట్టాలని కసి మీద ఉన్నాడు. ప్రస్తుతం అతడు పాన్‌ ఇండియా చిత్రం 'స్వయంభూ'లో నటిస్తున్నాడు. భరత్‌ కృష్ణమాచారి దర్శకత్వం వహిస్తున్న ఈ మూవీలో సంయుక్త, నభా నటేష్‌ హీరోయిన్లుగా నటిస్తున్నారు. ఠాగూర్‌ మధు సమర్పణలో శ్రీకర్‌, భువన్‌ నిర్మిస్తున్నారు. ‘బాహుబలి, ఆర్‌ర్‌ఆర్‌’ వంటి చిత్రాలకు పని చేసిన సినిమాటోగ్రాఫర్‌ కేకే సెంథిల్‌ కుమార్‌ ఈ సినిమాకు వర్క్‌ చేస్తున్నారు.శనివారం (జూన్‌ 1) నాడు నిఖిల్‌ బర్త్‌డేను స్వయంభూ సెట్‌లో సెలబ్రేట్‌ చేశారు. స్వయంభూ సినిమాలోని నిఖిల్‌ గెటప్స్‌తో కేక్‌ను ముస్తాబు చేశారు. నభా ఆ కేకుపై క్యాండిల్స్‌ పెట్టి వెలిగించింది. యుద్ధవీరుడి గెటప్‌లో నిఖిల్‌ కేక్‌ ముందు కత్తితో నిలబడ్డాడు. ఆ తర్వాత హీరోయిన్‌తో పాటు అక్కడున్నవారికి కేక్‌ తినిపించాడు. ఈ వీడియోను నిర్మాణ సంస్థ పిక్సెల్‌ స్టూడియో ట్విటర్‌లో విడుదల చేసింది. A sweet surprise for @actor_Nikhil on the sets of #Swayambhu ✨The team celebrated his birthday on the sets with all the cast and crew extending their heartfelt wishes to Nikhil ❤‍🔥@iamsamyuktha_ @NabhaNatesh @krishbharat20 @RaviBasrur @TagoreMadhu @bhuvan_sagar pic.twitter.com/eUolNTQfE9— Pixel Studios (@PixelStudiosoff) June 2, 2024 చదవండి: రేవ్‌ పార్టీకి వెళ్దామనుకున్నా.. ఎప్పుడు పిలుస్తారా అని ఎదురుచూశా: నటి

యంగ్‌ హీరో నిఖిల్‌, అనుపమ ప‌ర‌మేశ్వ‌ర‌న్ జంటగా నటిస్తోన్న చిత్రం 18 పేజెస్‌. టాలెంటెడ్‌ డైరెక్టర్‌ సుకుమార్‌ కథ–స్క్రీన్‌ప్లే అందించిన ఈ చిత్రాన్ని అల్లు అరవింద్‌ సమర్పణలో ‘బన్నీ’వాసు నిర్మిస్తున్నారు. రొమాంటిక్ ఎంట‌ర్ టైనర్‌గా తెరకెక్కుతున్న ఈ సినిమాను కుమారి 21 ఎఫ్‌’ ఫేమ్‌ సూర్యప్రతాప్‌ తెరకెక్కిస్తున్నారు. జూన్‌1న నిఖిల్‌ పుట్టినరోజు సందర్భంగా ఈ సినిమా ఫస్ట్‌ లుక్‌ పోస్టర్‌ను విడుదల చేశారు. ఇందులో నిఖిల్‌ కళ్ళకు గంతలు కట్టేయగా, దానిపై అనుమమ ఏదో రాస్తున్నట్లు ఆసక్తికరంగా పోస్ట్‌ర్‌ను డిజైన్‌ చేశారు. ఇక అనుమమ సైతం పోస్టర్‌ను షేర్‌ చేస్తూ.. నా పేరు నందిని. నాకు మొబైల్లో అక్షరాలను టైప్ చెయ్యడం కన్నా ఇలా కాగితం పై రాయడం ఇష్టం. టైప్ చేసే అక్షరాలకి ఎమోషన్స్ వుండవు ఎవరు టైప్ చేసినా ఒకేలా ఉంటాయి. కానీ రాసే ప్రతి అక్షరానికి ఒక ఫీలింగ్ ఉంటుంది. దాని పై నీ సంతకం ఉంటుంది. నాకెందుకో ఇలా చెప్పడమే బాగుంటుంది. #18PagesFirstLook అంటూ ఆసక్తికరంగా ట్వీట్‌​ చేసింది. రొమాంటికి ఎంటర్‌టైనర్‌గా తెరకెక్కుతున్న ఈ చిత్రానికి గోపీసుందర్ సంగీతం అందించారు.  నా పేరు నందిని. నాకు మొబైల్లో అక్షరాలను టైప్ చెయ్యడం కన్నా ఇలా కాగితం పై రాయడం ఇష్టం. టైప్ చేసే అక్షరాలకి ఎమోషన్స్ వుండవు ఎవరు టైప్ చేసినా ఒకేలా ఉంటాయి. కానీ రాసే ప్రతి అక్షరానికి ఒక ఫీలింగ్ ఉంటుంది. దాని పై నీ సంతకం ఉంటుంది. నాకెందుకో ఇలా చెప్పడమే బాగుంటుంది. #18PagesFirstLook pic.twitter.com/JE32WXbrdv — Anupama Parameswaran (@anupamahere) June 1, 2021 చదవండి : సిగరెట్‌ కాలుస్తూ హీరో నిఖిల్‌.. సాయం కోసం డబ్బు తీసుకోవడం లేదు!

కరోనా వల్ల పరిస్థితులు రోజురోజుకూ ఎంతలా దిగజారిపోతున్నాయో చూస్తూనే ఉన్నాం. కళ్ల ముందే ఎంతో మంది ప్రాణాలు కోల్పోతున్నారు. మరెంతోమంది కనీసం ఆసుపత్రి బెడ్లు కూడా దొరక్క విలవిల్లాడిపోతున్నారు. ఈ విషమ పరిస్థితులను చూసి చలించిపోయిన యంగ్‌ హీరో నిఖిల్‌ సోషల్‌ మీడియా వేదికగా భావోద్వేగానికి లోనయ్యాడు. కోపం, ఫ్రస్టేషన్‌, నిరాశ, నిస్సహాయత వల్ల ఈ వీడియో చేస్తున్నాని పేర్కొన్నాడు. "కరోనా వల్ల షూటింగ్స్‌ రద్దయ్యాయి. ఆ వైరస్‌ నుంచి తప్పించుకునేందుకు నేను, నా ఫ్యామిలీ ఇంట్లోనే ఉంటున్నాం. సోషల్‌ మీడియా ద్వారా నా ఫ్రెండ్స్‌తో కలిసి టీమ్‌ ఏర్పాటు చేశాను. దీని ద్వారా చాలామందికి ఆసుపత్రి బెడ్లు, ఆక్సిజన్‌ సిలిండర్లు, ఇంజక్షన్లు అందించడం, ఐసీయూ వార్డులో చేర్పించడం వంటి సలు సహాయక చర్యలు చేపట్టాం. కానీ మేం చేసే సాయం సరిపోవడం లేదు. బయట పరిస్థితి మరీ అధ్వాన్నంగా ఉంది."  "కళ్ల ముందే జనాలు చనిపోతున్నారు. ఆక్సిజన్‌ బెడ్‌ కావాలని ఓ కోవిడ్‌ పేషెంట్‌ ఫోన్‌ చేశాడు. అరగంటలో దాన్ని సమకూర్చి ఫోన్‌ చేయగా, అప్పటికే చనిపోయాడని చెప్పారు. ఇలాంటివి చూడటం చాలా బాధగా ఉంది. మనల్ని ఎవరో వచ్చి కాపాడతారనుకోవడం జరగని పని. నాయకులు ఒకర్ని ఒకరు బ్లేమ్‌ చేసుకోవడంలో బిజీగా ఉన్నారు. వాళ్లు మనల్ని కాపాడలేరు. కాకపోతే మానవత్వం ఇంకా మిగిలే ఉంది. జనాలు ఒకరికొకరు సాయం చేసుకుంటున్నారు. ఈ విపత్కరం సమయంలో అదొక్కటే పాజిటివ్‌ అంశం. దయచేసి మాస్కులు వేసుకోండి, ఎవరినీ కలవకండి" అని చెప్తూ నిఖిల్‌ ఎమోషనల్‌ అయ్యాడు. చదవండి: మందుల్లేక సతమతమవుతున్న కరోనా రోగికి నిఖిల్‌ సాయం పెళ్లి వార్తలపై స్పందించిన చార్మి

కరోనా సెకండ్‌ వేవ్‌ భారత్‌ను గడగడలాడిస్తోంది. చేయి చేయి కలిపినా, మాస్క్‌ లేకుండా కనిపించినా, పార్టీలంటూ, వినోదమంటూ పదే పదే బయట తిరిగినా మన ఒంట్లోకి ప్రవేశించేందుకు రెడీగా ఉందీ కరోనా. సవాలక్ష జాగ్రత్తలు తీసుకున్నవారు కూడా ఎక్కడో ఒకచోట చిన్న పొరపాటు చేసినా ఆ మాయదారి రోగం బారిన పడుతున్నారు. చిన్నాపెద్దా తేడా లేకుండా అందరినీ ముప్పు తిప్పలు పెడుతుందీ కరోనా. తెలుగు రాష్ట్రాల్లో కూడా దీని ఉధృతి విపరీతంగా ఉంది. అదే సమయంలో కరోనా వైరస్‌ను నివారించే వ్యాక్సిన్స్‌ల కొరత కూడా అధికంగానే ఉంది. ఈ క్రమంలో ఓ వ్యక్తి కరోనాతో బాధపడుతున్న తన తండ్రికి రెమిడిసివిర్‌ ఇప్పించాలంటూ హీరో నిఖిల్‌ను ట్విటర్‌లో సంప్రదించాడు. దయచేసి మాకు సాయం చేయండంటూ చేతులెత్తి వేడుకున్నాడు. దీనిపై పెద్ద మనసుతో స్పందించిన హీరో.. 'సిరివూరి రాజేశ్‌ వర్మ మీకు అవసరమయ్యేన్ని రెమిడిసివిర్‌ డోసులతో మిమ్మల్ని సంప్రదిస్తాడు. మీ నాన్నగారికి త్వరలోనే నయమవుతుంది' అని భరోసా కల్పించాడు. Will get it done... Sirivuri Rajesh Varma will contact you. With the Required doses of #Remdisivir . Wishing your father a Speedy recovery. https://t.co/khN8bjLEYz — Nikhil Siddhartha (@actor_Nikhil) April 20, 2021 చదవండి: 'కార్తికేయ 2' షూటింగ్‌కు సడన్‌ బ్రేక్‌!

‘అర్జున్‌ సురవరం’ హిట్‌తో మంచి స్పీడు మీదున్న హీరో నిఖిల్‌ నటిస్తున్న తాజా చిత్రం ‘18 పేజీస్‌’. నిఖిల్‌ సరసన అనుపమా పరమేశ్వరన్‌ కథానాయికగా నటిస్తున్నారు. టాలెంటెడ్‌ డైరెక్టర్‌ సుకుమార్‌ కథ–స్క్రీన్‌ప్లే అందించిన ఈ చిత్రానికి పల్నాటి సూర్యప్రతాప్‌ దర్శకుడు. అల్లు అరవింద్‌ çసమర్పణలో ‘బన్నీ’వాసు నిర్మిస్తున్న ఈ సినిమా రెగ్యులర్‌ షూటింగ్‌  మంగళవారం హైదరాబాద్‌లో ప్రారంభమయ్యింది. ఈ సందర్భంగా చిత్రదర్శకుడు సూర్యప్రతాప్‌ మాట్లాడుతూ– ‘‘నిఖిల్, అనుపమ మధ్య జరిగే సన్నివేశాలు ప్రేక్షకులను ఆకట్టుకుంటాయి. ప్రస్తుతం ఈ చిత్రం షెడ్యూల్‌ను హైదరాబాద్‌ పరిసర ప్రాంతాల్లో జరుపుతున్నాం’’ అన్నారు. ఈ చిత్రానికి సంగీతం: గోపీసుందర్, కెమెరా: వసంత్‌.

‘స్వామిరారా, సూర్య వర్సెస్‌ సూర్య, కార్తికేయ, ఎక్కడకి పోతావు చిన్నవాడా, కేశవ, అర్జున్‌ సురవరం’ వంటి విజయాలు సొంతం చేసుకున్న కథానాయకుడు నిఖిల్‌ నేడు ఓ ఇంటివాడు కాబోతున్నాడు. డాక్టర్‌ పల్లవి వర్మతో ఏడడుగులు వేయనున్నాడు. ఏప్రిల్‌ 16న వీరి పెళ్లికి ఏర్పాట్లు చేసుకున్నారు. అయితే కరోనా నేపథ్యంలో వాయిదా పడింది. నేడు షామీర్‌పేట్‌లోని ఓ ప్రైవేట్‌ అతిథి గృహంలో నిఖిల్‌–పల్లవిల వివాహం ఉదయం 6:31 గంటలకు జరగనుంది. కరోనా నేపథ్యంలో అతి కొద్ది మంది అతిథులతో నిరాడంబరంగా ఈ పెళ్లి జరగనుంది. కాగా బుధవారం సాయంత్రం నిఖిల్‌ని పెళ్లి కొడుకుని, పల్లవిని పెళ్లి కూతురిని చేశారు.

కరోనా లాక్‌డౌన్‌ కారణంగా టాలీవుడ్‌ యంగ్‌ హీరో నిఖిల్‌ వివాహం వాయిదా పడుతూ వస్తోంది. పల్లవి వర్మ అనే డాక్టర్‌తో గత కొంతకాలంగా ప్రేమలో ఉన్న నిఖిల్‌ పెద్దల అంగీకారంతో ఇటీవల నిశ్చితార్థం జరిగిన విషయం తెలసిందే. అయితే వీరి వివాహం ఏప్రిల్‌ 16న జరగాల్సి ఉండగా  లాక్‌డౌన్‌ కారణంగా వాయిదా పడింది. దీంతో ఇరు కుటుంబాల పెద్దలు మే 14న నిఖిల్‌-పల్లవి వివాహం చేయాలని నిర్ణయించారు. అయితే లాక్‌డౌన్‌ మే 17 వరకు పొడిగించడంతో మరోసారి వీరి పెళ్లి వాయిదా పడింది.  మే 17 తర్వాత సైతం లాక్‌డౌన్ కొనసాగింపు ఉంటుందని ప్రధాని నరేంద్రమోదీ ప్రకటించడం, ఆ తర్వాత(మే14) మూఢం, ముహుర్తాలు లేక‌పోవ‌టం వ‌ల‌న వధూవరులు ఇద్దరి జాత‌కాల రీత్యా రెండో సారి అనుకున్న ముహూర్తానికే (ఈ నెల 14న) పెళ్లి చేయాలని ఇరు కుటుంబాల పెద్దలు ఫిక్సయ్యారంటా. ప్రభుత్వ లాక్‌డౌన్‌ నిబంధనలను పాటిస్తూ అతికొద్ది మంది సన్నిహితుల సమక్షంలో రేపు(గురువారం) నగర శివార్లలోని ఓ ఫామ్‌ హౌజ్‌లో నిఖిల్‌ పెళ్లి జరగనుందని సమాచారం. అంతకుముందు ఎవరి ఇళ్లలో వాళ్లు సంప్రదాయ బద్దమైన కార్యక్రమాలు నిర్వహించుకునేలా ప్లాన్‌ చేసుకున్నారు. పెళ్లి కూతుర్ని, అలాగే పెళ్లి కొడుకును చేసే కార్యక్రమం కూడా ఈ రోజు సాయంత్రం ఉండునున్నట్లు తెలుస్తోంది. అయితే ఈ విషయంపై ఇరుకుటుంబాల నుంచి ఎలాంటి అధికారిక ప్రకటన వెలువడలేదు.  చదవండి: శ్రీమతితో తొలి సెల్ఫీ.. వైరల్‌ పవన్‌ కల్యాణ్‌.. ‘ఇప్పుడే మొదలైంది’?

హైదరాబాద్‌ : హీరో నిఖిల్‌ వివాహం మరోసారి వాయిదా పడింది. కరోనా లాక్‌డౌన్‌ కారణంగా ఇదివరకు ఒకసారి తన పెళ్లిని వాయిదా వేసుకున్న నిఖిల్‌.. తాజాగా మరోసారి వాయిదా వేస్తున్నట్టు ప్రకటించారు. అయితే ఈ సారి పెళ్లి తేదీని మాత్రం నిఖిల్‌ ప్రకటించలేదు. ఇలా జరగడంపై ఆయన తీవ్ర నిరుత్సాహనికి గురయ్యారు. ఓ ఆంగ్ల మీడియాకు ఇచ్చిన ఇంటర్వ్యూలో నిఖిల్‌ ఈ విషయాన్ని వెల్లడించారు.  ‘కరోనాతో పోరాటం ముగిసే వరకు మా పెళ్లిని వాయిదా వేయాలని నిర్ణయం తీసుకున్నాం. బయట చాలా మంది పడుతున్న బాధలతో పోలిస్తే.. నేను పడుతున్న బాధ పెద్దది కాదు. నా పెళ్లి జరిగే సమయంలో ఒక్క వ్యక్తికి కూడా కరోనా సోకినా.. ఆ బాధ నన్ను జీవితం మొత్తం వేధిస్తోంది. పెళ్లి అనేది ప్రతి ఒక్కరి జీవితంలో చాలా మరుపురానిదిగా ఉంటుంది. కాబట్టి అది చాలా వేడుకగా జరుపుకోవాలి. ఇలాంటి కష్టకాలంలో పెళ్లి చేసుకోవడం సరైనది కాదని భావిస్తున్నాం. నేను, పల్లవి మా పెళ్లికోసం వేచి ఉంటాం. కరోనా ముగిశాక మేము చాలా వేడుకగా పెళ్లి చేసుకుంటాం’ అని తెలిపారు.  కాగా, ఫిబ్రవరిలో డాక్టర్‌ పల్లవి వర్మతో నిఖిల్‌ నిశ్చితార్థం జరిగిన సంగతి తెలిసిందే. ఈ క్రమంలో ఏప్రిల్‌ 16న వీరి వివాహం జరపాలని ఇరు కుటుంబాల పెద్దలు నిర్ణయం తీసుకున్నారు. అయితే కరోనా కట్టడిలో భాగంగా విధించిన లాక్‌డౌన్‌తో నిఖిల్‌-పల్లవిల పెళ్లిని మే 14కు వాయిదా వేశారు. అయితే మరోసారి  మే 17 వరకు లాక్‌డౌన్‌ పొడిగించడంతో..  పెళ్లిని వాయిదా వేస్తున్నట్టు నిఖిల్‌ వెల్లడించారు.  చదవండి : కాబోయే భార్య అలా ఉండాలి : విజయ్‌

కరోనా కారణంగా మరో టాలీవుడ్‌ హీరో పెళ్లి వాయిదా పడింది. కరోనా విజృంభిస్తున్న నేపథ్యంలో తన పెళ్లిని వాయిదా వేసుకుంటున్నట్టు హీరో నితిన్‌ ప్రకటించిన సంగతి తెలిసిందే. తాజాగా హీరో నిఖిల్‌ కూడా తన పెళ్లిని వాయిదా వేసకుంటున్నట్టు వెల్లడించారు. అయితే కొద్ది రోజుల క్రితం తన పెళ్లిని ఎవరూ ఆపలేరని నిఖిల్‌ ప్రకటించిన సంగతి తెలిసిందే. అయితే ప్రస్తుత పరిస్థితుల నేపథ్యంలో పెళ్లి వాయిదా వేసుకోవడమే మంచిదని నిఖిల్‌ భావించినట్టుగా తెలుస్తోంది.  ‘ప్రస్తుతం ఉన్న పరిస్థితుల్లో మేము పెళ్లి చేసుకోవడం సాధ్యపడేలా కనిపించడం లేదు. వేరే మార్గం లేక మేము మా పెళ్లిని వాయిదా వేసకుంటున్నాం. అయితే ఈ పరిస్థితులు ఇంకా ఎంత కాలం కొనసాగుతాయో తెలియడం లేదు. పెళ్లి వాయిదా పడినందుకు కుటుంబ సభ్యులు, సన్నిహితులు కొద్దిగా నిరాశ చెందారు. కానీ భద్రత అనేది అనింటి కంటే ముఖ్యమైనది. మనం కష్టాల్లో ఉన్న సమయంలో వేడుకలు జరుపుకోవడం సరైనది కాదు’ అని నిఖిల్‌ తెలిపారు. కాగా, ఫిబ్రవరి 1 వ తేదీన డాక్టర్‌ పల్లవి వర్మతో నిఖిల్‌ నిశ్చితార్థం జరిగిన సంగతి తెలిసిందే. గత కొంతకాలంగా ప్రేమలో ఉన్న నిఖిల్‌, పల్లవిలు పెద్దల అంగీకారంతో పెళ్లికి సిద్దమయ్యారు. ఏప్రిల్‌ 16న వీరి వివాహం జరగాల్సి ఉంది.  చదవండి : కరోనా ఎఫెక్ట్‌: అభిమానులకు నితిన్‌ విజ్ఞప్తి  డాక్టర్‌తో హీరో నిఖిల్‌ నిశ్చితార్థం

ప్రముఖ హీరో నిఖిల్‌ నిశ్చితార్థం ఘనంగా జరిగింది. డాక్టర్‌ పల్లవి వర్మను నిఖిల్‌ వివాహం చేసుకోనున్నారు. కొద్దికాలంగా పల్లవి వర్మతో ప్రేమలో ఉన్న నిఖిల్‌ పెద్దల అంగీకారంతో పెళ్లికి సిద్దమయ్యాడు. దీంతో శనివారం కుటుంబ సభ్యులు, అత్యంత సన్నిహితులు మధ్య నిఖిల్‌, పల్లవిల నిశ్చితార్థ వేడుకను నిర్వహించారు. ఏప్రిల్‌ 16న ఈ ప్రేమ జంట వివాహ బంధంతో ఒకటి కానున్నట్టుగా సమాచారం. దీంతో పలువురు సినీ ప్రముఖులు నిఖిల్‌కు విషెస్‌ చెబుతూ సోషల్‌ మీడియాలో పోస్ట్‌లు పెడుతున్నారు. అలాగే పల్లవి వర్మకు నిఖిల్‌ ప్రపోజ్‌ చేస్తున్న ఫొటో ప్రస్తుతం నెటింట్లో చక్కర్లు కొడుతోంది. నిఖిల్‌ గతంలో ఓ ఇంటర్వ్యూలో మాట్లాడుతూ.. తను ఓ డాక్టర్‌ను ప్రేమిస్తున్నానని చెప్పిన సంగతి తెలిసందే. కాగా, టాలీవుడ్‌లో డిఫరెంట్‌ మూవీస్‌తో నిఖిల్‌ తనకంటూ ఓ ప్రత్యేకతను సొంతం చేసుకున్నారు. ఇటీవల ఆయన నటించిన అర్జున్‌ సురవరం చిత్రం మంచి విజయాన్ని సాధించింది.

టైటిల్‌: అర్జున్‌ సురవరం నటీనటులు: నిఖిల్‌, లావణ్య త్రిపాఠి, వెన్నెల కిషోర్‌, పోసాని కృష్ణమురళీ, సత్య, తరుణ్‌ అరోరా, నాగినీడు, విద్యుల్లేఖ రామన్‌ దర్శకత్వం: టీఎన్‌ సంతోష్‌ సంగీతం: సామ్‌ సీ.ఎస్‌ సమర్పణ: ‘ఠాగూర్‌’ మధు నిర్మాత: రాజ్‌కుమార్‌ ఆకెళ్ల బ్యానర్‌:  మూవీ డైనమిక్స్‌ ఎల్‌ఎల్‌పీ మొదటినుంచీ డిఫరెంట్‌ సినిమాలతో టాలీవుడ్‌ యంగ్‌ హీరోల్లో తనకంటూ ఒక మంచి గుర్తింపు తెచ్చుకున్న నటుడు నిఖిల్‌ సిద్ధార్థ్‌. హ్యాపీడేస్‌ నుంచి మంచి కథలతో ఎంచుకుంటూ ప్రతి సినిమాకీ తన గ్రాఫ్‌ పెంచుకునే ప్రయత్నం చేస్తున్నాడు ఈ యంగ్‌ హీరో. తాజాగా ఆయన నటించిన చిత్రం అర్జున్‌ సురవరం. తమిళ సూపర్‌హిట్‌ ‘కణితన్‌’కు తెలుగు రీమేక్‌గా ఈ సినిమా తెరకెక్కింది. ఎప్పుడో రిలీజ్‌ కావాల్సిన ఈ సినిమా కొన్ని కారణాల వల్ల వాయిదాలు పడుతూ.. ఎట్టకేలకు ఈ శుక్రవారం ప్రేక్షకుల ముందుకు వచ్చింది. నిఖిల్‌ జర్నలిస్ట్‌గా నటించిన ఈ సినిమా టీజర్‌, ట్రైలర్‌తోపాటు ఇప్పటివరకు రిలీజైన పాటలు మంచి క్రేజ్‌తెచ్చాయి. ఇంతకు రిపోర్టర్‌ అర్జున్‌ సురవరం ఎలా రిపోర్ట్‌ చేశాడు? ఏ స్కామ్‌ను బయటపెట్టాడు? తెలుసుకుందాం పదండి. కథ: అర్జున్‌ లెనిన్‌ సురవరం (నిఖిల్‌).. తండ్రికి కూడా చెప్పకుండా సాప్ట్‌వేర్‌ ఉద్యోగాన్ని మధ్యలో వదిలేసి జర్నలిజంపై మక్కువతో ఓ టీవీ చానెల్‌లో రిపోర్టర్‌గా చేరుతాడు. బీబీసీలో పనిచేయాలన్నది అతని కల. ఈ విషయమై కావ్య (లావణ్య త్రిపాఠి)కు అబద్ధం చెప్తాడు. కానీ, కావ్య అర్జున్‌ పనిచేస్తున్న టీవీ చానెల్‌ సీఈవో కూతురు కావడంతో నిజం వెంటనే బయటపడుతుంది. మొదట అబద్ధం చెప్పాడని అర్జున్‌ గురించి నెగిటివ్‌గా థింక్‌ చేసినా.. బాధ్యతాయుతమైన రిపోర్టర్‌గా అతను పనిచేస్తున్న తీరును గుర్తించి.. బీబీసీలో ఉద్యోగం కోసం కావ్యనే అర్జున్‌ అప్లికేషన్‌ పంపుతుంది. అర్జున్‌కు బీబీసీలో ఉద్యోగం వస్తుంది. ఈ క్రమంలో అర్జున్‌, కావ్య మధ్య ప్రేమ చిగురిస్తుంది. కావ్యకు అర్జున్‌ ప్రేమ వ్యక్తం చేస్తున్న సమయంలో పోలీసులు హఠాత్తుగా వచ్చి అర్జున్‌ను అరెస్టు చేస్తారు. ఫోర్జరీ డాక్యుమెంట్స్‌ పెట్టి అర్జున్‌తో పాటు మరికొందరు ఎడ్యుకేషన్‌ లోన్స్‌ పేరిట బ్యాంకులకు పెద్దమొత్తంలో టోకరా వేసినట్టు పోలీసులు అభియోగాలు మోపుతారు. అర్జున్‌తోపాటు ఇతర నిందితులకు కోర్టు శిక్ష కూడా విధిస్తుంది. కానీ ఒక నిందితుడు ఆత్మహత్య చేసుకోవడంతో బెయిల్‌పైన బయటకు వచ్చిన అర్జున్‌ సురవరం ఫేక్‌ సర్టిఫికెట్స్‌, ఫోర్జరీ డాక్యుమెంట్స్‌ రాకెట్‌ను ఎలా వెంటాడుతాడా? నకిలీ సర్టిఫికెట్లతో సమాజానికి ఎంతో చేటు చేస్తున్న ఎంతోమందిని బయటపెట్టి.. అతి పెద్ద స్కాంను, దాని సూత్రధారిని ఎలా పట్టించడాన్నది మిగతా కథ. విశ్లేషణ: ఫేక్‌ సర్టిఫికెట్స్‌తో సమాజానికి పెనుసవాలుగా నిలిచిన ఓ భారీ నెట్‌వర్క్‌ను, వ్యవస్థతో మమైకమై అతిపెద్ద స్కాంను ఓ రిపోర్టర్‌ ఎలా వెలుగులోకి తీసుకొచ్చడన్నది అర్జున్‌ సురవరం కథ. తమిళంలో సూపర్‌హిట్‌ అయిన ఈ సినిమా పవర్‌ఫుల్‌ కథతో తెరకెక్కింది. ఫేక్‌ సర్టిఫికెట్స్‌ వల్ల చదువుకున్న నిరుద్యోగులు మోసపోవడమే కాదు.. తప్పుడు పత్రాలతో డాక్టర్లు, ఇంజినీర్లు అయిన వాళ్లు సమాజానికి ఎలా ముప్పుగా మారుతున్నారన్నది ఈ సినిమాలో ఆసక్తికరంగా చూపించారు. తమిళ రీమేక్‌ అయిన ఆ భావన రాకుండా పూర్తి తెలుగు నేటివిటీతో అర్జున్‌ సురవరంను తెరకెక్కించడంలో దర్శకుడు సక్సెస్‌ అయ్యాడు. మొదటి అర్ధభాగం ఇంట్రస్టింగ్‌ కథనంతో వరుస ట్విస్టులతో దర్శకుడు వేగంగా నడిపాడు. సెకండాఫ్‌లోనే కథ కొంచెం నెమ్మదించింది. ఫేక్‌ సర్టిఫికెట్స్‌ నెట్‌వర్క్‌ను బయటపెట్టేందుకు హీరో ప్రయత్నించడం.. తన లోగుట్టును బయటకు లాగుతున్న హీరోను తెలుసుకునేందుకు విలన్‌ వెంటాడటం సెంకడాఫ్‌లో ప్రధానంగా కనిపిస్తుంది. ఫైట్లు, ఛేజింగ్‌లతో అక్కడక్కడ ఓవర్‌ సినిమాటిక్‌గా అనిపిస్తుంది. ప్రీ క్లైమాక్స్‌లో వచ్చే ట్విస్టులు సినిమాను నిలబెట్టేలా బావున్నాయి.  ఎమోషనల్‌ సీన్లను దర్శకుడు బాగా  చిత్రీకరించాడు. కానిస్టేబుల్‌ సుబ్బారావు (పోసాని కృష్ణమురళీ) చనిపోయిన సీన్‌లో అతని కొడుకు (వెన్నెల కిషోర్‌) భావోద్వేగాలు.. ఇన్వెస్టిగేటివ్‌ ఆఫీసర్‌ నిజాయితీ గురించి చెప్పే సీన్లు బాగా పండాయి. డైలాగులు బావున్నాయి. పాటలు అంతంతమాత్రం ఉండగా.. నేపథ్య సంగీతం చాలావరకు రణగొణ ధ్వనులతో సీన్లకు సంబంధం లేనట్టుగా అనిపిస్తుంది. సినిమాటోగ్రఫీ ఓకే. నిర్మాణ విలువులు సినిమాకు తగ్గట్టు ఉన్నాయి. నిఖిల్‌ మరోసారి తన నటనతో ఆకట్టుకున్నాడు. మొదటి నుంచి చివరివరకు సినిమాను తన భుజాలపై మోశాడు. హీరోయిన్‌ లావణ్య త్రిపాఠి పాత్ర హీరో వెంట క్లైమాక్స్‌ వరకు ఉన్నప్పటికీ పెద్దగా ప్రాధాన్యం లేదు. ఫస్టాప్‌లో లవ్‌ట్రాక్‌ కూడా ఒకటిరెండు సీన్లకే పరిమితమైంది. హీరో స్నేహితుడిగా, లాయర్‌గా వెన్నెల కిషోర్‌ మరోసారి హాస్యాన్ని పంచాడు. విలన్‌ పాత్రలో తరుణ్‌ అరోరా ఆకట్టుకోగా, పోసాని కృష్ణమురళి, నాగినీడు, విద్యుల్లేఖ, ఇతర నటులు తమ పరిధమేరకు ఆకట్టుకున్నారు. బలాలు పవర్‌ఫుల్‌ కథ ప్రీక్లైమాక్స్‌కు ముందు వచ్చే ట్విస్టులు ఏమోషనల్‌ సీన్స్‌ బలహీనతలు సెకండాఫ్‌లో నెమ్మదించిన కథనం అక్కడక్కడ ఓవర్‌ సినిమాటిక్‌గా ఉండటం నేపథ్య సంగీతం అంత ఆప్ట్‌గా లేకపోవడం - శ్రీకాంత్‌ కాంటేకర్‌

యంగ్ హీరో నిఖిల్ కథానాయకుడుగా తెరకెక్కుతున్న అర్జున్‌ సురవరం సినిమాకు కష్టాలు కొనసాగుతున్నాయి. ఇప్పటికే టైటిల్‌ విషయంలో ఎదురైన సమస్యల నుంచి బయటపడి రిలీజ్‌కు రెడీ అవుతున్న ఈ సినిమా అనూహ్యంగా వాయిదా పడినట్టుగా తెలుస్తోంది. మే 1న  సినిమా ప్రేక్షకుల ముందుకు వస్తుందని ప్రకటించిన చిత్రయూనిట్ ప్రమోషన్‌ కార్యక్రమాలను కూడా ప్రారంభించారు. అయితే తాజా సమాచారం ప్రకారం అర్జున్‌ సురవరం వాయిదా పడినట్టుగా తెలుస్తోంది. ఇప్పటికే ట్రైలర్‌ రిలీజ్‌తో పాటు సినిమా రిలీజ్‌ను కూడా వాయిదా వేసినట్టుగా ప్రకటించారు. ప్రస్తుతం థియేటర్లలో ఉన్న మజిలీ, చిత్ర లహరి, జెర్సీ సినిమాలు మంచి వసూళ్లు సాధిస్తుండటం, అవెంజర్స్‌ ఎండ్‌ గేమ్‌ కూడా భారీ వసూళ్లు సాధిస్తుందన్న టాక్ వినిపిస్తుండటంతో సినిమా రిలీజ్‌ను వాయిదా వేయాలని నిర్ణయించుకున్నట్టుగా ప్రకటించారు. ఈ విషయాన్ని చిత్ర డిస్ట్రిబ్యూషన్‌ సంస్థ ఏషియన్‌ సినిమాస్ అధికారికంగా వెల్లడించారు. మహర్షి రిలీజ్‌ తరువాత అర్జున్‌ సురవరం రిలీజ్‌ అవుతుందని తెలిపారు. నిఖిల్‌ సరసన లావణ్య త్రిపాఠి హీరోయిన్‌గా నటిస్తున్న ఈ సినిమా తమిళ సూపర్‌ హిట్ కనితన్‌కు రీమేక్‌గా తెరకెక్కించారు. pic.twitter.com/3scqEuhKAO — Asian Cinemas (@AsianCinemas_) 25 April 2019

నిఖిల్‌ సిద్ధార్థ్, లావణ్యా త్రిపాఠి జంటగా నటించిన చిత్రం ‘అర్జున్‌ సురవరం’. ‘ఠాగూర్‌’ మధు సమర్పణలో మూవీ డైనమిక్స్‌ ఎల్‌ఎల్‌ పి అండ్‌ ఔరా ఎంటర్‌ టైన్మెంట్స్‌ ప్రై.లి. పతాకాలపై టి. ఎన్‌. సంతోష్‌ దర్శకత్వంలో రాజ్‌ కుమార్‌ ఆకెళ్ల, కావ్య వేణుగోపాల్‌ సంయుక్తంగా నిర్మించారు. ఈ చిత్రాన్ని ఈ నెల 29న విడుదల చేయాలనుకున్నారు. అయితే వాయిదా వేశారు. మే 1న విడుదల చేయనున్నట్లు శనివారం చిత్రబృందం ప్రెస్‌మీట్‌లో పేర్కొంది. ఈ సందర్భంగా హీరో నిఖిల్‌ మాట్లాడుతూ– ‘‘హ్యాపీడేస్‌’ నుండి ‘అర్జున్‌ సురంవరం’ వరకు 16 చిత్రాలు చేశాను. అన్ని సినిమాల్లోకి ఈ చాలా బాధ్యత గల సినిమా ఇది. టాప్‌ రిపోర్టర్‌ అవ్వాలనుకునే అర్జున్‌ క్యారెక్టర్‌ని ఈ చిత్రంలో ప్లే చేస్తున్నాను. ఒక ప్రభుత్వాన్ని ఏర్పాటు చేయాలన్నా, పడగొట్టాలన్నా మీడియాకి పవర్‌ ఉంటుంది. మీడియాలో ఉన్న పాజిటివ్, నెగిటివ్‌ అన్ని విషయాలు ఈ చిత్రంలో చూపిస్తున్నాం. నా కెరీర్‌లోనే మోస్ట్‌ రెస్పాన్సిబుల్‌గా ఫీలై ఒళ్లు దగ్గర పెట్టుకొని చేసిన సినిమా ఇది. ఇలాంటి క్యారెక్టర్‌ చేయడం ఛాలెంజింగ్‌గా అనిపించింది. సినిమా అంతా కంప్లీట్‌ అయ్యింది. ఇప్పుడు మే 1న రిలీజ్‌ చేస్తున్నాం. నైజామ్‌ ఏషియన్‌ సునీల్‌ విడుదల చేస్తున్నారు. ఆయనకి థ్యాంక్స్‌. నా సినిమాలు పోస్ట్‌పోన్‌ అయిన ప్రతిసారీ హిట్‌ అయ్యాయి. ఈ సినిమా కూడా హిట్‌ అవుతుంది. మా చేతిలో మంచి సినిమా రెడీగా ఉంది. అనుకున్న బడ్జెట్‌ కన్నా ఎక్కువైనా సినిమా బాగా రావడానికి నిర్మాతలు ‘ఠాగూర్‌’ మధు, రాజ్‌కుమార్‌ ఖర్చు పెట్టి ఈ సినిమా తీశారు’’ అన్నారు. నిర్మాత రాజ్‌కుమార్‌ ఆకెళ్ల మాట్లాడుతూ – ‘‘సినిమా బాగుండాలని కాంప్రమైజ్‌ కాకుండా చేశాం. సినిమా రిలీజ్‌కి రెడీగా ఉంది.  ఇప్పుడు ఎన్నికల జోరు ఉంది. డిస్ట్రిబ్యూటర్స్‌  సలహా మేరకు మే 1న రిలీజ్‌ చేస్తున్నాం’’ అన్నారు ‘ఠాగూర్‌’ మధు పాల్గొన్నారు.

‘కిరాక్‌ పార్టీ’తో ఆశించిన విజయాన్ని సొంతం చేసుకోలేకపోయాడు నిఖిల్‌. సక్సెస్‌ ఫుల్‌గా సాగుతున్న ఈ యువ హీరో కెరీర్‌కు కిరాక్‌ పార్టీ అడ్డుకట్టవేసింది. అయితే ఈ సారి ఎలాగైనా హిట్‌ కొట్టాలని ఓ తమిళ రీమేక్‌పై దృష్టి సారించాడు. కోలీవుడ్‌లో సూపర్‌హిట్‌ అయిన కణిథణ్‌ చిత్రాన్ని ‘అర్జున్‌ సురవరం’ పేరుతో టాలీవుడ్‌కు తీసుకువస్తున్నాడు. టీజర్‌తో ఈ మూవీ ఒక్కసారిగా భారీ హైప్‌ను సొంతం చేసుకుంది. అయితే నిఖిల్‌ హీరోగా,నివేదా థామస్‌ హీరోయిన్‌గా అప్పట్లో శ్వాస అనే చిత్రం మొదలైంది. తాజాగా ఈ మూవీపై ఓ రూమర్‌ ప్రచారంలో ఉంది. ప్రస్తుతం ఈ ప్రాజెక్ట్‌ పక్కన పడేశారనీ, ఈ సినిమాను ఆపేశారని టాక్‌ వినిపిస్తోంది. అయితే దీనిపై ఇప్పటివరకు ఎవరూ అధికారికంగా స్పందించలేదు. అర్జున్‌ సురవరం తరువాత నిఖిల్‌ కార్తికేయ సీక్వెల్‌లో నటిస్తాడని సమాచారం.

‘కిరాక్‌ పార్టీ’ సినిమాతో గతేడాది పలకరించిన నిఖిల్‌కు చేదు అనుభవం ఎదురైంది. అయితే మళ్లీ సక్సెస్‌ సాధించాలని తమిళ రీమేక్‌పై కన్నేశాడు. తమిళ్‌లో సూపర్‌హిట్‌ అయిన కణిథణ్‌ చిత్రాన్ని తెలుగులో అర్జున్‌సురవరం పేరుతో చేస్తున్న సంగతి తెలిసిందే. ఈ మూవీ టీజర్‌ను మహా శివరాత్రి సందర్భంగా సోమవారం విడుదల చేశారు. ఈ మూవీ టీజర్‌ సోషల్‌ మీడియాలో వైరల్‌గా మారి.. మిలియన్‌ వ్యూస్‌ను క్రాస్‌ చేసేసింది. అయితే ఈ మూవీ టీజర్‌ను మెగాస్టార్‌ చిరంజీవి వీక్షించారు. అంతేకాకుండా.. టీజర్‌చూసి చిత్ర నిర్మాతకు అభినందనలు తెలియజేశారట. ఇదే విషయాన్ని నిఖిల్‌ సోషల్‌ మీడియా ద్వారా వెల్లడించారు. ‘మా నిర్మాత రాజ్‌కుమార్‌ ఓ మెసెజ్‌ను చాలా హ్యాపీగా ఫీల్‌ అవుతున్నాడు. అదెంటో చూద్దామని నేను ఆయన ఫోన్‌ను లాక్కున్నాను. ఓమైగాడ్‌.. ఆ మెసెజ్‌ చేసింది మన మెగాస్టార్‌. ఇదే మా లైఫ్‌కు పెద్ద విషయం. ఈ విషయాన్ని సోషల్‌ మీడియాలో షేర్‌ చేసుకోవడానికి పర్మిషన్‌ కూడా తీసుకున్నా’ను అంటూ ట్వీట్‌చేశారు. ఇంతకీ మన చిరు టీజర్‌ చూసి.. ‘ హాయ్‌.. డియర్‌ ప్రొడ్యుసర్‌ రాజ్‌కుమార్‌.. ఇప్పుడే అర్జున్‌సురవరం టీజర్‌ చూశాను. ఆసక్తికరంగా ఉంది. ఆల్‌ ది వెరీ బెస్ట్‌ టు నిఖిల్‌, డైరెక్టర్‌’ అంటూ ప్రశంసించారు.  ఠాగుర్‌ మధు నిర్మిస్తున్న ఈ మూవీని సంతోష్‌ తెరకెక్కిస్తున్నారు. ఈ సినిమా మార్చి 29న ప్రేక్షకుల ముందుకు రానుంది. My prod Rajkumar was so happy reading some mssgs on his phn. I pulled his phn 2 check wht it is ..nd OMG its the msg from our beloved Mega Star himself on #ArjunSuravaram teaser. The biggest high of our life.🤸‍♂🤸‍♂ #BOSS 🙏 p.s- took the legends permission b4 sharing this 🤗 pic.twitter.com/ZvEDpaAgTa — Nikhil Siddhartha (@actor_Nikhil) 4 March 2019

వరుస హిట్‌లతో దూసుకుపోతున్న నిఖిల్‌.. కిరాక్‌ పార్టీతో ఆశించిన మేర విజయాన్ని సొంతం చేసుకోలేకపోయాడు. అయితే తమిళ్‌ హిట్‌ మూవీ కణితణ్‌ రీమేక్‌తో త్వరలోనే ప్రేక్షకుల ముందుకు రాబోతోన్నాడు. ఈ మూవీ టైటిల్‌ విషయంలో ఎంత రచ్చ జరిగిందో అందరికీ తెలిసిందే. మొత్తానికి చిత్రయూనిట్‌ వెనక్కితగ్గి.. ‘అర్జున్‌ సురవరం’ అనే టైటిల్‌ను ఫిక్స్‌ చేసింది. ఇప్పటికే విడుదల చేసిన పోస్టర్స్‌తో అంచనాలు క్రియేట్‌ చేసిన ఈ మూవీ టీజర్‌ను రిలీజ్‌ చేశారు. ఒక అబద్దాన్ని నిజం చేయడం చాలా ఈజీ.. కానీ ఒక నిజాన్ని నిజం అని​ ఫ్రూవ్‌ చేయడం చాలా కష్టం’.. ‘జనాలకు నిజం చెప్పడం నా ప్రొఫెషన్‌’..‘వెతికేవాడు దొరకట్లేదు.. వెతకాల్సినవాడు తెలియట్లేదు..’ లాంటి మాటలతో ఆసక్తిగా ఉన్న టీజర్‌ ఆకట్టుకునేలానే ఉంది.  ఈ చిత్రంలో నిఖిల్‌కు జోడిగా లావణ్య త్రిపాఠి నటిస్తున్నారు. ఠాగుర్‌ మధు నిర్మిస్తున్న ఈ మూవీని సంతోష్‌ తెరకెక్కిస్తున్నారు. ఈ సినిమా మార్చి 29న ప్రేక్షకుల ముందుకు రానుంది. Anduke JIO ki mara manedi 😂🤣 Even im waiting for the Teaser of #ArjunSuravaram 😃 https://t.co/f4BlEOLG2G — Nikhil Siddhartha (@actor_Nikhil) March 4, 2019 ఈ టీజర్‌ను రిలీజ్‌ చేసే క్రమం‍లో టెక్నికల్‌ ఇబ్బందులు ఎదురయ్యేసరికి కాస్త ఆలస్యంగా విడుదల చేశారు. ఈ క్రమంలో నిఖిల్‌చేసిన ట్వీట్‌ వైరల్‌ అవుతోంది. సాంకేతిక లోపం వల్ల కాస్త ఆలస్యం కానుందని లహరి మ్యూజిక్‌ సంస్థ చేసిన ట్వీట్‌కు నిఖిల్‌ రిప్లై ఇస్తూ.. ‘అందుకే జియోకి మారమనేది.. నేను కూడా టీజర్‌ గురించి వెయిట్‌ చేస్తున్నా’నంటూ ట్వీట్‌ చేశారు.

‘కేశవ’, ‘కిరాక్‌ పార్టీ’ సినిమాలతో కాస్త వెనుకపడ్డాడు యంగ్‌ హీరో నిఖిల్‌. డిఫరెంట్‌ కాన్సెప్ట్‌తో సినిమాలు తీసి విజయాలు సాధించిన ఈ హీరో గత రెండు సినిమాలతో ప్రేక్షకులకు నిరాశనే మిగిల్చాడు. తాజాగా ఓ తమిళ రీమేక్‌తో మళ్లీ ప్రేక్షకులను పలకరించేందుకు రెడీ అయ్యాడు.  తమిళ్‌లో ఘన విజయం సాధించిన కణిథన్‌ సినిమాను తెలుగులో ‘ముద్ర’ పేరుతో నిఖిల్‌ రీమేక్‌ చేస్తున్నాడు. అయితే ఈ సినిమాను దీపావళి కానుకగా నవంబర్‌ 8న రిలీజ్‌ చేయాలని భావించారు. కానీ నవంబర్‌ నెలలో పెద్ద సినిమాలు థియేటర్లపై దాడి చేయనున్నాయి. విజయ్‌ ‘సర్కార్‌’, ఆమిర్‌ ఖాన్‌ ‘థగ్స్‌ ఆఫ్‌ హిందుస్తాన్‌’ దీపావళి కానుకగాకే విడుదల కానుండగా.. రజనీకాంత్‌ 2.ఓ నవంబర్‌ చివరి వారంలో విడుదల కానుంది. ఈ నేపథ్యంలో నిఖిల్‌ తన ‘ముద్ర’ను డిసెంబర్‌లో వేయబోతున్నాడని సమాచారం. ఈ మూవీలో నిఖిల్‌ సరసన లావణ్య త్రిపాఠి హీరోయిన్‌గా నటిస్తున్నారు. 

నిఖిల్‌ సిద్ధార్థ్, లావణ్యా త్రిపాఠి జంటగా తెరకెక్కుతున్న చిత్రం ‘ముద్ర’. టి.ఎన్‌.సంతోష్‌ దర్శకత్వంలో కావ్య వేణుగోపాల్, రాజ్‌ కుమార్‌ నిర్మిస్తున్నారు. నిర్మాతలు మాట్లాడుతూ– ‘‘యాక్షన్‌ ఎంటర్‌టైనర్‌గా రూపొందుతోన్న చిత్రమిది. జర్నలిజం నేపథ్యంలో ఉంటుంది. కరెంట్‌ ఇష్యూస్‌ సాల్వ్‌ చేయడంలో మీడియా ఎటువంటి కీలకపాత్ర పోషిస్తుంది? అనే విషయాన్ని మా చిత్రంలో చూపించనున్నాం. నిఖిల్‌ తొలిసారి జర్నలిస్ట్‌గా నటిస్తున్నారు. నిఖిల్‌ ఫస్ట్‌ లుక్‌కి మంచి స్పందన వచ్చింది. ఆఖరి షెడ్యూల్‌ ప్రస్తుతం చిత్రీకరణలో ఉంది. సెప్టెంబర్‌ కల్లా షూటింగ్‌ పూర్తి చేసి, నవంబర్‌ 8న సినిమా విడుదల చేసేందుకు సన్నాహాలు చేస్తున్నాం’’ అన్నారు. ఈ చిత్రానికి సమర్పణ: బి.మధు, కెమెరా: సూర్య, సంగీతం: సామ్‌ సి.ఎస్‌.

టైటిల్ : కిరాక్‌ పార్టీ జానర్ : యూత్‌ఫుల్‌ ఎంటర్‌టైనర్‌ తారాగణం : నిఖిల్ సిద్ధార్థ్‌, సిమ్రాన్‌ పరీన్జా, సంయుక‍్త హెగ్డే సంగీతం : బి. అజనీష్‌ లోక్‌నాథ్‌ దర్శకత్వం : శరన్‌ కొప్పిశెట్టి నిర్మాత : రామబ్రహ్మం సుంకర వరుసగా ప్రయోగాత్మక చిత్రాలు చేస్తూ విజయాలు సాధిస్తున్న యంగ్ హీరో నిఖిల్‌ సిద్ధార్థ్‌ హీరోగా తెరకెక్కిన తాజా చిత్రం కిరాక్‌ పార్టీ. ప్రయోగాలను పక్కన పెట్టి కన్నడలో సూపర్‌ హిట్‌ అయిన కిరిక్‌ పార్టీ సినిమాను తెలుగులో కిరాక్‌ పార్టీ పేరుతో రీమేక్‌ చేశాడు నిఖిల్. శరన్‌ కొప్పిశెట్టిని దర్శకుడిగా పరిచయం చేస్తూ తెరకెక్కించిన ఈ సినిమా నిఖిల్ ఖాతాలో మరో సక్సెస్‌ గా నిలిచిందా..? ప్రయోగాలను పక్కన పెట్టి కమర్షియల్‌ సినిమా చేసిన నిఖిల్ మరో విజయం సాధించాడా..? కథ : కృష్ణ (నిఖిల్ సిద్ధార్థ్) మెకానికల్‌ ఇంజనీరింగ్‌ ఫస్ట్‌ ఇయర్‌ స్టూడెంట్‌. తన ఫ్రెండ్స్‌తో కలిసి కాలేజ్‌ లైఫ్‌ ను ఎంజాయ్‌ చేస్తుంటాడు. కాలేజ్‌ బంక్‌ కొట్టడం, గొడవలు చేయటం ఇదే కృష్ణ లైఫ్‌. ఆ సమయంలో సీనియర్‌ మీరా (సిమ్రాన్‌ పరీన్జా)ను చూసి ఇష్టపడతాడు కృష్ణ. ఎలాగైన తనకు దగ్గరకావాలని రకరకాల ప్రయత్నాలు చేస్తాడు. ఎలాంటి కట్టుబాట్లు లేకుండా తన లైఫ్‌ తాను ఎంజాయ్‌ చేసే కృష్ణను మీరా కూడా ఇష్టపడుతుంది. (సాక్షి రివ్యూస్‌) కానీ అనుకోండా ఓ ప్రమాదంలో మీరా చనిపోతుంది. మీరాను ప్రాణంగా ప్రేమించిన కృష్ణ, పూర్తిగా మారిపోతాడు. కాలేజ్‌ లో అందరితో గొడవపడుతూ రౌడీలా మారిపోతాడు. మూడేళ్లు గడిచిపోతాయి. కృష్ణ గ్యాంగ్‌ ఫైనల్‌ ఇయర్‌కు వస్తుంది. కృష్ణ హీరోయిజం చూసి జూనియర్‌ సత్య (సంయుక్త హెగ్డే) కృష్ణను ఇష్టపడుతుంది. ఎలాగైన కృష్ణను మామూలు మనిషిగా మార్చాలని, జీవితంలోని కొన్ని చేదు జ్ఞాపకాలను మర్చిపోయి ముందుకు సాగాలని గుర్తు చేయాలనుకుంటుంది. మరి సత్య ప్రయత్నం ఫలించిందా..? కృష్ణ మీరాను మర్చిపోయి సత్యకు దగ్గరయ్యాడా..? ఈ కాలేజ్‌ లైఫ్‌ కృష్ణకు ఎలాంటి అనుభవాలను ఇచ్చింది..? అన్నదే మిగతా కథ. నటీనటులు : కృష్ణ పాత్రలో నిఖిల్ మంచి నటన కనబరిచాడు. స్టూడెంట్‌ గా తనకు అలవాటైన ఎనర్జిటిక్‌ పర్ఫామెన్స్‌ తో మెప్పించటంతో పాటు సెకండ్‌ హాఫ్‌లో మెచ్యూర్డ్‌ గా కనిపించి ఆకట్టుకున్నాడు. లుక్‌ విషయంలోనూ మంచి వేరియేషన్‌ చూపించాడు. ఇంటర్వెల్‌ బ్యాంగ్‌తో పాటు క్లైమాక్స్‌లో వచ్చే ఎమోషనల్‌ సీన్స్‌ లో నిఖిల్ నటన చాలా బాగుంది. సినిమా సినిమాకు మంచి పరిణతి కనబరుస్తున్నాడు నిఖిల్‌. ఫస్ట్‌హాఫ్ లో హీరోయిన్‌ గా కనిపించిన సిమ్రాన్‌ హుందాగా కనిపించింది. సెటిల్డ్‌ పర్ఫామెన్స్‌తో ఆకట్టుకుంది. (సాక్షి రివ్యూస్‌)మరో హీరోయిన్‌ సంయుక్త హెగ్డే బబ్లీ గర్ల్ గా కనిపించి సెంకడ్‌హాఫ్‌ లో జోష్ నింపే ప్రయత్నం చేసింది. బ్రహ్మాజీది చిన్న పాత్రే అయినా ఉన్నంతలో మంచి కామెడీ పండించాడు. ఫ్రెండ్స్ పాత్రలో కనిపించిన నటీనటులు తమ పాత్రలకు తగ్గట్టుగా నటించి మెప్పించారు. విశ్లేషణ : తెలుగులో ఈ తరహా కథలు చాలా కాలం క్రితమే వచ్చాయి. హ్యాపిడేస్‌ లాంటి సినిమాలు సంచలనాలు సృష్టించాయి. మరోసారి అదే తరహా కాలేజ్‌ డేస్‌ను గుర్తు చేసే ప్రయత్నం చేశాడు దర్శకుడు శరన్‌. అయితే ఎక్కడా కొత్తదనం కనిపించకపోవటం నిరాశపరుస్తుంది. అక్కడక్కడ కథనంలో మెరుపులు కనిపించినా.. గతంలో తెలుగు తెర మీద వచ్చిన చాలా కాలేజ్‌ సినిమాల ఛాయలు కనిపిస్తాయి. కన్నడ ప్రేక్షకులకు ఈ తరహా కథలు కొత్త అయినా తెలుగు ప్రేక్షకులకు మాత్రం రొటీన్‌ ఫార్ములా సినిమాలాగే అనిపిస్తుంది. క్లైమాక్స్‌లో వచ్చే ఎమోషనల్‌ సీన్స్‌ బాగున్నా, కథనం నెమ్మదిగా సాగటం ఇబ్బంది పెడుతుంది. (సాక్షి రివ్యూస్‌)ఇలాంటి రొటీన్‌ కథను చెప్పటడానికి 2 గంటల 45 నిమిషాల సమయం తీసుకున‍్న దర్శకుడు ప్రేక్షకుల సహనాన్ని పరీక్షించాడు. ఒరిజినల్‌ వర్షన్ కు సంగీత మందిచిన అజనీష్ తెలుగు వర్షన్‌కు కూడా మంచి సంగీతాన్ని అందించాడు. పాటలు అలరిస్తాయి. నేపథ్య సంగీతం కూడా బాగుంది. ఎడిటింగ్‌ విషయంలో ఇంకాస్త దృష్టి పెట్టాల్సింది. సినిమాటోగ్రఫి, నిర్మాణ విలువలు సినిమా స్థాయికి తగ్గట్టుగా ఉన్నాయి. ప్లస్ పాయింట్స్ : నిఖిల్‌ నటన సంగీతం మైనస్ పాయింట్స్ : సినిమా నిడివి - సతీష్ రెడ్డి జడ్డా, ఇంటర్నెట్ డెస్క్

నిఖిల్‌ సిద్ధార్థ్‌ హీరోగా శరణ్‌ కొప్పిశెట్టి దర్శకత్వంలో ఏకే ఎంటర్‌టైన్మెంట్స్‌ పతాకంపై ఏటీవీ సమర్పణలో రామబ్రహ్మం సుంకర నిర్మించిన చిత్రం ‘కిరాక్‌ పార్టీ’. సిమ్రాన్, సంయుక్తా హెగ్డే కథానాయికలు. ఈ సినిమా ప్రీ–రిలీజ్‌ ఫంక్షన్‌లో థియేట్రికల్‌ ట్రైలర్‌ను తెలంగాణ బీజేపీ శాసనసభ పక్షనేత జి. కిషన్‌రెడ్డి విడుదల చేశారు. ఈ సినిమాను శుక్రవారం విడుదల చేయనున్నారు. కిషన్‌రెడ్డి మాట్లాడుతూ– ‘‘నిఖిల్‌ ఎనర్జిటిక్‌ హీరో. సినిమా ఎంత కిరాక్‌గా ఉన్నా కూడా మంచి మెసేజ్‌ ఉంటుందని భావిస్తున్నా. దర్శకుడికి మంచి పేరు, నిర్మాతలకు మంచి లాభాలు రావాలని కోరుకుంటున్నాను’’ అన్నారు. ‘‘కార్తీకేయ’ సినిమాకు శరణ్‌ నాతో వర్క్‌ చేశాడు. ఇప్పుడు తన డైరెక్షన్‌లో నేను వర్క్‌ చేశాను. మేమిద్దరం కలిసి చేసిన చిత్రమిది’’ అన్నారు దర్శకుడు చందు మొండేటి. ‘‘ఈ సినిమా చూసిన వారందరూ... సినిమాతో ప్రేమలో పడిపోతారు. కాలేజీ రోజులు గుర్తుకు వస్తాయి. కిషోర్‌గారు ప్రొడక్షన్‌లో సహకారం అందించారు’’ అన్నారు నిర్మాత అనిల్‌ సుంకర. ‘‘హ్యాపీడేస్‌ ఎన్ని రోజులు ఆడిందో.. అంతకంటే ఎక్కువ రోజులు ‘కిరాక్‌ పార్టీ’ ఆడుతుంది’’ అన్నారు నాగశౌర్య. ‘‘మహిళలకు గౌరవం ఇవ్వాలనే కాన్సెప్ట్‌తో ఈ సినిమా చేశాం. అనిల్‌గారు, కిషోర్‌గారి వల్లే ఈ సినిమా స్టారై్టంది. సుధీర్‌వర్మ మంచి డైలాగ్స్‌ అందించారు. చందు బౌండెడ్‌ స్క్రిప్ట్‌ను రెడీ చేశాడు. చరణ్‌ అద్భుతంగా  తీశాడు’’ అన్నారు నిఖిల్‌. ‘‘టీమ్‌ అంతా కష్టపడి చేసిన సినిమా ఇది’’ అన్నారు శరణ్‌.

నా 15వ సినిమా. సినిమాకు పది రోజుల ముందు నుంచి నా ఫస్ట్‌ సినిమా, 15 సినిమా అనే డిఫరెన్స్‌ తెలీదు. హ్యాపీడేస్‌ అప్పుడు ఎలా నెర్వస్‌గా ఉన్నానో ఇప్పుడు అలానే ఉన్నాను. రిలీజ్‌ ఫీవర్‌ స్టార్ట్‌ అయింది’’ అన్నారు హీరో నిఖిల్‌.  శరణ్‌ కొప్పిశెట్టి  దర్శకత్వంలో నిఖిల్‌ సిద్దార్ధ్‌ హీరోగా సిమ్రాన్, సంయుక్తా హెగ్డే హీరోయిన్లుగా రూపొందిన చిత్రం ‘కిరాక్‌ పార్టీ’. ఏకే ఎంటర్‌టైన్‌మెంట్‌ బ్యానర్‌ పై రామ బ్రహ్మం సుంకర నిర్మించిన ఈ సినిమా మార్చి16న విడుదల కానుంది. ఈ సందర్భంగా హీరో నిఖిల్‌ పాత్రికేయులతో పలు విశేషాలు పంచుకున్నారు. ► కొన్ని సినిమాలు మనకు స్పెషల్‌గా ఉండిపోతాయి. ‘హ్యాపిడేస్, యువత, కార్తికేయ’ ఇప్పుడు ఈ సినిమా. మిగతా సినిమాలు హిట్స్‌ అయినా కూడా కొన్ని క్యారెక్టర్స్‌ను బాగా లవ్‌ చేస్తాం. ఇది నా ఫెవరెట్‌ రోల్‌. నేను కాలేజ్‌ మూవీ చేసి ఆల్మోస్ట్‌ 11ఇయర్స్‌ అయిపోతోంది. ► ఒక ఇంజినీరింగ్‌ స్టూడెంట్‌ నుంచి స్టూడెంట్‌ లీడర్‌ ఎలా అయ్యాడు అనేది కథాంశం. నేను చేసిన అన్నింట్లో  పెర్ఫార్మన్స్‌ చేయడానికి ఎక్కువ స్కోప్‌ ఇచ్చింది. షూటింగ్‌ అప్పుడు కూడా అందరి కంటే ముందే సెట్‌కి వెళ్లిపోయేవాణ్ణి. ఈ క్యారెక్టర్‌ చాలా ఇష్టపడి చేశాను. ► ఈ సినిమా చేస్తుప్పుడు ‘హ్యాపీడేస్‌’ ఫీల్‌ వచ్చింది. ‘హ్యాపీడేస్‌’ తర్వాత ఫుల్‌ లెంగ్త్‌ కాలేజ్‌ ఫిల్మ్‌ రాలేదు. స్టార్ట్‌ టూ ఎండ్‌ వరకు కాలేజ్‌లోనే ఈ సినిమా నడుస్తుంది. అమ్మాయిల గురించి తెలుసుకోకుండా తప్పుగా మాట్లాడకూడదు ఒకవేళ అలా మాట్లాడితే ఆ అమ్మాయి ఎంత సఫర్‌ అవుతుందనే సెన్సిటీవ్‌ టాఫిక్‌ సినిమాలో ఉంటుంది. ► నా కాలేజ్‌ లైఫ్‌లో రెండు మూడు సార్లు గొడవలు అయ్యాయి. పోలీస్‌ స్టేషన్‌ దాకా వెళ్లింది. స్టూడెంట్స్‌ అని వదిలేశారు. అలాంటి మెమొరీస్‌ అన్నీ గుర్తొచ్చాయి. నేను, మా డైరెక్టర్, చందూ మెండేటి, సుధీర్‌ వర్మ, నిర్మాతలు అందరూ ఇంజినీర్సే. ► కన్నడ ‘కిర్రిక్‌ పార్టీ’ లాంటి క్యూట్‌ సినిమా మన తెలుగు ఆడియన్స్‌ మిస్‌ కావద్దని రిమేక్‌ చేశాం. ఈ సినిమాలో మార్చనవి రెండే రెండు. ఒకటి హీరోయిన్‌ సంయుక్త హెగ్డే, రెండు మ్యూజిక్‌. సంయుక్త బెస్ట్‌ డ్యాన్సర్, ఫుల్‌ ఎనర్జిటిక్‌. సో ఆమెను రీప్లేస్‌ చేయదలుచుకోలేదు. అలాగే ఇదొక మ్యూజికల్‌ ఫిల్మ్‌. అంజనీష్‌ లోకనాథ్‌ మంచి మ్యూజిక్‌ ఇచ్చాడు. ► అనిల్‌ సుంకరగారు ఈ సినిమా డైరెక్షన్‌లో అస్సలు ఇన్వాల్వ్‌ అవ్వలేదు. కొబ్బరికాయ కొట్టిన రోజు, మధ్యలో ఏదో ఒకసారి వచ్చారు అంతే. చందూ మొండేటి (డైలాగ్స్‌), సుధీర్‌ వర్మ (స్క్రీన్‌ ప్లే)లతో శరణ్‌ వర్క్‌ చేశాడు. వాళ్లిద్దరూ నాకు బెస్ట్‌ ఫ్రెండ్స్‌. అలా వాళ్లు ఈ ప్రాజెక్ట్‌లోకి వచ్చారు. ► తమిళ ‘కణిదన్‌’ రీమేక్, కార్తికేయ సీక్వెల్‌లో నటిస్తున్నాను.

సాక్షి, హైదరాబాద్‌ : ఇంటర్నెట్‌ వినియోగం పెరిగిపోతున్న కొద్దీ సైబర్‌ నేరాలు పెరిగిపోతున్నాయి. వాటిని ఛేదించటం పోలీస్‌ శాఖకు అంతే కష్టతరంగా మారింది. అందుకే అప్రమత్తంగా ఉండాలంటూ ప్రజల్లో అవగాహన పెంపొందించేందుకు హైదరాబాద్‌ పోలీస్‌ శాఖ నడుం బిగించింది. సెలబ్రిటీలతో చెప్పిస్తే ఆ ఇంపాక్ట్‌ ఎక్కువగా ఉండే అవకాశం ఉందన్న ఆలోచనతో ఐదు షార్ట్‌ ఫిల్మ్‌లను విడుదల చేసింది.  దర్శకధీరుడు ఎస్‌ ఎస్‌ రాజమౌళి, హీరోలు ఎన్టీఆర్‌, విజయదేవర కొండలతో లఘు చిత్రాల ద్వారా ప్రచారం ప్రారంభించింది. మ్యాట్రీమోనియల్‌ మోసాలపై తీసిన లఘు చిత్రానికి విజయ్‌, అపరిచితులతో ఆన్‌ లైన్‌ ఛాటింగ్.. వ్యక్తిగత విషయాల విషయంలో అప్రమత్తంగా ఉండాలంటూ ఎన్టీఆర్‌తో సందేశం ఇప్పించింది పోలీస్‌ శాఖ. ఇక ఆన్‌ లైన్‌ జాబ్‌ల పేరిట మోసం చేసే వారి విషయంలో జాగ్రత్తగా ఉండండంటూ రాజమౌళి ద్వారా మెసేజ్‌ చెప్పించారు.  వీటితోపాటు మల్టీ లెవల్ మార్కెటింగ్ మోసాలకు సంబంధించిన అంశాలపై యువ హీరో నిఖిల్‌ సిద్ధార్థ్ తో ఓ లఘు చిత్రం.. మరో లఘు చిత్రాలను కూడా విడుదల చేశారు. ప్రసాద్‌ ఫిల్మ్‌ లాబ్స్‌ లో సోమవారం సాయంత్రం జరిగిన ఈ కార్యక్రమంలో హైదరాబాద్‌ కమిషనర్‌ ఆఫ్‌ పోలీస్‌ వీవీ శ్రీనివాస రావు, అడిషనల్‌ కమిషనర్‌ ఆఫ్‌ పోలీస్‌(క్రైమ్‌ విభాగం) స్వాతి లక్రా,  నిర్మాత దిల్‌ రాజు, నటి సుప్రియ తదితరులు పాల్గొన్నారు. వీటిని థియేటర్లలో ప్రదర్శించనున్నారు.

ఆంధ్రప్రదేశ్‌కు ప్రత్యేక హోదా కావాలంటూ గళం విప్పిన యంగ్ హీరో నిఖిల్ మరో ఆసక్తికరమైన ట్వీట్ చేశాడు. ఆంధ్రప్రదేశ్‌లో పలు ప్రాంతాల్లో షూటింగ్ చేస్తున్న సందర్భంలో అక్కడి ప్రజలు ఆకాంక్ష తెలుసుకున్నానని, రాష్ట్రం అభివృద్ధి చెందాలంటే ప్రత్యేక హోదా అవసరమని నిఖిల్ ట్వీట్ చేసిన సంగతి తెలిసింది. నిఖిల్ ట్వీట్‌కు పెద్ద ఎత్తున స‍్పందన వచ్చింది. వేలాదిగా రీ ట్వీట్లు, లైకులు, కామెంట్లు రావటంతో నిఖిల్ ఈ విషయంపై మరోసారి స్పందించారు. ‘ఆంధ్రప్రదేశ్‌కు ప్రత్యేక హోదా కావాలంటూ నాకు ట్వీట్‌ చేస్తున్న వారందరికీ నా రిక్వెస్ట్. ఎవరూ హింసాత్మక నిరసనలను ప్రోత్సహించవద్దు. ఇప్పుడు ధర్నాలు చేయాల్సిన అవసరం కూడా లేదు. మన చేతిలో బలమైన ఆయుధం ఉంది. 2019 ఇంకెంతో దూరంలో లేదు. అధికారంలో ఉన్నవారు ఈ విషయం గుర్తించాలి’ అంటూ ట్వీట్ చేశారు నిఖిల్. ప్రముఖ దర్శకుడు మలినేని గోపిచంద్ కూడా ఏపీకి ప్రత్యేక హోదా కావాలంటూ ట్వీట్ చేశారు. ‘కొత్తగా ఏర్పడిన ఆంధ్రప్రదేశ్ రాష్ట్రానికి జీవం పోయటం కేంద్ర ప్రభుత్వ కనీస ధర్మం’ అంటూ ట్వీట్ చేశారు గోపిచంద్‌. స్టార్ రైటర్‌ కోన వెంకట్‌ ‘మీ మాట నిలబెట్టుకొమ్మని మాత్రమే కోరుతున్నామం’టూ ట్వీట్ చేశారు. My Request to everyone who has been tweeting to me about #APDemandsSpecialStatus 👉 Never ever encourage violent protests.. Don't have to resort to any dharnas because.. We have a more powerful Weapon in our hand.. 2019 is not very far away friends. Ppl in power plz realise that — Nikhil Siddhartha (@actor_Nikhil) 5 February 2018 It’s a minimum responsibility to the central government to give life to new state of Ap ..#APDemandsSpecialStatus — Gopichand Malineni (@megopichand) 5 February 2018 Need of the hour... All that we ask is, keep up ur promises.. @narendramodi @ncbn @MVenkaiahNaidu .. #APDemandsSpecialStatus — kona venkat (@konavenkat99) 5 February 2018

‘కృష్ణుడొచ్చాడురా... ఇక కురుక్షేత్రమే’  అంటున్నాడు హీరో నిఖిల్‌. ఆయన హీరోగా నటించిన తాజా సినిమా ‘కిరాక్‌ పార్టీ’.  కాలేజీ రాజకీయాలు నేపథ్యంగా తెరకెక్కిన ఈ సినిమా క‌న్నడంలో ఘ‌న‌విజ‌యం సాధించిన 'కిరిక్ పార్టీ'కి రీమేక్‌. నిఖిల్‌, సంయుక్తా హెగ్డే, సిమ్రన్‌ ప‌రీంజా హీరోహీరోయిన్లుగా న‌టిస్తున్న ఈ చిత్రం టీజింగ్‌ ట్రైలర్‌ను బుధవారం విడుదల చేశారు.  నిమిషం నిడిడి ఉన్న ఈ ట్రైలర్‌.. ప్రేక్షకులకు మరోసారి కాలేజీ రోజుల్లోని మధురానుభూతులను గుర్తుతెచ్చేలా ఉంది. శ‌ర‌ణ్ కొప్పిశెట్టి ద‌ర్శక‌త్వంలో తెరకెక్కిన ఈ సినిమాలో జాలీగా, అల్లరిచిల్లరిగా కాలేజీ జీవితాన్ని ఎంజాయ్‌ చేసే విద్యార్థిగా, మాస్‌ లుక్‌ కలిగిన స్టూడెంట్ లీడర్‌గా విభిన్నమైన షేడ్స్‌ ఉన్న పాత్రను నిఖిల్‌ పోషిస్తున్నట్టు కనిపిస్తోంది.

సాక్షి, హైదరాబాద్‌: అమెరికాలోని లాస్‌ వేగాస్‌లో సంగీత విభావరిలో కాల్పులు చోటుచేసుకోవడం తీవ్ర కలకలం రేపింది. సంగీత విభావరిలో పాల్గొన్నవారు లక్ష్యంగా సాయుధుడు జరిపిన కాల్పుల్లో ఇద్దరు మృతిచెందారు. దాదాపు 24 మందికి గాయాలయ్యాయి. దేశీయ సంగీత ఉత్సవంలో ఆనందంగా తేలిపోతున్న ఆహూతులను ఈ ఘటన ఒక్కసారిగా దిగ్భ్రాంతికి గురిచేసింది. సాయుధుడి కాల్పుల మోతతో భయభ్రాంతులకు గురైన ప్రజలు ప్రాణాలు దక్కించుకునేందుకు ఒక్కసారిగా పరుగులు పెట్టారు. తీవ్ర భయోత్పాతాన్ని రేకెత్తించిన ఈ ఘటనపై టాలీవుడ్‌ యువహీరో నిఖిల్‌ సిద్ధార్థ్ ట్విట్టర్‌లో స్పందించాడు. 'ఓ మై గాడ్‌ లాస్‌ వేగాస్‌. ఆనందదాయకమైన నగరంలో ఇలా జరగడం భావ్యం కాదు. అమాయకులపై ఇలా కాల్పులకు తెగబడుతున్న రాక్షసులను అడ్డుకొని శిక్షించాలి' అని నిఖిల్‌ ట్వీట్‌ చేశాడు. 'వందలాది తుపాకీ గుళ్లు పేలాయి. లాస్‌ వేగాస్‌లోని ప్రతి ఒక్కరి కోసం ప్రార్థిస్తున్నాను' అని పేర్కొన్నాడు. Omg Las Vegas... u city of happiness.. This isn't fair... monsters who r shooting like this at innocent ppl need to be stopped nd punished https://t.co/fbx3E09qZd — Nikhil Siddhartha (@actor_Nikhil) 2 October 2017 Hundreds and hundreds of shots being fired.. Praying for everyone in Vegas tonight... https://t.co/bvRCk8oxON — Nikhil Siddhartha (@actor_Nikhil) 2 October 2017


 కొద్ది రోజులు యంగ్ హీరో నిఖిల్ పెళ్లి క్యాన్సిల్ అయినట్టుగా మీడియాలో వార్తలు వస్తున్నాయి. నిఖిల్ పెళ్లి తన బంధువుల అమ్మాయితో ఫిక్స్ అయినట్టుగా కొద్ది రోజుల క్రితం వార్తలు వచ్చాయి. అయితే ఆ సమయంలో నిఖిల్ తరుపున ఆ వార్తలు ఎవరూ ఖండించకపొవటంతో నిజమే అనుకున్నారు అంతా. అయితే తాజాగా జాతకాలు కలవని కారణంగా పెళ్లి క్యాన్సిల్ అయ్యిందన్న వార్తలు తెర మీదకు వచ్చాయి.
 
 అయితే ఈ సారి స్పందించకపోతే పరిస్థితి చేయిదాటుతుందనుకున్నాడేమో, నిఖిల్ ఈ వార్తలపై స్పందించాడు. నిఖిల్ పెళ్లి గురించి వచ్చిన ఓ వార్తను తన సోషల్ మీడియా పేజ్ లో పోస్ట్ చేసిన నిఖిల్, అసలు పెళ్లి క్యాన్సిల్ అయినట్టుగా వచ్చిన వార్తలు నిజమో కాదో.. సూటిగా చెప్పకపోయినా.. ఈ వార్తలపై నేను స్పందించను అంటూనే.. నేను సింగిల్ గానే ఉన్నా.. త్వరలో చేయాల్సిన రెండు సినిమాల పనిలో బిజీగా ఉన్నా అంటూ కామెంట్ చేశాడు.
  
 
 Ok. I dint want 2 comment on this.. but just to clear the air. I AM SINGLE nd commited only to the 2 movies that I'm working on @HydTimes pic.twitter.com/tHF1AyEtMx
 — Nikhil Siddhartha (@actor_Nikhil) 1 September 2017


 ఈ ప్రపంచంలో సమాధానం దొరకని ప్రశ్న ఉండదని, ఒకవేళ సమాధానం దొరక్కపోతే లోపం ఆ ప్రశ్నది కాదని, ప్రయత్నానిది అని నమ్మే మనస్తత్వం ఆ కుర్రాడిది. ఈ నేపథ్యంలో అతనికి ఎలాంటి ప్రశ్నలు ఎదురవుతాయి? తద్వారా ఎలాంటి సంఘటనలు ఎదుర్కొంటాడు? అనే కథతో రూపొందుతున్న చిత్రం ‘కార్తికేయ’. 
  
 ‘స్వామి రారా’లాంటి విజయవంతమైన చిత్రం తర్వాత నిఖిల్, స్వాతి జంటగా నటిస్తున్న చిత్రం ఇది. మాగ్నస్ సినీ ప్రైమ్ పతాకంపై శిరువూరి రాజేష్‌వర్మ సమర్పణలో వెంకట్ శ్రీనివాస్ బొగ్గరం నిర్మిస్తున్నారు. చందు మొండేటి దర్శకుడు. ఇప్పటివరకు ఈ చిత్రానికి సంబంధించిన రెండు షెడ్యూల్స్ పూర్తయ్యాయి. ఈ సందర్భంగా నిర్మాత మాట్లాడుతూ - ‘‘థ్రిల్లర్‌తో కూడిన వినోదాత్మక చిత్రం ఇది. 
  
 ఇప్పటివరకు వచ్చిన నిఖిల్ సినిమాలన్నిటికన్నా అధిక బడ్జెట్‌తో రూపొందిస్తున్నాం. హీరో, హీరోయిన్లు వైద్య విద్యార్థులుగా కనిపిస్తారు. కీలక సన్నివేశాలతో పాటు రెండు పాటల చిత్రీకరణ పూర్తయ్యింది. డిసెంబర్‌లో చిత్రాన్ని విడుదల చేయాలనుకుంటున్నాం’’ అని చెప్పారు.