సాక్షి, హైదరాబాద్‌: నగర శివార్లలోని 20 పురపాలికలు, ఏడు నగరపాలక సంస్థలు జీహెచ్‌ఎంసీలో విలీనమవుతుండటంతో సదరు మున్సిపల్‌ కార్యాలయాలిక జీహెచ్‌ఎంసీ సర్కిల్‌ కార్యాలయాలుగా రూపాంతరం చెందనున్నాయి. అక్కడి పురపాలక కమిషనర్లు.. జీహెచ్‌ఎంసీ డిప్యూటీ కమిషనర్లుగా బాధ్యతలు నిర్వర్తించనున్నారు. సదరు కార్యాలయా లు జీహెచ్‌ఎంసీ పరిధిలోకి రానున్నాయి. ఆర్డినెన్స్, జీవోల ద్వారా ప్రభుత్వం విలీనం ప్రకటించగానే పురపాలికలు సర్కిళ్లుగా మారి దగ్గర్లోని సంబంధిత జోన్ల (కార్యాలయాల) పరిధిలోకి రానున్నాయి.ఆయా పుర/నగర పాలక సంస్థలు.. జీహెచ్‌ఎంసీ సర్కిళ్లుగా దిగువ జోన్ల పరిధిలోకి రానున్నాయి. ఎల్‌బీనగర్‌ జోన్‌: ఆదిబట్ల, మీర్‌పేట్, బడంగ్‌పేట, తుర్కయాంజాల్, పెద్దఅంబర్‌పేట్, పీర్జాదిగూడ, పోచారం, ఘట్‌కేసర్, బోడుప్పల్‌. (ప్రస్తుతమున్న సర్కిళ్లు: కాప్రా, ఉప్పల్, హయత్‌నగర్, ఎల్‌బీనగర్, సరూర్‌నగర్‌) సికింద్రాబాద్‌ జోన్‌: తూంకుంట, నాగారం, దమ్మాయిగూడ, జవహర్‌నగర్‌. (ప్రస్తుతమున్న సర్కిళ్లు: ముషీరాబాద్, అంబర్‌పేట్, మల్కాజిగిరి, సికింద్రాబాద్, బేగంపేట) కూకట్‌పల్లి జోన్‌: కొంపల్లి, గుండ్ల పోచంపల్లి, మేడ్చల్, దుండిగల్, నిజాంపేట్, బొల్లారం. (ప్రస్తుతమున్న సర్కిళ్లు: మూసాపేట్, కూకట్‌పల్లి, కుత్బుల్లాపూర్, గాజుల రామారం, అల్వాల్‌) చార్మినార్‌ జోన్‌: బండ్లగూడ జాగీర్, శంషాబాద్, జల్‌పల్లి, తుక్కుగూడ. (ప్రస్తుతమున్న సర్కిళ్లు: మలక్‌పేట్, సంతోష్‌నగర్, చాంద్రాయణగుట్ట, చారి్మనార్, ఫలక్‌నుమా, రాజేంద్రనగర్‌) శేరిలింగంపల్లి జోన్‌: అమీన్‌పూర్, తెల్లాపూర్,మణికొండ, నార్సింగి (ప్రస్తుతమున్న సర్కిళ్లు: యూసుఫ్‌గూడ, శేరిలింగంపల్లి, చందానగర్, పటాన్‌చెరు) ఆయా జోన్లపరిధిలో ప్రస్తుతమున్న సర్కిళ్ల సంఖ్య, విస్తీర్ణం వంటి వాటితోపాటు అంతిమంగా సదరు ప్రాంతాల్లో ఆయా పారీ్టల బలాబలాల వ ంటివి ప్రాధాన్యం వహించగలవని తెలుస్తోంది. విలీనానికి సంబంధించి గత నాలుగురోజులుగా కసరత్తు చేస్తున్న సీజీజీ, జీహెచ్‌ఎంసీ అధికారులు ఆయా సర్కిళ్లు, జోన్లు, వార్డుల మ్యాపుల పరిశీలనలు చేస్తున్నారు. సంబంధిత ఆర్డినెన్స్‌ను గవర్నర్‌ ఆమోదం కోసం పంపినట్లు తెలుస్తోంది. మణికొండ ఖైరతాబాద్‌ జోన్‌ పరిధిలోకి వచ్చే అవకాశమున్నా.. ఇప్పటికే ఖైరతాబాద్‌ జోన్‌ ఎంతో పెద్దిదిగా ఉంది. శేరిలింగంపల్లి జోన్‌లో ప్రస్తుతం తక్కువ సర్కిళ్లున్నాయి. (ఖైరతాబాద్‌ జోన్‌ పరిధిలోని ప్రస్తుత సర్కిళ్లు: మెహిదీపట్నం, కార్వాన్, గోషామహల్, ఖైరతాబాద్, జూబ్లీహిల్స్‌).

సాక్షి, అమరావతి: సమర్థమైన పాలన వ్యవస్థల ద్వారా గడచిన ఐదేళ్లలో ఆంధ్రప్రదేశ్‌లోని మున్సిపాలిటీలు సర్వతోముఖాభివృద్ధి దిశగా దూసుకెళ్లిందని ఆర్‌బీఐ అధ్యయన నివేదిక వెల్లడించింది. ఆర్థిక స్వయం ప్రతిపత్తి, పౌరసేవల్లో పారదర్శకత, జవాబుదారీతనం పెరిగిందని, కార్పొరేషన్ల బడ్జెట్‌లో రెవెన్యూ మిగులు సాధించాయని నివేదిక స్పష్టం చేసింది. 2019–2024 వరకు దేశంలోని రాష్ట్రాల్లో 232 మున్సిపల్‌ కార్పొరేషన్ల ఆరి్థక స్థితిగతులపై ఆర్‌బీఐ అధ్యయనం చేసి నివేదిక రూపంలో విడుదల చేసింది. 2023–24 ఆర్థిక ఏడాదిలో ఆంధ్రప్రదేశ్‌ మున్సిపల్‌ కార్పొరేషన్ల బడ్జెట్‌ మొత్తం వ్యయంలో 50 శాతానికిపైగా ఆస్తుల కల్పన (మూలధన)కు వ్యయం చేసినట్లు నివేదిక పేర్కొంది. అలాగే జార్ఖండ్, ఉత్తరప్రదేశ్, మహారాష్ట్ర, తమిళనాడు, బీహార్, తెలంగాణ రాష్ట్రాల్లో కూడా మున్సిపల్‌ కార్పొరేషన్ల బడ్జెట్ల మొత్తం వ్యయంలో ఆస్తుల కల్పన వ్యయం 50 శాతం కన్నా ఎక్కువగానే ఉందని నివేదిక వివరించింది. కేపిటల్‌ వాల్యూ విధానంలో పన్ను మార్కెట్‌ శాతం అంచనాతో ఆస్తి విలువను ప్రాథమికంగా నిర్ధారించడంతో పాటు ఏటా రాష్ట్ర ప్రభుత్వం నోటిఫై చేస్తోందని, ఈ వ్యవస్థ ఆంధ్రప్రదేశ్, జార్ఖండ్, కర్ణాటక, మహారాష్ట్ర, తెలంగాణల్లో అమలు చేస్తున్నారని తెలిపింది. అలాగే ఐదేళ్లు రాష్ట్ర మున్సిపల్‌ కార్పొరేషన్ల మూలధన రాబడులు, వ్యయం కూడా పెరిగిందని నివేదిక స్పష్టం చేసింది. రాష్ట్ర మున్సిపల్‌ కార్పొరేషన్లు ఆర్థికంగా స్వయంప్రతిపత్తి సాధించడంతో పట్టణ మౌలిక సదుపాయాలు బాగా పెరిగాయని తెలిపింది. ఆస్తి పన్నుల వసూళ్లలో గణనీయమైన పురోగతి సాధించిన రాష్ట్రాల మున్సిపల్‌ కార్పొరేషన్లలో ఆంధ్రప్రదేశ్‌ కూడా ఉంది. 2019–20 నుంచి 2023–24 మధ్య రెవెన్యూ వసూళ్లలో ఆస్తి పన్నుల వసూళ్లు పెరిగాయని నివేదిక పేర్కొంది. రాష్ట్ర మున్సిపల్‌ కార్పొరేషన్‌ బడ్జెట్‌ల్లో మూల ఆదాయాలను, పన్నేతర ఆదాయాలను గణనీయంగా పెంచుకున్నాయని, దీంతో నీటి సరఫరా సేవలు, పారిశుధ్యం, వ్యర్థాల నిర్వహణ అధిక నాణ్యతతో నిర్వహిస్తున్నాయని నివేదిక స్పష్టం చేసింది.

మునిసిపల్‌ కార్పొరేషన్‌ల వంటి వ్యవస్థలు తప్పులు జరిగాయని నిర్ధారణ జరిగినా అనేక రకాల కారణాలు చెబుతూ చర్యలు తీసుకోవడా నికి సాహసించడం లేదు. అదే కొత్తగా వచ్చిన ‘హైడ్రా’ చాలా వేగంగా పని పూర్తి చేస్తోంది. విచారణ, కోర్టుల పేరుతో కాలయాపన చేయకుండా చెరువులు, కుంటల పరి రక్షణకు; సామాన్యులకు న్యాయం చేసేందుకు ముందుకు సాగుతోంది. అందుకే ఇప్పుడు హైడ్రాలాంటి వ్యవస్థలు కావాలని ప్రతి జిల్లా, ప్రతి మునిసిపాలిటీ నుంచి డిమాండ్లు వస్తున్నాయి.రాష్ట్ర వ్యాప్తంగా ప్రతి జిల్లా కేంద్రం, ప్రతినగరం, ప్రతి పట్టణంలో చెరువులు కబ్జా చేసి, బఫర్‌ జోన్లలో నిర్మాణాలు చేపట్టిన ఘటనలు కోకొల్లలు. నీటిని మోసుకెళ్లే నాలాలను సైతం వదిలిపెట్టలేదు. చెరు వులు, నాలాలను పూడ్చివేసి బిల్డింగులు కట్టుకు న్నారు. దీంతో రాష్ట్ర వ్యాప్తంగా వందలాది చెరువులు నామరూపాల్లేకుండా మాయమయ్యాయి. వేలాది చెరువులు సగానికి పైగా కుంచించుకుపోయాయి. నాలాలు నీటిని తీసుకెళ్లలేని పరిస్థితులు నెలకొన్నాయి. దీంతో చిన్నపాటి వర్షాలు వచ్చినా కాలనీలకు కాల నీలే నీట మునుగుతున్నాయి. రోడ్లు చెరువులను తలపిస్తున్నాయి.తెలంగాణ మునిసిపాలిటీల చట్టం –2019ను రూపొందించిన అప్పటి ప్రభుత్వం... అందుకు అను గుణంగా ‘టీఎస్‌ బీపాస్‌’ అనే ప్రత్యేక వ్యవస్థను రూపొందించింది. భవన నిర్మాణ అనుమతుల కోసం ఆన్‌లైన్‌ అప్లికేషన్‌ వ్యవస్థను తీసుకువచ్చి ఈజీ చేసింది. అక్రమ నిర్మాణాలపై కూడా ఇందులో ఫిర్యాదు చేసే అవకాశమిచ్చింది. అయితే టీఎస్‌ నుంచి టీజీ బీపాస్‌గా మారిన ఈ వ్యవస్థ ప్రస్తుతం అనుమ తులు ఇవ్వడానికి మాత్రమే పరిమితమైంది. అక్రమ, నిబంధనలకు విరుద్ధమైన నిర్మాణాలపై ఎవరైనా టీజీ బీపాస్‌లో ఫిర్యాదు చేసినా పట్టించుకోవడంలేదు.టీజీ బీపాస్‌ ద్వారా ఆన్‌లైన్‌లో అనుమతులు పొందుతున్న చాలా మంది వాటికి భిన్నంగా నిర్మా ణాలు చేపడుతున్నారు. ఎలాంటి సెట్‌ బ్యాక్స్‌ వదల కుండా, ఎఫ్టీఎల్, బఫర్‌ జోన్లలోనూ నిర్మాణాలు చేస్తు న్నారు. గ్రౌండ్‌ ఫ్లోర్‌ మాత్రమే పర్మిషన్‌ తీసుకొని రెండు, మూడు అంతస్తులు నిర్మిస్తున్న వారు సైతం ఉన్నారు. రాష్ట్ర వ్యాప్తంగా అన్ని నగరాలు, పట్టణా ల్లోనూ ఇదే పరిస్థితి కనిపిస్తున్నది. టీజీ బీపాస్‌ అమలులో భాగంగా జిల్లా స్థాయిలో టాస్క్‌ఫోర్స్‌ బృందాలు, ఎన్ఫోర్స్‌మెంట్‌ స్క్వాడ్‌లను ఏర్పాటు చేశారు. ఇందులో రెవెన్యూ, పొలీస్, ఫైర్, ఆర్‌ అండ్‌ బీ అధికారులను భాగస్వాములను చేశారు. నేరుగా, పోర్టల్, కాల్‌సెంటర్లు, మొబైల్‌ యాప్‌ ద్వారా వచ్చే ఫిర్యాదులపై వీరు మూడు రోజుల్లో పరిశీలన జరపాలి. అక్రమమని తేలితే ఎలాంటి నోటీసు లేకుండా కూల్చివేయాలి. కూల్చివేతకు అయ్యే ఖర్చును కూడా వారి నుంచే వసూలు చేయాలి.అంతేకాకుండా స్థలం విలువలో 25 శాతం జరిమానా విధించవచ్చు. మూడేళ్ల జైలు శిక్షకు సైతం చర్యలు తీసుకునే నిబంధనలున్నాయి. నిర్మాణం/లే అవుట్‌ రిజిస్ట్రేషన్‌ కాకుండా డీటీఎఫ్సీలు, సబ్‌ రిజిస్ట్రార్లకు తెలియజేసి... అలాంటి స్థలాలను బ్లాక్‌ లిస్టులో పెట్టేలా ఫిర్యాదు చేయాలి. ప్రభుత్వ ఉత్తర్వుల్లో ఇది స్పష్టంగా ఉన్నా అమలుకు నోచుకోవడం లేదు.గత ప్రభుత్వం తీసుకువచ్చిన మునిసిపల్‌ యాక్ట్‌ –2019ను సక్రమంగా, కఠినంగా అమలు చేస్తే రాష్ట్రవ్యాప్తంగా సమస్యలు పరిష్కారమవుతాయి. అయితే కమిషనర్లు అందుకు సాహసించడం లేదు. ‘గట్స్‌’ ఉన్న ఒకరిద్దరు అధికారులు ఉన్న చోట అంతో ఇంతో చర్యలు కొనసాగుతున్నాయి. అందుకే రంగ నాథ్‌ లాంటి అధికారులతో కూడిన హైడ్రా లాంటి వ్యవస్థ ఉంటేనే చెరువులు పరిరక్షించొచ్చనీ, అక్రమ నిర్మాణాలను ఆపవచ్చనీ ప్రజల్లో అభిప్రాయం ఏర్ప డింది. ప్రభుత్వం ఆ డిమాండ్‌కు అనుగుణంగా హైడ్రా లాంటి వ్యవస్థలు ఏర్పాటు చేయడం మంచిదే. అయితే తాత్కాలిక ఉపశమన చర్యలకు బదులు పట్ట ణాలు, నగరాల్లో కీలకంగా వ్యవహరించే కమిషనర్లకు ప్రత్యేక శిక్షణ ఇచ్చి... ఇలాంటి చర్యలు ఎల్లప్పుడూ కొనసాగేలా చూడాలి. తప్పులను నిర్ధారించిన తర్వాత చర్యలు తీసుకోలేకపోతున్న కమిషనర్లపై ప్రభుత్వమే చర్యలు తీసుకోవాలి.– ఫిరోజ్‌ ఖాన్‌, వ్యాసకర్త, సీనియర్‌ ఫ్రీలాన్స్‌ జర్నలిస్ట్‌, మొబైల్‌: 96404 66464

సాక్షి, అమరావతి :  దేశంలో ఢిల్లీ, మహారాష్ట్రల్లోని మున్సిపల్‌ కార్పొరేషన్ల మినహా మిగతా రాష్ట్రాల్లోని కార్పొరేషన్ల రెవెన్యూ రాబడి చాలా తక్కువగా ఉందని రిజర్వ్‌ బ్యాంకు ఆఫ్‌ ఇండియా (ఆర్‌బీఐ) నివేదిక వెల్లడించింది. రాష్ట్ర స్థూల ఉత్పత్తిలో ఒక శాతం కూడా మిగతా రాష్ట్రాల కార్పొరేషన్ల రెవెన్యూ రాబడిలేదని పేర్కొంది. ఢిల్లీ మున్సిపల్‌ కార్పొరేషన్ల రెవెన్యూ రాబడి ఆ రాష్ట్ర స్థూల ఉత్పత్తిలో 2.75 శాతం ఉండగా మహారాష్ట్రలోని మున్సిపల్‌ కార్పొరేషన్ల రెవెన్యూ రాబడి ఆ రాష్ట్ర స్థూల ఉత్పత్తిలో 2.12 శాతం ఉందని తెలిపింది. దేశంలోని వివిధ రాష్ట్రాల మున్సిపల్‌ కార్పొరేషన్ల మొత్తం రెవెన్యూ రాబడులు, అందులో కార్పొరేషన్ల సొంత రాబడులు, వ్యయాలకు సంబంధించి ఆర్‌బీఐ అధ్యయనం చేసి నివేదిక విడుదల చేసింది. ఇందులో పేర్కొన్న ముఖ్యాంశాలు ఏమిటంటే..  పెరుగుతున్న పట్టణీకరణకు అనుగుణంగా పట్టణ ప్రజలకు కనీస మౌలిక సదుపాయాలు కల్పించడానికి కార్పొరేషన్లు సొంత రాబడులను పెంచుకోవడంతో పాటు వివిధ మార్గాల్లో నిధులను సమీకరించుకోవాలి.   దేశంలోని మున్సిపల్‌ కార్పొరేషన్ల సగటు ఆదాయాలతో పోలిస్తే ఆంధ్రప్రదేశ్‌లో చాలా తక్కువ రాబడి ఉంది.  దేశ జీడీపీలో కార్పొరేషన్ల సగటు రాబడి 0.72 శాతం ఉండగా ఆంధ్రప్రదేశ్‌లో అది రాష్ట్ర స్థూల ఉత్పత్తిలో 0.38 శాతమే ఉంది.  మహారాష్ట్ర, ఢిల్లీ, గుజరాత్‌ రాష్ట్రాల్లో మున్సిపల్‌ కార్పొరేషన్ల మొత్తం రెవెన్యూ రాబడులు, సొంత రెవెన్యూ రాబడులు అత్యధికంగా ఉండగా మిగతా రాష్ట్రాల్లోని మున్సిపల్‌ కార్పొరేషన్ల మొత్తం రెవెన్యూ రాబడులు, సొంత రెవెన్యూ రాబడులు అత్యంత తక్కువగా ఉన్నాయి.  ఆంధ్రప్రదేశ్‌లో 2018–19 ఆర్థిక ఏడాదిలో మున్సిపల్‌కార్పొరేషన్ల రెవెన్యూ రాబడులు ఎంత ఉన్నాయో 2019–20 ఆర్దిక ఏడాదిలో కూడా అంతే ఉన్నాయి.  ఏపీలో మున్సిపల్‌ కార్పొరేషన్ల సొంత రెవెన్యూ రాబడులు 2018–19 ఆర్థిక ఏడాదిలో రూ.2,906.83 కోట్లు ఉండగా.. రెవెన్యూ వ్యయం రూ.2,692.52 కోట్లు ఉంది.  అదే 2019–20లో ఏపీలో మున్సిపల్‌ కార్పొరేషన్ల సొంత రెవెన్యూ రాబడులు రూ.2,906.83 కోట్లు ఉండగా రెవెన్యూ వ్యయం రూ.2,954.08 కోట్లు ఉంది.  అలాగే, ఏపీలో మున్సిపల్‌ కార్పొరేషన్ల ఉద్యోగుల వేతనాలు, భత్యాలు, పెన్షన్ల వ్యయం 2018–19లో రూ.822.49 కోట్లు కాగా.. 2019–20లో రూ.878.83 కోట్లకు పెరిగింది.   ఏపీలో మున్సిపల్‌ కార్పొరేషన్ల ఆపరేషన్, నిర్వహణ వ్యయం 2018–19లో రూ.1,143.86 కోట్లు వ్యయం కాగా.. 2019–20లో రూ.1,254.16 కోట్లు.  ఏపీలో మున్సిపల్‌ కార్పొరేషన్లలో అడ్మినిస్ట్రేటివ్‌ వ్యయం 2018–19లో రూ.238.59 కోట్లు కాగా.. 2019–20లో రూ.247.75 కోట్లకు పెరిగింది.  ఏపీలో మున్సిపల్‌ కార్పొరేషన్లలో మూలధన వ్యయం 2018–19లో రూ.4,419.12 కోట్లు ఉండగా ఇది జీఎస్‌డీపీలో 0.51 శాతంగా ఉంది.  2019–20లో మూలధన వ్యయం రూ.5,788.75 కోట్లు ఉండగా ఇది జీఎస్‌డీపీలో 0.60 శాతంగా ఉంది.  

సాక్షి, అమరావతి: దేశవ్యాప్తంగా మునిసిపల్‌ కార్పొరేషన్ల సొంత ఆదాయం, సామర్థ్యం క్షీణిస్తోందని ఆర్బీఐ నివేదిక వెల్లడించింది. మునిసిపల్‌ కార్పొరేషన్ల ఆదాయ, వ్యయాలు దశాబ్ద కాలంలో దేశ జీడీపీలో ఒక్క శాతం వద్ద స్తబ్దుగా ఉన్నట్లు తెలిపింది. మెజారిటీ మునిసిపల్‌ కార్పొరేషన్ల బడ్జెట్‌ కాగితాలకే పరిమితమని, వాస్తవికతను ప్రతిబింబించడం లేదని పేర్కొంది. కేంద్రం, రాష్ట్ర ప్రభుత్వాలు విడుదల చేసే గ్రాంట్లపైనే మునిసిపల్‌ కార్పొరేషన్లు ఆధారపడుతున్నాయని, సొంత ఆదాయ మార్గాలు పెంచుకోవడంపై దృష్టి సారించాలని సూచించింది. దేశవ్యాప్తంగా మునిసిపల్‌ కార్పొరేషన్ల ఆర్థిక స్థితిగతులపై ఆర్బీఐ తొలిసారిగా అధ్యయన నివేదికను విడుదల చేసింది.   దక్షిణాఫ్రికా తరహాలో..  పెరుగుతున్న పట్టణ జనాభాకు తగినట్లుగా సేవల్లో నాణ్యత పెరిగేందుకు తక్షణం సొంత ఆదాయం పెంచుకోవాల్సిన అవసరం ఉందని నివేదిక స్పష్టం చేసింది. ఇందుకోసం దక్షిణాఫ్రికా తరహాలో సంస్కరణలు తేవాలని సూచించింది. బ్రెజిల్, రష్యన్‌ ఫెడరేషన్, చైనా, దక్షిణాఫ్రికాతో పోల్చి చూస్తే దేశంలో పట్టణ ప్రజలకు కనీస నీటి సరఫరా, పారిశుద్ధ్య సేవలు అందించడం చాలా తక్కువ శాతం ఉందని తెలిపింది. పెరుగుతున్న పట్టణ జనాభాకు మెరుగైన మౌలిక సదుపాయాలు, కనీస ప్రాథమిక సేవలందించేందుకు ఆస్తి పన్ను సంస్కరణలతో పాటు పాలనా సంస్కరణలు తేవాలని సూచించింది. ఆస్తి పన్ను మరింత సమర్థంగా వసూలు చేసే చర్యలు చేపట్టడంతోపాటు యూజర్‌ చార్జీలు, ప్రకటన పన్ను, పార్కింగ్‌ ఫీజు, ట్రేడ్‌ లైసెన్సుల జారీలో పటిష్ట విధానాలను అమలు చేయాలని పేర్కొంది. రహదారులు, సీవరేజ్, మంచినీటి సరఫరా తదితర మౌలిక సదుపాయాల కల్పనకు మునిసిపల్‌ బాండ్లను జారీ చేయాలని సూచించింది.   సీఆర్‌డీఏ బాండ్లతో అత్యధిక రుణం  దేశంలో తొలిసారిగా 1997లో బెంగళూరు మునిసిల్‌ కార్పొరేషన్, 1998లో అహ్మదాబాద్‌ మునిసిపల్‌ కార్పొరేషన్లు మున్సిపల్‌ బాండ్ల జారీ ద్వారా రుణాలను సేరించాయని, 2000 సంవత్సరం వరకు తొమ్మిది మునిసిపల్‌ కార్పొరేషన్లు బాండ్ల జారీ ద్వారా రూ.1200 కోట్ల వరకు సమీకరించినట్లు నివేదికలో ప్రస్తావించింది. జవహర్‌లాల్‌ నెహ్రూ నేషనల్‌ అర్బన్‌ రెన్యూవల్‌ మిషన్‌ ప్రారంభమయ్యాక 2005 నుంచి మున్సిపల్‌ బాండ్ల జారీ ఆకస్మాత్తుగా నిలిచిపోయిందని పేర్కొంది. తిరిగి 2017–2021 మధ్యలో తొమ్మిది మున్సిపల్‌ కార్పొరేషన్లు మున్సిపల్‌ బాండ్ల జారీ ద్వారా రూ.3840 కోట్లను సమీకరించినట్లు పేర్కొంది. ఇందులో అత్యధికంగా ఏపీ సీఆర్‌డీఏ బాండ్ల ద్వారా రూ.2000 కోట్లు రుణం తీసుకున్నాయి.   సొంత వనరులు పెంచుకునేలా..  ప్రైవేట్‌ భూ యజమానులపై భూమి విలువ పన్నులు, బెటర్‌మెంట్‌ లెవీ, డెవలప్‌మెంట్‌ చార్జీలు, ఖాళీ భూమి పన్ను మొదలైన మార్గాల ద్వారా సొంత ఆదాయ వనరులను పెంచుకోవాలని నివేదిక సూచించింది. మునిసిపల్‌ బాండ్ల జారీ ద్వారా సమీకరించిన నిధులను మూలధన వ్యయం కోసం ప్రత్యేకంగా వినియోగించాలని పేర్కొంది. బ్యాంకులు, ప్రైవేట్‌ సంస్థల ద్వారా మున్సిపాలిటీలకు రుణాల సేకరణకు తగిన చర్యలు తీసుకోవాలని తెలిపింది.  తలసరి అప్పుల్లో తెలంగాణ టాప్‌  దేశంలో మునిసిపల్‌ కార్పొరేషన్ల తలసరి రుణాల్లో తెలంగాణ రాష్ట్రం అగ్రస్థానంలో ఉంది. తలసరి అప్పు రూ.1750 ఉండగా బిహార్, మహారాష్ట్రలో రూ.600 ఉన్నట్లు నివేదిక తెలిపింది. ఆంధ్రప్రదేశ్, కేరళ, గుజరాత్‌ రాష్ట్రాల్లో మునిసిపల్‌ కార్పొరేషన్లలో తలసరి అప్పు రూ.400 చొప్పున ఉంది.   షరతుల బాండ్లతో అవరోధాలు  దేశంలో మునిసిపల్‌ బాండ్లకు అనేక షరతులతో అనుమతించడం అవరోధంగా ఉందని నివేదిక తెలిపింది. రాష్ట్ర ప్రభుత్వాల అనుమతితో బాండ్ల జారీకి అనుమతించినా ద్వితీయ మార్కెట్‌ లేకపోవడంతో కీలకమైన అడ్డంకిగా ఉందని పేర్కొంది. ఈ సెక్యూరిటీల కోసం మరింత విస్తృతమైన పెట్టుబడిదారుల వ్యవస్థ అవసరమని  సూచించింది. పట్టణాలు, నగరాల్లో మౌలిక సదుపాయాలకు డిమాండ్‌ పెరుగుతున్న నేపథ్యంలో మునిసిపల్‌ బాండ్ల ద్వారా స్థిరమైన వనరుల సమీకరణకు ప్రోత్సహించాలని తెలిపింది. ఆర్థిక పెట్టుబడికి అవసరమైన వాతావరణం, సమర్థ నియంత్రణ, పారదర్శకత, మెరుగైన పాలనకు చర్యలు తీసుకోవాలని, స్టాక్‌ ఎక్సే్చంజీలలో మునిసిపల్‌ బాండ్లు నమోదయ్యేలా ద్వితీయ మార్కెట్‌ను అభివృద్ధి చేయాలని పేర్కొంది.   బాండ్ల జారీతో రూ.37,600 కోట్లు  మునిసిపల్‌ పాలన మెరుగుపరచేందుకు దక్షిణాఫ్రికా రెండు దశాబ్దాలుగా పలు చర్యలు తీసుకుంది. మూడంచెల విధానంలో జనాభా ఆధారంగా షరతులు లేకుండా సమానంగా వనరుల పంపిణీ చేపడుతోంది. అక్కడ  97 మునిసిపాలిటీలు 4.7 బిలియన్‌ డాలర్లు (రూ.37,600  కోట్లు) బాండ్ల  జారీ ద్వారా నిధులను సమీకరించాయి. 

ముంబై: మునిసిపల్‌ కార్పొరేషన్లు (ఎంసీ) తమ ఆర్థిక వనరులను పెంచుకోవడానికి వినూత్న రీతిలో వివిధ బాండ్, ల్యాండ్‌ ఆధారిత ఫైనాన్సింగ్‌ యంత్రాంగాలను అన్వేషించాల్సిన అవసరం ఉంద ని రిజర్వ్‌ బ్యాంక్‌ ఆఫ్‌ ఇండియా (ఆర్‌బీఐ) నివేదిక పేర్కొంది. ఆస్తిపన్ను వసూళ్లు, ప్రభుత్వ ఉన్నత శ్రేణుల నుండి పన్నులు,  గ్రాంట్ల పంపిణీ మునిసిపల్‌ కార్పొరేషన్‌ల ఆదాయాలకు ప్రస్తుతం ప్రధా న వనరులు. ఈ నేపథ్యంలో ఫైనాన్షియల్‌ అంశాల కు సంబంధించి  ఎంసీలకు ఆర్థిక స్వయంప్రతిపత్తి కొరవడిందని ఈ అంశంపై విడుదల చేసిన నివేదిక పేర్కొంది. భారతదేశంలోని మునిసిపల్‌ బడ్జెట్‌ల పరిమాణం ఇతర దేశాల్లోని కార్పొరేషన్‌లతో పోల్చి తే  చాలా తక్కువగా ఉందని కూడా సూచించింది. అన్ని రాష్ట్రాల్లోని 201 ఎంసీల బడ్జెట్‌ డేటా సంకలనం, విశ్లేషణ ఆధారంగా ఈ నివేదిక రూపొందింది. ‘మునిసిపల్‌ కార్పొరేషన్‌ల కోసం ప్రత్యామ్నాయ వనరుల’ థీమ్‌గా ఈ నివేదిక రూపొందింది.  నివేదికలో మరికొన్ని అంశాలు పరిశీలిస్తే.. ► వివిధ ఆదాయాలు, వ్యయ అంశాలపై ఎంసీలు  సరైన పర్యవేక్షణ, డాక్యుమెంటేషన్‌తో మంచి, పారదర్శకమైన అకౌంటింగ్‌ పద్ధతులను అవలంబించాలి. తమ వనరులను పెంచుకోవడానికి విభిన్న వినూత్న బాండ్, భూమి ఆధారిత ఫైనాన్సింగ్‌ విధానాలను అన్వేషించాలి. ► తమ వనరుల లోటును పూడ్చుకోడానికి పలు ఎంసీలు బ్యాంకులు, ఫైనాన్షియల్‌ సంస్థలు, కేంద్ర, రాష్ట్ర ప్రభుత్వాల రుణాలపై ఆధారపడుతున్నాయి. మునిసిపల్‌ బాండ్ల వంటి పటిష్ట మార్కెట్‌ నుంచి నిధుల సమీకరణ పరిస్థితులు లేని లోటు ఇక్కడ కనిపిస్తోంది.   ► వ్యవస్థీకృత, పాలనా వ్యయాలు, వడ్డీ, ఫైనాన్స్‌ చార్టీల రూపంలో వ్యయాలు పెరుగుతున్నాయి.  మూలధన వ్యయం తక్కువగా ఉంటోంది.   ► 2017–18 ఆర్థిక సంవత్సరంలో ఎంసీల రెవెన్యూ వ్యయాలు–మూలధన వ్యయాల  నిష్పత్తి 2.4 శాతం. కేంద్రం విషయంలో 7.1 శాతం, రాష్ట్రాల విషయంలో 5.9 శాతంగా ఈ నిష్పత్తులు ఉన్నాయి. ► మునిసిపల్‌ కార్పొరేషన్ల పరిమాణం, జనాభా సాంద్రత, సొంత రాష్ట్ర ప్రభుత్వ వ్యయ స్వభావం వంటి వివిధ అంశాలు దేశంలోని మునిసిపల్‌ కార్పొరేషన్‌ల వ్యయాలను ప్రభావితం చేస్తున్నాయి.   ► 2017–18లో ఎంసీల రాబడి  (స్వంత పన్ను రాబడి, స్వంత పన్నుయేతర ఆదాయం, ప్రభుత్వాల నుంచి బదిలీ అయిన మొత్తం) జీడీపీలో 0.61 శాతంగా అంచనా. అయితే ఇది 2019–20లో కేవలం 0.72 శాతానికి ఎగసింది.   ► అధ్యయన కాలంలో ఎంసీల మొత్తం ఆదాయంలో  ఆస్తిపన్ను, నీటి పన్ను, టోల్‌ పన్ను, ఇతర స్థానిక పన్నులు 31–34% శ్రేణిలో ఉన్నాయి.   ► ఢిల్లీ, గుజరాత్, మహారాష్ట్ర, చండీగఢ్, ఛత్తీస్‌గఢ్‌లలోని ఎంసీలు దేశంలోని ఇతర ఎంసీలతో పోలిస్తే అధిక పన్నులను వసూళ్లు జరుపుతున్నాయి. ఈ విషయంలో రాష్ట్రాల మధ్య అధిక వ్యత్యాసం కనిపిస్తోంది.

న్యూఢిల్లీ: ఢిల్లీలోని మున్సిపల్‌​ కార్పొషన్‌ ఎన్నికలు ప్రకటించడానికి ఒక గంట ముందు ఎన్నికలను వాయిదా వేయాలంటూ బీజేపీ ఎన్నికల సంఘానికి లేఖ రాసిన సంగతి తెలిసిందే. దీంతో ఆప్‌ అధినేత ఢిల్లీ ముఖ్యమంత్రి అరవింద్‌ కేజ్రీవాల్‌ ఇలా ఎ‍ప్పుడూ జరగలేదంటూ తీవ్ర ఆగ్రహం వ్యక్తం చేశారు. పైగా ఆయన ఇది దేశ ప్రజాస్వామ్యానికి ముప్పు అని కూడా వ్యాఖ్యానించారు. అయినా గత ఏడేనిమిదేళ్లుగా అధికారంలో ఉన్న బీజేపీ అప్పడే ఎందుకు మూడు మున్సిపల్‌ కార్పొరేషన్లను విలీనం చేయలేదని ప్రశ్నించారు. ఈ నేపథ్యంలో అనూహ్యంగా కేంద్రం మంగళవారం మూడు మున్సిపల్‌ కార్పొరేషన్ల విలీన ప్రతిపాదన బిల్లును ఆమోదించిందని సంబంధిత వర్గాలు తెలిపాయి. అంతేగాదు వచ్చేవారం ఈ బిల్లును పార్లమెంట్‌లో ప్రవేశపెట్టే అవకాశం ఉందని పేర్కొంది. దీంతో ఇప్పటి వరకు ఉన్న తూర్పు ఢిల్లీ మున్సిపల్ కార్పొరేషన్, నార్త్ ఢిల్లీ మున్సిపల్ కార్పొరేషన్, దక్షిణ ఢిల్లీ మున్సిపల్ కార్పొరేషన్ అనే మూడు పౌర సంస్థలకు బదులుగా ఒకటి మాత్రమే ఉంటుంది. అయితే ఆప్‌ మాత్రం బీజేపీ మున్సిపల్‌ కార్పొరేషన్‌ ఎ‍న్నికల్లో ఓడిపోతామన్న భయంతోనే ఈ ఎత్తుగడ వేస్తోందంటూ ఆరోపణలు చేస్తోంది. కానీ ప్రభుత్వ వర్గాలు ప్రతి కార్పొరేషన్‌కి సంబంధించి ప్రాదేశిక విభజనలు, ఆదాయాన్ని ఇచ్చే సంభావ్యత పరంగా కార్పొరేషన్ త్రివిభజన అసమానంగా ఉన్నందున ఈ విలీన బిల్లు చాలా అవసరం అని నొక్కి చెప్పింది. అంతేగాక మున్సిపల్ కార్పొరేషన్లు ఆర్థిక ఇబ్బందులతో సతమతమవుతోందని, పైగా అవి ఉద్యోగులకు సకాలంలో జీతాలు,  పదవీ విరమణ ప్రయోజనాలను చెల్లించలేని స్థితిలో ఉండటం వల్లే  ఢిల్లీలోని పౌర సేవల నిర్వహణలో తీవ్రమైన ఆటంకాలు ఏర్పడుతున్నాయని వివరించింది. అయితే ఢిల్లీ మున్సిపల్ కార్పొరేషన్ సవరణ చట్టం, 1911 ప్రకారం 2011లో ఢిల్లీ మునిసిపల్ కార్పొరేషన్ మూడు మున్సిపల్ కార్పొరేషన్‌లుగా విభజించారు. కానీ ప్రస్తుతం చట్టంలోని సవరణలతో మూడు కార్పొరేషన్లను ఉపసంహరించి ఏకీకృత మున్సిపల్ కార్పొరేషన్ ఆఫ్ ఢిల్లీని ఏర్పాటు చేయనుందని అధికారిక వర్గాలు తెలిపాయి. (చదవండి: ట్విస్ట్‌ ఇచ్చిన అఖిలేష్‌.. ‘యోగితో ఇక తాడో పేడో తేల్చుకుంటా’)

సాక్షి, న్యూఢిల్లీ: దేశరాజధానిలో వాయు కాలుష్య సంక్షోభాన్ని పరిష్కరించడంలో అత్యవసర చర్యలు తీసుకోనందుకు, మున్సిపల్‌ కార్పొరేషన్లపై నెపం వేసేందుకు యత్నించినందుకు ఢిల్లీ ప్రభుత్వంపై సుప్రీంకోర్టు ఆగ్రహం వ్యక్తం చేసింది. కుంటి సాకులు చెబితే ఆదాయం, పాపులారిటీ స్లోగన్ల ఖర్చులపై ఆడిట్‌కు ఆదేశిస్తామని ఢిల్లీ ప్రభుత్వానికి స్పష్టం చేసింది. ఢిల్లీలో వాయు కాలుష్యానికి ప్రధాన కారణం రైతులు పంట వ్యర్థాలు దహనం చేయడం వల్ల కాదని నిర్ధారణకు వచ్చింది. ప్రతివాదుల అఫిడవిట్ల పరిశీలన తర్వాత వాయుకాలుష్యానికి నిర్మాణ కార్యకలాపాలు, పరిశ్రమలు, రవాణా, వాహనాల రాకపోకలతోపాటు అక్కడక్కడ పంట వ్యర్థాలు కాల్చడమనే నిర్ధారణకు వచ్చామని పేర్కొంది. ఎయిర్‌క్వాలిటీ మేనేజ్‌మెంట్‌ కమిషన్‌ నియంత్రణ నిర్ణయాలు తీసుకున్నప్పటికీ కారకాల నియంత్రణకు ఏయే చర్యలు తీసుకోబోతున్నారో కచ్చితంగా సూచించలేదని పేర్కొంది. రాజధాని ప్రాంతంలో కొంతకాలం వర్క్‌ఫ్రమ్‌ హోం అమలు చేయాలని కేంద్ర, రాష్ట్ర ప్రభుత్వాలను ఆదేశించింది. పంజాబ్, యూపీ, హరియాణా ప్రభుత్వ ప్రధాన కార్యదర్శులు మంగళవారం సమావేశం కావాలని ఆదేశిస్తూ తదుపరి విచారణను బుధవారానికి వాయిదా వేసింది. ఢిల్లీకి చెందిన విద్యార్థి ఆదిత్య దూబే దాఖలు చేసిన పిటిషన్‌ను సీజేఐ జస్టిస్‌ ఎన్‌వీ రమణ, జస్టిస్‌ డీవై చంద్రచూడ్, జస్టిస్‌ సూర్యకాంత్‌ల ధర్మాసనం సోమవారం అత్యవసర విచారణ చేపట్టింది. పిటిషనర్‌ తరఫు సీనియర్‌ న్యాయవాది వికాస్‌ సింగ్‌ వాదనలు వినిపిస్తూ.. పంట వ్యర్థాలు కాల్చడానికి సంబంధించి పంజాబ్‌లో ప్రభుత్వ ఆదేశాలు ఉన్నప్పటికీ ఎన్నికలను దృష్టిలో పెట్టుకొని ఎవరిపైనా కేసులు పెట్టడం లేదని పేర్కొన్నారు. భవన నిర్మాణాలను నిలుపుదల చేయలేదని తెలిపారు.   సొలిసిటర్‌ జనరల్‌ అందజేసిన నివేదిక కాలుష్య తీవ్రతను తగ్గించేందుకు ఢిల్లీ ప్రభుత్వం కొన్ని చర్యలు చేపడుతోందని సొలిసిటర్‌ జనరల్‌ తుషార్‌ మెహతా తెలిపారు. పార్కింగ్‌ రుసుము 4 రెట్లు పెంచాలని, బహిరంగంగా వ్యర్థాలు తగులబెట్టకుండా రెసిడెంట్‌ వెల్ఫేర్‌ అసోసియేషన్లు చర్యలు తీసుకోవాలని తెలిపారు. ఈ మేరకు  ఓ ప్రణాళిక రూపొందించి కోర్టుకు అందజేశారు. పంట వ్యర్థాల వల్ల వచ్చే కాలుష్యం ప్రధాన సమస్య కాదని అంగీకరిస్తున్నారా... ఢిల్లీకి రాకపోకలు మొత్తంగా నిషేధిస్తారా అని జస్టిస్‌ సూర్యకాంత్‌ ప్రశ్నించారు. పరిశ్రమలు, రవాణా, దుమ్ము కారణంగానే 75 శాతం వాయు కాలుష్యం వస్తోందని అఫిడవిట్‌లో పేర్కొన్నారని ఆ దిశగా నియంత్రణ ఆలోచించాలని జస్టిస్‌ డీవై చంద్రచూడ్‌ పేర్కొన్నారు. బుధవారానికల్లా ఏయే చర్యలు తీసుకున్నారో తెలపాలని సూచించారు.

సాక్షి, అమరావతి: ఆంధ్రప్రదేశ్ లో మార్చిలో ఎన్నికలు నిర్వహించిన 12 మునిసిపల్‌ కార్పొరేషన్లు, 75 మునిసిపాలిటీల్లో నేడు (శుక్రవారం) రెండో డిప్యూటీ మేయర్‌/వైస్‌ చైర్‌పర్సన్‌ ఎన్నికను నిర్వహించనున్నారు. నగరపాలక సంస్థల్లో రెండో డిప్యూటీ మేయర్, పురపాలక సంఘాల్లో రెండో వైస్‌ చైర్‌పర్సన్‌ పదవులకు అవకాశం కల్పిస్తూ ప్రభుత్వం కొన్ని నెలల కిందట నిర్ణయం తీసుకుంది. పట్టణ ప్రజలకు మరింత మెరుగైన సేవలందించేందుకు ఈ పదవులను సృష్టిస్తూ మునిసిపల్‌ చట్టాన్ని సవరించింది. ఆ మేరకు రెండో డిప్యూటీ మేయర్‌/వైస్‌ చైర్‌పర్సన్‌ ఎన్నిక నిర్వహించేందుకు శుక్రవారం మునిసిపల్‌ పాలకమండళ్లను ప్రత్యేకంగా సమావేశపరుస్తున్నారు.   

సాక్షి, హైదరాబాద్‌: వరంగల్, ఖమ్మం మున్సిపల్‌ కార్పొరేషన్ల మేయర్, డిప్యూటీ మేయర్‌ పదవులతో పాటు మరో 5 మున్సిపాలిటీల చైర్మన్, వైస్‌ చైర్మన్ల ఎన్నిక ఈ నెల 7న జరగనున్న విషయం తెలిసిందే. ఈ పదవులకు చాలా చోట్ల టీఆర్‌ఎస్‌లో అంతర్గతంగా బహుముఖ పోటీ ఉండటంతో ఏకాభిప్రాయ సాధనతో ఏకగ్రీవ ఎన్నిక జరగాలని పార్టీ అధినేత కేసీఆర్‌ భావిస్తున్నారు. ఇప్పటికే సంబంధిత జిల్లా మంత్రులు, స్థానిక ఎమ్మెల్యేల నుంచి అభిప్రాయాలు సేకరించి వరంగల్, ఖమ్మం కార్పొరేషన్ల మేయర్, డిప్యూటీ మేయర్‌ అభ్యర్థులను ఖరారు చేశారు. సిద్దిపేట, అచ్చంపేట, జడ్చర్ల, కొత్తూరు. నకిరేకల్‌ మున్సిపల్‌ చైర్మన్లు, వైస్‌ చైర్మన్ల జాబితాను కూడా సిద్ధం చేశారు. అయితే ఎన్నిక ప్రక్రియ సజావుగా జరిగేందుకు సీల్డ్‌ కవర్‌ ద్వారా వారి వివరాలు వెల్లడిం చాలని పార్టీ అధినేత కేసీఆర్‌ నిర్ణయించారు. ఈ పదవుల ఎన్నిక ప్రక్రియను పర్యవేక్షించేందుకు పార్టీ తరఫున పరిశీలకులను నియమించారు. వీరు పార్టీ అధినేత ఇచ్చే సీల్డ్‌ కవర్లను వెంట తీసుకుని గురువారం రాత్రికే తమకు కేటాయించిన కార్పొరేషన్‌ లేదా మున్సిపాలిటీకి చేరుకోవాలని కేసీఆర్‌ ఆదేశించారు.  చదవండి: (7న మేయర్, చైర్మన్ల ఎన్నికలు)

సాక్షి, అమరావతి: మున్సిపల్‌ కార్పొరేషన్లు, మున్సిపాలిటీల్లో ప్రభుత్వం చేపట్టనున్న స్మార్ట్‌టౌన్ల ప్రాజెక్టుకు పట్టణ ప్రజల నుంచి భారీ స్పందన లభిస్తోంది. అన్ని వసతులతో లేఅవుట్లు వేసి లాభాపేక్ష లేకుండా ప్లాట్లు విక్రయించే ఈ ప్రాజెక్టు పట్ల మధ్యతరగతి ప్రజలు సానుకూలంగా స్పందిస్తున్నారు. స్మార్ట్‌టౌన్ల ప్రాజెక్టుపై ప్రజల స్పందన తెలుసుకునేందుకు నిర్వహిస్తున్న డిమాండ్‌ సర్వేనే అందుకు నిదర్శనం. ఈ నెల 1 నుంచి 10 వరకు మున్సిపల్‌ కార్పొరేషన్లు, మున్సిపాలిటీల్లో నిర్వహించిన డిమాండ్‌ సర్వేలో ఏకంగా 2,32,369 ప్లాట్లకు ఆసక్తి కనబరచడం విశేషం. వార్డు సచివాలయాలు యూనిట్‌గా ఈ డిమాండ్‌ సర్వే నిర్వహించారు. ఒక కుటుంబం నుంచి ఒక దరఖాస్తు చొప్పున మాత్రమే సర్వేలో పాల్గొనేందుకు అవకాశం కల్పించారు. ఊహించిన దానికంటే అధికంగా డిమాండ్‌ స్మార్ట్‌టౌన్ల పట్ల రాష్ట్రంలో పట్టణ ప్రాంత ప్రజల నుంచి ఊహించిన దానికంటే భారీ డిమాండ్‌ వ్యక్తమవుతోంది. డిమాండ్‌ సర్వేకు చివరి రోజు అని ముందుగా ప్రకటించిన ఒక్క ఆదివారమే ఏకంగా 74 వేల ప్లాట్లకు ప్రజల నుంచి సుముఖత వ్యక్తం కావడం విశేషం.  ► ఒక్కోటి 150 చ.గజాల విస్తీర్ణం ఉండే 76,018 ప్లాట్ల కోసం ఆసక్తి వ్యక్తమైంది.  ► ఒక్కోటి 200 చ.గజాల విస్తీర్ణం ఉండే 77,247 పాట్ల కోసం సానుకూలత చూపారు. ► 240 చ.గజాల విస్తీర్ణం ఉండే 79,104 ప్లాట్ల కోసం ఆసక్తి చూపారు.  డిమాండ్‌ సర్వే పొడిగింపు వరుస సెలవులు రావడంతో డిమాండ్‌ సర్వేను పొడిగించాలని పలువురు పురపాలక శాఖను కోరారు. దీంతో సర్వేను ఈ నెల 20 వరకు పొడిగించినట్టు రాష్ట్ర పట్టణ ప్రణాళిక విభాగం డైరెక్టర్‌ వి.రాముడు తెలిపారు.  డిమాండ్‌ సర్వే అనంతరం తదుపరి కార్యాచరణ డిమాండ్‌ సర్వే పూర్తి చేశాక స్మార్ట్‌టౌన్ల ప్రాజెక్టుపై పురపాలక శాఖ తుది అంచనాకు వస్తుంది. దాని ప్రకారం భూసేకరణ నిర్వహిస్తారు. అనంతరం నోటిఫికేషన్‌ జారీ చేసి ప్లాట్ల కోసం దరఖాస్తులు స్వీకరిస్తారు. దరఖాస్తు చేసుకోవడానికి అర్హతలు, నిబంధనలు, ప్లాట్ల కేటాయింపు విధివిధానాలను ఆ నోటిఫికేషన్‌లో ప్రకటిస్తారు.  

సాక్షి, అమరావతి: రాష్ట్రంలో వివిధ కారణాలతో ఎన్నికలు నిర్వహించని మునిసిపల్‌ కార్పొరేషన్లు, మునిసిపాలిటీల్లో ఎన్నికల నిర్వహణ దిశగా పురపాలకశాఖ కార్యాచరణ చేపట్టింది. రాష్ట్రంలో మునిసిపల్‌ కార్పొరేషన్లు, మునిసిపాలిటీలు కలిపి మొత్తం 125 ఉండగా ఇటీవల 87 చోట్ల ఎన్నికలు జరిగాయి. కాకినాడ కార్పొరేషన్‌కు 2017లోనే ఎన్నికలు జరిగాయి. దీంతో శ్రీకాకుళం, రాజమహేంద్రవరం, నెల్లూరు కార్పొరేషన్లతోసహా 37 కార్పొరేషన్లు, మునిసిపాలిటీలకు ఎన్నికలు నిర్వహించాల్సి ఉంది. ఈ కార్పొరేషన్లు, మునిసిపాలిటీల్లో ఎన్నికల నిర్వహణకు సంబంధించి పెండింగ్‌ పనుల్ని వచ్చేనెల 15 నాటికి పూర్తిచేయాలని మున్సిపల్‌ కమిషనర్లను పురపాలకశాఖ ఆదేశించింది. ఓటర్ల జాబితాలను రూపొందించాలని, అవసరమైనచోట వార్డుల పునర్విభజన ప్రక్రియ పూర్తిచేయాలని సూచించింది. అవసరమైనచోట వార్డుల సంఖ్యను పెంచుతూ ప్రతిపాదనలను రూపొందించి, వాటిపై  ప్రజల నుంచి అభ్యంతరాలను స్వీకరించి పరిష్కరించమని ఆదేశించింది. సమీప గ్రామాలను విలీనం చేయడంపై ఉన్న వ్యాజ్యాలను త్వరగా పరిష్కరించాలని పురపాలకశాఖ యోచిస్తోంది. ఆ 37 కార్పొరేషన్లు, మునిసిపాలిటీల్లో ఎన్నికల నిర్వహణకు ప్రభుత్వం ఎప్పుడు నిర్ణయం తీసుకున్నా.. అందుకు సన్నద్ధమై ఉండాలని భావిస్తోంది.  

మైదుకూరు: వైఎస్సార్‌ జిల్లాలోని మైదుకూరు మున్సిపల్ ఛైర్మన్‌ స్థానాన్ని వైఎస్సార్‌సీపీ కైవసం చేసుకుంది. మైదుకూరు మున్సిపాలిటీలో 24 వార్డులుండ‌గా, టీడీపీ 12 వార్డుల్లో, వైసీపీ 11 వార్డుల్లో , జ‌న‌సేన ఒక చోట గెలుపొందాయి. దీంతో ఏ పార్టీకి కూడా మెజార్టీ ద‌క్క‌ని ప‌రిస్థితి ఏర్పడింది.  ఇద్ద‌రు ఎక్స్ అఫీషియో స‌భ్యుల‌తో క‌లుపుకుంటే వైసీపీ బ‌లం 13కి పెరిగింది. టీడీపీ, జ‌న‌సేన క‌లిస్తే సంఖ్యా బ‌లం 13గా ఉంది. కాగా, టీడీపీ ఆరో వార్డు స‌భ్యురాలు మ‌హ‌బూబ్‌బీతో పాటు జ‌న‌సేన స‌భ్యుడు బాబు గైర్హాజ‌రు కావడంతో టీడీపీ బ‌లం 11కి ప‌డిపోయింది. మ‌రోవైపు అధికార పార్టీ వైఎస్సార్‌సీపీ తమకున్న రెండు ఎక్స్‌ అఫీషియా ఓట్లతో బలాన్ని 13కి పెంచుకుని చైర్మ‌న్ పీఠాన్ని చేజిక్కించుకుంది. మైదుకూరు మున్సిపల్ ఛైర్మన్‌గా మాచనూరి చంద్ర, వైస్ ఛైర్మన్‌గా మహబూబ్ షరీఫ్ ఎన్నికయ్యారు. చదవండి: దేశ చరిత్రలోనే ఇది ఓ అరుదైన ఘట్టం: సజ్జల అక్రమాల పుట్ట ‘అమరావతి’

సాక్షి, అమరావతి: సామాజిక న్యాయానికి, మహిళా సాధికారతకు పెద్దపీట వేస్తూ వైఎస్సార్‌సీపీ ప్రభుత్వం సరికొత్త చరిత్రను లిఖించింది. ఎస్సీ, ఎస్టీ, బీసీ, మైనార్టీ వర్గాలు, మహిళలకు అధికారాన్ని అప్పగించడం ద్వారా వారి అభ్యున్నతి పట్ల ముఖ్యమంత్రి వైఎస్‌ జగన్‌మోహన్‌రెడ్డి తన చిత్తశుద్ధిని మరోసారి నిరూపించుకున్నారు. ఈ సారి పురపాలక అధ్యక్ష పదవుల్లో 60.46 శాతం మహిళలకే దక్కటం ఒక రికార్డేనని చెప్పాలి. అంతేకాదు!! చరిత్రలో తొలిసారిగా ఎస్సీ, ఎస్టీ, బీసీ, మైనార్టీ వర్గాలకు 78 శాతం పదవులు లభించాయి. దీంతోపాటు రాష్ట్రంలోని ప్రధాన నగరాలైన విజయవాడ, విశాఖ, తిరుపతి మునిసిపల్‌ కార్పొరేషన్ల మేయర్లుగా బీసీ వర్గానికి చెందిన ముగ్గురు మహిళలు ఎన్నిక కావడం ఊహలకు కూడా అందని పరిణామం. మహిళాభ్యున్నతిని చేతల్లో చూపించిన ముఖ్యమంత్రి జగన్‌... పార్టీ సాధించిన 11 కార్పొరేషన్లలో ఏకంగా ఏడింటి పగ్గాలు మహిళలకే అప్పగించారు. ఎలాంటి రాజకీయ నేపథ్యంలేని సామాన్య కుటుంబాల నుంచి వచ్చిన గృహిణులను పలువురిని ఈ పదవులు వరించటం ఒక మంచి మార్పుకు నాందిగానే పేర్కొనాలి. ఆయా వర్గాల రాజకీయ సాధికారతను చేతల్లో చూపించటం ద్వారా వైఎస్సార్‌ సీపీ ప్రభుత్వం అసలైన ప్రజాస్వామ్యానికి నిర్వచనం చెప్పింది. తన మంత్రివర్గంలో  60 శాతం పదవులను ఎస్సీ, ఎస్టీ, బీసీ, మైనార్టీ వర్గాలకు కేటాయించి జాతీయ స్థాయిలో సంచలనం సృష్టించిన ముఖ్యమంత్రి... నామినేటెడ్‌ పదవులు, నామినేటెడ్‌ పనుల్లో కూడా ఎస్సీ, ఎస్టీ, బీసీ, మైనార్టీ వర్గాలకు 50 శాతం కేటాయించేలా... అందులోనూ సగం మహిళలకే ఇవ్వాలని చట్టం చేశారు. తద్వారా సామాజిక న్యాయ సాధన దిశగా కొత్త ఒరవడి సృష్టించారు. ఇప్పుడు మేయర్లు, మునిసిపల్‌ చైర్‌ పర్సన్ల ఎంపికలోనూ అదే విధానాన్ని అనుసరించి తన నిబద్ధతను రుజువు చేసుకున్నారు.    చెప్పిన దానికి మించి...  11 మేయర్, 75 మునిసిపల్‌ చైర్‌పర్సన్‌ పదవులతో కలిపి మొత్తం 86కిగానూ చట్ట ప్రకారం ఎస్సీ, ఎస్టీ, బీసీ, మైనార్టీ వర్గాలకు 45 కేటాయించాల్సి ఉంది. కానీ వైఎస్సార్‌సీపీ ప్రభుత్వం ఏకంగా 67 పదవులను వారికి కేటాయించింది. బీసీ ‘ఇ’ కేటగిరీ కిందకు వచ్చే ముస్లిం మైనార్టీలతో సహా బీసీలకు కేటాయించాల్సిన వాటికంటే అత్యధికంగా ముఖ్యమంత్రి జగన్‌ పదవులు ఇవ్వటంపై సర్వత్రా హర్షాతిరేకాలు వ్యక్తమవుతున్నాయి. మొత్తం మీద 86 పదవుల్లో మైనార్టీలతో సహా బీసీలకు 30 పదవులు కేటాయించాల్సి ఉండగా 52 ఇవ్వడం ప్రాధాన్యం సంతరించుకుంది. దీంతో బీసీలకు కేటాయించాల్సిన పదవులకన్నా ఏకంగా 70.3 శాతం పదవులను అదనంగా ఇచ్చినట్లయింది.   మహిళలకే అగ్రస్థానం   ఇక మహిళలకు సంబంధించి తమది మాటలు చెప్పే ప్రభుత్వం కాదని... చేతల్లోనే చూపిస్తామని ముఖ్యమంత్రి మరోసారి నిరూపించారు. పదవుల్లో మహిళలకు అగ్రాసనం వేశారు. మేయర్లు, మున్సిపల్‌ చైర్‌పర్సన్లు కలిపి మొత్తం మీద 86 పదవుల్లో మహిళలకు 50 శాతం కేటాయించాలి. ఆ ప్రకారం 44 పదవులు కేటాయించాల్సి ఉండగా ముఖ్యమంత్రి ఏకంగా 52 మంది మహిళలకు పదవులు ఇచ్చారు. మహిళలకు 60.46 శాతం పదవులు ఇవ్వడం ప్రాధాన్యం సంతరించుకుంది. జనరల్, బీసీ జనరల్, ఎస్సీ జనరల్‌గా రిజర్వ్‌ అయిన స్థానాల్లో కూడా చాలా చోట్ల మహిళలకే అవకాశం కల్పించారు. 75 మున్సిపాలిటీల్లో 45 చోట్ల చైర్‌పర్సన్లుగా మహిళలకే పగ్గాలు అప్పగించారు.   అధికార పార్టీకే అన్నీ..  రాష్ట్రంలో ఇటీవల 12 కార్పొరేషన్లు, 75 మునిసిపాలిటీల్లో ఎన్నికలు జరగ్గా వాటిలో తాడిపత్రి మినహా 74 మున్సిపాలిటీలను వైఎస్సార్‌సీపీ గెలుచుకుంది. కోర్టు ఉత్తర్వుల కారణంగా ఏలూరు కార్పొరేషన్‌ ఎన్నికల ఫలితాలు వెల్లడించకపోగా... ఫలితాలు వెల్లడించిన 11 కార్పొరేషన్లలోనూ వైఎస్సార్‌ సీపీ జయకేతనం ఎగురవేసింది. వాటిలో పాలక వర్గాలు గురువారం కొలువుదీరాయి. కార్పొరేషన్లలో ఎన్నికైన కార్పొరేటర్లు, ముసిసిపాలిటీల్లో ఎన్నికైన కౌన్సిలర్లు తొలుత పదవీ స్వీకార ప్రమాణం చేశారు. అనంతరం కార్పొరేషన్లలో మేయర్లు, డిప్యూటీ మేయర్లు, మునిసిపాలిటీల్లో చైర్‌ పర్సన్లు, వైస్‌ చైర్‌ పర్సన్ల పదవులకు ఎన్నికలు నిర్వహించి గెలిచిన వారిచేత ప్రమాణం చేయించారు. అన్ని చోట్లా స్పష్టమైన మెజార్టీ ఉండటంలో మొత్తం 11 కార్పొరేషన్లలో మేయర్, డిప్యూటీ మేయర్‌ పదవులను వైఎస్సార్‌సీపీ గెలుచుకుంది. మున్సిపాలిటీలలో చైర్‌పర్సన్లు, వైస్‌ చైర్‌ పర్సన్‌ పదవులు కూడా అధికార పార్టీకే దక్కాయి. వైఎస్సార్‌సీపీకి పూర్తి మెజార్టీ ఉండటంతో నల్లేరుపై నడకలా విజయం సాధించింది. కాస్త ఆసక్తి రేపిన మైదుకూరు మున్సిపాలిటీని కూడా వైఎస్సార్‌సీపీయే గెలుచుకుంది. మైదుకూరులో వైఎస్సార్‌సీపీ 11 వార్డుల్లో, టీడీపీ 12 వార్డుల్లో గెలవగా జనసేన ఒక వార్డు దక్కించుకుంది. కాగా జనసేన నుంచి గెలిచిన ఏకైక కౌన్సిలర్‌తోపాటు టీడీపీ కౌన్సిలర్‌ ఒకరు మున్సిపల్‌ చైర్‌పర్సన్‌ ఎన్నికలో పాల్గొనలేదు. ఎక్స్‌ అఫిషియో సభ్యులైన ఎమ్మెల్యే, ఎంపీ ఓట్లు ఉండటంతో వైఎస్సార్‌సీపీ స్పష్టమైన మెజార్టీ సాధించి మున్సిపల్‌ చైర్‌పర్సన్, వైస్‌ చైర్మన్‌ పదవులను గెలుచుకుంది. అనంతపురం జిల్లా తాడిపత్రి మున్సిపాలిటీని మాత్రం టీడీపీ దక్కించుకుంది. ఇక్కడ వైఎస్సార్‌సీపీ 16 వార్డులను గెలవగా టీడీపీ 18 వార్డుల్లో గెలిచింది. సీపీఐ ఒక వార్డులోనూ, స్వతంత్ర సభ్యుడు ఒక వార్డులోనూ విజయం సాధించారు. ఎక్స్‌ అఫిషియో సభ్యులైన ఎంపీ, ఎమ్మెల్యే ఓట్లతో వైఎస్సార్‌సీపీ బలం 18కి  చేరింది. టీడీపీకి సీపీఐ కౌన్సిలర్‌తో పాటు ఇండిపెండెంట్‌ కౌన్సిలర్‌ కూడా మద్దతు ప్రకటించడంతో తాడిపత్రి మున్సిపాలిటీని ఆ పార్టీ గెలుచుకుంది.   సూళ్లూరుపేట, బొబ్బిలి, ఉయ్యూరులో నేడు..  సూళ్లూరుపేట మునిసిపల్‌ చైర్‌ పర్సన్, వైస్‌ చైర్‌ పర్సన్‌ ఎన్నికను గురువారం నిర్వహించలేదు. విజయనగరం జిల్లా బొబ్బిలి, కృష్ణా జిల్లా ఉయ్యూరు మునిసిపల్‌ వైస్‌ చైర్మన్ల ఎన్నికలు కోరం లేకపోవడంతో జరగలేదు. ఆ పదవులకు శుక్రవారం ఎన్నికలు నిర్వహిస్తారు.   మేయర్లు, డిప్యూటీ మేయర్లు.. ►ఒంగోలు మేయర్‌గా గంగాడి సుజాత ►ఒంగోలు డిప్యూటీ మేయర్‌గా వేమూరి సూర్యనారాయణ ►కడప మేయర్‌గా సురేష్‌బాబు ►కడప డిప్యూటీ మేయర్‌గా షేక్‌ ముంతాజ్‌ బేగం ►అనంతపురం మేయర్‌గా వసీమ్‌ సలీమ్‌ ►అనంతపురం డిప్యూటీ మేయర్‌గా వాసంతి సాహిత్య ►విజయనగరం మేయర్‌గా విజయలక్ష్మి ►విజయనగరం డిప్యూటీ మేయర్‌గా ముచ్చు నాగలక్ష్మి ►మచిలీపట్నం మేయర్‌గా మోకా వెంకటేశ్వరమ్మ ►తిరుపతి మేయర్‌గా డా.శిరీషా ఏకగ్రీవ ఎన్నిక ►విశాఖ మేయర్‌గా గొలగాని హరి వెంకటకుమారి ►విశాఖ డిప్యూటీ మేయర్‌గా జియ్యాని శ్రీధర్‌ ►చిత్తూరు మేయర్‌గా అముద ►చిత్తూరు డిప్యూటీ మేయర్‌గా చంద్రశేఖర్‌ ►గుంటూరు మేయర్‌గా కావటి మనోహర్‌నాయుడు ►గుంటూరు డిప్యూటీ మేయర్‌గా వనమా బాలవజ్ర బాబు ►విజయవాడ మేయర్‌గా భాగ్యలక్ష్మీ ►విజయవాడ డిప్యూటీ మేయర్‌గా బెల్లం దుర్గ ►కర్నూలు మేయర్‌గా బీవై రామయ్య మున్సిపల్‌ ఛైర్‌పర్సన్లు... అనంతపురం: ధర్మవరం ఛైర్‌పర్సన్‌గా నిర్మల గుత్తి ఛైర్‌పర్సన్‌గా వన్నూరుబీ గుంతకల్లు ఛైర్‌పర్సన్‌గా ఎన్‌.భవానీ హిందూపురం ఛైర్‌పర్సన్‌గా ఇంద్రజ కదిరి ఛైర్‌పర్సన్‌గా నజి మున్నీసా కల్యాణదుర్గం ఛైర్మన్‌గా రాజకుమార్‌ మడకశిర ఛైర్‌పర్సన్‌గా లక్షీనరసమ్మ పుట్టపర్తి ఛైర్మన్‌గా ఓబులపతి రాయదుర్గం ఛైర్‌పర్సన్‌గా శిల్ప తాడిపత్రి ఛైర్మన్‌గా జేసీ ప్రభాకర్‌రెడ్డి కర్నూలు: ఆదోని ఛైర్‌పర్సన్‌గా శాంత ♦ఆళ్లగడ్డ ఛైర్మన్‌గా రామలింగారెడ్డి ♦ఆత్మకూరు ఛైర్మన్‌గా ఆసియా ♦డోన్‌ ఛైర్మన్‌గా గంటా రాజేష్‌ ♦గూడూరు ఛైర్మన్‌గా వెంకటేశ్వర్లు ♦నందికొట్కూరు ఛైర్మన్‌గా సుధాకర్‌రెడ్డి ♦నంద్యాల ఛైర్‌పర్సన్‌గా షేక్‌ మబున్ని ♦ఎమ్మిగనూరు ఛైర్మన్‌గా శివన్న రఘు వైఎస్సార్‌ జిల్లా: బద్వేల్‌ ఛైర్మన్‌గా రాజగోపాల్‌రెడ్డి ♦జమ్మలమడుగు ఛైర్‌పర్సన్‌గా శివమ్మ ♦మైదుకూరు ఛైర్మన్‌గా చంద్ర ♦ప్రొద్దుటూరు ఛైర్‌పర్సన్‌గా లక్ష్మీదేవి ♦పులివెందుల ఛైర్మన్‌గా వరప్రసాద్‌ ♦రాయచోటి ఛైర్మన్‌గా షేక్‌ బాషా ♦ఎర్రగుంట్లపాలెం ఛైర్మన్‌గా హర్షవర్ధన్‌రెడ్డి ప్రకాశం జిల్లా: ఒంగోలు డిప్యూటీ మేయర్‌గా వేమూరి సూర్యనారాయణ ♦అద్దంకి ఛైర్‌పర్సన్‌గా ఎస్తేరమ్మ ♦చీమకుర్తి ఛైర్‌పర్సన్‌గా చల్లా అంకులు ♦చీరాల ఛైర్మన్‌గా జి.శ్రీనివాసరావు ♦గిద్దలూరు ఛైర్మన్‌గా వెంకటసుబ్బయ్య ♦కనిగిరి ఛైర్మన్‌గా అబ్దుల్‌ గఫార్‌  ♦మార్కాపురం ఛైర్మన్‌గా మురళీకృష్ణారావు నెల్లూరు: ఆత్మకూరు ఛైర్‌పర్సన్‌గా వెంకట రమణమ్మ ♦నాయుడుపేట ఛైర్‌పర్సన్‌గా దీపిక ♦సూళ్లూరుపేట ఛైర్మన్‌గా శ్రీమంత్‌రెడ్డి ♦వెంకటగిరి ఛైర్‌పర్సన్‌గా నక్కా భానుప్రియ చిత్తూరు: మదనపల్లె ఛైర్‌పర్సన్‌గా మనుజ ♦నగరి ఛైర్‌పర్సన్‌గా నీలమంగళం ♦పలమనేరు ఛైర్‌పర్సన్‌గా పవిత్ర ♦పుంగనూరు ఛైర్మన్‌గా ఆలీమ్‌ బాషా ♦పుత్తూరు ఛైర్మన్‌గా హరి కృష్ణా జిల్లా: నూజివీడు ఛైర్‌పర్సన్‌గా త్రివేణి దుర్గా ♦పెడన ఛైర్‌పర్సన్‌గా బి.జ్ఞానలింగజ్యోతి ♦ఉయ్యూరు ఛైర్మన్‌గా వల్లభనేని సత్యనారాయణ ♦నందిగామ ఛైర్‌పర్సన్‌గా మండవ వరలక్ష్మి ♦తిరువూరు ఛైర్‌పర్సన్‌గా కస్తూరిభాయి గుంటూరు జిల్లా: తెనాలి ఛైర్‌పర్సన్‌గా ఖలీదా ♦చిలకలూరిపేట ఛైర్‌పర్సన్‌గా షేక్‌ రఫాని ♦రేపల్లె ఛైర్‌పర్సన్‌గా కట్టా మంగమ్మ ♦సత్తెనపల్లి ఛైర్‌పర్సన్‌గా లక్ష్మీతులసి ♦వినుకొండ ఛైర్మన్‌గా దస్తగిరి ♦మాచర్ల ఛైర్మన్‌గా తురక కిశోర్‌ ♦పిడుగురాళ్ల ఛైర్మన్‌గా చిన్న సుబ్బారావు తూర్పుగోదావరి: అమలాపురం మున్సిపల్‌ ఛైర్‌పర్సన్‌గా సత్యనాగేంద్రమణి ♦గొల్లప్రోలు నగర పంచాయతీ ఛైర్‌పర్సన్‌గా మంగతాయారు ♦మండపేట మున్సిపల్‌ ఛైర్‌పర్సన్‌గా దుర్గారాణి ♦ముమ్మిడివరం నగర పంచాయతీ ఛైర్మన్‌గా ప్రవీణ్‌కుమార్‌ ♦పెద్దాపురం మున్సిపల్‌ ఛైర్‌పర్సన్‌గా బొడ్డు తులసి ♦పిఠాపురం మున్సిపల్‌ ఛైర్‌పర్సన్‌గా గండేపల్లి సుర్యావతి ♦రామచంద్రపురం మున్సిపల్‌ ఛైర్‌పర్సన్‌గా శ్రీదేవి ♦సామర్లకోట మున్సిపల్‌ ఛైర్‌పర్సన్‌గా గంగిరెడ్డి దేవి ♦తుని మున్సిపల్‌ ఛైర్‌పర్సన్‌గా ఏలూరి సుధారాణి ♦ఏలేశ్వరం నగర పంచాయతీ మున్సిపల్‌ ఛైర్‌పర్సన్‌గా అలమంద సత్యవతి పశ్చిమగోదావరి: కొవ్వూరు మున్సిపల్‌ ఛైర్‌పర్సన్‌గా రత్నకుమారి ♦జంగారెడ్డిగూడెం మున్సిపల్‌ ఛైర్‌పర్సన్‌గా బత్తిన లక్ష్మీ ♦నరసాపురం మున్సిపల్‌ ఛైర్మన్‌గా బర్రె శ్రీవెంకటరమణ ♦నరసాపురం మున్సిపల్‌ వైస్‌ఛైర్మన్‌గా కొత్తపల్లి భుజంగరావు ♦నిడదవోలు మున్సిపల్‌ ఛైర్మన్‌గా ఆదినారాయణ ♦కొవ్వూరు మున్సిపల్‌ ఛైర్‌పర్సన్‌గా రత్నకుమారి ♦కొవ్వూరు మున్సిపల్‌ వైస్‌ ఛైర్‌పర్సన్‌గా మన్నె పద్మ ♦జంగారెడ్డిగూడెం మున్సిపల్‌ ఛైర్‌పర్సన్‌గా బత్తిన లక్ష్మీ ♦జంగారెడ్డిగూడెం మున్సిపల్‌ వైస్‌ఛైర్‌పర్సన్‌గా కంచర్ల వాసవీ ►విజయనగరం: బొబ్బిలి మున్సిపల్‌ ఛైర్మన్‌గా వెంకట మురళీకృష్ణారావు ►విజయనగరం: పార్వతీపురం మున్సిపల్‌ ఛైర్‌పర్సన్‌గా బోను గౌరీశ్వరి ►విజయనగరం: సాలూరు మున్సిపల్‌ ఛైర్‌పర్సన్‌గా ఈశ్వరమ్మ ►విశాఖ: నర్సీపట్నం మున్సిపల్‌ ఛైర్‌పర్సన్‌గా ఆదిలక్ష్మి ►విశాఖ: యలమంచిలి మున్సిపల్‌ ఛైర్‌పర్సన్‌గా పీలా రామాకుమారి ►శ్రీకాకుళం: ఇచ్ఛాపురం మున్సిపల్‌ ఛైర్‌పర్సన్‌గా పిలక రాజ్యలక్ష్మి ►శ్రీకాకుళం: పాలకొండ నగర పంచాయతీ ఛైర్‌పర్సన్‌గా రాధాకుమారి ►శ్రీకాకుళం: పలాస మున్సిపల్‌ ఛైర్‌పర్సన్‌గా గిరిబాబు ►పార్వతీపురం మున్సిపల్‌ ఛైర్‌పర్సన్‌గా బోను గౌరీశ్వరి ►పార్వతీపురం మున్సిపల్‌ వైస్‌చైర్‌పర్సన్‌గా కొండపల్లి రుక్మిణి ►సాలూరు మున్సిపల్‌ ఛైర్‌పర్సన్‌గా ఈశ్వరమ్మ ►సాలూరు మున్సిపల్‌ వైస్‌ఛైర్మన్‌గా జరజాపు దీప్తి ►విజయనగరం: నెల్లిమర్ల నగర పంచాయతీ ఛైర్‌పర్సన్‌గా సరోజిని ►విజయనగరం: నెల్లిమర్ల నగర పంచాయతీ వైస్‌ ఛైర్మన్‌గా సముద్రపు రామారావు ►గుంటూరు: సత్తెనపల్లి మున్సిపల్‌ ఛైర్మన్‌గా లక్ష్మీతులసి ►సత్తెనపల్లి మున్సిపల్‌ వైస్‌ఛైర్‌పర్సన్‌గా షేక్‌ నాగుల్‌మీరాన్‌ ►విశాఖ: యలమంచిలి మున్సిపాలిటీ ఛైర్‌పర్సన్‌గా పిల్లా రామకుమారి ►యలమంచిలి మున్సిపాలిటీ వైస్‌ఛైర్మన్‌గా వెంకట గోవిందరాజు ►అనంతపురం: హిందూపురం మున్సిపాలిటీ ఛైర్‌పర్సన్‌గా ఇంద్రజ ►హిందూపురం మున్సిపాలిటీ వైస్‌ఛైర్మన్‌గా పీఎన్‌ జాబివుల్లా ►విజయనగరం: పార్వతీపురం మున్సిపాలిటీ ఛైర్‌పర్సన్‌గా గోను గౌరీశ్వరి ►పార్వతీపురం మున్సిపాలిటీ వైస్‌ ఛైర్‌పర్సన్‌గా కొండపల్లి రుక్మిణి ►తూ.గో: ఏలేశ్వరం మున్సిపాలిటీ ఛైర్‌పర్సన్‌గా అలమండ సత్యవతి ►ఏలేశ్వరం మున్సిపాలిటీ వైస్‌ఛైర్‌పర్సన్‌గా శిడగం త్రివేణి ►చిత్తూరు: పలమనేరు మున్సిపల్‌ ఛైర్మన్‌గా మురళీకృష్ణ ►పలమనేరు మున్సిపల్‌ వైస్‌ఛైర్మన్‌గా చన్మ ►వైఎస్‌ఆర్‌ జిల్లా: మైదుకూరు మున్సిపల్‌ ఛైర్మన్‌గా మచ్చునూరి చంద్ర ►మైదుకూరు మున్సిపల్‌ వైస్‌ఛైర్మన్‌గా షేక్‌ మహబూబ్‌ షరీఫ్‌

సాక్షి, అమరావతి: రాష్ట్రంలో 11 నగరపాలక సంస్థలు, 75 మునిసిపాలిటీల్లో కొత్త పాలక మండళ్లు గురువారం కొలువుదీరనున్నాయి. కార్పొరేషన్లకు మేయర్లు, డిప్యూటీ మేయర్లు, మునిసిపాలిటీలకు చైర్‌పర్సన్లు, వైస్‌ చైర్‌పర్సన్ల పదవులకు ఎన్నికలు నిర్వహించనున్నారు. ఈ నెల 10న 12 మునిసిపల్‌ కార్పొరేషన్లు, 75 మునిసిపాలిటీలకు ఎన్నికలు నిర్వహించారు. హైకోర్టు ఆదేశాల మేరకు ఏలూరు కార్పొరేషన్‌ ఓట్ల లెక్కింపు చేపట్టలేదు. ఫలితాలు ప్రకటించిన 11 కార్పొరేషన్లలో ఎన్నికైన కార్పొరేటర్లు  మేయర్, డిప్యూటీ మేయర్‌లను ఎన్నుకుంటారు. అదేవిధంగా 75 మునిసిపాలిటీలకు ఎన్నికైన కౌన్సిలర్లు చైర్‌పర్సన్లు, వైస్‌ చైర్‌పర్సన్లను ఎన్నుకుంటారు. అందుకోసం పురపాలక శాఖ అన్ని ఏర్పాట్లూ పూర్తి చేసింది. ఎన్నిక ప్రక్రియ ఇలా.. ముందుగా నగరపాలక సంస్థల కార్పొరేటర్లు, మునిసిపల్‌ కౌన్సిలర్లతో ఉదయం 10 గంటలకు ప్రమాణ స్వీకారం చేయిస్తారు. ఉదయం 11 గంటలకు మేయర్, డిప్యూటీ మేయర్, మునిసిపల్‌ చైర్‌పర్సన్, వైస్‌ చైర్‌పర్సన్‌ పదవులకు ఎన్నిక నిర్వహిస్తారు. ఫలితాలను వెంటనే ప్రకటిస్తారు. మేయర్, చైర్‌పర్సన్‌ ఎన్నిక నిర్వహించేందుకు కనీసం 50 శాతం సభ్యుల హాజరును కోరంగా పరిగణిస్తారు. కోరం లేకపోతే ఎన్నికను వాయిదా వేస్తారు. ఎన్నికల ప్రక్రియ సజావుగా నిర్వహించేందుకు కార్పొరేషన్లు, మునిసిపాలిటీలకు ప్రిసైడింగ్‌ అధికారులను ప్రభుత్వం నియమించింది. వారి ఆధ్వర్యంలో ఆయా సంస్థల సమావేశ మందిరాల్లో సమావేశాలు ఏర్పాటు చేసేందుకు ఏర్పాట్లు పూర్తయ్యాయి. పురపాలక శాఖ కమిషనర్‌ ఎంఎం నాయక్, జిల్లా కలెక్టర్లు వీడియో కాన్ఫరెన్స్‌ ద్వారా ఏర్పాట్లను సమీక్షించారు. ఆయా కార్యాలయాల వద్ద బందోబస్తు ఏర్పాట్లు చేశారు. ఎలాంటి అవాంఛనీయ ఘటనలు జరగకుండా చర్యలు తీసుకుంటున్నారు.    ఒక్కొక్క పోస్టుకే నేడు ఎన్నికలు ప్రజలకు మెరుగైన సేవలందించేందుకు వీలుగా నగరపాలక సంస్థల్లో ఇద్దరు డిప్యూటీ మేయర్లు, మునిసిపాలిటీల్లో ఇద్దరు వైస్‌ చైర్‌పర్సన్లను ఎన్నుకునే అవకాశం కల్పించాలని ప్రభుత్వం నిర్ణయించింది. దీనికోసం ఆర్డినెన్స్‌ రూపొందించి గవర్నర్‌ ఆమోదానికి పంపించింది. ఈ లోగా ఒక్కొక్క మేయర్, ఒక్కొక్క వైస్‌ చైర్‌పర్సన్‌ నియామకానికి గురువారం ఎన్నిక నిర్వహిస్తారు.   ఆర్డినెన్స్‌కు గవర్నర్‌ ఆమోదం లభించింన తరువాత మరో డిప్యూటీ మేయర్, మరో వైస్‌ చైర్‌పర్సన్‌ పదవులకు ఎన్నిక నిర్వహించేందుకు రాష్ట్ర ఎన్నికల సంఘం ప్రత్యేకంగా నోటిఫికేషన్‌ జారీ చేస్తుంది. అనంతరమే ఆ పదవులకు ఎన్నికలు నిర్వహిస్తారు.  

సాక్షి, హైదరాబాద్‌ : గ్రామ రెవెన్యూ అధికారు (వీఆర్వో)లను రాష్ట్రంలోని మున్సిపల్‌ కార్పొరేషన్లు, మున్సిపాలిటీల్లో వార్డు ఆఫీసర్లుగా నియమించాలని రాష్ట్ర ప్రభుత్వం సూత్రప్రాయంగా నిర్ణయం తీసుకుంది. కొత్త రెవెన్యూ చట్టం అమల్లో భాగంగా వీఆర్వోల వ్యవస్థను రాష్ట్ర ప్రభుత్వం రద్దు చేయడంతో రాష్ట్రవ్యాప్తంగా పనిచేస్తున్న 5,348 మంది వీఆర్వోలు గత కొన్ని నెలలుగా పనిలేకుండా ఖాళీగా ఉంటున్నారు. అవసరాన్ని బట్టి వీఆర్వోలను ఇతర శాఖల్లో విలీనం చేస్తామని, అప్పటివరకు వారికి యథావిధిగా జీతాలు చెల్లిస్తామని ముఖ్యమంత్రి కె.చంద్రశేఖర్‌రావు అసెంబ్లీలో ప్రకటించిన విషయం తెలిసిందే. ఇప్పుడు వీరిలో 40 శాతం మందిని పురపాలక శాఖలోకి తీసుకోనున్నారు.వార్డుకొకరు చొప్పున: జీహెచ్‌ఎంసీ మినహా రాష్ట్రంలోని 141 పురపాలికల్లో దాదాపు 2,200 వార్డు ఆఫీసర్‌ పోస్టులను భర్తీ చేసేందుకు రాష్ట్ర ప్రభుత్వం కసరత్తు చేస్తోంది. తొలుత ప్రత్యక్ష నియామకాల ద్వారా ఈ పోస్టులను భర్తీ చేయాలని ప్రభుత్వం భావించింది. ఈ మేరకు కొత్త పోస్టులు సృష్టించడానికి రాష్ట్ర ఆర్థిక శాఖ అనుమతి కోరుతూ పురపాలక శాఖ ఇటీవల ప్రతిపాదనలు సైతం పంపించింది. అయితే వీఆర్వోలను పురపాలక శాఖలో విలీనం చేసుకుని వార్డు ఆఫీసర్లుగా నియమించాలనే ఆలోచన రావడంతో ప్రత్యక్ష నియామకాల ప్రతిపాదనలను ప్రభుత్వం పక్కనబెట్టింది. వీఆర్వోలను ఇతర శాఖల్లో విలీనం చేసేందుకు అవసరమైన విధివిధానాలను ప్రభుత్వం రూపొందించాల్సి ఉంది. ప్రభుత్వ అవసరాలు, ఖాళీలను బట్టి వారికి నచ్చిన ప్రభుత్వ శాఖలో విలీనం కావడానికి వీఆర్వోల నుంచి ఆప్షన్లను స్వీకరిస్తామని ప్రభుత్వం ఇప్పటికే ప్రకటించింది. ఇతర శాఖల్లో వీఆర్వోలను విలీనం చేస్తే 5,348 మందిలో 40 శాతం మంది ఒక్క పురపాలక శాఖకే వస్తారని ప్రభుత్వ వర్గాలు తెలిపాయి. కొత్త పుర చట్టం అమలుకే... పురపాలనలో సంస్కరణల అమలుకు రాష్ట్ర ప్రభుత్వం కొత్త మున్సిపల్‌ చట్టాన్ని తీసుకొచ్చింది. వార్డు/ డివిజన్‌ స్థాయిలో ఈ చట్టం అమలు బాధ్యతలను వార్డు ఆఫీసర్లకు అప్పగించబోతోంది. వార్డు కమిటీలతో సమావేశాలు నిర్వహించడం, వార్డు అభివృద్ధి పనుల్లో కౌన్సిలర్లు/ కార్పొరేటర్లతో సమన్వయం చేసుకోవడం, హరితహారం కింద మొక్కలు నాటడం, వాటిని పరిరక్షించడం, పారిశుద్ధ్య నిర్వహణను పర్యవేక్షించడం, అక్రమ నిర్మాణాలపై నిఘా వేయడం, ఆస్తి పన్ను వసూళ్లు తదితర బాధ్యతలను వార్డు ఆఫీసర్లకు ప్రభుత్వం అప్పగించనుంది. ఈ బాధ్యతల నిర్వహణలో నిర్లక్ష్యం వహించినా, లేక కొత్త మున్సిపల్‌ చట్టం ప్రకారం నాటిన వాటిలో 85 శాతం మొక్కలను పరిరక్షించడంలో విఫలమైనా వార్డు ఆఫీసర్లను బాధ్యులుగా చేయనున్నారు.    

స్థానిక సంస్థల ఎమ్మెల్సీ ఉప ఎన్నికను కోవిడ్‌ నిబంధనలు పాటిస్తూ ప్రణాళిక ప్రకారం నిర్వహించాలని కలెక్టర్‌ నారాయణ రెడ్డి అధికారులకు సూచించారు. ప్రతి పోలింగ్‌ కేంద్రానికి ఒక ప్రిసైడింగ్‌ అధికారి, ఇద్దరు అసిస్టెంట్‌ పోలింగ్‌ అధికారులను నియమించామన్నారు. పోలింగ్‌కు 48 గంటల ముందు రాజకీయ పార్టీలు ప్రచారం చేయడానికి వీలు లేదన్నారు. లిక్కర్‌ దుకాణాలు మూసివేయాలని, సోషల్‌ మీడియాపై బాగా నిఘా పెట్టాలన్నారు. ఇందూరు(నిజామాబాద్‌ అర్బన్‌): ఉమ్మడి జిల్లా స్థానిక సంస్థల ఎమ్మెల్సీ ఉప ఎన్నికను కార్యాచరణ ప్రణాళికతో పకడ్బందీగా నిర్వహించాలని జిల్లా కలెక్టర్‌ నారాయణరెడ్డి సూచించారు. మంగళవారం కలెక్టరేట్‌లోని ప్రగతిభవన్‌లో కామారెడ్డి కలెక్టర్‌ శరత్‌తో కలిసి ఉమ్మడి జిల్లా అధికారులతో ఎమ్మెల్సీ ఉప ఎన్నిక ఏర్పాట్లపై సమీక్ష సమావేశం నిర్వహించారు. కలెక్టర్‌ నారాయణరెడ్డి మాట్లాడుతూ ఈనెల 9న జరిగే ఎమ్మెల్సీ ఉప ఎన్నికకు సంబంధించి పోలింగ్‌ సామగ్రిని రెండు జిల్లాలకు 8న నగరంలోని పాలిటెక్నిక్‌ కళాశాల నుంచి పంపిణీ చేస్తామన్నారు. మొత్తం ఓటర్లు 824 మంది ఉన్నారని తెలిపారు. గతంలో రెవెన్యూ డివిజన్‌కు ఒక పోలింగ్‌ స్టేషన్‌ ఉండేదని, ప్రస్తుతం ప్రతి మండలానికి ఒక పోలింగ్‌ కేంద్రం ఉండేలా చర్యలు తీసుకున్నామన్నారు. మొత్తం 50 పోలింగ్‌ స్టేషన్‌లలో ఓటింగ్‌ జరుగుతుందన్నారు. నిజామాబాద్‌లో 28, కామారెడ్డిలో 22 పోలింగ్‌ కేంద్రాలు ఏర్పాటు చేసినట్లు తెలిపారు. ఓటరు జాబితాను పోలింగ్‌ స్టేషన్‌ల వారీగా డివైడ్‌ చేసి మండల అధికారులు,  ఆర్డీవోలకు, రాజకీయ పార్టీలకు, పోటీలో ఉన్న అభ్యర్థులకు అందజేశామన్నారు. 50 పోలింగ్‌ కేంద్రాల పర్యవేక్షణ కోసం 15 రూట్లు ఏర్పాటు చేశామన్నారు. ఎమ్మెల్సీ ఉప ఎన్నికకు సంబంధించి సిరిసిల్ల జిల్లాలో రెండు ఎంపీటీసీ ఓట్లు, సంగారెడ్డిలో ఒక ఎంపీటీసీ ఓటు ఉన్నట్లు తెలిపారు. ప్రతి పోలింగ్‌ కేంద్రానికి ఒక ప్రిసైడింగ్‌ అధికారి, ఇద్దరు అసిస్టెంట్‌ పోలింగ్‌ అధికారులను నియమించామన్నారు. ఎన్నికల పరిశీలనకు 21 మంది సూక్ష్మ పరిశీలకులను నియమించినట్లు వివరించారు. 48 పోలింగ్‌ కేంద్రాల్లో వెబ్‌ కాస్టింగ్‌ సిస్టం ఏర్పాటు చేస్తుండగా, మిగతా రెండు కేంద్రాల్లో వీడియో కెమెరా ద్వారా రికార్డు చేస్తున్నట్లు వెల్లడించారు. ప్రతి పోలింగ్‌ కేంద్రంలో పోలింగ్‌ అధికారి, మైక్రో పరిశీలకులతో పాటు ఒక మెడికల్‌ అధికారి, ఏఎన్‌ఎం, ఆశా వర్కర్లను ఏర్పాటు చేస్తామన్నారు. పోలింగ్‌కు 48 గంటల ముందు రాజకీయ పార్టీలు ప్రచారం చేయడానికి వీలు లేదన్నారు. పోలింగ్‌ ఉదయం 9 గంటల నుంచి సాయంత్రం 5 గంటల వరకు కొనసాగుతుందన్నారు. పోలింగ్‌కు ముందు 48 గంటలను డ్రై డేగా పాటించాల్సి ఉంటుందన్నారు. ఈ నెల 7న సాయంత్రం 5 గంటల నుంచి లిక్కర్‌ దుకాణాలు మూసివేయాలన్నారు. చివరి 48 గంటల ముందు సోషల్‌ మీడియాపై బాగా నిఘా పెట్టాలని అధికారులకు సూచించారు. 8వ తేదీన పోలింగ్‌ సామగ్రి పంపిణీ, 12న కౌంటింగ్‌కు ఏర్పాట్లు చేయనున్నందున ఈ రోజుల్లో పాలిటెక్నిక్‌ కళాశాలకు సెలవు ప్రకటిస్తున్నట్లు తెలిపారు. పోలింగ్‌ రోజు పోలింగ్‌ స్టేషన్‌ ఉన్న 100 మీటర్ల పరిధిలో కార్యాలయాలకు, దుకాణాలకు సెలవు ఉంటుందన్నారు. ఎన్నికల కోడ్, కోవిడ్‌ నిబంధనలు పాటించేలా చర్యలు తీసుకోవాలన్నారు. ఓటు వినియోగించుకునే వారిలో 24 మందికి కోవిడ్‌ పాజిటివ్‌ ఉన్నట్లు తెలిపారు. వారికి రెండు విధాలుగా ఓటు వేయడానికి అవకాశం కల్పిస్తున్నామన్నారు. ఒకటి పోస్టల్‌ బ్యాలెట్, రెండోది చివరి గంటలో నేరుగా కేంద్రానికి వచ్చి ఓటు వేయవచ్చని తెలిపారు. ఇందుకు కోసం ప్రతి పోలింగ్‌ కేంద్రానికి నాలుగు పీపీఈ కిట్లు ఇస్తున్నామని, హెల్ప్‌ డెస్క్‌ దగ్గర మెడికల్‌ అధికారి ఉంటారని తెలిపారు. అలాగే పోలింగ్‌ ఏజెంటు ఎప్పుడు వచ్చినా పోలింగ్‌ కేంద్రంలోని అనుమతించాలని, పోటీలో ఉన్న అభ్యర్థికి ఒక ఏజెంటు మాత్రమే ఉండాలన్నారు. ప్రభుత్వ అధికారులు, ఎన్నికైన ప్రజాప్రతినిధులు ఏజెంట్‌గా ఉండరాదన్నారు. ఓటు వేసేవారందరూ తప్పకుండా మాస్కు, గ్లౌజులు ధరించాలని, సానిటైజర్‌ వినియోగించాలని సూచించారు. ఓటు ఓటువేసే వ్యక్తిని మున్సిపల్‌ కమిషనర్లు, ఎంపీడీవోలు గుర్తిస్తారని కలెక్టర్‌ పేర్కొన్నారు. సమావేశంలో నిజామాబాద్‌ పోలీస్‌ కమిషనర్‌ కార్తికేయ, కామారెడ్డి ఎస్పీ శ్వేత, నిజామాబాద్‌ మున్సిపల్‌ కమిషనర్‌ జితేష్‌ వి పాటిల్, ఉమ్మడి జిల్లా ఆర్డీవోలు, పోలీసు అధికారులు, సంబంధిత అధికారులు పాల్గొన్నారు. 

సాక్షి, అమరావతి: మున్సిపల్‌ కార్పొరేషన్లు, మున్సిపాలిటీల్లో సంస్కరణలపై కేంద్ర మార్గదర్శకాల అమలు తీరు తెన్నులను ఇతర రాష్ట్రాల్లో పూర్తి స్థాయిలో అధ్యయనం చేయాలని ముఖ్యమంత్రి వైఎస్‌ జగన్‌మోహన్‌రెడ్డి అధికారులను ఆదేశించారు. సోమవారం తన క్యాంపు కార్యాలయంలో ఈ అంశంపై సమీక్షించారు. ఇందుకు సంబంధించిన వివరాలు ఇలా ఉన్నాయి.    ► కార్పొరేషన్లు, మున్సిపాల్టీలను స్వయం సమృద్ధి దిశగా నడిపించాలని కేంద్రం మార్గనిర్దేశం చేసింది. ఈ నేపథ్యంలో కర్ణాటక, మహారాష్ట్ర, ఇతర రాష్ట్రాల్లో ఆస్తి పన్ను విధానాలు, రాష్ట్రంలో ఆస్తి పన్ను విధానాలను అధికారులు ముఖ్యమంత్రి వైఎస్‌ జగన్‌కు వివరించారు.  ► ఆయా రాష్ట్రాల్లో నెలవారీ అద్దె ప్రాతిపదికన కాకుండా ఆస్తి విలువ ప్రాతిపదికన పన్నులు విధిస్తున్న అంశాన్ని అధికారులు వివరించారు. ఆయా రాష్ట్రాల్లో ఆస్తి విలువలు, దాన్ని నిర్ధారించే విధానాలు, ఆ మేరకు విధిస్తున్న పన్ను తదితర అంశాలపై చర్చించారు. వాటన్నింటిపై పూర్తి స్థాయిలో అధ్యయనం చేయాలని సీఎం జగన్‌ ఆదేశించారు. ► ఈ సమీక్షలో మున్సిపల్, పట్టణాభివృద్ధి శాఖ మంత్రి బొత్స సత్యనారాయణ, మున్సిపల్‌ శాఖ కార్యదర్శి శ్యామలరావు, మున్సిపల్‌ అడ్మినిస్ట్రేషన్‌ కమిషనర్‌ విజయకుమార్, ఆ శాఖకు చెందిన పలువురు ఉన్నతాధికారులు పాల్గొన్నారు. 

సాక్షి, అమరావతి: కాలుష్య నియంత్రణ చర్యల్లో భాగంగా ఎలక్ట్రిక్‌ వాహనాల (ఈవీ) వినియోగాన్ని ప్రోత్సహించేందుకు కేంద్ర, రాష్ట్ర ప్రభుత్వాలు కార్యాచరణకు ఉపక్రమించాయి. ఇందుకు అవసరమైన మౌలిక సదుపాయాల కల్పనకు కేంద్ర భారీ పరిశ్రమలు, పట్టణాభివృద్ధి సంస్థలతో కలిసి పని చేసేందుకు రాష్ట్ర పురపాలక, విద్యుత్‌ శాఖలు సంసిద్ధమయ్యాయి. రాష్ట్రంలో స్మార్ట్‌ సిటీ, అమృత్‌ పథకం కింద ఎంపికైన నగరాల్లో మొదటి దశలో ఈవీల వినియోగాన్ని ప్రోత్సహిస్తారు. ఇందుకోసం 266 ఈవీ చార్జింగ్‌ స్టేషన్లు (చార్జింగ్‌ బంక్‌లు) నెలకొల్పాలని ప్రభుత్వం నిర్ణయించింది. ఈ మేరకు రాష్ట్ర పురపాలక, ఇంధన శాఖలకు సమాచారం ఇచ్చింది. రాష్టంలో స్మార్ట్‌ సిటీల పథకం కింద ఎంపికైన విశాఖపట్నం, కాకినాడ, అమరావతి, తిరుపతి నగరాల్లో చార్జింగ్‌ స్టేషన్లను ఏర్పాటు చేస్తారు. కేంద్ర ప్రభుత్వం ఎంపిక చేసిన సంస్థలు ఆ నాలుగు మున్సిపల్‌ కార్పొరేషన్లు, వాటి పరిధిలోని విద్యుత్‌ పంపిణీ సంస్థలతో త్వరలోనే ఒప్పందం కుదుర్చుకోనున్నాయి. ఇందుకు అవసరమైన స్థలాలను సేకరించి చార్జింగ్‌ స్టేషన్లు ఏర్పాటు చేస్తారు. రాష్ట్రానికి కేటాయించిన 266 ఈవీ చార్జింగ్‌ స్టేషన్లలో 1,412 చార్జర్లు ఉంటాయని భావిస్తున్నారు. 266 స్టేషన్లలో 133 స్లో చార్జింగ్, మరో 133 స్పీడ్‌ చార్జింగ్‌ స్టేషన్లు ఏర్పాటు చేయనున్నారు. స్లో చార్జింగ్‌ స్టేషన్లలో వాహనం మోడల్‌ను బట్టి చార్జింగ్‌ చేయడానికి 2 నుంచి 6 గంటల సమయం పడుతుంది. స్పీడ్‌ చార్జింగ్‌ స్టేషన్లలో అయితే వాహనం మోడల్‌ను బట్టి అరగంట నుంచి 2 గంటల సమయం పడుతుంది. ఒక్కొక్క చార్జింగ్‌ స్టేషన్‌లో ఒకేసారి సగటున 5 వాహనాలకు చార్జింగ్‌ చేసే సామర్థ్యం ఉంటుందని అధికారులు చెబుతున్నారు.  కాలుష్య నియంత్రణకు ‘ఫేమ్‌’ డీజిల్, పెట్రోల్‌ వాహనాలతో కాలుష్యం పెరిగిపోతోందని పర్యావరణ నిపుణులు చెబుతున్న నేపథ్యంలో ఈవీల వాడకాన్ని పెంచాలని కేంద్ర, రాష్ట్ర ప్రభుత్వాలు నిర్ణయించాయి. అందుకోసం కేంద్ర ప్రభుత్వం ఇప్పటికే ఎలక్ట్రిక్‌ వాహనాల సత్వర తయారీ, వాడకం (ఫేమ్‌) పథకాన్ని చేపట్టింది. ఇప్పటి వరకు రాష్ట్రంలో ఎలక్ట్రిక్‌ వాహనాలకు చార్జింగ్‌ చేయడమనేది ప్రధాన అడ్డంకిగా మారింది. ఈ సమస్య పరిష్కారానికి దేశంలో ఈవీ చార్జింగ్‌ స్టేషన్లను పెద్ద సంఖ్యలో నెలకొల్పాలని ప్రభుత్వాలు నిర్ణయించాయి. స్మార్ట్‌ సిటీ, అమృత్‌ పథకం కింద 100 నగరాలు ఎంపిక కాగా.. మొదటి దశలో 62 నగరాల్లో 2,636 చార్జింగ్‌ స్టేషన్లు ఏర్పాటు చేయాలని అధికారులు సంకల్పించారు. ఇందుకు ఆసక్తి గల సంస్థల నుంచి భారీ పరిశ్రమల శాఖ దరఖాస్తులు ఆహ్వానించింది. మొత్తం 106 సంస్థలు ఈవీ చార్జింగ్‌ స్టేషన్లు నెలకొల్పేందుకు ఆసక్తి చూపించగా.. నిపుణుల కమిటీ వాటిలో 19 కంపెనీలను ఎంపిక చేసింది.  మున్సిపాల్టీల్లోనూ ఏర్పాటు చేసే యోచన రాష్ట్రంలో 31 పట్టణాలు అమృత్‌ పథకం కింద ఎంపికయ్యాయి. స్మార్ట్‌ సిటీలకు మంజూరు చేసిన 266 ఈవీ చార్జింగ్‌ స్టేషన్లలో కొన్నిటిని అమృత్‌ పథకం కింద ఎంపికైన మున్సిపాల్టీల్లో కూడా నెలకొల్పితే ఎలక్ట్రిక్‌ వాహనాల వాడకాన్ని మరింతగా ప్రోత్సహించినట్టు అవుతుందని అధికారులు భావిస్తున్నారు. ఈ అంశంపై కేంద్ర ప్రభుత్వంతో చర్చించాల్సి ఉంది. కేంద్రం ఆమోదిస్తే 31 మున్సిపాలిటీలలో రెండేసి చొప్పున, మిగిలిన 204 స్టేషన్లను స్మార్ట్‌ సిటీలైన విశాఖపట్నం, కాకినాడ, అమరావతి, తిరుపతిలలో నెలకొల్పాలని యోచిస్తున్నారు. అందుకు నిబంధనలను అనుమతించకపోతే మొత్తం స్టేషన్లను ఎంపికైన నాలుగు నగరాల్లోనే ఏర్పాటు చేస్తారు. కేంద్రం ఎంపిక చేసిన సంస్థలు ఈవీ చార్జింగ్‌ స్టేషన్లను త్వరితగతిన ఏర్పాటు చేసేందుకు మున్సిపాలిటీలు, డిస్కంలతో ఒప్పందం చేసుకోవాలని ప్రభుత్వం ఇప్పటికే నిర్దేశించింది. దీనిపై త్వరలోనే స్పష్టత వస్తుందని అధికారులు చెబుతున్నారు. 

సాక్షి, హైదరాబాద్‌: మున్సిపల్‌ ఎన్నికల రిజర్వేషన్లు వచ్చేశాయి. బీసీలకు 33 శాతం వరకు రిజర్వేషన్లు అమలు చేయవచ్చని రాష్ట్ర మున్సిపాలిటీల చట్టంలో విధించిన గరిష్ట పరిమితి మేరకు మున్సిపల్‌ ఎన్నికల్లో బీసీలకు 32.5 నుంచి 33 శాతం వరకు రిజర్వేషన్లు దక్కనున్నాయి. రాష్ట్రంలోని 123 మున్సిపాలిటీల చైర్‌పర్సన్, 13 మున్సి పల్‌ కార్పొరేషన్ల మేయర్‌ స్థానాలకు సంబంధించిన రిజర్వేషన్లను రాష్ట్ర పురపాలక శాఖ డైరెక్టర్‌ డాక్టర్‌ టీకే శ్రీదేవి ఆదివారం హైదరాబాద్‌లో ప్రకటించారు. 123 మున్సిపాలిటీల చైర్‌పర్సన్‌ స్థానాల్లో బీసీలకు 40, ఎస్సీలకు 17, ఎస్టీలకు 4 రిజర్వ్‌కాగా ఓపెన్‌ కేటగిరీకి 62 స్థానాలు రిజర్వు అయ్యాయి. 13 మున్సిపల్‌ కార్పొరేషన్ల మేయర్‌ స్థానాలకుగాను ఎస్సీ, ఎస్టీలకు చెరో స్థానం, బీసీలకు 4, ఓపెన్‌ కేటగిరీలో 7 స్థానాలు రిజర్వు అయ్యాయి. రాష్ట్రంలో కొత్త మున్సిపల్‌ చట్టం అమల్లోకి రావడంతో మళ్లీ కొత్తగా రిజర్వేషన్లను ప్రకటించాల్సిన అవసరం ఏర్పడింది. త్వరలో జరగనున్న మున్సిపల్‌ ఎన్నికలతోపాటు మరో రెండు పర్యాయాలు కలిపి మొత్తం మూడు వరుస సాధారణ ఎన్నికల్లో ఇవే రిజర్వేషన్లు అమలు కానున్నాయి. రాష్ట్రంలో 128 మున్సిపాలిటీలు, 13 మున్సిపల్‌ కార్పొరేషన్లు కలిపి మొత్తం 141 పురపాలికలు ఉన్నాయి. ఇందులో షెడ్యూల్డ్‌ ఏరియా పరిధిలో ఉన్న 3 మున్సిపాలిటీలకు ఎన్నికలు నిర్వహించడానికి రాజ్యాంగ సవరణ జరపాల్సి ఉంది. గ్రామ పంచాయతీల నుంచి మున్సిపాలిటీలుగా ఏర్పడిన 2 కొత్త మున్సిపాలిటీల పరిధిలోని కొన్ని గ్రామ పంచాయతీల పదవీకాలం ఇంకా ముగియలేదు. దీంతో ఈ ఐదు మున్సిపాలిటీలను మినహాయించి రాష్ట్రంలో ఉన్న 123 మున్సిపాలిటీలు, 13 కార్పొరేషన్లకు సంబంధించిన చైర్‌పర్సన్, మేయర్‌ స్థానాలకు రిజర్వేషన్లను ప్రకటించారు. మరోవైపు ఆదివారం జిల్లా కలెక్టర్లు స్థానికంగా ఉన్న మున్సిపాలిటీలు, మున్సిపల్‌ కార్పొరేషన్లలోని వార్డులు/డివిజన్లకు సంబంధించిన రిజర్వేషన్లను ప్రకటించారు. దీంతో మున్సిపల్‌ ఎన్నికల ఏర్పాట్లకు సంబంధించిన ప్రధాన ఘట్టం ముగిసింది. ఈ నెల 7న రాష్ట్రంలోని 120 మున్సిపాలిటీలు, 10 మున్సిపల్‌ కార్పొరేషన్లకు ఎన్నికల నోటిఫికేషన్‌ రానుండగా, 22న పోలింగ్‌ నిర్వహించి 25న ఫలితాలు ప్రకటించనున్నారు. జనాభా దామాషా ప్రకారం.. మున్సిపల్‌ చైర్‌పర్సన్, మేయర్‌ స్థానాలకు రాష్ట్రం యూనిట్‌గా తీసుకొని రిజర్వేషన్లను ఖరారు చేశారు. 2011 జనాభా లెక్కల ప్రకారం రాష్ట్రంలోని అన్ని మున్సిపాలిటీలు, కార్పొరేషన్లలోని ఎస్సీ, ఎస్టీలకు వారి జనాభా దామాషా ప్రకారం చైర్‌పర్సన్, మేయర్‌ స్థానాలను కేటాయించారు. మున్సిపాలిటీల్లో 3.3 శాతం ఎస్టీ జనాభా ఉండగా, 3.2 శాతం చైర్‌పర్సన్‌ స్థానాలు వారికి దక్కాయి. దీంతో మొత్తం 123 పురపాలికలకుగాను 4 చైర్‌పర్సన్‌ స్థానాలు ఎస్సీలకు రిజర్వు అయ్యాయి. ఇక మున్సిపాలిటీల్లో 13 శాతం ఎస్సీల జనాభా ఉండగా దాదాపు 14 శాతం (17 స్థానాలు) చైర్‌పర్సన్‌ సీట్లను వారికి కేటాయించారు. ఎస్సీ, ఎస్టీల కోటా కలుపుకొని మొత్తం రిజర్వేషన్లు 50 శాతానికి మించకుండా ఉండేలా బీసీలకు 32.5 నుంచి 33 శాతం (40 స్థానాలు) చైర్‌పర్సన్‌ సీట్లను కేటాయించినట్లు పురపాలక శాఖ డైరెక్టర్‌ టీకే శ్రీదేవి తెలిపారు. 13 మున్సిపల్‌ కార్పొరేషన్లలో ఎస్టీల జనాభా 1.9 శాతం మాత్రమే ఉన్నా నిబంధనల ప్రకారం వారికి ఒక మేయర్‌ పదవి (8 శాతం)ని కేటాయించారు. కార్పొరేషన్లలో ఎస్సీల జనాభా 3.6 శాతం ఉండగా వారికి కూడా నిబంధనల ప్రకారం ఒక మేయర్‌ సీటును కేటాయించడంతో 8 శాతం కోటా అమలు చేసినట్లు అయింది. బీసీలకు 4 మేయర్‌ స్థానాలు కేటాయించడంతో 33 శాతం రిజర్వేషన్లు వారికి కల్పించినట్లు అయిందని శ్రీదేవి వెల్లడించారు. ఎస్సీ, ఎస్టీలకు చెరో మేయర్‌ పదవి రిజర్వు కావడంతో ఈ స్థానాలకు మహిళా రిజర్వేషన్లను అమలు చేయలేకపోయామన్నారు. అందుకు బదులుగా మహిళలకు ఓపెన్‌ కెటగిరీలో ఉన్న 7 మేయర్‌ స్థానాలకుగాను 4 స్థానాలను రిజర్వు చేశామన్నారు. మున్సిపాలిటీ చైర్మన్‌ రిజర్వేషన్లు... బీసీ (జనరల్‌): నారాయణ్‌ఖేడ్, ఆందోల్‌–జోగిపేట్, గద్వాల, నిర్మల్, రాయికల్, ఎల్లారెడ్డి, మహబూబ్‌నగర్, పరిగి, వనపర్తి, అమరచింత, రామాయంపేట, చౌటుప్పల్, కొడంగల్, ఖానాపూర్, తూప్రాన్, మంచిర్యాల, బాన్సువాడ, ఆలేరు, భువనగిరి, నర్సాపూర్‌ బీసీ (మహిళ): సిరిసిల్ల, నారాయణపేట, కోరుట్ల, సదాశివపేట, చండూరు, భీంగల్, ఆర్మూర్, కోస్గి, మెట్‌పల్లి, జగిత్యాల, సంగారెడ్డి, భైంసా, మక్తల్, పోచంపల్లి, సుల్తానాబాద్, ధర్మపురి, నర్సంపేట, కొల్లాపూర్, యాదగిరిగుట్ట, బోధన్‌ ఎస్సీ (జనరల్‌): క్యాతన్‌పల్లి, బెల్లంపల్లి, ఇబ్రహీంపట్నం, వైరా, ఐజా, నస్పూర్, నేరెడ్‌చర్ల, తొర్రూరు, నర్సింగి ఎస్సీ (మహిళ): మధిర, పరకాల, పెబ్బైర్, అలంపూర్, వర్ధన్నపల్లి, భూపాలపల్లి, పెద్ద అంబర్‌పేట, తిరుమలగిరి ఎస్టీ (జనరల్‌): ఆమనగల్, డోర్నకల్‌ ఎస్టీ (మహిళ): వర్ధన్నపేట, మరిపెడ ఓసీ (జనరల్‌): మెదక్, దేవరకొండ, గజ్వేల్, జహీరాబాద్, కొత్తపల్లి, ఎల్లందు, అచ్చంపేట, భూత్పూర్, లక్సెట్టిపేట, జమ్మికుంట, కాగజ్‌నగర్, కల్వకుర్తి, షాద్‌నగర్, తుక్కుగూడ, పోచారం, దమ్మాయిగూడ, ఆదిబట్ల, చిట్యాల, ఆదిలాబాద్, అమీన్‌పూర్, మహబూబాబాద్, మిర్యాలగూడ, సత్తుపల్లి, కొంపల్లి, నాగారం, తుంకుంట, బొల్లారం, మణికొండ, జల్పల్లి, హాలియా, నల్లగొండ. ఓసీ (మహిళ): చొప్పదండి, పెద్లపల్లి, వేములవాడ, కొత్తకోట, చేర్యాల, దుబ్బాక, మోత్కూరు, ఆత్మకూరు, కామారెడ్డి, తాండూరు, చెన్నూరు, దుండిగల్, జనగామ, నాగర్‌ కర్నూల్, శంషాబాద్, హుస్నాబాద్, మంథని, హుజూర్‌నగర్, హుజూరాబాద్, శంకర్‌పల్లి, వికారాబాద్, సిద్దిపేట, సూర్యాపేట, కొత్తగూడెం, ఘట్‌కేసర్, మేడ్చల్, నందికొండ, తెల్లాపూర్, కోదాడ, తుర్కయాంజల్, గుండ్ల పోచంపల్లి మున్సిపల్‌ కార్పొరేషన్ల మేయర్‌ రిజర్వేషన్లు ఎస్సీ (జనరల్‌): రామగుండం ఎస్టీ (జనరల్‌): మీర్‌పేట బీసీ (జనరల్‌): బండ్లగూడ జాగీర్, వరంగల్‌ బీసీ (మహిళ): జవహర్‌నగర్, నిజామాబాద్‌ ఓసీ (జనరల్‌): కరీంనగర్, బోడుప్పల్, పీర్జాదిగూడ ఓసీ (మహిళ): ఖమ్మం, నిజాంపేట్, బడంగ్‌పేట్, జీహెచ్‌ఎంసీ మహిళలకు..50% 123 మున్సిపాలిటీల చైర్‌పర్సన్‌ స్థానాలకుగాను 61 స్థానాలు, 13 మున్సిపల్‌ కార్పొరేషన్ల చైర్మన్‌ స్థానాలకుగాను 6 స్థానాలు మహిళలకు లభించాయి. కొత్త మున్సిపల్‌ చట్ట నిబంధనల ప్రకారం మహిళలకు 50 శాతం రిజర్వేషన్లను వర్తింపజేశారు. పురపాలక శాఖ డైరెక్టర్‌ టీకే శ్రీదేవి ఆదివారం తన కార్యాలయంలో రాజకీయ పార్టీల సమక్షంలో లాటరీ ద్వారా 50 శాతం స్థానాలను ఎంపిక చేసి మహిళలకు రిజర్వు చేశారు. రిజర్వేషన్‌ కేటగిరీలవారీగా మహిళా రిజర్వేషన్లను పరిశీలిస్తే 123 చైర్‌పర్సన్‌ స్థానాల్లో బీసీ (జనరల్‌)కు 20, బీసీ (మహిళ)కు 20, ఎస్టీ (జనరల్‌)కు 2, ఎస్టీ (మహిళ)కు 2, ఎస్సీ (జనరల్‌)కు 9, ఎస్సీ (మహిళ)కు 8, ఓపెన్‌ కేటగిరీ (జనరల్‌)కి 31, ఓపెన్‌ కేటగిరీ (మహిళ)కి 31 స్థానాలు రిజర్వు అయ్యాయి. 13 మున్సిపల్‌ కార్పొరేషన్ల మేయర్‌ స్థానాలకుగాను మహిళలకు 6 స్థానాలు దక్కాయి. 13 మేయర్‌ స్థానాలకుగాను బీసీ (జనరల్‌)కు 2, బీసీ (మహిళ)కు 2, ఎస్సీ (జనరల్‌)కు 1, ఎస్టీ (జనరల్‌)కు 1, ఓపెన్‌ కేటగిరీ (జనరల్‌)కి 3, ఓపెన్‌ కేటగిరీ (మహిళ)కు 4 స్థానాలు రిజర్వు అయ్యాయి. కీలకమైన జీహెచ్‌ఎంసీ మేయర్‌ స్థానం ఓపెన్‌ కేటగిరీ(మహిళ)కి రిజర్వు కావడం గమనార్హం.

భువనేశ్వర్‌: ప్లాస్టిక్‌ వ్యర్థాల నిర్వహణను ప్రోత్సహించడం, వాటి కాలుష్యంపై ప్రజల్లో అవగాహన కల్పించేందుకు భువనేశ్వర్‌ మున్సిపల్‌ కార్పొరేషన్‌ (బీఎంసీ) సరికొత్త ఆలోచనకు శ్రీకారం చుట్టింది. దీనిలో భాగంగా అర కిలో ప్లాస్టిక్‌ వ్యర్థాలను సేకరించి భోజన సదుపాయాన్ని కల్పిస్తోంది. ‘మీల్‌ ఫర్‌ ప్లాస్టిక్‌’ పేరిట చేస్తున్న ఈ కార్యక్రమాన్ని రాష్ట్ర ప్రభుత్వం అమలు చేస్తున్న ఆహార్‌ పథకంలో చేర్చారు. దీని ద్వారా ప్లాస్టిక్‌ వ్యర్థాల సేకరణతోపాటు భోజన సదుపాయం కూడా కల్పిస్తున్నట్లు బీఎంసీ కమిషనర్‌ ప్రేమ్‌ చంద్ర చౌదరి తెలిపారు. 

సాక్షి, అమరావతి: పట్టణ పేదల సొంతింటి కలను సాకారం చేసే దిశగా రాష్ట్ర ప్రభుత్వం పెద్ద ముందడుగు వేసింది. అందరికీ ఇళ్లు ఏర్పాటు చేయాలన్న సీఎం వైఎస్‌ జగన్‌ ఆలోచనలకు అనుగుణంగా రూపొందించిన ప్రతిపాదన లకు ఆమోదం లభించింది. నవరత్నాలు, పీఎం ఆవాస్‌ యోజన కింద తొలిదశలో రాష్ట్రంలో పట్టణ ప్రాంతాల్లో 1,24,624 ఇళ్ల నిర్మాణానికి పేదలకు ఆర్థిక సహాయం చేసే ప్రతిపాదనలను ఆమోదించారు. కేంద్ర, రాష్ట్ర ప్రభుత్వాలు సంయుక్తంగా మున్సిపల్‌ కార్పొరేషన్లు/ మున్సిపాలిటీల పరిధిలో ఒక్కో లబ్ధిదారుడికి రూ.2.50 లక్షలు, మున్సిపల్‌ కార్పొరేషన్‌ వెలుపల పట్టణాభివృద్ధి సంస్థల పరిధిలో ఒక్కో లబ్ధిదారుడికి రూ.2 లక్షల చొప్పున ఆర్థిక సహాయం అందజేస్తాయి. ఇదే రీతిలో తరువాతి దశల్లో కూడా పట్టణ ప్రాంతాల్లో పేదల ఇళ్ల నిర్మాణాలు చేపట్టాలనేది ప్రభుత్వ కార్యాచరణ ప్రణాళిక. సీఎం వైఎస్‌ జగన్‌ ఆదేశాలతో... రాష్ట్రంలో ఇల్లు లేని పేదలు అన్నవారు లేకుండా అందరికీ సొంతిల్లు ఉండాలన్నది ముఖ్యమంత్రి వైఎస్‌ జగన్‌మోహన్‌రెడ్డి సంకల్పం. ఇప్పటికే రాష్ట్రంలో ఇళ్లులేని పేదలకు 25 లక్షల ఇళ్ల స్థలాలను ఉగాది పండుగ నాటికి పంపిణీ చేయాలని ప్రభుత్వం నిర్ణయించింది. పట్టణ ప్రాంతాల్లో కూడా పేదలకు సొంత గూడు ఉండాలనే ఉద్దేశంతో నవరత్నాల పథకాల కింద ఆర్థిక సహాయం అందజేసేలా సమగ్ర ప్రాజెక్టు ప్రణాళిక(డీపీఆర్‌) రూపొందించాలని ఉన్నతాధికారులను ముఖ్యమంత్రి ఆదేశించారు. ఆ డీపీఆర్‌ను కేంద్ర ప్రభుత్వానికి నివేదించి, నిధులు సమీకరిద్దామని చెప్పారు. నవరత్నాల పథకాలు, పీఎం ఆవాస్‌ యోజన కింద పట్టణ ప్రాంతాల్లో గృహనిర్మాణ ప్రాజెక్టులు చేపడతామని పేర్కొన్నారు. రాష్ట్ర ప్రభుత్వ ప్రధాన కార్యదర్శి ఎల్వీ సుబ్రహ్మణ్యం అధ్యక్షతన రాష్ట్రస్థాయి కమిటీ దీనిపై కసరత్తు చేసింది. మున్సిపాలిటీలు, పట్టణాభివృద్ధి సంస్థల పరిధిలో పేదలకు గృహ నిర్మాణం కోసం జిల్లా కలెక్టర్లు, మున్సిపల్‌ కమిషనర్ల నుంచి ప్రతిపాదనలు తెప్పించుకుంది. రాష్ట్రంలో మొదటి దశలో 85 ప్రాజెక్టుల కింద రూ.3 వేల కోట్లతో పేదలకు ఇళ్ల నిర్మాణం కోసం సమగ్ర ప్రాజెక్టు నివేదిక(డీపీఆర్‌) రూపొందించింది. సీఎం వైఎస్‌ జగన్‌మోహన్‌రెడ్డి ఆమోదించిన తరువాత ఆ నివేదిను కేంద్ర పట్టణాభివృద్ధి సంస్థకు సమర్పించారు. తొలిదశలో 1,24,624 ఇళ్లకు ఆమోదం రాష్ట్ర ప్రభుత్వ ప్రతిపాదనలపై కేంద్ర ప్రభుత్వం సానుకూలంగా స్పందించింది. పట్టణాల్లో గృహనిర్మాణ ప్రాజెక్టులపై ఢిల్లీలో గురువారం నిర్వహించిన సెంట్రల్‌ శాంక్షన్‌ మానిటరింగ్‌ కమిటీ(సీఎస్‌ఎంసీ) సమావేశంలో రాష్ట్ర ప్రభుత్వ ప్రతిపాదనలను ఆమోదించింది. కేంద్ర పట్టణాభివృద్ది శాఖ కార్యదర్శి దుర్గా శంకర్‌ మిశ్రా నేతృత్వంలో నిర్వహించిన ఈ సమావేశంలో రాష్ట్ర ప్రభుత్వం తరపున గృహనిర్మాణ శాఖ ముఖ్య కార్యదర్శి అజయ్‌ జైన్‌ పాల్గొన్నారు. పట్టణ గృహనిర్మాణ పథకం కింద రాష్ట్రంలో పట్టణ ప్రాంతాల్లో 1,24,624 ఇళ్ల నిర్మాణానికి ఆర్థిక సహాయం చేసేందుకు కేంద్రం అంగీకరించింది. ఆ ప్రకారం నవరత్నాల పథకాలు, ప్రధానమంత్రి ఆవాస్‌ యోజన పథకాల కింద సొంత స్థలాల్లో ఇళ్లు కట్టుకునే పేదలకు కేంద్ర, రాష్ట్ర ప్రభుత్వాలు ఆర్థిక సహాయం చేస్తాయి. కేంద్ర ప్రభుత్వం తన వాటాగా రూ.1,870 కోట్ల గ్రాంటును రాష్ట్రానికి కేటాయిస్తూ ఆమోదం తెలిపింది. డిసెంబర్‌ నాటికి ఈ నిధులను రాష్ట్రానికి విడుదల చేయనుంది. దానికి రాష్ట్ర ప్రభుత్వం తన వాటా నిధులు కూడా కలిపి లబ్ధిదారులకు అందజేస్తుంది. మున్సిపాలిటీలు, పట్టణాభివృద్ధి సంస్థల పరిధిలో ఎంపికైన లబ్ధిదారులకు రాష్ట్ర పట్టణగృహ నిర్మాణ సంస్థ ఈ ఆర్థిక సహాయాన్ని మంజూరు చేస్తుంది.గృహ నిర్మాణాలను పరిశీలించి దశల వారీగా లబ్ధిదారులకు ఆర్థిక సాయం అందజేస్తారు. పట్టణ ప్రాంతాల్లో ప్రభుత్వం నుంచి ఇళ్ల స్థలాలు పొందినవారు ఇళ్లు కట్టుకోడానికి ఇదే రీతిలో ఆర్థిక సహాయం చేయాలన్నది ప్రభుత్వ ప్రణాళిక. అందుకోసం ఎప్పటికప్పుడు ప్రతిపాదనలు రూపొందించాలని అధికారులను ముఖ్యమంత్రి వైఎస్‌ జగన్‌మోహన్‌రెడ్డి ఆదేశించారు.  

సాక్షి, హైదరాబాద్‌: మున్సిపాలిటీల్లో ప్రత్యేక పాలనకు తెరలేచింది. ప్రస్తుత పాలకవర్గాల పదవీకాలం మంగళవారంతో ముగియనుంది. దీంతో బుధవారం నుంచి పురపాలన ప్రత్యేకాధికారుల చేతుల్లోకి వెళ్లనుంది. రాష్ట్రవ్యాప్తంగా పాలకమండళ్ల ఏలుబడిలో ఉన్న 61 నగర/పుర పాలక సంస్థల్లో ప్రస్తుతం 3 కార్పొరేషన్లు, 53 మున్సిపాలిటీల పాలకవర్గాల పదవీకాలం సమాప్తం కానుంది. గ్రేటర్‌ హైదరాబాద్, గ్రేటర్‌ వరంగల్, ఖమ్మం, సిద్దిపేట, అచ్చంపేట మున్సిపాలిటీల గడువు 2021 వరకు ఉండటంతో.. వీటికి మినహా మిగతా వాటికి ప్రత్యేకాధికారులను నియమిస్తోంది. మరోవైపు కొత్తగా ఏర్పడిన మున్సిపాలిటీల్లో ఇప్పటికే ప్రత్యేక పాలన సాగుతోంది. తాత్కాలికమే!  నిర్ణీత వ్యవధిలోపు ఎన్నికలు నిర్వహించాలని ప్రభుత్వం తొలుత భావించినా.. కొత్త పుర చట్టం రూపకల్పనలో జాప్యం జరగడంలో ఆలస్యం జరిగింది. అయితే ఎట్టిపరిస్థితుల్లోఈ నెలాఖరులోపు ఎన్నికలు జరపాలని సీఎం కేసీఆర్‌ ఆదేశించడంతో.. ఎస్టీ, ఎస్సీ, బీసీ, మహిళా ఓటర్ల గుర్తింపు, వార్డుల పునర్విభజన, రిజర్వేషన్ల ఖరారు ప్రక్రియను పురపాలక శాఖ చకచకా చేస్తోంది. ఈ నెల 14వ తేదీలోపు ఈ క్రతువును పూర్తి చేయడం ద్వారా ఎన్నికలకు లైన్‌క్లియర్‌ చేయాలని నిర్ణయించింది. దీంతో బుధవారం నుంచి కొలువుదీరే ప్రత్యేకాధికారులు.. తాత్కాలికంగానే సేవలందించే అవకాశముంది. కాగా, మున్సిపాలిటీ స్థాయికి అనుగుణంగా కలెక్టర్‌/జాయింట్‌ కలెక్టర్, స్పెషల్‌ గ్రేడ్‌ డిప్యూటీ కలెక్టర్‌ హోదా కలిగిన అధికారులను ప్రత్యేకాధికారులుగా నియమిస్తున్నట్లు పురపాలక శాఖ డైరెక్టర్‌ టీకే శ్రీదేవి ‘సాక్షి’కి తెలిపారు.    

వనపర్తి :  జిల్లా కేంద్రంలో నిత్యంరద్దీగా ఉండే బ్యాంక్‌ స్ట్రీట్‌లో చేపట్టిన రోడ్డు సుందరీకరణ పనులు నత్తనడకన సాగుతున్నాయి. దీంతో రెండునెలలుగా ఈ కాలనీవాసులు, ఇక్కడి వ్యాపారులు తీవ్ర ఇబ్బందిపడుతున్నారు. రాకపోకలకూ తీవ్ర ఇబ్బంది ఏర్పడింది. 2018 మార్చిలో ఈ పనులకు కేటీఆర్‌ రాష్ట్ర మున్సిపల్‌శాఖ మంత్రి హోదాలో శంకుస్థాపన చేశారు. ఆ తర్వాత అక్టోబర్, నవంబర్‌లో ఈ పనులకు అధికారులు టెండర్లు, అగ్రిమెంట్‌ ప్రక్రియను చేపట్టారు. 2019 ఏప్రిల్‌లో పనులను ప్రారంభించారు. రూ.1.31 కోట్ల నిధులతో చేపట్టిన ఈ పనులు గత రెండు నెలలుగా కేవలం 20శాతం పూర్తి చేసినట్లు అధికారులు రికార్డులు వెల్లడిస్తున్నాయి. సుమారు ఐదుబ్యాంకులు, ఫైనాన్స్‌ కంపెనీలు, వందకుపైగా.. వ్యాపారదుకాణాలు, నివాస గృహాలు ఉన్న ఈ రోడ్డులో పనుల కారణంగా రాకపోకలకు  తీవ్ర   ఇబ్బందులు   ఎదురవుతున్నాయి. రోడ్డుకు రెండు వైపులా ఒకేసారి డ్రెయినేజీ నిర్మాణాలు చేపట్టి గోతులు తవ్వటంతో ఈ రోడ్డు మార్గాన వెళ్లే వాహదారులకు, పాదచారులకు తీవ్ర అసౌకర్యం ఏర్పడింది. ప్రధానమైన బీటీ, ఫుట్‌పాత్‌ సీసీ నిర్మాణం చేయాల్సి ఉంది. కేవలం 560 మీటర్ల కాంక్రీట్‌ డ్రెయినేజీ నిర్మాణం చేపట్టేందుకే రెండు నెలల సమయం తీసుకుంటే.. మిగతా పనులు చేపట్టేందుకు ఎంతకాలం పడుతుందని ఈ రోడ్డు మార్గాన వెళ్లే ప్రజలు అసహనం వ్యక్తం చేస్తున్నారు.  చేయాల్సి పనులు ఇవే..   బ్యాంక్‌ స్ట్రీట్‌గా పిలువబడే.. ఈరోడ్డు ఆర్టీసీ డిపో నుంచి ఇందిగాంధీ చౌరస్తా వరకు సుందరీకరణ పనులు చేపట్టాల్సి ఉంది. ఇందుకు రూ.1.31 కోట్ల నిధులు కేటాయించారు. ఇరువైపులా 560 మీటర్ల కాంక్రీట్‌ రోడ్డు, 33 ఫీట్ల బీటీరోడ్డు, రోడ్డుకు ఇరువైపులా.. ఒక్కోవైపు ఆరు ఫీట్ల చొప్పున మొత్తం 12 ఫీట్ల సీసీ ఫుట్‌పాత్‌ నిర్మాణం చేయాల్సి ఉంది. ప్రస్తుతం రాజీవ్‌ చౌక్‌ నుంచి పూజా ఎలక్ట్రానిక్స్‌ వరకు మాత్రమే పనులు చేయనారంభించారు. అక్కడి నుంచి డిపో వరకు పనులు సంగంలోనే ఆగిపోయాయి. రాజీవ్‌చౌక్‌ నుంచి ఇందిగాంధీ చౌరస్తా వరకు ఒకవైపు డ్రెయినేజీ నిర్మాణం ఇదివరకే చేసిన కారణంగా.. పడమర వైపు మాత్రమే నిర్మాణం చేసేందుకు అధికారులు సిద్ధమయ్యారు. ఇంకా పనులు ప్రారంభంకాలేదు. ప్రధాన చౌరస్తాలో మురికి కూపం   జిల్లా కేంద్రంలోని నడిబొడ్డున ప్రధాన రాజీవ్‌చౌక్‌లో డ్రెయినేజీ నీరు నిలుస్తుండటంతో దుర్గంధం వెదజల్లుతోంది. పుర పాలకులు, అధికారులు ఎన్నోసార్లు ఈ ప్రధాన కూడలి గుండా వెళ్తుంటారు. కానీ ఎవ్వరికీ ఈ సమస్య పట్టకపోవటం గమనార్హం. ఇక్కడ ఉదయం నుంచి సాయంత్రం వరకు ఉండే చిరువ్యాపారులు మురికి కూపం నుంచి వచ్చే దుర్గంధంను భరించకతప్పని పరిస్థితి ఏర్పడింది. దుకాణాల ఎదుట కర్ర నిచ్చెనలు   డ్రెయినేజీ నిర్మాణం కోసం రెండు వైపులా గోతులు తవ్వటంతో బ్యాంకులకు, వ్యాపార దుకాణాలకు, నివాసగృహాలకు వెళ్లే వారు కర్రనిచ్చెనలు రూ.వేలు వెచ్చించి ఏర్పాటు చేసుకున్నారు. రోడ్డు పనులు ప్రారంభించిన కొద్ది రోజులకే.. ఓ ప్రధాన ఆస్పత్రి వైద్యురాలు కర్రనిచ్చెన దాటబోయి కిందపడి గాయాలపాలైంది. అయినా పనుల్లో వేగం పెరగలేదు.    రోడ్డుపై పారుతున్న మురుగునీరు   రెండు వైపులా ఒకేసారి డ్రైనేజీల నిర్మాణం చేపట్టడంతో ఇరువైపుల నుంచి వచ్చే మురుగునీరు రోడ్డుపై పారుతోంది. దీంతో ఈ దారిగుండా వెళ్లే పాదచారులు ముక్కుమూసుకుని వెళ్లాల్సి వస్తోంది. ఈ కాలనీలో నివాసం ఉంటున్నవారు దుర్గంధాన్ని భరించలేకపోతున్నామని వాపోతున్నారు. అనారోగ్యం పాలవుతున్నామని అంటున్నారు.   పుర పాలకులకు పట్టదా..?   నిత్యం జిల్లా కేంద్రంలో ఉండే.. పురపాలకులు ఈ పనుల జాప్యం విషయంలో ఎందుకు చొరవ చూపించటం లేదనే ఆరోపణలు వినిపిస్తున్నాయి. ఇంటికి మంచినీరు వచ్చే కుళాయి పైప్‌లైన్‌లు కట్‌ అయ్యాయి. దీంతో మున్సిపల్‌ సిబ్బంది రెండుమూడు రోజులకు ఒకసారి ట్యాంకర్లతో ఈ రోడ్డున ఉన్న నివాసగృహాలకు నీటిని సరఫరా చేస్తున్నారు. రోడ్డు సుందరీకరణ పనులు నెమ్మదించడం, ఇక్కడి ప్రజల ఇబ్బందుల విషయమై ఇదే కాలనీకి చెందిన ఓ యువకుడు ట్విటర్‌లో కేటీఆర్‌కు ఫిర్యాదు చేశారు. అతని పేరు చెప్పడానికి ఇష్టపడలేదు.   ఆక్రమణల విషయంలో ఆలస్యమైంది   ఈ రోడ్డులో కొన్ని నిర్మాణాలు మున్సిపల్‌ రోడ్డును కొంతమేర ఆక్రమించుకుని చేశారు. వాటిని తొలగించి డ్రెయినేజీ నిర్మాణం చేయాల్సి ఉన్నందు వల్ల ఆలస్యమైంది. మరో రెండుమూడు రోజుల్లో డ్రెయినేజీల నిర్మాణం పూర్తిచేసి బీటీ రోడ్డు వేయిస్తాం. సాధ్యమైనంత త్వరగా పనులు పూర్తి ప్రజలకు ఇబ్బందులు లేకుండా చూస్తాం.  – భాస్కర్, మున్సిపల్‌ ఇంజనీర్‌   

ఆదిలాబాద్‌రూరల్‌: మున్సిపాలిటీ పాలక వర్గాల గడువు త్వరలో ముగియనుండడంతో మరో మూడు నెలల్లోగా ఎన్నికల ప్రక్రియను పూర్తి చేయాలని ఎన్నికల సంఘం భావిస్తోంది. మున్సిపాలిటీ ఎన్నికలు నిర్వహించేందుకు రాష్ట్ర ఎన్నికల సంఘం అధికారులు సమాయత్తమవుతున్నారు. మే 31లోగా మున్సిపాలిటీ ఎన్నికలు నిర్వహించేందుకు ఏర్పాట్లు చేయాలని మున్సిపల్‌ అడ్మిస్ట్రేషన్‌ డైరెక్టర్, కమిషనర్‌ నుంచి మున్సిపాలిటీ కమిషనర్లకు ఆదేశాలు జారీ అయ్యాయి. ఇందుకు అనుగుణంగా రాష్ట్ర ఎన్నికల సంఘం ఓటరు ముసాయిదా జాబితా తయారీకి ఆదేశించింది. మున్సిపాలిటీలో వార్డుల వారీగా ఓటరు జాబితాలను రూపొందించేందుకు అధికారులు ప్రత్యేక కార్యాచరణను సిద్ధం చేశారు. వీటి బాధ్యతలను కమిషనర్లకు అప్పగించారు. ఈ నెల 16న ముసాయిదా జాబితాను విడుదల చేయనున్నారు. 21వ తేదీ వరకు అభ్యంతరాల స్వీకరిస్తారు. 27న తుది జాబితాను విడుదల చేస్తారు. 28న వార్డుల వారీగా ఓటర్ల తుది జాబితాను విడుదల చేస్తారు. ఇదిలా ఉండగా ఎన్నికల ముసాయిదా విడుదలైనా మున్సిపాలిటీలో వార్డుల పెంపుపై ఇంకా స్పష్టత రాలేదు. వార్డుల పెంపుపై స్పష్టత కరువు  మున్సిపాలిటీ ఎన్నికల నిర్వహణకు అధికారులు ఏర్పాట్లు చేస్తున్నారు. మే మొదటి వారంలోగా ఎన్నికల నోటిఫికేషన్‌ను జారీ చేసి మే 31లోగా పోలింగ్, కౌంటింగ్‌ ప్రక్రియను పూర్తి చేసేందుకు అధికారులు సమాయత్తం అవుతున్నారు. ఎన్నికల ముసాయిదా విడుదలైనా మున్సిపాలిటీలో వార్డులను పెంచడంపై ప్రభుత్వం ఇంకా స్పష్టత ఇవ్వలేదు. గతంలో మున్సిపాలిటీలో విలీనమైనా గ్రామ పంచాయతీలను అధి కారులు సమీప వార్డుల్లో సర్దుబాటు చేశారు. ఈ నిర్ణయంపై అభ్యంతరాలు వ్యక్తం కావడంతో ప్రస్తుతం ఉన్న 36 వార్డులకు తోడు మరో ఐదు వార్డులు పెంచాలంటూ మున్సిపల్‌ కౌన్సిల్, ఎమ్మెల్యే జోగు రామన్న రాష్ట్ర మున్సిపల్‌ శాఖకు విన్నవించారు. దీనిపై ఇంకా ఎలాంటి నిర్ణయం తీసుకోకపోవడంతో మున్సిపాలిటీలో కొత్తగా వార్డులు పెరుగుతాయా..లేక ప్రస్తుతం ఉన్న 36 వార్డుల్లోనే సర్దుబాటు చేసి ఎన్నికలు నిర్వహిస్తారా..? అన్న విషయంపై సందిగ్ధత కొనసాగుతోంది పోలింగ్‌ కేంద్రాల ఏర్పాటుకు  విధివిధానాలు.. మున్సిపాలిటీ ఎన్నికల్లో 800 మంది ఓటర్లకు ఒక పోలింగ్‌ కేంద్రాన్ని ఏర్పాటు చేయాలని ఎన్నికల సంఘం నిర్దేశించింది. కుటుంబంలోని ఓటర్లు అందరు ఒకే పోలింగ్‌ కేంద్రంలో ఓటు హక్కు విని యోగించుకునేలా ఏర్పాట్లు చేయాలని ఎన్నికల సంఘం అధికారులు ఓటరు జాబితాలను రూపొందించే అధికారులకు సూచించారు. ఇదిలా ఉండగా మున్సిపాలిటీ ఎన్నికల్లో మూడు వార్డులకు ఒక రిటర్నింగ్‌ అధికారితోపాటు సహాయ అధికారిని నియమించే అవకాశం ఉంది. విలీన గ్రామాలపై తేలని నిర్ణయం.. ఆదిలాబాద్‌ మున్సిపాలిటీ పరిధిలో మొత్తం 36 వార్డులు ఉన్నాయి. గతేడాది పట్టణానికి సమీపంలోని గ్రామాలను విలీనం చేశారు. మావల పంచాయతీ, బట్టిసావర్‌గాం, రాంపూర్, అనుకుంట, బెల్లూరి, నిషాన్‌ఘాట్‌లను మున్సిపాలిటీలో కలిపేశారు. సీడీఎంఏ ఉన్నతాధికారుల ఆదేశాల మేరకు మున్సిపాలిటీ అధికారులు విలీన జీపీలు, కాలనీలను సమీప మున్సిపాలిటీ వార్డుల్లో విలీనం చేశారు. దీంతో 32వ వార్డులో రాంపూర్‌ గ్రామాన్ని కలిపారు. 13వ వార్డులో అనుకుంట, 27వ వార్డులో బట్టిసావర్‌గాం జీపీలోని టైలర్స్‌కాలనీ, వివేకానంద, ఎన్‌హెచ్‌బీ కాలనీ, అగ్రజా టౌన్‌షిప్, ఆదర్శకాలనీ, భగత్‌సింగ్‌ కాలనీలను విలీనం చేశారు. 3వ వార్డులో బేల్లూరి, నిషాన్‌ఘాట్, 19వ వార్డులో మావల మేజర్‌ గ్రామ పంచాయతీలోని దస్నాపూర్, దర్గానగర్, కేఆర్‌కేకాలనీ, పీహెచ్‌కాలనీ, ఇందిరమ్మ కాలనీ, కృష్ణానగర్, అటెండర్‌ కాలనీలను విలీనం చేశారు. ఇదిలా ఉండగా ప్రస్తుతం 36 వార్డులు ఉండగా మరో ఐదు వార్డులను పెంచి మొత్తం 41 వార్డులు చేస్తారని మున్సిపల్‌ పాలకవర్గం భావిస్తూ వస్తోంది. తాజాగా ఎన్నికల సంఘం ఎన్నికల ముసాయిదా విడుదల చేసింది. కొత్తగా వార్డులు పెంచుతారా..లేక సర్దుబాటు చేసిన వార్డుల ప్రకారం ఎన్నికలు నిర్వహిస్తారా? అన్నది తేలాల్సి ఉంది. ప్రస్తుతం మున్సిపల్‌ కౌన్సిలర్‌గా పోటీ చేసి అదృష్టం పరీక్షించుకుందామనుకునే వారి సంఖ్య అన్ని పార్టీలలో పెరుగుతోంది. ఈ నేపథ్యంలో కొత్తగా వార్డులు పెరిగితే కౌన్సిలర్‌గా పోటీ చేద్దామనుకునే అశావహుల్లో ఒకింత ఆందోళన కనిపిస్తోంది.

సాక్షి, హైదరాబాద్‌: పట్టణ ప్రాంతాల్లో నల్లా కనెక్షన్లు పొందేందుకు చెల్లించే డిపాజిట్లను ప్రభుత్వం భారీగా తగ్గించింది. రాష్ట్రంలోని అన్ని మున్సిపాలిటీలు, మున్సిపల్‌ కార్పొరేషన్లలో ఏపీఎల్‌ కుటుంబాలకు (దారిద్య్రరేఖకు ఎగువనున్న వారు) వంద రూపాయలకే నల్లా కనెక్షన్‌ ఇవ్వాలని ప్రభుత్వం నిర్ణయించింది. దీనికి సంబంధించిన ఫైలుపై ముఖ్యమంత్రి కె. చంద్రశేఖర్‌రావు గురువారం సంతకం చేశారు. ఇప్పటికే బీపీఎల్‌ కుటుంబాలకు (దారిద్య్రరేఖకు దిగువనున్న వారు) ప్రభుత్వం రూపాయికే నల్లా కనెక్షన్‌ ఇస్తుండగా దాన్ని యథావిధిగా కొనసాగించనుంది. ఇతరులు పట్టణ ప్రాంతాల్లో నల్లా కనెక్షన్‌ పొందేందుకు ఇప్పటివరకు రూ. 6,000 డిపాజిట్‌ తీసుకుంటుండగా ఇంటి లోపల నల్లా పెట్టుకోవడానికి ప్రస్తుతం రూ. 10,500 డిపాజిట్‌ తీసుకుంటున్నారు. ఇంత పెద్ద మొత్తంలో డిపాజిట్‌ రుసుము ఉండటం వల్ల పట్టణ ప్రాంతాల్లో మంచినీటి కనెక్షన్‌ తీసుకోవడానికి ప్రజలు ముందుకు రావడం లేదని ముఖ్యమంత్రి కేసీఆర్‌ భావించారు. ‘మిషన్‌ భగీరథతో అన్ని గ్రామాలకు, పట్టణాలకు, నగరాలకు సురక్షిత మంచినీరు అందివ్వాలని ప్రభుత్వం నిర్ణయించింది. నల్లా ద్వారా మంచినీరు పొందే హక్కును ప్రభుత్వం ప్రజలకు కల్పిస్తోంది. అందరూ నల్లా కనెక్షన్‌ పొందాలంటే డిపాజిట్‌ను నామమాత్రం చేయాల్సిన అవసరం ఉంది. అందుకే నల్లా కనెక్షన్‌ డిపాజిట్‌ను తగ్గిస్తున్నాం. ప్రజలంతా ఈ సౌకర్యాన్ని వినియోగించుకొని మిషన్‌ భగీరథతో అందే శుద్దిచేసిన నీటిని తాగాలని కోరుకుంటున్నాను. రాష్ట్రంలోని మున్సిపాలిటీలు, కార్పొరేషన్లలో 7.9 లక్షల ఇళ్లకు నల్లా కనెక్షన్లు ఇవ్వాల్సి ఉంది. అయితే ఇప్పటివరకు కేవలం 1.20 లక్షల ఇళ్లకు మాత్రమే కనెక్షన్లు ఇచ్చారు. డిపాజిట్‌ ఎక్కువగా ఉన్నందున మిగతా ఇంటి యజమానులు ముందుకు రావడంలేదు. దీంతో 6.7 లక్షల ఇళ్లకు నల్లా కనెక్షన్‌ లభించలేదు. వీటికితోడు ప్రస్తుతం నిర్మాణంలో ఉన్న మంచినీటి పథకాల ద్వారా మరో 3.3 లక్షల మందికి నల్లా కనెక్షన్‌ అందాల్సి ఉంది. అంతా కలిపి పట్టణ ప్రాంతాల్లో 10 లక్షల ఇళ్లకు నల్లా కనెక్షన్లు ఇవ్వాలి. డిపాజిట్‌ ఎక్కువ ఉన్నందున వీరు నల్లా కనెక్షన్‌ తీసుకునేందుకు ముందుకొచ్చే పరిస్థితి కనిపించట్లేదు. దీనివల్ల ప్రజలందరికీ మిషన్‌ భగీరథ ద్వారా సురక్షితమైన మంచినీరు తాగించాలనే లక్ష్యం నెరవేరదు. అందుకే ఆర్థికంగా భారమైనప్పటికీ మంచినీటి నల్లా కనెక్షన్‌ కోసం చెల్లించాల్సిన డిపాజిట్‌ను నామమాత్రం చేయాలని నిర్ణయించాం. ప్రజలందరూ శుద్ధి చేసిన మంచినీరు తాగి ఆరోగ్యంగా ఉండాలన్నదే ప్రభుత్వ లక్ష్యం’అని సీఎం కేసీఆర్‌ అన్నారు.

సాక్షి, హైదరాబాద్‌: మున్సిపల్‌ కార్పొరేషన్లు, మున్సిపాలిటీల ఎన్నికల నిర్వహణలో ఇకపై రాష్ట్ర ప్రభుత్వ సమ్మతి తప్పనిసరి కానుంది. తాగునీటి ఎద్దడి ఏర్పడినా, వ్యవసాయ సీజన్, ప్రధాన పండుగలు, ఉత్స వాలు, విద్యార్థులకు పరీక్షల సమయం వంటి రానున్నా ఈ ఎన్నికలను వాయిదా వేసుకునే వెసులుబాటు ప్రభుత్వానికి దక్కనుంది. సర్కారు సమ్మతితోనే రాష్ట్ర ఎన్నికల సంఘం మున్సిపల్‌ ఎన్నికల నోటిఫికేషన్‌ జారీ చేయాల్సి ఉండనుంది.  ప్రత్యేక నిబంధన ద్వారా..: గత నెల 30న రాష్ట్ర ప్రభుత్వం శాసనసభలో పురపాలికల చట్ట సవరణ బిల్లును ఆమోదించింది. మున్సిపల్‌ ఎన్నికల నిర్వహణకు ప్రభుత్వ సమ్మతి తప్పనిసరనే నిబంధనను ఈ బిల్లు ద్వారా చట్టాల్లో కొత్తగా చేర్చింది. పురపాలికలకు సాధారణ ఎన్నికల నిర్వహణ, ఏదైనా పురపాలికల పాలకవర్గాల పదవీకాలం ముగిస్తే ఏర్పడే ఖాళీలను భర్తీకీ తప్పనిసరిగా 6 నెలల్లోపు ఎన్నికలు నిర్వహించాలని రాష్ట్ర ఎన్నికల సంఘం చట్టంలోని నిబంధనలు పేర్కొంటున్నాయి. ఎన్నికల నిర్వహణకు ప్రభుత్వ సమ్మతిని తప్పనిసరి చేయడంతో రాష్ట్ర ఎన్నికల సంఘం అధికారాలకు కత్తెర పడినట్లయింది.  ఎన్నికలను వాయిదా వేసే వెసులుబాటు..  ‘‘రాష్ట్ర ప్రభుత్వ సమ్మతితో మున్సిపల్‌ కార్పొరేషన్లు, మున్సిపాలిటీల సాధారణ ఎన్నికలతో పాటు సాధారణంగా ఏర్పడే ఖాళీలకు రాష్ట్ర ఎన్నికల కమిషన్‌ ఎన్ని కలు జరపాలి. ఎన్నికల నిర్వహణకు సమ్మతి తెలిపే ముందు ప్రభుత్వం శాంతిభద్రతలు, పోలీసు సిబ్బంది లభ్యత, భద్రతా సిబ్బంది, హోంగార్డులు, కేంద్ర సాయుధ బలగాలు, ఎన్నికల విధుల నిర్వహణకు సిబ్బంది లభ్యత, ఎన్నికల నిర్వహణకు అవసరమైన సామగ్రి లభ్యత, సమీకరణ, పోలింగ్, ఓట్ల లెక్కింపు కేంద్రాలు, ఇతర చట్టసభ స్థానాలకు ఎన్నికలు, ప్రకృతి విపత్తులు, వ్యవసాయ సీజన్‌ లాంటి సీజనల్‌ పరిస్థితులు, ప్రధాన పండుగలు, ఉత్సవాలు, విద్యార్థుల పరీక్షలు, అంటురోగాలు, జనాభా గణన, ఇతర గణాంకాల సేకరణ లాంటి ముఖ్యమైన సర్వేలు, ప్రజాప్రయోజనంతో కూడిన అంశాలు, ఇతర పరిపాలన అవసరాలను దృష్టిలో పెట్టుకోవాలి’’అనే సబ్‌ సెక్షన్‌ను ప్రభు త్వం జీహెచ్‌ఎంసీ చట్టం, రాష్ట్ర మున్సిపల్‌ కార్పొరేషన్ల చట్టం, మున్సిపాలిటీల చట్టంలో కొత్తగా చేర్చింది. ఈ సబ్‌ సెక్షన్‌లోని ఏ కారణంతోనైనా ఎన్నికల నిర్వహణకు అనుమతి నిరాకరించే అధికారం ఈ చట్ట సవరణ ద్వారా ప్రభుత్వానికి లభించింది. ప్రభుత్వానికి అనుకూల వాతావరణం లేనప్పుడు మున్సిపల్‌ ఎన్నికలను వాయిదా వేసుకునేందుకే మున్సిపల్‌ చట్టాల్లో ఈ కొత్త నిబంధనను పొందుపరిచినట్లు చర్చ జరుగుతోంది.


 - 10 నుంచి రాష్ట్రంలోని అన్ని పురపాలికల్లో అమలు
 -  48 గంటల్లోపు తనిఖీ నివేదిక..30 రోజుల్లో అనుమతులు
  
  సాక్షి, హైదరాబాద్: భవనాలు, లే ఔట్ల నిర్మాణ అనుమతుల కోసం ఇకపై మున్సిపల్ కార్పొరేషన్లు, మున్సిపాలిటీల కార్యాలయాల చుట్టూ తిరగాల్సిన అవసరం లేదు. ఆన్‌లైన్‌లో దరఖాస్తు చేసుకుంటే చాలు.. 30 రోజుల్లో అనుమతులు అందనున్నాయి. భవనాలు, లే ఔట్లకు ఆన్‌లైన్ అనుమతుల కోసం ఇప్పటికే జీహెచ్‌ఎంసీ, హెచ్‌ఎండీఏల్లో అమలు చేస్తున్న ‘డెవలప్‌మెంట్ పర్మిషన్ మేనేజ్‌మెంట్ సిస్టం (డీపీఎంఎస్)’ను ఈ నెల 10వ తేదీ నుంచి రాష్ట్రంలోని మిగతా 73 పురపాలికల్లోనూ అమల్లోకి తీసుకువస్తున్నారు. దీంతో దరఖాస్తు దశ నుంచి అనుమతి జారీ వరకు ప్రక్రియ మొత్తం ఆన్‌లైన్‌లోనే జరుగనుంది. అనుమతి కోసం కావాల్సిన అన్ని పత్రాలను స్కాన్ చేసి వెబ్‌సైట్‌లో దరఖాస్తుతోపాటు అప్‌లోడ్ చేయాల్సి ఉంటుంది.
 
  శరవేగంగా ప్రక్రియ
  దరఖాస్తు చేశాక 24 గంటల్లో స్థానిక పురపాలక సంస్థ టౌన్ ప్లానింగ్ అధికారులు క్షేత్రస్థాయి పరిశీలన జరుపుతారు. తనిఖీ నివేదికను ఆన్‌లైన్‌లో నమోదు చేస్తారు. 48 గం టల తర్వాత దరఖాస్తుదారులు ఆ తనిఖీ నివేదికను డౌన్‌లోడ్ చేసుకుని అందులోని వివరాలను తెలుసుకోవచ్చు. ఇక లే ఔట్లు, భవనాల అనుమతి కోసం ఒక్కో మున్సిపాలిటీలో ఒక్కో విధంగా ఫీజులు వసూలు చేస్తున్నారు. ప్రస్తుతం దరఖాస్తు చేసుకోగానే టౌన్ ప్లానింగ్ అధికారులు చెప్పిన ఫీజును దరఖాస్తుదారులు చెల్లిస్తున్నారు. ఇకపై అనుమతుల కోసం ము న్సిపాలిటీలకు చెల్లించాల్సిన ఫీజుల వివరాలు ఆన్‌లైన్ ద్వారా తెలిసిపోతుంది. ఇక ప్రక్రియ మొత్తం పూర్తికాగానే అనుమతి జారీ చేసినట్లు స్థానిక మున్సిపల్ కమిషనర్ వెబ్‌సైట్‌లో నమోదు చేస్తారు. అధికారుల డిజిటల్ సంతకాలతో అనుమతి పత్రం సాఫ్ట్‌కాపీ రూపంలో దరఖాస్తుదారు ఈ-మెయిల్‌కు వస్తుంది. ఈ మొత్తం ప్రక్రియలో దరఖాస్తు చేసుకునేవారు మున్సిపల్ కార్యాలయానికి రావాల్సిన అవసరమే ఉండదని అధికారులు పేర్కొంటున్నారు.
 
  డ్యాష్ బోర్డులతో అవినీతికి తెర
  భవనాలు, లే ఔట్లకు అనుమతుల కోసం ఆన్‌లైన్‌లో స్వీకరించిన దరఖాస్తుల పరిష్కారానికి 30 రోజుల గడువు విధించారు. దరఖాస్తుల పరిశీలన, పరిష్కారం కోసం మున్సిపాలిటీలు తీసుకుంటున్న చర్యలను నిరంతరం సమీక్షించేందుకు రాష్ట్ర పురపాలక శాఖ కార్యదర్శి, డెరైక్టరేట్‌తో పాటు డీటీసీపీ కార్యాలయాల్లో డ్యాష్ బోర్డు తెరలను ఏర్పాటు చేస్తారు. దరఖాస్తుల పరిష్కారం స్థితిగతులకు సంబంధించి ఎప్పటికప్పుడు తాజా సమాచారం డ్యాష్ బోర్డులపై కనిపిస్తుంది. దీంతో ఎక్కడెక్కడ జాప్యం జరుగుతుందో ఉన్నతాధికారులకు తెలిసిపోతుంది. అందువల్ల కింది స్థాయి అధికారులు గడువులోగా దరఖాస్తులను పరిష్కరించక తప్పని పరిస్థితి ఏర్పడుతుందని... అనుమతుల జారీలో అవినీతి, అక్రమాలకు అడ్డుకట్ట పడుతుందని అధికారులు పేర్కొంటున్నారు.
  
  ప్రపంచ బ్యాంకు ర్యాంకుపై గురి
  పెట్టుబడులు, వ్యాపారానికి అనుకూల పరిస్థితుల (ఈజ్ ఆఫ్ డూయింగ్ బిజినెస్) పరంగా గతేడాది ప్రపంచ బ్యాంకు రాష్ట్రానికి 13వ ర్యాంకు కేటాయించగా... ఆంధ్రప్రదేశ్‌కు మాత్రం 2వ ర్యాంకు ఇచ్చింది. తెలంగాణలో భవనాలు, లే ఔట్లకు ఆన్‌లైన్ అనుమతుల విధానం అమల్లో లేకపోవడమే ర్యాంకు తగ్గడానికి కారణం. ఏపీలోని 110 మున్సిపాలిటీల్లో ఆన్‌లైన్ అనుమతుల విధానాన్ని అమలు చేస్తుండడంతో ర్యాంకింగ్‌లో కలసి వచ్చింది. ఇక ఈ ఏడాదికి సంబంధించిన ర్యాంకులను త్వరలో ప్రపంచ బ్యాంకు వెల్లడించబోతోంది. ఈ నేపథ్యంలోనే ఆన్‌లైన్ అనుమతుల విధానాన్ని ప్రవేశపెట్టి ర్యాంకు మెరుగుపరుచుకోవాలని రాష్ట్ర ప్రభుత్వం భావిస్తోంది.


 - మూడు నుంచి నాలుగు రెట్లు పెరగనున్న ఆస్తి పన్ను!
 - జీహెచ్‌ఎంసీ సహా 6 మున్సిపల్ కార్పొరేషన్లు, 35 మున్సిపాలిటీలు,
 - 2 నగర పంచాయతీల్లో పెంపునకు కసరత్తు
 - ఏడాది కిందటి ప్రతిపాదనలకు కదలిక
 - ప్రభుత్వ ఆమోదమే తరువాయి
 - వార్షిక అద్దె విలువల ఆధారంగా పన్ను గణన
 - ఈ ఏడాది అక్టోబర్ నుంచి అమల్లోకి వచ్చే అవకాశం
  
 సాక్షి, హైదరాబాద్ : పురపాలికలపై పన్ను పిడుగు పడబోతోంది! జీహెచ్‌ఎంసీ, వరంగల్, ఖమ్మం, నిజామాబాద్, కరీంనగర్, రామగుండం మున్సిపల్ కార్పొరేషన్లతో పాటు 35 మున్సిపాలిటీలు, 2 నగర పంచాయతీల్లో త్వరలో ఆస్తి పన్ను పెరగబోతోంది. ప్రస్తుత అద్దెలను పరిగణనలోకి తీసుకుని ఈ పన్నును సవరించాలని ప్రభుత్వం భావిస్తోంది. ఇందుకు సంబంధించిన ఉత్తర్వులు త్వరలోనే వెలువడతాయని అధికార వర్గాలు వెల్లడించాయి. మున్సిపాలిటీలతోపాటు కార్పొరేషన్లలో ఆస్తి పన్నుల పెంపు ప్రతిపాదనలు ఏడాదికిపైగా ప్రభుత్వం వద్ద పెండింగ్‌లో ఉన్నాయి. తాజాగా వీటిపై కదలిక వచ్చింది. ఆస్తిపన్ను పెంపుపై రాష్ట్ర ప్రభుత్వం, పురపాలక శాఖ మధ్య ఉత్తర ప్రత్యుత్తరాలు జరుగుతున్నాయి.
  
 పెంపు ఎప్పట్నుంచి..?
 రాష్ట్రంలో మొత్తం 6 మున్సిపల్ కార్పొరేషన్లు, 37 మున్సిపాలిటీలు, 25 నగర పంచాయతీలు ఉన్నాయి. వీటిలో 23 కొత్త నగర పంచాయతీలు, 2 కొత్త మున్సిపాలిటీల్లో 2015 ఏప్రిల్ నుంచి ఆస్తి పన్ను పెంపునకు ప్రభుత్వం ఇప్పటికే అనుమతించింది. దీంతో ఆయా చోట్ల ఆస్తి పన్ను మూడు నుంచి ఆరు రెట్లు పెరిగింది.
  
 మిగిలిన ఆరు మున్సిపల్ కార్పొరేషన్లు, 35 మున్సిపాలిటీలు, 2 నగర పంచాయతీల్లో  ఆస్తి పన్ను పెంపుపై ప్రభుత్వం ఏడాది కాలంగా పరిశీలన జరుపుతోంది. గతేడాది జూలైలోనే పెంచేందుకు ప్రయత్నించినా మున్సిపల్ కార్మికుల సమ్మె, ఎన్నికలు, ఇతరత్రా కారణాలతో నిర్ణయాన్ని వాయిదా వేసుకుంటూ వచ్చింది. త్వరగా నిర్ణయం తీసుకుంటే ఈ ఆర్థిక సంవత్సరం రెండో అర్ధభాగం నుంచి అంటే ఈ ఏడాది అక్టోబర్ నుంచే ఈ పురపాలికల్లో ఆస్తి పన్ను పెంపు అమల్లోకి వచ్చే అవకాశముంది. లేదంటే వచ్చే ఏడాది ఏప్రిల్ నుంచి అమల్లోకి రావడం ఖాయమని అధికారవర్గాలు చెబుతున్నాయి.
  
  పురపాలికల్లో గడ్డు పరిస్థితులు..
  ఒక్క జీహెచ్‌ఎంసీ తప్ప రాష్ట్రంలోని మిగిలిన పురపాలికలన్నీ ఆర్థికంగా గడ్డుపరిస్థితి ఎదుర్కొంటున్నాయి. కేంద్ర, రాష్ట్ర ప్రభుత్వాల నుంచి వచ్చే కొద్దిపాటి గ్రాంట్లతో వాటి అవసరాలు ఏమాత్రం తీరట్లేదు. ఎన్నో ఏళ్లుగా పెంచకపోవడంతో అరకొర ఆస్తి పన్ను వసూళ్ల ద్వారా నామమాత్రపు ఆదాయం వస్తోంది. దీంతో పారిశుధ్య కార్మికులకు నెలల తరబడి వేతనాలు కూడా చెల్లించలేకపోతున్నాయి. నీటి సరఫరా, వీధి దీపాలకు సంబంధించి విద్యుత్ బిల్లుల బకాయిలు సైతం రూ.150 కోట్లకు చేరాయి.
  
  పట్టణీకరణకు తగ్గ మౌలిక వసతుల కల్పన కూడా సాధ్యం కావడం లేదు. దీంతో ఆస్తి పన్నుల సవరణకు అనుమతించాలని పురపాలక శాఖ ప్రభుత్వాన్ని ఎప్పట్నుంచో కోరుతోంది. శాస్త్రీయ పద్ధతిలో ఆస్తి పన్నుల గణనను ప్రవేశపెడుతూ 1990లో నాటి ప్రభుత్వం చట్టం తెచ్చింది. ఆ తర్వాత ఆస్తి పన్నుల తొలి సవరణ 1993 అక్టోబర్ 1 నుంచి అమల్లోకి తెచ్చింది. రెండో సవరణ 2002 ఏప్రిల్ 1 నుంచి అమల్లోకి వచ్చింది. అప్పట్నుంచి 13 ఏళ్లు గడిచినా నివాస గృహాలపై ఆస్తి పన్నుల సవరణ జరగలేదు. 2007 అక్టోబర్ 1 నుంచి అమల్లోకి వచ్చిన మూడో సవరణను నివాసేతర కట్టడాలకే పరిమితం చేశారు.
  
  వడ్డన భారీగానే..
  ప్రభుత్వం అనుమతిస్తే వెంటనే ఆస్తి పన్నుల సవరణకు పురపాలికలు గెజిట్ ప్రకటన జారీ చేస్తాయి. పురపాలికలను కొన్ని భాగాలుగా విభజించి ఆస్తుల గణన చేపడతారు. ఇళ్లు, భవనాల కొలతలు తీసుకుంటారు. భవన వినియోగ స్వభావం (నివాస/నివాసేతర), ఆ ప్రాంత వార్షిక అద్దె విలువల ఆధారంగా ఆస్తి పన్ను నిర్ణయిస్తారు. ప్రజల నుంచి రెండుసార్లు అభ్యంతరాలు స్వీకరించి తర్వాత పన్ను ఖరారు చేస్తారు. ప్రస్తుతం నివాస భవనాలపై 2002, నివాసేతర భవనాలపై 2007 నాటి వార్షిక అద్దె విలువల ఆధారంగా ఆస్తి పన్నులు వసూలు చేస్తున్నారు. తాజా వార్షిక అద్దెలను పరిగణనలోకి తీసుకుంటే మూడు, నాలుగు రెట్ల వరకు ఆస్తి పన్నులు పెరగడం ఖాయంగా కనిపిస్తోంది.
  
 ఆస్తి పన్ను పెరిగే పురపాలికలివే..
 మున్సిపల్ కార్పొరేషన్లు(6): గ్రేటర్ హైదరాబాద్, గ్రేటర్ వరంగల్, ఖమ్మం, కరీంనగర్, నిజామాబాద్, రామగుండం
  
  మున్సిపాలిటీలు (35): జనగాం, జగిత్యాల, కోరుట్ల, మెట్‌పల్లి, సిరిసిల్ల, కొత్తగూడెం, పాల్వంచ, ఇల్లెందు, మణుగూరు, ఆదిలాబాద్, భైంసా, బెల్లంపల్లి, నిర్మల్, మంచిర్యాల, కాగజ్‌నగర్, మందమర్రి, తాండూరు, వికారాబాద్, కామారెడ్డి, బోధన్, ఆర్మూర్, నల్లగొండ, సూర్యాపేట, మిర్యాలగూడ, భువనగిరి, సంగారెడ్డి, సదాశివపేట, సిద్దిపేట, జహీరాబాద్, మెదక్, దుబ్బాక, మహబూబ్‌నగర్, నారాయణపేట, గద్వాల, వనపర్తి నగర పంచాయతీలు(2): సత్తుపల్లి, బాదెపల్లి


 మచిలీపట్నం : బందరు పురపాలక సంఘాన్ని కార్పొరేషన్‌గా అప్‌గ్రేడ్ చేసేందుకు రంగం సిద్ధమైంది. జిల్లా కేంద్రాలను మునిసిపల్ కార్పొరేషన్లుగా మార్చాలని ఈ ఏడాది ఫిబ్రవరి 15వ తేదీన హైదరాబాద్‌లో జరిగిన రాష్ట్ర కేబినెట్ సమావేశం నిర్ణయం తీసుకుంది. అప్పటి నుంచి ఈ మునిసిపాల్టీని కార్పొరేషన్‌గా మార్చేందుకు అడుగులు పడుతున్నాయి. దేశంలోనే రెండో పురపాలక సంఘంగా మచిలీపట్నానికి పేరుంది. 1866వ సంవత్సరంలోనే ఈ పురపాలక సంఘం ఏర్పడింది. అప్పట్లో విజయవాడ గ్రామపంచాయతీగా ఉండేది. అప్పట్లో బ్రిటీష్ పాలకులు మచిలీపట్నం నుంచే పరిపాలన కొనసాగించే వారని చరిత్ర చెబుతోంది. ఫ్రెంచ్, డచ్, బ్రిటీష్ పాలకులు ఇక్కడి నుంచే పరిపాలనను కొనసాగించారు. తాజాగా రాష్ట్రంలో మచిలీపట్నంతో పాటు విజయనగరం, శ్రీకాకుళం మునిసిపాల్టీలను కార్పొరేషన్లుగా మార్చడానికి పురపాలకశాఖ కసరత్తు ప్రారంభించింది.  
 
  కార్పొరేషన్‌గా మారితే కేంద్ర ప్రభుత్వ నిధులు
  మచిలీపట్నం పురపాలక సంఘాన్ని కార్పొరేషన్‌గా మారిస్తే కేంద్ర ప్రభుత్వం నుంచి అధికంగా నిధులు విడుదలయ్యే అవకాశం ఉన్నట్లు అధికారులు చెబుతున్నారు. ప్రస్తుతం పట్టణంలో 2011 జనాభా లెక్కల ప్రకారం 1,70,008 మంది జనాభా ఉన్నారు. కార్పొరేషన్‌గా మార్చాలంటే అర్బన్‌ప్లానింగ్, టౌన్‌ప్లానింగ్, భూమి, భవనాల నిర్మాణాలపై నియంత్రణ, సామాజిక, ఆర్థిక పరిస్థితులపై ప్రణాళిక తప్పనిసరిగా ఉండాలి. రోడ్లు, వంతెనలు, నీటి సరఫరా, పారిశ్రామికాభివృద్ధి, పారిశుధ్యం, ప్రజారోగ్యాన్ని మెరుగుపరచాలి.
 
 విభాగం ద్వారా చేసే అన్ని కార్యకలాపాలు, అగ్నిమాపక కేంద్రాలు, మొక్కల పెంపకం, కనీస వైద్యసదుపాయాలు, వీధిలైట్లు, బస్‌స్టాప్, పార్కులు, ఆటస్థలాలు, పార్కింగ్ సదుపాయం, శ్మశానవాటికలు, మురికివాడల అభివృద్ధి, విద్యుత్ సదుపాయం, అద్దె భవనాల లభ్యత, విద్య, వైద్య, సాంస్కృతిక తదితర సదుపాయాలు తప్పనిసరనే నిబంధన ఉంది. ప్రస్తుతం బందరు పురపాలక సంఘంలో ఈ వసతులు జనాభాకు సరిపడా ఉన్నాయి. కార్పొరేషన్‌గా మారిస్తే వివిధ వసతులు సమకూరాలి. ఈ నేపథ్యంలో మచిలీపట్నం పరిసరాల్లో ఉన్న పలు గ్రామాలను విలీనంచేయాల్సి ఉందని అధికారులు చెబుతున్నారు.
 
 మునిసిపాల్టీగా ఉన్న మచిలీపట్నం కార్పొరేషన్‌గా మార్చే విషయం ప్రభుత్వ నిర్ణయంపైనే ఆధారపడి ఉంటుంది. ప్రస్తుత పాలకవర్గం మునిసిపాల్టీగానే కొనసాగించాలని తీర్మానం చేసినా ఈ తీర్మానాన్ని ప్రభుత్వం పరిగణనలోకి తీసుకునే అవకాశం లేదని అధికారులు చెబుతున్నారు. మచిలీపట్నం కార్పొరేషన్‌లో చుట్టు పక్కల గ్రామాలను కలపాలంటే అక్కడి పంచాయతీ పాలకవర్గాల నిర్ణయం, రాజకీయంగా కొన్ని నిర్ణయాలు తీసుకోవాల్సి ఉంది. పంచాయతీ ఎన్నికలు మరో ఏడాదికి జరిగే అవకాశం ఉన్నప్పుడే పంచాయతీలను కార్పొరేషన్‌లో కలిపేందుకు అవకాశం ఉంటుందని అధికారులు అంటున్నారు.


 - నవంబర్ 1 నుంచి గుంటూరు, విజయవాడ, విశాఖపట్నంలో అమలు
 - సాఫ్‌టెక్ సొల్యూషన్స్‌కు రూ. 26.06 కోట్లకు టెండర్  ఖరారు
 - రాష్ట్రంలోని 110 మున్సిపాలిటీల్లో అమలుకు నిర్ణయం
 - విలేకర్ల సమావేశంలో వివరాలు వెల్లడించిన డీటీసీపీ రఘురామ్
 సాక్షి, గుంటూరు: నగరపాలక సంస్థలు, పురపాలక సంఘ కార్యాలయాల చుట్టూ తిరిగే పని లేకుండా త్వరలో ఆన్‌లైన్ ద్వారా భవన నిర్మాణాల అనుమతులు ఇచ్చేందుకు చర్యలు చేపడుతున్నామని టౌన్ అండ్ కంట్రీ ప్లానింగ్ డెరైక్టర్ (డీటీసీపీ) జి.వి.రఘురామ్ తెలిపారు. గుంటూరు నగరపాలక సంస్థలోని ప్రత్యేకాధికారి కార్యాలయంలో శుక్రవారం ఆయన విలేకరులతో మాట్లాడుతూ ఇంటి వద్ద నుంచి భవన నిర్మాణ అనుమతులకు దరఖాస్తు చేసుకుంటే.. కొద్ది రోజుల్లోనే ఆన్‌లైన్‌లో అనుమతులు పొందే ఏర్పాటు చేస్తున్నామన్నారు. సాఫ్‌టెక్ సొల్యూషన్స్‌కు రూ.26.06 కోట్లకు టెండర్‌ను ఖరారు చేశామని చెప్పారు.
 
 ముందుగా పెలైట్ ప్రాజెక్ట్ కింద గుంటూరు, విజయవాడ, విశాఖపట్నం నగరపాలక సంస్థల్లో నవంబర్ 1వ తేదీ నుంచి ఆన్‌లైన్ ద్వారా భవన నిర్మాణ అనుమతులు ఇచ్చేందుకు చర్యలు చేపడుతున్నామన్నారు. జీఎంసీలో ఏడాది జనవరి నుంచి ఇప్పటి వరకూ 83 బిల్డింగ్ ప్లాన్ దరఖాస్తులు పెండింగ్‌లో ఉన్నట్లు గుర్తించామని, అందులో 54 దరఖాస్తు దారుల వద్దే పెండింగ్ ఉన్నాయని వివరించారు.
 
 ఈ ఒక్క రోజులో 11 దరఖాస్తులు పూర్తి చేసి అనుమతులు ఇచ్చామని తెలిపారు. 200 చదరపు గజాల కంటే లోపు ఉన్న వారు దరఖాస్తుతోపాటు డబ్బు మొత్తం కట్టేస్తే రెండు లేదా మూడు రోజుల్లో అనుమతులు ఇచ్చే ఏర్పాటు చేస్తామన్నారు. అనుమతుల మంజూరులో ఆలస్యం చేసిన ఓ బిల్డింగ్ ఇన్‌స్పెక్టర్‌కు రోజుకు రూ. 50 చొప్పున పెనాల్టీ వేశామని చెప్పారు. టీడీఆర్ బాండ్‌లకు కామన్ రిజిస్టర్ లేదని గుర్తించామని, దీని వల్ల ఇప్పటికి ఎన్ని తప్పులు జరిగాయనేది అటుంచితే భవిష్యత్తులో తప్పులు జరిగే ప్రమాదం ఉందని డీటీసీపీ అన్నారు. రోడ్డు, కాలువలు ఏర్పాటు చేయకపోతే అపార్ట్ మెంట్‌లకు అనుమతిచ్చే సమస్యే లేదు. ఖచ్చితంగా బీటీ రోడ్ ఏర్పాటు చేయాలి. బీపీఎస్‌ను అందరూ వినియోగించుకోవాలని డీటీసీపీ రఘురామ్ కోరారు.


 తహశీల్దార్, ఆర్డీవో కార్యాలయాల వద్ద ఆందోళన
 చిత్తూరులో కలెక్టరేట్ ముట్టడి
 మద్దతిచ్చిన వైఎస్సార్ సీపీ నాయకులతో పాటు కార్మికుల అరెస్టు
 నేటి నుంచి సమ్మెను ఉధృతం చేస్తామన్న నాయకులు
  
  తిరుపతి కార్పొరేషన్: జిల్లాలోని రెండు మున్సిపల్ కార్పొరేషన్లు, ఆరు మున్సిపాలిటీల్లో కార్మికులు చేస్తున్న సమ్మె 15వ రోజుకు చేరింది. సమ్మెలో ఉన్న కార్మికులు రోజుకో రీతిలో ఆందోళన చేస్తున్నా ప్రభుత్వానికి మాత్రం చీమకుట్టినట్టు లేదు. ఒక పక్క పట్టణాల్లో చెత్త పేరుకుపోవడం, దుర్గంధం వెదజల్లి ప్రజారోగ్యంపై ప్రభావం చూపుతున్నా ప్రభుత్వం పట్టించుకోకపోవడంపై కార్మికులు ఆగ్రహం వ్యక్తం చేస్తున్నారు. తాజాగా నాలుగు రోజుల్లో మున్సిపల్ కార్మికుల న్యాయమైన డిమాండ్లను తీర్చకపోతే రాష్ర్టవ్యాప్త బంద్ చేస్తామని వైఎస్సార్ సీపీ అధినేత వైఎస్ జగన్‌మోహన్‌రెడ్డి ప్రభుత్వానికి అల్టిమేటం ఇవ్వడంతో మున్సిపల్ కార్మికుల్లో నూతనోత్తేజం నెలకొంది. అందులో భాగంగానే కార్మికులు ప్రభుత్వ కార్యాలయాలను ముట్టడించి నిరసన తెలిపారు.
 
 చిత్తూరులో కలెక్టరేట్ ముట్టడించిన కార్మికులకు వైఎస్సార్‌సీపీ మహిళా విభాగం జిల్లా అధ్యక్షురాలు గాయత్రీదేవి మద్దతు తెలిపి, ఆందోళనలో పాల్గొన్నారు. ఈ నేపథ్యంలో పోలీసులు గాయత్రితో పాటు కలెక్టరేట్ ముట్టడిలో పాల్గొన్న ఏఐటీయూసీ నాయకుడు నాగరాజు, సీఐటీయూ నాయకులు చైతన్యతో పాటు 150మంది కార్మికులను అరెస్టుచేశారు. ఆపై సొంత పూచీకత్తుపై విడుదల చేశారు. మదనపల్లెలో కార్మికుల సమ్మెకు వైఎస్సార్‌సీపీ ఎమ్మెల్యే దేశాయ్ తిప్పారెడ్డి, కౌన్సిలర్లు బాలగంగారెడ్డి, మస్తాన్ రెడ్డి, ఖాజీ మద్దతు పలికి, ధర్నాలో పాల్గొన్నారు.  తిరుపతిలో ఏఐటీయూసీ ఆధ్వర్యంలో నగరంలో పెద్ద ఎత్తున కార్మికులు ర్యాలీ నిర్వహించారు. అనంతరం ఆర్డీవో కార్యాలయాన్ని ముట్టడించారు.  పలమనేరు, పుత్తూరు, నగరిలో తహశీల్దార్ కార్యాలయాలను ముట్టడించారు. పుంగనూరులో కార్మికుల ధర్నా చేశారు. ఇక ఉద్యమాన్ని తీవ్రతరం చేస్తామని కార్మిక సంఘాల నాయకులు ప్రభుత్వాన్ని హెచ్చరించారు.   
  


 అమలాపురం టౌన్ : నగరాలు, పట్టణాల్లో నిబంధనలకు విరుద్ధంగా నిర్మించిన భవనాలను క్రమబద్ధీకరణ (బీపీఎస్) చేయించుకునేందుకు ప్రభుత్వం మరోసారి అవకాశం కల్పించింది. దీంతో నిర్మాణాల్లో జరిగిన తప్పులను సరిదిద్దుకునేందుకు  భవన యజమానులకు వీలు కలగడంతో పాటు స్థానిక సంస్థలకు బోలెడు రాబడి రానుం ది.  1998, 2008 సంవత్సరాల్లో అప్పటి ప్రభుత్వాలు రెండుసార్లు అవకాశం ఇచ్చినా అక్రమ భవన నిర్మాణదారుల నుంచి స్పందన అంతంత మాత్రంగానే వచ్చింది. తాజాగా ప్రభుత్వం మూడోసారి బీపీఎస్‌ను ఈనెల 27 నుంచి అమలు చేస్తోంది. జీవో నం:128తో మార్గదర్శకాలు, నిబంధనలు జారీ చేసింది.
  
  దీంతో జిల్లాలోని రెండు మున్సిపల్ కార్పొరేషన్లు, ఏడు మున్సిపాలిటీలు, మూడు నగర పంచాయతీల్లో నిబంధనలకు విరుద్ధంగా నిర్మితమైన భవనాల యజమానులకు గుబులు కలుగుతోంది. క్రమబద్ధీకరణ ఒక రకంగా వారికి అవకాశమే అయినా  అందుకు నిర్ధారించిన ఫీజులు ఇప్పుడు తడిసి మోపెడై పెద్ద మొత్తాల్లో చెల్లించుకోవాల్సి వస్తుంది. మున్సిపాలిటీల అనుమతులు లేకుండా కొందరు, అనుమతి పొందినా అధికారికంగా ఇచ్చిన ప్లాన్‌కు విరుద్ధంగా కొందరు భవనాలను నిర్మించారు. అప్పట్లో ఫీజుల చెల్లింపు నుంచి వారు కొంత ఉపశమనం పొందినా మున్సిపాలిటీలు మాత్రం ఎంతో ఆదాయాన్ని కోల్పోయాయి.  
  
  రూ.50 కోట్లకు పైగా రాబడి
  జిల్లాలోని నగర, పుర పాలికల్లో దాదాపు 15 వేలకు పైగా అక్రమ కట్టడాలు ఉండవచ్చని అంచనా. రాజమండ్రి, కాకినాడ నగరాల్లోనే దాదాపు ఎనిమిది వేల అక్రమ కట్టడాలు ఉండవచ్చు. అమలాపురం, మండపేట, రామచంద్రపురం, తుని, పెద్దాపురం మున్సిపాలిటీల్లో దాదాపు నాలుగు వేల అక్రమ నిర్మాణాలు ఉంటాయని అంచనా. బీపీఎస్‌లో అక్రమ భవనాలకు విధించే అపరాధ రుసుం ద్వారా జిల్లాలోని నగర పాలక సంస్థలు, పురపాలక సంఘాలు, నగర పంచాయతీలకు రూ.50 కోట్లకు పైగానే ఆదాయం రావచ్చని సర్కారు ఆశిస్తోంది.
  
  
  ఇవీ నిబంధనలు
  =    బీపీఎస్‌ను సద్వినియోగం  చేసుకోవాలనుకునే అక్రమ నిర్మాణదారులు ఈనెల 27 నుంచి రానున్న 60 రోజుల్లో ఆన్‌లైన్ ద్వారా స్థానిక సంస్థలకు దరఖాస్తు చేసుకోవాలి.
  =    దరఖాస్తుతో పాటు రూ.10 వేలు కనీస అపరాధ రుసుంగా చెల్లించాలి.
  =    మిగిలినది స్థానిక సంస్థలు తెలియజేసిన 30 రోజులలోపు చెల్లించి భవనాలను క్రమబద్ధీకరణ చేసుకోవాలి.
  =    ఒకవేళ దరఖాస్తును తిరస్కరిస్తే 30 రోజుల్లోపు ప్రభుత్వం ఏర్పాటుచేసిన ప్రత్యేక కమిటీకి అప్పీలు చేసుకోవాలి.
  =    100 చదరపు మీటర్ల లోపు స్థలాల్లోని నేల లేదా అంతస్తు వరకూ గల నిర్మాణం ఈ బీపీఎస్‌కు వర్తించదు.
  =    1985 జనవరి 1 నుంచి 201 డిసెంబరు 31 మధ్య కాలంలో నిర్మించిన అనధికార కట్టడాలకు మాత్రమే ఈ స్కీమ్ వర్తిస్తుంది.
  =    1997 డిసెంబరు 31 కంటే ముందుగా నిర్మించిన భవనాలపై 25 శాతం, నోటిఫైడ్ స్లమ్స్‌లోని నిర్మాణాలపై 50 శాతం అపరాధ రుసుంలో తగ్గింపు అవకాశం ఉంటుంది.
  =    దరఖాస్తుతో పాటు కనీస అపరాధ రుసుం, డిక్లరేషన్, గతంలో మంజూరు చేసిన ప్లాను (ఉంటే) భవనం తాలూకు ఫోటోలు, భవన యాజమాన్య పత్రం, ఇన్‌డెమ్నిటీ బ్యాండు, 3 జతల ప్లానుల స్ట్రక్చరల్ స్టెబిలిటీ సర్టిఫికెట్ అందజేయాలి.
  =    అక్రమ లే అవుట్ల భవనాలు, ప్రభుత్వ స్థలాలు, రిజర్వుడు స్థలాలు తదితర అధికారిక స్థలాల్లో నిర్మించిన అక్రమ కట్టడాలకు బీపీఎస్ వర్తించదు.
  


 సాక్షి, న్యూఢిల్లీ: నగరంలోని అనధికార కాలనీలను తమ ప్రభుత్వం క్రమబద్ధీకరిస్తుందని ఉప ముఖ్యమంత్రి మనీశ్ సిసోడియా చెప్పారు. దీని కోసం కాలనీల సరిహ ద్దులను నిర్ధారించడం, రిజిస్ట్రేషన్ చేయడం వంటి ప్రకియలను త్వరలో చేపడతామని తెలిపారు. మున్సిపల్ కార్పొరేషన్లు లేఅవుట్లను తయారుచేసి అనధికార కాలనీల క్రమబద్ధీకరణపై తమ చిత్తశుద్ధిని చాటుకోవాలని ఆయన కోరారు. అనధికార కాలనీల క్రమబద్ధీకరణ ప్రక్రియ చాలా ఏళ్లుగా నానుతూ వస్తోందని, ఈ సమస్యను పరిష్కరించేందుకు తమ ప్రభుత్వం నడుంబిగించిందని చెప్పారు. కాగా, అనధికార కాలనీల క్రమబద్ధీకరణ ప్రక్రియలో మూడు దశలు ఉంటుందని తెలిపారు.
  
  అవి సరిహద్దు నిర్ధారణ, లేఅవుట్ తయారీ, రిజిస్ట్రేషన్ అని చెప్పారు. వీటిలో సరిహద్దు నిర్ధారణ, రిజిస్ట్రేషన్ ఢిల్లీ ప్రభుత్వం చేస్తుందని, లే అవుట్ తయారీ మాత్రం మున్సిపల్ కార్పొరేషన్ల చేతిలో ఉంటుందన్నారు. తమ చేతుల్లో ఉన్న రెండు ప్రక్రియలను ఒక దాని తర్వాత ఒకటి చేపడుతూ నగరంలోని అనధికార కాలనీల క్రమమబద్ధీకరణ ప్రారంభిస్తామని చెప్పారు. రెవెన్యూ విభాగం అనధికార కాలనీల సరిహద్దులను నిర్ధారించి మున్సిపల్ కార్పొరేషన్‌కు పంపుతుందని తెలిపారు. మున్సిపల్ కార్పొరేషన్లు కాలనీ లేఅవుట్ తయారుచేసిన వెంటనే తమ ప్రభుత్వం రిజిస్ట్రేషన్ జరుపుతుందని చెప్పారు. అనంతరం దానిని క్రమబద్ధీకరించిన కాలనీగా డీడీఏ ప్రకటిస్తుందని సిసోడియా వివరించారు.
  


 కిరణ్ హయూంలో రూ.7,390 కోట్లతో కండలేరు పథకం మంజూరు
 తొలి దశలో రూ.4,300 కోట్లతో 12 ప్యాకేజీలకు టెండర్లు
 పథకం పనులను అభయాన్స్‌లో పెట్టిన చంద్రబాబు    
 రూ.ఎనిమిది వేల కోట్లతో వాటర్‌గ్రిడ్ ఏర్పాటుకు ప్రణాళిక
 ఇంతవరకూ ఏదీ తేల్చని ప్రభుత్వం
  
  తిరుపతి: జిల్లా ప్రజల దాహార్తి శాశ్వతంగా తీర్చే ప్రాజెక్టుపై స్పష్టత లేకపోవడంతో అధికార వర్గాల్లో అయోమయం నెలకొంది. వాటర్ గ్రిడ్ పనులను చేపడుతున్నట్లుగానీ .. కండలేరు పథకాన్ని రద్దు చేసినట్లుగానీ ఇప్పటిదాకా ప్రభుత్వం ప్రకటించకపోవడంతో గందరగోళం నెలకొంది. జిల్లాలో 1,380 పంచాయతీల పరిధిలో 11,580 గ్రామాలు, రెండు మున్సిపల్ కార్పొరేషన్లు, ఆరు మున్సిపాలిటీలు ఉన్నాయి. ఒక్క తిరుపతి నగరం మినహా తక్కిన ప్రాంతాలకు భూగర్భ జలాలపై ఆధారపడే తాగునీటి పథకాలను చేపట్టారు. వర్షాభావ ప్రాంతమైన జిల్లాలో భూగర్భ జలమట్టం 21.35 మీటర్లకు పడిపోయింది. భూగర్భ జలాలు అందుబాటులో లేకపోవడంతో  ఏడాది పొడవునా 1,713 గ్రామాలకు ట్యాంకర్ల ద్వారా నీటిని సరఫరా చేస్తున్నారు.
 
 రూ.7.390 కోట్లతో కండలేరు పథకం..
 
 నెల్లూరు జిల్లా కండలేరు రిజర్వాయర్ నుంచి 6.61 టీఎంసీల నీటిని ఎత్తిపోసి జిల్లాలో 45 మండలాల్లోని 8,468 గ్రామాలకు తాగునీటిని అందించే పథకానికి అప్పటి సీఎం కిరణ్ రూపకల్పన చేశారు. పథకం నిర్మాణ బాధ్యతలను ఇన్‌ఫ్రాస్టక్చర్ కార్పొరేషన్ ఆఫ్ ఆంధ్రప్రదేశ్ (ఐఎన్‌సీఏపీ)కి అప్పగించారు. రూ.7,390 కోట్ల అంచనా వ్యయంతో 576 కిలోమీటర్ల పొడవున పైపు లైన్లు నిర్మించి, 32 క్లస్టర్ రిజర్వాయర్లను ఏర్పాటు చేసి 8,468 గ్రామాలకు నీళ్లందించేలా అంచనాలను రూపొందించారు.  కండలేరు నీటి ప్రాజెక్టు చేపట్టేందుకు జనవరి 4, 2014న టెండర్లు పిలిచింది. తొలి దశ కింద కండలేరు రిజర్వాయర్ నుంచి చిత్తూరులోని కలవకుంట రిజర్వాయర్ వరకూ 164 కిలోమీటర్ల పైపు లైను నిర్మించి 4,500 గ్రామాలకు నీళ్లందించేందుకు రూ.4,300 కోట్ల అంచనా వ్యయంతో టెండర్లు పిలిచారు. ఎనిమిది నుంచి 12 శాతం అధిక ధరలకు కోట్ చేసిన అస్మదీయ కాంట్రాక్టర్లకు టెండర్లను ఖరారు చేసి మొబిలైజేషన్ అడ్వాన్సు రూపంలో రూ.40 కోట్లను కట్టబెట్టింది. కేంద్ర ఎన్నికల సంఘం సార్వత్రిక ఎన్నికల షెడ్యూలును ప్రకటించడంతో పనులును ప్రారంభించలేకపోయారు.
 
 కథ మళ్లీ మొదటికి..
 
 సార్వత్రిక ఎన్నికల్లో టీడీపీ గెలుపొందడంతో చంద్రబాబు సీఎంగా బాధ్యతలు స్వీకరించారు. జిల్లాలో వాటర్ గ్రిడ్ ఏర్పాటు చేసి దాహార్తి తీర్చుతామని ప్రకటించారు. కండలేరు నీటి ప్రాజెక్టును అభయాన్స్‌లో పెడుతున్నట్లు జూన్ 24న ప్రకటించారు. ప్రభుత్వ ఆదేశాల మేరకు పశ్చిమ మండలాలకు హంద్రీ-నీవా, వెలిగల్లు రిజర్వాయర్ తూర్పు మండలాలకు గాలేరు-నగరి, తెలుగు గంగ ప్రాజెక్టు ద్వారా నీటిని తరలించి వాటర్ గ్రిడ్‌ను ఏర్పాటు చేసేలా అధికారులు నివేదిక రూపొందించారు. వాటర్ గ్రిడ్ ఏర్పాటుకు రూ.ఎనిమిది వేల కోట్ల అవసరం అవుతాయని అంచనా వేశారు. సుమారు 6.5 టీఎంసీల నీటిని వాటర్ గ్రిడ్‌కు కేటాయించాలని సూచించారు. వాటర్ గ్రిడ్‌పై పలుమార్లు సమీక్ష సమావేశం నిర్వహించిన సీఎం చంద్రబాబు.. పనులను ఎప్పుడు చేపడతామన్నది ప్రకటించలేదు. కండలేరు నీటి ప్రాజెక్టును రద్దు చేస్తున్నట్లు కూడా ఉత్తర్వులు జారీ చేయలేదు. ఏ పథకం ప్రభుత్వం చేపడుతుందో తెలియక ఇటు అధికారులు .. అటు ప్రజలు గందరగోళంలో పడ్డారు.


 త్వరలోనే నిర్ణయం తీసుకోనున్న రాష్ట్ర ప్రభుత్వం
 పెండింగ్‌లో 6726 బీపీఎస్, 5165 ఎల్‌ఆర్‌ఎస్ దరఖాస్తులు
 ఇక దరఖాస్తుల స్వీకరణ లేనట్లే!
  
 సాక్షి, హైదరాబాద్: అక్రమ భవన నిర్మాణాలు, లే ఔట్ల క్రమబద్ధీకరణ పెండింగ్ దరఖాస్తులకు మోక్షం కలగనుంది. వీటిపై రాష్ట్ర ప్రభుత్వం త్వరలోనే ఓ నిర్ణయం తీసుకునే అవకాశం కని పిస్తోంది. అలాగే ఇక క్రమబద్ధీకరణ కోసం కొత్తగా దరఖాస్తులు స్వీకరించరాదని భావిస్తోంది. జీహెచ్‌ఎంసీ, హెచ్‌ఎండీఏ, ఉడాలను మినహాయిస్తే.. తెలంగాణలోని ఇతర మున్సిపల్ కార్పొరేషన్లు, మున్సిపాలిటీల వద్ద పెండింగ్‌లో ఉన్న 6,726 బీపీఎస్ దరఖాస్తులు, 5,165 ఎల్‌ఆర్‌ఎస్ దరఖాస్తులపై ప్రభుత్వం నిర్ణయం తీసుకోవాల్సి ఉంది. తెలంగాణ ఏర్పడిన నేపథ్యంలో వాటిపై నిర్ణయం తీసుకోవాలంటూ పురపాలక, పట్టణాభివృద్ధి శాఖ సీఎం కార్యాలయాన్ని కోరింది.
  
  భవన నిర్మాణంలో ప్లాన్ ఉల్లంఘనలు, అనుమతులు లేకుండా నిర్మించిన కట్టడాలను రెగ్యులైరె జ్ చేసేందుకు అక్రమ భవనాల క్రమబద్ధీకరణ పథకాన్ని (బీపీఎస్) ప్రవేశపెట్టుతూ ఏపీ రాష్ట్ర ప్రభుత్వం 2007 డిసెంబర్ 31న జీవో నెం.901 జారీ చేసింది. అప్పుడు వివిధ కారణాలతో పెండింగ్‌లో ఉంచిన 6,726 దరఖాస్తులపై ఎలాంటి నిర్ణయం తీసుకోలేదు. అలాగే 2008లోనూ అసమగ్ర వివరాలు, ఇతర కారణాలతో 5,165 దరఖాస్తులను పెండింగ్‌లో పెట్టారు. ఎల్‌ఆర్‌ఎస్ ద్వారా పురపాలక సంస్థలకు రూ.112.57 కోట్ల ఆదాయం వచ్చింది. ఈ పెండింగ్ దరఖాస్తులపై సీఎం పేషీ నుంచి గ్రీన్‌సిగ్నల్ రాగానే అందుకు సంబంధించిన ఉత్తర్వులు జారీ అయ్యే అవకాశముంది.


 సాక్షి, న్యూఢిల్లీ: దేశంలోని 4,041 మున్సిపల్ కార్పొరేషన్లు, మున్సిపాల్టీలు, పట్టణాల్లో వార్డు స్థాయిలో జరిగే స్వచ్ఛభారత్ మిషన్ కార్యక్రమాలను ప్రధాన మంత్రి నరేంద్ర మోదీ నేరుగా పరిశీలించే విధంగా మేనేజ్‌మెంట్ ఇన్ఫర్మేషన్ సిస్టమ్స్(ఎంఐఎస్) అనే వ్యవస్థను రూపొందించనున్నట్టు కేంద్ర పట్టణాభివృద్ధి శాఖ వెల్లడించింది. దీని ద్వారా పట్టణ ప్రాంతాల్లో రూ. 67 వేల కోట్లు ఖర్చు చేయనున్నామని తెలిపింది.


 హైదరాబాద్: రాష్ట్రంలో మునిసిపల్ ఎన్నికల ఫలితాలలో తెలంగాణలో కాంగ్రెస్, ఆంధ్రప్రదేశ్లో టిడిపి హవా కొనసాగుతోంది. 10 మునిసిపల్ కార్పోరేషన్లకు,  145 మునిసిపాలిటీలకు ఎన్నికలు జరిగిన విషయం తెలిసిందే. వీటిలో ఏపిలో 7 కార్పోరేషన్లు, 92 మునిసిపాలిటీలు, తెలంగాణలో మూడు  కార్పోరేషన్లు, 53 మునిసిపాలిటీలు ఉన్నాయి.  తొలిసారిగా మునిసిపల్ ఎన్నికల రంగంలో  దిగిన వైఎస్ఆర్ సిపి ఇప్పటివరకు తెలిసిన ఫలితాలలో రెండు మునిసిపల్ కార్పోరేషన్లను, 25 మునిసిపాలిటీలు గెలుచుకుంది.  ఏపిలో కాంగ్రెస్ పార్టీ తుడిచిపెట్టుకుపోయింది. ఒక్క మునిసిపాలిటీని కూడా గెలుచుకోలేకపోయింది.
 
 ఆయా పార్టీలు గెలుచుకున్న కార్పోరేషన్లు, మునిసిపాలిటీల వివరాలు ఈ దిగువన ఇస్తున్నాం.
 
 కడప కార్పోరేషన్‌    : వైఎస్‌ఆర్సిపి
 నెల్లూరు కార్పోరేషన్‌ : వైఎస్‌ఆర్సిపి
 రాజమండ్రి కార్పోరేషన్‌  : టీడీపీ
 చిత్తూరు కార్పోరేషన్   :  టీడీపీ
 అనంతపురం  కార్పోరేషన్ :  టీడీపీ
 కరీంనగర్ కార్పోరేషన్    : కాంగ్రెస్
 రామగుండం కార్పోరేషన్  : టిఆర్ఎస్
 మునిసిపాలిటీలు:
 
 వైఎస్ఆర్ సిపి :  శ్రీకాకుళం జిల్లా  ఆముదాలవలస, ఇచ్ఛాపురం.
 విజయనగరం జిల్లా బొబ్బిలి.
 కృష్ణా జిల్లా జగ్గయ్యపేట, నూజివీడు.
 గుంటూరు జిల్లా తాడేపల్లి, సత్తెనపల్లి.
 ప్రకాశం జిల్లా చీరాల, గిద్దలూరు.
 నెల్లూరు జిల్లా కావలి, ఆత్మకూరు, సూళ్లూరుపేట, గూడూరు.
 వైఎస్ఆర్ జిల్లా  పులివెందుల, రాయచోటి, ఎర్రగుంట్ల.
 చిత్తూరు జిల్లా మదనపల్లి,  పుంగనూరు,పలమనేరు.
 కర్నూలు జిల్లా ఆళ్లగడ్డ, గూడూరు, ఆత్మకూరు,ఆదోని, నందికొట్టూరు,
 అనంతపురం జిల్లా గుత్తి.
 
 టిడిపి : శ్రీకాకుళం జిల్లా  పాలకొండ, పలాస.
 విజయనగరం జిల్లా సాలూరు, విజయనగరం.
 విశాఖపట్నం జిల్లా నర్సీపట్నం, యలమంచిలి.
 తూర్పుగోదావరి జిల్లా  మండపేట, రామచంద్రాపురం, పెద్దాపురం, ఏళేశ్వరం,
 సామర్లకోట, అమలాపురం, పిఠాపురం,తుని.
 పశ్చిమగోదావరి జిల్లా  భీమవరం, పాలకొల్లు,తాడేపల్లిగూడెం, నిడదవోలు, తణుకు, జంగారెడ్డిగూడెం.
 కృష్ణా జిల్లా నందిగామ, తిరువూరు, పెడన.
 గుంటూరు జిల్లా నర్సరావుపేట, చిలకలూరిపేట, మంగళగిరి. మాచర్ల, పిడుగురాళ్ల, వినుకొండ, తెనాలి, బాపట్ల, రేపల్లె.
 ప్రకాశం జిల్లా మార్కాపురం, అద్దంకి, చీమకుర్తి, కనిగిరి.
 నెల్లూరు జిల్లా వెంకటగిరి.
 రంగారెడ్డి జిల్లా ఇబ్రహీంపట్నం, పెద్దఅంబర్‌పేట్‌.
 నల్గొండ జిల్లా  కోదాడ.
 వైఎస్ఆర్ జిల్లా  జమ్మలమడుగు, మైదుకూరు, ప్రొద్దుటూరు, బద్వేల్‌.
 కర్నూలు జిల్లా నంద్యాల, ఎమ్మిగనూరు, డోన్.
 చిత్తూరు  జిల్లా శ్రీకాళహస్తి, నగరి, పుత్తూరు.
 అనంతపురం జిల్లా గుంతకల్లు, తాడిపత్రి, ధర్మవరం, కదిరి, రాయదుర్గం, మడకశిర, పుట్టపర్తి, పామిడి, కళ్యాణదుర్గం.
 
 కాంగ్రెస్ :   రంగారెడ్డి జిల్లా వికారాబాద్, బడంగ్‌పేట్‌.
 మెదక్ జిల్లా  జహీరాబాద్, సదాశివపేట, సంగారెడ్డి, ఆందోల్‌.
 కరీంనగర్ జిల్లా  జగిత్యాల, కోరుట్ల.
 నల్గొండ జిల్లా నల్లగొండ, మిర్యాలగూడ, హుజూర్‌నగర్, దేవరకొండ.
 మహబూబ్‌నగర్ జిల్లా గద్వాల్, షాద్‌నగర్.
 నిజామాబాద్ జిల్లా ఆర్మూర్‌.
 ఆదిలాబాద్ జిల్లా బెల్లంపల్లి, మంచిర్యాల.
 
 టిఆర్ఎస్ :  మెదక్‌ జిల్లాలో మెదక్.
 కరీంనగర్ జిల్లా మెట్పల్లి, పెద్దపల్లి, హుస్నాబాద్, జమ్మికుంట, హుజూరాబాద్
 మహబూబ్‌నగర్ జిల్లా అయిజ.
 
 బిజెపి : మహబూబ్‌నగర్ జిల్లా నారాయణ్‌పేట.
 కరీంనగర్‌ జిల్లా వేములవాడ నగర పంచాయతీ.
 
 బిఎస్పి : ఆదిలాబాద్ జిల్లా నిర్మల్‌.
 
 ఎంఐఎం : భైంసా
 
 కొన్ని మునిసిపాలిటీలలో ఏ ఒక్క పార్టీ పూర్తి మెజారిటీ సాధించలేదు. 13 మునిసిపాలిటీలలో ఎవరికీ ఆధిక్యత లభించలేదు. కొన్ని మునిసిపాలిటీలలో వైఎస్ఆర్ సిపి, టిడిపి సమానంగా కౌన్సిల్ స్థానాలు గెలుచుకున్నాయి.
  


 3,990 వార్డులకు 35,998 నామినేషన్లు
 చివరిరోజునే 21 వేలకు పైగా నామినేషన్లు
 నేడు నామినేషన్ల పరిశీలన..  ఉపసంహరణకు చివరి తేదీ ఈ నెల 18
  
  సాక్షి, హైదరాబాద్: మున్సిపల్ ఎన్నికల్లో నామినేషన్ల ఘట్టం శుక్రవారం ముగిసింది. 3,990 వార్డులకు గాను 35,998 నామినేషన్లు దాఖలయ్యాయి. రాష్ట్రవ్యాప్తంగా 146 మున్సిపాలిటీలకు ఈనెల 10వ తేదీ నుంచి నామినేషన్ల స్వీకరణ ప్రారంభమయింది. చివరిరోజు శుక్రవారం 21 వేలకు పైగా నామినేషన్లు దాఖలయ్యాయి. శనివారం నామినేషన్ల పరిశీలన ఉంటుంది. తిరస్కరణకు గురైన నామినేషన్లపై 16వ తేదీన అప్పీలు చేసుకోవచ్చు. నామినేషన్ల ఉపసంహరణకు ఈ నెల 18 చివరి తేదీ. నామినేషన్ల ఉపసంహరణ తర్వాత రాజకీయ పార్టీల ప్రచారం ఊపందుకోనుంది. మున్సిపల్ ఎన్నికల పోలింగ్ ఈ నెల 30న జరగనున్న సంగతి విదితమే. మున్సిపల్ కార్పొరేషన్లకు గురువారం గడువు ముగియగా.. 513 డివిజన్లకు 6,837 నామినేషన్లు దాఖలైన విషయం విదితమే.
  
  సీమాంధ్రలో పలుచోట్ల కాంగ్రెస్ నామినేషన్లు నిల్
 సీమాంధ్ర ప్రాంతంలో కాంగ్రెస్ పార్టీ తరఫున నామినేషన్లు దాఖలు చేసిన వారి సంఖ్య బహుస్వల్పంగా ఉండడం గమనార్హం. రాష్ట్ర విభజన తరువాత ఆ పార్టీకి చెందిన పలువురు నాయకులు ఇతర పార్టీల్లో చేరడం, వారితో పాటే అనుచరగణం కూడా వెళ్లిపోవడంతో కాంగ్రెస్ తరఫున నామినేషన్లు దాఖలు చేసేవారే కరువయ్యూరు. సీమాంధ్రలోని యలమంచలి, సామర్లకోట, తణుకు, మార్కాపురం, ఎర్రగుంట్ల, ఆళ్లగడ్డ, పామిడి (నగర పంచాయతీ)లలో కాంగ్రెస్ పార్టీ తరఫున ఒక్క నామినేషన్ కూడా దాఖలు కాకపోవడం గమనార్హం. ఇక రాయదుర్గం, గుత్తి మున్సిపాలిటీల్లో ఒక్కొక్కటి చొప్పున, తాడిపత్రిలో రెండు నామినేషన్లు మాత్రమే దాఖలయ్యూరుు. పామిడి, రాయదుర్గం, గుత్తి, తాడిపత్రి మున్సిపాలిటీలు ఏపీసీసీ కొత్త అధ్యక్షుడు రఘువీరారెడ్డి సొంత జిల్లా అనంతపురంలోనివి కావడం గమనార్హం. కాగా ఇదే జిల్లాలోని ధర్మవరంలో నాలుగు, గుంతకల్లులో ఐదు నామినేషన్లు మాత్రమే కాంగ్రెస్ తరఫున దాఖలయ్యూరుు. అరుుతే తెలంగాణ ప్రాంతంలో మాత్రం కాంగ్రెస్ అభ్యర్థులు ఎక్కువగా నామినేషన్లు వే శారు.
  
  ఆదిలాబాద్ మున్సిపాలిటీ మినహా మిగతా 145 మున్సిపాలిటీల్లో రాజకీయ పార్టీల వారీగా దాఖలైన నామినేషన్ల వివరాలు ఇలా ఉన్నాయి.
  కాంగ్రెస్: 6,062, వైఎస్సార్‌సీపీ: 6,442, టీడీపీ:8,213, టీఆర్‌ఎస్: 2,776, బీఎస్పీ:175, బీజేపీ: 1,906, సీపీఐ: 526, సీపీఎం: 639, లోక్‌సత్తా:161, స్వతంత్రులు: 7,940, రిజిస్టర్డ్ పార్టీలు: 660 (ఆదిలాబాద్ మున్సిపాలిటీలో మొత్తం 498 నామినేషన్లు దాఖలయ్యాయి)


 అమలులోకి ఎన్నికల కోడ్
  
  ఏలూరు, న్యూస్‌లైన్ :
  నగర పాలక సంస్థలు, మునిసిపాలిటీలు, నగర పంచాయతీలకు ఎన్నికల షెడ్యూల్ విడుదల చేయటంతో ఎన్నికల కోడ్ అమలులోకి వచ్చింది. రాజకీయ నాయకులకు, ఎన్నికల బరిలో నిలిచే అభ్యర్థుల ప్రచారానికి సంబంధించి పలు నిబంధనలు వర్తించనున్నాయి. ఈ నిబంధనలను ఉల్లంఘిస్తే ఎన్నికల నియమావళిని అనుసరించి చట్ట ప్రకారం చర్యలు తీసుకుంటామని రాష్ట్ర ఎన్నికల కమిషన్ స్పష్టం చేసింది. దీంతో అధికారులు పట్టణాల్లోని రాజకీయ పార్టీలకు చెందిన బ్యానర్లు, కటౌట్లను తొలగించే పనిలో నిమగ్నమయ్యారు.
  
  నియమావళి ఇది..
      కులం, మతం, భాష ప్రాతిపదికన ఓట్లు అభ్యర్థించకూడదు
      {పభుత్వ సంస్థల భవనాలను ఎట్టి పరిస్థితుల్లోనూ ఎన్నికల ప్రచారం కోసం ఉపయోగించరాదు    {పైవేట్  స్థలాలు, భవనాలు వినియోగించాలంటే తప్పనిసరిగా సంబంధిత యజమాని రాతపూర్వక అనుమతి పొందాలి. అనుమతి పత్రాన్ని జిల్లా ఎన్నికల అధికారికి పంపాలి.
  
      {పచారానికి వినియోగించే కరపత్రాలు, వాల్‌పోస్టర్లు, ఫ్లెక్సీల వంటి వాటిపై ముద్రణ సంస్థల పేరుతో పాటు వాటి మొత్తం సంఖ్య, ఎవరు ముద్రింపజేశారు అనే వివరాలను విధిగా ప్రచురించాలి.
  
      ఇతర పార్టీల కరపత్రాలు, వాల్‌పోస్టర్లు, ఫ్లెక్సీల వంటి వాటిని చించటం, తొలగించటం ఎన్నికల నియమావళిని ఉల్లఘించటమే
  
      మంత్రులు, ఎంపీలు, శాసనసభ్యులు అభివృద్ధి కార్యక్రమాల్లో పాల్గొనకూడదు. అధికారులు సైతం అభివృద్ధి కార్యక్రమాలు చేపట్టరాదు
  
      అభ్యర్థుల బహిరంగ సభల్లో ప్రభుత్వ ఉద్యోగులు పాల్గొనకూడదు
      ముందస్తు అనుమతి లేకుండా ఊరేగింపులు, బహిరంగ సభలు నిషిద్ధం. లౌడ్ స్పీకర్ల వినియోగానికి పోలీస్ శాఖ అనుమతి తప్పనిసరి
  
      ఓటర్లను మభ్య పెట్టేలా హామీలు ఇవ్వకూడదు. కోడ్ సమయంలో ప్రభుత్వ అతిథి గృహాలను ప్రజాప్రతినిధులకు కేటాయించకూడదు
  
      ఎన్నికల కోడ్ ఉన్న ప్రాంతాల్లోకి వచ్చే ప్రజా ప్రతినిధుల వెంట వారి సెక్యూరిటీ సిబ్బంది తప్ప ఇతర ప్రభుత్వ అధికారుల ఎవరూ ఉండకూడదు.
  
      ఓటర్లను ప్రలోభ పెట్టేందుకు ఆరాధన ప్రాంతాలు(ఆలయాలు, చర్చి లు, మసీదులు వంటివి) వినియోగించటం  నిషేధం
  
   పంపిణీ చేసే ఓటర్ స్లిప్‌లు తెల్లకాగితంపై మాత్రమే ముద్రించినవై ఉండాలి. వాటిమీద పార్టీకి సంబంధించిన చిహ్నాలు, రంగులు ఉండకూడదు
  
  


 
     తిరుపతి, చిత్తూరు కార్పొరేషన్ మేయర్ మహిళలకు
 
      తిరుపతి జనరల్ మహిళ, చిత్తూరు బీసీ మహిళ
 
      జిల్లా రాజకీయాల్లోకి కొత్త ముఖాలు
 
      తిరుపతి రేసులో డాక్టర్లు
 
   సాక్షి, చిత్తూరు: జిల్లాలోని రెండు మున్సిపల్ కార్పొరేషన్లలో రాజకీయ ముఖ చిత్రం మారనుంది. ఇక మహిళలు స్థానిక సంస్థల పాలనా పగ్గాలు చేపట్టనున్నారు. రాజకీయ పార్టీ ఏదైనా అంతి మంగా మహిళలే మేయర్లుగా రాజ్యమేలనున్నారు. త్వరలో జరగనున్న మున్సిపల్ ఎన్నికలకు రాష్ట్ర ప్రభుత్వం శనివారం రిజర్వేషన్లు ప్రకటించింది. ఈ రిజర్వేషన్లలో తిరుపతి మున్సిపల్ కార్పొరేషన్‌కు జనరల్ మహిళ, చిత్తూ రు కార్పొరేషన్ బీసీ మహిళకు రిజర్వేషన్ అయింది. ఈ క్రమంలో జిల్లా రాజ కీయాల్లోకి కొత్త ముఖాలు అరంగేట్రం చేయనున్నాయి. త్వరలో జరగనున్న మున్సిపల్ ఎన్నికలకు ఆశావహుల సంఖ్య కూడా భారీగానే ఉండనుంది. డివిజన్లు, వార్డుల్లోనూ సగం మహిళల కు రిజర్వేషన్లు ఉండడంతో మహిళల భాగస్వామ్యం మున్సిపల్  పాలనలో పెరగనుంది.
  
  తిరుపతి బరిలోకి డాక్టర్లు..
 
  తిరుపతిలో కాంగ్రెస్, టీడీపీ, వైఎస్సార్‌సీపీల తరఫున కార్పొరేషన్ ఎన్నికల్లో మేయర్ అభ్యర్థిగా అవకాశం వస్తే రంగంలోకి దిగాలని కొందరు మహిళా డాక్టర్లు తెరపైకి వచ్చే అవకాశం లేకపోలేదు. రెండు సంవత్సరాలుగా ఓసీ సామాజికవర్గానికి చెందిన ఇద్దరు, ముగ్గురు మహిళా డాక్టర్లు సామాజిక సేవా కార్యక్రమాల్లోనూ, ఉద్యమాల్లోనూ చురుకైన పాత్ర పోషిస్తూ వచ్చారు. ప్రజలకు, మీడియాకు సుపరిచితులుగా ఉన్నారు. వీరిలో ఎవరినైనా ప్రధాన రాజకీయ పార్టీలు మేయర్ అభ్యర్థులుగా పరిగణ నలోకి తీసుకునే అవకాశం లేకపోలేదు. దీంతో తిరుపతి రాజకీయ చిత్రపటం పైకి కొత్త ముఖాలు రానున్నాయి.
 
  చిత్తూరులో రాజకీయ నాయకుల భార్యలు
 
  చిత్తూరు కార్పొరేషన్ మేయర్ పదవి బీసీ మహిళకు రిజర్వు కావడంతో రాజకీయం మారనుంది. ఇప్పటివరకు పురుషులే చైర్మన్లుగా ఉంటూ వచ్చిన ఈ మున్సిపాల్టీకి గతంలో ఎమ్మెల్యే సీకే బాబు సతీమణి సీకే లావణ్య పోటీచేసి స్వల్పతేడాతో ఓడిపోయారు. కాంగ్రెస్, టీడీపీలో ప్రముఖ నాయకులందరూ ఓసీకి చెందినవారు కావడంతో బీసీకి చెందిన నాయకులు భార్యలను రంగంలోకి దింపాల్సి ఉం టుంది. ఈ క్రమంలో ఏ పార్టీలో చేరనప్పటికీ బీసీ సంక్షేమ సంఘం తరఫున చురుకుగా వ్యవహరిస్తున్న ఒక నాయకుడు తన భార్యను మేయర్ అభ్యర్థిగా రంగంలోకిదింపే అవకాశాలులేకపోలేదని పరిశీలకులు  భావిస్తున్నారు.
  


 163 మున్సిపాల్టీలు, 19 కార్పొరేషన్లలో నిలిచిపోనున్న పారిశుద్ధ్యం
  సాక్షి, హైదరాబాద్: మున్సిపల్ కార్మిక సంఘాల నాయకులతో మంత్రి మహీధర్‌రెడ్డి శుక్రవారం జరిపిన చర్చలు విఫలమయ్యాయి. దీంతో శుక్రవారం అర్ధరాత్రి నుంచే రాష్ట్రంలోని 163 మున్సిపాల్టీలు, 19 మున్సిపల్ కార్పొరేషన్లలో పారిశుద్ధ్య కార్యకలాపాలు స్తంభింప చేస్తున్నామని కార్మిక సంఘాల ప్రతినిధులు వె ల్లడించారు. సోమవారం నుంచి మంచినీరు, వీధి దీపాల కార్యక్రమాలను కూడా బహిష్కరించనున్నట్లు ప్రకటించారు. సుమారు 1.30 లక్షల మంది మున్సిపల్ ఉద్యోగులు సమ్మెలో పాల్గొననున్నారు. శుక్రవారం సాయంత్రం మంత్రి మహీధర్‌రెడ్డితో జరిగిన చర్చలు ఫలించకపోవడంతో మున్సిపల్ ఉద్యోగులు సమ్మె చేయాలనే నిర్ణయించారు. కాగా, చర్చలకు కార్మికుల సమస్యల పరిష్కారానికి డిసెంబర్‌లో నియమించిన కమిటీ చైర్మన్ (జీహెచ్‌ఎంసీ కమిషనర్), లేబర్ కమిషనర్ ప్రతినిధి, పురపాలక శాఖ ముఖ్యకార్యదర్శి హాజరుకాలేదు. దీంతో మంత్రి మహీధర్‌రెడ్డి తీవ్ర అసంతృప్తి వ్యక్తం చేశారు.
  
  అధికారులు చర్చలు జరిపి, ప్రతిపాదనలు పంపిస్తే.. వాటిని ఆమోదించే వ్యక్తిని తానని, అధికారులు రానందున ఇప్పుడు చర్చలు సాగించినా ప్రయోజనం లేదని, సోమవారం చర్చిద్దామంటూ మంత్రి వ్యాఖ్యానించారని కార్మిక సంఘాల ప్రతినిధులు చెప్పారు. పారిశుద్ధ్యం, మంచినీటి సరఫరా, వీధి దీపాలతోపాటు కంప్యూటర్ ఆపరేటర్లు, ఇతర కాంట్రాక్టు, ఔట్ సోర్సింగ్ సిబ్బంది సమ్మెలో పాల్గొంటారని చెప్పారు. మంత్రితో చర్చలు జరిపిన వారిలో ఏఐటీయూసీ, బీఎంఎస్, సీఐటీయూ, హెచ్‌ఎంఎస్, ఇఫ్టూ, టీఆర్‌ఎస్‌కేవీ, టీఎన్‌టీయూసీ సంఘాల ప్రతినిధులు ఉన్నారు. మున్సిపల్ ఉద్యోగులు, కార్మికుల సమ్మెకు మద్దతిస్తున్నట్లు సీపీఐ, ఐఎఫ్‌టీయూ తెలిపారు.


 న్యూఢిల్లీ: ప్రజలకు భారీ వాగ్దానాలు చేయడం మినహా బీజేపీ పాలిత మున్సిపల్ కార్పొరేషన్లు తమ పాలనతో పారదర్శకత పెంపునకు చర్యలేమీ తీసుకోవడం లేదనే విమర్శలు వినిపిస్తున్నాయి. విభజనకు ముందున్న మున్సిపల్ కార్పొరేషన్ ఆఫ్ ఢిల్లీ (ఎంసీడీ) పరిపాలనలో జవాబుదారీతనాన్ని పెంచడానికి పలు చర్యలు ప్రకటించింది. వార్డుల వారీగా అభివృద్ధి పనులు, ప్రాథమిక సేవలకు బాధ్యులైన అధికారులు, సిబ్బంది వివరాలు, సమస్యల పరిష్కార విధానం తదితర అంశాలను ఎప్పటికప్పుడు ఆన్‌లైన్‌లో అప్‌లోడ్ చేయాలని నిర్ణయించింది. అంతేగాక 2012లో ఆరు సేవలను ఈ-సర్వీస్ లెవెల్ అగ్రిమెంట్ (ఈ-ఎల్‌ఎల్‌ఏ)లో చేర్చింది. అయితే ఆచరణలో జరుగుతున్నది శూన్యమని ఢిల్లీవాసులు ఆరోపిస్తున్నారు.
  
 కౌన్సిలర్ల పేర్లు, ఫిర్యాదుల నమోదు వంటి ప్రాథమికస్థాయి సేవలు కూడా సరిగ్గా అందడం లేదని చెబుతున్నారు. ధ్రువపత్రాల జారీలోనూ ఇబ్బందులు ఎదురవుతున్నాయనే విమర్శలు పెరుగుతున్నాయి. అయితే ఈ-సేవా విధానం సక్రమంగానే పనిచేస్తోందని  కార్పొరేషన్లు చెబుతున్నాయి. ఈ-సేవల్లో ఎటువంటి లోపాలు లేవు కాబట్టి ఇప్పటి వరకు ఏ ఒక్క అధికారికీ జరిమానా విధించలేదని దక్షిణఢిల్లీ మున్సిపల్ కార్పొరేషన్ సభాపక్ష నాయకుడు సుభాష్ ఆర్య అన్నారు. గత రెండేళ్లుగా నగరంలో అభివృద్ధి మందగించిన మాట నిజమే అయినా, ఇందుకు ఎంసీడీని మూడు కార్పొరేషన్లుగా విభజించడమే కారణమని బీజేపీ కౌన్సిలర్లు ఆరోపిస్తున్నారు. ఈ-పాలన ప్రాజెక్టును రూ.100 కోట్ల వ్యయంతో ప్రారంభించినా, ఏడాదిగా అది మూలన పడి ఉందని చెబుతున్నారు.
  
 ‘పాలనలో మరింత పారదర్శకత పెంచడానికి వీలుగా మేం ఎన్నో ప్రతిపాదనలు సిద్ధం చేశాం. అయితే ఎంసీడీని మూడు కార్పొరేషన్లుగా విభజించిన తరువాత వాటిలో చాలా వరకు అమలుకు నోచుకోలేదు. సేవలు అమలుకు సంబంధించి ఓ ప్రైవేటు సంస్థతోనూ మాకు వివాదం ఉంది’ అని ఆర్య వివరించారు. అభివృద్ధి ప్రాజెక్టుల కాంట్రాక్టుల మంజూరులో పూర్తి పారదర్శకత పాటించాలని న్యూఢిల్లీ మున్సిపల్ కౌన్సిల్ (ఎన్‌డీఎంసీ) నిర్ణయించింది. దీనిపై ఉత్తరఢిల్లీ కార్పొరేషన్ సభాపక్ష నాయకురాలు మీనా అగర్వాల్ హర్షం వ్యక్తం చేశారు. ‘నిజంగా ఇది మంచి నిర్ణయం. ఈ విషయమై మా కమిషనర్‌తోనూ చర్చిస్తాను. ప్రజలంతా పాలనలో జవాబుదారీతనం, పారదర్శకతను కోరుకుంటున్నాను. ఈ మేరకు వ్యవస్థను తీర్చిదిద్దడానికి మేం అన్ని ప్రయత్నాలూ చేస్తున్నాం. ఇతర కార్పొరేషన్లు కూడా ఇలాంటి ప్రయత్నాలు చేయాలి’ అని ఆమె వివరించారు.
  


 ఒంగోలు, న్యూస్‌లైన్: మానవాళి మనుగడకు, పర్యావరణానికి ప్లాస్టిక్ ప్రమాదకరంగా మారుతోందని పర్యావరణవేత్తలు హెచ్చరిస్తున్నా వినియోగం మాత్రం రోజురోజుకూ పెరుగుతూనే ఉంది. ఇతర ప్రాంతాల నుంచి ప్లాస్టిక్ కవర్లు భారీగా దిగుమతి అవుతున్నాయి. వీటిని అరికట్టేందుకు అధికార యంత్రాంగం తీసుకుంటున్న చర్యలు నామమాత్రమే. జిల్లాలో నానాటికీ పెరుగుతున్న ప్లాస్టిక్ వ్యర్థాలపై సమరసాక్షి కథనం..
  జిల్లాలో ఒక నగరపాలక సంస్థ, మూడు మున్సిపాలిటీలు,నాలుగు నగరపాలక సంస్థలు ఉన్నాయి. ప్రస్తుతం మున్సిపల్ పరిపాలనా విభాగం నగర పాలక సంస్థలు, మున్సిపాలిటీలు, నగర పంచాయతీల్లో ‘చెత్తపై కొత్త సమరం’ పేరుతో గతంలో వందరోజుల కార్యక్రమాన్ని చేపట్టింది. ఈ కార్యక్రమంలో భాగంగా అన్ని రకాల వ్యర్థాల నుంచి ప్రజలకు విముక్తి కల్పించాలి. ఒంగోలులో 2010 డిసెంబర్‌లో ప్లాస్టిక్ కవర్ల విక్రయాలపై దాడులు విపరీతంగా జరిగాయి.
 
 వీటిపై ప్రజారోగ్యశాఖ అప్పట్లో అవగాహనా కార్యక్రమాలు కూడా ఏర్పాటు చేసింది. కానీ ప్రస్తుతం రోడ్లపై చెత్త కనపడకుండా చేయడంలో చూపుతున్న శ్రద్ధ ప్లాస్టిక్ వినియోగాన్ని అరికట్టడంలో చూపించడంలేదు. అన్ని మార్కెట్లు, షాపుల్లో ప్లాస్టిక్ కవర్ల వినియోగం విపరీతంగా ఉంటోంది. 40 మైక్రాన్ల కన్నా అధిక మందం కలిగిన రకాల ప్లాస్టిక్ కవర్లను వినియోగించేందుకు అవకాశం ఉన్నా వాటి వినియోగం పెరిగే కొద్దీ అనర్థమే.
 
 ఒక ప్లాస్టిక్ వస్తువు భూమిలో కలిసిపోవాలంటే కనీసంగా వెయ్యి సంవత్సరాలు పడుతుందనేది శాస్త్రవేత్తల అంచనా. పట్టణాల్లో కర్రీ పాయింట్లలో వీటి వినియోగం ఎక్కువగా ఉంది. ప్లాస్టిక్ కవర్లలో ఇచ్చే ఆహార పదార్థాల వేడికి ప్లాస్టిక్ కరగడం వల్ల వాటిని భుజించే వారికి పలు వ్యాధులు వచ్చే అవకాశం ఉంది. ఈ నేపథ్యంలో ప్లాస్టిక్ సంచులకు ప్రత్యామ్నాయంగా గుడ్డ సంచుల వినియోగం పెంచాల్సి ఉంది. తొలి దశలో క్లాత్ బ్యాగులు చాలా షాపుల్లో దర్శనమిచ్చాయి. కానీ ప్లాస్టిక్ వాడకానికి అలవాటుపడిన వారు వాటిని పట్టించుకోకపోవడంతో పరిస్థితి మొదటికొచ్చింది.
 
 
   ఒంగోలు నడిబొడ్డున ఉండే ఊరచెరువు మొత్తం ప్లాస్టిక్ వ్యర్థాలతో నిండిపోయి ఉంటోంది.
   మార్కాపురం, పొదిలి పట్టణాల్లో ప్లాస్టిక్ వినియోగం యథేచ్ఛగా సాగుతోంది. హోటళ్లలో సైతం ఆహార పదార్థాలు ప్యాక్ చేసేందుకు వీటినే వినియోగిస్తున్నారు.
 
   యర్రగొండపాలెం, పర్చూరు వంటి గ్రామీణ ప్రాంతాల్లో వివాహాది శుభకార్యాలకు ఎక్కువగా ప్లాస్టిక్ వస్తువులను వినియోగిస్తున్నారు.
  చీరాలలో రెండు నెలల నుంచి దాడులు ఉధృతంగా నిర్వహిస్తుండడంతో ప్లాస్టిక్ వస్తువుల వినియోగం బాగా తగ్గింది. అయితే కర్రీ పాయింట్లు, హోటళ్లలో మాత్రం ఇంకా వీటినే వాడుతున్నారు.
  చీమకుర్తిలో కమిషనర్ ఉన్నా హెల్త్ ఆఫీసర్ పోస్టు ఖాళీగా ఉంది. దీంతో అక్కడ తనిఖీలు కూడా లేకుండా పోయాయి.
  గిద్దలూరులో మాత్రం తనిఖీలు చేసి ప్లాస్టిక్ కవర్లను స్వాధీనం చేసుకుంటున్నారు.
  
   ఇంకా జరిమానాల పరంపర ప్రారంభం కాలేదు. అద్దంకిలో  శనివారం ఆరుగురి నుంచి ప్లాస్టిక్ కవర్లు స్వాధీనం చేసుకొని *4250 జరిమానా విధించారు.
 
  ప్లాస్టిక్ వ్యర్థాలను హైవేల వెంబడి జన సంచారం ఎక్కువగా ఉండే ప్రాంతాల్లో తగలబెడుతున్నందు వల్ల ఆరోగ్య సమస్యలు ఏర్పడుతున్నాయి. పాడైపోయిన కంప్యూటర్లు, టీవీలు వంటి ఎలక్ట్రానిక్ వస్తువుల విడిభాగాలను నిక్షిప్తం చేసేందుకు కూడా సరైన ప్రణాళిక అవసరం. డంపింగ్ యార్డులు లేకపోవడంతో చాలాచోట్ల వీటిని పట్టించుకోవడం లేదు. చిత్తశుద్ధితో దృష్టిసారిస్తే అన్ని మున్సిపాలిటీలు, నగర పంచాయతీలు, కార్పొరేషన్లలో వీటిని అరికట్టడం సాధ్యమే.