India U19 Vs Australia U19

టీమిండియా విధ్వంసకర ఓపెనర్‌ వీరేందర్‌ సెహ్వాగ్‌ పెద్ద కుమారుడు ఆర్యవీర్‌ సెహ్వాగ్‌ కూడా తండ్రి బాటలో పయనిస్తున్నాడు. క్రికెట్‌ను కెరీర్‌గా ఎంచుకున్న ఆర్యవీర్‌.. ఇటీవలే భారత​ అండర్‌-19 జట్టు తరఫున అరంగేట్రం చేశాడు.తండ్రి మాదిరే ధనాధన్‌రాజ్‌కోట్‌ వేదికగా ఆస్ట్రేలియా అండర్‌-19 జట్టుతో యూత్‌ వన్డే సిరీస్‌లో భాగంగా ఆర్యవీర్‌ బరిలోకి దిగాడు. తండ్రి మాదిరే ఓపెనర్‌ అయిన ఈ కుడిచేతి వాటం బ్యాటర్‌.. తొలి మ్యాచ్‌లో 26 బంతుల్లో ఐదు ఫోర్ల సాయంతో 28 పరుగులు చేశాడు.ఆసీస్‌పై అదరగొట్టాడుఆసీస్‌తో రెండో యూత్‌ వన్డేలో 48 బంతులు ఎదుర్కొన్న ఆర్యవీర్‌.. తొమ్మిది ఫోర్లు బాది 47 పరుగులు చేశాడు. కెరీర్‌లో తొలి హాఫ్‌ సెంచరీ చేసే అవకాశాన్ని తృటిలో చేజార్చుకున్నాడు. ఇక మూడో వన్డేలో ఆర్యవీర్‌ 31 బంతుల్లో ఐదు ఫోర్లు బాది 34 పరుగులు రాబట్టాడు. తద్వారా మొత్తంగా ఈ సిరీస్‌లో 109 పరుగులు సాధించాడు.చాలా గర్వంగా ఉందిఈ నేపథ్యంలో వీరేందర్‌ సెహ్వాగ్‌ ఎన్డీటీవీతో మాట్లాడగా.. ఆర్యవీర్‌కు మీరిచ్చిన సలహా ఏమిటనే ప్రశ్న ఎదురైంది. ఇందుకు స్పందిస్తూ.. ‘‘ఆర్యవీర్‌ సెహ్వాగ్‌ను చూస్తుంటే నాకు గర్వంగా ఉంది. ఎల్లప్పుడూ ఒత్తిడి ఉంటుంది. అయితే, నువ్వు మాత్రం స్వేచ్ఛగా ఆడమని సలహా ఇచ్చాను.ప్రేమిస్తారు, విమర్శిస్తారు, ద్వేషిస్తారు‘మైదానంలో నిన్ను నువ్వు ఆవిష్కరించుకో. భారీ స్కోర్లు సాధించాలనే ఆలోచనను పక్కనపెట్టు. నువ్వు స్వేచ్ఛగా ఆడగలిగితే పరుగులు వాటంతటవే వస్తాయి. ప్రజలు నిన్ను ప్రేమిస్తారు. ఒక్కోసారి ఘాటుగా విమర్శిస్తారు. ఇంకోసారి బాగా ద్వేషిస్తారు.కానీ వీటిలో ఏ ఒక్కదానికీ నువ్వు స్పందించకూడదు. ఆటను ఆస్వాదిస్తూ అనుకున్న లక్ష్యాన్ని చేరుకోవడమే నీ పని. నువ్వు బాగా ఆడుతున్నావా? విఫలమవుతున్నావా? అన్న సంగతి నీకే అర్థమవుతుంది.ఎవరు ఏమనుకున్నా పట్టించుకోకుఅలాంటపుడు నైపుణ్యాలు మెరుగుపరచుకోవడంపై దృష్టి పెట్టు. బయటి వ్యక్తులు ఏమంటున్నారనే దానికంటే ప్రాక్టీస్‌ చేయడంపైనే నీ దృష్టి ఉండాలి. ఎవరు ఏమనుకున్నా పట్టించుకోకుండా కేవలం ఆట మీదనే మనసు లగ్నం చేయాలి’ అని చెప్పాను.అందుకు ఆర్యవీర్‌ సరే నాన్న అన్నాడు. ఢిల్లీ తరఫున అండర్‌-19 క్రికెట్‌ ఆడాడు. పరుగులు రాబట్టాడు. ఒక్కోసారి విఫలమయ్యాడు. ఏ దశలోనైనా అతడు ఒకేలా ఉన్నాడు. అది అత్యుత్తమ విషయం. అయినా తను ఇంకా చిన్న పిల్లాడే. కాబట్టి ఒక్కోసారి నిరాశకు గురై బాధపడుతూ ఉంటాడు. పద్దెమినిదేళ్ల పిల్లాడు మెల్లగా అన్నీ నేర్చుకుంటాడు’’ అని వీరేందర్‌ సెహ్వాగ్‌ పుత్రోత్సాహంతో పొంగిపోయాడు. చదవండి: తొలి టెస్టులో ఆసీస్‌ను మట్టికరిపించిన భారత్‌

రాజ్‌కోట్ వేదిక‌గా ఆస్ట్రేలియా అండ‌ర్‌-19తో జ‌రిగిన మూడో అన‌ధికారిక వ‌న్డేలో 6 వికెట్ల తేడాతో భార‌త్ అండ‌ర్‌-19 జ‌ట్టు ఘ‌న విజ‌యం సాధించింది. దీంతో మూడు వ‌న్డేల సిరీస్‌ను భార‌త యువ జ‌ట్టు 3-0తో క్లీన్ స్వీప్ చేసింది. ఈ నామమాత్ర‌పు మ్యాచ్‌లో తొలుత బ్యాటింగ్ చేసిన ఆసీస్‌ 49.3 ఓవర్లలో 254 పరుగులకు ఆలౌటైంది. ఓపెనర్‌ జెడ్ హోలిక్(87), నీల్ పటేల్(51) హాఫ్‌ సెంచరీలతో రాణించారు. భారత బౌలర్లలో మోహిత్‌ ఉల్వ, మోనల్‌ చౌహన్‌ తలా మూడు వికెట్లు పడగొట్టారు. వీరితో పాటు ఆర్యన్ సవసాని, కావ్య పటేల్‌ చెరో వికెట్‌ పడగొట్టారు.కెప్టెన్‌ అజేయ సెంచరీఅనంతరం 255 పరుగుల లక్ష్యంతో బరిలోకి దిగిన భారత్‌కు మాజీ క్రికెటర్‌ వీరేంద్ర సెహ్వాగ్ తనయుడు ఆర్యవీర్ సెహ్వాగ్ మెరుపు ఆరంభాన్ని ఇచ్చాడు. ఆర్యవీర్‌ కేవలం 31 బంతుల్లో 5 ఫోర్ల సాయంతో 34 పరుగులు చేసి ఔటయ్యాడు. ఆర్యవీర్‌ ఔటయ్యాక కెప్టెన్‌ లక్ష్య రాయ్‌చందన్‌ ఆసీస్‌ బౌలర్లను టార్గెట్‌ చేశాడు. రాచ్‌చందన్‌ ఆచితూచి ఆడుతూ వీలు చిక్కినప్పుడల్లా బంతిని బౌండరీకు పంపాడు. ఈ క్రమంలో రాయ్‌చందన్‌ 100 బంతుల్లో తన సెంచరీ మార్క్‌ను అందుకున్నాడు.ఓవరాల్‌గా 106 బంతులు ఎదుర్కొన్న లక్ష్య రాయ్‌చందన్‌.. 9 ఫోర్లు, 3 సిక్స్‌లతో 110 పరుగులు చేసి అజేయంగా నిలిచాడు. వీరిద్దరితో పాటు కుశాగ్ర ఓఝా(45), రజత్ బఘేల్(44 నాటౌట్‌) కూడా రాణించారు. ఫలితంగా ఈ లక్ష్యాన్ని భారత్‌ కేవలం 4 వికెట్లు మాత్రమే కోల్పోయి 41.2 ఓవర్లలో చేధించింది. ఆసీస్‌ బౌలర్లలో స్పెన్సర్‌ గ్రీన్‌ రెండు వికెట్లు సాధించాడు.చదవండి: ICC T20 Rankings: ప్రపంచ నెం1 వన్ బౌలర్‌గా పాకిస్తాన్‌ స్టార్‌.. ఇదే తొలిసారి

ఆస్ట్రేలియా అండర్‌-19 జట్టుతో యూత్‌ వన్డే సిరీస్‌ను ఇప్పటికే సొంతం చేసుకున్న భారత యువ జట్టు.. క్లీన్‌స్వీప్‌పై కన్నేసింది. ఇందులో భాగంగా ఇరుజట్ల మధ్య రాజ్‌కోట్‌ వేదికగా బుధవారం నాటి మ్యాచ్‌లో కంగారూలను ఓ మోస్తరు స్కోరుకే కట్టడి చేసింది.ఆసీస్‌ ఆలౌట్‌నిరంజన్‌ షా స్టేడియం వేదికగా మూడో యూత్‌ వన్డేలో టాస్‌ గెలిచిన ఆసీస్‌ అండర్‌-19 జట్టు తొలుత బ్యాటింగ్‌ ఎంచుకుంది. ఓపెనర్లలో చార్లీ హెండెర్‌సన్‌ (18) విఫలం కాగా.. జెడ్‌ హాలిక్‌ అద్భుత అర్ధ శతకం (87) సాధించాడు. వన్‌డౌన్‌లో వచ్చిన నీల్‌ పటేల్‌ కూడా హాఫ్‌ సెంచరీ (51) చేశాడు.మిగిలిన వారిలో బ్లేక్‌ కాటిల్‌ (38) మాత్రమే చెప్పుకోదగ్గ స్కోరు చేశాడు. మిగిలిన వాళ్లంతా తేలిపోయారు. భారత బౌలర్ల మెరుగైన ప్రదర్శన కారణంగా ఆసీస్‌ యువ జట్టు 49.3 ఓవర్లలో 254 పరుగులు చేసి ఆలౌట్‌ అయింది.తొలి వికెట్‌కు 58 పరుగులుఈ క్రమంలో లక్ష్య ఛేదనకు దిగిన భారత అండర్‌-19 జట్టుకు మెరుగైన ఆరంభమే లభించింది. ఓపెనర్లు లక్ష్య రాయ్‌చందాని, ఆర్యవీర్‌ సెహ్వాగ్‌ కలిసి తొలి వికెట్‌కు 47 బంతుల్లో 58 పరుగులు జోడించారు. అయితే, ఆర్యవీర్‌ సెహ్వాగ్‌ అర్ద శతకం దిశగా పయనిస్తున్న వేళ అనూహ్య రీతిలో అవుటయ్యాడు.ఆది నుంచే దూకుడు.. బౌండరీలతో విధ్వంసంఆసీస్‌తో మ్యాచ్‌లో ఆర్యవీర్‌ సెహ్వాగ్‌ తొలి ఓవర్‌ నుంచే దూకుడు ప్రదర్శించాడు. ఇన్నింగ్స్‌ ఐదో బంతికే ఫోర్‌ బాదిన ఈ కుడిచేతి వాటం బ్యాటర్‌.. మూడో ఓవర్లో రెండుసార్లు బంతిని బౌండరీకి తరలించాడు. ఆ తర్వాత ఆరో ఓవర్లోనూ ఇదే పునరావృతం చేశాడు.ఈ క్రమంలో భారత ఇన్నింగ్స్‌లో ఎనిమిదో ఓవర్లో ఆసీస్‌ బౌలర్‌ జేకబ్‌ పీట్జ్‌ బంతితో రంగంలోకి దిగగా.. అతడి బౌలింగ్‌లో ఐదో బంతికి షాట్‌ ఆడబోయిన ఆర్యవీర్‌.. మాథ్యూ లాఫ్‌నకు క్యాచ్‌ ఇచ్చాడు. దీంతో ఆర్యవీర్‌ అవుట్‌ కాగా.. భారత్‌ తొలి వికెట్‌ కోల్పోయింది.హాఫ్‌ సెంచరీ చేయకుండానేఆసీస్‌తో మూడో యూత్‌ వన్డేలో మొత్తంగా 31 బంతులు ఎదుర్కొన్న ఆర్యవీర్‌ సెహ్వాగ్‌.. ఐదు ఫోర్ల సాయంతో 34 పరుగులు చేశాడు. కాగా ఆర్యవీర్‌.. టీమిండియా విధ్వంసకర ఓపెనర్‌ వీరేందర్‌ సెహ్వాగ్‌ పెద్ద కుమారుడు అన్న సంగతి తెలిసిందే.ఆసీస్‌ అండర్‌-19 జట్టుతో వన్డే సిరీస్‌ సందర్భంగా తొలిసారి భారత యువజట్టుకు ఎంపికైన ఆర్యవీర్‌.. తొలి మ్యాచ్‌లో 26 బంతుల్లో 28 పరుగులు చేశాడు. రెండో యూత్‌ వన్డేలో అర్ధ శతకం (48 బంతుల్లో 47) మిస్సయ్యాడు. తాజాగా మరోసారి హాఫ్‌ సెంచరీ చేసే అవకాశం చేజార్చుకున్నాడు. ఇదిలా ఉంటే.. ఇప్పటికే ఈ సిరీస్‌ను యువ భారత్‌ 2-0తో కైవసం చేసుకుంది.చదవండి: ఆసీస్‌తో రెండో వన్డేలో భారత కెప్టెన్‌ శతకం

రాజ్‌కోట్ వేదికగా ఇండియా అండ‌ర్‌-19 జట్టుతో జ‌రుగుతున్న మూడో అన‌ధికారిక వ‌న్డేలో ఆస్ట్రేలియా 49.3 ఓవ‌ర్ల‌లో 254 ప‌రుగుల‌కు ఆలౌటైంది. ఆసీస్ బ్యాట‌ర్ల‌లో జెడ్ హొలిక్ (87) టాప్ స్కోర‌ర్‌గా నిల‌వ‌గా, నీల్ ప‌టేల్ (51) అర్థ‌సెంచ‌రీ సాధించాడు. భార‌త బౌల‌ర్లలో మ‌న‌ల్ చౌహాన్‌, మోహిత్ ఉల్వా చెరో 3 వికెట్లు ప‌డ‌గొట్టగా, కావ్యా ప‌టేల్‌, ఆర్య‌న్ స‌వ్సానీ చెరొక వికెట్ తీశారు. మూడు మ్యాచ్‌ల సిరీస్‌లో ఇప్ప‌టికే తొలి రెండు మ్యాచ్‌లు గెలిచిన భార‌త అండ‌ర్‌-19 జ‌ట్టు 2-0తో సిరీస్‌ను సొంతం చేసుకున్న సంగతి తెలిసిందే.ద్రవిడ్‌ కుమారుడిపై వేటు!కాగా ఈ మ్యాచ్‌కు ద్ర‌విడ్ కుమారుడు అన్వ‌య్ ద్ర‌విడ్ బెంచ్‌కే ప‌రిమిత‌మ‌య్యాడు. తొలి వ‌న్డేలో 38 ప‌రుగులు చేసిన అన్వ‌య్ రెండో వ‌న్డేలో మాత్రం 9 ప‌రుగులు మాత్ర‌మే చేసి నిరాశ‌ప‌రిచాడు. దీంతో మూడో వ‌న్డేకు అన్వ‌య్‌ను ప‌క్క‌న‌బెట్టిన జ‌ట్టు మేనేజ్‌మెంట్ అత‌డి స్థానంలో ర‌జ‌త్ బ‌గేల్‌ను జ‌ట్టులోకి తీసుకొచ్చింది. మూడు మ్యాచ్‌ల సిరీస్‌లో ఇప్ప‌టికే రెండు మ్యాచ్‌లు గెలిచి సిరీస్‌ను సొంతం చేసుకున్న భార‌త యువ‌జ‌ట్టు చివ‌రి వ‌న్డేలో ప్ర‌యోగాల‌కు తెర‌లేపింది. తొలి రెండు మ్యాచ్‌ల్లో త‌న బౌలింగ్‌తో ఆక‌ట్టుకున్న తెలుగు కుర్రాడు చిగురుపాటి వెంక‌టతో పాటు రెండో వ‌న్డేలో భారీ సెంచ‌రీ చేసిన య‌శ్‌బ‌ర్ద‌న్ కూడా బెంచ్‌కే ప‌రిమిత‌మ‌య్యాడు.అదరగొడుతున్న సెహ్వాగ్ కుమారుడుఇక ద్రవిడ్ కుమారుడు అన్వయ్ లంక పర్యటనలో ఆకట్టుకున్నాడు. 17 ఏళ్ల అన్వయ్ రెండు మ్యాచ్‌ల్లో వరుసగా 14, 87 పరుగులు సాధించాడు. ఇక అండర్‌-19 జట్టులో ద్రవిడ్ కుమారుడు ఒక్కడే కాదు, మాజీ విధ్వంసకర ఆటగాడు సెహ్వాగ్ తనయుడు ఆర్యవీర్ సెహ్వాగ్ కూడా ప్రాతినిధ్యం వహిస్తున్నాడు. ఆస్ట్రేలియా అండర్‌-19 జట్టుతో జరిగి తొలి వన్డేలో 26 బంతుల్లో 28 పరుగులు, రెండో వన్డేలో 48 బంతుల్లో 47 పరుగులు సాధించాడు. అంతేకాదు బౌలింగ్‌లోనూ ఆర్యవీర్ తన ప్రతిభను ప్రదర్శిస్తూ రెండో వన్డేలో రెండు కీలక వికెట్లు తీసి విజయంలో తన వంతు పాత్రను పోషించాడు.ఇదీ చదవండి: ఆసీస్‌పై కుషాగ్ర సెంచ‌రీ.. ఇండియా-ఏ 334 ఆలౌట్‌

రాజ్‌కోట్ వేదికగా ఆస్ట్రేలియా అండర్‌-19తో జరిగిన రెండో అనధికారిక వన్డేలో భారత యువ జట్టు ఆల్‌రౌండ్ ప్రదర్శనతో అదరగొట్టింది. పర్యాటక జట్టుపై 103 పరుగుల భారీ తేడాతో విజయం సాధించిన భారత్.. మరో మ్యాచ్ మిగిలుండగానే మూడు వన్డేల సిరీస్‌ను 2-0తో కైవసం చేసుకుంది.ఈ మ్యాచ్‌లో తొలుత బ్యాటింగ్ చేసిన భారత్ నిర్ణీత 50 ఓవర్లలో 7 వికెట్ల నష్టానికి 341 పరుగుల భారీ స్కోరు సాధించింది. భారత బ్యాటర్లలో యశ్‌వర్ధన్‌ సింగ్‌ (122) భారీ సెంచరీతో చెలరేగగా.. ఆర్యవీర్ సెహ్వాగ్ (47), వినీత్‌ (87) కీలక ఇన్నింగ్స్‌లు ఆడారు. ఆసీస్‌ బౌలర్లలో థామస్ వాసియో మూడు వికెట్లు పడగొట్టాడు.అనంతరం కొండంత లక్ష్యంతో బరిలోకి దిగిన ఆస్ట్రేలియా.. భారత బౌలర్ల ధాటికి 41.1 ఓవర్లలో 238 పరుగులకే ఆలౌటైంది. భారత బౌలర్లలో చిగురుపాటి వెంకట నాగ విజయ సుభాష్ మూడు వికెట్లు తీసి ఆసీస్ బ్యాటింగ్ ఆర్డర్‌ను దెబ్బతీశాడు. అతడితో పాటు యశ్‌వర్థన్ సింగ్ చౌహన్, కావ్య పటేల్ చెరో రెండు వికెట్లు సాధించారు.మన తెలుగు కుర్రాడే!భారత విజయంలో కీలక పాత్ర పోషించిన చిగురుపాటి వెంకట ఆంధ్రప్రదేశ్‌లోని కృష్ణా జిల్లాలో జన్మించాడు. అతడి పూర్తి పేరు 'చిగురుపాటి వెంకట నాగ విజయ సుభాష్'. ఏపీలో జన్మించినప్పటికీ, అతడు దేశవాళీ క్రికెట్‌లో గోవా జట్టు తరఫున ప్రాతినిధ్యం వహిస్తున్నాడు. 18 ఏళ్ల సుభాష్‌కు బంతితోనే కాకుండా బ్యాట్‌తోనూ రాణించే సత్తా ఉంది.గత దేశవాళీ సీజన్‌లో నాలుగు ప్రధాన టోర్నమెంట్లలో కలిపి మొత్తం 380 పరుగులు చేయడంతో పాటు 49 వికెట్లు పడగొట్టాడు. ముఖ్యంగా కూచ్ బెహార్ ట్రోఫీలో అతడు అద్భుత ప్రదర్శన కనబరిచాడు. ఈ ప్రతిష్టాత్మక అండర్‌-19 టోర్నీలో గోవా జట్టు క్వార్టర్ ఫైనల్స్‌కు చేరడంలో సుభాష్ కీలక పాత్ర పోషించాడు. ఈ టోర్నీలో 26 వికెట్లు తీయడంతో పాటు బ్యాటింగ్‌లో 224 పరుగులు చేశాడు. ఈ ప్రదర్శనల ఆధారంగానే గతేడాది జూలైలో శ్రీలంక పర్యటనకు వెళ్లిన భారత అండర్‌-19 జట్టుకు ఎంపికయ్యాడు. అక్కడ లంకతో జరిగిన అనధికారిక టెస్టు మ్యాచ్‌లో ఒకే ఇన్నింగ్స్‌లో 5 వికెట్లు సాధించి మెరిశాడు. ఇప్పుడు అదే ఫామ్‌ను ఆస్ట్రేలియాతో జరుగుతున్న సిరీస్‌లోనూ కొనసాగిస్తున్నాడు.

భారత సీనియర్ క్రికెట్ జట్టు వైపు మరో యువ సంచలనం దూసుకొస్తున్నాడు. తన అద్భుత బ్యాటింగ్‌తో మరో వైభవ్ సూర్యవంశీని తలపిస్తున్నాడు. అతడే భారత అండర్-19 జట్టు ఆటగాడు యశ్‌వర్ధన్ సింగ్ చౌహాన్. ఆస్ట్రేలియా అండర్-19 జట్టుతో జరుగుతున్న అనధికారిక వన్డే సిరీస్‌లో యశ్‌వర్ధన్ దుమ్మురేపుతున్నాడు. రాజ్‌కోట్ వేదికగా జరిగిన తొలి వన్డేలో మెరుపు హాఫ్ సెంచరీతో సత్తాచాటిన యశ్‌వర్ధన్, ఇప్పుడు రెండో వన్డేలో భారీ సెంచరీతో కదం తొక్కాడు.నాలుగో స్థానంలో బ్యాటింగ్‌కు వచ్చిన ఈ యువ ఆటగాడు ఆసీస్ బౌలర్లకు చుక్కలు చూపించాడు. ఫస్ట్-డౌన్ బ్యాటర్ వి.కె. వినీత్‌తో కలిసి స్కోరు బోర్డును పరుగులు పెట్టించాడు. మొత్తంగా 100 బంతులు ఎదుర్కొన్న యశ్‌వర్ధన్.. 15 ఫోర్లు, 2 సిక్సర్లతో 122 పరుగులు చేసి ఔటయ్యాడు. ఫలితంగా భారత యువ జట్టు నిర్ణీత ఓవర్లలో 341 పరుగుల భారీ స్కోరు సాధించింది. దీంతో ఈ 'యంగ్ సెన్సేషన్' గురించి తెలుసుకునేందుకు నెటిజన్లు తీవ్ర ఆసక్తి చూపుతున్నారు.ఎవరీ యశ్‌వర్ధన్?రైట్ హ్యాండ్ బ్యాటర్ అయిన యశ్‌వర్ధన్ సింగ్, 2009 ఏప్రిల్ 19న నాగాలాండ్‌లోని దిమాపూర్‌లో జన్మించాడు. అయితే అతడు పెరిగింది మాత్రం మధ్యప్రదేశ్‌లోని గ్వాలియర్‌లో. ఈ 17 ఏళ్ల క్రికెటర్ రైట్ హ్యాండ్ బ్యాటింగ్‌తో పాటు ఆఫ్ స్పిన్ బౌలింగ్ కూడా చేయగలడు.యశ్‌వర్ధన్‌కు చిన్నతనం నుంచే క్రికెట్‌పై మక్కువ ఎక్కువ. అతడి తండ్రి అనామి సింగ్ చౌహాన్ కూడా ఒక క్రికెటరే కావడం విశేషం. లెగ్ స్పిన్నర్ అయిన అనామి గొప్ప క్రికెటర్ కావాలని కలలు కనేవాడు, కానీ అతడు క్లబ్ క్రికెట్ స్థాయిలోనే ఉండిపోయాడు. ఇప్పుడు తండ్రి కలను కొడుకు యశ్‌వర్ధన్ నిజం చేస్తున్నాడు.మొన్నటి వరకు గ్వాలియర్‌లోని సింధియా స్కూల్ క్లాస్‌రూమ్‌లో చివరి వరుసలో కూర్చుని క్రికెట్ మ్యాచ్ ప్లాన్‌లు వేసుకునే యశ్‌వర్ధన్, ఇప్పుడు ఏకంగా భారత అండర్-19 జట్టును నడిపించే స్థాయికి చేరుకున్నాడు. ఈ ఏడాది జూన్‌లో శ్రీలంక పర్యటనలో భారత యువ జట్టు సారథిగా వ్యవహరించిన యశ్‌వర్ధన్, త్వరలో ఆస్ట్రేలియాతో జరగబోయే అనాధికారిక టెస్టు సిరీస్‌లో కూడా కెప్టెన్‌గా వ్యవహరించనున్నాడు. యశ్‌వర్ధన్ సింగ్ ఇదే ఫామ్‌ను కొనసాగిస్తే, అతి త్వరలోనే ఫస్ట్ క్లాస్ క్రికెట్‌తో పాటు భారత జాతీయ జట్టు తరఫున అరంగేట్రం చేసే అవకాశాలు స్పష్టంగా కనిపిస్తున్నాయి.చదవండి: ఆస్ట్రేలియాపై వీరేంద్ర సెహ్వాగ్ కుమారుడి విధ్వంసం

రాజ్‌కోట్ వేదిక‌గా ఆస్ట్రేలియా అండ‌ర్‌-19 జ‌ట్టుతో జ‌రుగుతున్న రెండో అనధికారిక వ‌న్డేలో భార‌త యువ బ్యాట‌ర్లు స‌త్తాచాటారు. ఆల్‌రౌండర్‌ యశ్‌వర్ధన్ చౌహాన్(100 బంతుల్లో 15 ఫోర్లు, 2 సిక్స్‌లతో 122) భారీ సెంచరీతో కదం తొక్కగా.. వీకే వినీత్(87), ఆర్యవీర్ సెహ్వాగ్(47), కుశాగ్ర ఓఝా(34) కీలక ఇన్నింగ్స్‌లు ఆడారు. 341 పరుగుల భారీ స్కోర్ఫలితంగా టాస్ గెలిచి బ్యాటింగ్ ఎంచుకున్న భారత అండర్‌-19 జట్టు నిర్ణీత 50 ఓవర్లలో 7 వికెట్ల నష్టానికి 341 పరుగుల భారీ స్కోర్ సాధించింది. ఆస్ట్రేలియా బౌలర్లలో థామస్ వాసియో మూడు, పాట్రిక్ సుల్లివన్ రెండు వికెట్లు పడగొట్టాడు. కాగా తొలి వన్డేలో ఆసీస్‌పై భారత్ ఘన విజయం సాధించిన సంగతి తెలిసిందే. ఈ మ్యాచ్‌లో కూడా గెలిచి మరో వన్డే మిగిలుండగానే సిరీస్‌ను సొంతం చేసుకోవాలని యంగ్ ఇండియా పట్టుదలతో ఉంది.తుది జ‌ట్లుఆస్ట్రేలియా అండ‌ర్‌-19: నీల్ పటేల్, హేడెన్ బార్బులోవిక్(వికెట్ కీప‌ర్‌), జెడ్ హోలిక్, జాక్ క్జోస్నెక్(కెప్టెన్‌), బ్లేక్ కాటిల్, మాథ్యూ లాఫ్, కానర్ గ్రెగొరీ, జాకబ్ పీట్జ్, పాట్రిక్ సుల్లివన్, థామస్ వాసియో, థియో ట్సింగోస్భార‌త్‌: లక్ష్య రాజేష్ రాయచందానీ(కెప్టెన్‌), ఆర్యవీర్ సెహ్వాగ్, కుషాగ్ర ఓజా, యశ్బర్ధన్ చౌహాన్, అన్వయ్ ద్రవిడ్(వికెట్ కీప‌ర్‌), వీకే వినీత్, యశ్వీర్ గౌడ్, మనల్ చౌహాన్, చిగురుపాటి వెంకట, కావ్య పటేల్, మోహిత్ ఉల్వాచదవండి: Asian Games 2026: పాకిస్తాన్‌కు భారీ షాక్‌

భారత దిగ్గజ క్రికెటర్ వీరేంద్ర సెహ్వాగ్ తనయుడు, భారత అండర్-19 జట్టు ఓపెనర్ ఆర్యవీర్ సెహ్వాగ్ తృటిలో తన తొలి అర్ధ సెంచరీని చేజార్చుకున్నాడు. రాజ్ కోట్ వేదికగా ఆస్ట్రేలియా యువ జట్టుతో జరుగుతున్న రెండో అనధికారిక వన్డేలో ఆర్యవీర్ మెరుపు ఇన్నింగ్స్‌తో అలరించాడు. ఆసీస్‌ బౌలర్లను ఉతికారేసిన ఆర్యవీర్.. 9 ఫోర్లతో విధ్వంసం సృష్టించాడు.ఇన్నింగ్స్ ఆరంభం నుంచే తండ్రిని తలపించేలా ఆకట్టుకునే షాట్లతో చెలరేగిపోయిన జూనియర్ సెహ్వాగ్... మొత్తంగా 48 బంతుల్లో 47 పరుగులు చేశాడు. అయితే హాఫ్ సెంచరీకి కేవలం మూడు పరుగుల దూరంలో ఉండగా అతడు దురదృష్టవశాత్తూ రనౌట్ అయ్యాడు.అంతకుముందు జరిగిన తన అరంగేట్ర మ్యాచ్‌లోనూ ఆర్యవీర్ 28 పరుగులతో పర్వాలేదనిపించాడు. మరోవైపు ఆర్యవీర్ అందించిన శుభారంభంతో భారత యువ జట్టు రెండో వన్డేలో భారీ స్కోరు దిశగా దూసుకెళ్తోంది. 40 ఓవర్లు పూర్తయ్యేసరికి భారత్ 3 వికెట్ల నష్టానికి 235 పరుగులు చేసింది.UPDATE: యశ్‌ సెంచరీ.. భారత్‌ భారీ స్కోరుతుది జ‌ట్లుఆస్ట్రేలియా అండ‌ర్‌-19: నీల్ పటేల్, హేడెన్ బార్బులోవిక్(వికెట్ కీప‌ర్‌), జెడ్ హోలిక్, జాక్ క్జోస్నెక్(కెప్టెన్‌), బ్లేక్ కాటిల్, మాథ్యూ లాఫ్, కానర్ గ్రెగొరీ, జాకబ్ పీట్జ్, పాట్రిక్ సుల్లివన్, థామస్ వాసియో, థియో ట్సింగోస్భార‌త్‌: లక్ష్య రాజేష్ రాయచందానీ(కెప్టెన్‌), ఆర్యవీర్ సెహ్వాగ్, కుషాగ్ర ఓజా, యశ్బర్ధన్ చౌహాన్, అన్వయ్ ద్రవిడ్(వికెట్ కీప‌ర్‌), వీకే వినీత్, యశ్వీర్ గౌడ్, మనల్ చౌహాన్, చిగురుపాటి వెంకట, కావ్య పటేల్, మోహిత్ ఉల్వాచదవండి: IND vs AUS: తొలి ‘వన్డే’లో ఆసీస్‌ను చిత్తు చేసిన భారత్‌

ఆస్ట్రేలియాతో తలపడే అండర్‌-19 జట్లలో భారత క్రికెట్‌ నియంత్రణ మండలి (బీసీసీఐ) మార్పులు చేసింది. రోహిత్‌ యాదవ్‌ను తప్పించి.. అతడి స్థానంలో యూత్‌ వన్డే, యూత్‌ టెస్టులకు ఇద్దరు వేర్వేరు ఆటగాళ్లను ఎంపిక చేసినట్లు తెలిపింది. ఇందుకు సంబంధించి బీసీసీఐ మంగళవారం అధికారిక ప్రకటన విడుదల చేసింది.అవును.. అది నిజమేకాగా దేశీ క్రికెట్‌లో బెంగాల్‌కు ఆడుతున్న లెగ్‌ స్పిన్నర్‌ రోహిత్‌ యాదవ్‌. వయసుకు సంబంధించి అతడు పత్రాలు సమర్పించాడనే ఆరోపణలు వెల్లువెత్తాయి. ఈ నేపథ్యంలో బీసీసీఐ తాజాగా ఈ విషయాన్ని ధ్రువీకరించింది.‘‘ఆస్ట్రేలియా అండర్‌ 19 జట్టుతో రాజ్‌కోట్‌, అహ్మాదాబాద్‌ వేదికలుగా జరిగే మ్యాచ్‌లకు సంబంధించి భారత అండర్‌-19 జట్టు నుంచి రోహిత్‌ వైదొలిగాడు. తన వయసుకు సంబంధించిన సరైన సమాచారం ఇవ్వలేకపోయినందున జట్టు నుంచి తప్పుకొన్నాడు’’ అని బీసీసీఐ తన ప్రకటనలో పేర్కొంది.ఇద్దరికి అవకాశంఇక రోహిత్‌ యాదవ్‌ నిష్క్రమణ నేపథ్యంలో జూనియర్‌ క్రికెట్‌ కమిటీ ఇద్దరు కొత్త ఆటగాళ్లను ఆసీస్‌తో సిరీస్‌కు ఎంపిక చేసినట్లు బీసీసీఐ వెల్లడించింది. ఆసీస్‌తో యూత్‌ వన్డేలకు సౌరాష్ట్ర ఆటగాడు ఆర్యన్‌ సావ్‌సానీ, యూత్‌ టెస్టులకు హర్యానా ప్లేయర్‌ తన్మయ్‌ బలోడాను ఎంపిక చేసినట్లు పేర్కొంది. కాగా సెప్టెంబరు 18- అక్టోబరు 8 మధ్య భారత్‌- ఆసీస్‌ మధ్య మూడు యూత్‌ వన్డేలు, రెండు యూత్‌ టెస్టులు జరుగుతాయి.ఆస్ట్రేలియా అండర్‌-19 జట్టుతో యూత్‌ వన్డేలకు భారత అండర్‌-19 జట్టు (అప్‌డేటెడ్‌)లక్ష్యా రాయ్‌చందాని (కెప్టెన్‌), యశ్‌వర్దన్‌ చౌహాన్‌ (వైస్‌ కెప్టెన్‌), రజత్‌ భగేల్‌ (వికెట్‌ కీపర్‌),ఆర్యవీర్‌ సెహ్వాగ్‌, వీకే వినీత్‌, కుశాగ్రా ఓజా, అర్జున్‌ రాజ్‌పుత్‌, మనాల్‌ చౌహాన్‌, అన్వయ్‌ ద్రవిడ్‌ (వికెట్‌ కీపర్‌), వి.యశ్‌వీర్‌, శవిన్‌ వినోద్‌, మోహిత్‌ ఉల్వా, చిగురుపాటి వెంకట, కావ్యా పటేల్‌, ఆర్యన్‌ సావ్‌సానీ.యూత్‌ టెస్టులకు భారత అండర్‌-19 జట్టు (అప్‌డేటెడ్‌)యశ్‌వర్దన్‌ చౌహాన్‌ (కెప్టెన్‌), లక్ష్యా రాయ్‌చందాని (వైస్‌ కెప్టెన్‌), సాగర్‌ విర్క్‌, కుశాగ్రా ఓజా, మనాల్‌ చౌహాన్‌, కుశ్‌ పటేల్‌, మానవ్‌ కృష్ణ (వికెట్‌ కీపర్‌), అభిప్రాయ్‌ బిస్వాస్‌ (వికెట్‌ కీపర్‌), ఇషాన్‌ ఓమ్‌, అయాన్‌ అక్రం, ప్రణవ్‌ రాఘవేంద్ర, ప్రియాన్షు సింగ్‌, మోహిత్‌ ఉల్వా, ఆర్యన్‌ యాదవ్‌, తన్మయ్‌ బలోడా.చదవండి: టీమిండియాతో ఏకైక టీ20.. జట్టును ప్రకటించిన జపాన్‌

భారత అండర్‌-19 క్రికెటర్‌, బెంగాల్‌ లెగ్‌ స్పిన్నర్‌ రోహిత్‌ యాదవ్‌పై భారత క్రికెట్‌ నియంత్రణ మండలి (బీసీసీఐ) కఠిన చర్యలు తీసుకుంది. వయసుకు సంబంధించి తప్పుడు ఆధారాలు సమర్పించాడనే కారణంతో రెండేళ్ల పాటు అతడిపై నిషేధం విధించినట్లు తెలుస్తోంది.స్పోర్ట్స్‌ స్టార్‌ కథనం ప్రకారం.. ఈ నిషేధం తక్షణమే అమల్లోకి వస్తుందని.. బెంగాల్‌ క్రికెట్‌ అసోసియేషన్‌ కూడా ఈ ఆదేశాలను అమలు చేయాలని బీసీసీఐ పేర్కొన్నట్లు సమాచారం. కాగా రోహిత్‌ యాదవ్‌ ఇటీవలి కాలంలో భారత్‌ అండర్‌-19 జట్టు తరఫున మెరుగ్గా రాణిస్తున్నాడు.శ్రీలంక పర్యటనలోశ్రీలంక పర్యటనలో భాగంగా యూత్‌ టెస్టుల్లో రోహిత్‌ యాదవ్‌ ఆరు వికెట్లు పడగొట్టాడు. ఈ నేపథ్యంలో స్వదేశంలో ఆస్ట్రేలియాతో సెప్టెంబరులో జరిగే సిరీస్‌కు కూడా సెలక్టర్లు అతడిని ఎంపిక చేశారు. ఆసీస్‌తో యూత్‌ వన్డే, యూత్‌ టెస్టులు ఆడే జట్టులో అతడికి చోటు దక్కింది.వేర్వేరుగా వివరాలుఅయితే, అనూహ్య రీతిలో రోహిత్‌ యాదవ్‌పై రెండేళ్ల పాటు నిషేధం పడటం గమనార్హం. కాగా గత కొన్నేళ్లుగా తన పుట్టిన సంవత్సరానికి సంబంధించి రోహిత్‌ వేర్వేరు పత్రాల్లో వేర్వేరు వివరాలు సమర్పించినట్లు సమాచారం. బెంగాల్‌ అసోసియేషన్‌కు 2014లో ఇచ్చిన వివరాల్లో తాను జూలై 7, 2007లో జన్మించినట్లు అతడు పేర్కొన్నాడు.అందులో తన చిరునామాను ఉత్తరప్రదేశ్‌గా పేర్కొన్నాడు. అయితే, 2017లో ఆధార్‌ అప్‌డేట్‌ సందర్భంగా తాను 2006లో జన్మించినట్లు రోహిత్‌ యాదవ్‌ తెలిపాడు. ఆ తర్వాత 2020, 2021లో మరోసారి అప్‌డేట్‌ చేసుకోగా.. ఈసారి తాను 2009లో జన్మించినట్లు పేర్కొన్నాడు.ఈ నేపథ్యంలో రోహిత్‌ యాదవ్‌ తీరుపై అనుమానం రాగా బెంగాల్‌ అసోసియేషన్‌ సమీక్షలో భాగంగా.. అతడు మోసానికి పాల్పడినట్లు తేలినట్లు సమాచారం. కాగా రోహిత్‌ యాదవ్‌ స్థానంలో కనిష్క్‌ చౌహాన్‌ లేదంటే మహ్మద్‌ ఎనాన్‌ ఆసీస్‌తో సిరీస్‌ ఆడే జట్టులో చేరే అవకాశం ఉంది.చదవండి: సిరాజ్‌తో పాటు ఇద్దరు టీమిండియా స్టార్లకు పిలుపు!

టీమిండియా మాజీ క్రికెటర్లు రాహుల్‌ ద్రవిడ్‌, వీరేందర్‌ సెహ్వాగ్‌ల వారసులు భారత అండర్‌-19 జట్టు తరఫున ఆడేందుకు సిద్ధమయ్యారు. స్వదేశంలో ఆస్ట్రేలియా యువ జట్టుతో ఆడే వన్డే సిరీస్‌కు ద్రవిడ్‌ చిన్న కుమారుడు అన్వయ్‌, సెహ్వాగ్‌ పెద్ద కుమారుడు ఆర్యవీర్‌ ఎంపికయ్యారు.వీరిలో అన్వయ్‌ ఇప్పటికే భారత్‌ అండర్‌-19 జట్టు తరఫున అరంగేట్రం చేయగా.. ఆర్యవీర్‌ తొలిసారి సెలక్టర్ల నుంచి పిలుపు అందుకున్నాడు. ఆసీస్‌తో యూత్‌ వన్డేలతో పాటు రెండు మల్డీ డే మ్యాచ్‌లు కూడా భారత్‌ ఆడనుంది. ఇందుకు సంబంధించిన జట్లను గురువారమే ప్రకటించారు.ఈ నేపథ్యంలో టీమిండియా క్రికెటర్‌ హనుమ విహారి సంచలన వ్యాఖ్యలు చేశాడు. అంతర్జాతీయ స్థాయిలో రాణించిన భారత క్రికెటర్ల వారసులు ఎక్కడా పెద్దగా రాణించిన దాఖలాలు లేవన్నాడు. ఇంటిపేరుతో వచ్చే ఒత్తిడే ఇందుకు ఓ కారణమై ఉండవచ్చని పేర్కొన్నాడు. ఈ మేరకు తన యూట్యూబ్‌ చానెల్‌లో మాట్లాడుతూ.. వాళ్లెవరూ సక్సెస్‌ కాలేదు!‘‘భారత అండర్‌-19 జట్టులో ఇప్పుడు రెండు ప్రఖ్యాత ఇంటిపేర్లు కనిపిస్తున్నాయి. వారిపై ఆ ఇంటిపేరు వల్ల వచ్చే భారం పడకూడదని ఆశిస్తున్నా. గతంలో చాలా మంది టీమిండియా క్రికెటర్ల వారసులు.. తదుపరి దశకు చేరుకోలేకపోయారు.స్వతహాగా వారు మంచి ఆటగాళ్లే అయినప్పటికీ తండ్రుల స్థాయిలో పేరు తెచ్చుకోలేక సతమతమయ్యారు. రోహన్‌ గావస్కర్‌ (దిగ్గజ సునిల్‌ గావస్కర్‌ కుమారుడు), అర్జున్‌ టెండుల్కర్‌ (లెజెండరీ సచిన్‌ టెండుల్కర్‌ కుమారుడు) ఇందుకు ఉదాహరణ. దిగ్గజ ఆటగాళ్ల కుమారులనే ట్యాగ్‌, ఇంటిపేరే వాళ్లపై బహుశా ఒత్తిడిని పెంచి ఉండవచ్చు’’ అని హనుమ విహారి పేర్కొన్నాడు.ఆర్యవీర్‌ అటాకింగ్‌ ప్లేయర్‌అదే విధంగా.. ‘‘ఆర్యవీర్‌ సెహ్వాగ్‌ అండర్‌-19 స్థాయిలో బాగానే ఆడుతున్నాడు. తండ్రి మాదిరే అతడూ విధ్వంసకర బ్యాటర్‌. ఇక ముందు కూడా అలాగే అటాకింగ్‌గా ఆడాలని కోరుకుంటున్నా. ఇక ద్రవిడ్‌ కుమారుడు అన్వయ్‌ కూడా చాలా చాలా మంచి క్రికెటర్‌.ఇప్పటికే అండర్‌-19 జట్టు తరఫున ఆడి మంచి స్కోర్లు సాధించాడు’’ అని హనుమ విహారి చెప్పుకొచ్చాడు. కాగా శ్రీలంకతో ఇటీవల జరిగిన వన్డే సిరీస్‌లో అన్వయ్‌ 101 పరుగులు సాధించాడు. కాగా భారత్‌- ఆసీస్‌ యువ జట్ల మధ్య సెప్టెంబరు 18- అక్టోబరు 8 వరకు ద్వైపాక్షిక సిరీస్‌లకు షెడ్యూల్‌ ఖరారైంది.చదవండి: ఆసీస్‌తో సిరీస్‌.. భారత అండర్‌-19 జట్లు ఇవే!

ఆస్ట్రేలియా యువ జట్టుతో స్వదేశంలో జరిగే సిరీస్‌కు భారత క్రికెట్‌ నియంత్రణ మండలి (బీసీసీఐ) తమ అండర్‌-19 జట్టును ప్రకటించిది. ఈ జట్టులో టీమిండియా దిగ్గజాలు రాహుల్‌ ద్రవిడ్‌, వీరేందర్‌ సెహ్వాగ్‌ కుమారులకు చోటు దక్కింది. ఆసీస్‌తో ఆడే వన్డే జట్టుకు ఆర్యవీర్‌ సెహ్వాగ్‌, అన్వయ్‌ ద్రవిడ్‌ ఎంపికయ్యారు. కాగా భారత్‌ ఆసీస్‌తో లక్ష్య రాయ్‌చందాని, యశ్‌వర్దన్‌ చౌహాన్‌ సారథ్యంలో మూడు వన్డే, రెండు మల్టీ డే మ్యాచ్‌లలో తలపడనుంది.ఆర్యవీర్‌కు తొలిసారి పిలుపుటీమిండియా విధ్వంసకర ఓపెనర్‌ వీరేందర్‌ సెహ్వాగ్‌ పెద్ద కుమారుడు ఆర్యవీర్‌ సెహ్వాగ్‌.. భారత అండర్‌-19 జట్టుకు ఎంపిక కావడం ఇదే తొలిసారి. కూచ్‌ బెహర్‌ ట్రోఫీ-2024 సీజన్‌లో ఢిల్లీ అండర్‌-19 తరఫున మేఘాలయతో మ్యాచ్‌లో 18 ఏళ్ల ఈ కుడిచేతి వాటం బ్యాటర్‌ 309 బంతుల్లోనే ఏకంగా 297 పరుగులు సాధించాడు.తృటిలో ట్రిపుల్‌ సెంచరీ చేజారినప్పటికీ ఈ అద్భుత ఇన్నింగ్స్‌ కారణంగా ఆర్యవీర్‌ పేరు ఒక్కసారిగా మారుమ్రోగిపోయింది. ఇక ఇటీవల ఢిల్లీ ప్రీమియర్‌ లీగ్‌-2026లో ఆర్యవీర్‌ చివరిగా వెస్ట్‌ ఢిల్లీ లయన్స్‌ తరఫున కాంపిటేటివ్‌ మ్యాచ్‌ ఆడాడు. స్థానం నిలబెట్టుకున్న అన్వయ్‌టీమిండియా మాజీ కెప్టెన్‌, మాజీ హెడ్‌కోచ్‌ రాహుల్‌ ద్రవిడ్‌ చిన్న కుమారుడు అన్వయ్‌ ఇప్పటికే భారత్‌ అండర్‌-19 జట్టు తరఫున ఆడాడు. 16 ఏళ్ల ఈ వికెట్‌ కీపర్‌ బ్యాటర్‌ గత నెలలో శ్రీలంక పర్యటనలో భాగంగా రెండు యూత్‌ వన్డేలు ఆడి రెండు ఇన్నింగ్స్‌లో కలిపి 101 పరుగులు సాధించాడు.భారత్‌ వర్సెస్ ఆసీస్‌ అండర్‌-19 జట్ల షెడ్యూల్‌యూత్‌ వన్డేలు👉తొలి వన్డే- సెప్టెంబరు 18- రాజ్‌కోట్‌👉రెండో వన్డే- సెప్టెంబరు 21- రాజ్‌కోట్‌👉మూడో వన్డే- సెప్టెంబరు 23- రాజ్‌కోట్‌మల్టీ డే మ్యాచ్‌లు👉తొలి మ్యాచ్‌- సెప్టెంబరు 27-30: రాజ్‌కోట్‌👉రెండో మ్యాచ్‌- అక్టోబరు 5-8: అ హ్మదాబాద్‌- బి గ్రౌండ్‌.ఆస్ట్రేలియా యువ జట్టుతో వన్డే మ్యాచ్‌లకు భారత జట్టులక్ష్య రాయ్‌చందాని (కెప్టెన్‌), యశ్‌వర్దన్‌ చౌహాన్‌ (వైస్‌ కెప్టెన్‌), రజత్‌ భగేల్‌ (వికెట్‌ కీపర్‌), ఆర్యవీర్‌ సెహ్వాగ్‌, వీకే వినీత్‌, కుశాగ్ర ఓజా, అర్జున్‌ రాజ్‌పుత్‌, మనాల్‌ చౌహాన్‌, అన్వయ్‌ ద్రవిడ్‌ (వికెట్‌ కీపర్‌), వి.యశ్‌వీర్‌, రోహిత్‌ యాదవ్‌, శవిన్‌ వినోద్‌, మోహిత్‌ ఉల్వా, చిగురుపాటి వెంకట, కావ్యా పటేల్‌.ఆస్ట్రేలియా యువ జట్టుతో మల్డీ-డే మ్యాచ్‌లకు భారత జట్టుయశ్‌వర్దన్‌ చౌహాన్‌ (కెప్టెన్‌), లక్ష్య రాయ్‌ చందాని (వైస్‌ కెప్టెన్‌), సాగర్‌ విర్క్‌, కుశాగ్ర ఓజా, మనాల్‌ చౌహాన్‌, కుష్‌ పటేల్‌, మానవ్‌ క్రిష్ణ (వికెట్‌ కీపర్‌), అభిప్రయ్‌ బిస్వాస్‌ (వికెట్‌ కీపర్‌), రోహిత్‌ యాదవ్‌, ఇషాన్‌ ఓమ్‌, అయాన్‌ అక్రం, ప్రణవ్‌ రాఘవేంద్ర, ప్రియాన్షు సింగ్‌, మోహిత్‌ ఉల్వా, ఆర్యన్‌ యాదవ్‌.చదవండి: విమర్శలపై స్పందించిన డివిలియర్స్‌

ఆస్ట్రేలియా గడ్డపై భారత యువ సింహాలు (India U19 Team) గర్జించాయి. వరుసగా వన్డే, టెస్ట్‌ సిరీస్‌ల్లో ఆతిథ్య జట్టును (Australia U19 Team) క్లీన్‌ స్వీప్‌ చేశాయి. మూడు మ్యాచ్‌ల వన్డే సిరీస్‌, రెండు మ్యాచ్‌ల టెస్ట్‌ సిరీస్‌ల కోసం ఆస్ట్రేలియాలో పర్యటించిన యువ భారత్‌.. వన్డే సిరీస్‌ను 3-0తో, టెస్ట్‌ సిరీస్‌ను 2-0తో ఊడ్చేసింది.మెక్‌కే వేదికగా ఇవాళ (అక్టోబర్‌ 8) ముగిసిన రెండో టెస్ట్‌లో భారత్‌ 7 వికెట్ల తేడాతో ఘన విజయం సాధించింది. ఈ మ్యాచ్‌లో భారత బౌలర్లు మూకుమ్మడిగా చెలరేగడంతో ఆస్ట్రేలియా కుర్ర జట్టు బెంబేలెత్తిపోయింది. తొలి ఇన్నింగ్స్‌లో 135 పరుగులకే కుప్పకూలింది. భారత​్‌ సైతం​ తొలి ఇన్నింగ్స్‌లో 171 పరుగులకే ఆలౌటైనా.. 36 పరుగుల కీలక ఆధిక్యం సాధించింది.అనంతరం భారత బౌలర్లు మరోసారి చెలరేగిపోయారు. ఈసారి ఆసీస్‌ను 116 పరుగులకే (రెండో ఇన్నింగ్స్‌లో) కుప్పకూల్చారు. తద్వారా భారత్‌ ముందు నామమాత్రపు 81 పరుగుల లక్ష్యం ఉండింది.స్వల్ప ఛేదనలో భారత్‌ సైతం ఆదిలో తడబడింది. 13 పరుగుల వద్దే కెప్టెన్‌ ఆయుశ్‌ మాత్రే (13) వికెట్‌ కోల్పోయింది. ఆతర్వాత బంతికే స్టార్‌ బ్యాటర్‌ వైభవ్‌ సూర్యవంశీ డకౌటయ్యాడు. ఈ దశలో వేదాంత్‌ త్రివేది, విహాన్‌ మల్హోత్రా భారత ఇన్నింగ్స్‌ను నిర్మించే ప్రయత్నం చేశారు. అయితే 52 పరుగుల వద్ద విహాన్‌ (21) కూడా ఔటయ్యాడు. ఈసారి వేదాంత్‌ (33 నాటౌట​్‌) మరో ఛాన్స్‌ తీసుకోకుండా రాహుల్‌ కుమార్‌ (13 నాటౌట్‌) సహకారంతో భారత్‌ను విజయతీరాలకు చేర్చాడు.రెండు ఇన్నింగ్స్‌ల్లో విఫలమైన వైభవ్‌ఈ మ్యాచ్‌లో టీమిండియా చిచ్చరపిడుగు వైభవ్‌ సూర్యవంశీ రెండు ఇన్నింగ్స్‌ల్లో విఫలమయ్యాడు. తొలి ఇన్నింగ్స్‌లో (14 బంతుల్లో 20; 2 ఫోర్లు, సిక్స్‌) మంచి ఆరంభం లభించినా భారీ స్కోర్‌గా మలచలేకపోయిన ఈ కుర్ర డైనమైట్‌.. రెండో ఇన్నింగ్స్‌లో ఎదుర్కొన్న తొలి బంతికే ఔటయ్యాడు.చెలరేగిన బౌలర్లుఈ మ్యాచ్‌లో భారత బౌలర్లు రెండు ఇన్నింగ్స్‌ల్లో చెలరేగిపోయారు. కలిసికట్టుగా బౌలింగ్‌ చేసి ఆసీస్‌ బ్యాటర్లకు చుక్కలు చూపించారు. వీరి ధాటికి ఆసీస్‌ బ్యాటర్లు కొద్ది సేపు కూడా క్రీజ్‌లో నిలబడలేకపోయారు. రెండు ఇన్నింగ్స్‌ల్లో ఆసీస్‌ తరఫున అలెక్స్‌ లీ యంగ్‌ (66, 38) ఒక్కడే పర్వాలేదనిపించాడు. ఈ మ్యాచ్‌లో హెనిల్‌ పటేల్‌ 6, ఖిలన్‌ పటేల్‌, ఉధవ్‌ మోహన్‌ తలో 4, నమన్‌ పుష్పక్‌ 3, దీపేశ్‌ దేవేంద్రన్‌ 2 వికెట్లు తీశారు. చదవండి: CEAT అవార్డుల విజేతలు వీరే.. రోహిత్‌ శర్మకు ప్రత్యేక పురస్కారం

ఆస్ట్రేలియా అండర్‌-19 జట్టుతో జరుగుతున్న రెండో యూత్‌ టెస్ట్‌ మ్యాచ్‌లో భారత యువ బౌలర్లు రెండో ఇన్నింగ్స్‌లోనూ చెలరేగిపోయారు. హెనిల్‌ పటేల్‌ (8-3-23-3), నమన్‌ పుష్పక్‌ (7-1-19-3), ఉధవ్‌ మోహన్‌ (8-4-17-2), దీపేశ్‌ దేవేంద్రన్‌ (6-2-15-1), ఖిలన్‌ పటేల్‌ (11.1-2-36-1) ధాటికి ఆసీస్‌ 116 పరుగులకు చాపచుట్టేసింది. తద్వారా భారత్‌ ముందు 81 పరుగుల స్వల్ప లక్ష్యాన్ని ఉంచింది.ఆసీస్‌ ఇన్నింగ్స్‌లో 38 పరుగులు చేసిన అలెక్స్‌ లీ యంగ్‌ టాప్‌ స్కోరర్‌ కాగా.. మరో ముగ్గురు (కేసీ బార్టోన్‌ (19), జేడన్‌ డ్రేపర్‌ (15), అలెక్స్‌ టర్నర్‌ (10)) అతి కష్టం మీద రెండంకెల స్కోర్లు చేశారు. సైమన్‌ బడ్జ్‌, జెడ్‌ హోల్లిక్‌ డకౌట్లు కాగా.. కెప్టెన్‌ విల్‌ మలాజ్‌చుక్‌, యశ్‌ దేశ్‌ముఖ్‌ తలో 5, ఛార్లెస్‌ లచ్‌మండ్‌ 9, విల్‌ బైరోమ్‌ 8 పరుగులు చేశారు.అంతకుముందు ఆసీస్‌ బౌలర్లు భారత్‌ను 171 పరుగులకే ఆలౌట్‌ చేశారు. భారత ఇన్నింగ్స్‌లో ఒక్కరు కూడా 30 పరుగుల మార్కును చేరలేదు. 28 పరుగులు చేసిన తొమ్మిదో నంబర్‌ ఆటగాడు దీపేశ్‌ దీపేంద్రన్‌ టాప్‌ స్కోరర్‌గా నిలువగా.. ఖిలన్‌ పటేల్‌, వేదాంత్‌ త్రివేది, హెనిల్‌ పటేల్‌, వైభవ్‌ సూర్యవంశీ, విహాన్‌ మల్హోత్రా వరుసగా 26, 25, 22, 20, 11 పరుగులు స్కోర్‌ చేశారు. కెప్టెన్‌ ఆయుశ్‌ మాత్రే వైఫల్యాల పరంపరను కొనసాగిస్తూ 4 పరుగులకే ఔట్‌ కాగా.. రాహుల్‌ కుమార్‌ 9, హర్వంశ్‌ పంగాలియా 1, నమన్‌ పుష్పక్‌ డకౌటయ్యారు. ఈ ఇన్నింగ్స్‌లో ఆసీస్‌ బౌలర్లు సైతం మూకుమ్మడిగా సత్తా చాటారు. కేసీ బార్టన్‌ 4, ఛార్లెస్‌ లిచ్‌మండ్‌, విల్‌ బైరోమ్‌, జూలియన్‌ ఓస్బర్న్‌ తలో 2 వికెట్లు తీశారు. తొలి ఇన్నింగ్స్‌లో టీమిండియా 171 పరుగులకే ఆలౌటైనా 36 పరుగుల కీలక ఆధిక్యం లభించింది.ఈ మ్యాచ్‌లో తొలుత బ్యాటింగ్‌ చేసిన ఆసీస్‌.. హెనిల్‌ పటేల్‌ (9-3-21-3), ఖిలన్‌ పటేల్‌ (12-5-23-3), ఉధవ్‌ మోహన్‌ (6-0-23-2), దీపేశ్‌ దేవేంద్రన్‌ (7.3-2-22-1) ధాటికి 135 పరుగులకే కుప్పకూలింది. ఆసీస్‌ ఇన్నింగ్స్‌లో వికెట్‌ కీపర్‌ లీ యంగ్‌ (66) ఒక్కడే అర్ద సెంచరీతో రాణించాడు.కాగా, మూడు మ్యాచ్‌ల వన్డే సిరీస్‌, రెండు మ్యాచ్‌ల టెస్ట్‌ సిరీస్‌ల కోసం భారత అండర్‌ 19 జట్టు ఆస్ట్రేలియాలో పర్యటిస్తున్న విషయం తెలిసిందే. తొలుత జరిగిన వన్డే సిరీస్‌ను క్లీన్‌ స్వీప్‌ చేసిన భారత్‌.. టెస్ట్‌ సిరీస్‌లోనూ 1-0 ఆధిక్యంలో కొనసాగుతుంది. ప్రస్తుతం జరుగుతున్న రెండో టెస్ట్‌ను కూడా గెలిస్తే భారత్‌ ఆసీస్‌ను వారి సొంత ఇలాకాలో పూర్తిగా క్వీన్‌ స్వీప్‌ చేసినట్లవుతుంది.చదవండి: ఆస్ట్రేలియా జట్టుకు భారీ షాక్‌.. మళ్లీ కెప్టెన్‌గా స్టీవ్‌ స్మిత్‌..?

ఆస్ట్రేలియా పర్యటనలో భారత అండర్‌-19 జట్టు (India U19 vs Australia U19) తొలిసారి బ్యాటింగ్‌లో తడబడింది. మెక్‌కే వేదికగా జరుగుతున్న రెండో టెస్ట్‌ తొలి ఇన్నింగ్స్‌లో 171 పరుగులకే ఆలౌటైంది. భారత ఇన్నింగ్స్‌లో ఒక్కరు కూడా కనీసం 30 పరుగుల మార్కును చేరలేదు. 28 పరుగులు చేసిన తొమ్మిదో నంబర్‌ ఆటగాడు దీపేశ్‌ దీపేంద్రన్‌ టాప్‌ స్కోరర్‌గా నిలిచాడు. ఖిలన్‌ పటేల్‌, వేదాంత్‌ త్రివేది, హెనిల్‌ పటేల్‌, వైభవ్‌ సూర్యవంశీ (Vaibhav Suryavanshi) వరుసగా 26, 25, 22, 20 పరుగులు స్కోర్‌ చేశారు. ఓపెనర్‌గా ప్రమోషన్‌ పొందిన విహాన్‌ మల్హోత్రా 11 పరుగులు చేశాడు.కెప్టెన్‌ ఆయుశ్‌ మాత్రే (Ayush Mhatre) వైఫల్యాల పరంపరను కొనసాగిస్తూ 4 పరుగులకే ఔట్‌ కాగా.. రాహుల్‌ కుమార్‌ 9, హర్వంశ్‌ పంగాలియా 1, నమన్‌ పుష్పక్‌ డకౌటయ్యారు. ఈ ఇన్నింగ్స్‌లో ఆసీస్‌ బౌలర్లు మూకుమ్మడిగా సత్తా చాటారు. కేసీ బార్టన్‌ 4, ఛార్లెస్‌ లిచ్‌మండ్‌, విల్‌ బైరోమ్‌, జూలియన్‌ ఓస్బర్న్‌ తలో 2 వికెట్లు తీశారు. తొలి ఇన్నింగ్స్‌లో టీమిండియా స్వల్ప స్కోర్‌కే ఆలౌటైనా 36 పరుగుల కీలక ఆధిక్యం సాధించడం విశేషం.ఆసీస్‌కు సంతోషం​ ఎంతో సేపు మిగల్చలేదుదీనికి తోడు స్వల్ప లోటుతో రెండో ఇన్నింగ్స్‌ ప్రారంభించిన ఆస్ట్రేలియాను భారత పేసర్‌ హెనిల్‌ పటేల్‌ రెండో ఓవర్‌లోనే కోలుకోలేని దెబ్బకొట్టాడు. హెనిల్‌ రెండో ఓవర్‌లో వరుసగా తొలి, రెండో బంతులకు సైమన్‌ బడ్జ్‌, జెడ్‌ హోల్లిక్‌లను పెవిలియన్‌కు పంపాడు. ఆసీస్‌ అప్పటికి ఖాతా కూడా తెరవలేదు. 2 ఓవర్ల తర్వాత ఆ జట్టు స్కోర్‌ 0/2గా ఉంది.అంతకుముందు భారత బౌలర్లు తొలి ఇన్నింగ్స్‌లోనూ చెలరేగడంతో ఆసీస్‌ 135 పరుగులకే కుప్పకూలింది. హెనిల్‌ పటేల్‌ (9-3-21-3), ఖిలన్‌ పటేల్‌ (12-5-23-3), ఉధవ్‌ మోహన్‌ (6-0-23-2), దీపేశ్‌ దేవేంద్రన్‌ (7.3-2-22-1) కలిసికట్టుగా ఆసీస్‌ ఇన్నింగ్స్‌ను కుప్పకూల్చారు. ఆసీస్‌ ఇన్నింగ్స్‌లో వికెట్‌ కీపర్‌ లీ యంగ్‌ (66) ఒక్కడే అర్ద సెంచరీతో రాణించాడు.కాగా, మూడు మ్యాచ్‌ల వన్డే సిరీస్‌, రెండు మ్యాచ్‌ల టెస్ట్‌ సిరీస్‌ల కోసం భారత అండర్‌ 19 జట్టు ఆస్ట్రేలియాలో పర్యటిస్తున్న విషయం తెలిసిందే. తొలుత జరిగిన వన్డే సిరీస్‌ను క్లీన్‌ స్వీప్‌ చేసిన భారత్‌.. టెస్ట్‌ సిరీస్‌లోనూ 1-0 ఆధిక్యంలో కొనసాగుతుంది. ప్రస్తుతం జరుగుతున్న రెండో టెస్ట్‌ను కూడా గెలిస్తే భారత్‌ ఆసీస్‌ను వారి సొంత ఇలాకాలో పూర్తిగా క్వీన్‌ స్వీప్‌ చేసినట్లవుతుంది.చదవండి: సహనం కోల్పోయిన వైభవ్‌ సూర్యవంశీ.. కారణం ఇదే!

భారత యువ క్రికెటర్‌ వైభవ్‌ సూర్యవంశీ (Vaibhav Suryavanshi)కి కోపమొచ్చింది. అంపైర్‌ తీసుకున్న నిర్ణయం కారణంగా అతడు తీవ్ర అసహనానికి లోనయ్యాడు. ఐపీఎల్‌-2025 (IPL 2025)లో సత్తా చాటిన ఈ పద్నాలుగేళ్ల పిల్లాడు.. ప్రస్తుతం భారత అండర్‌-19 జట్టు తరఫున దుమ్ములేపుతున్నాడు.ఆస్ట్రేలియా పర్యటనలోనూ..ఇటీవల ఇంగ్లండ్‌ పర్యటనలో యూత్‌ వన్డే, టెస్టుల్లో అదరగొట్టిన వైభవ్‌ సూర్యవంశీ.. తాజాగా ఆస్ట్రేలియా పర్యటనలోనూ తనదైన ముద్ర వేస్తున్నాడు. ఆసీస్‌ అండర్‌-19 జట్టుతో యూత్‌ వన్డేల్లో మూడు మ్యాచ్‌లలో వరుసగా 38, 70, 16 పరుగులు చేసిన వైభవ్‌.. సిరీస్‌ను భారత్‌ క్లీన్‌స్వీప్‌ చేయడంలో తనవంతు పాత్ర పోషించాడు.ఇక ఆసీస్‌ అండర్‌-19 జట్టుతో తొలి యూత్‌ టెస్టులో వైభవ్‌ సూర్యవంశీ.. విధ్వంసకర శతకంతో చెలరేగడం విశేషం. కేవలం 86 బంతుల్లోనే తొమ్మిది ఫోర్లు, ఎనిమిది సిక్సర్ల సాయంతో 113 పరుగులు రాబట్టాడు ఈ ఓపెనింగ్‌ బ్యాటర్‌. ఈ మ్యాచ్‌లో భారత జట్టు 58 పరుగుల తేడాతో జయభేరి మోగించింది.HUNDRED FOR 14-YEAR-OLD VAIBHAV SURYAVANSHI IN AUSTRALIA Smashed a brilliant 100 off 78 balls vs Australia U-19 at Ian Healy Oval. A future star in the making!#vaibhavsuryavanshi pic.twitter.com/ZWE0GTNBN1— Rupeshh Suryavanshi (@RupeshSurya288) October 1, 2025ఆసీస్‌ 135 పరుగులకే ఆలౌట్‌ఈ క్రమంలో భారత్‌- ఆసీస్‌ అండర్‌-19 జట్ల మధ్య మంగళవారం (అక్టోబరు 7) రెండో యూత్‌ టెస్టు మొదలైంది. మెకాయ్‌ వేదికగా టాస్‌ గెలిచిన ఆతిథ్య ఆసీస్‌ తొలుత బ్యాటింగ్‌ ఎంచుకోగా.. భారత బౌలర్ల ధాటికి 43.3 ఓవర్లలో కేవలం 135 పరుగులు మాత్రమే చేసి ఆలౌట్‌ అయింది.ఆసీస్‌ బ్యాటర్లలో వికెట్‌ కీపర్‌ బ్యాటర్‌ అలెక్స్‌ లీ యంగ్‌ (66) టాప్‌ రన్‌ స్కోరర్‌గా నిలవగా.. భారత బౌలర్లలో హెనిల్‌ పటేల్‌, ఖిలాన్‌ పటేల్‌ చెరో మూడు వికెట్లతో చెలరేగారు. ఉద్ధవ్‌ మోహన్‌ రెండు, దీపేశ్‌ దేవేంద్రన్‌ ఒక వికెట్‌ దక్కించుకున్నారు.అనంతరం తమ తొలి ఇన్నింగ్స్‌ మొదలు పెట్టిన భారత జట్టుకు ఆదిలోనే షాక్‌ తగిలింది. విల్‌ బైరోమ్‌ బౌలింగ్‌ అలెక్స్‌టర్నర్‌కు క్యాచ్‌ ఇచ్చి కెప్టెన్‌ ఆయుశ్‌ మాత్రే (4) పెవిలియన్‌ చేరాడు. మరో ఓపెనర్‌ విహాన్‌ మల్హోత్రా (11) కూడా విఫలమయ్యాడు.ఊహించని విధంగా..ఈ క్రమంలో వైభవ్‌ సూర్యవంశీ సత్తా చాటుతాడని ఆశించగా.. అందుకు తగ్గట్లుగానే దూకుడుగా తన ఇన్నింగ్స్‌ మొదలుపెట్టాడు. 14 బంతుల్లోనే రెండు ఫోర్లు, ఒక సిక్సర్‌ సాయంతో 20 పరుగుల వ్యక్తిగత స్కోరు వద్ద ఉన్నవేళ.. ఊహించని విధంగా అవుటయ్యాడు.చార్ల్స్‌ లచ్‌మండ్‌ బౌలింగ్‌లో వికెట్‌ కీపర్‌ అలెక్స్‌ లీ యంగ్‌కు క్యాచ్‌ ఇచ్చి వైభవ్‌ పెవిలియన్‌ చేరాడు. అయితే, అంపైర్‌ నిర్ణయం పట్ల వైభవ్‌ తీవ్ర అసంతృప్తి వ్యక్తం చేశాడు. బంతి బ్యాట్‌ కంటే ముందు ప్యాడ్‌కు తాకిందని వైభవ్‌ అంపైర్‌తో వాదించినట్లు కనిపించింది.సహనం కోల్పోయిన వైభవ్‌ఈ క్రమంలో సహనం కోల్పోయిన వైభవ్‌ అవుటైన కాసేపటి దాకా క్రీజును వీడకుండా అక్కడే ఉన్నాడు. ఆ తర్వాత అన్యమస్కకంగానే పెవిలియన్‌ చేరాడు. ఇక వైభవ్‌తో పాటు మరో ఎండ్‌లో ఉన్న వేదాంత్‌ త్రివేవది కూడా అంపైర్‌తో ఇదే విషయం గురించి కాసేపు చర్చించాడు. ఇందుకు సంబంధించిన దృశ్యాలు సోషల్‌ మీడియాలో వైరల్‌ అవుతున్నాయి.Vaibhav Suryavanshi was wrongly given out in the second Youth Test against Australia U19. He looked shocked by the decision and gestured to indicate that there was a clear gap between the bat and the ball. pic.twitter.com/En8tKe4ErE— Varun Giri (@Varungiri0) October 7, 2025 ఇక మ్యాచ్‌ విషయానికొస్తే.. మంగళవారం నాటి తొలి రోజు ఆట ముగిసేసరికి భారత జట్టు 40 ఓవర్లలో ఏడు వికెట్ల నష్టానికి 144 పరుగులు చేసింది. ఆసీస్‌ కంటే తొలి ఇన్నింగ్స్‌లో తొమ్మిది పరుగుల ఆధిక్యంలో నిలిచింది. వైభవ్‌ 20 పరుగులు చేయగా.. వేదాంత్‌ 25, ఖిలన్‌ పటేల్‌ 26 పరుగులు చేశారు. హెనిల్‌ పటేల్‌ 22, దీపేశ్‌ దేవేంద్రన్‌ 6 పరుగులతో క్రీజులో ఉన్నారు.చదవండి: రోహిత్‌ను తప్పించడం సరైన నిర్ణయం.. కోహ్లి జట్టులో కొనసాగాలంటే..: డివిలియర్స్‌

భారత క్రికెట్‌లో కొన్నాళ్లుగా వైభవ్‌ సూర్యవంశీ (Vaibhav Suryavanshi) పేరు మారుమ్రోగిపోతోంది. పన్నెండేళ్ల వయసులోనే రంజీల్లో అరంగేట్రం చేసిన ఈ బిహారీ పిల్లాడు.. పద్నాలుగేళ్లకే ఇండియన్‌ ప్రీమియర్‌ లీగ్‌ (IPL)లోనూ అడుగుపెట్టాడు. అంతేకాదు.. అత్యంత పిన్న వయసులో ఐపీఎల్‌లో ఫాస్టెస్ట్‌ సెంచరీ నమోదు చేసిన తొలి భారత ఆటగాడిగా నిలిచాడు.ఫాస్టెస్ట్‌ సెంచరీలుఈ ఏడాది రాజస్తాన్‌ రాయల్స్‌ తరఫున గుజరాత్‌ టైటాన్స్‌తో మ్యాచ్‌లో 35 బంతుల్లోనే శతకం బాది వైభవ్‌ సూర్యవంశీ ఈ ఘనత సాధించాడు. ఇక ఆ తర్వాత భారత్‌ అండర్‌-19 జట్టు తరఫునా పరుగుల వరద పారిస్తున్నాడు ఈ లెఫ్టాండర్‌ బ్యాటర్‌.ఇటీవల ఇంగ్లండ్‌ పర్యటనలో యూత్‌ వన్డేల్లో అత్యంత వేగవంతమైన శతకం నమోదు చేసిన వైభవ్‌ సూర్యవంశీ.. తాజాగా ఆస్ట్రేలియా గడ్డ మీద కూడా సత్తా చాటుతున్నాడు. ఈ నేపథ్యంలో రాజస్తాన్‌ రాయల్స్‌ హై పర్ఫామెన్స్‌ డైరెక్టర్‌ జుబిన్‌ బరూచా (Zubin Barucha) వైభవ్‌ను ఉద్దేశించి ఆసక్తికర వ్యాఖ్యలు చేశాడు.వైభవ్‌ సూర్యవంశీ ఉంటే డబుల్‌ సెంచరీ చేసేవాడు‘‘వీలైనంత త్వరగా అతడిని సీనియర్‌ జట్టు (టీమిండియా)లోకి పంపించాలి. చాలా ఏళ్ల క్రితం సచిన్‌ టెండుల్కర్‌ (16 ఏళ్ల వయసులో అరంగేట్రం) విషయంలో ఇలాగే చేశారు. ఇప్పుడు వైభవ్‌ విషయంలోనూ త్వరగా నిర్ణయం తీసుకోవాలి.కనీసం ఇండియా-‘ఎ’ తరఫునైనా అతడిని ఆడించాలి. తక్షణమే ఆ జట్టులోకి వైభవ్‌ను పంపించండి. ఇటీవల అనధికారిక టెస్టు సిరీస్‌లో ఆస్ట్రేలియా-ఎ బౌలర్ల బౌలింగ్‌ చూస్తే.. వైభవ్‌ గనుక జట్టులో ఉండి ఉంటే డబుల్‌ సెంచరీ బాదేవాడని అనిపించింది.జోఫ్రా ఆర్చర్‌ను ఎదుర్కోవడానికి స్టీవ్‌ స్మిత్‌ వంటి మేటి బ్యాటర్లే భయపడతారు. మా జట్టు తరఫున నెట్స్‌లో బరిలోకి దిగినా ఆర్చర్‌ ప్రధాన మ్యాచ్‌లో మాదిరే బౌల్‌ చేస్తాడు. అలా ఓసారి ప్రాక్టీస్‌ సెషన్‌లో ఆర్చర్‌ బౌలింగ్‌లో స్మిత్‌ తలకు గాయమైంది.ఆరోజు వైభవ్‌ అద్భుతం చేశాడుఅప్పటి నుంచి ఆర్చర్‌ నెట్స్‌లో ఉంటే స్మిత్‌ బ్యాటింగ్‌కు వచ్చేవాడే కాదు. అందుకే ఆర్చర్‌ బౌలింగ్‌లో వైభవ్‌ బ్యాటింగ్‌ చేయబోతున్నపుడు నేను భయపడ్డాను. కానీ.. ఆ పిల్లాడు బ్యాక్‌ఫుట్‌ షాట్‌ ఆడి.. బంతిని స్టేడియం అవతలకు తరలించాడు. నాతో పాటు కోచింగ్‌ స్టాఫ్‌.. ఆఖరికి ఆర్చర్‌ కూడా ఆశ్చర్యపోయాడు’’ అని జుబిన్‌ బరూచా చెప్పుకొచ్చాడు. వైభవ్‌ను త్వరలోనే టీమిండియాకు ఎంపిక చేయాలని చీఫ్‌ సెల క్టర్‌ అజిత్‌ అగార్కర్‌కు ఈ మేరకు విజ్ఞప్తి చేశాడు.కాగా సొంతగడ్డపై ఇండియా-‘ఎ’ జట్టు ఇటీవల ఆసీస్‌-‘ఎ’తో రెండు అనధికారిక మ్యాచ్‌ల టెస్టు సిరీస్‌ ఆడింది. ఈ సిరీస్‌ను 1-0తో భారత్‌ సొంతం చేసుకుంది. చదవండి: 50 ఓవర్ల క్రికెట్‌లో ట్రిపుల్‌ సెంచరీ.. ఆసీస్‌ బ్యాటర్‌ విధ్వంసం

ఆస్ట్రేలియా పర్యటనలో భారత అండర్‌-19 జట్టు (Team India) తొలిసారి బ్యాటింగ్‌లో తడబాటుకు లోనైంది. మెక్‌కే వేదికగా ఇవాళ (అక్టోబర్‌ 7) మొదలైన రెండో టెస్ట్‌లో టాపార్డర్‌ విఫలం కావడంతో తొలి రోజు ఆట ముగిసే సమయానికి భారత స్కోర్‌ 7 వికెట్ల నష్టానికి 144 పరుగులుగా ఉంది.వన్‌డౌన్‌లో వచ్చిన చిచ్చరపిడుగు వైభవ్‌ సూర్యవంశీ (Vaibhav Suryavanshi) (14 బంతుల్లో 20; 2 ఫోర్లు, సిక్స్‌) తన సహజ శైలిలో ధాటిగా ఆడినప్పటికీ, ఎక్కువ సేపు క్రీజ్‌లో నిలబడలేకపోయాడు. ఈ మ్యాచ్‌లో ఓపెనర్‌గా ప్రమోషన్‌ పొందిన విహాన్‌ మల్హోత్రా (11) నిరాశపరిచాడు. మరో ఓపెనర్‌, కెప్టెన్‌ ఆయుశ్‌ మాత్రే (4) వైఫల్యాల పరంపర కొనసాగించాడు.వేదాంత్‌ త్రివేది (25) నిలదొక్కుకునేందుకు ప్రయత్నించి విఫలమయ్యాడు. రాహుల్‌ కుమార్‌ (9), వికెట్‌కీపర్‌ హర్వంశ్‌ పంగాలియా (1) సింగిల్‌ డిజిట్‌ స్కోర్‌కే టపా కట్టేశారు. ఖిలన్‌ పటేల్‌ (26) కాసేపు పోరాడినప్పటికీ, ఆట ముగిసే సమయానికి కొద్ది ముందుగా ఔటయ్యాడు. హెనిల్‌ పటేల్‌ (22 నాటౌట్‌), దీపేశ్‌ దేవేంద్రన్‌ (6 నాటౌట్‌) సహకారంతో భారత్‌కు గౌరవప్రదమైన స్కోర్‌ అందించేందుకు ప్రయత్నిస్తున్నాడు.ఆసీస్‌ బౌలర్లలో కేసీ బార్టన్‌, విల్‌ బైరోమ్‌ టీమిండియా టాపార్డర్‌ను ఇబ్బంది పెట్టారు. కేసీ 2, బైరోమ్‌ 2 వికెట్లు పడగొట్టగా.. ఛార్లెస్‌ లచ్‌మండ్‌, జూలియన్‌కు తలో వికెట్‌ దక్కింది. టాపార్డర్‌ తడబడినా టీమిండియాకు ఇప్పటికే 9 పరుగుల ఆధిక్యం లభించింది. అంతకుముందు భారత బౌలర్లు చెలరేగడంతో తొలుత బ్యాటింగ్‌ చేసిన ఆసీస్‌ తొలి ఇన్నింగ్స్‌లో 135 పరుగులకే కుప్పకూలింది. హెనిల్‌ పటేల్‌ (9-3-21-3), ఖిలన్‌ పటేల్‌ (12-5-23-3), ఉధవ్‌ మోహన్‌ (6-0-23-2), దీపేశ్‌ దేవేంద్రన్‌ (7.3-2-22-1) కలిసికట్టుగా ఆసీస్‌ ఇన్నింగ్స్‌ను కుప్పకూల్చారు. ఆసీస్‌ ఇన్నింగ్స్‌లో వికెట్‌ కీపర్‌ లీ యంగ్‌ (66) ఒక్కడే అర్ద సెంచరీతో రాణించాడు.కాగా, మూడు మ్యాచ్‌ల వన్డే సిరీస్‌, రెండు మ్యాచ్‌ల టెస్ట్‌ సిరీస్‌ల కోసం భారత అండర్‌ 19 జట్టు ఆస్ట్రేలియాలో పర్యటిస్తున్న విషయం తెలిసిందే. తొలుత జరిగిన వన్డే సిరీస్‌ను క్లీన్‌ స్వీప్‌ చేసిన భారత్‌.. టెస్ట్‌ సిరీస్‌లోనూ 1-0 ఆధిక్యంలో కొనసాగుతుంది. ప్రస్తుతం జరుగుతున్న రెండో టెస్ట్‌ను కూడా గెలిస్తే భారత్‌ ఆసీస్‌ను వారి సొంత ఇలాకాలో పూర్తిగా క్వీన్‌ స్వీప్‌ చేసినట్లవుతుంది.చదవండి: కర్ణాటక కెప్టెన్‌గా రాహుల్‌ ద్రవిడ్‌ కొడుకు.. కరుణ్‌ నాయర్‌ రీఎంట్రీ

ఆస్ట్రేలియా అండర్‌-19 జట్టుతో ఇవాళ (అక్టోబర్‌ 7) ప్రారంభమైన రెండో యూత్‌ టెస్ట్‌లో (IND U19 Vs AUS U19) యువ భారత్‌ బౌలర్లు చెలరేగిపోయారు. హెనిల్‌ పటేల్‌ (9-3-21-3), ఖిలన్‌ పటేల్‌ (12-5-23-3), ఉధవ్‌ మోహన్‌ (6-0-23-2), దీపేశ్‌ దేవేంద్రన్‌ (7.3-2-22-1) ధాటికి ఆస్ట్రేలియా 43.3 ఓవర్లలో 135 పరుగులకే కుప్పకూలింది.ఆసీస్‌ ఇన్నింగ్స్‌లో వికెట్‌ కీపర్‌ లీ యంగ్‌ (66) ఒక్కడే అర్ద సెంచరీతో రాణించాడు. మరో ఇద్దరు (యశ్‌ దేశ్‌ముఖ్‌ (22), కెప్టెన్‌ విల్‌ మలాజ్‌చుక్‌ (10)) మాత్రమే రెండంకెల స్కోర్లు చేయగలిగారు. అలెక్స్‌ టర్నర్‌ (6), జెడ్‌ హోల్లిక్‌ (7), జేడన్‌ డ్రేపర్‌ (2), కేసీ బార్టన్‌ (9), ఛార్లెస్‌ లచ్‌మండ్‌ (1) అతి కష్టం మీద సింగిల్‌ డిజిట్‌ స్కోర్లు చేయగా.. సైమన్‌ బడ్జ్‌, విల్‌ బైరోమ్‌ డకౌట్లయ్యారు.అనంతరం తొలి ఇన్నింగ్స్‌ ప్రారంభించిన భారత్‌ కూడా తడబడుతుంది. వైభవ్‌ సూర్యవంశీ స్థానంలో ఓపెనర్‌గా ప్రమోషన్‌ పొందిన విహాన్‌ మల్హోత్రా 11 పరుగులకే ఔట్‌ కాగా.. మరో ఓపెనర్‌, టీమిండియా కెప్టెన్‌ అయిన ఆయుశ్‌ మాత్రే (4) వైఫల్యాల పరంపరను కొనసాగించాడు.ఈ మధ్యకాలంలో ఎన్నడూ లేని విధంగా వన్‌డౌన్‌లో బ్యాటింగ్‌కు దిగిన వైభవ్‌ సూర్యవంశీ (Vaibhav Suryavanshi) వచ్చీ రాగానే ఎదురుదాడికి దిగినా ఎంతో సేపు క్రీజ్‌లో నిలబడలేకపోయాడు. వైభవ్‌ 14 బంతుల్లో 2 ఫోర్లు, సిక్సర్‌ సాయంతో 20 పరుగులు చేసి ఔటయ్యాడు.తొలి రోజు టీ విరామం సమయానికి భారత స్కోర్‌ 3 వికెట్ల నష్టానికి 59 పరుగులుగా ఉంది. వేదాంత్‌ త్రివేది (11), రాహుల్‌ కుమార్‌ (6) క్రీజ్‌లో ఉన్నారు. ఆసీస్‌ బౌలర్లలో విల్‌ బైరోమ్‌ (5-0-22-2), ఛార్లెస్‌ లచ్‌మండ్‌ (6-0-33-1) భారత బ్యాటర్లను ఇబ్బంది పెడుతున్నారు. ఆసీస్‌ తొలి ఇన్నింగ్స్‌ స్కోర్‌కు భారత్‌ ఇంకా 76 పరుగులు వెనుకపడి ఉంది.కాగా, మూడు మ్యాచ్‌ల వన్డే సిరీస్‌, రెండు మ్యాచ్‌ల టెస్ట్‌ సిరీస్‌ల కోసం భారత అండర్‌ 19 జట్టు ఆస్ట్రేలియాలో పర్యటిస్తున్న విషయం తెలిసిందే. తొలుత జరిగిన వన్డే సిరీస్‌ను క్లీన్‌ స్వీప్‌ చేసిన భారత్‌.. టెస్ట్‌ సిరీస్‌లోనూ 1-0 ఆధిక్యంలో కొనసాగుతుంది. ప్రస్తుతం జరుగుతున్న రెండో టెస్ట్‌ను కూడా గెలిస్తే భారత్‌ ఆసీస్‌ను వారి సొంత ఇలాకాలో పూర్తిగా క్వీన్‌ స్వీప్‌ చేసినట్లవుతుంది.చదవండి: భారత్‌తో వన్డే సిరీస్‌కు ఆస్ట్రేలియా జట్టు ప్రకటన.. నిప్పులు చెరిగే బౌలర్‌ వచ్చేశాడు..!

ఆస్ట్రేలియా పర్యటనలో భారత యువ జట్టు (అండర్‌-19) దుమ్మురేపుతుంది. తొలుత వన్డే సిరీస్‌ను క్లీన్‌ చేసిన భారత్‌.. రెండు మ్యాచ్‌ల టెస్ట్‌ సిరీస్‌ను (India U19 vs Australia U19) ఘనంగా ప్రారంభించింది. బ్రిస్బేన్‌ వేదికగా జరుగుతున్న తొలి టెస్ట్‌లో భారత్‌ తొలి ఇన్నింగ్స్‌లో 428 పరుగుల భారీ స్కోర్‌ చేసింది.ఓపెనర్‌ వైభవ్‌ సూర్యవంశీ (Vaibhav Suryavanshi) (86 బంతుల్లో 113; 9 ఫోర్లు, 8 సిక్సర్లు), మిడిలార్డర్‌ బ్యాటర్‌ వేదాంత్‌ త్రివేది (Vedant Trivedi) (192 బంతుల్లో 140; 19 ఫోర్లు) శతకాలతో కదంతొక్కారు. ఖిలన్‌ పటేల్‌ (49) రాణించాడు. ఆయుశ్‌ మాత్రే (21), అభిగ్యాన్‌ కుందు (26), రాహుల్‌ కుమార్‌ (23) ఓ మోస్తరు స్కోర్లు చేశారు. ఆసీస్‌ బౌలర్లలో కెప్టెన్‌ విల్‌ మలాజ్‌చుక్‌, హేడెన్‌ స్కిల్లర్‌ తలో 3 వికెట్లు తీయగా.. ఆర్యన్‌ శర్మ 2, థామస్‌ ప్యాడింగ్టన్‌ ఓ వికెట్‌ దక్కించుకున్నాడు.అంతకుముందు భారత బౌలర్లు చెలరేగడంతో ఆసీస్‌ తొలి ఇన్నింగ్స్‌లో 243 పరుగలకు ఆలౌటైంది. పేసర్‌ దీపేశ్‌ దేవేంద్రన్‌ (16.2-6-45-5) ఐదు వికెట్ల ప్రదర్శనతో ఆసీస్‌ పతనాన్ని శాశించాడు.మరో పేసర్‌ కిషన్‌ కుమార్‌ (16-4-48-3) కూడా సత్తా చాటాడు. అన్మోల్జీత్‌ సింగ్‌, ఖిలన్‌ పటేల్‌ తలో వికెట్‌ తీశారు. ఆసీస్‌ ఇన్నింగ్స్‌లో వన్‌ డౌన్ బ్యాటర్‌ స్వీవెన్‌ హోగన్‌ (246 బంతుల్లో 92) ఒక్కడే రాణించాడు. భారత్‌కు 185 పరుగుల తొలి ఇన్నింగ్స్‌ ఆధిక్యం లభించింది. ప్రస్తుతం ఆట రెండో రోజు మూడో సెషన్‌ నడుస్తుంది. చదవండి: World Cup 2025: చరిత్ర సృష్టించిన టీమిండియా ప్లేయర్‌

టీమిండియా చిచ్చరపిడుగు వైభవ్‌ సూర్యవంశీ (Vaibhav Suryavanshi) మరోసారి చెలరేగిపోయాడు. గత కొంతకాలంగా ఫార్మాట్లకతీతంగా పేట్రేగిపోగుతున్న ఈ కుర్ర డైనమైట్‌.. ఆస్ట్రేలియా అండర్‌-19 జట్టుతో జరుగుతున్న తొలి యూత్‌ టెస్ట్‌లో (తొలి ఇన్నింగ్స్‌) మరోసారి రెచ్చిపోయాడు. కేవలం 78 బంతుల్లో 7 ఫోర్లు, 7 సిక్సర్ల సాయంతో విధ్వంసకర శతకం నమోదు చేశాడు.ఈ క్రమంలో ఓ ఆల్‌టైమ్‌ రికార్డు సెట్‌ చేశాడు. భారత్‌ తరఫున యూత్‌ టెస్ట్‌ల్లో అత్యధిక సిక్సర్లు (14) బాదిన ఆటగాడిగా తన కెప్టెన్‌ ఆయుశ్‌ మాత్రే (Ayush Mhatre) (9) రికార్డు బ్రేక్‌ చేసి చరిత్ర సృష్టించాడు. ఈ మ్యాచ్‌లో మొత్తంగా 86 బంతులు ఎదుర్కొని 9 ఫోర్లు, 8 సిక్సర్ల సాయంతో 113 పరుగులు చేసి ఔటయ్యాడు. ఆసీస్‌ గడ్డపై ఫాస్టెస్ట్‌ సెంచరీ.. మెక్‌కల్లమ్‌ రికార్డు సమంఈ మ్యాచ్‌లో వైభవ్‌ చేసిన 78 బంతుల శతకం ఆస్ట్రేలియా గడ్డపై యూత్‌ టెస్ట్‌ల్లో అత్యంత వేగవంతమైంది. ఈ సెంచరీతో వైభవ్‌ మరో ఆల్‌టైమ్‌ రికార్డును కూడా సమం చేశాడు. న్యూజిలాండ్‌ దిగ్గజం బ్రెండన్‌ మెక్‌కల్లమ్‌ తర్వాత యూత్‌ టెస్ట్‌ల్లో రెండు శతకాలను 100లోపు బంతుల్లో సాధించిన ఆటగాడిగా నిలిచాడు. వైభవ్‌ 2024లో చెన్నైలో ఇదే ఆస్ట్రేలియా అండర్‌-19 జట్టుపై 58 బంతుల్లో శతక్కొట్టాడు. మ్యాచ్‌ విషయానికొస్తే.. ఆస్ట్రేలియా పర్యటనలో మూడు మ్యాచ్‌ల వన్డే సిరీస్‌ను క్లీన్‌ స్వీప్‌ చేసిన యువ భారత్‌ (అండర్‌ 19 జట్టు).. రెండు మ్యాచ్‌ల యూత్‌ టెస్ట్‌ సిరీస్‌లోనూ సత్తా చాటుతుంది. బ్రిస్బేన్‌ వేదికగా జరుగుతున్న తొలి మ్యాచ్‌లో తొలుత భారత బౌలర్లు చెలరేగిపోయారు. టాస్‌ గెలిచి తొలుత బ్యాటింగ్‌ చేసిన ఆసీస్‌ను 243 పరుగులకే ఆలౌటై్‌ చేశారు.పేసర్‌ దీపేశ్‌ దేవేంద్రన్‌ (16.2-6-45-5) ఐదు వికెట్ల ప్రదర్శనతో ఆసీస్‌ పతనాన్ని శాశించాడు. మరో పేసర్‌ కిషన్‌ కుమార్‌ (16-4-48-3) కూడా సత్తా చాటాడు. అన్మోల్జీత్‌ సింగ్‌, ఖిలన్‌ పటేల్‌ తలో వికెట్‌ తీశారు. ఆసీస్‌ ఇన్నింగ్స్‌లో వన్‌ డౌన్ బ్యాటర్‌ స్వీవెన్‌ హోగన్‌ (246 బంతుల్లో 92) ఒక్కడే రాణించాడు. ఆసీస్‌ ఇన్నింగ్స్‌ ముగియగానే తొలి ఆట ముగిసింది.రెండో రోజు తొలి ఇన్నింగ్స్‌ను ప్రారంభించిన భారత్‌కు వైభవ్‌ సూర్యవంశీ అదిరిపోయే ఆరంభాన్ని ఇచ్చాడు. కెప్టెన్‌ ఆయుశ్‌ మాత్రే (21) కలిసి తొలి బంతి నుంచే ఆసీస్‌ బౌలర్లపై ఎదురుదాడి ప్రారంభించాడు. ఈ క్రమంలోనే సుడిగాలి శతకం బాదాడు. వైభవ్‌ ఔటయ్యాక వేదాంత్‌ త్రివేది ఆసీస్‌ బౌలర్ల భరతం పట్టడం ప్రారంభించాడు. ఈ క్రమంలో వేదాంత్‌ కూడా సెంచరీ పూర్తి చేశాడు.రెండో రోజు రెండో సెషన్‌ సమయానికి భారత్‌ 53 ఓవర్లలో 4 వికెట్ల నష్టానికి 298 పరుగులు చేసింది. వేదాంత్‌తో (106) పాటు రాహుల్‌ కుమార్‌ (9) క్రీజ్‌లో ఉన్నాడు. ప్రస్తుతం భారత్‌ ఆసీస్‌ తొలి ఇన్నింగ్స్‌ స్కోర్‌ను దాటేసి 55 పరుగుల ఆధిక్యంలో కొనసాగుతోంది. భారత ఇన్నింగ్స్‌లో విహాన్‌ మల్హోత్రా 6, అభిగ్యాన్‌ కుందు 26 పరుగులు చేశారు.చదవండి: చెలరేగిన భారత బౌలర్లు.. స్వల్ప స్కోర్‌కే కుప్పకూలిన ఆస్ట్రేలియా

ఆస్ట్రేలియా పర్యటనలో మూడు మ్యాచ్‌ల వన్డే సిరీస్‌ను క్లీన్‌ స్వీప్‌ చేసిన యువ భారత్‌ (అండర్‌ 19 జట్టు).. రెండు మ్యాచ్‌ల సిరీస్‌లో భాగంగా ఇవాల్టి నుంచి (సెప్టెంబర్‌ 30) మొదలైన తొలి టెస్ట్‌లోనూ సత్తా చాటింది. బ్రిస్బేన్‌ వేదికగా జరుగుతున్న మ్యాచ్‌లో భారత బౌలర్లు చెలరేగిపోయారు. ముఖ్యంగా యువ పేసర్‌ దీపేశ్‌ దేవేంద్రన్‌ (16.2-6-45-5) ఐదు వికెట్ల ప్రదర్శనతో ఆసీస్‌ ఇన్నింగ్స్‌ పతనాన్ని శాశించాడు.మరో పేసర్‌ కిషన్‌ కుమార్‌ (16-4-48-3) కూడా సత్తా చాటాడు. అన్మోల్జీత్‌ సింగ్‌, ఖిలన్‌ పటేల్‌ తలో వికెట్‌ తీశారు. ఫలితంగా టాస్‌ గెలిచి తొలుత బ్యాటింగ్‌ చేసిన ఆసీస్‌ 91.2 ఓవర్లలో 243 పరుగులకే ఆలౌటైంది. ఆసీస్‌ ఇన్నింగ్స్‌లో వన్‌ డౌన్ బ్యాటర్‌ స్వీవెన్‌ హోగన్‌ (246 బంతుల్లో 92) ఒక్కడే రాణించాడు. మిగతా ఆటగాళ్లలో జెడ్‌ హోలిక్‌ (38) మాత్రమే 20కి పైగా స్కోర్‌ చేశాడు. అలెక్స్‌ లీ యంగ్‌ (18), కెప్టెన్‌ విల్‌ మలాజ్‌చుక్‌ (21), సైమన్‌ బడ్జ్‌ (15) జాన్‌ జేమ్స్‌ (13), హేడన్‌ షిల్లర్‌ (10 నాటౌట్‌) రెండంకెల స్కోర్లు చేశారు. ఆసీస్‌ ఇన్నింగ్స్‌ ముగియగానే తొలి ఆట ముగిసింది.రేపు భారత ఇన్నింగ్స్‌ మొదలవుతుంది. ఆసీస్‌తో పోలిస్తే భారత బ్యాటింగ్‌ లైనప్‌ చాలా పటిష్టంగా ఉంది. చిచ్చరపిడుగు వైభవ్‌ సూర్యవంశీతో అప్‌ కమింగ్‌ స్టార్‌ ఆయుశ్‌ మాత్రే ఇన్నింగ్స్‌ను ప్రారంభిస్తారు. ఆతర్వాత విహాన్‌ మల్హోత్రా, వేదాంత్‌ త్రివేది, రాహుల్‌ కుమార్‌, అభిగ్యాన్‌ కుందు లాంటి స్టార్‌ బ్యాటర్లు ఉన్నారు. కాగా, భారత అండర్‌-19 జట్టు ఈ సిరీస్‌కు ముందు ఇంగ్లండ్‌ను కూడా వారి సొంత ఇలాకాలో మట్టికరిపించింది. ఇటీవలికాలంలో యువ భారత్‌ విజయాల్లో వైభవ్‌ సూర్యవంశీ ప్రధానపాత్ర పోషిస్తున్నాడు. తాజాగా ఆసీస్‌తో జరిగిన వన్డే సిరీస్‌లోనై వైభవ్‌ పర్వాలేదనిపించాడు.చదవండి: హైదరాబాద్‌లో సందడి చేసిన ఆసియా కప్‌ ఫైనల్‌ హీరో

మూడు మ్యాచ్‌ల యూత్‌ వన్డే సిరీస్‌లో (Australia U19 vs India U19) యువ భారత్‌ జట్టు (Team India) ఆస్ట్రేలియాను (Australia) వారి సొంత ఇలాకాలో చిత్తుగా ఓడించింది. ఈ సిరీస్‌ను భారత్‌ 3-0తో క్లీన్‌ స్వీప్‌ చేసింది. బ్రిస్బేన్‌ వేదికగా ఇవాళ (సెప్టెంబర్‌ 26) జరిగిన మూడో వన్డేలో టీమిండియా 167 పరుగుల భారీ తేడాతో ఘన విజయం సాధించింది.ఈ సిరీస్‌ తొలి రెండు మ్యాచ్‌ల్లో (22 బంతుల్లో 38, 68 బంతుల్లో 70) సత్తా చాటిన చిచ్చరపిడుగు వైభవ్‌ సూర్యవంశీ (Vaibhav Suryavanshi) మూడో ​మ్యాచ్‌లో (20 బంతుల్లో 16) విఫలమయ్యాడు. అయినా భారత్‌ ఘన విజయం సాధించగలిగింది. ఈ సిరీస్‌లో భారత్‌ తొలి మ్యాచ్‌లో 7 వికెట్ల తేడాతో, రెండో వన్డేలో 51 పరుగుల తేడాతో గెలుపొందింది.ఇరు జట్ల మధ్య సెప్టెంబర్‌ 30 నుంచి అక్టోబర్‌ 3వ తేదీ వరకు తొలి యూత టెస్ట్‌ జరుగనుంది. అనంతరం అక్టోబర్‌ 7 నుంచి 10 వరకు రెండో టెస్ట్‌ జరుగుతుంది. దీంతో ఆస్ట్రేలియాలో యువ భారత జట్టు పర్యటన ముగుస్తుంది.మూడో వన్డే విషయానికొస్తే.. టాస్‌ గెలిచి తొలుత బ్యాటింగ్‌ చేసిన భారత్‌ నిర్ణీత 50 ఓవర్లలో 9 వికెట్ల నష్టానికి 280 పరుగులు చేసింది. వైభవ్‌ విఫలమైనా, వేదాంత్‌ త్రివేది (86), రాహుల్‌ కుమార్‌ (62) రాణించారు. విహాన్‌ మల్హోత్రా (40) పర్వాలేదనిపించాడు. కెప్టెన్‌ ఆయుశ్‌ మాత్రే (Ayush Mhatre) వరుసగా మూడో మ్యాచ్‌లోనూ విఫలమయ్యాడు.అనంతరం 281 పరుగుల లక్ష్య ఛేదనకు దిగిన ఆసీస్‌.. భారత బౌలర్లు ఖిలన్‌ పటేల్‌ (7.3-0-26-4), ఉధవ్‌ మోహన్‌ (5-1-26-3), కనిష్క్‌ చౌహాన్‌ (6-1-18-2) ధాటికి 28.3 ఓవర్లలో 113 పరుగులకే కుప్పకూలింది. ఆసీస్‌ ఇన్నింగ్స్‌లో కేవలం ముగ్గురు మాత్రమే రెండంకెల స్కోర్లు చేయగలిగారు. అలెక్స్‌ టర్నర్‌ 32, టామ్‌ హోగన్‌ 28, విల్‌ మలాజ్‌చుక్‌ 15 పరుగులు చేశారు.చదవండి: IND vs AUS: కేఎల్‌ రాహుల్‌ భారీ సెంచరీ.. ఆసీస్‌ను చిత్తు చేసిన భారత్‌

ఆస్ట్రేలియా అండర్‌-19 జట్టుతో నామమాత్రపు మూడో యూత్‌ వన్డే (IND U19 vs AUS U19 3rd ODI)లో భారత యువ బ్యాటర్‌ వైభవ్‌ సూర్యవంశీ (Vaibhav Suryavanshi) విఫలమయ్యాడు. గత రెండు మ్యాచ్‌లలో అదరగొట్టిన ఈ ఓపెనింగ్‌ బ్యాటర్‌ ఈసారి మాత్రం పదహారు పరుగులకే పరిమితమయ్యాడు.ఇక.. మరో ఓపెనర్‌, కెప్టెన్‌ ఆయుశ్‌ మాత్రే (6, 0, 4)బ్యాట్‌తో తన వైఫల్యాన్ని కొనసాగించాడు. టాపార్డర్‌లో ఇలా ఓపెనర్లు నిరాశపరిచినా వన్‌డౌన్‌ బ్యాటర్‌ విహాన్‌ మల్హోత్రా (40) మాత్రం ఫర్వాలేదనిపించాడు.అదరగొట్టిన వేదాంత్‌, రాహుల్‌అయితే, ఆరంభంలోనే వికెట్లు కోల్పోయినప్పటికీ.. మిడిలార్డర్లో వేదాంత్‌ త్రివేది, రాహుల్‌ కుమార్‌ (Rahul Kumar) అదరగొట్టడంతో.. భారత్‌ భారీ స్కోరు చేయగలిగింది. వేదాంత్‌ 92 బంతుల్లో 86, రాహుల్‌ కుమార్‌ 84 బంతుల్లో 62 పరుగులు సాధించారు. మిగతా వారిలో వికెట్‌ కీపర్‌ బ్యాటర్‌ హర్‌వన్ష్‌ పంగాలియా 23, ఖిలాన్‌ పటేల్‌ 20* పరుగులు చేశారు.ఈ క్రమంలో నిర్ణీత 50 ఓవర్ల ఆట ముగిసే సరికి భారత అండర్-19 జట్టు తొమ్మిది వికెట్ల నష్టానికి 280 పరుగులు చేసింది. ఆసీస్‌ యువ బౌలర్లలో విల్‌ బిరోమ్‌, కేసీ బార్టన్‌ మూడేసి వికెట్లు పడగొట్టగా.. చార్ల్స్ లాచ్‌మండ్‌, బెన్‌ గోర్డాన్‌, కెప్టెన్‌ విల్‌ మలాజుక్‌ ఒక్కో వికెట్‌ తమ ఖాతాలో వేసుకున్నారు.ఇప్పటికే సిరీస్‌ 2-0తో కైవసంకాగా మూడు యూత్‌ వన్డేలు, రెండు యూత్‌ టెస్టులు ఆడేందుకు భారత అండర్‌-19 క్రికెట్‌ జట్టు ఆస్ట్రేలియా పర్యటనకు వెళ్లింది. బ్రిస్బేన్‌ వేదికగా జరుగుతున్న వన్డేల్లో తొలి రెండు మ్యాచ్‌లు గెలిచిన ఆయుశ్‌ మాత్రే సేన.. ఇప్పటికే సిరీస్‌ను 2-0తో కైవసం చేసుకుంది. ఇక శుక్రవారం నాటి మూడో యూత్‌ వన్డేలోనూ బ్యాటింగ్‌ పరంగా మరోసారి దుమ్మురేపింది. ఇక బౌలర్ల పనే మిగిలి ఉంది. ఇదిలా ఉంటే.. ఈ సిరీస్‌లో తొలి వన్డేలో వైభవ్‌ సూర్యవంశీ 22 బంతుల్లో 38 పరుగులు చేశాడు. రెండో వన్డేలో 68 బంతుల్లో 70 పరుగులు సాధించాడు.చదవండి: అందుకే షమీని సెలక్ట్‌ చేయలేదు: కుండబద్దలు కొట్టిన అగార్కర్‌

మల్టీ ఫార్మాట్‌ సిరీస్‌ (3 వన్డేలు, 2 టెస్ట్‌లు) కోసం ఆస్ట్రేలియాలో పర్యటిస్తున్న భారత అండర్‌ 19 జట్టు (India U19 Tour of Australia) వరుస విజయాలతో దూసుకుపోతుంది. ఇదివరకే ఓ వన్డే గెలిచిన యువ భారత్‌ (India A vs Australia A).. తాజాగా రెండో మ్యాచ్‌ కూడా గెలిచి (51 పరుగుల తేడాతో), మరో మ్యాచ్‌ మిగిలుండగానే 2-0తో సిరీస్‌ను కైవసం చేసుకుంది.బ్రిస్బేన్‌ వేదికగా ఇవాళ (సెప్టెంబర్‌ 24) జరిగిన మ్యాచ్‌లో తొలుత బ్యాటింగ్‌ చేసిన భారత్‌ 49.4 ఓవర్లలో 300 పరుగులకు ఆలౌటైంది. వైభవ్‌ సూర్యవంశీ (Vaibhav Suryavanshi) (68 బంతుల్లో 70; 5 ఫోర్లు, 6 సిక్సర్లు) యధావిధిగా విధ్వంసాన్ని కొనసాగించాడు. విహాన్‌ మల్హోత్రా (70), అభిగ్యాన్‌ కుందు (71) అర్ద సెంచరీలతో సత్తా చాటారు. కెప్టెన్‌ ఆయుశ్‌ మాత్రే (Ayush Mhatre) డకౌటై నిరాశపరిచాడు.అనంతరం 301 పరుగుల భారీ లక్ష్య ఛేదనకు దిగిన ఆస్ట్రేలియా యువ జట్టు.. భారత బౌలర్ల ధాటికి 47.2 ఓవర్లలో 249 పరుగులకే చాపచుట్టేసింది. జేడన్‌ డ్రేపర్‌ (72 బంతుల్లో 107; 8 ఫోర్లు, 5 సిక్సర్లు) మెరుపు శతకంతో చెలరేగినా ఆసీస్‌ను గెలిపించలేకపోయాడు. డ్రేపర్‌కు తోడుగా ఎవ్వరూ రాణించలేదు. అతనొక్కడే ఒంటరిపోరాటం చేశాడు.బ్యాట్‌తో విఫలమైన యువ భారత కెప్టెన్‌ ఆయుశ్‌ మాత్రే బంతితో రాణించాడు. 4 ఓవర్లలోనే 3 వికెట్లు తీసి ఆసీస్‌ పతనాన్ని శాశించాడు. కనిష్క్‌ చౌహాన్‌ 2, కిషన్‌ కుమార్‌, అంబ్రిష్‌, ఖిలన్‌ పటేల్‌, విహాన్‌ మల్హోత్రా తలో వికెట్‌ తీశారు.ఈ సిరీస్‌లోని తొలి మ్యాచ్‌లో భారత్‌ 7 వికెట్ల తేడాతో ఘన విజయం సాధించింది. ఆ మ్యాచ్‌లో తొలుత బ్యాటింగ్‌ చేసిన ఆసీస్‌ 225 పరుగులు చేయగా.. భారత్‌ సునాయాసంగా లక్ష్యాన్ని ఛేదించింది. వేదాంత్‌ త్రివేది (61 నాటౌట్‌), అభిగ్యాన్‌ కుందు (87 నాటౌట్‌) అర్ద సెంచరీలతో రాణించగా.. వైభవ్‌ సూర్యవంశీ (22 బంతుల్లో 38; 7 ఫోర్లు, సిక్స్‌) ఆ మ్యాచ్‌లోనూ రాణించాడు.ఈ సిరీస్‌లో నామమాత్రపు మూడో వన్డే సెప్టెంబర్‌ 26న జరుగనుంది. అనంతరం సెప్టెంబర్‌ 20 నుంచి అక్టోబర్‌ 3 వరకు తొలి టెస్ట్‌.. అక్టోబర్‌ 7 నుంచి 10 వరకు రెండో టెస్ట్‌ జరుగనున్నాయి.చదవండి: ప్రపంచ రికార్డు బద్దలు కొట్టిన వైభవ్‌ సూర్యవంశీ

భారత యువ క్రికెటర్‌ వైభవ్‌ సూర్యవంశీ (Vaibhav Suryavanshi) సరికొత్త చరిత్ర సృష్టించాడు. యూత్‌ వన్డేల్లో అత్యధిక సిక్సర్లు బాదిన ఆటగాడిగా అవతరించాడు. ఈ క్రమంలో ఉన్ముక్త్‌ చాంద్‌ (Unmukt Chand) పేరిట ఉన్న ప్రపంచ రికార్డును వైభవ్‌ సూర్యవంశీ బద్దలుకొట్టాడు.ఆస్ట్రేలియా అండర్‌-19 జట్టుతో రెండో యూత్‌ వన్డే (IND U19 vs AUS U19) సందర్భంగా వైభవ్‌ సూర్యవంశీ ఈ ఘనత సాధించాడు. కాగా భారత అండర్‌-19 క్రికెట్‌ జట్టు ప్రస్తుతం ఆస్ట్రేలియా పర్యటనలో ఉంది. ఇందులో భాగంగా మూడు మ్యాచ్‌ల యూత్‌ వన్డే సిరీస్‌లో ఆడుతోంది. ఈ క్రమంలో తొలి మ్యాచ్‌లో గెలిచి భారత్‌ 1-0తో ఆధిక్యం సంపాదించింది.300 పరుగులుఈ క్రమంలో బుధవారం నాటి రెండో యూత్‌ వన్డేలోనూ భారత్‌ అదరగొట్టింది. 49.4 ఓవర్లలో 300 పరుగులు చేసి ఆలౌట్‌ అయింది. వైభవ్‌ సూర్యవంశీ (70), విహాన్‌ మల్హోత్రా (70), అభిగ్యాన్‌ కుందు (71) అద్భుత అర్థ శతకాల కారణంగా ఈ మేర భారీ స్కోరు సాధ్యమైంది. 41వ సిక్స్‌ఇక ఈ మ్యాచ్‌లో పద్నాలుగేళ్ల వైభవ్‌ 68 బంతుల్లో ఐదు ఫోర్లు, ఆరు సిక్సర్లు బాదాడు. ఈ క్రమంలో యూత్‌ వన్డేల్లో తన 41వ సిక్స్‌ను నమోదు చేశాడు. తద్వారా ఉన్ముక్త్‌ చాంద్‌ పేరిట ఉన్న వరల్డ్‌ రికార్డును బ్రేక్‌ చేసి.. అత్యధిక సిక్సర్లు బాదిన బ్యాటర్‌గా ఆల్‌టైమ్‌ రికార్డు నెలకొల్పాడు.కాగా భారత్‌కు అండర్‌-19 వరల్డ్‌కప్‌ అందించిన కెప్టెన్‌ ఉన్ముక్త్‌ చాంద్‌. అయితే, టీమిండియాలో ఆడేందుకు అవకాశం రాకపోవడంతో అతడు అమెరికాకు వలస వెళ్లాడు. యూఎస్‌ఏ తరఫున అంతర్జాతీయ క్రికెట్‌ ఆడుతున్నాడు. ఇక ఉన్ముక్త్‌ పేరు మీద భారత్‌ తరఫున ఉన్న ఈ ప్రపంచ రికార్డును చిచ్చరపిడుగు వైభవ్‌ తాజాగా బద్దలు కొట్టేశాడు.✨⚡Vaibhav Suryavanshi 🏏🔥💥#vaibhavSuryavanshi #IndiU19 pic.twitter.com/ioAyWm4n6X— Cric Insights (@cricinsights1) September 24, 2025 యూత్‌ వన్డేల్లో అత్యధిక సిక్సర్లు బాదిన క్రికెటర్లు🏏వైభవ్‌ సూర్యవంశీ (ఇండియా)- 41 సిక్స్‌లు*- 2024-25🏏ఉన్ముక్త్‌ చాంద్‌ (ఇండియా)- 38 సిక్స్‌లు- 2011-12🏏జవాద్‌ అబ్రార్‌ (బంగ్లాదేశ్‌)- 35 సిక్స్‌లు- 2025-25🏏షాజైబ్‌ ఖాన్‌ (పాకిస్తాన్‌)- 31 సిక్స్‌లు- 2022-24🏏యశస్వి జైస్వాల్‌ (ఇండియా)- 30 సిక్స్‌లు- 2018-20.యూత్‌ క్రికెట్‌లో వైభవ్‌ సూర్యవంశీ సాధించిన అరుదైన రికార్డులు🏏యూత్‌ వన్డేల్లో 52 బంతుల్లోనే శతకం🏏యూత్‌ వన్డేల్లో ఒకే ఇన్నింగ్స్‌లో అత్యధిక సిక్సర్లు (10) బాదిన ఇండియన్‌ బ్యాటర్‌🏏170 ఏళ్ల క్రికెట్‌ చరిత్రలో 13 ఏళ్ల 188 రోజుల వయసులోనే సెంచరీ (కాంపిటేటివ్‌ క్రికెట్‌) బాదిన ఆటగాడిగా ఘనత🏏రంజీ ట్రోఫీలో 12 ఏళ్ల 284 రోజుల వయసులోనే అడుగుపెట్టిన ఆటగాడిగా రికార్డు🏏ఐపీఎల్‌లో ఫాస్టెస్ట్‌ సెంచరీ (35 బంతుల్లో) చేసిన అత్యంత పిన్న వయస్కుడు🏏యూత్‌ టెస్టుల్లో ఫాస్టెస్ట్‌ సెంచరీ (58 బంతుల్లో) చేసిన భారత ఆటగాడు.చదవండి: IND vs AUS: ఆసీస్‌ భారీ స్కోరు.. కేఎల్‌ రాహుల్‌ ఫెయిల్‌

భారత్‌ అండర్‌-19 క్రికెటర్‌ వైభవ్‌ సూర్యవంశీ (Vaibhav Suryavanshi) ఫామ్‌ను కొనసాగిస్తున్నాడు. ఆస్ట్రేలియా అండర్‌-19 జట్టు (IND U19 vs AUS U19)తో రెండో యూత్‌ వన్డేలో ఈ పద్నాలుగేళ్ల పిల్లాడు అద్భుత అర్ధ శతకం సాధించాడు. కాగా మూడు యూత్‌ వన్డేలు, రెండు యూత్‌ టెస్టులు ఆడేందుకు భారత యువ జట్టు ఆస్ట్రేలియా పర్యటనకు వెళ్లింది.ఇందులో భాగంగా బ్రిస్బేన్‌ వేదికగా ఆదివారం జరిగిన తొలి యూత్‌ వన్డేలో భారత్‌ ఏడు వికెట్ల తేడాతో ఆసీస్‌ను చిత్తు చేసింది. ఈ మ్యాచ్‌లో ఓపెనర్‌ వైభవ్‌ సూర్యవంశీ 22 బంతుల్లో 38 పరుగులతో రాణించాడు. Vaibhav Suryavanshi's first game in Australia was seriously entertaining 👏Highlights: https://t.co/hfQabdpRwD pic.twitter.com/TdGijK0ZpG— cricket.com.au (@cricketcomau) September 22, 2025 ఆసీస్‌పై 1-0తో ఆధిక్యంఇక నాలుగు, ఐదు స్థానాల్లో వచ్చిన వేదాంత్‌ త్రివేది (61 నాటౌట్‌), అభిగ్యాన్‌ కుందు (87 నాటౌట్‌) అజేయ అర్ధ శతకాలతో రాణించి జట్టును విజయతీరాలకు చేర్చారు.ఫలితంగా ఆసీస్‌పై 1-0తో ఆధిక్యం సాధించిన భారత్‌.. తాజాగా బుధవారం నాటి రెండో వన్డేలోనూ అదరగొట్టింది. బ్రిస్బేన్‌ వేదికగా రెండో యూత్‌ వన్డేలో టాస్‌ గెలిచిన ఆతిథ్య ఆసీస్‌ తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన భారత జట్టుకు ఆదిలోనే షాక్‌ తగిలింది.ఆయుశ్‌ మాత్రే డకౌట్‌ఓపెనర్‌, కెప్టెన్‌ ఆయుశ్‌ మాత్రే డకౌట్‌గా వెనుదిరిగాడు. అయితే, మరో ఓపెనర్‌ వైభవ్‌ సూర్యవంశీ.. వన్‌డౌన్‌ బ్యాటర్‌ విహాన్‌ మల్హోత్రాతో కలిసి ఇన్నింగ్స్‌ గాడిలో పెట్టాడు. వీరిద్దరు అద్భుత అర్ధ శతకాలతో రాణించారు.వైభవ్‌, విహాన్‌ హాఫ్‌ సెంచరీలువైభవ్‌ మొత్తంగా 68 బంతులు ఎదుర్కొని ఐదు ఫోర్లు, ఆరు సిక్సర్ల సాయంతో 70 పరుగులు సాధించగా.. విహాన్‌ 74 బంతుల్లో ఏడు ఫోర్లు, ఒక సిక్స్‌ బాది 70 పరుగులు రాబట్టాడు. మిగతా వారిలో వేదాంత్‌ త్రివేది 26 పరుగులు చేయగా.. వికెట​ కీపర్‌ బ్యాటర్‌ అభిగ్యాన్‌ కుందు మరోసారి హాఫ్‌ సెంచరీతో అలరించాడు.అభిగ్యాన్‌ మరోసారిఅభిగ్యాన్‌ 64 బంతుల్లో ఐదు ఫోర్లు, రెండు సిక్సర్లు కొట్టి 71 పరుగులు సాధించాడు. అయితే, అనూహ్య రీతిలో అతడు రనౌట్‌ అయ్యాడు. ఏదేమైనా టాపార్డర్‌, మిడిలార్డర్‌ చెలరేగడంతో టీమిండియా 300 పరుగుల భారీ స్కోరు సాధించింది. అయితే, లోయర్ ఆర్డర్‌ విఫలం కావడంతో 49.4 ఓవర్లలో ఆలౌట్‌ అయింది.ఆస్ట్రేలియా అండర్‌-19 బౌలర్లలో విల్‌ బైరోమ్‌ మూడు వికెట్లతో సత్తా చాటగా.. కెప్టెన్‌ యశ్‌ దేశ్‌ముఖ్‌ రెండు వికెట్లు పడగొట్టాడు. మిగతా వారిలో కాసే బార్టన్‌, హైడెన్‌ షీలర్‌, జాన్‌ జేమ్స్‌, ఆర్యన్‌ శర్మ ఒక్కో వికెట్‌ పడగొట్టారు. భారత్‌ ఘన విజయంఅనంతరం లక్ష్య ఛేదనకు దిగిన ఆస్ట్రేలియా అండర్‌-19 జట్టు.. 47.2 ఓవర్లలో 249 పరుగులకే ఆలౌట్‌ అయింది. ఫలితంగా 51 పరుగుల తేడాతో గెలిచిన భారత యువ జట్టు సిరీస్‌ను 2-0తో కైవసం చేసుకుంది. ఇదిలా ఉంటే.. రెండో యూత్‌ వన్డేలో భారత బౌలర్లలో కెప్టెన్‌ ఆయుశ్‌ మాత్రే మూడు వికెట్లతో రాణించగా.. కనిష్క్‌ చౌహాన్‌ రెండు, కిషన్‌ కుమార్‌, ఆర్‌ఎస్‌ అంబరీశ్‌, ఖిలాన్‌ పటేల్‌, విహాన్‌ మల్హోత్రా ఒక్కో వికెట్‌ దక్కించుకున్నారు.చదవండి: బీసీసీఐకి శ్రేయస్‌ అయ్యర్‌ లేఖ!.. ఇకపై నేను...

భారత్‌ అండర్‌-19 క్రికెట్‌ జట్టు ఆస్ట్రేలియా (AUS U19 Vs IND U19 ) పర్యటనలో శుభారంభం చేసింది. ఆసీస్‌ యువ జట్టుతో జరిగిన తొలి యూత్‌ వన్డేలో ఏడు వికెట్ల తేడాతో విజయం సాధించింది.‌ ఆయుశ్‌ మాత్రే (Ayush Mhatre) సారథ్యంలో మూడు యూత్‌ వన్డేలు, రెండు యూత్‌ టెస్టులు ఆడేందుకు భారత జట్టు ఆసీస్‌ పర్యటనకు వెళ్లింది.పరుగుల ఖాతా తెరవకుండానేఇందులో భాగంగా ఇరుజట్ల మధ్య బ్రిస్బేన్‌‌ వేదికగా ఆదివారం తొలి యూత్‌ వన్డే జరిగింది. ఇయాన్‌ హేలీ మైదానంలో టాస్‌ గెలిచిన ఆస్ట్రేలియా అండర్‌-19 జట్టు తొలుత బ్యాటింగ్‌ చేసింది. భారత బౌలర్ల దాటికి ఆసీస్‌ పరుగుల ఖాతా తెరవకుండానే ఓపెనర్లు అలెక్స్‌ టర్నర్‌ (0), సీమోన్‌ బడ్జ్‌ (0) వికెట్లు కోల్పోయింది. వీరిద్దరిని కిషన్‌ కుమార్‌ (Kishan Kumar) అవుట్‌ చేసి.. ఆసీస్‌కు ఆరంభంలోనే గట్టి షాకిచ్చాడు.ఇక మిగిలిన ఆసీస్‌ బ్యాటర్లలో స్టీవెన్‌ హోగన్‌ 39, టామ్‌ హోగన్‌ 41 పరుగులతో రాణించగా.. జాన్‌ జేమ్స్‌ 77 పరుగులతో అజేయంగా నిలిచాడు. అతడి ఇన్నింగ్స్‌ కారణంగానే ఆసీస్‌ మెరుగైన స్కోరు చేయగలిగింది. నిర్ణీత 50 ఓవర్లలో తొమ్మిది వికెట్ల నష్టానికి 225 పరుగులు సాధించింది. భారత యువ బౌలర్లలో కిషన్‌ కుమార్‌, కనిష్క్‌ చౌహాన్‌ రెండేసి వికెట్లు తీయగా.. హెనిల్‌ పటేల్‌ మూడు వికెట్లతో చెలరేగాడు. ఆర్‌ఎస్‌ అంబరీష్‌ కు ఒక వికెట్‌ దక్కింది.వైభవ్‌ సూర్యవంశీ ధనాధన్‌ఈ క్రమంలో ఆసీస్‌ విధించిన లక్ష్యాన్ని ఛేదించే క్రమంలో భారత జట్టుకు ఆదిలోనే షాకులు తగిలాయి. ఆసీస్‌ పేసర్‌ చార్లెస్‌ లాచ్‌మండ్‌ ఓపెనర్‌, కెప్టెన్‌ ఆయుశ్‌ మాత్రే (6), వన్‌డౌన్‌ బ్యాటర్‌ విహాన్‌ మల్హోత్రా (9)లను సింగిల్‌ డిజిట్‌ స్కోర్లకే పరిమితం చేశాడు. అయితే, మరో ఓపెనర్‌ వైభవ్‌ సూర్యవంశీ మాత్రం మరోసారి తన మార్కు చూపించాడు.ధనాధన్‌ బ్యాటింగ్‌తో దంచికొట్టి.. ఇన్నింగ్స్‌ గాడిన పెట్టాడు. మొత్తంగా 22 బంతులు ఎదుర్కొన్న వైభవ్‌.. ఏడు ఫోర్లు, ఒక సిక్సర్‌ సాయంతో 38 పరుగులు సాధించాడు. వేదాంత్‌, అభిగ్యాన్ అదుర్స్‌ఈ క్రమంలో అతడికి జతైన వేదాంత్‌ త్రివేది అర్ధ శతకం (61 నాటౌట్‌) తో ఆకట్టుకున్నాడు. ఇక వేదాంత్‌తో పాటు అభిగ్యాన్‌ కుందు దుమ్ములేపాడు. 74 బంతుల్లోనే ఎనిమిది ఫోర్లు, ఐదు సిక్సర్ల సాయంతో 87 పరుగులతో అజేయంగా నిలిచాడు.వేదాంత్‌తో కలిసి టీమిండియాను విజయతీరాలకు చేర్చాడు. 30.3 ఓవర్లలో మూడు వికెట్లు కోల్పోయి 227 పరుగులు సాధించిన భారత్‌.. ఆసీస్‌ జట్టును ఏడు వికెట్ల తేడాతో చిత్తు చేసింది. సూపర్‌ ఫిఫ్టీ సాధించిన అభిగ్యాన్‌ కుందు ‘ప్లేయర్‌ ఆఫ్‌ ది మ్యాచ్‌’గా నిలిచాడు.