TV
హైదరాబాద్లో గుట్టుచప్పుడు కాకుండా సాగుతున్న భారీ కల్తీ నెయ్యి నెట్వర్క్పై హైదరాబాద్ టాస్క్ఫోర్స్ విభాగం హెచ్–ఫాస్ట్, ఫుడ్ సేఫ్టీ అధికారులు కొరడా ఝుళిపించారు.
హైదరాబాద్ కమిషనరేట్ పరిధిలో ఒకేసారి 130 ప్రాంగణాల్లో (39 తయారీ కేంద్రాలు, 91 విక్రయ దుకాణాలు) ఆకస్మిక తనిఖీలు నిర్వహించి కల్తీ నెయ్యి దందాను బట్టబయలు చేశారు.
ఈ దాడుల్లో దాదాపు 36 టన్నుల కల్తీ నెయ్యి, దానికి ఉపయోగించే ముడి పదార్థాలు, హానికర రసాయనాలను అధికారులు స్వాధీనం చేసుకున్నారు.
కల్తీ నెయ్యితో శరీరంలో బ్యాడ్ కొలె్రస్టాల్, ట్రాన్స్ఫ్యాట్స్ పెరిగిపోయి గుండెపోటు, జీర్ణక్రియ సమస్యలు, లివర్, కిడ్నీల వైఫల్యం, చర్మ అలెర్జీలు వచ్చే ప్రమాదం ఉందని వైద్యులు హెచ్చరిస్తున్నారు.
పాలు, వెన్న లేకుండానే పాల ఘనపదార్థాలకు పామాయిల్, గంజి పౌడర్, వనస్పతి, కృత్రిమ సువాసన రసాయనాలను కలిపి ఈ ముఠా నకిలీ నెయ్యిని తయారు చేస్తోంది.
కల్తీకి వాడే మిల్క్ క్రీమ్ను మహారాష్ట్ర, ఉత్తరప్రదేశ్, మధ్యప్రదేశ్, గుజరాత్, కర్ణాటక, తమిళనాడు రాష్ట్రాల నుండి తెప్పిస్తున్నారు.
ఈ నెయ్యిని ప్లాస్టిక్ కవర్లలో ప్యాక్ చేసి 100 శాతం ప్యూర్ నెయ్యి అంటూ మార్కెట్లోకి వదులుతున్నారు.
వీటిపై ఎలాంటి ఫుడ్ సేఫ్టీ లైసెన్స్ నంబర్, బ్యాచ్ నంబర్, తయారీ, ఎక్స్పైరీ తేదీలు లేవు.
ఈ ప్యాకెట్లను పూజా స్టోర్లు, రెస్టారెంట్లు, టిఫిన్ సెంటర్లు, స్వీట్ షాపులు, బేకరీలు, ఆయుర్వేద మందుల దుకాణాలు, డెయిరీ షాపులు, స్టార్ హోటళ్లు, కేటరర్లకు తక్కువ ధరకు విక్రయిస్తున్నారు.
కెమికల్ ల్యాబ్ టెస్టుల్లో దొరక్కుండా ఉండేందుకు బీటా కెరోటిన్, ఎసిటిక్ యాసిడ్ ఎస్టర్, లాక్టిక్ యాసిడ్లని ఈ కల్తీ నెయ్యిలో కలిపి తయారు చేస్తున్నట్లు అధికారులు గుర్తించారు.
