TV
కరీంనగర్ జిల్లాలో డెంగ్యూతో ఒకరు మరణించారు.
కరీంనగర్: కరీంనగర్ జిల్లాలో డెంగ్యూతో ఒకరు మరణించారు. కమాన్‌పూర్ మండలం కన్నాల గ్రామానికి చెందిన మల్లయ్య(40) ఇరవై రోజులుగా జ్వరంతో బాధపడుతున్నాడు. కొన్ని రోజుల క్రితం ఆయనను కరీంనగర్‌లోని ఓ ప్రైవేట్ ఆస్పత్రిలో చేర్పించారు. పరిస్థితి విషమించడంతో సోమవారం వేకువజామున చనిపోయాడు. కాగా, డెంగ్యూ జ్వరంతోనే ఆయన భార్య కూడా ఇటీవలే చనిపోయింది. దంపతులిద్దరూ డెంగ్యూతో మరణించడంతో గ్రామంలో విషాదం నెలకొంది.
