TV
విద్యార్ధులకు కొత్త ధృవీకరణ పత్రాలు: కేసీఆర్
తెలంగాణలో విద్యార్ధులకు కొత్తగా స్థానికత,కుల, ఆదాయ దృవీకరణ పత్రాలు ఇవ్వాలని ప్రభుత్వం నిర్ణయం తీసుకుంది.
హైదరాబాద్: తెలంగాణలో విద్యార్ధులకు కొత్తగా స్థానికత,కుల, ఆదాయ దృవీకరణ పత్రాలు ఇవ్వాలని ప్రభుత్వం నిర్ణయం తీసుకుంది. ధృవీకరణ పత్రాల కోసం తహసీల్దార్ కార్యాలయాల్లో విద్యార్ధులు దరఖాస్తు చేసుకోవాలని ప్రభుత్వం సూచన చేసింది. ఈ నెల 15 కల్లా రుణమాఫీ ప్రక్రియ పూర్తి చేయాలని కలెక్టర్ల కాన్ఫరెన్స్ లో ప్రభుత్వం నిర్ణయించింది.
రేషన్ కార్గు తరహాలో అర్హులకు ఆహార భద్రతా కార్టులను ఇవ్వాలని తెలంగాణ ప్రభుత్వం భావిస్తోంది. అర్హులైన వారికి పెన్షన్లు మంజూరు లేఖలు ఇవ్వాలని ఈ సమావేశంలో తెలంగాణ ముఖ్యమంత్రి కేసీఆర్ నిర్ణయం తీసుకున్నారు.
