క్వార్టర్స్కు దూసుకెళ్లిన సానియా, బోపన్న

రియో ఒలింపిక్స్‌లో టెన్నిస్‌ మిక్స్‌డ్‌ డబుల్స్‌ లో సానియా మీర్జా, రోహన్‌ బోపన్న జోడీ శుభారంభం చేసింది.  తొలి రౌండ్‌లో ఆస్ట్రేలియాకు చెందిన సమంత స్టోసర్‌, పీర్స్‌ జాన్‌ జోడీపై శుక్రవారం వేకువజామున జరిగిన పోరులో 7-5, 6-4 తేడాతో వరుస సెట్లలో సానియా, బోపన్న ద్వయం విజయం సాధించింది.

రెండు సెట్లలోనూ ఆసీస్ జోడీ పోరాడినా సరైన సమయాలలో అనవసర తప్పిదాలకు దూరంగా ఉన్న భారత ద్వయాన్నే విజయం వరించింది. ఈ విజయంతో సానియా, బోపన్న జోడీ మిక్స్డ్ డబుల్స్ క్వార్టర్‌ ఫైనల్స్‌కు దూసుకెళ్లింది. పురుషులు డబుల్స్ లో బోపన్న, పేస్ జోడీ, మహిళల డబుల్స్ లో సానియా జోడీ నిష్క్రమించిన విషయం తెలిసిందే.