మనమే వరల్డ్‌కప్‌ ఫేవరెట్స్‌: సచిన్‌

న్యూఢిల్లీ: ఈ ఏడాది మేలో ఇంగ్లండ్‌ వేదికగా ఆరంభం కానున్న వన్డే వరల్డ్‌కప్‌లో టీమిండియానే ఫేవరెట్‌ అనడంలో తనకు ఎలాంటి సందేహం లేదని క్రికెట్ లెజెండ్ సచిన్‌ టెండూల్కర్ అన్నాడు. ఆ మెగా టోర్నీలో కఠినమైన ప్రత్యర్థి ఎవరైనా ఉన్నారంటే అది భారత క్రికెట్‌ జట్టేనని పేర్కొన్నాడు. ఈ క్రమంలోనే న్యూజిలాండ్‌పై వారి దేశంలో ద్వైపాక్షిక వన్డే సిరీస్‌ గెలిచిన భారత జట్టుపై ప్రశంలస వర్షం కురిపించాడు. ప‍్రస్తుతం ఏ దేశంలోనైనా, ఏ పిచ్‌పై అయినా టీమిండియా సత్తాచాటుతుందన్నాడు.

‘టీమిండియా వరుస విజయాల రికార్డు పరిగణనలోకి తీసుకుని నేను చెప్పడం లేదు. ప్రస్తుతం టీమిండియా జట్టు కూర్పు అద్భుతంగా ఉంది. ఈ కూర్పు ఈ జట్టు ప్రపంచంలోని ఏ దేశంలోనైనా ఎక్కడైనా పోటీపడగలదు. ప్రస్తుతం టీమిండియా ప్రదర్శనలు చూస్తుంటే ఇంగ్లండ్‌లో జరుగనున్న ప్రపంచకప్ టోర్నీలో టీమిండియానే హాట్ ఫేవరెట్ అని చెబుతున్నా’ అని సచిన్ అన్నాడు.