మలాన్‌ మెరుపులు

England Wins Against New Zealand in 4th T20 Match - Sakshi

51 బంతుల్లో 9 ఫోర్లు, 6 సిక్సర్లతో 103 నాటౌట్‌

మోర్గాన్‌ పరుగుల మోత

నాలుగో టి20లో ఇంగ్లండ్‌ గెలుపు

నేపియర్‌: సిరీస్‌లో నిలవాలంటే కచ్చితంగా గెలవాల్సిన మ్యాచ్‌లో ఇంగ్లండ్‌ జట్టు రికార్డుల మోత మోగించింది. న్యూజిలాండ్‌తో జరిగిన నాలుగో టి20 మ్యాచ్‌లో మోర్గాన్‌ బృందం 76 పరుగుల తేడాతో ఘన విజయాన్ని సొంతం చేసుకుంది. ముందుగా ఇంగ్లండ్‌ 20 ఓవర్లలో 3 వికెట్ల నష్టానికి 241 పరుగులు చేసింది. టి20ల్లో ఇంగ్లండ్‌కిదే అత్యధిక స్కోరు. డేవిడ్‌ మలాన్‌ (51 బంతుల్లో 103 నాటౌట్‌; 9 ఫోర్లు, 6 సిక్సర్లు) మెరుపు సెంచరీ సాధించగా... కెప్టెన్‌ ఇయాన్‌ మోర్గాన్‌ (41 బంతుల్లో 91; 7 ఫోర్లు, 7 సిక్సర్లు) త్రుటిలో ఆ అవకాశం చేజార్చుకున్నాడు. వీరిద్దరు మూడో వికెట్‌కు 74 బంతుల్లోనే 182 పరుగులు జోడించడం విశేషం. అనంతరం న్యూజిలాండ్‌ 16.5 ఓవర్లలో 165 పరుగులకే ఆలౌటైంది. టిమ్‌ సౌతీ (15 బంతుల్లో 39; 2 ఫోర్లు, 4 సిక్సర్లు), కొలిన్‌ మున్రో (21 బంతుల్లో 30; 3 ఫోర్లు) ఫర్వాలేదనిపించారు. మాట్‌ పార్కిన్సన్‌కు 4 వికెట్లు దక్కాయి. తాజా ఫలితంతో సిరీస్‌లో ఇరు జట్లు 2–2తో సమంగా నిలిచాయి. చివరి టి20 ఆదివారం ఆక్లాండ్‌లో జరుగుతుంది.

Read latest Sports News and Telugu News | Follow us on FaceBook, Twitter


Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top