వచ్చేస్తున్నాడు..!?

తలైవా రజనీకాంత్‌ రాజకీయ రంగ ప్రవేశం చేయనున్నారా? ఇంతకాలం వస్తున్న పుకార్లకు పుట్టిన రోజు చెక్‌ పెట్టనున్నారా? కమల్‌హాసన్‌కు పోటీగా అడుగులు వేస్తున్నారా? అంటే అవుననే అభిమానులు చెబుతున్నారు.

సాక్షి, చెన్నై : తలైవా రజనీకాంత్‌ తన పుట్టిన రోజు డిసెంబర్‌ 12న సంచలన ప్రకటన చేయనున్నట్లు తెలుస్తోంది. అదే రోజున రజనీకాంత్‌ రాజకీయాల్లోకి వస్తున్నట్లు ప్రకటన చేస్తారని అభిమానులు ఆకాంక్షిస్తున్నారు. రాజకీయాలపై తనకు ఆసక్తి ఉందని గతంలో పలు సందర్భాల్లో రజనీకాంత్‌ పేర్కొన్న విషయాన్ని ఈ సందర్భంగా అందరూ గుర్తు చేసుకుంటున్నారు.  

రజనీకాంత్‌ రాజకీయ అరంగేట్రం కచ్చితంగా చేస్తారనుకున్న ప్రతి సందర్భంలోనూ.. ఏదో ఒక కారణంతో ఆగిపోయేది. అయితే ఈ దఫా మాత్రం అటువంటిది ఉండదని.. తెలుస్తోంది. తమిళ సినిమా విశ్లేషకులు రమేష్‌ బాల ట్వీట్‌ను అభిమానులు గుర్తు చేస్తున్నారు. రజనీకాంత్‌ పుట్టిన రోజున రాజకీయ అరంగేట్రంపై అధికార ప్రకటన చేస్తారని రమేష్‌ బాల చేసిన ట్వీట్‌ తమిళనాడులో ప్రకంపనలు సృష్టిస్తోంది.

. @superstarrajini is expected to make a special announcement regarding his Political entry on his birthday Dec 12th.. #Vikatan pic.twitter.com/BfdNp8SDdI

— Ramesh Bala (@rameshlaus) 9 November 2017