రాహుల్‌ పై దాడిని ఖండించిన గుజరాత్‌ సీఎం..

 

వరద ప్రాంతాల్లో సహాయక కార్యక్రమాల పరిశీలనకు వచ్చిన కాంగ్రెస్‌ ఉపాధ్యక్షుడు రాహుల్‌ గాంధీ వాహనంపై శుక్రవారం రాళ్లదాడి జరిగిన విషయం తెలిసిందే. ఈ ఘటనలో రాహుల్‌ కారు అద్దాలు పగిలిపోగ,. ప్రత్యేక భద్రత దళం(ఎస్‌పీజీ) వెంటనే అప్రమత్తమవటంతో ఆయన ఎలాంటి గాయాల్లేకుండానే క్షేమంగా బయటపడ్డారు.

 

పిరికిపందల చర్యలకు తాను భయపడనని రాహుల్‌ అన్నారు. అటు కాంగ్రెస్‌ పార్టీ కూడా ఈ ఘటనలపై మండిపడింది. బీజేపీ గుండాలే ఈ దాడికి పాల్పడ్డారని విమర్శించింది. కాంగ్రెస్‌ విమర్శలను బీజేపీ తిప్పికొట్టింది. రాహుల్‌ అవకాశవాద రాజకీయాలకు విసిగి ప్రజలే  దాడి చేశారని పేర్కొంది. అంతకు ముందు రూపానీ రాహుల్‌ పర్యటను ఉద్దేశించి కఠిన పరిస్థితుల్లో కాంగ్రేస్‌ ఎమ్మెల్యేలు ఎక్కడా అని ప్రజలు రాహుల్‌ నిలదీస్తారని, పార్టీ కోసం రాహుల్‌ కృషి చేస్తుంటే గుజరాత్‌ కాంగ్రెస్‌ ఎమ్మెల్యేలు సేదతీరుతున్నారని ట్వీట్‌ చేశారు. గుజరాత్‌ రాజ్యసభ ఎన్నికల నేపథ్యంలో కాంగ్రెస్‌ ఎమ్మెల్యేలు బెంగళూరు క్యాంపులో ఉన్న విషయం తెలిసిందే.