ముంబైలో ఓ భవంతిలో భారీ అగ్ని ప్రమాదం

ముంబై:నగరంలోని చండివాలి ప్రాంతంలో ఓ బహుళ అంతస్తుల భవనంలో శనివారం సాయంత్రం ఘోర అగ్నిప్రమాదం చోటు చేసుకుంది. ఈ ఘటనలో ఏడుగురు మృతి చెందగా, 17 మంది తీవ్రంగా గాయపడ్డారు. అంథేరీలోని ఇరవై అంతస్తుల పైగా ఉన్నా భవనంలోని 14వ  అంతస్తులో ఈరోజు సాయంత్రం ఐదు గంటల ప్రాంతంలో ఆకస్మికంగా మంటలు వ్యాపించి భారీ అగ్ని ప్రమాదానికి దారి తీసినట్లు పోలీసులు పేర్కొన్నారు. 

దీనిపై సమాచారం అందుకున్న అగ్నిమాపక సిబ్బంది 15 ఫైరింజన్లతో మంటలను అదుపులోకి తీసుకొచ్చేందుకు యత్నిస్తున్నారు. మృతులు సంఖ్య  మరింత పెరిగే అవకాశం ఉందని పోలీసులు తెలిపారు.