చరణ్ సినిమాలో మరో యువ హీరో

ధృవ సినిమాతో సక్సెస్ సాధించిన మెగా పవర్ స్టార్ రామ్ చరణ్, ప్రస్తుతం సుకుమార్ దర్శకత్వంలో తెరకెక్కబోయే సినిమా కోసం రెడీ అవుతున్నాడు. విలేజ్ బ్యాక్ డ్రాప్లో తెరకెక్కనున్న ఈ పీరియాడిక్ చిత్రంలో చరణ్ న్యూ లుక్లో దర్శనమివ్వనున్నాడు. అంతేకాదు ఈ సినిమాలో చరణ్ వినికిడి లోపం ఉన్న వ్యక్తిగా కనిపిస్తున్నాడట. త్వరలోనే షూటింగ్ ప్రారంభ కానున్న ఈ సినిమాకు సంబంధించిన ఇంట్రస్టింగ్ అప్ డేట్ ఒకటి టాలీవుడ్ సర్కిల్స్లో వినిపిస్తోంది.

రామ్ చరణ్, సమంతలు హీరో హీరోయిన్లుగా నటిస్తున్న ఈ సినిమాలో మరో యువ హీరో కీలక పాత్రలో కనిపించనున్నాడు. తెలుగులో గొడవ సినిమాతో హీరోగా ఎంట్రీ ఇచ్చిన వైభవ్ తరువాత కోలీవుడ్లో వరుస సినిమాలతో బిజీ అయ్యాడు. సోలో హీరోగా సినిమాలు చేస్తూనే ఇతర హీరోల సినిమాల్లో కీలక పాత్రల్లో కనిపిస్తున్నాడు. ఈ యంగ్ హీరో రామ్ చరణ్ సినిమాలోనూ కీ రోల్లో నటించనున్నాడు. మెగా కుటుంబంతో సన్నిహిత సంబందాలున్న సీనియర్ దర్శకుడు కోదండరామిరెడ్డి తనయుడే వైభవ్. అందుకే రామ్ చరణ్ సినిమాలో క్యారెక్టర్ అనగానే కథ కూడా అడగకుండానే ఓకే చేశాడట ఈ యంగ్ హీరో.