సమాజానికి ఉపయోగపడే సినిమా

Swecha Movie Trailer Launch - Sakshi

– మంగ్లీ

‘‘పక్షులకు దేవుడు రెక్కలిచ్చింది అవి స్వేచ్ఛగా ఎగరాలని.. వాటిని పంజరంలో పెట్టకూడదు. ఆడపిల్లలకూ అలాంటి స్వేచ్ఛనివ్వాలి. పురుషులకు సమానంగా ఆడపిల్లలను కూడా చదివిస్తే వారు ఏ రంగంలో అయినా రాణిస్తారు’’ అన్నారు గాయని, నటి మంగ్లీ. కెపీఎన్‌ చౌహాన్‌ దర్శకత్వంలో మంగ్లీ లీడ్‌ రోల్‌లో నటించిన చిత్రం ‘స్వేచ్ఛ’. రాజు నాయక్‌ నిర్మించిన ఈ సినిమా ఈ నెల 28న విడుదలవుతోంది. ఈ సందర్భంగా ఈ చిత్రం ట్రైలర్‌ను ప్రదర్శించారు. మంగ్లీ మాట్లాడుతూ– ‘‘మా బంజారా కులంలో జరిగే కథాంశంతో స్ఫూర్తినిచ్చే సినిమా తీశారు చౌహాన్‌.

సమాజానికి ఎంతో ఉపయోగపడే చిత్రమిది. సినిమాలో ఒక అమ్మాయిని వాళ్ల నాన్న అమ్మేస్తాడు.. ఆమె బాగా చదువుకుని వచ్చి ఆ ఊరిని బాగు చేస్తుంది. మా సినిమాని అందరూ ఆదరించాలి’’ అన్నారు. ‘‘గోర్‌ జీవన్‌’ పేరుతో బంజారా భాషలో విడుదలైన ఈ సినిమా మంచి విజయం సాధించింది.. దీంతో తెలుగులో విడుదల చేస్తున్నాం’’ అన్నారు రాజు నాయక్‌. ‘‘గోర్‌ జీవన్‌’ అనే సినిమా బంజారా బాహుబలి. బంజారా భాషలో ఇంత పెద్ద సినిమా లేదు. మహిళలు, వారి స్వేచ్ఛ గురించి తీసిన ఈ చిత్రాన్ని ఆదరించాలి’’ అన్నారు సంగీత దర్శకుడు  బోలే.

Read latest Movies News and Telugu News | Follow us on FaceBook, Twitter

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top