భావోద్వేగానికి గురైన సమంత

సాక్షి, ప్రత్యేకం ‌: పెళ్లి తర్వాత పుట్టినింటి నుంచి మెట్టినింటికి వెళ్లడం ప్రతి అమ్మాయి జీవితంలో జరగుతుంది. సరికొత్త జీవితాన్ని ప్రారంభిస్తున్నందకు సంతోషంగా ఉన్నా.. కన్నవారిని విడిచి వెళ్లడం మనసును మెలిపెడుతూ ఉంటుంది. ఇదే భావోద్వేగానికి సమంత కూడా గురయ్యారు. ఈ విషయాన్ని ఇన్‌స్టాగ్రామ్‌ ద్వారా అభిమానులతో పంచుకున్నారు. భావోద్వేగంతో కంట తడి పెడుతున్న ఫొటోను ఆమె పోస్టు చేశారు.
 

‘ఈ ఫొటో గురించి ఏం చెప్పాలో తెలియడం లేదు. నిన్న తీసిన షాట్‌ ఇది. అలెన్జ్‌ ఈ భావోద్వేగాన్ని చిత్రీకరించారు. పోజు ఇచ్చి దిగే ఫొటోల కన్నా.. రియల్‌ మూమెంట్స్‌లో తీసే ఫొటోలు ఎప్పుడూ అపురూపంగా ఉంటాయి. పెళ్లికూతురు సమంత భావోద్వేగానికి గురైనప్పుడు.. చాలా చాలా సంతోషం మధ్యలో ఆనంద బాష్పాలు’ అని ఆమె తన పోస్టులో రాశారు.