ట్రక్కుతో రెండు సార్లు రెక్కీ నిర్వహించి మరీ..

నీస్: ఫ్రాన్స్లో ట్రక్కుతో మారణహోమం సృష్టించిన ఉగ్రవాది మహమ్మద్ లహోయిజ్ బహులల్ పక్కా ప్రణాళికతోనే దాడికి దిగినట్లు విచారణలో తేలింది. నీస్ నగరంలో బాస్టిల్ డే ఉత్సవాల్లో పాల్గొన్న జనంపైకి ట్రక్కుతో దూసుకెళ్లి 84 మంది మృతికి కారణమైన బహులల్.. ఆ ఘటనకు రెండు రోజుల ముందుగానే ఆ ప్రాంతంలో అద్దెకు తీసుకున్న ట్రక్కుతో రెక్కీ నిర్వహించాడని అధికారులు గుర్తించారు.

ఈ ఘటనకు సంబంధించి పోలీసులు ఇప్పటికే వందలాది మందిని విచారించారు. గతంలో బహులల్ ఎప్పుడూ మతపరమైన ఆలోచనలు ఉన్న వ్యక్తిలా కనిపించేవాడు కాదని విచారణలో తేలింది. అయితే అతడు చాలా అనతికాలంలోనే ఉగ్రవాద భావజాలంవైపు ఆకర్షితుడయ్యాడని అధికారులు గుర్తించారు.