కేసీఆర్‌పై ఓయూ విద్యార్థుల ఆగ్రహం

కేసీఆర్‌పై ఓయూ విద్యార్థుల ఆగ్రహం

కేసీఆర్‌కు ఉస్మానియా యూనివర్సిటీ విద్యార్థులు షాక్ ఇచ్చారు. ఆదివారం ఎన్నికల ప్రచారంలో భాగంగా సికింద్రాబాద్ నియోజకవర్గంలోని చిలకలగూడలో జరిగే బహిరంగసభకు హాజరయ్యేందుకు ఓయూ క్యాంపస్‌లోని క్రీడా మైదానంలో కేసీఆర్ హెలికాప్టర్ దిగారు. ఈ విషయాన్ని ముందుగానే తెలుసుకున్న కొందరు విద్యార్థులు కాంట్రాక్టు ఉద్యోగులను పర్మనెంట్ చేయవద్దని నినాదాలు చేస్తూ.. కేసీఆర్ వైపు దూసుకువచ్చారు.

దీంతో కేసీఆర్ కొందరు విద్యార్థులతో ఐదు నిమిషాలు మాట్లాడి.. సభకు వెళ్లకుండా తిరిగి హెలికాప్టర్‌లో బేగంపేటకు వెళ్లిపోయారు. విద్యార్థులతో మాట్లాడిన విషయాలను తర్వాత మీడియాకు వెల్లడిస్తామన్నారు. కాగా, కేసీఆర్ హెలికాప్టర్ గాలిలోకి ఎగరగానే కొందరు విద్యార్థులు ఆ వైపు చెప్పులు చూపిస్తూ, నినాదాలు చేశారు.