ఇన్ని రోజులు పండుగకు వెళ్తావా అన్నందుకు..

Women Died In Medak - Sakshi

సాక్షి, బెజ్జంకి(సిద్దిపేట): మండలంలోని బేగంపేట గ్రామానికి చెందిన కన్నం సృజన అలియాస్‌ ప్రవళ్లిక(30) చికిత్స పొందుతూ కరీంనగర్‌లోని ప్రభుత్వ ఆస్పత్రిలో మృతి చెందినట్లు బెజ్జంకి పోలీసులు తెలిపారు. ఘటకు సంబంధించి పోలీసులు, స్థానికులు తెలిపిన వివరాలు ఇలా ఉన్నాయి. మండలంలోని రేగులపల్లె గ్రామానికి చెందిన మాతంగి బాబు పెద్ద కూతురు ప్రవళ్లిక వివాహం మండలంలోని బేగంపేట గ్రామానికి చెందిన నరేష్‌తో 2015లో జరిగింది. వారికి ఒక కుమారుడు అన్వేషిత్‌ ఉన్నాడు.

12వ తేదీనా ప్రవళ్లిక సంక్రాంతి పండుగకు రేగులపల్లెలోని తల్లిగారింటికి వెళ్లి 17వ తేదీన బేగంపేటకు వచ్చింది. ఇన్ని రోజులు పండుగ కోసం వెళ్తావా అని మామ మందిలించాడని ఆమె సోదరుడికి సమాచారమిచ్చింది. అనంతరం కొద్ది సమయానికే క్షణికావేశంతో అదే రోజు(శుక్రవారం) రాత్రి క్రిమిసంహారక మందు సేవించింది. వెంటనే గమనించిన కుటుంబ సభ్యులు చికిత్స నిమిత్తం మొదట బెజ్జంకిలోని ప్రైవేటు ఆస్పత్రికి తరలించారు. అనంతరం కరీంనగర్‌లోని ప్రభుత్వ ఆస్పత్రికి తరలించారు. చికిత్స పొందుతూ శనివారం మృతి చెందినట్లు తెలిపారు. మృతురాలి తండ్రి మాతంగి బాబు ఫిర్యాదు మేరకు పోలీసులు కేసు నమోదు చేశారు.

నేత్రదానం చేసిన కుటుంబ సభ్యులు 
కరీంనగర్‌లో మృతి చెందిన ప్రవళ్లిక నేత్రాలను హైదరాబాద్‌కు చెందిన ఎల్‌వీ ప్రసాద్‌ ఆస్పత్రికి దానం చేసినట్లు కుటుంబ సభ్యులు తెలిపారు.   

Read latest Crime News and Telugu News | Follow us on FaceBook, Twitter

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top