మంగళగిరిలో రౌడీ షీటర్‌ దారుణహత్య

గుంటూరు : గుంటూరు జిల్లాలోని మంగళగిరిలో దారుణం చోటుచేసుకుంది. మంగళగిరి 4వ వార్డులో రౌడీ షీటర్‌ ఉమాయాదవ్‌ దారుణహత్యకు గురయ్యారు. దుండగులు అతన్ని కత్తులతో విచక్షణ రహితంగా పొడిచి చంపారు. కాగా, ఉమాయాదవ్‌ ఓ హత్య కేసుతోపాటు, పలు కేసుల్లో నిందితుడిగా ఉన్నట్టు పోలీసులు తెలిపారు. పాత కక్షల నేపథ్యంలోనే ఈ హత్య జరిగినట్టుగా పోలీసులు అనుమానిస్తున్నారు. ఈ ఘటనపై కేసు నమోదుచేసిన పోలీసులు.. అన్ని కోణాల్లో దర్యాప్తు చేపట్టారు.