మాజీ ఎమ్మెల్యేలకు అరెస్ట్‌ వారెంట్లు

సాక్షి, కరీంనగర్‌ జిల్లా : కరీంనగర్‌ టీఆర్‌ఎస్‌ తాజా మాజీ ఎమ్మెల్యే గంగుల కమలాకర్‌, పెద్దపల్లి మాజీ ఎమ్మెల్యే విజయరమణారావులకు ధర్మాబాద్‌ కోర్టు అరెస్ట్‌ వారెంట్లు జారీ చేసింది. ఈ నెల 21న వీరిని కోర్టులో హాజరుపరచాలని న్యాయమూర్తి ఆదేశించారు. బాబ్లీ ప్రాజెక్టుకు వ్యతిరేకంగా 2010లో టీడీపీ అధ్యక్షుడు నారా చంద్రబాబు నాయుడితో కలిసి ఆందోళన చేయడంతో చంద్రబాబుతో సహా 16 మందిపై మహారాష్ట్ర పోలీసులు కేసు నమోదు చేశారు. ఈ కేసు అప్పటి నుంచి విచారణలో ఉంది.