తొమ్మిదేళ్లలో ఇదే అతిపెద్ద పతనం

పాకిస్తాన్‌లో రూపాయి విలువ భారీగా పడిపోయింది. గత తొమ్మిదేళ్లలో ఎన్నడూ లేనంత స్థాయిలో కిందకి దిగజారింది. వచ్చే ఏడాది జరుగబోయే ఎన్నికలకు ముందుగా దక్షిణాసియాలో రెండో అతిపెద్ద ఆర్థికవ్యవస్థకు ఒత్తిడి సంకేతాలు చూపుతూ రూపాయి విలువను డీవాల్యుయేట్‌ చేయడానికి ఆ దేశ కేంద్రబ్యాంకు అనుమతి ఇవ్వడంతో కరెన్సీ విపరీతంగా పడిపోతుంది. బుధవారం అక్కడ స్థానిక సమయం ప్రకారం డాలర్‌తో రూపాయి మారకం విలువ 3.1 శాతం పడిపోయి 108.1గా నమోదైంది. 2013 డిసెంబర్‌ తర్వాత ఇదే అత్యంత కనిష్టస్థాయి అని బ్లూమ్‌ బర్గ్‌ రిపోర్టు చేసింది. ఇంట్రాబ్యాంకు సిస్టమ్ ద్వారా చేసే దిగుమతుల చెల్లింపుకు సెంట్రల్‌ బ్యాంకు ఈ డివాల్యుయేషన్‌ చేపడుతుందని బీఎంఏ క్యాపిటల్‌ మేనేజ్‌మెంట్‌ లిమిటెడ్‌ రీసెర్చ్‌ హెడ్‌ ఫవద్‌ ఖాన్‌ చెప్పారు.