ఆస్పత్రి సమస్యలు పరిష్కరించండి

మెయిన్‌రోడ్ (కాకినాడ), న్యూస్‌లైన్ :కాకినాడ ప్రభుత్వాస్పత్రిలో శనివారం ఆస్పత్రి అభివృద్ధి సంఘ సమావేశం ఆస్పత్రి పీడియాట్రిక్ సమావేశపు హాల్‌లో కలెక్టర్ నీతూ ప్రసాద్ అధ్యక్షతన జరిగింది. ఏప్రిల్ 1 నుంచి నవంబర్ వరకు జరిగిన పద్దులు, ఖర్చుల కు సంబంధించిన సొసైటీ ఆదాయ  వివరాలను, వివిధ అభివృద్ధి పనులను ఆస్పత్రి సూపరింటెండెంట్ పి.వెంకటబుద్ద సభ్యులకు వివరించారు. రూ. 35,78,961 హెచ్‌డీఎస్ రాబడులు కాగా, రూ. 35,10,541 మేరకు జరిగిన ఖర్చులను వివరించారు.కాకినాడ రూరల్ ఎమ్మెల్యే కురసాల కన్నబాబు, పిఠాపురం ఎమ్మెల్యే వంగా గీత మాట్లాడుతూ ఆస్పత్రిలో ఉన్న 42 పేమెంట్ రూములను వినియోగంలోకి తేవాలని, కొత్తగా మంజూరైన మదర్ అండ్ చైల్డ్ కేర్ సెంటర్ కోసం స్థలం గుర్తించి వెంటనే నిర్మాణం పనులు  చేపట్టాలని కోరారు. ఈ బ్లాక్‌ను విడిగా ప్రత్యేక స్థలంలో నిర్మించాలని కోరారు.