బాబు పర్యటన : వాహనం ఢీకొని ఒకరికి తీవ్ర గాయాలు

సాక్షి, తిరుపతి : మాజీ ముఖ్యమంత్రి చంద్రబాబునాయుడు తిరుపతి పర్యటనలో అపశ్రుతి చోటుచేసుకుంది. టీడీపీ కార్యకర్తల వాహనం డీకొని ఒకరు తీవ్ర గాయాలపాలయ్యారు. రేణిగుంట నుంచి చంద్రగిరి వెళ్తుండగా ఈ ఘటన జరిగింది. గాడపడ్డ యువకుడిని పోలీసులు ఆస్పత్రికి తరలించారు. మామండూరు సమీపంలోని శ్రీదేవిరెడ్డి గార్డెన్స్‌లో నేటి నుంచి మూడు రోజులపాటు టీడీపీ విస్తృతస్థాయి సమావేశాలు జరుగనున్నాయి. ఈ కార్యక్రమంలో పాల్గొనేందుకు పార్టీ అధ్యక్షుడు చంద్రబాబు చంద్రగిరికి వెళ్తున్నారు.