స్పందించిన అధికారులు

స్పందించిన అధికారులు

తెర్లాం: తెర్లాం మండల కేంద్రంలోని జగనన్న కాలనీ సమీపంలో గల చెత్త కుప్పల్లో ఉన్న సర్వేపల్లి రాధాకృష్ణన్‌ విద్యార్థి మిత్ర బ్యాగ్‌లను ఎంఈఓ జె.త్రినాథరావు సోమవారం పరిశీలించారు. ఈ నెల 11న ‘సాక్షి’ దినపత్రికలో ‘చెత్త కుప్పల్లో విద్యార్థి మిత్ర బ్యాగ్‌లు’ అన్న శీర్షికన ప్రచురితమైన వార్తకు ఎస్‌ఎస్‌ఏ ఏపీసీ రామారావు, డీఈఓ మాణిక్యంనాయుడు స్పందించారు. చెత్త కుప్పల్లో ఉన్న విద్యార్థి మిత్ర స్కూల్‌ బ్యాగ్‌లను పరిశీలించాలని, అవి ఏ పాఠశాల నుంచి విద్యార్థులకు ఇచ్చారో వివరాలు తెలుసుకోవాలని ఎంఈఓ త్రినాథరావును ఆదేశించారు. ఈ మేరకు ఆయన చెత్త కుప్పలో వేసిన విద్యార్థి మిత్ర బ్యాగ్‌లను పరిశీలించారు. ఈ సందర్భంగా ఎంఈఓ మాట్లాడుతూ బ్యాగ్‌లు చిరిగిపోవడంతో వాటిని విద్యార్థులు చెత్త కుప్పలో పడేశారని, ఏ విద్యార్థి వాటిని చెత్తకుప్పలో వేశారో గుర్తించి వాటి స్థానంలో కొత్త బ్యాగులను విద్యార్థులకు అందజేసేందుకు అవసరమైన చర్యలు తీసుకుంటామని తెలిపారు. దీనిపై నివేదిక తయారుచేసి డీఈఓకు పంపిస్తామని చెప్పారు.

చెత్త కుప్పల్లో ఉన్న ‘విద్యార్థి మిత్ర’ బ్యాగ్‌లు పరిశీలించిన ఎంఈఓ

1/1

స్పందించిన అధికారులు