సబ్‌ స్టేషన్‌లో అగ్ని ప్రమాదం

కొడంగల్‌: పట్టణంలోని సబ్‌స్టేషన్‌లో శుక్రవారం ఉదయం అగ్ని ప్రమాదం చోటుచేసుకుంది. ఉదయం నుంచి సాయంత్రం వరకు 10 గ్రామాలకు విద్యుత్‌ సరఫరా ఆగిపోయింది. ట్రాన్స్‌ఫార్మర్ల నుంచి ఆయిల్‌ లీక్‌ కావడంతోనే ప్రమాదం జరిగినట్లు తెలిసింది. లీకేజీ విషయం కింది స్థాయి సిబ్బందికి తెలియజేసినా వారు పట్టించుకోలేదని సమాచారం. ఉదయం 8 గంటల సమయంలో సబ్‌స్టేషన్‌లో అకస్మాత్తుగా మంటలు చెలరేగినట్లు పరిసర వాసులు తెలిపారు. పరిస్థితిని గమనించిన సిబ్బంది వెంటనే అగ్నిమాపక సిబ్బందికి సమాచారం ఇచ్చారు. వారు ఘటనా స్థలానికి చేరుకొని మంటలను అదుపులోకి తెచ్చారు. కొడంగల్‌లో సాయంత్రం ఆరుగంటలకు విద్యుత్‌ సరఫరాను పునరుద్ధరించారు.