నలుగురు నిందితులకు రిమాండ్‌

షాబాద్‌: భూ వివాదంలో ఇద్దరిపై దాడి చేసిన నలుగురి నిందితులను పోలీసులు రిమాండ్‌కు తరలించారు. షాబాద్‌ సీఐ లక్ష్మీరెడ్డి తెలిపిన ప్రకారం.. గ్రామ శివారులో ఈనెల 25వ తేదీన రాత్రి 8 గంటల సమయంలో భూ వివాదం నేపథ్యంలో తొంట వెంకటేశ్‌, తొంట చిన్న రాములు పై గొడ్డలి, కర్రలు, రాళ్లతో దాడి చేసినట్లు కేసు నమోదైంది. ఈ దాడిలో వెంకటేశ్‌, చిన్న రాములు తీవ్రంగా గాయపడ్డారు. భూ వివాదం కారణంగా నిందితులు నర్సింలు, పెద్ద రాములు, అభిషేక్‌, అఖిల్‌లు దాడికి పాల్పడిన్నట్లు కేసు దర్యాప్తులో వెల్లడైంది. ఈ మేరకు షాబాద్‌ పోలీసులు నిందితులను అరెస్టు చేసి సోమవారం చేవెళ్ల కోర్టులో హాజరుపచగా రిమాండ్‌ విధించినట్లు పోలీసులు తెలిపారు.