TV
వెంకటగిరి రూరల్‌: వ్యవసాయ పొలాల్లో ట్రాక్టర్‌ బోల్తాపడిన ఘటనలో ఓ వ్యక్తి మృతిచెందాడు. ఈ ఘటన బాలాయపల్లి మండలంలోని జయంపు గ్రామంలో మంగళవారం చోటుచేసుకుంది. స్థానికులు, పోలీసులు కథనం.. జయంపు గిరిజన కాలనీకి చెందిన శనగ పెద్ద సంజీవయ్య(37) జయంపు సమీపంలోని ఓ రైతు వ్యవసాయ పొలంలో ట్రాక్టర్‌ ద్వారా దుక్కి దున్నుతున్నాడు. ఈ క్రమంలో పొలంలో ట్రాక్టర్‌ అదుపుతప్పి బోల్తాపడింది. ట్రాక్టర్‌పై ఉన్న సంజీవయ్య బురదలో ఇరుక్కపోయి ఊపిరాడక అక్కడికక్కడే మృతి చెందారు. ఆ తర్వాత జేసీబీ సహాయంతో ట్రాక్టర్‌ను పక్కకు నెట్టి సంజీవయ్య మృతదేహాన్ని వెలికి తీవారు. సంజీవయ్య మృతితో జయంపులో విషాదం అలముకుంది. మృతునికి భార్య, ఇద్దరు పిల్లలు ఉన్నారు. కేసు దర్యాప్తులో ఉంది.
