కేసీఆర్‌ పథకాలు దేశానికే ఆదర్శం: పొంగులేటి

కల్లూరు రూరల్‌: తెలంగాణలో ముఖ్యమంత్రి కేసీఆర్‌ ప్రవేశపెడుతున్న సంక్షేమ పథకాలు దేశానికే ఆదర్శంగా నిలుస్తున్నాయని మాజీ ఎంపీ, టీఆర్‌ఎస్‌ రాష్ట్ర నాయకుడు పొంగులేటి శ్రీనివాసరెడ్డి అన్నారు. ఖమ్మం జిల్లా కల్లూరు మండలంలోని తన స్వగ్రామమైన నారాయణపురంలో గురువారం కేసీఆర్‌ జన్మదిన వేడుకలను ఘనంగా నిర్వహించారు.

ఈ కార్యక్రమంలో టీఆర్‌ఎస్‌ నాయకులు, కార్యకర్తలు పెద్దసంఖ్యలో పాల్గొనగా, పొంగులేటి కేక్‌ కట్‌చేసి అనంతరం మాట్లాడారు. గత ఎనిమిది సంవత్సరాలుగా వివిధ అభివృద్ధి, సంక్షేమ పథకాలను ప్రవేశపెట్టి రాష్ట్రాన్ని అభివృద్ధి పథంలో నడిపిస్తున్న ఘనత కేసీఆర్‌కే దక్కుతుందని తెలిపారు.