పంజా విసిరిన ల‌క్నో పేస‌ర్లు.. కేకేఆర్‌కు మ‌రో ఘోర ప‌రాభ‌వం

జేస‌న్ హోల్డ‌ర్ వేసిన ఇన్నింగ్స్ 15వ ఓవ‌ర్‌లో కేకేఆర్ చివ‌రి మూడు వికెట్లు కోల్పోయి ఓట‌మిని ప‌రిపూర్ణం చేసుకుంది. తొలుత సునీల్‌ న‌రైన్ (22) కృనాల్ పాండ్యాకు క్యాచ్ ఇచ్చి ఔట‌వ‌గా, ఆమ‌రుస‌టి బంతికే సౌథీ (0) ఆవేశ్ ఖాన్‌కు క్యాచ్ ఇచ్చి పెవిలియ‌న్ బాట‌ప‌ట్టాడు. మూడో బంతికి హర్షిత్ రాణా (1) ర‌నౌట‌వ్వ‌డంతో కేకేఆర్ ఇన్నింగ్ప్ 101 ప‌రుగుల వ‌ద్ద ముగిసింది. 

ఫ‌లితంగా ల‌క్నో 75 ప‌రుగుల భారీ తేడాతో కేకేఆర్‌పై ఘ‌న విజ‌యం సాధించింది. కేకేఆర్ ఇన్నింగ్స్‌లో ర‌సెల్ (45), న‌రైన్ (22), ఫించ్ (14) రెండంకెల స్కోర్ చేయ‌గా.. ల‌క్నో బౌల‌ర్ల‌లో హోల్డ‌ర్‌, ఆవేశ్ ఖాన్ చెరో మూడు వికెట్లు .. చ‌మీరా, మోహిసిన్ ఖాన్, బిష్ణోయ్ త‌లో వికెట్ ద‌క్కించుకున్నారు.  

అంత‌కుముందు ల‌క్నో నిర్ణీత ఓవ‌ర్ల‌లో 7 వికెట్ల న‌ష్టానికి 176 ప‌రుగులు చేసింది. సౌథీ ఇన్నింగ్స్ ఆఖ‌రి ఓవ‌ర్‌లో కేవ‌లం నాలుగు ప‌రుగులు మాత్ర‌మే ఇచ్చి హోల్డ‌ర్ (13)ను పెవిలియ‌న్‌కు పంపాడు. ఆఖ‌రి బంతికి చ‌మీరా (0) ర‌నౌట‌య్యాడు. ల‌క్నో ఇన్నింగ్స్‌లో డికాక్ (50), హుడా (41), స్టోయినిస్ (28) రాణించ‌గా.. కేకేఆర్ బౌల‌ర్ల‌లో ర‌సెల్ 2, సౌథీ, శివ‌మ్ మావి, న‌రైన్ త‌లో వికెట్ ప‌డ‌గొట్టారు.  
 

ఆవేశ్ ఖాన్ బౌలింగ్‌లో డికాక్ క్యాచ్ అందుకోవ‌డంతో అనుకూల్ రాయ్ (0) పెవిలియ‌న్‌కు చేరాడు. ఫ‌లితంగా కేకేఆర్ 85 ప‌రుగుల‌కే 7 వికెట్లు కోల్పోయి ఓట‌మి అంచుల్లో నిలిచింది. 13 ఓవ‌ర్ల తర్వాత కేకేఆర్ స్కోర్ 88/7. న‌రైన్ (11), శివ‌మ్ మావి (1) క్రీజ్‌లో ఉన్నారు.  
 

భారీ షాట్ల‌తో విరుచుకుప‌డుతూ కేకేఆర్‌ను గ‌ట్టెక్కించే ప్ర‌య‌త్నం చేసిన ర‌సెల్ (19 బంతుల్లో 45) ఆవేశ్ ఖాన్ బౌలింగ్‌లో జేస‌న్ హోల్డ‌ర్ అద్భుత‌మైన క్యాచ్ ప‌ట్ట‌డంతో పెవిలియ‌న్ బాట‌ప‌ట్టాడు. 
 

ర‌వి బిష్ణోయ్ బౌలింగ్‌లో భారీ షాట్‌కు ప్ర‌య‌త్నించిన రింకూ సింగ్ (6).. కృనాల్ పాండ్యాకు క్యాచ్ ఇచ్చి ఔట‌య్యాడు. ఫ‌లితంగా కేకేఆర్ 69 ప‌రుగుల‌కే స‌గం వికెట్లు కోల్పోయింది. 12 ఓవ‌ర్ల తర్వాత కేకేఆర్ స్కోర్ 79/5. ర‌సెల్ (17 బంతుల్లో 39), న‌రైన్ (10) క్రీజ్‌లో ఉన్నారు.  

25 ప‌రుగుల‌కే నాలుగు వికెట్లు కోల్పోయి క‌ష్టాల్లో చిక్కుకున్న కేకేఆర్‌ను ఆండ్రీ ర‌సెల్ ఆదుకునే ప్ర‌య‌త్నం చేస్తున్నాడు. హోల్డ‌ర్ వేసిన 9వ ఓవ‌ర్‌లో 3 సిక్స‌ర్లు, ఫోర్ బాదిన ర‌సెల్‌.. ఆత‌ర్వాత బిష్ణోయ్ వేసిన 10వ ఓవ‌ర్‌లోనూ ఓ సిక్స‌ర్ బాది కేకేఆర్‌ను గ‌ట్టెక్కించే ప్ర‌య‌త్నం చేస్తున్నాడు. 11 ఓవ‌ర్ల తర్వాత కేకేఆర్ స్కోర్ 69/4. రింకూ సింగ్ (6), ర‌సెల్ (17 బంతుల్లో 39) క్రీజ్‌లో ఉన్నారు.  
 

వ‌రుస‌గా వికెట్లు కోల్పోతున్న కేకేఆర్ పీక‌ల్లోతు క‌ష్టాల్లో కూరుకు పోయింది. ఆవేశ్‌ ఖాన్ వేసిన 7వ ఓవ‌ర్ ఐదో బంతికి నితీశ్ రాణా (2) క్లీన్ బౌల్డ్ అయ్యాడు. 7 ఓవ‌ర్ల త‌ర్వాత కేకేఆర్‌ స్కోర్ 25/4. రింకూ సింగ్ (1), ర‌సెల్‌ క్రీజ్‌లో ఉన్నారు. 
 

177 ప‌రుగుల ల‌క్ష్యాన్ని ఛేదించేందుకు బ‌రిలోకి దిగిన కేకేఆర్ 23 ప‌రుగుల‌కే 3 వికెట్లు కోల్పోయి పీక‌ల్లోతు క‌ష్టాల్లో కూరుకుపోయింది. హోల్డ‌ర్ బౌలింగ్‌లో డికాక్‌కు క్యాచ్ ఇచ్చి ఫించ్ (14) పెవిలియ‌న్ బాట ప‌ట్టాడు. 6 ఓవ‌ర్ల త‌ర్వాత కేకేఆర్‌ స్కోర్ 25/3. రింకూ సింగ్ (1), నితీశ్ రాణా (20 క్రీజ్‌లో ఉన్నారు. 
 

తొలి ఓవ‌ర్‌లోనే వికెట్ కోల్పోయి క‌ష్టాల్లో ప‌డిన కేకేఆర్‌కు ఇన్నింగ్స్ నాలుగో ఓవ‌ర్‌లో మ‌రో ఎదురుదెబ్బ త‌గిలింది. ఆ జ‌ట్టు కెప్టెన్ శ్రేయ‌స్ అయ్య‌ర్ (6).. 3.4వ ఓవర్‌లో పెవిలియ‌న్‌కు చేరాడు. చ‌మీరా బౌలింగ్‌లో బ‌దోనికి క్యాచ్ ఇచ్చి శ్రేయ‌స్ పెవిలియ‌న్ బాట ప‌ట్టాడు. 4 ఓవ‌ర్ల త‌ర్వాత కేకేఆర్‌ స్కోర్ 11/2. ఫించ్ (4), నితీశ్ రాణా క్రీజ్‌లో ఉన్నారు. 
 

మోహిసిన్ ఖాన్ వేసిన తొలి ఓవ‌ర్లోనే కేకేఆర్ వికెట్ కోల్పోయింది. అయుష్ బ‌దోనికి క్యాచ్ ఇచ్చి బాబా ఇంద్ర‌జిత్ (0) ఔట‌య్యాడు. 
 

టిమ్ సౌథీ ఆఖ‌రి ఓవ‌ర్ క‌ట్టుదిట్టంగా బౌల్ చేయ‌డంతో ల‌క్నో నిర్ణీత ఓవ‌ర్ల‌లో 7 వికెట్ల న‌ష్టానికి 176 ప‌రుగులు చేసింది. సౌథీ ఇన్నింగ్స్ ఆఖ‌రి ఓవ‌ర్‌లో కేవ‌లం నాలుగు ప‌రుగులు మాత్ర‌మే ఇచ్చి హోల్డ‌ర్ (13)ను పెవిలియ‌న్‌కు పంపాడు. ఆఖ‌రి బంతికి చ‌మీరా (0) ర‌నౌట‌య్యాడు. ల‌క్నో ఇన్నింగ్స్‌లో డికాక్ (50), హుడా (41), స్టోయినిస్ (28) రాణించ‌గా.. కేకేఆర్ బౌల‌ర్ల‌లో ర‌సెల్ 2, సౌథీ, శివ‌మ్ మావి, న‌రైన్ త‌లో వికెట్ ప‌డ‌గొట్టారు.  
 

శివ‌మ్ మావి బౌలింగ్‌లో హ్య‌ట్రిక్ సిక్స‌ర్లు బాదిన అనంత‌రం స్టోయినిస్ (14 బంతుల్లో 28; ఫోర్, 3 సిక్స‌ర్లు) ఔట‌య్యాడు. మ‌రో భారీ షాట్‌కు ప్ర‌య‌త్నించి శ్రేయ‌స్ అయ్య‌ర్‌కు క్యాచ్ ఇచ్చి పెవిలియ‌న్‌కు చేరాడు. స్టోయినిస్ ఔటైన అనంత‌రం క్రీజ్‌లోకి వ‌చ్చిన హోల్డ‌ర్ (2 బంతుల్లో 12; 2 సిక్స‌ర్లు) వ‌చ్చీ రాగానే సిక్స‌ర్ల‌తో విరుచుకుప‌డ్డాడు.  
 

ర‌సెల్ బౌలింగ్‌లో ఫించ్‌కు క్యాచ్ ఇచ్చి కృనాల్ పాండ్యా (27 బంతుల్లో 25; 2 ఫోర్లు) ఔట‌య్యాడు. 15 ఓవ‌ర్ల త‌ర్వాత ల‌క్నో స్కోర్ 123/4. బ‌దోని (5), స్టోయినిస్‌ క్రీజ్‌లో ఉన్నారు. 
 

భారీ స్కోర్ దిశ‌గా సాగుతున్న దీప‌క్ హుడా (27 బంతుల్లో 41; 4 ఫోర్లు, 2 సిక్సర్లు) ర‌సెల్ బౌలింగ్‌లో శ్రేయ‌స్ అయ్య‌ర్‌కు క్యాచ్ ఇచ్చి ఔట‌య్యాడు. 13 ఓవ‌ర్ల త‌ర్వాత ల‌క్నో స్కోర్ 110/3. కృనాల్ పాండ్యా (15), బ‌దోని (3) క్రీజ్‌లో ఉన్నారు. 

 రెండు వికెట్లు కోల్పోయాక కూడా ల‌క్నో జోరు ఏ మాత్రం త‌గ్గ‌ట్లేదు. దీప‌క్ హుడా (31), కృనాల్ పాండ్యా (8) భారీ షాట్ల‌తో విరుచుకుప‌డుతున్నారు. 10 ఓవ‌ర్ల త‌ర్వాత ఆ జ‌ట్టు స్కోర్ 90/2.

ల‌క్నో ఓపెన‌ర్ డికాక్ (29 బంతుల్లో 50; 4 ఫోర్లు, 3 సిక్సర్లు) విధ్వంస‌క‌ర ఇన్నింగ్స్ ఆడిన అనంత‌రం ఔట‌య్యాడు. 7.2వ ఓవ‌ర్లో న‌రైన్ బౌలింగ్‌లో శివ‌మ్ మావికి క్యాచ్ ఇచ్చి పెవిలియ‌న్‌కు చేరాడు. 8 ఓవ‌ర్ల త‌ర్వాత ల‌క్నో స్కోర్ 76/2. క్రీజ్‌లో దీప‌క్ హుడా (25), కృనాల్ పాండ్యా (1) ఉన్నారు. 

ల‌క్నో తొలి ఓవ‌ర్‌లోనే రాహుల్ వికెట్ కోల్పోయిన‌ప్ప‌టికీ ఏమాత్రం త‌గ్గ‌కుండా కేకేఆర్ బౌల‌ర్ల‌పై ఎదురుదాడికి దిగింది. డికాక్ (23 బంతుల్లో 44; 4 ఫోర్లు, 3 సిక్సర్లు), దీప‌క్ హుడా (13 బంతుల్లో 22; 3 ఫోర్లు, సిక్సర్) కేకేఆర్ బౌల‌ర్ల‌పై బౌండ‌రీలు, సిక్స‌ర్ల‌తో విరుచుకుప‌డుతున్నారు. ఫ‌లితంగా ఆ జ‌ట్టు స్కోర్ 6 ఓవ‌ర్ల త‌ర్వాత 66/1గా ఉంది. 
 

టాస్ ఓడి తొలుత బ్యాటింగ్‌కు దిగిన ల‌క్నోకు తొలి ఓవ‌ర్లోనే భారీ షాక్ త‌గిలింది. ఆ జ‌ట్టు కెప్టెన్ కేఎల్ రాహుల్ ఒక్క బంతి కూడా ఎదుర్కోకుండానే ర‌నౌట‌య్యాడు.  శ్రేయ‌స్ అయ్య‌ర్ అద్భుత‌మైన డైరెక్ట్ త్రోతో ల‌క్నో కెప్టెన్‌ను డైమండ్ డ‌క్‌గా పెవిలియ‌న్‌కు పంపాడు. తొలి ఓవ‌ర్ త‌ర్వాత లక్నో స్కోర్ 2/1. క్రీజ్‌లో డికాక్ (2), దీప‌క్ హుడా ఉన్నారు. 

ఐపీఎల్ 2022 సీజ‌న్‌లో భాగంగా ఇవాళ (మే 7) ల‌క్నో సూప‌ర్ జెయింట్స్‌, కోల్‌క‌తా నైట్‌రైడ‌ర్స్ జ‌ట్లు త‌ల‌ప‌డ‌నున్నాయి. పూణేలోని ఎంసీఏ స్టేడియం వేదిక‌గా రాత్రి 7:30 గంట‌ల‌కు ప్రారంభమ‌య్యే ఈ మ్యాచ్లో టాస్ గెలిచిన కేకేఆర్ ఫీల్డింగ్ ఎంచుకుంది. 

తుది జట్లు:
ల‌క్నో సూప‌ర్ జెయింట్స్‌: డికాక్ (వికెట్‌కీప‌ర్‌), కేఎల్ రాహుల్ (కెప్టెన్‌), దీప‌క్ హుడా, కృనాల్ పాండ్యా, స్టొయినిస్‌, అయుశ్ బ‌దోని, జేస‌న్ హోల్డ‌ర్‌, కృష్ణ‌ప్ప‌ గౌత‌మ్‌, దుశ్మంత చ‌మీర‌, మోహిసిన్ ఖాన్‌, ర‌వి బిష్ణోయ్‌

కేకేఆర్‌: ఆరోన్ ఫించ్‌, బాబా ఇంద్ర‌జిత్ (వికెట్‌కీప‌ర్‌), శ్రేయ‌స్ అయ్య‌ర్ (కెప్టెన్‌), రింకూ సింగ్‌, నితీశ్ రాణా, ఆండ్రీ ర‌సెల్‌, సునీల్ న‌రైన్‌, అనుకుల్ రాయ్‌, హర్షిత్ రాణా , టిమ్ సౌథీ, శివ‌మ్ మావి