గుజరాత్‌కు షాకిచ్చిన ముంబై.. సీజన్‌లో రెండో విజయం నమోదు

178 పరుగుల మోస్తరు లక్ష్యాన్ని ఛేదించేందుకు బరిలోకి దిగిన గుజరాత్‌.. ఓపెనర్లు గిల్‌ (36 బంతుల్లో 52; 6 ఫోర్లు, 2 సిక్సర్లు), సాహా (40 బంతుల్లో 55; 6 ఫోర్లు, 2 సిక్సర్లు) రాణించడంతో ఆఖరి ఓవర్‌ ముందు వరకు విజయం దిశగా సాగింది. అయితే ఆఖరి ఓవర్‌లో ముంబై అనూహ్యంగా పుంజుకుని సీజన్లో రెండో విజయాన్ని నమోదు చేసింది. చివరి 6 బంతుల్లో 9 పరుగులు చేయాల్సిన తరుణంలో డేనియల్‌ సామ్స్‌ అద్బుతంగా బౌలింగ్‌ చేసి కేవలం 3 పరుగులు మాత్రమే ఇచ్చి గుజరాత్‌కు మూడో ఓటమిని రుచి చూపించాడు. గుజరాత్‌ నిర్ణీత ఓవర్లలో 5 వికెట్లు కోల్పోయి 172 పరుగుల వద్దే ఆగిపోయి, 5 పరుగుల తేడాతో ఓటమిపాలైంది. ముంబై బౌలర్లలో మురుగన్‌ అశ్విన్‌ 2, పోలార్డ్‌ ఓ వికెట్‌ పడగొట్టగా.. తెవాతియా, హార్దిక్‌ రనౌటయ్యారు. 

అంతకుముందు రోహిత్‌ శర్మ (28 బంతుల్లో 43; 5 ఫోర్లు, 2 సిక్సర్లు), ఇషాన్‌ కిషన్‌ (29 బంతుల్లో 45; 5 ఫోర్లు, సిక్సర్‌), ఆఖర్లో టిమ్‌ డేవిడ్‌ (21 బంతుల్లో 44 నాటౌట్‌; 2 ఫోర్లు, 4 సిక్సర్లు) మెరవడంతో ముంబై ఇండియన్స్‌ నిర్ణీత ఓవర్లలో 6 వికెట్ల నష్టానికి 177 పరుగులు చేసింది. గుజరాత్‌ బౌలర్లలో రషీద్‌ ఖాన్‌ 2, ఫెర్గుసన్‌, అల్జరీ జోసఫ్‌, సాంగ్వాన్‌ తలో వి​కెట్‌ పడగొట్టారు. 
 

14 బంతుల్లో 22 పరుగులు చేయాల్సిన తరుణంలో హార్ధిక్‌ పాండ్యా (14 బంతుల్లో 24; 4 ఫోర్లు) రనౌటయ్యాడు. 18 ఓవర్ల తర్వాత గుజరాత్‌ స్కోర్‌ 158/4. 
 

పోలార్డ్‌ బౌలింగ్‌లో సాయి సుదర్శన్‌ (11 బంతుల్లో 14; ఫోర్‌, సిక్స్‌) హిట్‌ వికెట్‌గా వెనుదిరిగాడు. 16 ఓవర్ల తర్వాత గుజరాత్‌ స్కోర్‌ 138/3. క్రీజ్‌లో హార్ధిక్‌ పాండ్యా (14), మిల్లర్‌ ఉన్నారు. గుజరాత్‌ గెలవాలంటే 24 బంతుల్లో మరో 40 పరుగులు చేయాల్సి ఉంది. 
 

మురుగన్‌ అశ్విన్‌ వేసిన 13వ ఓవర్‌లో గుజరాత్‌ రెండు కీలక వికెట్లు కోల్పోయింది. తొలి బంతికి గిల్‌ను పెవిలియన్‌కు పంపిన అశ్విన్‌.. ఆఖరి బంతికి సాహా (40 బంతుల్లో 55; 6 ఫోర్లు, 2 సిక్సర్లు) ను కూడా ఔట్‌ చేశాడు. 13 ఓవర్ల తర్వాత గుజరాత్‌ స్కోర్‌ 111/2. క్రీజ్‌లో హార్ధిక్‌ పాండ్యా (2), సాయి సుదర్శన్‌ ఉన్నారు. 

అర్ధసెంచరీ పూర్తి చేసుకున్న అనంతరం భారీ షాట్‌కు ప్రయత్నంచిన గిల్‌ (36 బంతుల్లో 52; 6 ఫోర్లు, 2 సిక్సర్లు).. మురుగన్‌ అశ్విన్‌ బౌలింగ్‌లో పోలార్డ్‌కు క్యాచ్‌ ఇచ్చి ఔటయ్యాడు. 

ఓపెనర్లు సాహా (31 బంతుల్లో 47; 6 ఫోర్లు, 2 సిక్సర్లు), శుభ్‌మన్‌ గిల్‌ (29 బంతుల్లో 47; 6 ఫోర్లు, 2 సిక్సర్లు) రెచ్చిపోయి ఆడుతున్నారు. వీరిద్ధరి దాటికి గుజరాత్‌ 10 ఓవర్లలో వికెట్‌ నష్టపోకుండా 95 పరుగులు చేసి, విజయం దిశగా దూసుకెళ్తుంది. 
 

178 పరుగుల లక్ష్యాన్ని ఛేదించేందుకు బరిలోకి దిగిన గుజరాత్‌.. ఇన్నింగ్స్‌ను ధాటిగా ఆరంభించింది. ఓపెనర్లు సాహా (23 బంతుల్లో 37; 5 ఫోర్లు, 2 సిక్సర్లు), శుభ్‌మన్‌ గిల్‌ (13 బంతుల్లో 16; ఫోర్‌, సిక్స్‌) చెలరేగి ఆడుతున్నారు. 6 ఓవర్ల తర్వాత గుజరాత్‌ స్కోర్‌ 54/0.  

తొలుత రోహిత్‌ శర్మ (28 బంతుల్లో 43; 5 ఫోర్లు, 2 సిక్సర్లు), ఇషాన్‌ కిషన్‌ (29 బంతుల్లో 45; 5 ఫోర్లు, సిక్సర్‌), ఆఖర్లో టిమ్‌ డేవిడ్‌ (21 బంతుల్లో 44 నాటౌట్‌; 2 ఫోర్లు, 4 సిక్సర్లు) మెరుపుల కారణంగా గుజరాత్‌తో జరుగుతున్న మ్యాచ్‌లో ముంబై ఇండియన్స్‌ ఓ మోస్తరు స్కోర్‌ను సాధించింది. నిర్ణీత ఓవర్లలో 6 వికెట్ల నష్టానికి 177 పరుగులు చేసింది. గుజరాత్‌ బౌలర్లలో రషీద్‌ ఖాన్‌ 2, ఫెర్గుసన్‌, అల్జరీ జోసఫ్‌, సాంగ్వాన్‌ తలో వి​కెట్‌ పడగొట్టారు. 
 

ఫెర్గూసన్‌ బౌలింగ్‌లో రషీద్‌ ఖాన్‌కు క్యాచ్‌ ఇచ్చి డేనియల్‌ సామ్స్‌ (0) ఔటయ్యాడు. 19 ఓవర్ల తర్వాత ముంబై స్కోర్‌ 164/6. క్రీజ్‌లో టిమ్‌ డేవిడ్‌ (32), మురుగన్‌ అశ్విన్‌ ఉన్నారు.
 

హార్ధిక్‌ పాండ్యా అద్భుతమైన డైరెక్ట్‌ హిట్‌తో తిలక్‌ వర్మ (16 బంతుల్లో 21; 2 ఫోర్లు)ను రనౌట్‌ చేశాడు. 18.5 ఓవర్ల తర్వాత ముంబై స్కోర్‌ 164/5. క్రీజ్లో టిమ్‌ డేవిడ్‌ (15 బంతుల్లో 32; 2 ఫోర్లు, 2 సిక్సర్లు), డేనియల్‌ సామ్స్‌ ఉన్నారు.  
 

రషీద్‌ ఖాన్‌ ముంబై ఇండియన్స్‌ను మరో దెబ్బేశాడు. విధ్వంసకర ఆటగాడు కీరన్‌ పోలార్డ్‌ (14 బంతుల్లో 4)ను క్లీన్‌ బౌల్డ్‌ చేశాడు. 15 ఓవర్ల తర్వాత ముంబై స్కోర్‌ 120/4. క్రీజ్‌లో తిలక్‌ వర్మ (9), టిమ్‌ డేవిడ్‌ (1) ఉన్నారు. 
 

అల్జరీ జోసఫ్‌ బౌలింగ్‌లో రషీద్‌ ఖాన్‌కు క్యాచ్‌ ఇచ్చి ఇషాన్‌ కిషన్‌ (29 బంతుల్లో 45; 5 ఫోర్లు, సిక్స్‌) పెవిలియన్‌ బాట పట్టాడు. 12 ఓవర్ల తర్వాత ముంబై స్కోర్‌ 111/3. క్రీజ్‌లో తిలక్‌ వర్మ (7), పోలార్డ్‌ ఉన్నారు. 
 

99 పరుగుల వద్ద ముంబై ఇండియన్స్‌ రెండో వికెట్‌ కోల్పోయింది. ప్రదీప్‌ సాంగ్వాన్‌ బౌలింగ్‌లో రషీద్‌ ఖాన్‌కు క్యాచ్‌ ఇచ్చి సూర్యకుమార్‌ యాదవ్‌ (11 బంతుల్లో 13; సిక్సర్‌) ఔటయ్యాడు. ఇషాన్‌ కిషన్‌ (40), తిలక్‌ వర్మ (6) క్రీజ్‌లో ఉన్నారు. 11 ఓవర్ల తర్వాత ముంబై స్కోర్‌ 105/2. 
 

సూపర్‌ టచ్‌లో ఉన్నట్లు కనిపించిన రోహిత్‌ శర్మ (28 బంతుల్లో 43; 5 ఫోర్లు, 2 సిక్సర్లు).. రషీద్‌ ఖాన్‌ బౌలింగ్‌లో ఎల్బీడబ్ల్యూగా ఔటయ్యాడు. రషీద్‌ ఎల్బీ అప్పీల్‌ను తొలుత అంపైర్‌ తిరస్కరించగా.. రివ్యూలో రోహిత్‌ ఔటైనట్లు స్పష్టంగా తేలింది. 8 ఓవర్ల తర్వాత ముంబై స్కోర్‌ 76/1. క్రీజ్‌లో ఇషాన్‌ (29), సూర్యకుమార్‌ (1) ఉన్నారు. 
 

ముంబై ఓపెనర్లు రోహిత్‌ శర్మ (24 బంతుల్లో 42; 5 ఫోర్లు, 2 సిక్సర్లు), ఇషాన్‌ కిషన్‌ (12 బంతుల్లో 19; 3 ఫోర్లు) రెచ్చిపోయి ఆడుతున్నారు. వీరిద్దరూ దూకుడుగా ఆడుతూ తొలి వికెట్‌కు 6 ఓవర్లలో 63 పరుగులు జోడించారు. 
 

టాస్‌ ఓడి తొలుత బ్యాటింగ్‌కు దిగిన ముంబై ఇండియన్స్‌కు శుభారంభం లభించింది. ఓపెనర్‌ రోహిత్‌ శర్మ దూకుడుగా ఆడుతున్నాడు. 14 బంతుల్లో 2 ఫోర్లు, 2 సిక్సర్ల సాయంతో 24 పరుగుల వద్ద క్రీజ్‌లో ఉన్నాడు. మరో ఎండ్‌లో ఇషాన్‌ కిషన్‌ (4 బంతుల్లో 4) నిదానంగా ఆడుతున్నాడు. 3 ఓవర్ల తర్వాత ముంబై స్కోర్‌ 29/0. 
 

బ్రబోర్న్‌ వేదికగా ముంబై ఇండియన్స్‌తో జరుగనున్న నామమాత్రపు మ్యాచ్‌లో గుజరాత్‌ టైటాన్స్‌ టాస్‌ గెలిచి ఫీల్డింగ్‌ ఎంచుకుంది. 
తుది జట్లు :
ముంబై ఇండియన్స్ : ఇషాన్‌ కిషన్‌, రోహిత్ శర్మ (కెప్టెన్), టిమ్ డేవిడ్, సూర్యకుమార్ యాదవ్, తిలక్ వర్మ, కీరన్ పొలార్డ్, మురుగన్‌ అశ్విన్‌, డేనియల్ సామ్స్, జస్ప్రీత్ బుమ్రా, కుమార్ కార్తికేయ, రిలే మెరెడిత్

గుజరాత్ టైటాన్స్ : వృద్ధిమాన్ సాహా (వికెట్ కీపర్), శుభ్‌మన్ గిల్, సాయి సుదర్శన్, హార్దిక్ పాండ్యా (కెప్టెన్), డేవిడ్ మిల్లర్, రాహుల్ తెవాటియా, రషీద్ ఖాన్, అల్జరీ జోసెఫ్, ప్రదీప్ సాంగ్వాన్, ఫెర్గూసన్, మహ్మద్ షమీ