ప్రభుత్వ భూముల్ని కాపాడుతాం

పటాన్‌చెరు: అమీన్‌పూర్‌లో ప్రభుత్వ భూముల పరిరక్షణకు చర్యలు తీసుకుంటామని కలెక్టర్‌ ప్రతీక్‌ జైన్‌ పేర్కొన్నారు. అమీన్‌పూర్‌లోని వివాదాస్పద వాళ్ళ నారాయణరావు వెంచర్‌ భూములను గురువారం ఆయన పరిశీలించారు. ఇండస్ట్రియల్‌ ఎంప్లాయిస్‌ కో–ఆపరేటివ్‌ సొసైటీ పరిధిలో ప్రైవేటు పట్టా భూములను తమ అప్పగించాలంటూ ఆ భూ యజమానులకు కొందరు కొంతకాలంగా ప్రభుత్వానికి విజ్ఞప్తి చేస్తూ వస్తున్నారు. ఈ సొసైటీ పరిధిలో ప్రైవేట్‌ భూములు పట్టా యజమానులకు ఇవ్వాలని సినా కమిటీ సూచనల మేరకు న్యాయం చేయాలంటూ భూ యజమానులు జిల్లా అధికారులకు వినతి చేసుకున్నారు. ఆ మేరకు క్షేత్రస్థాయిలో ఆ వివాదాస్పద భూములను కలెక్టర్‌ సందర్శించారు. ఈ సందర్భంగా ఆయన మాట్లాడుతూ..నిబంధన మేరకు చర్యలు తీసుకుంటామని ప్రభుత్వ భూముల అన్యాక్రాంతం అడ్డుకుంటామన్నారు. కలెక్టర్‌ వెంట స్థానిక తహసీల్దార్‌ వెంకటేశం అధికారులు పాల్గొన్నారు.

కలెక్టర్‌ ప్రతీక్‌ జైన్‌