సాగు చేయాలంటే భయమేస్తుంది

యాసంగి సాగు చేయాలంటే భయంగా ఉంది. ఎల్‌నినో ప్రభావంతో సాగునీరుకు, విద్యుత్‌ సరఫరాకు ఇబ్బందులు తలెత్తుతాయని, నా తోటి రైతులు అంటున్నారు. నాకు ఐదున్నర ఎకరాలు భూమి ఉంది. యాసంగిలో వరి వేయవద్దని అధికారులు చెబుతున్నారు. పొద్దుతిరుగుడు సాగు చేయాలనుకుంటున్నా. – ఐలయ్య, రైతు, రాంసాగర్‌, కొమురవెల్లి మండలం

కూరగాయలు సాగు చేస్తా

నాకు మొత్తం 8 ఎకరాల భూమి ఉంది. ఎల్‌నినోతో ఈ యాసంగిలో వరితో పాటు అధిక నీటి వినియోగం ఉన్న పంటలను సాగు చేయవద్దని అధికారులు సూచిస్తున్నారు. దీంతో మూడెకరాల్లో చిరు ధాన్యాలు, ఇతర పంటలు సాగు చేయాలనుకుంటున్నాను. –బొబ్బల తిరుపతిరెడ్డి, రైతు,

మాచాపూర్‌, చిన్నకోడూరు మండలం