TV
● వెలసిన పోస్టర్లు
బడంగ్‌పేట్‌: టౌన్‌ ప్లానింగ్‌లోని రెవెన్యూ అధికారి పై పోస్టర్లు కలకలం రేపాయి. బడంగ్‌పేట సర్కిల్‌ కార్యాలయంలో ఎల్‌ఆర్‌ఎస్‌ కోసం 56 వేల మంది దరఖాస్తు చేసుకున్నారు. 16 వేల మంది ప్రభుత్వానికి ఎల్‌ఆర్‌ఎస్‌ రుసుం చెల్లించారు. ఇప్పటి వరకు 9 వేల దరఖాస్తులు క్లియర్‌ చేశారు. లంచాలు ఇస్తేనే ఆర్‌ఐ అధికారి యాసిన్‌ క్లియర్‌ చేస్తున్నాడని బాధితులు ఆరోపించారు. ఈ క్రమంలో విసుగెత్తిన బాధితులు యాసిన్‌ కనిపించడంలేదంటూ పోస్టర్లు అంటించారు. దీనిపై డిప్యూటీ కమిషనర్‌ సమ్మయ్యను వివరణ కోరగా జోనల్‌ కమిషనర్‌కు లేఖ రాసినట్లు తెలిపారు. ఆర్‌ఐయాసిన్‌ను తొలగించి మరో అధికారిని నియమించాలని జెడ్సీని కోరామని స్పష్టం చేశారు.
