తెలుగుభాష ఉద్యమ పితామహుడు గిడుగు

తెలుగుభాష ఉద్యమ పితామహుడు గిడుగు

ఒంగోలు సబర్బన్‌: తెలుగు వాడుక భాషా ఉద్యమ పితామహుడు గిడుగు వెంకట రామ్మూర్తి..అని జిల్లా జాయింట్‌ కలెక్టర్‌ ఆర్‌.గోపాలకృష్ణ కొనియాడారు. గిడుగు వెంకట రామ్మూర్తి జయంతిని పురస్కరించుకుని శుక్రవారం కలెక్టరేట్లో ఆయన చిత్రపటానికి జేసీతో పాటు డీఆర్‌ఓ బి.చిన ఓబులేసు, ఇతర అధికారులు పూలమాలలు వేసి పుష్పాంజలి ఘటించారు. ఈ సందర్భంగా జాయింట్‌ కలెక్టర్‌ మాట్లాడుతూ మాతృభాష తెలుగు అభివృద్ధికి ప్రతి ఒక్కరూ కృషి చేయాలని జాయింట్‌ కలెక్టర్‌ పిలుపునిచ్చారు. గ్రాంథిక భాషలో ఉన్న తెలుగు వచనాన్ని ప్రజల వాడుక భాషలోకి తీసుకొచ్చి నిత్య వ్యవహారంలోని భాషలో ఉన్న అందాన్నీ, వీలునూ తెలియచెప్పిన మహనీయుడు గిడుగు వెంకట రామ్మూర్తి అని కొనియాడారు. ఆయన జయంతిని తెలుగుభాషా దినోత్సవంగా జరుపుకుంటున్నట్లు తెలిపారు. తాను సివిల్స్‌ పరీక్షలు సైతం తెలుగులోనే రాసిన విషయాన్ని ఈ సందర్భంగా జాయింట్‌ కలెక్టర్‌ ప్రస్తావించారు. కలెక్టరేట్‌ పరిపాలనాధికారి రవి, వివిధ విభాగాల సూపరింటెండెంట్లు, సిబ్బంది పాల్గొన్నారు.

జాయింట్‌ కలెక్టర్‌ గోపాలకృష్ణ