విరిగిపడిన కొండ చరియలు

మల్కన్‌గిరి: మురసు తుఫాన్‌ ప్రభావం మల్కన్‌గిరి జిల్లా మత్తిలి సమితి నాయిక్‌గూడ పంచాయతీలో కనిపించింది. గత మూడు రోజులుగా కురుస్తున్న భారీ వర్షాల కారణంగా పురిగూడ కొండపై కొండచరియలు విరిగిపడి మట్టిపెళ్లలు, భారీ బండరాళ్లు కొండపై నుంచి కింద దొర్లిపడ్డాయి. గురువారం భారీ శబ్ధంతో రెండు బండరాళ్లు ఒకదానికొకటి ఢీకొనడంతో దుమ్ము వ్యాపించింది. వరుసగా పెద్దపెద్ద రాళ్లు కొండపై నుంచి కిందకిపడ్డాయి. ఈ ఘటనతో పురిగూడ గ్రామస్తులు తీవ్ర భయాందోళనకు గురయ్యారు. ప్రాణాలు కాపాడుకునేందుకు గ్రామస్తులు పరుగులు తీస్తూ సురక్షిత ప్రాంతాలకు వెళ్లిపోయారు. గ్రామం కొండ దిగువన ఉండడంతో ఈ ఘటన అనంతరం ప్రజల్లో తీవ్ర భయాందోళనలు నెలకొన్నాయి. అదృష్టవశాత్తు ఈ కొండచరియలు విరిగిపడిన ఘటనలో ఎలాంటి ప్రాణనష్టం, ఆస్తినష్టం జరగలేదు.