ఢిల్లీలో మూతబడ్డ వ్యాక్సినేషన్‌ కేంద్రాలు

Kejriwal Sends SOS To PM Modi And Delhi Halts Vaccine Drive For Young - Sakshi

వ్యాక్సిన్‌ కొరత కారణంగా మూసి వేస్తున్నట్లు సీఎం కేజ్రీవాల్‌ ప్రకటన

18–44 ఏళ్ల వారికి ఆగిన వ్యాక్సినేషన్‌ ప్రక్రియ

ఇలాగైతే వ్యాక్సినేషన్‌ పూర్తి చేయడానికి 30 నెలలు పడుతుంది

టీకా లభ్యతపై కేంద్రానికి 4 సూచనలు చేసిన కేజ్రీవాల్‌

సాక్షి, న్యూఢిల్లీ: కరోనా నియంత్రణ కోసం దేశంలో జరుగుతున్న వ్యాక్సినేషన్‌ ప్రక్రియకు వ్యాక్సిన్ల కొరతతో అడ్డంకులు వస్తున్నాయి. ఢిల్లీలో అనేక కరోనా వ్యాక్సినేషన్‌ కేంద్రాలను మూసివేసినట్లు ముఖ్యమంత్రి అరవింద్‌ కేజ్రీవాల్‌ తెలిపారు. శనివారం మీడియా సమావేశాన్ని నిర్వహించిన ఆయన రాష్ట్రంలో వ్యాక్సినేషన్‌ ప్రక్రియకు సంబంధించిన కీలక విషయాలను వెల్లడించారు. వ్యాక్సిన్ల కొరత కారణంగా రాష్ట్రంలో ప్రస్తుతం మూడో దశలో భాగంగా జరుగుతున్న 18–44 ఏళ్ల వారికి ఇస్తున్న వ్యాక్సిన్‌ ప్రక్రియను నిలిపివేసినట్లు ఆయన తెలిపారు. కేంద్ర ప్రభుత్వం రాష్ట్రానికి పంపిన వ్యాక్సిన్‌ డోస్‌లు అయిపోయాయని, ఈ కారణంగా అనేక వ్యాక్సిన్‌ కేంద్రాలు మూసివేయాల్సి వచ్చిందన్నారు. అంతేగాక కొన్నిచోట్ల పలు డోస్‌లు మిగిలి ఉన్నాయని, అవి పూర్తయిన వెంటనే నేటి నుంచి 18–44ఏళ్ల వారికి కేటాయించిన అన్ని వ్యాక్సినేషన్‌ కేంద్రాలు మూతబడతాయని వివరించారు.  అయితే కేంద్రం నుంచి మరిన్ని వ్యాక్సిన్‌ డోస్‌లను కోరామని, అవి వచ్చిన వెంటనే 18–44ఏళ్ల యువతకు వ్యాక్సినేషన్‌ ప్రక్రియను తిరిగి ప్రారంభిస్తామన్నారు.

అంతేగాక రాష్ట్రంలో ఆసుపత్రులు, పడకలు, ఐసీయూలు, వెంటిలేటర్లు వంటి సౌకర్యాలను అందిస్తున్నప్పుడు, కరోనా మరణాలను నివారించడానికి వ్యాక్సినేషన్‌ అనేది అత్యంత ప్రభావవంతమైన మార్గమని ఆయన పేర్కొన్నారు. వ్యాక్సిన్‌ డోస్‌లు అందుబాటులో లేకపోవడం అనేది కేవలం ప్రభుత్వానికి సంబంధించిన ఆందోళన మాత్రమే కాదని, సామాన్యులు తీవ్రంగా భయాందోళనలకు గురవుతున్నారని కేజ్రీవాల్‌ గుర్తుచేశారు. ఈ నేపథ్యంలో కరోనా నియంత్రణ చేసి దేశాన్ని కాపాడేందుకు వెంటనే వ్యాక్సిన్ల లభ్యతను పెంచాలని కేంద్రానికి ఢిల్లీ సీఎం విజ్ఞప్తి చేశారు.

ఢిల్లీకి ప్రతి నెలా 80 లక్షల వ్యాక్సిన్‌ డోస్‌లు అవసరమని, కానీ మే నెలలో కేవలం 16 లక్షల వ్యాక్సిన్లు మాత్రమే వచ్చాయన్నారు. అంతేగాక ఈ కోటాను కేంద్రం జూన్‌ నెలలో ఎనిమిది లక్షలకు తగ్గించిందని తెలిపారు. ఇప్పటివరకు ఢిల్లీలో సుమారు 50 లక్షల వ్యాక్సిన్‌ డోస్‌లను ఇచ్చామన్నారు. ఢిల్లీలోని 18–44 ఏళ్ల వారికి వ్యాక్సినేషన్‌ ప్రక్రియ పూర్తిచేసేందుకు రాష్ట్రానికి రెండున్నర కోట్ల వ్యాక్సిన్‌ డోస్‌లు అవసరమని తెలిపారు. ఇదే వేగంతో వ్యాక్సినేషన్‌ ప్రక్రియ కొనసాగిస్తే ఢిల్లీలోని 18–44 ఏళ్ల వారికి వ్యాక్సినేషన్‌ పూర్తిచేయడానికి కనీసం 30 నెలలు పడుతుందని కేజ్రీవాల్‌ అన్నారు.

కేంద్రప్రభుత్వానికి కేజ్రీవాల్‌ చేసిన నాలుగు సూచనలు

1. కోవాగ్జిన్‌ తయారుచేసే భారత్‌ బయోటెక్‌ సంస్థ తన ఫార్ములాను ఇతర కంపెనీలకు ఇవ్వడానికి సిద్ధంగా ఉంది. దేశంలో వ్యాక్సిన్లు తయారుచేసే మిగతా కంపెనీలన్నింటినీ కేంద్ర ప్రభుత్వం పిలిపించి, ఈ ఫార్ములాతో వ్యాక్సిన్‌ డోస్‌లను యుద్ధ ప్రాతిపదికన తయారు చేయాలని ఆదేశించాలి.

2. అన్ని విదేశీ వ్యాక్సిన్లను భారతదేశంలో వాడేందుకు అనుమతించాలి. కేంద్ర ప్రభుత్వం విదేశీ వ్యాక్సిన్ల తయారీదారులతో స్వయంగా మాట్లాడాలి. ఈ పనిని రాష్ట్ర ప్రభుత్వాలకు వదిలివేయరాదు.

3. తమ జనాభా కంటే ఎక్కువ టీకాలు సేకరిస్తున్న రాష్ట్రాలతో కేంద్రం మాట్లాడాలి. ఇలాంటి చర్యలను నిరాకరించాలి.

4. భారతదేశంలో ఉత్పత్తి చేయడానికి విదేశీ వ్యాక్సిన్‌ కంపెనీలను అనుమతించాలి.

(చదవండి: Rahul Gandhi: మోదీది మొసలికన్నీరు)

Read latest National News and Telugu News | Follow us on FaceBook, Twitter, Telegram

మరిన్ని వార్తలు

23-05-2021
May 23, 2021, 08:18 IST
న్యూఢిల్లీ: దేశంలో అత్యధిక కోవిడ్‌ మరణాలకు ప్రధాని మోదీ కన్నీరు కార్చడమే కేంద్ర ప్రభుత్వం స్పందన అని కాంగ్రెస్‌ నేత రాహుల్‌...
23-05-2021
May 23, 2021, 05:34 IST
సాక్షి, న్యూఢిల్లీ: భారత్‌లో కరోనా ప్రకోపం కాస్తంత తగ్గిన దాఖలాలు కనిపిస్తున్నాయి. ఈ నెల పదో తేదీన 24.83 శాతంగా...
23-05-2021
May 23, 2021, 05:25 IST
ఇండియానాపొలిస్‌(అమెరికా): దేశం మొత్తమ్మీద కోవిడ్‌–19 నిరోధక టీకాలు తీసుకున్న వారి సంఖ్య 20 కోట్లకు చేరువ అవుతోంది. తొలి డోసు...
23-05-2021
May 23, 2021, 05:03 IST
పెదబయలు: కోవిడ్‌పై గ్రామాల్లో అవగాహన పెరుగుతోంది. లేనిపోని భయాలు తగ్గి..తగు జాగ్రత్తలతో మృతులకు అంత్యక్రియలు నిర్వహిస్తున్నారు. కరోనా మహమ్మారి బాంధవ్యాలను,...
23-05-2021
May 23, 2021, 04:42 IST
దుగ్గిరాలపాడు (జి.కొండూరు): చేదు అనుభవాల నుంచి నేర్చుకున్న గుణపాఠంలా.. 2017లో డెంగీ జ్వరాలతో అల్లాడిపోయిన దుగ్గిరాలపాడు గ్రామ ప్రజలు నేడు...
23-05-2021
May 23, 2021, 03:51 IST
సాక్షి, అమరావతి: కోవిడ్‌ వ్యాక్సిన్‌ను అందరికీ ఉచితంగా వేయడానికి కేంద్ర ప్రభుత్వం సిద్ధంగా లేకపోయినప్పటికీ రాష్ట్రంలో అందరికీ ఉచితంగా వ్యాక్సిన్‌...
23-05-2021
May 23, 2021, 03:17 IST
ముంబై సెంట్రల్‌: రాష్ట్రంలోని పలు జిల్లాల్లో కరోనా మహమ్మారి విశ్వరూపం ఇంకా కొనసాగుతోంది. దీంతో ఆయా జిల్లాల్లో లాక్‌డౌన్‌ ఆంక్షలను...
23-05-2021
May 23, 2021, 03:01 IST
సాక్షి, అమరావతి: కోవిడ్‌ నియంత్రణకు ప్రస్తుతం వ్యాక్సినేషనే శరణ్యమని, ఇలాంటి పరిస్థితిలో ప్రైవేట్‌ ఆస్పత్రుల వారు నేరుగా వ్యాక్సిన్‌ కోనుగోలు...
23-05-2021
May 23, 2021, 02:22 IST
సాక్షి, హైదరాబాద్‌/ నెట్‌వర్క్‌: శనివారం ఉదయం 10.30 గంటలు.. రాష్ట్రవ్యాప్తంగా పట్టణాలు, పల్లెల్లోకి వచ్చీపోయే దారులన్నీ మూతపడ్డాయి.. ప్రధాన రహదారులన్నిటా చెక్‌పోస్టులు...
23-05-2021
May 23, 2021, 02:20 IST
సాక్షి, హైదరాబాద్‌: కరోనా ఏడాదిగా మనిషికి ఆశ్చర్యానికి గురిచేస్తూనే ఉంది. వ్యాధి లక్షణాలు మొదలుకొని వైరస్‌ వ్యాప్తి వరకూ ఎప్పటికప్పుడు...
23-05-2021
May 23, 2021, 02:08 IST
సాక్షి, హైదరాబాద్‌ : రాష్ట్రంలో బ్లాక్‌ఫంగస్‌ పంజా విసురుతోంది. రోజురోజుకు బాధితుల సంఖ్య పెరుగుతుండటంతో ఆందోళన వ్యక్తమవుతోంది. శనివారం వికారాబాద్‌ జిల్లాకు...
23-05-2021
May 23, 2021, 02:07 IST
సాక్షి, హైదరాబాద్‌: రాష్ట్రంలో కరోనా వైరస్‌ వ్యాప్తి గణ నీయంగా తగ్గుతోంది. పక్షం రోజుల క్రితం వరకు నిర్ధారణ పరీక్షల్లో...
23-05-2021
May 23, 2021, 01:43 IST
సాక్షి, హైదరాబాద్‌: ‘కరోనా సెకండ్‌ వేవ్‌ నియంత్రణ అంటే.. మొదటగా టెస్టుల్లో పాజిటి విటీ రేట్‌ తగ్గుతుంది. ఆ తర్వాత...
23-05-2021
May 23, 2021, 01:42 IST
జార్ఖండ్‌ నుంచి ఒక రైలు బయలుదేరింది. అయితే అది మామూలు రైలు కాదు. ‘ఆక్సిజన్‌ ఎక్స్‌ప్రెస్‌’. దాదాపు 2000 కిలోమీటర్ల...
23-05-2021
May 23, 2021, 01:29 IST
న్యూఢిల్లీ/చెన్నై: దేశంలో కరోనా పాజిటివ్‌ కేసులు కొంత తగ్గుముఖం పడుతూ రికవరీ రేటు పెరుగుతున్నప్పటికీ.. ముప్పు ఇంకా తొలగిపోలేదని కేంద్ర...
23-05-2021
May 23, 2021, 01:27 IST
కార్మిక సంఘాల పోరుబాటలో జీవిత చరమాంకం వరకు పిడికిలి బిగించి ముందు వరుసలో నడిచిన జ్యోత్స ్న బసు.. కరోనా...
22-05-2021
May 22, 2021, 21:46 IST
సాక్షి, హైదరాబాద్‌: తెలంగాణలో లాక్‌డౌన్‌ పటిష్టంగా అమలవుతుంది. లాక్‌డౌన్‌ నిబంధనలు పాటించనివారిపై పోలీసులు ఉక్కుపాదం మోపుతున్నారు. రాచకొండ కమిషనరేట్‌ పరిధిలో లాక్‌డౌన్‌ను...
22-05-2021
May 22, 2021, 20:54 IST
బీజింగ్‌: కోవిడ్‌ వ్యాప్తి మొదలైనప్పుడు మాజీ అమెరికా ప్రెసిడెంట్‌ డొనాల్డ్‌ ట్రంప్‌ కరోనాను చైనీస్‌ వైరస్‌ అని ఆరోపించిన సంగతి తెలిసిందే....
22-05-2021
May 22, 2021, 17:57 IST
హైదరాబాద్‌: కరోనా నిబంధనలు పాటిస్తూ.. స్వీయ రక్షణకు సమష్టి నిర్ణయాలు తీసుకొని ఆచరిస్తూ కంటికి కనిపించని వైరస్‌ అనే శత్రువుతో...
22-05-2021
May 22, 2021, 17:11 IST
సాక్షి, హైదరాబాద్‌:  కరోనా బాధితులకు ఉపయోగిస్తున్న రెమ్‌డెసివర్‌ ఇంజక్ష బ్లాక్‌మార్కెట్‌ దందా కొనసాగుతూనే ఉంది. తాజాగా రెమ్‌డెసివర్‌ను బ్లాక్‌మార్కెట్‌లో విక్రయిస్తున్న వ్యక్తిని...
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి



 

Read also in:
Back to Top