TV
మునుగోడు : సర్‌ ప్రక్రియలో భాగంగా దరఖాస్తులు, ధ్రువీకరణ పత్రాలను బీఎల్‌ఓలు క్షుణ్ణంగా పరిశీలించి, అప్రమత్తంగా వ్యవహరించాలని జిల్లా ఓటరు జాబితా ఎన్నికల పరిశీలకురాలు, రాష్ట్ర కళాశాల, సాంకేతిక విద్య కమిషనర్‌ శ్రీదేవసేన సూచించారు. మునుగోడు ప్రాథమిక పాఠశాలలోని 171 పోలింగ్‌ కేంద్రాన్ని మంగళవారం ఆమె పరిశీలించారు. బీఎల్‌ఓ పద్మతో ఆమె మాట్లాడి ఓటరు నమోదు, దరఖాస్తుల పరిశీలన, నోటీసుల జారీ, ధ్రువీకరణ పత్రాల పరిశీలన తదితర అంశాలపై వివరాలను అడిగి తెలుసుకున్నారు. ఓటరు జాబితా తయారీలో నింబధనలను పాటించాలని సూచించారు.
