విజయ్‌ దేవరకొండ సినిమా నుంచి శ్రీలీల ఔట్‌.. క్రేజీ హీరోయిన్‌కు ఛాన్స్‌ | Rashmika Mandanna Replaces Sreeleela In Vijay Devarakonda VD12 Movie, Interesting Deets Inside - Sakshi
Sakshi News home page

VD12 Movie: విజయ్‌ దేవరకొండ కోసం వచ్చేస్తున్న రష్మిక మందన్న.. ఖుషి అవుతున్న ఫాన్స్‌

Published Wed, Sep 27 2023 8:24 AM | Last Updated on Wed, Sep 27 2023 9:40 AM

Vijay Devarakonda And Rashmika Mandanna Again Movie VD12 - Sakshi

‘పెళ్లి సందడి’ సినిమాతో టాలీవుడ్‌లోకి అడుగుపెట్టిన కన్నడ నటి శ్రీలీల వరుస సినిమాలతో బిజీగా ఉంది. విరామం తీసుకోకుండా నిరంతరం షూటింగ్‌లో పాల్గొంటుంది. యంగ్ హీరోల నుంచి టాప్ హీరోల వరకు అందరితో సినిమాలు చేస్తుంది. రామ్ పోతినేని 'స్కంద', బాలయ్య 'భగవంత్ కేసరి', నితిన్ 'ఎక్స్‌ట్రార్డినరీ మ్యాన్', వైష్ణవ్ తేజ్ 'ఆదికేశవ', పవన్ కళ్యాణ్ 'ఉస్తాద్ భగత్ సింగ్', మహేష్ బాబు 'గుంటూరు కారం' సహా శ్రీలీల బిజీగా ఉంది.

(ఇదీ చదవండి: ప్రియమణిపై మరో రూమర్స్‌.. జీర్ణించుకోలేకపోతున్న ఎన్టీఆర్‌ ఫ్యాన్స్‌)

దీంతో పాటు విజయ్ దేవరకొండ నటిస్తున్న VD12లో శ్రీలీల నటిస్తుందని అధికారికంగా ప్రకటించారు. ఈ సినిమాకు సంబంధించిన పూజా కార్యక్రమంలో శ్రీలీల కూడా పాల్గొన్నారు. అయితే ఇప్పుడు ఈ సినిమా నుంచి శ్రీలీల తప్పుకుంది. కాల్ షీట్‌లో డేట్ అడ్జస్ట్ కాకపోవడంతో శ్రీలీల ఈ అవకాశాన్ని వదులుకున్నట్లు తాజా సమాచారం. ఇది కాకుండా, శ్రీలీల స్థానాన్ని నేషనల్ క్రష్ రష్మిక మందన్న భర్తీ చేస్తుందని సమాచారం. విజయ్ దేవరకొండ- రష్మిక మందన్న ఇప్పటికే గీత గోవిందం, డియర్‌ కామ్రెడ్‌లో మెప్పించిన విషయం తెలిసిందే.

'ఖుషి' సినిమా విజయంతో విజయ్ దేవరకొండ ఉన్నారు. నేషనల్ క్రష్ రష్మిక మందన్న యానిమల్, పుష్ప 2 చిత్రాలతో పాటు మరో పాన్ ఇండియా ప్రాజెక్ట్‌ను కూడా ఆమె అంగీకరించింది. తాత్కాలికంగా D51 అని పేరు పెట్టారు. ఇందులో ఆమె ధనుష్‌తో కలిసి స్క్రీన్‌ను పంచుకోనుంది. ప్రస్తుతం రష్మిక చేతిలో అన్నీ పాన్‌ ఇండియా చిత్రాలే ఉండటం గమనార్హం. విజయ్- రష్మిక జంటగా తెరపై మళ్లీ కనిపించనున్నారని వార్తలు రావడంతో రౌడీ ఫ్యాన్స్‌ ఫుల్‌ జోష్‌లో ఉన్నారు. వారిద్దరూ కలిసి నటించిన రెండు సినిమాలు మంచి విజయాన్ని అందుకున్నాయి. దీంతో హ్యాట్రిక్‌ ఖాయం అని వారు కామెంట్లు చేస్తున్నారు.

No comments yet. Be the first to comment!
Add a comment
Advertisement
Advertisement
 
Advertisement
 
Advertisement