TV
ఈ సినిమా సక్సెస్‌ తర్వాత మరింత హ్యాపీగా ఉన్న ఈ జంట తమ బంధాన్ని నెక్స్ట్‌ లెవల్‌కు తీసుకెళ్లాలనుకున్నారు. ఇందుకోసం యూకేలో ఖరీదైన భవంతిని కొనుగోలు చేశారు.
టామ్‌ హాలండ్‌, జెండయా.. వీరిద్దరూ నటించిన 'స్పైడర్‌ మ్యాన్‌: నో వే హోమ్‌' రూ.12 వేల కోట్ల కలెక్షన్లు సాధించిన విషయం తెలిసిందే. ఈ సినిమా సక్సెస్‌ తర్వాత మరింత హ్యాపీగా ఉన్న ఈ జంట తమ బంధాన్ని నెక్స్ట్‌ లెవల్‌కు తీసుకెళ్లాలనుకున్నారు. ఇందుకోసం యూకేలో ఖరీదైన భవంతిని కొనుగోలు చేశారు. దీని విలువ ఎంతనుకుంటున్నారు. భారత కరెన్సీ ప్రకారం అక్షరాలా 36 కోట్ల రూపాయలు.
టామ్‌, జెండయా 2016లో 'స్పైడర్‌ మ్యాన్‌: హోమ్‌ కమింగ్‌' సినిమా సెట్స్‌లో తొలిసారిగా కలుసుకున్నారు. ఈ సినిమా చిత్రీకరణలోనే ఇద్దరూ లవ్‌లో పడ్డారట. ఆ తర్వాత స్నేహితుల పెళ్లికి ఈ లవ్‌బర్డ్స్‌ కలిసే వెళ్లేవారు. ఆ సమయంలో ఇద్దరూ ఒకరి చేతులు మరొకరు పట్టుకుని ఉన్న వీడియోలు, ఫొటోలు నెట్టింట చక్కర్లు కొట్టాయి. ఇక వీరు డేటింగ్‌ చేయడానికి ఒక ఇల్లు ఉండాలనుకున్నారో ఏమో కానీ ఇప్పుడేకంగా లండన్‌లో ఖరీదైన భవంతిని కొనుగోలు చేశారు. ఇందులో సినిమా థియేటర్‌, జిమ్‌ ఇలా అన్నీ ఉన్నాయట! టామ్‌కు యూకేలో ఇదివరకే మూడు గదుల ఫ్లాట్‌ ఉండగా, జెండయాకు లాస్‌ ఏంజిల్స్‌లో సొంత ఇల్లు ఉంది.
