'టిల్లు స్క్వేర్‌': ఇట్ల నవ్వే మా బతుకులు నవ్వులపాలు చేస్తరు! | Sakshi
Sakshi News home page

Tillu Square Trailer: సిద్ధు, అనుపమ​ 'టిల్లు స్క్వేర్‌' ట్రైలర్‌ వచ్చేసింది

Published Wed, Feb 14 2024 6:36 PM

Tillu Square Theatrical Trailer Out Now - Sakshi

‘డీజే టిల్లు’ వంటి హిట్‌ మూవీతో యూత్‌లో మంచి క్రేజ్‌ సొంతం చేసుకున్నారు హీరో సిద్ధు జొన్నలగడ్డ. ఆ సినిమా హిట్‌ కావడంతో దానికి సీక్వెల్‌గా  'టిల్లు స్క్వేర్‌' పేరుతో మరోసారి ప్రేక్షకుల ముందకు వచ్చేస్తున్నాడు. తాజాగా ఈ సినిమా ట్రైలర్‌ను మేకర్స్‌ విడుదల చేశారు.

'ఆహా ఇట్ల నవ్వే.. మా బతుకు నవ్వులపాలు చేస్తారు తర్వాత.., పోయినసారికన్నా ఈసారి గట్టిగ తగిలేటట్లుంది దెబ్బ.. టిల్లు అనేటోడు నార్మల్‌ హ్యూమన్‌బీయింగ్‌ అయితే కాదు. నేనొక కారణజన్ముడిని..' అన్న డైలాగులు నవ్వు పుట్టిస్తున్నాయి.

మల్లిక్‌ రామ్‌ దర్శకత్వం వహిస్తున్న ఈ సినిమాని సితార ఎంటర్‌టైన్‌మెంట్స్‌ సంస్థ నిర్మిస్తోంది. అనుపమ పరమేశ్వరన్‌ కథానాయిక. ఈ సినిమా మార్చి 29న విడుదల కానుంది. డీజే టిల్లు మాదిరే ఈ సినిమా కూడా అభిమానుల్నే కాకుండా ప్రేక్షకులందర్ని అలరిస్తుందని మేకర్స తెలిపారు. ‘టిల్లు స్క్వేర్‌’ కచ్చితంగా  మరో మరిచిపోలేని వినోదాత్మక సినిమాగా నిలుస్తుందని వారు అభిప్రాయపడ్డారు. 

- పోడూరి నాగ ఆంజనేయులు

Advertisement
 
Advertisement
 
Advertisement