Stand Up Rahul: ర‌ష్మిక చేతుల మీదుగా ప‌ద సాంగ్ రిలీజ్‌

రాజ్‌ తరుణ్, వర్ష బొల్లమ్మ జంటగా నటించిన చిత్రం ‘స్టాండప్‌ రాహుల్‌’. శాంటో మోహన్‌ వీరంకి దర్శకత్వంలో నందకుమార్‌ అబ్బినేని, భరత్‌ మాగులూరి నిర్మించారు. ‘పద..’ అంటూ సాగే ఈ సినిమాలోని పాటను హీరోయిన్‌ రష్మికా మందన్న మంగళవారం విడుదల చేశారు. నలుగురు స్నేహితుల రోడ్‌ ట్రిప్‌ నేపథ్యంలో ఈ పాట వస్తుందని తెలుస్తోంది.

స్వీకర్‌ అగస్తి ట్యూన్‌ అందించగా, యాజిన్‌ నిజర్‌ పాడారు. రెహమాన్‌ సాహిత్యం అందించారు. ‘‘జీవితంలో ఏ విషయానికి కూడా స్థిరంగా నిలబడడానికి ఇష్టపడని వ్యక్తి స్టాండప్‌ కమెడియన్‌గా మారతాడు. అలాంటి యువకుడి జీవితంలోకి నిజమైన ప్రేమ ఎదురయినప్పుడు ఎలా కష్టపడాల్సి వస్తుంది? అన్నదే చిత్రకథ’’ అని చిత్రబృందం పేర్కొంది. ఈ చిత్రానికి సమర్పణ: సిద్ధు ముద్ద.