హనుకి గ్రీన్‌ సిగ్నల్‌?

ప్రస్తుతం ‘సలార్‌’, ప్రా జెక్ట్‌ కె’, ‘రాజా డీలక్స్‌’ (వర్కింగ్‌ టైటిల్‌) సినిమాలతో బిజీగా ఉన్నారు ప్రభాస్‌. ఆ సినిమా చిత్రీకరణలు  తుది దశకు చేరుకున్న నేపథ్యంలో కొత్త సినిమాల కోసం కథలు  వింటున్నారట ప్రభాస్‌. ఇందులో భాగంగా దర్శకుడు హను రాఘవపూడి చెప్పిన ఓ కథ ప్రభాస్‌కు నచ్చిందని, ఈ కథకు ప్రభాస్‌ ఆల్మోస్ట్‌ గ్రీన్‌ సిగ్నల్‌ ఇచ్చారని, దీంతో ఈ స్క్రిప్ట్‌కు హను  రాఘవపూడి తుది మెరుగులు దిద్దే పనిలో ఉన్నారని ఫిల్మ్‌నగర్‌ భోగట్టా.

అంతేకాదు.. ఈ సినిమాను మైత్రీ మూవీమేకర్స్‌ పతాకంపై నవీన్‌ ఎర్నేని, వై. రవిశంకర్‌ నిర్మిస్తారనే ప్రచారం జరుగుతోంది. మరోవైపు ప్రస్తుతం ‘రాజా  డీలక్స్‌’ షూటింగ్‌లో పాల్గొంటున్నారు ప్రభాస్‌. అలాగే ప్రభాస్‌ నటించిన ‘ఆదిపురుష్‌’ చిత్రం జూన్‌ 16న థియేటర్స్‌లో రిలీజ్‌ కానున్న సంగతి తెలిసిందే.