Krithi Shetty In Kushi Movie: విజయ్‌ దేవరకొం‍డ ఖుషీ సినిమాలో కృతిశెట్టి! మరి సమంత?

విజయ్‌ దేవరకొండ- సమంత జంటగా నటిస్తున్న సినిమా ఖుషీ. శివ నిర్వాణ దర్శకత్వం వహిస్తున్న ఈ సినిమా షూటింగ్‌ ఇప్పటికే రెండు షెడ్యూల్స్‌ పూర్తి చేసుకుంది. సమంత అనారోగ్యం కారణంగా ప్రస్తుతం షూటింగ్‌కి బ్రేక్‌ పడింది. ఇదిలా ఉండగా ఈ ప్రాజెక్ట్‌కి సంబంధించి ఓ ఇంట్రెస్టింగ్‌ న్యూస్‌ నెట్టింట చక్కర్లు కొడుతుంది. ఈ చిత్రంలో సమంతతో పాటు మరో హీరోయిన్‌గా కృతిశెట్టికి అవకాశం దక్కిందట.

నెగిటివ్‌ షేడ్స్‌ ఉన్న ఈ రోల్‌ సినిమా చివర్లో చాలా ఎమోషనల్‌గా మారుతుందని, ఈ పాత్రలో కృతిశెట్టి నటించనున్నట్లు టాక్‌ వినిపిస్తుంది. దీనిపై ఇంకా అఫీషియల్‌ అనౌన​్‌మెంట్‌ రావాల్సి ఉంది. ఒకవేళ ఇదే నిజమైతే విజయ్‌తో కృతిశెట్టి చేయబోయే మొదటి సినిమా ఇదే అవుతుంది. దీంతో బేబమ్మ ఫ్యాన్స్‌ ఖుషీ అవుతున్నారు.