Sidharth Malhotra : మాజీ బాయ్‌ఫ్రెండ్‌ రిసెప్షన్‌కు రానున్న ఆలియా భట్‌!

బాలీవుడ్‌ లవ్‌ బర్డ్స్‌ కియారా అద్వాణీ-సిద్ధార్థ్‌ మల్హోత్రాలు పెళ్లిబంధంతో ఒక్కటైన సంగతి తెలిసిందే. రాజస్థాన్‌ జైసల్మేర్‌లోని సూర్యగఢ్‌ ప్యాలెస్‌లో కుటుంబసభ్యులు, బంధుమిత్రల సమక్షంలో వీరి వివాహం ఘనంగా జరిగింది. ఇక రిసెప్షన్‌ను ముంబైలో గ్రాండ్‌గా నిర్వహించనున్నారు. రేపు(ఆదివారం)ముంబైలోని ఓ స్టార్‌ హోటల్‌లో సాయంత్రం 8:30 గంటలకు సిద్‌-కియారాలు రిసెప్షన్‌ ఏర్పాటు చేశారు. ఇప్పటికే దీనికి సంబంధించిన పనులు పూర్తయ్యాయి.

ఇక ఈ రిసెప్షన్‌కు వచ్చే బాలీవుడ్‌ సెలబ్రిటీల లిస్ట్‌ కూడా నెట్టింట లీక్‌ అయ్యింది. షారుక్‌ ఖాన్‌, ఆలియా భట్‌,రణ్‌బీర్‌ కపూర్‌, సల్మాన్‌ ఖాన్‌, హిద్‌ కపూర్‌, కరణ్‌ జోహార్‌,వరుణ్‌ ధావన్‌, అక్షయ్‌ కుమార్‌, పరిణీతి చోప్రా, జుహీ చావ్లా, అనిల్‌ కపూర్‌, రకుల్‌ ప్రీత్‌ సింగ్‌ సహా పలువురు సినీ ప్రముఖులు ఈ వెడ్డింగ్‌ రిసెప్షన్‌లో సందడి చేయనున్నట్లు తెలుస్తుంది.

వీరితో పాటు మీడియాకు చెందిన పలువురు హాజరు కానున్నారు. కాగా ఈ లిస్ట్‌లో ఆలియా దంపతుల పేర్లు కూడా ఉండటం విశేషం. గతంలో 'స్టూడెంట్‌ ఆఫ్‌ ది ఇయర్‌' మూవీ షూటింగ్‌లో ఆలియా- సిద్దార్థ్‌లు ప్రేమలో పడి ఆ తర్వాత బ్రేకప్‌ చెప్పేసుకున్నారు. తర్వాత  ఆలియా రణ్‌బీర్‌ను పెళ్లాడగా,సిద్‌-కియారాను ప్రేమించి పెళ్లి చేసుకున్నాడు.