Karate Kalyani: Actress Reacts On Attack Over Youtuber Srikanth Reddy, News Viral - Sakshi
Sakshi News home page

Karate Kalyani Vs Srikanth Reddy: 'ప్రాంక్‌ వీడియోల పేరుతో అడల్ట్‌ వీడియోలు తీస్తున్నాడు'

Published Fri, May 13 2022 4:47 PM | Last Updated on Fri, May 13 2022 6:25 PM

Karate Kalyani Reacts On Attack Over Youtuber Srikanth Reddy - Sakshi

యూట్యూబర్‌ శ్రీకాంత్‌రెడ్డి, నటి కరాటే కల్యాణి మధ్య జరిగిన వాగ్వాదం ఇప్పుడు నెట్టింట హాట్‌టాపిక్‌గా మారింది. ప్రాంక్‌ వీడియోల పేరుతో మహిళలతో అసభ్య వీడియోలు చేయిస్తున్నారంటూ కరాటే కల్యాణి అతడిపై దాడి చేసిన సంగతి తెలిసిందే. ఆ తర్వాత ఒకరిపై ఒకరు పరస్పరం దాడి చేసుకోవడంతో ఈ ఘర్షణ మరింత ముదిరింది.

ఈ క్రమంలో ఇరువురు ఎస్‌ఆర్‌నగర్‌ పోలీస్‌ స్టేషన్‌లో ఫిర్యాదు చేసుకున్నారు. తాజాగా ఈ వివాదంపై నటి కరాటే కల్యాణి స్పందించింది. వీడియోల పేరుతో శ్రీకాంత్‌ రెడ్డి ఇ‍ష్టం వచ్చినట్లు ప్రవర్తిస్తున్నాడని, గతంలోనూ అమ్మాయిలను వేధించాడని ఆరోపించింది.

'బిగ్‌బాస్‌లో ఛాన్స్‌ ఇప్పిస్తా, యూట్యూబ్‌ స్టార్స్‌ని చేస్తా అని అమ్మాయిలను ట్రాప్‌ చేస్తాడు. ఈ విషయంపై మాట్లాడేందుకు వెళ్తే నాతోనూ అసభ్యంగా ప్రవర్తించాడు. డబ్బులిస్తాను.. నాతో కలిసి అడల్ట్‌ కంటెంట్‌ చేస్తావా? అని అడిగాడు. ఆ మాటకి కోపం వచ్చి చెంప పగలకొట్టాను. మహిళలతో ఇంత చీప్‌గా బిహేవ్‌ చేస్తున్న శ్రీకాంత్‌ రెడ్డి ఛానెల్‌ను యూట్యూబ్‌ నుంచి తక్షణమే తొలగించాలి' అని కరాటే కల్యాణి  డిమాండ్‌ చేసింది.

No comments yet. Be the first to comment!
Add a comment
Advertisement
Advertisement
Advertisement