లైఫ్‌.. డెత్‌.. ఫేట్‌.. ఇదే సర్కిల్‌

Circle Movie Teaser Launch - Sakshi

సాయి రోనక్‌ హీరోగా, బాబా భాస్కర్, అర్షిణ్‌ మెహతా, రిచా పనై, నైనా కీలక పాత్రల్లో నటించిన చిత్రం ‘సర్కిల్‌’. నీలకంఠ దర్శకత్వంలో ఎమ్‌.వి. శరత్‌ చంద్ర, టి. సుమలత అన్నిత్‌ రెడ్డి, వేణుబాబు అడ్డగడ నిర్మించిన ఈ చిత్రం త్వరలో విడుదల కానుంది. ఈ సందర్భంగా సోమవారం నిర్వహించిన విలేకర్ల సమావేశంలో ‘సర్కిల్‌’ టీజర్‌ను విడుదల చేశారు. సాయి రోనక్‌ మాట్లాడుతూ– ‘‘ఈ సినిమాలో నేను ఫొటోగ్రాఫర్‌ పాత్ర చేశాను’’ అన్నారు.

‘‘సర్కిల్‌ ఆఫ్‌ లైఫ్, సర్కిల్‌ ఆఫ్‌ డెత్, సర్కిల్‌ ఆఫ్‌ ఫేట్‌ .. అనే ఈ మూడు అంశాల కలయికయే ఈ చిత్రం. తన జీవితంలో జరిగిన కొన్ని çఘటనల కారణంగా తనకు ఎవరు మిత్రుడో, ఎవరు శత్రువో తెలసుకోలేని సందిగ్థంలో పడే హీరో ఆ పరిస్థితుల నుంచి ఎలా బయటపడతాడన్నదే ఈ సినిమా కథ’’ అన్నారు నీలకంఠ. ‘‘ఈ సినిమా ప్రేక్షకులకు బాగా నచ్చతుంది. మా తర్వాతి సినిమాను కూడా నీలకంఠగారితోనే చేయాలనుకుంటున్నాం’’ అన్నారు నిర్మాత శరత్‌ చంద్ర. 

Read latest Movies News and Telugu News | Follow us on FaceBook, Twitter, Telegram



 

Read also in:
Back to Top